အခန်း ၁၈
“ငါ့ဒေါသမီး ဟုန်းဟုန်းတောက်လိမ့်မယ်”
အာရုံစိုက်ရာ။ ဂေါဂရဲ့ တိုက်ခိုက်မှုက ယေဟောဝါကို ဒေါသထွက်စေ။ အာမဂေဒုန်စစ်ပွဲအတွင်း ယေဟောဝါက မိမိလူမျိုးကို ကာကွယ်
၁-၃။ (က) ယေဟောဝါရဲ့ “ဒေါသမီး” က ဘာကို ဖြစ်စေမလဲ။ (ဆောင်းပါးအစမှာပါတဲ့ပုံကို ကြည့်ပါ။) (ခ) အခု ဘာအကြောင်း သုံးသပ်ကြမလဲ။
အမျိုးသား၊ အမျိုးသမီးနဲ့ ကလေးတွေ အတူရပ်ပြီး ဘုရားနိုင်ငံတော်သီချင်း သီဆိုကြတယ်။ အဲဒီနောက် ယေဟောဝါရဲ့ ကာကွယ်မှု ရဖို့ အကြီးအကဲတစ်ယောက် လှိုက်လှိုက်လှဲလှဲ ဆုတောင်းတယ်။ ယေဟောဝါ ကာကွယ်စောင့်ရှောက်မယ်ဆိုတာ အသင်းတော်သားတွေ ယုံကြည်စိတ်ချကြတယ်။ ဒါပေမဲ့ နှစ်သိမ့်မှုနဲ့ အာမခံချက် လိုနေတုန်းပဲ။ အပြင်မှာ တိုက်ခိုက်သံတွေ ကြားနေရတယ်။ အာမဂေဒုန်စစ်ပွဲ စတင်ပြီ။—ဗျာ. ၁၆:၁၄၊ ၁၆။
၂ အာမဂေဒုန်စစ်ပွဲအတွင်း ယေဟောဝါက လူတွေကို သွေးအေးအေးနဲ့ ခံစားချက်မဲ့ ကွပ်မျက်မှာ မဟုတ်ဘဲ “ဒေါသ” တကြီး ကွပ်မျက်မယ်။ (ယေဇကျေလ ၃၈:၁၈ ကိုဖတ်ပါ။) စစ်တပ်တစ်တပ်၊ လူမျိုးတစ်မျိုးအပေါ် မဟုတ်ဘဲ ကမ္ဘာတစ်ဝန်းက မရေတွက်နိုင်အောင်များတဲ့ လူတွေအပေါ် အမျက်တော် ကျရောက်စေမယ်။ အဲဒီနေ့မှာ ယေဟောဝါ ကွပ်မျက်လို့ သေတဲ့လူတွေဟာ “မြေတစ်ပြင်လုံးမှာ ရှိလိမ့်မယ်။”—ယေ. ၂၅:၂၉၊ ၃၃။
၃ မေတ္တာရှင် ဘုရား၊ “ကရုဏာရှိပြီး သနားစာနာတတ်တဲ့ဘုရား၊” ‘အမျက်ထွက်နှေးတဲ့ဘုရား’ ယေဟောဝါကို ဘာက “ဒေါသမီး” ဟုန်းဟုန်းတောက်စေသလဲ။ (ထွ. ၃၄:၆။ ၁ ယော. ၄:၁၆) ဒီမေးခွန်းရဲ့ အဖြေက ကျွန်တော်တို့ကို အကြီးအကျယ် နှစ်သိမ့်ပေးနိုင်ပုံ၊ ရဲစွမ်းသတ္တိ ရှိစေနိုင်ပုံ၊ ဟောပြောခြင်းလုပ်ငန်းမှာ ပါဝင်ဖို့ လှုံ့ဆော်ပေးနိုင်ပုံတို့ကို ကြည့်ကြရအောင်။
ယေဟောဝါကို ဘာက “ဒေါသ” ထွက်စေသလဲ
၄၊ ၅။ ဘုရားရဲ့ အမျက်ဒေါသဟာ မစုံလင်သူ လူသားတွေရဲ့ ဒေါသနဲ့ ဘယ်လို ကွာခြားသလဲ။
၄ ဦးဆုံး၊ ယေဟောဝါရဲ့ အမျက်ဒေါသဟာ မစုံလင်သူ လူသားတွေရဲ့ ဒေါသနဲ့ မတူကြောင်း သိထားရမယ်။ လူတစ်ယောက် ဒေါသ ပေါက်ကွဲပြီး တစ်ခုခု ထလုပ်လိုက်တဲ့အခါ အခြေအနေ ထိန်းမနိုင်သိမ်းမရ ဖြစ်ပြီး ရလဒ်ကောင်း ရခဲတယ်။ ဥပမာ၊ ယေဟောဝါက အာဗေလ ပူဇော်တဲ့အလှူကို နှစ်သက်ပေမဲ့ အာဒံရဲ့ သားဦး ကာအိန ပူဇော်တဲ့အလှူကို ငြင်းပယ်လိုက်လို့ ကာအိန “အရမ်း ဒေါသထွက်” သွားတယ်။ ဘာဆက်ဖြစ်သလဲ။ ဖြောင့်မတ်တဲ့ညီ အာဗေလကို ကာအိန သတ်လိုက်တယ်။ (က. ၄:၃-၈။ ဟီ. ၁၁:၄) ယေဟောဝါနဲ့ စိတ်သဘောထားချင်း ကိုက်ညီသူလို့ ဖော်ပြခံရတဲ့ ဒါဝိဒ်အကြောင်းလည်း စဉ်းစားကြည့်ပါ။ (တ. ၁၃:၂၂) လူကောင်း