¿Á náʼa̱ ña̱ profecía ña̱ va̱xi nu̱ú Biblia ña̱ xi̱kuu ta̱ Jesús ta̱ Mesías?
Ña̱ káʼa̱n Biblia xa̱ʼa̱ ña̱yóʼo
Náʼa̱vaña, tá ni̱xi̱yo ta̱ Jesús nu̱ú ñuʼú yóʼo sa̱xínura ku̱a̱ʼání profecía ña̱ káʼa̱n xa̱ʼa̱ ta̱ “Mesías ta̱ nda̱kaxin Ndióxi̱”, ta ta̱yóʼo xa̱a̱ra koora “ta̱ sáka̱ku na̱ yiví” (Daniel 9:25; 1 Juan 4:14). Ni tá ni̱xi̱ʼi̱ ta̱ Jesús sa̱xínuvara profecía ña̱ káʼa̱n xa̱ʼa̱ra ña̱ kúúra ta̱ Mesías (Salmo 110:1; Hechos 2:34-36).
¿Ndáaña kúni̱ kachi Mesías?
Ña̱ tu̱ʼun hebreo Maschíaj (Mesías) ta saátu tu̱ʼun griego Kjristós (Cristo) kúni̱ kachiña “ta̱ nda̱kaxinna”. Xa̱ʼa̱ ña̱kán, Jesucristo kúni̱ kachiña “ta̱ Jesús ta̱ nda̱kaxinna” á “ta̱ Jesús ta̱ kúú Mesías”.
Tá tiempo xi̱naʼá, tá xi̱ndaka̱xinna iinna ña̱ keʼéna iin chiñu ña̱ ndáyáʼvi xi̱chika̱a̱na aceite xi̱nína (Levítico 8:12; 1 Samuel 16:13). Ndióxi̱ nda̱kaxinra ta̱ Jesús ña̱ koora ta̱ Mesías, ta iin chiñu ña̱ ndáyáʼviní kúú ña̱yóʼo (Hechos 2:36). Nu̱úka ña̱ kuniñúʼu Ndióxi̱ aceite ña̱ nda̱kaxinra ta̱ Jesús, xi̱niñúʼura espíritu santo ña̱ ke̱ʼéra ña̱yóʼo (Mateo 3:16).
¿Á kivi saxínu inkaka na̱ yiví profecía ña̱ káʼa̱n xa̱ʼa̱ ta̱ Mesías?
Va̱ása. Nda̱a̱ táki̱ʼva íyo huella iin na̱ yiví va̱ása kivi kuumií inkanaña, ta saátu íyo profecía ña̱ va̱xi nu̱ú Biblia iinlá kuití kúú ta̱ Mesías á Cristo káʼa̱nña xa̱ʼa̱. Soo Biblia káʼa̱nña ña̱yóʼo: “Saáchi kita na̱ cristo vatá xíʼin na̱ profeta vatá ta keʼéna ku̱a̱ʼání milagro, ta keʼéna ña̱ʼa ña̱ ndakanda̱-ini na̱ yiví xíʼin ña̱ sandáʼvinana, ta nda̱a̱ kuni̱na sandáʼvina na̱ nda̱kaxin Ndióxi̱” (Mateo 24:24).
¿Á kita tuku ta̱ Mesías chí nu̱únínu?
Va̱ása. Biblia ni̱ka̱ʼa̱nña xa̱ʼa̱ ta̱ Mesías ña̱ kixira ti̱xin na̱ veʼe ta̱ David, ta̱yóʼo xi̱kuu rey na̱ ñuu Israel (Salmo 89:3, 4). Soo tutu ña̱ káʼa̱n xa̱ʼa̱ na̱ veʼe ta̱ rey David ndi̱ʼi-xa̱ʼa̱ña. Sana ndi̱ʼi-xa̱ʼa̱ña tá ni̱ki̱ʼvi na̱ ñuu Roma ta sa̱ndíʼi-xa̱ʼa̱na ñuu Jerusalén tá ku̱i̱ya̱ 70. a Ta nani saá nda̱a̱ ni iinna va̱ása kívi káʼa̱nna á ki̱xina ti̱xin na̱ veʼe ta̱ rey David. Soo tá ni̱xi̱yo ta̱ Jesús nixi̱yokava tutu ña̱ xi̱ka̱ʼa̱n xa̱ʼa̱ na̱ veʼe ta̱ rey David ta nda̱a̱ na̱ xi̱sa̱a̱-ini xi̱xini ta̱ Jesús va̱ása níkivi ka̱ʼa̱nna ña̱ va̱ása níkixi ta̱ Jesús ti̱xin na̱ veʼe ta̱ rey David (Mateo 22:41-46).
