အခန်း ၁၇
“ဂေါဂ၊ မင်းကို ငါတိုက်ခိုက်မယ်”
အာရုံစိုက်ရာ။ “ဂေါဂ” နဲ့ ဂေါဂ ကျူးကျော်တဲ့ “ပြည်” ရဲ့ သရုပ်မှန်အကြောင်း ရှင်းပြချက်
၁၊ ၂။ မကြာခင် ဘယ်စစ်ပွဲကြီးဖြစ်မလဲ။ ဘယ်မေးခွန်းတွေ ပေါ်လာသလဲ။ (ဆောင်းပါးအစမှာပါတဲ့ပုံကို ကြည့်ပါ။)
၂၀ရာစု ကမ္ဘာ့စစ်ကြီးနှစ်ခုအတွင်း သွေးချောင်းစီး သတ်ဖြတ်မှုတွေ အပါအဝင် စစ်မက်တွေကြောင့် ကမ္ဘာမြေကြီး သွေးစွန်းနေခဲ့တာ နှစ်ထောင်ချီ ရှိပြီ။ ဒါပေမဲ့ မကြာခင် လူ့သမိုင်းမှာ အကြီးမားဆုံးစစ်ပွဲ ရောက်လာတော့မယ်။ ကိုယ်ကျိုးအတွက် တိုင်းနိုင်ငံတွေ အချင်းချင်း တိုက်ခိုက်မယ့် စစ်ပွဲတော့ မဟုတ်ဘူး။ “အနန္တတန်ခိုးရှင် ဘုရားသခင်ရဲ့ နေ့ကြီးမှာ တိုက်မယ့် စစ်ပွဲ” ဖြစ်တယ်။ (ဗျာ. ၁၆:၁၄) ဘုရား တန်ဖိုးထားတဲ့ပြည်ကို မောက်မာတဲ့ရန်သူ ကျူးကျော်မယ်။ အဲဒီအချိန်မှာ အချုပ်အခြာအာဏာပိုင်ရှင် ယေဟောဝါက အကြီးမားဆုံး အဖျက်စွမ်းအားကို အကုန်အစင် ဖွင့်ချမယ်။
၂ မေးခွန်းတချို့ ပေါ်လာတယ်– ရန်သူက ဘယ်သူလဲ။ ဘယ်ပြည်ကို ကျူးကျော်မလဲ။ ဘယ်အချိန်မှာ၊ ဘာကြောင့်၊ ဘယ်လို ကျူးကျော်မလဲ။ စင်ကြယ်တဲ့ ဝတ်ပြုကိုးကွယ်မှုမှာ ပါဝင်သူ ကျွန်တော်တို့ဟာ ဒီအနာဂတ်ဖြစ်ရပ်တွေနဲ့ သက်ဆိုင်တဲ့အတွက် အဖြေ သိဖို့ လိုတယ်။ ယေဇကျေလ အခန်းကြီး ၃၈ နဲ့ ၃၉ မှာပါတဲ့ စိတ်လှုပ်ရှားစရာ ပရောဖက်ပြုချက်မှာ အဖြေ ရှာတွေ့နိုင်ပါတယ်။
ရန်သူ—မာဂေါဂပြည်သား ဂေါဂမင်း
၃။ မာဂေါဂပြည်သား ဂေါဂမင်းအကြောင်း ယေဇကျေလ ပရောဖက်ပြုချက် အကျဉ်းချုပ်ကို ရှင်းပြပါ။
၃ ယေဇကျေလ ၃၈:၁၊ ၂၊ ၈၊ ၁၈။ ၃၉:၄၊ ၁၁ တို့ကိုဖတ်ပါ။ ပရောဖက်ပြုချက် အကျဉ်းချုပ်ကတော့ ဒီလိုပါ– “အဆုံးပိုင်းကာလ ရောက်တဲ့အခါ” ရန်သူ “မာဂေါဂပြည်က ဂေါဂမင်း” ဟာ ဘုရားလူမျိုးရဲ့ “ပြည်” ကို ကျူးကျော်မယ်။ ရက်စက်တဲ့ ဒီကျူးကျော်တိုက်ခိုက်မှုက ယေဟောဝါရဲ့ “ဒေါသမီး” ကို ဟုန်းဟုန်းတောက်စေလို့ ယေဟောဝါ ကြားဝင်ပြီး ဂေါဂကို ချေမှုန်းပစ်မယ်။ * ရှုံးနိမ့်သွားတဲ့ ရန်သူနဲ့ အပေါင်းပါတွေကို “သားရဲငှက်တွေ၊ သားရဲတွေ စားဖို့” ကျွေးပစ်မယ်။ နောက်ဆုံးမှာ ယေဟောဝါက ဂေါဂအတွက် “သင်္ချိုင်းမြေ” ပေးမယ်။ မဝေးတော့တဲ့ အနာဂတ်မှာ ဒီပရောဖက်ပြုချက် ဘယ်လို ပြည့်စုံလာမလဲဆိုတာ နားလည်နိုင်ဖို့ ဂေါဂမင်း ဘယ်သူလဲဆိုတာ အရင်ဆုံး သိရမယ်။
၄။ မာဂေါဂပြည်သား ဂေါဂနဲ့ပတ်သက်ပြီး ဘာကောက်ချက် ချနိုင်သလဲ။
