အခန်း ၁၁
“မင်းကို . . . ကင်းစောင့် ခန့်လိုက်ပြီ”
အာရုံစိုက်ရာ။ ယေဟောဝါက ကင်းစောင့် ခန့်အပ်ပြီး ကင်းစောင့်တာဝန်အကြောင်း ဖော်ပြ
၁။ ယေဟောဝါရဲ့ ကင်းစောင့်တွေ ဘာလုပ်ခဲ့ကြသလဲ၊ ဘာဖြစ်ခဲ့သလဲဆိုတာ ဖော်ပြပါ။
ကင်းစောင့်က ဂျေရုဆလင်မြို့ရိုးပေါ် ရပ်နေတယ်။ နေဝင်ပြီ ဖြစ်လို့ မျက်စိကို ကာပြီး အဝေးကို ကြည့်လိုက်တယ်။ ရုတ်တရက် တံပိုးကို ကိုင်၊ အသက်ပြင်းပြင်း ရှူပြီး ဗာဗုလုန်စစ်တပ် လာနေတဲ့အကြောင်း သတိပေးလိုက်တယ်။ ဒါပေမဲ့ အလေးမထားတဲ့ မြို့သူ/သားတွေအနေနဲ့ ကင်းစောင့်ရဲ့ တံပိုးမှုတ်သံကို တုံ့ပြန်ဖို့ သိပ်နောက်ကျသွားပြီ။ ဒီနေ့ရက် ရောက်လာမယ့်အကြောင်း ယေဟောဝါ ခန့်အပ်ထားတဲ့ ကင်းစောင့်တွေ၊ ပရောဖက်တွေ ဆယ်စုနှစ်ချီ သတိပေးခဲ့ကြပေမဲ့ လူတွေက နားမထောင်ကြဘူး။ အခု ဗာဗုလုန်စစ်တပ်က မြို့ကို ဝိုင်းထားပြီ။ လနဲ့ချီ ဝိုင်းရံပြီးတဲ့နောက် စစ်သားတွေက မြို့ရိုးကို ဖျက်ဆီး၊ ဗိမာန်တော်ကို ဖြိုဖျက်၊ ရုပ်တုကိုးကွယ်သူ သစ္စာမဲ့ ဂျေရုဆလင်မြို့သားတွေကို သတ်ဖြတ်၊ ဖမ်းဆီးလိုက်ကြတယ်။
၂၊ ၃။ (က) ဒီနေ့ မြေကြီးသားတွေ ဘယ်အခြေအနေကို ရင်ဆိုင်နေရသလဲ။ (ခ) ဘယ်မေးခွန်းတွေ သုံးသပ်ကြမလဲ။
၂ ဒီနေ့လည်း သစ္စာမဲ့မြေကြီးသားတွေကို တရားစီရင်ဖို့ ယေဟောဝါရဲ့ လက်မရွံ့အာဏာသားတွေ စစ်ချီလာနေတယ်။ (ဗျာ. ၁၇:၁၂-၁၄) ဒီတိုက်ပွဲဟာ လူ့သမိုင်းမှာ အကြီးမားဆုံး ဆင်းရဲဒုက္ခရဲ့ အထွတ်အထိပ် ဖြစ်လာမယ်။ (မ. ၂၄:၂၁) ဒါပေမဲ့ ကင်းစောင့်အဖြစ် ယေဟောဝါ ခန့်အပ်ထားသူတွေရဲ့ သတိပေးချက်ကို လူတွေ တုံ့ပြန်ဖို့ အချိန်မနှောင်းသေးဘူး။
၃ ကင်းစောင့်တွေ ခန့်အပ်ဖို့ ယေဟောဝါကို ဘာက လှုံ့ဆော်ပေးခဲ့သလဲ။ ဘယ်လို
သတင်းမျိုးကို ကင်းစောင့် ကြေညာသလဲ။ ဒီတာဝန်ကို ဘယ်သူတွေ ထမ်းဆောင်ခဲ့ကြသလဲ။ ကျွန်တော်တို့ ဘယ်အခန်းကဏ္ဍမှာ ပါဝင်သလဲ။ ဒီမေးခွန်းတွေရဲ့ အဖြေတွေကို သုံးသပ်ကြရအောင်။“သူတို့ကို သတိပေးရမယ်”