¿Nda̱saa profecía ña̱ káʼa̱n xa̱ʼa̱ ta̱ Mesías va̱xi nu̱ú Biblia?
Va̱ása kivi káʼa̱n káxiyó nda̱saa profecía ña̱ káʼa̱n xa̱ʼa̱ ta Mesías íyo. Ni káʼa̱n káxiva Biblia xa̱ʼa̱ ta̱ Mesías, savana xa̱a̱ síín íyo ki̱ʼva ña̱ ndákaʼvina nda̱saa yichi̱ káʼa̱nña xa̱ʼa̱ra. Tá kúú nu̱ú Isaías 53:2-7 káʼa̱nña ku̱a̱ʼá ña̱ʼa xa̱ʼa̱ ta̱ Mesías. Sava na̱ yiví káʼa̱nna ña̱ iin kuití kúú profecía ña̱ va̱xi yóʼo, soo inkana káʼa̱nna ña̱ ku̱a̱ʼá profecía kúúña.
Sava profecía ña̱ sa̱xínu ta̱ Jesús ña̱ káʼa̱n ña̱ kúúra ta̱ Mesías
Ña̱ ku̱u |
Profecía |
Ni̱xi̱nuña |
|---|---|---|
Kúúra na̱ veʼe ta̱ Abrahán |
||
Kúúra na̱ veʼe ta̱ Isaac, se̱ʼe ta̱ Abrahán |
||
Ki̱xira ti̱xin tribu ta̱ Judá |
||
Kúúra táʼan ta̱ rey David |
Isaías 9:7 |
|
Se̱ʼe iin ñá kúa̱an |
Isaías 7:14 |
|
Ka̱kura chí Belén |
Miqueas 5:2 |
|
Kunaníra Emmanuel b |
Isaías 7:14 |
|
Ta̱ ndáʼvi xi̱kuura |
Isaías 53:2 |
|
Xa̱ʼnína na̱ va̱lí tá ndi̱ʼi ka̱kura |
Jeremías 31:15 |
|
Ki̱tara ñuu Egipto |
Oseas 11:1 |
|
Ni̱ka̱ʼa̱nna ña̱ kúúra Nazareno c |
Isaías 11:1 |
|
Koo iin na̱ ka̱ʼa̱n xa̱ʼa̱ra |
Malaquías 3:1 |
|
Ku̱i̱ya̱ 29 d nda̱ka̱xinnara ña̱ kúúra ta̱ Mesías |
Daniel 9:25 |
|
Mií Ndióxi̱ ni̱ka̱ʼa̱n xa̱ʼa̱ra ña̱ kúúra se̱ʼera |
Salmo 2:7 |
|
I̱xato̱ʼóníra veʼe Ndióxi̱ |
Salmo 69:9 |
|
Na̱túʼunra xa̱ʼa̱ tu̱ʼun va̱ʼa |
Isaías 61:1 |
|
Ña̱ na̱túʼunra xíʼin na̱ ñuu Galilea va̱ʼaní chindeétáʼanña xíʼinna |
Isaías 9:1, 2 |
|
Ke̱ʼéra milagro nda̱a̱ táki̱ʼva ke̱ʼé ta̱ Moisés |
||
Ni̱ka̱ʼa̱nra xa̱ʼa̱ Ndióxi̱ nda̱a̱ táki̱ʼva ke̱ʼé ta̱ Moisés |
||
Sa̱ndáʼara ku̱a̱ʼání na̱ xi̱kuumií kue̱ʼe̱ |
Isaías 53:4 |
|
Va̱ása níxi̱kuni̱ra kundayáʼvira nu̱ú na̱ yiví |
Isaías 42:2 |
|
Xi̱kundáʼvi-inira xi̱xinira na̱ xi̱xo̱ʼvi̱ |
Isaías 42:3 |
|
Ni̱ka̱ʼa̱nra xa̱ʼa̱ ña̱ va̱ʼa ña̱ kéʼé Ndióxi̱ |