၄ မာဂေါဂပြည်သား ဂေါဂဟာ ဘယ်သူလဲ။ စင်ကြယ်တဲ့ ဝတ်ပြုကိုးကွယ်မှုမှာ ပါဝင်သူတွေရဲ့ ရန်သူ ဖြစ်ကြောင်း ယေဇကျေလ ဖော်ပြချက်အရ ကောက်ချက် ချနိုင်တယ်။ ဂေါဂဆိုတာ စစ်မှန်တဲ့ ဝတ်ပြုရေးရဲ့ အကြီးဆုံးရန်သူ စာတန်ရဲ့ နာမည်နောက်တစ်မျိုးလား။ ကျွန်တော်တို့ရဲ့ စာစောင်တွေမှာ ဆယ်စုနှစ်များစွာ ဒီလိုဖော်ပြခဲ့တယ်။ ဒါပေမဲ့ ယေဇကျေလ ပရောဖက်ပြုချက်ကို ထပ်ဆင့်လေ့လာသုံးသပ်တဲ့အခါ နားလည်မှု ပြုပြင်ပြောင်းလဲဖို့ လိုလာတယ်။ မာဂေါဂပြည်သား ဂေါဂဆိုတာ မမြင်နိုင်တဲ့ နာမ်ဝိညာဉ်ပုဂ္ဂိုလ်ကို ရည်ညွှန်းတာ မဟုတ်ဘဲ စင်ကြယ်တဲ့ ဝတ်ပြုကိုးကွယ်မှုကို ဆန့်ကျင်တိုက်ခိုက်မယ့် နိုင်ငံပေါင်းစုံ ဖွဲ့စည်းထားတဲ့ မဟာမိတ်အုပ်စု၊ မြင်နိုင်တဲ့ လူသားရန်သူကို ရည်ညွှန်းကြောင်း ကင်းမျှော်စင်မှာ ရှင်းပြခဲ့တယ်။ * ဒီလိုရှင်းပြရတဲ့ အကြောင်းရင်းကို မသုံးသပ်ခင် ဂေါဂဟာ နာမ်ဝိညာဉ်ပုဂ္ဂိုလ် မဟုတ်ကြောင်း ဖော်ပြတဲ့ ယေဇကျေလ ပရောဖက်ပြုချက်ပါ သဲလွန်စနှစ်ခုကို ဦးဆုံး ဆန်းစစ်ကြည့်ကြစို့။
၅၊ ၆။ မာဂေါဂပြည်သား ဂေါဂဟာ နာမ်ဝိညာဉ်သား မဟုတ်ကြောင်း ယေဇကျေလ ပရောဖက်ပြုချက်ပါ ဘယ်အချက်က ဖော်ပြသလဲ။
၅ ‘မင်းကို သားရဲငှက်တွေ စားဖို့ ကျွေးပစ်မယ်။’ (ယေဇ. ၃၉:၄) ကျမ်းစာမှာ အသေကောင်တွေကို အငမ်းမရ စားတတ်တဲ့ ငှက်ရဲတွေအကြောင်း ဖော်ပြပြီး ဘုရားရဲ့ တရားစီရင်ခြင်းအကြောင်း သတိပေးလေ့ရှိတယ်။ အစ္စရေးလူမျိုးကိုကော အစ္စရေး မဟုတ်သူတွေကိုပါ ဘုရား အဲဒီလိုသတိပေးခဲ့တယ်။ (တရား. ၂၈:၂၆။ ယေ. ၇:၃၃။ ယေဇ. ၂၉:၃၊ ၅) ဒါပေမဲ့ နာမ်ဝိညာဉ်သားတွေကို မဟုတ်ဘဲ အသွေးအသားခန္ဓာ ရှိတဲ့ လူသားတွေကို သတိပေးတာ ဖြစ်ကြောင်း သတိပြုပါ။ ဒါ့အပြင် ငှက်တွေ၊ သားရဲတွေက အသားကိုပဲ စားကြတာ။ ဒါကြောင့် ဂေါဂဟာ နာမ်ဝိညာဉ်သား မဟုတ်ကြောင်း ယေဇကျေလ ပရောဖက်ပြုချက်ပါ ဒီသတိပေးချက်က ဖော်ပြတယ်။
၆ “အစ္စရေးပြည်မှာ . . . ဂေါဂအတွက် သင်္ချိုင်းမြေ ပေးမယ်။” (ယေဇ. ၃၉:၁၁) နာမ်ဝိညာဉ်သားတွေကို မြေမြှုပ်တဲ့အကြောင်း ကျမ်းစာမှာ မဖော်ပြထားဘူး။ စာတန်နဲ့ နတ်ဆိုးတွေဟာ အနှစ် ၁,၀၀၀ လုံးလုံး တွင်းနက်ကြီးထဲမှာ ချည်နှောင်ခံရမယ်။ အဲဒီနောက် ထာဝရ ပျက်စီးခြင်းကို ပုံဆောင်တဲ့ ကန့်မီးအိုင်ထဲ ပစ်ချခံရမယ်။ (လု. ၈:၃၁။ ဗျာ. ၂၀:၁-၃၊ ၁၀) “သင်္ချိုင်းမြေ” ပေးမယ်လို့ ပြောထားတဲ့အတွက် ဂေါဂဟာ နာမ်ဝိညာဉ်သား မဟုတ်ဘူးလို့ ကောက်ချက် ချနိုင်တယ်။
၇၊ ၈။ “မြောက်ဘုရင်” ဘယ်အချိန် ဇာတ်သိမ်းမလဲ။ ဒါက မာဂေါဂပြည်သား ဂေါဂရဲ့ အဖြစ်နဲ့ ဘယ်လို ဆင်တူသလဲ။