ဒါဝိဒ်တောင်မှ မိမိနဲ့ အပေါင်းပါတွေကို ခြံပိုင်ရှင်သူကြွယ် နာဗလ ရိုင်းရိုင်းစိုင်းစိုင်း ပြောဆိုကြောင်း ကြားတဲ့အခါ မိုက်မိုက်မဲမဲ လုပ်မိတော့မလို ဖြစ်ခဲ့တယ်။ ဒေါသထွက်လွန်းလို့ ကျေးဇူးကန်းတဲ့ နာဗလကိုသာမက အိမ်မှာရှိတဲ့ ယောက်ျားတိုင်းကိုပါ သတ်ဖို့ “ဓားကိုယ်စီ ဆွဲ” ပြီး ထွက်လာကြတယ်။ ဒါပေမဲ့ လက်စားမချေမိအောင် နာဗလရဲ့ ဇနီး အဘိဂဲလ တားဆီးနိုင်ခဲ့တယ်။ (၁ ရှ. ၂၅:၉-၁၄၊ ၃၂၊ ၃၃) “လူတစ်ယောက်ရဲ့ ဒေါသက ဘုရားသခင်ရဲ့ ဖြောင့်မတ်ခြင်းကို မဖြစ်ပေါ်စေဘူး” ဆိုပြီး ယာကုပ်ကို ယေဟောဝါ ရေးသားစေခဲ့တာ ခိုင်လုံတဲ့ အကြောင်းရင်း ရှိတယ်။—ယာ. ၁:၂၀။
ယေဟောဝါက အမြဲ ဒေါသထိန်းချုပ်နိုင်ပြီး အကြောင်းကောင်းရှိမှ ဒေါသထွက်
၅ တလွဲပြုမူစေတတ်တဲ့ လူ့ဒေါသနဲ့ မတူဘဲ ယေဟောဝါကတော့ အမြဲ စိတ်ထိန်းနိုင်တယ်။ အမျက်ထွက်ရတဲ့ အကြောင်းရင်းကို ရှင်းရှင်းလင်းလင်း သိရတယ်။ အမျက်ထွက်ရင်တောင် တော်မှန်စွာ ပြုမူတယ်။ ရန်သူကို တိုက်ခိုက်တဲ့အခါ “လူကောင်းတွေကို လူဆိုးတွေနဲ့အတူ” ဘယ်တော့မှ မဖျက်ဆီးဘူး။ (က. ၁၈:၂၂-၂၅) ဒီ့ပြင် ယေဟောဝါက တော်မှန်တဲ့ အကြောင်းရင်းတွေကြောင့်ပဲ အမျက်ထွက်တယ်။ အကြောင်းရင်းနှစ်ခုနဲ့ ရရှိနိုင်တဲ့ သင်ခန်းစာတွေကို သုံးသပ်ကြည့်ပါ။
၆။ နာမတော် ကဲ့ရဲ့ရှုတ်ချခံရတဲ့အခါ ယေဟောဝါ ဘယ်လို တုံ့ပြန်သလဲ။
၆ အကြောင်းရင်း– ယေဟောဝါရဲ့ နာမတော် ကဲ့ရဲ့ရှုတ်ချခံရလို့။ ယေဟောဝါကို ကိုယ်စားပြုပါတယ် ဆိုပြီး ဆိုးညစ်စွာ ပြုမူနေသူတွေကြောင့် ဘုရားနာမတော် ထိခိုက်တယ်၊ ဘုရား အမျက်ထွက်တယ်။ (ယေဇ. ၃၆:၂၃) ရှေ့အခန်းတွေမှာ လေ့လာခဲ့တဲ့အတိုင်း အစ္စရေးလူမျိုးက ယေဟောဝါရဲ့ နာမတော်ကို အကြီးအကျယ် ကဲ့ရဲ့ရှုတ်ချစရာ ဖြစ်စေခဲ့တယ်။ အစ္စရေးလူမျိုးရဲ့ သဘောထားနဲ့ လုပ်ရပ်တွေကြောင့် ယေဟောဝါ ဒေါသထွက်ခဲ့တယ်။ ဒါပေမဲ့ ဘုရားသခင်ဟာ ဒေါသ မထိန်းနိုင်တာမျိုး ဘယ်တုန်းကမှ မဖြစ်ခဲ့ဘူး။ မိမိလူမျိုးကို အလွန်အကျွံ မဟုတ်ဘဲ တော်သင့်ရုံပဲ အပြစ်ပေးတယ်။ (ယေ. ၃၀:၁၁) အမျက် ပြေသွားပြီ ဆိုတာနဲ့ အငြိုးမထားတော့ဘူး။—ဆာ. ၁၀၃:၉။
၇၊ ၈။ အစ္စရေးတွေနဲ့ ယေဟောဝါ ဆက်ဆံပုံကနေ ဘာသင်ခန်းစာတွေ ရသလဲ။