Isaías 42:1, 4 |
|
Kúúra ta̱ táxi consejo |
Isaías 9:6, 7 |
|
Ni̱ka̱ʼa̱nra xa̱ʼa̱ ki̱vi̱ Jehová |
Salmo 22:22 |
|
Xi̱niñúʼura ilustración ña̱ sa̱náʼa̱ra |
Salmo 78:2 |
|
Va̱ʼaní xi̱niʼira yichi̱ |
Daniel 9:25 |
|
Ku̱a̱ʼánína va̱ása níkandíxanara |
Isaías 53:1 |
|
Nda̱kava-inina xa̱ʼa̱ ña̱ ke̱ʼéra |
Isaías 8:14, 15 |
|
Ku̱ndasína xi̱ninara |
Salmo 118:22, 23 |
|
Ni̱sa̱a̱-inina xi̱ninara |
Salmo 69:4 |
|
Ni̱ka̱ʼa̱n va̱ʼana xa̱ʼa̱ra tá kánuura sa̱tá iin burro ni̱ki̱ʼvira ñuu Jerusalén |
Zacarías 9:9 |
|
Ni̱ka̱ʼa̱n va̱ʼa na̱ va̱lí xa̱ʼa̱ra |
Salmo 8:2 |
|
Ki̱xira xíʼin ki̱vi̱ Jehová |
Salmo 118:26 |
|
Iin ta̱ migora ni̱xi̱kóñaʼá |
Salmo 41:9 |
|
Xa̱ʼa̱ 30 xu̱ʼún ña̱ plata e ni̱xi̱kónara |
Zacarías 11:12, 13 |
|
Na̱ migora sa̱ndákoonara |
Zacarías 13:7 |
|
Ni̱ka̱ʼa̱nna tu̱ʼun síkí xa̱ʼa̱ra |
Salmo 35:11 |
|
Kǒo níka̱ʼa̱nra nu̱ú na̱ chi̱ka̱a̱ ku̱a̱chi miíra |
Isaías 53:7 |
|
Ku̱ndaana tásiína nu̱úra |
Isaías 50:6 |
|
Kanina xi̱níra |
Miqueas 5:1 |
|
Ka̱ninara |
Isaías 50:6 |
|
Va̱ása níkanirana tá ka̱ninara |
Isaías 50:6 |
|
Na̱ chíñu ni̱ka̱ʼa̱nna ña̱ síkí xa̱ʼa̱ra |
Salmo 2:2 |
|
Ka̱tikaanara ndaʼa̱ yitu̱n |
Salmo 22:16 |
|
Si̱síkína xa̱ʼa̱ ti̱ko̱to̱ra |
Salmo 22:18 |
|
Ni̱ka̱ʼa̱nna ña̱ kúúra ta̱ ku̱a̱chi |
Isaías 53:12 |
|
Ni̱ka̱ʼa̱n ndi̱va̱ʼana xa̱ʼa̱ra, ta kundasína xi̱ninara |
Salmo 22:7, 8 |
|
Ni̱xi̱yo tu̱ʼvara ña̱ ndoʼora xa̱ʼa̱ na̱ ku̱a̱chi |
Isaías 53:5, 6 |
|
Xi̱na̱ʼa̱ ña̱ sandákoo ndaʼa̱ Ndióxi̱ra |
Salmo 22:1 |
|
Ta̱xina vino tá ni̱sa̱ka̱ yu̱ku̱ o̱va̱ xíʼin ndaʼa̱ra |
Salmo 69:21 |
|
Xi̱kuni̱ra koʼora ti̱kui̱í tá kúma̱níka kuvira |
Salmo 22:15 |
|
Nda̱taxira espíritura ndaʼa̱ Ndióxi̱ |
Salmo 31:5 |
|
Nda̱taxira ña̱ tákura |
Isaías 53:12 |
|
Nda̱tavára miíyó ndaʼa̱ ku̱a̱chi |