၇ စင်ကြယ်တဲ့ ဝတ်ပြုကိုးကွယ်မှုမှာ ပါဝင်သူတွေကို နောက်ဆုံး တိုက်ခိုက်မယ့် ရန်သူဟာ နာမ်ဝိညာဉ်ပုဂ္ဂိုလ် မဟုတ်ဘူးဆိုရင် ဂေါဂဆိုတာ ဘယ်သူလဲ၊ ဘာလဲ။ မာဂေါဂပြည်သား ဂေါဂမင်း ဘယ်သူဘယ်ဝါဆိုတာ သိဖို့ အကူအညီ ဖြစ်စေတဲ့ ကျမ်းစာ ပရောဖက်ပြုချက်နှစ်ခုကို သုံးသပ်ကြည့်ပါ။
ဒံယေလ ၁၁:၄၀-၄၅ ကိုဖတ်ပါ။) ဒံယေလခေတ်ကနေ ကျွန်တော်တို့ခေတ်အထိ ပေါ်လာမယ့် ကမ္ဘာ့အာဏာစက်တွေအကြောင်း ဒံယေလ ဖော်ပြခဲ့တယ်။ “တောင်ဘုရင်” နဲ့ “မြောက်ဘုရင်” ဆိုတဲ့ ပြိုင်ဘက်ဘုရင်နှစ်ပါးအကြောင်း ပရောဖက်ပြုချက်မှာ ဖော်ပြထားတယ်။ တိုင်းနိုင်ငံများစွာက တန်ခိုးအာဏာအတွက် တိုက်ခိုက်နေကြတာမို့ ဘုရင်နှစ်ပါးကို ကိုယ်စားပြုသူတွေ ရာစုနှစ်တစ်လျှောက် ပြောင်းလဲနေတယ်။ “အဆုံးပိုင်းကာလ” အတွင်း မြောက်ဘုရင်က “လူများစွာကို အစတုံး ဖျက်ဆီးဖို့ ဒေါသတကြီး ထွက်လာလိမ့်မယ်” ဆိုပြီး ဒံယေလ ပြောခဲ့တယ်။ မြောက်ဘုရင်ရဲ့ အဓိကပစ်မှတ်ကတော့ ယေဟောဝါကို ဝတ်ပြုကိုးကွယ်သူတွေပါပဲ။ * ဒါပေမဲ့ ဘုရားလူမျိုးအပေါ် တိုက်ခိုက်မှု မအောင်မြင်ဘဲ မာဂေါဂပြည်သား ဂေါဂမင်းလိုပဲ မြောက်ဘုရင်ရဲ့ “ဇာတ်သိမ်းခန်း” ရောက်လာမယ်။
၈ “မြောက်ဘုရင်။” (၉။ မာဂေါဂပြည်သား ဂေါဂနဲ့ “လူနေထိုင်ရာ မြေတစ်ပြင်လုံးမှာရှိတဲ့ ဘုရင်တွေ” မှာ ဘာဆင်တူချက် ရှိသလဲ။
၉ “လူနေထိုင်ရာ မြေတစ်ပြင်လုံးမှာ ရှိတဲ့ ဘုရင်တွေ။” (ဗျာဒိတ် ၁၆:၁၄၊ ၁၆။ ၁၇:၁၄။ ၁၉:၁၉၊ ၂၀ ကိုဖတ်ပါ။) “ဘုရင်တကာတို့ရဲ့ ဘုရင်” (ကောင်းကင်ဘုရင် ယေရှု) ကို “ကမ္ဘာ့အုပ်စိုးရှင်တွေ” တိုက်ခိုက်မယ့်အကြောင်း ဗျာဒိတ်ကျမ်းမှာ ဖော်ပြထားတယ်။ ဒါပေမဲ့ ကမ္ဘာ့အုပ်စိုးရှင်တွေက ကောင်းကင်မှာ ရှိတဲ့ ယေရှုကို တိုက်ခိုက်လို့ မရတာမို့ ဘုရားနိုင်ငံတော်ကို ထောက်ခံတဲ့ မြေကြီးပေါ်က လူတွေကို တိုက်ခိုက်တယ်။ အာမဂေဒုန်မှာ ကမ္ဘာ့အုပ်စိုးရှင်တွေ အရေးနိမ့်သွားမယ်။ ယေဟောဝါရဲ့ လူမျိုးကို တိုက်ခိုက်ပြီးနောက် ဇာတ်သိမ်းသွားကြမယ်ဆိုတာ သတိပြုပါ။ ဒါက မာဂေါဂပြည်သား ဂေါဂအကြောင်း ဖော်ပြချက်နဲ့ ဆင်တူတယ်။ *
၁၀။ မာဂေါဂပြည်သား ဂေါဂအကြောင်း ဘာကောက်ချက် ချနိုင်သလဲ။
၁၀ အထက် ဖော်ပြချက်တွေအရ ဂေါဂအကြောင်း ဘာကောက်ချက် ချနိုင်သလဲ။ ပထမ၊ ဂေါဂဟာ နာမ်ဝိညာဉ်သား မဟုတ်ဘူး။ ဒုတိယ၊ ဂေါဂဆိုတာ မဝေးတော့တဲ့ အနာဂတ်မှာ ဘုရားလူမျိုးကို တိုက်ခိုက်မယ့် ကမ္ဘာ့တိုင်းနိုင်ငံတွေကို ရည်ညွှန်းတယ်။ အဲဒီတိုင်းနိုင်ငံတွေဟာ မဟာမိတ်တွေအဖြစ် တစ်နည်းနည်းနဲ့ ပူးပေါင်းကြလိမ့်မယ်။ ဘာကြောင့်လဲ။ မြေတစ်ခွင်လုံးမှာ နေထိုင်ကြတဲ့ ဘုရားလူမျိုးကို