၇ သင်ခန်းစာများ။ အစ္စရေးတွေနဲ့ ယေဟောဝါ ဆက်ဆံပုံကနေ အရေးကြီးတဲ့ သတိပေးချက် ရရှိတယ်။ ရှေးအစ္စရေးတွေလိုပဲ ကျွန်တော်တို့က ယေဟောဝါရဲ့ နာမတော်ကို ကိုယ်စားပြုခွင့်၊ ယေဟောဝါရဲ့ သက်သေဖြစ်ခွင့် ရထားကြတယ်။ (ဟေရှာ. ၄၃:၁၀) ကျွန်တော်တို့ရဲ့ ပြောဆိုပြုမူပုံက ကျွန်တော်တို့ ကိုယ်စားပြုတဲ့ ဘုရားသခင်အပေါ် တိုက်ရိုက် သက်ရောက်မှု ရှိတယ်။ မျက်နှာပြောင်တိုက် အမှားလုပ်ပြီး ယေဟောဝါရဲ့ နာမတော် ကဲ့ရဲ့ရှုတ်ချစရာ ဖြစ်မှာကို လုံးဝ မလိုလားကြပါဘူး။ ဒီလိုသူတော်ကောင်း ယောင်ဆောင်မှုကို ယေဟောဝါ ဒေါသထွက်ပြီး နာမတော်ကို ကာကွယ်ဖို့ အနှေးနဲ့ အမြန် လုပ်ဆောင်ပါလိမ့်မယ်။—ဟီ. ၃:၁၃၊ ၁၅။ ၂ ပေ. ၂:၁၊ ၂။
၈ ယေဟောဝါ “ဒေါသ” ထွက်နိုင်တယ်ဆိုတဲ့ သတိပေးချက်က ဘုရားဆီ ချဉ်းကပ်ဖို့ အတားအဆီး ဖြစ်စေသင့်သလား။ မဖြစ်စေသင့်ပါဘူး။ ယေဟောဝါ စိတ်ရှည်မှန်း၊ ခွင့်လွှတ်တတ်မှန်း ကျွန်တော်တို့ သိကြတယ်။ (ဟေရှာ. ၅၅:၇။ ရော. ၂:၄) လိုအပ်တဲ့အခါ ဆုံးမပဲ့ပြင်ပေးတတ်မှန်းလည်း အသိအမှတ်ပြုကြပါတယ်။ အပြစ်လမ်းစဉ်မှာ ကျင်လည်နေသူတွေကို ဘုရား အမျက်ထွက်ကြောင်း၊ ဒီလိုလူတွေကို မိမိလူမျိုးနဲ့ ပေါင်းဖော်ခွင့်ပြုမှာ မဟုတ်ကြောင်း သိရလို့ ဘုရားအပေါ် ရိုသေလေးမြတ်စိတ် တိုးလာတယ်။ (၁ ကော. ၅:၁၁-၁၃) ယေဟောဝါက မိမိကို ဘာက ဒေါသထွက်စေကြောင်း ရှင်းရှင်းလင်းလင်း မိန့်မှာတယ်။ ဒါကြောင့် ဘုရားကို အမျက်ထွက်စေနိုင်တဲ့ သဘောထား၊ လုပ်ရပ်တွေကို ရှောင်ကြဉ်ဖို့က ကျွန်တော်တို့တာဝန် ဖြစ်တယ်။—ယော. ၃:၃၆။ ရော. ၁:၂၆-၃၂။ ယာ. ၄:၈။
၉၊ ၁၀။ သစ္စာရှိလူမျိုး ခြိမ်းခြောက်ခံရတဲ့အခါ ယေဟောဝါ ဘယ်လို တုံ့ပြန်သလဲ။ ဥပမာပေးပါ။
၉ အကြောင်းရင်း– ယေဟောဝါရဲ့ သစ္စာရှိလူမျိုး ခြိမ်းခြောက်ခံရလို့။ ယေဟောဝါဟာ မိမိရဲ့ ဂရုစိုက်ကာကွယ်မှုအောက် သစ္စာရှိရှိ ခိုလှုံနေသူတွေကို ရန်သူတွေ တိုက်ခိုက်တဲ့အခါ ဒေါသထွက်တယ်။ ဥပမာ၊ အီဂျစ်ပြည်က ထွက်လာပြီး ပင်လယ်နီကမ်းခြေမှာ ချောင်ပိတ်မိလို့ အကူအညီ မဲ့နေပုံပေါက်တဲ့ အစ္စရေးတွေနောက်ကို ဖာရောနဲ့ စစ်တပ် လိုက်လာတယ်။ ဒါပေမဲ့ ခြောက်သွေ့တဲ့ ပင်လယ်ကြမ်းပြင်ပေါ် ဖြတ်လျှောက်သွားတဲ့ အစ္စရေးတွေနောက်ကို စစ်တပ်ကြီး လိုက်လာတဲ့အခါ ယေဟောဝါက စစ်မြင်းရထားဘီးတွေကို ကျွတ်ထွက်စေတယ်။ အီဂျစ်တွေကို ပင်လယ်ထဲ ခါချပစ်တယ်။ “တစ်ယောက်မှ မလွတ်ဘူး။” (ထွ. ၁၄:၂၅-၂၈) မိမိလူမျိုးအပေါ် ထားတဲ့ “ခိုင်မြဲတဲ့ မေတ္တာ” ကြောင့် အီဂျစ်တွေကို ယေဟောဝါ ဒေါသထွက်ခဲ့တယ်။—ထွက်မြောက်ရာ ၁၅:၉-၁၃ ကိုဖတ်ပါ။
ဟေဇကိခေတ်တုန်းက အဆီးရီးယားတွေလက်ကနေ ဘုရားလူမျိုးကို ကောင်းကင်တမန်တစ်ပါး ကာကွယ်ပေးခဲ့သလို ကျွန်တော်တို့ကိုလည်း ကောင်းကင်တမန်တွေ ကာကွယ်ပေးမယ် (စာပိုဒ် ၁၀၊ ၂၃ ကို ကြည့်ပါ)
