ဒီ​အပိုင်း​ဟာ ခရစ်ယာန်ဂရိကျမ်း​စောင်​တွေကို မိတ်ဆက်​ပေးတယ်။ ယေရှုဟာ မြို့ငယ်လေးမှာ​နေထိုင်တဲ့ ဆင်းရဲ​တဲ့​မိသားစု​မှာ မွေးဖွား​လာတယ်။ ဖခင်​ဖြစ်သူ လက်သမား​နဲ့ အလုပ်လုပ်​ခဲ့တယ်။ ယေရှုဟာ လူသားထု​ကို ကယ်တင်​ပေးမယ့်​သူ​ဖြစ်တယ်။ ယေဟောဝါဟာ သူ့ကို ကောင်းကင်နိုင်ငံတော်​ဘုရင်အဖြစ် ရွေးချယ်ခဲ့တယ်။ သင်ဟာ မိဘ​ဖြစ်မယ်ဆိုရင် ယေရှု ကြီးပြင်းလာ​မယ့် မိသားစုနဲ့ အသိုင်းအဝန်း​ကို ယေဟောဝါ သေသေချာချာ ရွေးချယ်​ခဲ့တာ​ကို ကလေး သဘောပေါက်​အောင် သင်ပေးပါ။ ယေရှုကို သတ်ချင်​တဲ့ ဟေရုဒ်​ရန်​က​နေ ယေဟောဝါ ကာကွယ်​ပေးတဲ့​အကြောင်း၊ ယေဟောဝါရဲ့​ရည်ရွယ်ချက်​ကို ဘာက​မှ မတားဆီး​နိုင်တဲ့​အကြောင်း၊ ယေရှု​အတွက် လမ်းပြ​င်​ပေးဖို့ ယောဟန်​ကို ယေဟောဝါ တာဝန်ပေး​တဲ့​အကြောင်း လေ့လာ​ ကြည့်ပါ။ ယေရှုဟာ ငယ်စ​ဉ်​မှာတောင် ယေဟောဝါရဲ့ ဉာဏ်​ပညာ​ကို မြတ်နိုး​ကြောင်း အလေးအနက် ဖော်​ပြပါ။