တိုက်ခိုက်ဖို့ဆိုရင် တိုင်းနိုင်ငံတွေဟာ တစ်ကျိတ်တည်းတစ်ဉာဏ်တည်း ဖြစ်နေဖို့ လိုတယ်။ (မ. ၂၄:၉) တိုက်ခိုက်မှုကို နောက်ကွယ်ကနေ ကြိုးကိုင်ခြယ်လှယ်သူကတော့ စာတန်ပါပဲ။ စစ်မှန်တဲ့ ဝတ်ပြုရေးကို ဆန့်ကျင်ဖို့ ကမ္ဘာ့တိုင်းနိုင်ငံတွေကို စာတန် ဩဇာလွှမ်းမိုးထားခဲ့တာ ကြာပြီ။ (၁ ယော. ၅:၁၉။ ဗျာ. ၁၂:၁၇) ဒါပေမဲ့ မာဂေါဂပြည်သား ဂေါဂအကြောင်း ယေဇကျေလ ပရောဖက်ပြုစကားတွေက ယေဟောဝါရဲ့ လူမျိုးကို တိုက်ခိုက်မယ့် မြေကြီးတိုင်းနိုင်ငံတွေရဲ့ အခန်းကဏ္ဍကို အလေးပေးတယ်။ *
“ပြည်”ဆိုတာ ဘာလဲ
၁၁။ ဂေါဂ ကျူးကျော်မယ့် “ပြည်” အကြောင်း ယေဇကျေလ ပရောဖက်ပြုချက်မှာ ဘယ်လို ဖော်ပြထားသလဲ။
၁၁ အပိုဒ် ၃ မှာ လေ့လာခဲ့တဲ့အတိုင်း မာဂေါဂပြည်သား ဂေါဂဟာ ယေဟောဝါအတွက် တန်ဖိုးရှိတဲ့ ပြည်ကို ကျူးကျော်ခြင်းအားဖြင့် ယေဟောဝါရဲ့ ဒေါသမီးကို ဟုန်းဟုန်းတောက်စေမယ်။ ဘယ်ပြည်လဲ။ ယေဇကျေလ ပရောဖက်ပြုချက်ကို ပြန်ကြည့်ကြစို့။ (ယေဇကျေလ ၃၈:၈-၁၂ ကိုဖတ်ပါ။) “လူမျိုးခြားတွေထဲကနေ ပြန်စုသိမ်းခံရတဲ့၊” ‘ကယ်တင်ခံရတဲ့သူတွေရဲ့ ပြည်ကို’ ဂေါဂ “ကျူးကျော်လိမ့်မယ်” လို့ ဆိုထားတယ်။ ဒီပြည်ထဲမှာ နေထိုင်တဲ့ ပြန်စုသိမ်းခံထားရတဲ့ ဝတ်ပြုကိုးကွယ်သူတွေအကြောင်း ပြောထားတာကိုလည်း သတိပြုပါ။ သူတို့ဟာ “ဘေးကင်းလုံခြုံစွာ နေထိုင်” ကြတယ်။ ကျေးရွာတွေ “အကာအကွယ်မဲ့နေ” တယ်။ “မြို့ရိုး၊ ကန့်လန့်ကျင်၊ မြို့တံခါး မရှိ” ဘူး။ “စည်းစိမ်ဥစ္စာတွေ စုဆောင်း” ကြတယ်။ ဒါဟာ ကမ္ဘာတစ်ဝန်းမှာရှိတဲ့ စင်ကြယ်တဲ့ ဝတ်ပြုကိုးကွယ်မှုမှာ ပါဝင်သူတွေ နေထိုင်ကြတဲ့ ပြည်ပါပဲ။ ဘယ်လို သိနိုင်သလဲ။
၁၂။ ကျမ်းစာခေတ် အစ္စရေးပြည်မှာ ဘယ်ပြန်လည်တည်ထောင်ခြင်း ဖြစ်ခဲ့သလဲ။
၁၂ ရှေးအစ္စရေးပြည် ပြန်လည်တည်ထောင်ခြင်းအကြောင်း သုံးသပ်ခြင်းက အကူအညီ ဖြစ်စေတယ်။ ဘုရား ရွေးချယ်ထားတဲ့ လူတွေဟာ အဲဒီပြည်မှာ ရာစုနှစ်များစွာ နေထိုင်၊ လုပ်ကိုင်၊ ဝတ်ပြုခဲ့ကြတယ်။ အစ္စရေးတွေ သစ္စာမဲ့သွားတဲ့အခါ ပြည်ကို ဖျက်ဆီးပစ်မယ်၊ လူသူကင်းမဲ့စေမယ်လို့ ယေဇကျေလကတစ်ဆင့် ယေဟောဝါ မိန့်ဆိုခဲ့တယ်။ (ယေဇ. ၃၃:၂၇-၂၉) ဒါပေမဲ့ နောင်တရတဲ့ အကြွင်းအကျန်တွေ ဗာဗုလုန်သုံ့ပန်းဘဝကနေ အစ္စရေးပြည်ကို ပြန်လာပြီး စင်ကြယ်တဲ့ ဝတ်ပြုကိုးကွယ်မှု ပြန်တည်ထောင်မယ့်အကြောင်းကိုလည်း ယေဟောဝါ ကြိုတင်မိန့်ဆိုခဲ့တယ်။ ယေဟောဝါရဲ့ ကောင်းချီးကြောင့် အစ္စရေးပြည် ပြောင်းလဲသွားမယ်။ “ဧဒင်ဥယျာဉ်လို” စည်ပင်ဝပြောလာမယ်။ (ယေဇ. ၃၆:၃၄-၃၆) အဲဒီပြန်လည်တည်ထောင်ခြင်းဟာ ပြည်နှင်ခံဂျူးတွေ ဂျေရုဆလင်မြို့ကို ပြန်လာပြီး စစ်မှန်တဲ့ ဝတ်ပြုရေးကို ပြန်လည်တည်ထောင်ခဲ့တဲ့ ဘီစီ ၅၃၇ မှာ စတင် ပြည့်စုံခဲ့တယ်။