၁၀ ဘုရင် ဟေဇကိလက်ထက်မှာလည်း ယေဟောဝါက မိမိလူမျိုးအပေါ် ထားတဲ့ မေတ္တာကြောင့် ချက်ချင်း အရေးယူဆောင်ရွက်ခဲ့တယ်။ အဲဒီခေတ်အခါက အင်အားအကြီးဆုံး၊ ရက်စက်တဲ့ အဆီးရီးယားစစ်တပ်က ဂျေရုဆလင်မြို့ကို တိုက်ခိုက်ဖို့ စစ်ချီလာတယ်။ ဝိုင်းရံပိတ်ဆို့မှုကြောင့် တဖြည်းဖြည်း အသေဆိုးနဲ့ သေကြရမယ်ဆိုပြီး ယေဟောဝါရဲ့ သစ္စာရှိကျေးကျွန်တွေကို ခြိမ်းခြောက်တယ်။ (၂ ဘု. ၁၈:၂၇) ယေဟောဝါက ကောင်းကင်တမန်တစ်ပါး စေလွှတ်လိုက်တယ်။ အဲဒီတစ်ပါးတည်းက ညတွင်းချင်းပဲ ရန်သူစစ်သည် ၁၈၅,၀၀၀ ကို ကွပ်မျက်လိုက်တယ်။ (၂ ဘု. ၁၉:၃၄၊ ၃၅) နောက်နေ့မနက် အဆီးရီးယားတပ်စခန်းက မြင်ကွင်းကို မြင်ယောင်ကြည့်ပါ။ ဓားတွေ၊ လှံတွေ၊ ဒိုင်းလွှားတွေ နေရာမပျက် ရှိနေတယ်။ လူတွေကို ခရာမှုတ်နှိုးသံ၊ တပ်မိန့်ပေးသံ မကြားရဘူး။ တဲတွေဟာ ချောက်ချားစရာကောင်းလောက်အောင် တိတ်ဆိတ်နေပြီး တပ်စခန်းအနှံ့ အလောင်းတွေချည်းပဲ။
၁၁။ မိမိလူမျိုး ခြိမ်းခြောက်ခံရတဲ့အခါ ယေဟောဝါ တုံ့ပြန်ပုံအကြောင်း ပုံနမူနာတွေကနေ ဘာနှစ်သိမ့်မှုနဲ့ ရဲစွမ်းသတ္တိ ရသလဲ။
၁၁ သင်ခန်းစာများ။ မိမိလူမျိုး ခြိမ်းခြောက်ခံရတဲ့အခါ ယေဟောဝါ တုံ့ပြန်ပုံအကြောင်း ပုံနမူနာတွေက ရန်သူတွေအတွက် ပြင်းထန်တဲ့ သတိပေးချက်ပါပဲ– “အသက်ရှင်တဲ့ ဘုရားသခင်ဆီက ပြစ်ဒဏ်ကို ခံရတာဟာ သိပ်ကြောက်စရာ ကောင်းတယ်။” ဟီ. ၁၀:၃၁) ကျွန်တော်တို့အတွက်တော့ ဒီပုံနမူနာတွေက နှစ်သိမ့်မှု ဖြစ်စေတယ်။ ရဲစွမ်းသတ္တိ တိုးလာစေတယ်။ ကျွန်တော်တို့ရဲ့ အဓိကရန်သူ စာတန် အောင်မြင်မှာ မဟုတ်ကြောင်း သိရလို့ နှစ်သိမ့်မှု ရကြပါတယ်။ စာတန်ရဲ့ ကျန်နေသေးတဲ့ “အချိန်နည်းနည်း” လည်း မကြာခင် ကုန်ဆုံးတော့မယ်။ (ဗျာ. ၁၂:၁၂) အဲဒီအချိန်ရောက်တဲ့အထိ ဘယ်သူကမှ၊ ဘယ်အဖွဲ့အစည်း၊ ဘယ်အစိုးရကမှ ကျွန်တော်တို့ကို ဘုရားအလိုတော် မဆောင်နိုင်အောင် တားဆီးလို့ မရကြောင်း ယုံကြည်စိတ်ချရင်း ယေဟောဝါအတွက် ရဲစွမ်းသတ္တိ အပြည့်နဲ့ အမှုဆောင်နိုင်ကြတယ်။ (ဆာလံ ၁၁၈:၆-၉ ကိုဖတ်ပါ။) “ဘုရားသခင်သာ ကျွန်တော်တို့ဘက်မှာ ရှိရင် ကျွန်တော်တို့ကို ဘယ်သူ ဆန့်ကျင်နိုင်မလဲ” ဆိုပြီး ရေးသားခဲ့တဲ့ တမန်တော် ပေါလုလိုပဲ ကျွန်တော်တို့ ယုံကြည်စိတ်ချကြပါတယ်။—ရော. ၈:၃၁။
(၁၂။ ကြီးစွာသောဒုက္ခအတွင်း ယေဟောဝါကို ဘာက ဒေါသမီး ဟုန်းဟုန်းတောက်စေမလဲ။
