နိဒါန်း
ရှေ့နောက်မညီတဲ့ ဒီအခြေအနေတွေကို သုံးသပ်ကြည့်ပါ– စက်မှုနိုင်ငံတစ်ခုမှာ လူ ၉၀ ရာခိုင်နှုန်းကျော်ဟာ အလွန်ပျော်ရွှင်တယ်လို့ ခံစားနေရတယ်။ ဒါပေမဲ့ အဲဒီနိုင်ငံမှာ အသုံးများတဲ့ ဆေးဝါး ၁၀ မျိုးအနက် ၃ မျိုးက စိတ်ကျဝေဒနာအတွက် ဖြစ်တယ်။ အဲဒီနိုင်ငံမှာပဲ ၉၁ ရာခိုင်နှုန်းက ကျေနပ်ပျော်ရွှင်ဖွယ် မိသားစုဘဝ ပိုင်ဆိုင်ထားတယ်လို့ ယူဆကြတယ်။ ဒါပေမဲ့ အိမ်ထောင် ထက်ဝက်နီးပါးဟာ ကွာရှင်းမှုနဲ့ ဇာတ်သိမ်းနေကြတယ်။
တကယ်တော့ ကမ္ဘာ့လူဦးရေ ထက်ဝက်နီးပါးလို့ ပြောနိုင်တဲ့ ၁၈ နိုင်ငံက လူတွေကို စစ်တမ်းကောက်တဲ့အခါ “ကမ္ဘာ့ဒေသအများစုမှာ အနာဂတ်နဲ့ပတ်သက်ပြီး အပျက်သဘောထား လွှမ်းခြုံထားပုံရကြောင်း” တွေ့ရတယ်။ ဒါကြောင့် လူများစွာဟာ ကျေနပ်ပျော်ရွှင်မှု အပြည့်အဝ မခံစားရကြောင်း ထင်ရှားတယ်။ အသင်ကော။ ဒီစာစောင်က အမှန်ကျေနပ်ပျော်ရွှင်ဖွယ် အသက်တာကို ခံစားရအောင် ကူညီပေးပါလိမ့်မယ်။