၁၃၊ ၁၄။ (က) ပုံဆောင်ပြည်ဆိုတာ ဘာလဲ။ (ခ) ဒီပြည်ဟာ ယေဟောဝါအတွက် ဘာကြောင့် တန်ဖိုးရှိသလဲ။
၁၃ မျက်မှောက်ခေတ်မှာလည်း စင်ကြယ်တဲ့ ဝတ်ပြုကိုးကွယ်မှုမှာ ပါဝင်သူတွေဟာ အလားတူ ပြန်လည်တည်ထောင်ခြင်းမျိုး ကြုံတွေ့နေကြရတယ်။ ဒီစာအုပ် အခန်း ၉ မှာ လေ့လာခဲ့တဲ့အတိုင်း ဘုရားလူမျိုးဟာ ၁၉၁၉ ခုနှစ် ရောက်တဲ့အခါ မဟာဗာဗုလုန် သုံ့ပန်းဘဝရှည်ကနေ လွတ်မြောက်ခဲ့တယ်။ အဲဒီနှစ်မှာ ယေဟောဝါက သူတို့ကို ပုံဆောင်ပြည်ထဲ ပြန်ခေါ်လာတယ်။ ပုံဆောင်ပြည်ဆိုတာ လုံခြုံတဲ့၊ ကျမ်းစာအမှန်တရား ပေါကြွယ်ဝတဲ့၊ လူသူနေထိုင်တဲ့ ပုံဆောင်ပရဒိသု ဖြစ်တယ်။ အဲဒီပြည်မှာ စစ်မှန်တဲ့ ဘုရားကို ဝတ်ပြုကိုးကွယ်ကြတယ်။ ဘေးကင်းလုံခြုံစွာ နေထိုင်ကြတယ်။ စိတ်ငြိမ်သက်မှု ရကြတယ်။ (ပညာ. ၁:၃၃) ကျမ်းစာအမှန်တရား ပေါကြွယ်ဝစွာ ရရှိကြတယ်။ ဘုရားနိုင်ငံတော်အကြောင်း ကြေညာခြင်းလုပ်ငန်းမှာ ကျေနပ်စရာကောင်းတဲ့ အလုပ်များစွာ ရှိတယ်။ “ယေဟောဝါရဲ့ ကောင်းချီးက ကြွယ်ဝစေတယ်။ အဲဒီကြွယ်ဝမှုမှာ နာကျင်စရာတွေ မရောဘူး” ဆိုတဲ့ ကျမ်းစကား မှန်ကန်ကြောင်း ကျွန်တော်တို့ ကိုယ်တွေ့ ခံစားကြရတယ်။ (ပညာ. ၁၀:၂၂) ကျွန်တော်တို့ ဘယ်နေရာမှာပဲ နေထိုင်ပါစေ စင်ကြယ်တဲ့ ဝတ်ပြုကိုးကွယ်မှုကို အပြောနဲ့ကော လုပ်ရပ်နဲ့ပါ တက်တက်ကြွကြွ ကူညီထောက်မနေသရွေ့ ပုံဆောင်ပရဒိသုထဲ ရှိနေကြပါတယ်။
၁၄ ဒီပုံဆောင်ပြည်က ယေဟောဝါအတွက် တန်ဖိုးရှိတယ်။ ဘာကြောင့်လဲ။ စင်ကြယ်တဲ့ ဝတ်ပြုကိုးကွယ်မှုထဲ ဆွဲဆောင်ခံရတဲ့ ပြည်သားတိုင်းဟာ ဘုရားအမြင်မှာ “လူမျိုးအားလုံးထဲက တန်ဖိုးရှိတဲ့အရာတွေ” ဖြစ်လို့ပါပဲ။ (ဟဂ္ဂဲ ၂:၇။ ယော. ၆:၄၄) သူတို့ဟာ ဘုရားရဲ့ အရည်အသွေးတွေ ထင်ဟပ်တဲ့ စရိုက်သစ်ကို ဝတ်ဆင်ဖို့ အစွမ်းကုန် ကြိုးစားကြတယ်။ (ဧ. ၄:၂၃၊ ၂၄။ ၅:၁၊ ၂) စင်ကြယ်တဲ့ ဝတ်ပြုကိုးကွယ်မှုမှာ ပါဝင်သူတွေဟာ အမှုတော်ဆောင်ခြင်းမှာ ကိုယ့်ကိုယ်ကိုယ် အကြွင်းမဲ့ ပေးဆက်ကြတယ်။ ဒီနည်းနဲ့ ဘုရားကို ဂုဏ်တင်ကြတယ်။ ဘုရားကို ချစ်ကြောင်း ပြကြတယ်။ (ရော. ၁၂:၁၊ ၂။ ၁ ယော. ၅:၃) ဝတ်ပြုကိုးကွယ်သူတွေ ပုံဆောင်ပြည်ကို ကြိုးစားအလှဆင်နေကြတာကို မြင်တဲ့အခါ ယေဟောဝါ သိပ်ပျော်ရွှင်မှာပဲ။ စဉ်းစားကြည့်ပါ– ဘဝမှာ စင်ကြယ်တဲ့ ဝတ်ပြုကိုးကွယ်မှုကို ကျွန်တော်တို့ ဦးစားထားတဲ့အခါ ပုံဆောင်ပရဒိသုကို အလှဆင်နေရုံ မဟုတ်ဘဲ ယေဟောဝါရဲ့ စိတ်တော်ကို ရွှင်လန်းနေစေကြတာပါ။—ပညာ. ၂၇:၁၁။
