ဒီ​အပိုင်းမှာ ယေဟောဝါကို ထူးထူးခြားခြား ယုံကြည်ကိုးစား​ခဲ့တဲ့ လူငယ်တွေ၊ ပရောဖက်တွေ၊ ဘုရင်တွေ​အကြောင်း သိရ​ပါမယ်။ ယေဟောဝါရဲ့ ပရောဖက်​ဟာ နေမန်ကို ကုသ​ပေးနိုင်​တယ်လို့ ဆီးရီးယား​ပြည် ရောက်နေ​တဲ့ အစ္စရေး​မိန်းမငယ် ယုံကြည်​တ​ယ်။ ယေဟောဝါဟာ ရန်သူ​စစ်တပ် ရန်​က​နေ ကာကွယ်​ပေးနိုင်​မှန်း ပရောဖက် ဧလိရှဲ အပြည့်အဝ ယုံကြည်စိတ်ချ​တ​ယ်။ ပုရောဟိတ်မင်း ယောယဒ​ဟာ အသက်အန္တရာယ်​ကြား​က ယောရှ​လေး​ကို သူ့​အဘွား အာသလိ​လက်​က​နေ ကာကွယ်ပေးခဲ့တယ်။ ဟေဇကိ​မင်းဟာ ဂျေရုဆလင်မြို့​ကို ယေဟောဝါ ကာကွယ်​ပေးမယ်​ဆိုတာ စိတ်ချ​ပြီး အဆီးရီးယား​တွေကို အလျှော့မပေး​ခဲ့ဘူး။ ယောရှိ​မင်းဟာ  ရုပ်တုကိုးကွယ်​မှုကို ဖယ်ရှား​တ​ယ်၊ ဗိမာန်တော်​ကို ပြန်​ပြုပြင်​တ​ယ်၊ စစ်မှန်တဲ့​ဝတ်ပြုရေး​ကို ပြန်​မြှင့်တင်​တ​ယ်။