Isaías 53:12 |
|
Nda̱a̱ ni iin lekera va̱ása níta̱ʼnu̱ |
Salmo 34:20 |
|
Ka̱annara xíʼin lanza |
Zacarías 12:10 |
|
Sa̱ndúxu̱nnara nu̱ú ndúxu̱n na̱ kúiká |
Isaías 53:9 |
|
Nda̱takura |
Salmo 16:10 |
|
Inkana nda̱kiʼin chiñu nu̱ú na̱ ni̱xi̱kóñaʼá |
Salmo 109:8 |
|
íyora chí ndaʼa̱ kúaʼa Ndióxi̱ |
Salmo 110:1 |
a Ña̱ Cyclopedia ta̱ McClintock xíʼin ta̱ Strong káchiña: “Ña̱ káʼa̱n xa̱ʼa̱ na̱ tribu xíʼin na̱ veʼe na̱ judío ndi̱ʼi-xa̱ʼa̱ña tá ndi̱ʼi-xa̱ʼa̱ ñuu Jerusalén, ta va̱ása níndiʼi-xa̱ʼa̱ña tá kúma̱níka kuu ña̱yóʼo”.
b Ña̱ tu̱ʼun Emmanuel, kúni̱ kachiña “Ndióxi̱ íyora xíʼinyó”, ta ña̱yóʼo va̱ʼaní káʼa̱nña xa̱ʼa̱ chiñu ña̱ kéʼé ta̱ Jesús ña̱ kúúra ta̱ Mesías. Ña̱ ni̱xi̱yora nu̱ú ñuʼú yóʼo ta saátu xíʼin ña̱ ke̱ʼéra ni̱na̱ʼa̱ña ña̱ íyo Ndióxi̱ xíʼin na̱ ndásakáʼnu miíra (Lucas 2:27-32; 7:12-16).
c Ña̱ tu̱ʼun Nazareno sana ki̱xiña ti̱xin tu̱ʼun hebrea nétser, ña̱ kúni̱ kachi “ña̱ kána”.
d Tá kúni̱ún kunda̱a̱-iniún ña̱ káʼa̱n Biblia xa̱ʼa̱ ta̱ Mesías ña̱ ki̱xaa̱ra ku̱i̱ya̱ 29 kaʼvi ña̱ artículo “El profeta Daniel predice la llegada del Mesías”.
e Ña̱ profecía yóʼo va̱xiña nu̱ú libro ña̱ ka̱ʼyí ta̱ Zacarías, soo ta̱ Mateo káchira ña̱yóʼo: “Tasaá ni̱xi̱nu ña̱ ni̱ka̱ʼa̱n ta̱ profeta Jeremías” (Mateo 27:9). Ña̱ xi̱keʼéna tá xi̱ka̱ʼa̱n xa̱ʼa̱ “ña̱ ka̱ʼyí na̱ profeta” kúú ña̱ siʼnaka libro ña̱ xi̱chinúuna kúú ña̱ ka̱ʼyí ta̱ Jeremías (Lucas 24:44). Tá ni̱ka̱ʼa̱n ta̱ Mateo xa̱ʼa̱ “ña̱ ka̱ʼyí na̱ profeta” ta̱yóʼo ni̱ka̱ʼa̱nra xa̱ʼa̱ ndiʼi ña̱ ka̱ʼyí na̱ profeta tá kúú ña̱ libro kaʼyí ta̱ profeta Zacarías.
Sanatu kutóún ña̱yóʼo
¡DESPERTAD!
Iin ñá judía káʼa̱nñá nda̱chun na̱ndukú va̱ʼañá xa̱ʼa̱ ña̱ xi̱kandíxañá
¿Ndáaña sa̱xínu-ini ñá Racquel Hall ña̱ ta̱ Jesús kúú ta̱ Mesías ta̱ xi̱ndatuníñá?