ပြည်ကို ဘယ်အချိန်မှာ၊ ဘာကြောင့်၊ ဘယ်လိုနည်းနဲ့ ဂေါဂမင်း ကျူးကျော်မလဲ
၁၅၊ ၁၆။ ပြန်လည်တည်ထောင်ထားတဲ့ ပုံဆောင်ပြည်ကို မာဂေါဂပြည်သား ဂေါဂ ဘယ်အချိန် ကျူးကျော်မလဲ။
၁၅ ပုံဆောင်ပြည်ကို မြေကြီးတိုင်းနိုင်ငံတွေ မကြာခင် ကျူးကျော်မယ်။ ကြိုဟောထားတဲ့ ဒီကျူးကျော်တိုက်ခိုက်မှုဟာ စင်ကြယ်တဲ့ ဝတ်ပြုကိုးကွယ်မှုမှာ ပါဝင်သူ ကျွန်တော်တို့နဲ့လည်း ပတ်သက်နေတယ်။ ဒါကြောင့် ကျူးကျော်မှုအကြောင်း အလေးအနက် စဉ်းစားသင့်ပါတယ်။ မေးခွန်းသုံးခု သုံးသပ်ကြည့်ပါ။
၁၆ ပြန်လည်တည်ထောင်ထားတဲ့ ပုံဆောင်ပြည်ကို မာဂေါဂပြည်သား ဂေါဂ ဘယ်အချိန် ကျူးကျော်မလဲ။ “အဆုံးပိုင်းကာလ ရောက်တဲ့အခါ . . . ပြည်ကို ကျူးကျော်လိမ့်မယ်” လို့ ပရောဖက်ပြုချက်မှာ ဖော်ပြထားတယ်။ (ယေဇ. ၃၈:၈) လောကစနစ်ရဲ့ အဆုံးပိုင်းလေးမှာ ကျူးကျော်မှာဖြစ်ကြောင်း ဒီအချက်က ဖော်ပြတယ်။ ကြီးစွာသောဒုက္ခဟာ မှားယွင်းတဲ့ ကမ္ဘာ့ဘာသာရေး အင်ပါယာ မဟာဗာဗုလုန်ကို ဖျက်ဆီးခြင်းနဲ့ စတင်မှာဖြစ်ကြောင်း သတိရပါ။ မှားယွင်းတဲ့ ဘာသာရေးအဖွဲ့အစည်းတွေ ဖျက်ဆီးခံရပြီးနောက်၊ အာမဂေဒုန် မစတင်ခင်မှာ စစ်မှန်တဲ့ ဝတ်ပြုကိုးကွယ်သူတွေကို ဂေါဂ နောက်ဆုံးအကြိမ် မီးကုန်ယမ်းကုန် တိုက်ခိုက်မယ်။
၁၇၊ ၁၈။ ကြီးစွာသောဒုက္ခအတွင်း ကိစ္စရပ်တွေကို ယေဟောဝါ ဘယ်လို စီမံညွှန်ကြားမလဲ။
၁၇ စင်ကြယ်တဲ့ ဝတ်ပြုကိုးကွယ်မှုမှာ ပါဝင်သူတွေ နေထိုင်တဲ့ ပြန်လည်တည်ထောင်ထားတဲ့ ပြည်ကို ဂေါဂ ဘာကြောင့် ကျူးကျော်မလဲ။ ယေဇကျေလ
ပရောဖက်ပြုချက်မှာ အကြောင်းရင်းနှစ်ခု ဖော်ပြထားတယ်– ပထမ၊ ယေဟောဝါရဲ့ စီမံညွှန်ကြားမှု။ ဒုတိယ၊ ဂေါဂရဲ့ ယုတ်ညံ့တဲ့ ရည်ရွယ်ချက်များ။၁၈ ယေဟောဝါရဲ့ စီမံညွှန်ကြားမှု။ (ယေဇကျေလ ၃၈:၄၊ ၁၆ ကိုဖတ်ပါ။) “မင်းရဲ့ မေးရိုးကို ချိတ်နဲ့ ချိတ်” ပြီး “ငါ့ပြည်ကို တိုက်ခိုက်ဖို့ မင်းကို ငါခေါ်လာမယ်” ဆိုပြီး ဂေါဂနဲ့ပတ်သက်ပြီး ယေဟောဝါ မိန့်ဆိုတာ သတိပြုပါ။ ယေဟောဝါက မိမိကို ဝတ်ပြုကိုးကွယ်တဲ့သူတွေကို တိုက်ခိုက်ဖို့ တိုင်းနိုင်ငံတွေကို ဖိအားပေးမယ်လို့ ဆိုလိုသလား။ မဆိုလိုပါဘူး။ ဘုရားက မိမိလူမျိုးကို ဘယ်တော့မှ ရန်သူ့လက်ထဲ အပ်မှာ မဟုတ်ဘူး။ (ယောဘ ၃၄:၁၂) စင်ကြယ်တဲ့ ဝတ်ပြုကိုးကွယ်မှုမှာ ပါဝင်သူတွေကို ရန်သူတွေ မုန်းမှာ၊ အခွင့်အရေး ရှာပြီး ချေမှုန်းပစ်မှာကို ယေဟောဝါ သိတယ်။ (၁ ယော. ၃:၁၃) ဂေါဂရဲ့ မေးရိုးကို ချိတ်နဲ့ ချိတ်ပြီး