၁၂ အီဂျစ်တွေလက်ထဲ ချောင်ပိတ်မိနေတဲ့ အစ္စရေးတွေ၊ အဆီးရီးယားတွေ ဝိုင်းရံတာခံရတဲ့ ဂျေရုဆလင်မြို့မှာရှိတဲ့ ဂျူးတွေကို ယေဟောဝါ ကာကွယ်ခဲ့တယ်။ လာမယ့် ကြီးစွာသောဒုက္ခအတွင်းမှာလည်း ကျွန်တော်တို့ကို ကာကွယ်ပေးဦးမယ်။ ကျွန်တော်တို့ကို ရန်သူတွေ ဇာ. ၂:၈၊ ၉) တစ်ခါမှ မကြုံဖူးသေးတဲ့ အတိုင်းအတာနဲ့ လူတွေ အစုလိုက် အပြုံလိုက် သေကြေကြလိမ့်မယ်။ ဒါပေမဲ့ သူတို့အပေါ် ယေဟောဝါ ဒေါသ ဖွင့်ချချိန်မှာ ရန်သူတွေ အံ့ဩစရာအကြောင်း မရှိဘူး။ ဘာကြောင့်လဲ။
ဖျက်ဆီးဖို့ ကြိုးစားတဲ့အခါ ကျွန်တော်တို့အပေါ်ထားတဲ့ နက်ရှိုင်းတဲ့ မေတ္တာကြောင့် ယေဟောဝါ ဒေါသမီး ဟုန်းဟုန်းတောက်ပါလိမ့်မယ်။ ကျွန်တော်တို့ကို မိုက်ရူးရဲစွာ တိုက်ခိုက်သူတွေဟာ ယေဟောဝါရဲ့ မျက်ဆန်တော်ကို ထိနေတာပဲ။ ဘုရား အလျင်အမြန်၊ ပြတ်ပြတ်သားသား တုံ့ပြန်ပါလိမ့်မယ်။ (ဘယ်သတိပေးချက်တွေ ယေဟောဝါ ပေးခဲ့သလဲ
၁၃။ ဘယ်သတိပေးချက်တွေ ယေဟောဝါ ပေးခဲ့သလဲ။
၁၃ ယေဟောဝါဟာ “အမျက်ထွက်နှေး” တယ်။ မိမိကို ဆန့်ကျင်သူ၊ မိမိလူမျိုးကို ခြိမ်းခြောက်သူတွေကို ဖျက်ဆီးမယ့်အကြောင်း လုံလုံလောက်လောက် သတိပေးခဲ့ပြီးပြီ။ (ထွ. ၃၄:၆၊ ၇) ပရောဖက် ယေရမိ၊ ယေဇကျေလ၊ ဒံယေလ၊ ယေရှုခရစ်၊ တမန်တော် ပေတရု၊ ပေါလု၊ ယောဟန်တို့ကတစ်ဆင့် စစ်ပွဲကြီးအကြောင်း ယေဟောဝါ သတိပေးခဲ့တယ်။—“ရောက်လာတော့မယ့် စစ်ပွဲကြီးအကြောင်း ယေဟောဝါ သတိပေး” လေးထောင့်ကွက်ကို ကြည့်ပါ။
၁၄၊ ၁၅။ ယေဟောဝါ ဘာလုပ်ဆောင်ခဲ့ပြီလဲ။ ဘာကြောင့်လဲ။
ဇေ. ၁:၁၄။ ဆာ. ၂:၁၀-၁၂။ ၁၁၀:၃) ကျမ်းစာစာပေတွေကို ဘာသာစကားရာနဲ့ချီ ပြန်ဆိုဖို့၊ ကျမ်းစာပါ ကတိတော်တွေ၊ သတိပေးချက်တွေအကြောင်း ပြောပြရာမှာ နှစ်စဉ် နာရီပေါင်း သန်းရာချီ အသုံးပြုဖို့ မိမိလူမျိုးကို ဘုရား လှုံ့ဆော်ခဲ့ပြီ။
၁၄ ယေဟောဝါက အဲဒီသတိပေးချက်တွေကို ကျမ်းစာမှာ မှတ်တမ်းတင်စေတယ်။ ကျမ်းစာဟာ သမိုင်းတစ်လျှောက် ဘာသာအပြန်ရဆုံး၊ အဖြန့်ချိရဆုံးစာအုပ် ဖြစ်မယ်လို့လည်း အာမခံထားတယ်။ စေတနာစိတ်နဲ့ ပေးဆက်ကြမယ့် စစ်သည်အလုံးအရင်းကို ကမ္ဘာတစ်ဝန်းမှာ ပေါ်ထွက်လာစေတယ်။ သူတို့က တခြားသူတွေ ဘုရားနဲ့ ဆက်ဆံရေးကောင်း ရှိလာအောင် ကူညီပေးကြတယ်၊ ရောက်လာတော့မယ့် “ယေဟောဝါရဲ့ နေ့ကြီး” အကြောင်း သတိပေးကြတယ်။ (၁၅ ယေဟောဝါက “ဘယ်သူ့ကိုမှ မပျက်စီးစေချင်လို့၊ လူအားလုံးကို နောင်တရစေချင်လို့” ဒီအရာအားလုံးကို လုပ်ဆောင်ခဲ့တာပါ။ (၂ ပေ. ၃:၉) စိတ်ရှည်ကြင်နာတတ်တဲ့ ဘုရားကို ကိုယ်စားပြုရတာ၊ သတင်းစကား ပျံ့နှံ့စေရေးမှာ တစ်ထောင့်တစ်နေရာကနေ ပါဝင်ရတာ တကယ့်အခွင့်ထူးပါပဲ။ သတိပေးချက်တွေကို အရေးမစိုက်သူတွေအတွက်တော့ မကြာခင် အချိန်ကုန်ဆုံးတော့မယ်။
ယေဟောဝါရဲ့ ဒေါသမီး ဘယ်အချိန် “ဟုန်းဟုန်းတောက်” မလဲ