၄။ ယေဟောဝါက ကင်းစောင့်တွေ ဘာကြောင့် ခန့်အပ်ခဲ့သလဲ။ (ဆောင်းပါးအစမှာပါတဲ့ပုံကို ကြည့်ပါ။)
၄ ယေဇကျေလ ၃၃:၇ ကိုဖတ်ပါ။ ပကတိ ကင်းစောင့်တစ်ယောက်ဟာ မြို့သူ/သားတွေ ဘေးကင်းလုံခြုံရေးအတွက် မြို့ရိုးပေါ်မှာ ရပ်လေ့ရှိတယ်။ ဒါဟာ မြို့ကို အုပ်ချုပ်တဲ့သူက လက်အောက်ခံတွေကို ဂရုစိုက်ကြောင်း ထင်ရှားတဲ့ အထောက်အထားပဲ။ ကင်းစောင့်ရဲ့ တံပိုးမှုတ်သံက အိပ်မောကျနေတဲ့ မြို့သားတွေကို အထိတ်တလန့် ဖြစ်စေနိုင်ပေမဲ့ ဒီအသံကြောင့်ပဲ တုံ့ပြန်သူတွေ အသက်ချမ်းသာရာ ရနိုင်တာပါ။ အလားတူပဲ ယေဟောဝါက အစ္စရေးတွေကို တရားစီရင်ခြင်း သတင်းတွေနဲ့ ခြောက်လှန့်ချင်လို့ မဟုတ်ဘဲ မိမိလူမျိုးကို ဂရုစိုက်လို့၊ သူတို့အသက်ကို ကယ်တင်ပေးချင်လို့ ကင်းစောင့်တွေ ခန့်အပ်ခဲ့တာပါ။
၅၊ ၆။ ယေဟောဝါရဲ့ တရားမျှတမှု ပေါ်လွင်တဲ့ နည်းတစ်နည်းက ဘာလဲ။
၅ ယေဇကျေလကို ကင်းစောင့်အဖြစ် ခန့်အပ်ချိန်မှာ ယေဟောဝါ ပြခဲ့တဲ့ အရည်အသွေးတွေက ကျွန်တော်တို့ကို နှစ်သိမ့်မှု ဖြစ်စေတယ်။ ဒီထဲက အရည်အသွေး နှစ်ခုအကြောင်း သုံးသပ်ကြည့်ပါ။
၆ တရားမျှတမှု။ ကျွန်တော်တို့ တစ်ဦးချင်းစီကို မျက်နှာမလိုက်ဘဲ ဆက်ဆံရာမှာ ယေဟောဝါရဲ့ တရားမျှတမှု ပေါ်လွင်တယ်။ ဥပမာ၊ ယေဇကျေလရဲ့ သတင်းစကားကို လူများစွာ ကြားလျက်နဲ့ ငြင်းပယ်ပေမဲ့ အစ္စရေးအားလုံးကို ပုန်ကန်သူတွေအဖြစ် ယေဟောဝါ မဆက်ဆံခဲ့ဘူး။ တစ်ဦးချင်းစီ ဘယ်လို တုံ့ပြန်မလဲဆိုတာ သိချင်ခဲ့တယ်။ “လူဆိုး” နဲ့ “ဖြောင့်မတ်သူ” ကို သတိပေးခြင်းအကြောင်း ဘုရား ထပ်ခါထပ်ခါ ပြောခဲ့တယ်။ ဒါကြောင့် သတင်းစကားကို တစ်ဦးချင်းစီ တုံ့ပြန်ပုံပေါ် မူတည်ပြီး ယေဟောဝါ တရားစီရင်တယ်။—ယေဇ. ၃၃:၈၊ ၁၈-၂၀။
၇။ ယေဟောဝါက ဘာပေါ် မူတည်ပြီး လူတွေကို တရားစီရင်သလဲ။
၇ လူတွေကို တရားစီရင်ပုံမှာလည်း ယေဟောဝါရဲ့ တရားမျှတမှုကို တွေ့နိုင်တယ်။ အတိတ်က လုပ်ရပ်တွေအတွက် မဟုတ်ဘဲ လက်ရှိ သတိပေးချက်ကို တုံ့ပြန်ပုံပေါ် မူတည်ပြီး တစ်ဦးချင်းစီ တရားစီရင်ခံရတယ်။ “လူဆိုးကို “မင်း သေကိုသေရလိမ့်မယ်” လို့ ငါပြောတဲ့အခါ အဲဒီလူဆိုးက အပြစ်ကို စွန့်လွှတ်ပြီး ဖြောင့်မတ်မှန်ကန်ရာကို လုပ်တယ်ဆိုရင် . . . ကျိန်းသေ အသက်ဆက်ရှင်ရလိမ့်မယ်” လို့ ယေဇကျေလကို ယေဟောဝါ မိန့်ဆိုခဲ့တယ်။ “သူကျူးလွန်ခဲ့တဲ့ အပြစ်တစ်ခုကိုမှ ငါမှတ်ထားမှာ မဟုတ်ဘူး” ဆိုတဲ့ မိန့်ဆိုချက်ဟာလည်း မှတ်သားစရာပါပဲ။ (ယေဇ. ၃၃:၁၄-၁၆) ဖြောင့်မတ်တဲ့လမ်းစဉ် လိုက်ခဲ့သူတွေအနေနဲ့လည်း လက်ရှိ ပုန်ကန်မှုအတွက် အတိတ်က နာခံမှုနဲ့ ဆင်ခြေပေးလို့ မရဘူး။ လူတစ်ယောက်က “သူ့ရဲ့ ဖြောင့်မတ်မှုအားကိုးနဲ့ အပြစ်လုပ်မယ်ဆိုရင် အရင်က လုပ်ခဲ့တဲ့ ဖြောင့်မတ်မှုတစ်ခုကိုမှ ငါသတိရမှာ မဟုတ်ဘူး။ သူ လုပ်တဲ့ အပြစ်ကြောင့် သူ သေရလိမ့်မယ်” ဆိုပြီး ယေဟောဝါ ဖော်ပြထားတယ်။—ယေဇ. ၃၃:၁၃။
၈။ ပရောဖက်ပြု သတိပေးချက်တွေက ယေဟောဝါရဲ့ တရားမျှတမှုအကြောင်း ဘာသင်ပေးသလဲ။
၈ တရားမစီရင်ခင် လုံလုံလောက်လောက် ကြိုတင်သတိပေးရာမှာလည်း ယေဟောဝါရဲ့ တရားမျှတမှု ထင်ရှားတယ်။ ဂျေရုဆလင်မြို့ကို ဗာဗုလုန်စစ်တပ် မဖျက်ဆီးခင် ခြောက်နှစ်လောက်အလိုမှာ ယေဇကျေလ တာဝန်စထမ်းဆောင်ခဲ့တယ်။ ဒါပေမဲ့ တရားယေ. ၆:၁၇) ယေဟောဝါရဲ့ တရားစီရင်ချက်အတိုင်း ဗာဗုလုန်လက်ချက်နဲ့ သေဆုံးသွားသူတွေအတွက် ယေဟောဝါမှာကော ကင်းစောင့်တွေမှာပါ တာဝန် မရှိပါဘူး။
စီရင်ခြင်းအကြောင်း ဘုရားလူမျိုးကို ဦးဆုံး သတိပေးခဲ့တာ ယေဇကျေလ မဟုတ်ပါဘူး။ ဂျေရုဆလင်မြို့ ဖျက်ဆီးမခံရခင် အနှစ်တစ်ရာကျော်ကတည်းက ပရောဖက် ဟောရှေ၊ ဟေရှာယ၊ မိက္ခာ၊ ဩဒက်၊ ယေရမိတို့ကို ကင်းစောင့်အဖြစ် ယေဟောဝါ စေလွှတ်ခဲ့တယ်။ “‘တံပိုးမှုတ်သံကို အာရုံစိုက်ကြ’ လို့ ပြော” တဲ့ “ကင်းစောင့်တွေ” ကို ယေဟောဝါ ခန့်ထားတဲ့အကြောင်း ယေရမိကတစ်ဆင့် အစ္စရေးတွေကို သတိပေးခဲ့တယ်။ (၉။ ယေဟောဝါက ခိုင်မြဲတဲ့မေတ္တာ ဘယ်လို ပြခဲ့သလဲ။
၉ မေတ္တာ။ ယေဟောဝါက ဖြောင့်မတ်သူတွေကိုသာမက စိတ်တော်ကို နာကျင်စေပြီး နာမတော်ကို ညှိုးနွမ်းစေခဲ့တဲ့ လူဆိုးတွေကိုပါ သတိပေးဖို့ ကင်းစောင့်တွေ စေလွှတ်ခြင်းအားဖြင့် ခိုင်မြဲတဲ့မေတ္တာ ပြခဲ့တယ်။ စဉ်းစားကြည့်ပါ– အစ္စရေးတွေကို ယေဟောဝါရဲ့ လူမျိုးအဖြစ် သိထားကြတယ်။ ဒါပေမဲ့ သူတို့က ဘုရားကို အကြိမ်ကြိမ် ကျောခိုင်းပြီး မှားယွင်းတဲ့ ဘုရားတွေနောက် လိုက်ခဲ့ကြတယ်။ အစ္စရေးလူမျိုးကို ဖောက်ပြန်တဲ့မိန်းမနဲ့ ခိုင်းနှိုင်းခြင်းအားဖြင့် သစ္စာဖောက်ခံရမှုကြောင့် ခံစားရတဲ့ စိတ်နာကျင်မှု အတိမ်အနက်ကို ယေဟောဝါ ဖော်ပြခဲ့တယ်။ (ယေဇ. ၁၆:၃၂) ဒါတောင် ယေဟောဝါ သူတို့အပေါ် မြန်မြန်ဆန်ဆန် လက်မလျှော့ခဲ့ဘူး။ လက်တုံ့ပြန်ဖို့ မဟုတ်ဘဲ ပြန်လည်သင့်မြတ်ဖို့ ကြိုးစားခဲ့တယ်။ တရားစီရင်ခြင်းဓားကို ဦးဆုံးလက်နက် မဟုတ်ဘဲ နောက်ဆုံး လက်နက်အဖြစ်ပဲ သုံးပါတယ်။ ဘာကြောင့်လဲ။ “လူဆိုး သေသွားတဲ့အခါ ငါ ဝမ်းမသာဘူး။ သူ့လမ်းစဉ် ပြောင်းလဲပြီး အသက်ဆက်ရှင်တဲ့အခါ ငါဝမ်းသာတယ်” ဆိုပြီး ယေဇကျေလကို ပြောခဲ့တယ်။ (ယေဇ. ၃၃:၁၁) ဒါဟာ အတိတ်တုန်းကကော အခုပါ ယေဟောဝါရဲ့ ခံစားချက် ဖြစ်တယ်။—မာလ. ၃:၆။
၁၀၊ ၁၁။ အစ္စရေးတွေကို ယေဟောဝါ ဆက်ဆံပုံကနေ ဘာသင်ယူနိုင်သလဲ။
၁၀ အစ္စရေးတွေကို ယေဟောဝါ တရားမျှတစွာ၊ မေတ္တာပါစွာ ဆက်ဆံပုံကနေ ဘာသင်ယူနိုင်သလဲ။ သင်ခန်းစာတစ်ခုကတော့ ဟောပြောတဲ့အခါ လူတွေကို အုပ်စုလိုက်အနေနဲ့ မဟုတ်ဘဲ တစ်ဦးချင်းအနေနဲ့ ရှုမြင်ရမယ်။ လူတစ်ယောက်ရဲ့ အတိတ်လုပ်ရပ်ကြောင့်၊ ယဉ်ကျေးမှု၊ လူမျိုး၊ စီးပွားရေး၊ ဘာသာစကား နောက်ခံတွေကြောင့် ကျွန်တော်တို့ ဟောပြောတဲ့ သတင်းတရားကို နားထောင်ဖို့ မထိုက်တန်ဘူးလို့ ကြိုတင်ဆုံးဖြတ်တာ ဘယ်လောက်တောင် မှားလိုက်သလဲ။ “ဘုရားသခင် မျက်နှာမလိုက်မှန်း ကျွန်တော် ကောင်းကောင်း သဘောပေါက်သွားပြီ။ ဘယ်လူမျိုးဖြစ်ဖြစ် ဘုရားသခင်ကို ကြောက်ရွံ့ရိုသေပြီး မှန်ရာလုပ်မယ်ဆိုရင် ဘုရားရဲ့ နှစ်သက်လက်ခံမှုကို ရတာပဲ” ဆိုပြီး တမန်တော်ပေတရုကို ယေဟောဝါ ပေးခဲ့တဲ့ သင်ခန်းစာက ဒီနေ့အထိ သက်ဆိုင်နေဆဲ ဖြစ်တယ်။—လူတွေကို ယေဟောဝါနည်းတူ ရှုမြင်သလား (စာပိုဒ် ၁၀ ကို ကြည့်ပါ)
၁၁ နောက်သင်ခန်းစာကတော့ အတိတ်က ဖြောင့်မတ်တဲ့ လုပ်ရပ်တွေဟာ လက်ရှိ အမှားတွေ ခွင့်လွှတ်ခံရဖို့ အကြောင်းရင်း မဟုတ်တာမို့ ကိုယ့်ကိုယ်ကိုယ် ဂရုတစိုက် ဆန်းစစ်နေရမယ်။ ကျွန်တော်တို့ ဟောပြောလိုက်တဲ့သူတွေလိုပဲ ကျွန်တော်တို့မှာလည်း အပြစ်လုပ်ချင်တဲ့ဆန္ဒ ရှိကြောင်း ကောင်းကောင်း အမှတ်ရကြပါတယ်။ “ကိုယ့်ကိုယ်ကိုယ် တည်ကြည်တယ်လို့ ထင်နေရင် မလဲသွားအောင် သတိထားပါ။ လူတွေ ကြုံရတတ်တဲ့ သွေးဆောင်ခြင်းကိုပဲ ခင်ဗျားတို့ ခံရတာ” ဆိုပြီး ကောရိန္သုအသင်းတော်ကို ပေးခဲ့တဲ့ တမန်တော်ပေါလုရဲ့ အကြံပြုချက်ဟာ ကျွန်တော်တို့နဲ့လည်း သက်ဆိုင်တယ်။ (၁ ကော. ၁၀:၁၂၊ ၁၃) ကောင်းတာတွေ လုပ်နေတာမို့ အမှားလုပ်လည်း အပြစ်ပေးခံရမှာ မဟုတ်ဘူးလို့ တွေးပြီး “ဖြောင့်မတ်မှု အားကိုး” တဲ့လူစားမျိုး မဖြစ်ချင်ကြပါဘူး။ (ယေဇ. ၃၃:၁၃) ယေဟောဝါကို ဝတ်ပြုကိုးကွယ်တာ သက်တမ်း ဘယ်လောက်ပဲ ကြာပါစေ နှိမ့်ချနာခံတတ်တဲ့ သဘောထား ဆက်ထိန်းသိမ်းထားဖို့ အရေးကြီးပါတယ်။
၁၂။ အတိတ်မှာ ကြီးလေးတဲ့အပြစ် ကျူးလွန်ခဲ့မိတယ်ဆိုရင် ဘာသတိရသင့်သလဲ။
၁ ယော. ၄:၈) နောင်တရကြောင်း လုပ်ရပ်နဲ့ သက်သေပြမယ်ဆိုရင် ကျွန်တော်တို့ရဲ့ အပြစ်တွေကို ဘုရား ခွင့်လွှတ်မှာ မဟုတ်ဘူးလို့ ဘယ်တော့မှ မတွေးသင့်ဘူး။ (ယာ. ၅:၁၄၊ ၁၅) ဖောက်ပြန်တဲ့ အစ္စရေးတွေကို တလိုတလား ခွင့်လွှတ်ခဲ့သလို ကျွန်တော်တို့ကိုလည်း ယေဟောဝါ ခွင့်လွှတ်ဖို့ တလိုတလား ရှိပါတယ်။—ဆာ. ၈၆:၅။
၁၂ အတိတ်မှာ ကြီးလေးတဲ့အပြစ် ကျူးလွန်ခဲ့မိပြီး အခု နောင်တရတယ် ဆိုရင်ကော။ နောင်တမယူတဲ့ အပြစ်ကျူးလွန်သူတွေကို ယေဟောဝါ အပြစ်ပေးမယ့်အကြောင်း ယေဇကျေလ စကားတွေကနေ သိရတယ်။ ဒါပေမဲ့ ယေဟောဝါဟာ လက်စားချေတတ်တဲ့ဘုရား မဟုတ်ဘဲ ချစ်ခြင်းမေတ္တာရှိတဲ့ဘုရား ဖြစ်ကြောင်းကိုလည်း ကျွန်တော်တို့ သိကြတယ်။ (“မင်းရဲ့ လူတွေကို ပြောပါ”
၁၃၊ ၁၄။ (က) ဘယ်သတင်းစကားမျိုးကို ကင်းစောင့်တွေ ကြေညာရမလဲ။ (ခ) ဟေရှာယ ဘာသတင်း ကြေညာခဲ့သလဲ။
၁၃ ယေဇကျေလ ၃၃:၂၊ ၃ ကိုဖတ်ပါ။ ဘယ်သတင်းစကားမျိုးကို ယေဟောဝါရဲ့ ကင်းစောင့်တွေ ကြေညာရမလဲ။ အဓိက တာဝန်ကတော့ သတိပေးချက်တွေ ကြေညာဖို့ပါ။ ဒါပေမဲ့ သတင်းကောင်းလည်း ဟောကြပါတယ်။ ဥပမာတချို့ သုံးသပ်ကြည့်ပါ။
၁၄ ဂျေရုဆလင်မြို့ကို ဗာဗုလုန်တွေ သိမ်းပိုက်ပြီး မြို့သားတွေကို ပြည်နှင်ဒဏ်ပေးမယ့်အကြောင်း ဘီစီ ၇၇၈ လောက်ကနေ ၇၃၂ အထိ အမှုဆောင်တဲ့ ဟေရှာယ သတိပေးခဲ့တယ်။ (ဟေရှာ. ၃၉:၅-၇) ဒါပေမဲ့ “နားထောင်ပါ။ ကင်းစောင့်တွေ အော်ပြောနေတယ်။ ရွှင်လန်းစွာ သံပြိုင်ကြွေးကြော်နေတယ်။ ယေဟောဝါက ဇိအုန်ကို ပြန်စုသိမ်းတဲ့အခါ သူတို့ မျက်ဝါးထင်ထင် မြင်ရလိမ့်မယ်” လို့လည်း ရေးခဲ့တယ်။ (ဟေရှာ. ၅၂:၈) စစ်မှန်တဲ့ ဝတ်ပြုရေး ပြန်လည်တည်ထောင်မယ့်အကြောင်း အကောင်းဆုံးသတင်းကို ဟေရှာယ ကြေညာခဲ့ပါတယ်။
၁၅။ ယေရမိ ဘာသတင်း ကြေညာခဲ့သလဲ။
၁၅ ဘီစီ ၆၄၇ ကနေ ၅၈၀ အထိ အမှုဆောင်ခဲ့တဲ့ ယေရမိဟာ “ဘေးဆိုးအကြောင်းပဲ ဟောပြောတဲ့သူ” ဆိုပြီး မတရား သမုတ်ခံရတယ်။ မှန်ပါတယ်၊ ဆိုးညစ်တဲ့ အစ္စရေးတွေအပေါ် ယေဟောဝါ ကျရောက်စေမယ့် ဘေးဆိုးတွေအကြောင်း ယေရမိ သတိပေးခဲ့တယ်။ * ဒါပေမဲ့ ဘုရားလူမျိုး ပြည်တော်ပြန်လာမယ့်အကြောင်း၊ စင်ကြယ်တဲ့ ဝတ်ပြုကိုးကွယ်မှု ပြန်လည်တည်ထောင်မယ့်အကြောင်း သတင်းကောင်းလည်း ကြေညာခဲ့ပါတယ်။—ယေ. ၂၉:၁၀-၁၄။ ၃၃:၁၀၊ ၁၁။
၁၆။ ယေဇကျေလရဲ့ သတင်းစကားက ဗာဗုလုန်ပြည်ရှိ သုံ့ပန်းတွေအတွက် ဘယ်လို အကျိုးရှိခဲ့သလဲ။
၁၆ ယေဇကျေလဟာ ဘီစီ ၆၁၃ မှာ ကင်းစောင့်အဖြစ် ခန့်အပ်ခံရပြီး အနည်းဆုံး ဘီစီ ၅၉၁ အထိ တာဝန်ထမ်းဆောင်ခဲ့တယ်။ ဒီစာအုပ် အခန်း ၅ နဲ့ ၆ မှာ ဆွေးနွေးခဲ့တဲ့အတိုင်း ယေဇကျေလက အစ္စရေးလူမျိုးအပေါ် ကျရောက်လာမယ့် ဖျက်ဆီးခြင်းဘေးအကြောင်း ထက်ထက်သန်သန် သတိပေးခဲ့ခြင်းအားဖြင့် ကိုယ့်ကိုယ်ကိုယ် သွေးပြစ်ကင်းစေခဲ့တယ်။ ဂျေရုဆလင်မြို့ရှိ အယူဖောက်ပြန်သူတွေကို ယေဟောဝါ အပြစ်ပေးမယ့်အကြောင်း ပြည်နှင်ခံတွေကို သတိပေးခဲ့ရုံသာမက ဗာဗုလုန်ပြည်ရှိ သုံ့ပန်းတွေကိုလည်း ဘုရားရေးရာမှာ ရှင်သန်နေပြီး အနာဂတ်လုပ်ငန်းစဉ်အတွက် အသင့်ဖြစ်နေဖို့ ကူညီပေးခဲ့တယ်။ အနှစ် ၇၀ ကြာ ပြည်နှင်ခံဘဝ အဆုံးတိုင်ချိန်မှာ ယေဟောဝါက ပြန်လည်တည်ထောင်ထားတဲ့ အစ္စရေးပြည်မှာ ပြည်နှင်ခံ အကြွင်းအကျန်တွေကို နေရာချပေးမယ်။ (ယေဇ. ၃၆:၇-၁၁) အများစုဟာ ယေဇကျေလရဲ့ သတိပေးချက်ကို အာရုံစိုက်ခဲ့ကြသူတွေရဲ့ သားမြေးတွေ ဖြစ်တယ်။ ဒီစာအုပ် အပိုင်း ၃ က အခန်းတွေမှာ အလေးပေး ဆွေးနွေး ထားတဲ့အတိုင်း ဂျေရုဆလင်မြို့မှာ စင်ကြယ်တဲ့ ဝတ်ပြုကိုးကွယ်မှု ပြန်လည်တည်ထောင်မယ်ဆိုတာကို ယုံကြည်စိတ်ချစေတဲ့ သတင်းကောင်းများစွာ ယေဇကျေလ ကြေညာဖို့ ရှိသေးတယ်။
၁၇။ ယေဟောဝါက ဘယ်အချိန်မျိုးမှာ ကင်းစောင့်တွေ ခန့်အပ်သလဲ။
၁၇ ဘီစီ ၆၀၇၊ ဂျေရုဆလင်မြို့ ဖျက်ဆီးခံရမယ့်အချိန်လောက်မှာ ဘုရားလူမျိုးကို ဟောပြောခဲ့တဲ့ ပရောဖက်တွေကိုပဲ ကင်းစောင့်တွေအဖြစ် ယေဟောဝါ ခန့်အပ်ခဲ့သလား။ မဟုတ်ပါဘူး။ ဘုရားရည်ရွယ်ချက် ဖြစ်မြောက်မယ့် ထူးခြားတဲ့ အချိန်တိုင်းမှာ လူဆိုးတွေကို သတိပေးဖို့ရော သတင်းကောင်း ကြေညာဖို့ပါ ကင်းစောင့်တွေ ယေဟောဝါ ခန့်အပ်ခဲ့တယ်။
ပထမရာစု ကင်းစောင့်များ
၁၈။ နှစ်ခြင်းဆရာ ယောဟန် ဘာတာဝန် ထမ်းဆောင်ခဲ့သလဲ။
၁၈ အေဒီ ပထမရာစုတုန်းက နှစ်ခြင်းဆရာ ယောဟန်ဟာ ကင်းစောင့်တာဝန် ထမ်းဆောင်ခဲ့တယ်။ ပကတိ အစ္စရေးလူမျိုး မကြာခင် ငြင်းပယ်ခံရတော့မယ့်အကြောင်း သတိပေးခဲ့တယ်။ (မ. ၃:၁၊ ၂၊ ၉-၁၁) ဒီလောက်ပဲ မဟုတ်သေးဘူး။ ယောဟန်ဟာ မေရှိယ သွားမယ့်လမ်းကို အသင့်ပြင်ပေးတဲ့ “စေတမန်” ဖြစ်ကြောင်း ယေရှု ပြောခဲ့တယ်။ (မာလ. ၃:၁။ မ. ၁၁:၇-၁၀) ယောဟန်ရဲ့ တာဝန်တစ်ရပ်ကတော့ “ဘုရားသခင်ရဲ့ သိုးသငယ်” ယေရှု ရောက်လာပြီ၊ “ဒီလောကရဲ့ အပြစ်ကို ဖယ်ရှားပေး” တော့မယ်ဆိုတဲ့ သတင်းကောင်း ဟောပြောခြင်းပါပဲ။—ယော. ