အခန်း ၃၅
တို့တစ်တွေ သေခြင်းကနေ ပြန်နိုးလာနိုင်တယ်
တို့တစ်တွေ သေသွားရင် ဘုရားသခင်က အသက်ပြန်ရှင်စေချင်တဲ့ ဆန္ဒရှိသလား၊ ရှင်ပြန်ထမြောက်စေချင်ပါ့မလား။— ဘုရား ဆန္ဒရှိတယ်လို့ သူတော်ကောင်း ယောဘ ယုံတယ်။ ဒါကြောင့် သေတော့မယ်လို့ ထင်တဲ့အခါမှာ ယောဘက “ကိုယ်တော် ခေါ်တဲ့အခါ ပြန်ထူးပါ့မယ်” လို့ ပြောခဲ့တယ်။ ယေဟောဝါဘုရားဟာ သူ့ကို ရှင်ပြန်ထမြောက်ပေးချင်တဲ့စိတ်၊ ပြန်မြင်ချင်စိတ် ပြင်းပြနေလိမ့်မယ်လို့ ယောဘက ပြောတယ်။—ယောဘ ၁၄:၁၄၊ ၁၅။
ယေရှုလည်း သူ့ဖခင် ယေဟောဝါဘုရားလိုပါပဲ တို့တစ်တွေကို ကူညီပေးဖို့ ဆန္ဒရှိတယ်။ အနာကြီးရောဂါသည်တစ်ယောက်က “သခင်၊ ဆန္ဒရှိရင် ကျွန်တော့်ကို သန့်ရှင်းသွားအောင် လုပ်ပေးပါလား” လို့အသနားခံတဲ့အခါ ယေရှုက “ဆန္ဒရှိတာပေါ့” လို့ ပြောခဲ့တယ်။ ပြီးတော့ အနာကြီးရောဂါပျောက်အောင် ကုပေးလိုက်တယ်။—မာကု ၁:၄၀-၄၂။
ကလေးတွေကို ယေဟောဝါ ချစ်တယ်ဆိုတာ ဘယ်လို ပြခဲ့သလဲ
ယေရှုဟာ ကလေးတွေကို ချစ်တတ်ဖို့ ဖခင်ဆီက သင်ယူခဲ့တယ်။ ရှေးတုန်းကလည်း ယေဟောဝါက ပရောဖက်တွေကို သုံးပြီး ကလေးနှစ်ယောက် ရှင်ပြန်ထမြောက်အောင် လုပ်ပေးခဲ့တယ်။ ဧည့်ဝတ်ကျေပွန်တဲ့ ၁ ဘုရင်များ ၁၇:၁၇-၂၄။ ၂ ဘုရင်များ ၄:၃၂-၃၇။
အမျိုးသမီးတစ်ယောက်ရဲ့သား အသက်ပြန်ရှင်စေဖို့ ယေဟောဝါကို ဧလိယ တောင်းပန်ခဲ့တယ်။ ယေဟောဝါလည်း လုပ်ပေးခဲ့တယ်။ ဒါ့အပြင် ပရောဖက် ဧလိရှဲကို သုံးပြီး ကလေးတစ်ယောက် အသက်ပြန်ရှင်အောင် လုပ်ပေးခဲ့တယ်။—တို့တစ်တွေကို ယေဟောဝါ ဘယ်လောက်ချစ်မှန်း သိရလို့ ဝမ်းမသာဘူးလား။— ဘုရားက တို့တစ်တွေကို အသက်ရှင်နေချိန်မှာပဲ သတိရတာ မဟုတ်ဘူး။ သေသွားရင်လည်း သတိရနေတယ်။ အဖဘုရားဟာ ချစ်ရတဲ့ သေလွန်သူတွေကို အသက်ရှင်နေတယ်လို့ သဘောထားကြောင်း ယေရှု ပြောခဲ့တယ်။ (လုကာ ၂၀:၃၈) ကျမ်းစာက ‘သေခြင်းဖြစ်စေ၊ ရှင်ခြင်းဖြစ်စေ၊ လက်ရှိအရာဖြစ်စေ၊ နောင်လာမယ့်အရာဖြစ်စေ ဘုရားသခင်ရဲ့မေတ္တာကို မခံစားရအောင် ဘယ်အရာကမှ မတားဆီးနိုင်’ ဆိုပြီး ပြောထားတယ်။—ရောမ ၈:၃၈-၃၉။
ယေရှု ကမ္ဘာပေါ်မှာ ရှိတုန်းက ကလေးလေးတွေကို ယေဟောဝါ ဂရုစိုက်တဲ့အကြောင်း ပြသခဲ့တယ်။ ယေရှုဟာ ကလေးတွေကို အချိန်ပေးပြီး ဘုရားသခင်အကြောင်း ပြောပြခဲ့တာကို မှတ်မိမှာပေါ့နော်။ ကလေးလေးတွေကို သေရာကနေ ပြန်ရှင်အောင် လုပ်ပေးဖို့ ယေရှုကို ဘုရား တန်ခိုးပေးတဲ့အကြောင်းကိုကော ကလေးတို့ သိကြသလား။— ယာအိရုဆိုတဲ့လူရဲ့ ၁၂ နှစ်အရွယ် သမီးလေးကို ယေရှု ရှင်ပြန်ထမြောက်စေတဲ့အကြောင်း ကြည့်ကြရအောင်။
ယာအိရုတို့ ဇနီးမောင်နှံဟာ သူတို့ရဲ့ တစ်ဦးတည်းသောသမီးနဲ့အတူ ဂါလိလဲအိုင်နားမှာ နေထိုင်ကြတယ်။ တစ်နေ့ ကလေးမလေး အသည်းအသန် ဖျားတော့ အခြေအနေ မကောင်းမှန်း ယာအိရု ရိပ်မိတယ်။ ဒါနဲ့ အနာရောဂါတွေ ကုသပေးနိုင်စွမ်းရှိတဲ့ ယေရှုကို သူသတိရလိုက်တယ်။ ဒါကြောင့် ယေရှုကို ချက်ချင်း သွားရှာတယ်။ ဂါလိလဲအိုင်ကမ်းခြေမှာ လူအများကြီးကို ယေရှု သွန်သင်နေတာကို သွားတွေ့တယ်။
ယာအိရုဟာ လူအုပ်ကြားက တိုးပြီး ယေရှုရှေ့ ဒူးထောက်ပြီး ‘ကျွန်တော့်သမီးလေး အသည်းအသန် ဖျားနေပါတယ်။ ဆရာ လိုက်လာပြီး သမီးကို ကူညီပေးပါဦး။ အနူးအညွတ် တောင်းပန်ပါတယ်’ ဆိုပြီး ပြောရှာတယ်။ ယေရှုလည်း ချက်ချင်းပဲ ယာအိရုနဲ့ လိုက်သွားတယ်။ ကြီးမြတ်တဲ့ဆရာဆီကို လာတဲ့ လူအုပ်လည်း လိုက်သွားကြတယ်။ ခရီး အတော်လေးရောက်တော့ ယာအိရုအိမ်က လူတချို့ ရောက်လာကြပြီး “သမီးလေး ဆုံးသွားပါပြီ။ ဆရာ့ကို ဒုက္ခမပေးပါနဲ့တော့” လို့ပြောတယ်။
ဒါကို ယေရှု နားစွန်နားဖျား ကြားလိုက်တယ်။ တစ်ဦးတည်းသော သမီး ဆုံးသွားလို့ ယာအိရုခမျာ ဘယ်လောက် ဝမ်းနည်းမလဲဆိုတာ ယေရှုသိတယ်။ ဒါကြောင့် ယာအိရုကို ‘ဘာမှ မစိုးရိမ်ပါနဲ့။ ဘုရားသခင်ပေါ် ယုံကြည်ခြင်းသာ ရှိပါ။ သမီးလေး အသက်ရှင်လာမှာပါ’ လို့ပြောတယ်။ ဒီလိုနဲ့ ယာအိရုအိမ်ကို ရောက်သွားကြတယ်။ အဲဒီမှာ သူတို့ရဲ့ မိတ်ဆွေသူငယ်ချင်းတွေ ငိုနေကြတယ်။ မိန်းကလေး ဆုံးသွားလို့ ဝမ်းနည်းနေကြတယ်။ ဒါပေမဲ့ ယေရှုက ‘မငိုကြနဲ့တော့။ ဒီမိန်းကလေး သေတာမှ မဟုတ်ပဲ။ အိပ်ပျော်နေတာ’ ဆိုပြီး ပြောလိုက်တယ်။
ယေရှု ဒီလိုပြောတဲ့အခါ လူတွေ ရယ်ကြတယ်။ မိန်းကလေး ဆုံးသွားမှန်း သိထားကြတာကိုး။ ဒါဆိုရင် မိန်းကလေး အိပ်နေတာလို့ ယေရှု ဘာကြောင့် ပြောတယ် ထင်သလဲ။— လူတွေကို ဘာသင်ခန်းစာ ပေးချင်တယ်လို့ ထင်သလဲ။— သေတာဟာ အိပ်မောကျတာနဲ့ တူတယ်ဆိုတာ လူတွေကို သိစေချင်တယ်။ အိပ်နေတဲ့လူကို တို့တစ်တွေ နှိုးလို့ရသလို သူလည်း ဘုရားပေး တန်ခိုးနဲ့ လူသေကို အသက်ပြန်ရှင်အောင် လုပ်ပေးနိုင်တယ်ဆိုတာ သင်ပေးချင်လို့ပဲ။
ယာအိရုရဲ့သမီးကို ယေရှု အသက်ပြန်ရှင်စေတဲ့ အဖြစ်ကနေ တို့တစ်တွေ ဘာသိရသလဲ
ယေရှုက တမန်တော် ပေတရု၊ ယာကုပ်၊ ယောဟန်နဲ့ မိန်းကလေးရဲ့ ဖေဖေ၊ မေမေကလွဲလို့ ကျန်တဲ့လူတွေကို အိမ်ပြင် ထွက်ခိုင်းလိုက်တယ်။ အဲဒီနောက် မိန်းကလေး ရှိတဲ့ အခန်းထဲကို ဝင်သွားကြတယ်။ မိန်းကလေးရဲ့ လက်ကို ကိုင်ပြီး ‘မိန်းကလေး၊ ထပါ’ ဆိုပြီး ပြောလိုက်တယ်။ အဲဒီမိန်းကလေးဟာ ချက်ချင်းပဲ ထပြီး လမ်းလျှောက်တယ်ကွဲ့။ သူ့ဖေဖေနဲ့ မေမေတို့ဟာ ဝမ်းသာလုံးဆို့သွားကြတယ်။—မာကု ၅:၂၁-၂၄၊ ၃၅-၄၃။ လုကာ ၈:၄၀-၄၂၊ ၄၉-၅၆။
စဉ်းစားကြည့်။ ယေရှုက အဲဒီမိန်းကလေး အသက်ပြန်ရှင်အောင် လုပ်ပေးနိုင်ရင် တခြားသူတွေကိုကော မလုပ်ပေးနိုင်ဘူးလား။— တကယ်လုပ်ပေးမယ်လို့ကော ထင်သလား။— လုပ်ပေးမှာပေါ့။ ယေရှုက “သင်္ချိုင်းဂူတွေမှာ ရှိနေသူအားလုံး [ကျွန်တော့်] အသံကို ကြားပြီး ထွက်လာမယ့်အချိန် ရောက်လာတော့မယ်” ဆိုပြီး ပြောခဲ့တယ်။—ယေရှုမှာ လူတွေကို ရှင်ပြန်ထမြောက်ပေးချင်တဲ့ ဆန္ဒရှိတယ်လို့ ကလေးတို့ ထင်သလား။— ကျမ်းစာထဲက နောက်ဥပမာတစ်ခုကို ကြည့်ရင် အဖြေရနိုင်တယ်။ တစ်နေ့ နာအိနမြို့နားက အသုဘဖြစ်ရပ်မှာ ဝမ်းနည်းပူဆွေးနေသူတွေကို ယေရှု ဘယ်လောက် စာနာတတ်တယ်ဆိုတာ သိနိုင်တယ်။
သားရဲ့ အသုဘကို လိုက်ပို့တဲ့လူတွေ နာအိနမြို့က ထွက်လာတဲ့အခါမှာ မိခင်အမျိုးသမီးကြီးလည်း ပါလာတယ်။ အဲဒီမတိုင်ခင် သူ့ယောက်ျား ဆုံးသွားတယ်၊ အခုတစ်ခါ တစ်ဦးတည်းသောသား သေသွားပြန်တယ်။ သူ့ခမျာ ဘယ်လောက်တောင် ဝမ်းနည်းလိုက်မလဲနော်။ သားရဲ့အလောင်းကို မြို့ပြင် ထမ်းထုတ်လာတဲ့အခါ နာအိနမြို့သူမြို့သားတွေ လိုက်ပို့ကြတယ်။ မိခင်အမျိုးသမီးကြီး ငိုကြွေးနေတယ်။ သူ့ကို နှစ်သိမ့်အားပေးဖို့ ဘယ်သူမှ မတတ်နိုင်ဘူး။
အဲဒီနေ့မှာပဲ ယေရှုနဲ့ တပည့်တွေ နာအိနမြို့ကို လာနေကြတယ်။ မြို့တံခါးနားရောက်တော့ အဲဒီမုဆိုးမရဲ့ သားကို သင်္ဂြိုဟ်ဖို့ ထွက်လာတဲ့ လူအုပ်နဲ့ သွားဆုံတယ်။ ယေရှုဟာ ငိုကြွေးနေတဲ့ အမျိုးသမီးကြီးကို မြင်တဲ့အခါ သနားတဲ့စိတ် ပေါ်လာတယ်။ အဲဒီအမျိုးသမီး ဝမ်းနည်းပူဆွေးနေတာကို တွေ့ရလို့ ရင်နင့်အောင် ခံစားလိုက်ရတယ်။ အကူအညီ ပေးချင်တဲ့စိတ် ပေါ်လာတယ်။
ဒါနဲ့ ယေရှုက အဲဒီအမျိုးသမီးကို ကြင်နာပြတ်သားတဲ့ လေသံနဲ့ “မငိုပါနဲ့တော့” လို့ ပြောတယ်။ ယေရှုရဲ့ ပြုမူပြောဆိုပုံကြောင့် လူတွေက စိတ်ဝင်တစားနဲ့ ကြည့်နေကြတယ်။ အလောင်းစင်နား ယေရှု တိုးသွားတဲ့အခါ သူ ဘာများလုပ်မလဲဆိုပြီး သိချင်ကြမှာပဲ။ ယေရှုက “လူလေး၊ ကျွန်တော်ပြောမယ်။ ထပါ” ဆိုပြီး ပြောလိုက်တယ်။ ချက်ချင်းပဲ အဲဒီလူငယ် ထထိုင်ပြီး စကားပြောတော့တယ်။—လုကာ ၇:၁၁-၁၇။
အဲဒီအမျိုးသမီးကြီး ဘယ်လောက် ဝမ်းသာလိုက်မလဲဆိုတာ စဉ်းစားကြည့်။ သေသွားတဲ့ ချစ်ခင်ရသူတစ်ဦး ပြန်ရှင်လာရင် ကလေးတို့စိတ်ထဲ ဘယ်လိုခံစားရမလဲ။— ဒီအဖြစ်အပျက်က ယေရှုဟာ လူတွေကို တကယ်ချစ်တယ်၊ သူတို့ကို အကူအညီပေးချင်တဲ့ ဆန္ဒရှိတယ်ဆိုတာ ၂ ပေတရု ၃:၁၃။ ဗျာဒိတ် ၂၁:၃၊ ၄။
ပြမနေဘူးလား။— ဘုရားသခင့် ကမ္ဘာသစ်မှာ အသက်ပြန်ရှင်လာတဲ့ သူတွေကို ကြိုဆိုရတဲ့အခါ ဘယ်လောက် ပျော်စရာကောင်းမလဲဆိုတာ စဉ်းစားသာ ကြည့်ပေတော့။—ဒီအမျိုးသမီးရဲ့ တစ်ဦးတည်းသောသား ရှင်ပြန်ထမြောက်ခြင်းက ဘာကို ဖော်ပြသလဲ
အဲဒီအချိန်ကျရင် အသက်ပြန်ရှင်လာသူ တချို့ဟာ တို့တစ်တွေရဲ့ အသိတွေ ဖြစ်မယ်၊ ကလေးတွေလည်း ပါမယ်။ ယာအိရုရဲ့သမီးကို ယေရှု ရှင်ပြန်ထမြောက်ပေးတုန်းက ယာအိရုက သူ့သမီးကို မှတ်မိသလိုပဲ ရှင်ပြန်ထမြောက်လာသူတွေကို တို့တစ်တွေ မှတ်မိကြမယ်။ လွန်ခဲ့တဲ့နှစ်ရာနဲ့ချီ ဒါမှမဟုတ် လွန်ခဲ့တဲ့နှစ် ထောင်ပေါင်းများစွာက သေဆုံးခဲ့တဲ့သူတွေလည်း ပါမယ်။ ဟိုရှေးရှေးတုန်းက အသက်ရှင်ခဲ့ကြသူတွေ ဖြစ်လို့ သူတို့ကို ဘုရား မေ့ထားမှာ မဟုတ်ဘူး။
ယေဟောဝါ ဘုရားနဲ့ သားတော်ယေရှုတို့ဟာ တို့တစ်တွေကို ဘယ်လောက် ချစ်မှန်း သိရတဲ့အတွက် ဝမ်းသာစရာ မကောင်းဘူးလား။— သူတို့က တို့တစ်တွေကို နှစ်အနည်းငယ်သာ မဟုတ်ဘဲ ထာဝစဉ် အသက်ရှင်စေချင်ကြတယ်ကွဲ့။
သေသွားတဲ့သူတွေအတွက် အံ့ဖွယ်မျှော်လင့်ချက်ကို ဟေရှာယ ၂၅:၈။ တမန်တော် ၂၄:၁၅။ ၁ ကောရိန္သု ၁၅:၂၀-၂၂ တို့မှာ ဖတ်ကြည့်ပါ။