၁၆၊ ၁၇။ နောက်ဆုံးစစ်ပွဲအတွက် ယေဟောဝါ နေ့ရက် သတ်မှတ်ပြီးပြီးလား။ ရှင်းပြပါ။
၁၆ နောက်ဆုံးစစ်ပွဲအတွက် ယေဟောဝါ နေ့ရက် သတ်မှတ်ပြီးပြီ။ မိမိလူမျိုး ဘယ်အချိန် တိုက်ခိုက်ခံရမယ်ဆိုတာ ကြိုသိတယ်။ (မ. ၂၄:၃၆) ရန်သူတွေ ဘယ်အချိန် တိုက်ခိုက်မယ်ဆိုတာ ယေဟောဝါ ဘယ်လို သိသလဲ။
၁၇ ရှေ့အခန်းမှာ တွေ့ခဲ့တဲ့အတိုင်း ယေဟောဝါက “မင်းရဲ့ မေးရိုးကို ချိတ်နဲ့ ချိတ်မယ်” ဆိုပြီး ဂေါဂကို မိန့်ဆိုထားတယ်။ နောက်ဆုံးတိုက်ပွဲဆီ လူမျိုးတွေကို ဘုရား ခေါ်ဆောင်လာမယ်။ (ယေဇ. ၃၈:၄) ဒါပေမဲ့ တိုက်ခိုက်မှုကို ယေဟောဝါ အစပြုတယ်၊ ဆန့်ကျင်သူတွေကို လွတ်လပ်စွာ ရွေးချယ်ခွင့် မပေးဘဲ ဖိအားပေးတယ်လို့ မဆိုလိုဘူး။ ယေဟောဝါက စိတ်နှလုံးကို သိမြင်နိုင်တယ်၊ အခြေအနေကို ရန်သူတွေ ဘယ်လို တုံ့ပြန်မယ်ဆိုတာ သိတယ်လို့ ဆိုလိုတာပါ။—ဆာ. ၉၄:၁၁။ ဟေရှာ. ၄၆:၉၊ ၁၀။ ယေ. ၁၇:၁၀။
၁၈။ အနန္တတန်ခိုးရှင်ကို လူသားတွေ ဘာကြောင့် ဆန့်ကျင်တိုက်ခိုက်ကြမလဲ။
၁၈ စစ်ပွဲကို စတင်တာ၊ ဆန့်ကျင်သူတွေကို ဖိအားပေးတာ ယေဟောဝါ မဟုတ်ဘူးဆိုရင် အနန္တတန်ခိုးရှင်ကို သာမန်လူသားတွေ ဘာကြောင့် ဆန့်ကျင်တိုက်ခိုက်ကြမလဲ။ အကြောင်းရင်းတစ်ခုကတော့ ဘုရား မရှိဘူး၊ လူ့အရေးကိစ္စတွေမှာ ဘုရား ကြားဝင်မှာ မဟုတ်ဘူးလို့ ယုံကြည်စိတ်ချနေကြလို့ ဖြစ်နိုင်တယ်။ အဲဒီအချိန်မှာ ကမ္ဘာပေါ်က ဗျာ. ၁၇:၁၆၊ ၁၇။
မှားယွင်းတဲ့ ဘာသာရေး အဖွဲ့အစည်းအားလုံးကို ဖျက်ဆီးပြီးပြီမို့ ဒီလိုတွေးကြပုံပဲ။ ဘုရားသာ ရှိတယ်ဆိုရင် ဘုရားကို ကိုယ်စားပြုပါတယ် ဆိုတဲ့ အဖွဲ့အစည်းတွေကို ဘုရား ကာကွယ်မှာပေါ့ဆိုပြီး ဆင်ခြင်ကြလိမ့်မယ်။ ဘုရားကို လွဲမှားစွာ ကိုယ်စားပြုနေတဲ့ ဘာသာရေးတွေကို ဖျက်ဆီးဖို့ သူတို့စိတ်နှလုံးထဲကို အကြံသွင်းတာ ဘုရားပဲဆိုတာ သဘောမပေါက်ကြဘူး။—၁၉။ မှားယွင်းတဲ့ ဘာသာရေး ဖျက်ဆီးခံရပြီးတဲ့နောက် ဘာဖြစ်လာနိုင်သလဲ။
၁၉ မှားယွင်းတဲ့ ဘာသာရေး ဖျက်ဆီးခံရပြီး တစ်ချိန်ချိန်မှာ ယေဟောဝါက မိမိလူမျိုးကို ပြင်းထန်တဲ့သတင်း ကြေညာခိုင်းနိုင်တယ်။ ဗျာဒိတ်ကျမ်းမှာ အဲဒီသတင်းကို မိုးသီးကပ်ဘေးနဲ့ နှိုင်းထားပြီး မိုးသီးတစ်လုံးက ၄၅ ပေါင်လေးတယ်။ (ဗျာ. ၁၆:၂၁၊ အောက်ခြေမှတ်ချက်) နိုင်ငံရေးနဲ့ စီးပွားရေးစနစ် အဆုံးတိုင်တော့မယ်ဆိုတဲ့ ဒီကြေညာချက်ဟာ နားထောင်သူတွေအတွက် ပြင်းထန်လွန်းလို့ ဘုရားကိုတောင် စော်ကားပြောဆိုကြလိမ့်မယ်။ ဘုရားလူမျိုးကို တစ်ကြိမ်တည်းနဲ့ ထာဝရ နှုတ်ဆိတ်သွားအောင် ချေမှုန်းဖို့ ဒီသတင်းက လူမျိုးတွေကို လှုံ့ဆော်ပေးပုံရတယ်။ ကျွန်တော်တို့ကို အကာအကွယ်မဲ့နေတယ်၊ အလွယ်တကူ ဖျက်ဆီးနိုင်တယ်လို့ တွေးကြလိမ့်မယ်။ မှားလိုက်လေခြင်း။