ခေါ်သွားသလို ယေဟောဝါက ကိစ္စရပ်တွေကို အလိုတော်အတိုင်း အချိန်ကိုက် ဖြစ်စေဖို့ စီမံညွှန်ကြားမယ်။ မဟာဗာဗုလုန် ဖျက်ဆီးခံရပြီးနောက် တစ်ချိန်ချိန်မှာ တိုင်းနိုင်ငံတွေရဲ့ ရှိနှင့်ပြီးသား အကြံအစည်ကို အကောင်အထည်ဖော်ဖို့ တစ်နည်းနည်းနဲ့ ယေဟောဝါ သွေးဆောင်မယ်။ အကြီးမားဆုံး စစ်ပွဲ အာမဂေဒုန်ကို ဦးတည်စေမယ့် နောက်ဆုံးတိုက်ပွဲအတွက် သတ်မှတ်ညွှန်ကြားမယ်။ ပြီးနောက် မိမိလူမျိုးကို ကယ်တင်မယ်။ အချုပ်အခြာအာဏာကို ချီးမြှောက်မယ်။ နာမတော်ကို သန့်ရှင်းမြင့်မြတ်စေမယ်။—ယေဇ. ၃၈:၂၃။
တိုင်းနိုင်ငံတွေက စင်ကြယ်တဲ့ ဝတ်ပြုကိုးကွယ်မှုနဲ့ ဝတ်ပြုကိုးကွယ်သူအားလုံးကို မုန်းတီးတဲ့အတွက် လုယက်ဖို့ ကြံစည်မယ်
၁၉။ စင်ကြယ်တဲ့ ဝတ်ပြုကိုးကွယ်မှုကို ဂေါဂ ဘာကြောင့် တိုက်ခိုက်လုယက်မလဲ။
ယေဇ. ၃၈:၁၀-၁၂) ဘယ်စည်းစိမ်ဥစ္စာလဲ။ ယေဟောဝါရဲ့ လူမျိုးဟာ ဘုရားရေးရာ စည်းစိမ်ဥစ္စာ ကြွယ်ဝတယ်။ အဖိုးတန်ဆုံး ပိုင်ဆိုင်ရာကတော့ စင်ကြယ်တဲ့ ဝတ်ပြုကိုးကွယ်မှုပါပဲ။ ယေဟောဝါ တစ်ပါးတည်းကိုသာ ဝတ်ပြုကိုးကွယ်ကြတယ်။ တိုင်းနိုင်ငံတွေက စင်ကြယ်တဲ့ ဝတ်ပြုကိုးကွယ်မှုကို တန်ဖိုးထားလို့ မဟုတ်ဘဲ စင်ကြယ်တဲ့ ဝတ်ပြုကိုးကွယ်မှုကိုသာမက ဝတ်ပြုကိုးကွယ်သူအားလုံးကိုပါ မုန်းတီးတဲ့အတွက် တိုက်ခိုက်လုယက်ကြမှာ ဖြစ်တယ်။
၁၉ ဂေါဂရဲ့ ယုတ်ညံ့တဲ့ ရည်ရွယ်ချက်များ။ တိုင်းနိုင်ငံတွေက “မကောင်းတဲ့ အကြံကို ကြံစည်” မယ်။ ယေဟောဝါကို ဝတ်ပြုကိုးကွယ်သူတွေဟာ “အကာအကွယ် မဲ့နေတဲ့ မြို့ရိုး၊ ကန့်လန့်ကျင်၊ မြို့တံခါး မရှိတဲ့ ကျေးရွာတွေမှာ နေထိုင်နေသူတွေ” လို ခုခံနိုင်စွမ်း မရှိပုံပေါက်နေတယ်။ သူတို့အပေါ် နှစ်ရှည်လများ ကိန်းအောင်းနေတဲ့ ဒေါသနဲ့ မုန်းတီးစိတ်ကို တိုင်းနိုင်ငံတွေ ထုတ်ဖော်ကြမယ်။ ‘စည်းစိမ်ဥစ္စာ စုဆောင်းသူတွေ’ ကို “တိုက်ခိုက်လုယက်ပြီး တိုက်ရာပါဥစ္စာတွေကို သိမ်းသွား” ကြမယ်။ (၂၀။ ပုံဆောင်ပြည် ဒါမှမဟုတ် ပုံဆောင်ပရဒိသုကို ဂေါဂ ဘယ်လို ကျူးကျော်မလဲ။
၂၀ ပုံဆောင်ပြည် ဒါမှမဟုတ် ပုံဆောင်ပရဒိသုကို ဂေါဂ ဘယ်လို ကျူးကျော်မလဲ။ တိုင်းနိုင်ငံတွေက ကျွန်တော်တို့ဘဝလမ်းစဉ်ကို နှောင့်ယှက်ဖျက်ဆီးကြမယ်။ ဝတ်ပြုရေးလုပ်ဆောင်မှုတွေကို ရပ်တန့်အောင် လုပ်ကြလိမ့်မယ်။ ကျမ်းစာအမှန်တရား မှန်မှန် မရနိုင်အောင် တားဆီးဖို့၊ အတူတကွ မစည်းဝေးနိုင်အောင် ပိတ်ပင်ဖို့၊ စည်းလုံးမှုကို ဖြိုခွဲဖို့၊ ဘုရားသခင်ဆီက သတင်းစကားကို ဇွဲရှိရှိ ကြေညာနေတာ ရပ်တန့်သွားဖို့ ကြိုးစားကြလိမ့်မယ်။ ဒါတွေအားလုံးက ပုံဆောင်ပရဒိသုရဲ့ ပိုင်ဆိုင်ရာတွေပါ။ စင်ကြယ်တဲ့ ဝတ်ပြုကိုးကွယ်မှုနဲ့အတူ စစ်မှန်တဲ့ ဝတ်ပြုကိုးကွယ်သူတွေကို ကမ္ဘာမြေပေါ်ကနေ ဖယ်ရှားဖို့ တိုင်းနိုင်ငံတွေကို စာတန် သွေးထိုးပေးပါလိမ့်မယ်။
၂၁။ အနာဂတ်မှာ ကြုံတွေ့ရမယ့်အရာတွေအကြောင်း ယေဟောဝါ ကြိုတင်သတိပေးတာကို ဘာကြောင့် ကျေးဇူးတင်သလဲ။
၂၁ မာဂေါဂပြည်သား ဂေါဂရဲ့ တိုက်ခိုက်မှုဟာ ဘုရားပေး ပုံဆောင်ပြည်ထဲက စစ်မှန်တဲ့ ဝတ်ပြုကိုးကွယ်သူအားလုံးအပေါ် သက်ရောက်မှု ရှိမယ်။ အနာဂတ်မှာ ကြုံတွေ့ရမယ့်အရာတွေအကြောင်း ယေဟောဝါ ကြိုတင်သတိပေးထားလို့ သိပ်ကျေးဇူးတင်ကြတယ်။ ကြီးစွာသောဒုက္ခကို စောင့်မျှော်နေရင်း စင်ကြယ်တဲ့ ဝတ်ပြုကိုးကွယ်မှုကို ထောက်မဖို့၊ ဦးစားထားဖို့ စိတ်ပိုင်းဖြတ်ထားကြရအောင်။ ဒီလိုလုပ်တာက မျက်မှောက်ခေတ်မှာ ပြန်လည်တည်ထောင်ထားတဲ့ ပြည်ကို အလှဆင်နေတာနဲ့ တူတယ်။ နောက်အခန်းမှာ ရှင်းပြမယ့်အတိုင်း မဝေးတော့တဲ့ အနာဂတ် အာမဂေဒုန်စစ်ပွဲမှာ မိမိလူမျိုးနဲ့ နာမတော်မြတ်အတွက် ယေဟောဝါ ဘယ်လို ရပ်တည်ပေးမယ့်အကြောင်းကို ကိုယ်တွေ့ မြင်ကြရပါမယ်။
^ အပိုဒ်၊ 3 မာဂေါဂပြည်သား ဂေါဂနဲ့ပတ်သက်ပြီး ယေဟောဝါ ဘယ်အချိန်မှာ၊ ဘယ်လို ဒေါသမီး ဟုန်းဟုန်းတောက်မယ့်အကြောင်း၊ စင်ကြယ်တဲ့ ဝတ်ပြုကိုးကွယ်မှုမှာ ပါဝင်သူတွေအတွက် ဘာအဓိပ္ပာယ် ရှိကြောင်းကို နောက်အခန်းမှာ လေ့လာကြမယ်။
^ အပိုဒ်၊ 4 ကင်းမျှော်စင် ၂၀၁၅ မေလ စာ ၂၇-၂၈ ပါ “စာရှုသူများထံမှ မေးခွန်းလွှာ” ကို ကြည့်ပါ။
^ အပိုဒ်၊ 8 “ပင်လယ်ကြီး [မြေထဲပင်လယ်] နဲ့ သန့်ရှင်းတဲ့တောင်ကြား [ဘုရားသခင့် ဗိမာန်တော် ရှိခဲ့ဖူးတဲ့၊ ဘုရားလူမျိုး ဝတ်ပြုကိုးကွယ်ခဲ့တဲ့ နေရာ] မှာ နန်းဆောင်တွေ ဆောက်လိမ့်မယ်” လို့ ဒံယေလ ၁၁:၄၅ မှာ ဖော်ပြထားတဲ့အတွက် ဘုရားလူမျိုးကို မြောက်ဘုရင် ပစ်မှတ်ထားမယ်ဆိုတာ သိရတယ်။
^ အပိုဒ်၊ 9 ဘုရားလူမျိုးကို ဖယ်ရှားဖို့ ကြံစည်မယ့် ခေတ်သစ် “အဆီးရီးယား” ရဲ့ တိုက်ခိုက်မှုအကြောင်းကိုလည်း ကျမ်းစာမှာ ဖော်ပြတယ်။ (မိ. ၅:၅) ဘုရားလူမျိုးတွေအပေါ် ကျရောက်လာမယ့် တိုက်ခိုက်မှု လေးခု (မာဂေါဂပြည်သား ဂေါဂ၊ မြောက်ဘုရင်၊ ကမ္ဘာ့အုပ်စိုးရှင်တွေ၊ အဆီးရီးယားတို့ရဲ့ တိုက်ခိုက်မှု) ဟာ တစ်မျိုးတည်းသော တိုက်ခိုက်မှုကို နာမည်အမျိုးမျိုးနဲ့ ဖော်ပြထားခြင်း ဖြစ်တယ်။
^ အပိုဒ်၊ 10 ဗျာဒိတ် ၂၀:၇-၉ မှာပါတဲ့ “ဂေါဂနဲ့ မာဂေါဂ” အကြောင်း ဆွေးနွေးချက်ကို ဒီစာအုပ် အခန်း ၂၂ ကို ကြည့်ပါ။