ယေဟောဝါက ဒေါသကို ဘယ်လို ဖော်ပြမလဲ
၂၀၊ ၂၁။ ဂေါဂက ဘယ်သူလဲ။ ဘာဖြစ်သွားမလဲ။
၂၀ ဒီစာအုပ် အခန်း ၁၇ မှာ တွေ့ခဲ့တဲ့အတိုင်း ကျွန်တော်တို့ကို တိုက်ခိုက်မယ့် မဟာမိတ်နိုင်ငံတွေကို “မာဂေါဂပြည်က ဂေါဂမင်း” လို့ ယေဇကျေလ ခေါ်ခဲ့တယ်။ (ယေဇ. ၃၈:၂) ဒါပေမဲ့ မဟာမိတ်နိုင်ငံတွေဟာ စည်းလုံးကြမှာ မဟုတ်ဘူး။ ပူးပေါင်းနေကြဟန် ရှိပေမဲ့ ပြိုင်ဆိုင်လိုစိတ်၊ မာနစိတ်၊ အမျိုးသားရေးစိတ်တွေတော့ ရှိနေဦးမှာပဲ။ “အချင်းချင်း ဓားနဲ့ တိုက်ခိုက်” အောင် လုပ်ဆောင်ဖို့ ယေဟောဝါအတွက် အလွယ်လေးပဲ။ (ယေဇ. ၃၈:၂၁) ဒါပေမဲ့ လူ့လက်ချက်ကြောင့် တိုင်းနိုင်ငံတွေ ပျက်စီးမှာ မဟုတ်ဘူး။
၂၁ ရန်သူတွေ ဖျက်ဆီးမခံရခင်မှာ လူသား ကြွလာခြင်းနိမိတ်ကို မြင်ကြရလိမ့်မယ်။ အဲဒီနိမိတ်က ယေဟောဝါ၊ ယေရှုတို့ရဲ့ မဟာဘုန်းတန်ခိုးလက္ခဏာ ဖြစ်နိုင်တယ်။ အလွန်အမင်း ထိတ်လန့်စရာကောင်းတာတွေကို ဆန့်ကျင်သူတွေ မြင်ကြရမယ်။ ယေရှု ကြိုပြောခဲ့သလိုပဲ “လူတွေဟာ ကမ္ဘာပေါ်မှာ ဖြစ်လာမယ့်အရာတွေကို မျှော်မြင်ပြီး ကြောက်လွန်းလို့ မေ့မြောသွားကြလိမ့်မယ်။” (လု. ၂၁:၂၅-၂၇) ယေဟောဝါရဲ့ လူမျိုးကို တိုက်ခိုက်မိတာ မှားမှန်း သဘောပေါက်ပြီး ထိတ်လန့်သွားကြလိမ့်မယ်။ ဗိုလ်ခြေတို့ရဲ့ အရှင်အဖြစ် ဖန်ဆင်းရှင် ယေဟောဝါရဲ့ အခန်းကဏ္ဍကို သူတို့ မဖြစ်မနေ အသိအမှတ်ပြုကြရမယ်။ (ဆာ. ၄၆:၆-၁၁။ ယေဇ. ၃၈:၂၃) ယေဟောဝါက သစ္စာရှိကျေးကျွန်တွေကို ကာကွယ်ရာလည်းရောက်၊ ရန်သူတွေကို ဖျက်ဆီးရာလည်းရောက်မယ့်နည်းနဲ့ သဘာဝစွမ်းအားတွေကိုရော၊ သဘာဝလွန်စွမ်းအားတွေကိုပါ အသုံးပြုမှာ သေချာပါတယ်။—၂ ပေတရု ၂:၉ ကိုဖတ်ပါ။
ယေဟောဝါက မိမိလူမျိုးတွေ ခြိမ်းခြောက်ခံရတဲ့အခါ ဒေါသ ဖွင့်ချဖို့ ကောင်းကင်တပ်မဟာကို အသုံးပြုမယ် (စာပိုဒ် ၂၁ ကို ကြည့်ပါ)
၂၂၊ ၂၃။ ဘုရားလူမျိုးကို ဘယ်သူတွေ ကာကွယ်ပေးမလဲ။ တာဝန်နဲ့ပတ်သက်ပြီး သူတို့ ဘယ်လို ခံစားကြမလဲ။
ယေဟောဝါ နေ့ကြီးအကြောင်း သိထားခြင်းက ကျွန်တော်တို့ကို ဘာလုပ်ဖို့ လှုံ့ဆော်ပေးသင့်သလဲ
၂၂ ရန်သူတွေကို ဦးဆောင်တိုက်ခိုက်ဖို့၊ အဖဘုရားကို ချစ်မြတ်နိုးပြီး ဆည်းကပ်ကိုးကွယ်သူတွေကို ကာကွယ်ဖို့ ယေရှု ဘယ်လောက် စိတ်ပြင်းပြနေမယ်၊ ဘိသိက်ခံတွေကော ဘယ်လို ခံစားကြရမယ်ဆိုတာ စဉ်းစားကြည့်ပါ။ မြေကြီးပေါ် ကျန်နေသေးတဲ့ နောက်ဆုံးဘိသိက်ခံတွေဟာ အာမဂေဒုန် မစခင် တစ်ချိန်ချိန်မှာ ကောင်းကင်ကို စုသိမ်းဗျာ. ၁၇:၁၂-၁၄) နောက်ဆုံးကာလအတွင်း ဘိသိက်ခံများစွာနဲ့ တခြားသိုးတွေ ပူးပေါင်းလုပ်ဆောင်ခဲ့ကြတာမို့ ရင်းနှီးတဲ့ မိတ်ဆွေနှောင်ကြိုး ရှိကြမှာ သေချာတယ်။ ခက်ခဲချိန်တစ်လျှောက် သစ္စာရှိရှိ ကူညီထောက်မပေးခဲ့ကြသူတွေဘက်က ကာကွယ်တိုက်ခိုက်ဖို့ အခွင့်အာဏာနဲ့ တန်ခိုးကို ဘိသိက်ခံတွေ ရကြပါလိမ့်မယ်။—မ. ၂၅:၃၁-၄၀။
ခံရမယ်။ ဒါမှ အာမဂေဒုန်စစ်ပွဲမှာ ယေရှုနဲ့အတူ ၁၄၄,၀၀၀ အားလုံး ပါဝင်နိုင်မယ်။ (၂၃ ယေရှုရဲ့ ကောင်းကင်တပ်မဟာမှာ ကောင်းကင်တမန်တွေလည်း ပါမယ်။ (၂ သက်. ၁:၇။ ဗျာ. ၁၉:၁၄) သူတို့က စာတန်နဲ့ နတ်ဆိုးတွေကို ကောင်းကင်ကနေ ယေရှု တိုက်ထုတ်ချိန်မှာလည်း ကူညီခဲ့ကြတယ်။ (ဗျာ. ၁၂:၇-၉) ယေဟောဝါကို ဝတ်ပြုကိုးကွယ်ချင်သူတွေကို စုသိမ်းရာမှာလည်း ပါဝင်ခဲ့ကြတယ်။ (ဗျာ. ၁၄:၆၊ ၇) သစ္စာရှိသူတွေကို ကာကွယ်ဖို့ ကောင်းကင်တမန်တွေကို ယေဟောဝါ အခွင့်ပေးမယ်ဆိုတာ တကယ်သင့်လျော်ပါတယ်။ အရေးကြီးဆုံးကတော့ ယေဟောဝါရဲ့ တပ်မဟာမှာ ပါဝင်သူတိုင်းက ရန်သူတွေကို တိုက်ခိုက်ရာမှာ ကူညီပေးခြင်းအားဖြင့် ဘုရားနာမတော် သန့်ရှင်းမြင့်မြတ်ပြီး သံသယကင်းရှင်းစေခွင့် ရတဲ့အတွက် ဂုဏ်ယူကြပါလိမ့်မယ်။—မ. ၆: ၉၊ ၁၀။
၂၄။ တခြားသိုးအဝင် လူအုပ်ကြီး ဘယ်လို တုံ့ပြန်မလဲ။
၂၄ တန်ခိုးကြီးမားပြီး စိတ်အားထက်သန်လှတဲ့ တပ်မဟာက ကာကွယ်ပေးမှာ ဖြစ်လို့ တခြားသိုးအဝင် လူအုပ်ကြီးအနေနဲ့ ကြောက်စရာအကြောင်း မရှိဘူး။ “ကယ်တင်မယ့်အချိန် ရောက်ခါနီးပြီ ဖြစ်လို့ မတ်မတ်ရပ်ပြီး ခေါင်းမော့ထားကြ” လိမ့်မယ်။ (လု. ၂၁:၂၈) ယေဟောဝါရဲ့ နေ့ကြီး ရောက်မလာခင်မှာ ကရုဏာရှင်၊ ကာကွယ်ပေးရှင်အကြောင်း လူများနိုင်သမျှများများ သိလာအောင်၊ အဖဘုရားကို ချစ်မြတ်နိုးလာအောင် ကူညီပေးဖို့ သိပ်အရေးကြီးတယ်။—ဇေဖနိ ၂:၂၊ ၃ ကိုဖတ်ပါ။
အာမဂေဒုန်အတွင်း ယေဟောဝါလူမျိုးက တိုက်ခိုက်မှာ မဟုတ်ဘူး။ ရန်သူတွေ အချင်းချင်း တိုက်ခိုက်တဲ့အခါ ကောင်းကင်တမန်တွေက ဘုရားလူမျိုးကို ကာကွယ်ပေးမယ်။—ယေဇ. ၃၈:၂၁ (စာပိုဒ် ၂၂-၂၄ ကို ကြည့်ပါ)
၂၅။ နောက်အခန်းမှာ ဘာအကြောင်း လေ့လာကြမလဲ။
၂၅ လူ့စစ်ပွဲတွေရဲ့ ရလဒ်က ဖရိုဖရဲဖြစ်မှုနဲ့ စိတ်ပျက်ဝမ်းနည်းမှုတွေပဲ။ အာမဂေဒုန်စစ်ပွဲရဲ့ ရလဒ်ကတော့ စနစ်ကျမှုနဲ့ ပျော်ရွှင်မှု ဖြစ်ပါလိမ့်မယ်။ ယေဟောဝါရဲ့ ဒေါသ ပြေငြိမ်းသွားတဲ့အခါ၊ ဘုရားရဲ့ စစ်သည်တွေ လက်နက် ပြန်ရုတ်သိမ်းတဲ့အခါ၊ စစ်ပွဲ ပြီးသွားတဲ့အခါ ဘယ်လို ဖြစ်မလဲ။ တောက်ပတဲ့ အနာဂတ်အကြောင်း နောက်အခန်းမှာ လေ့လာကြပါမယ်။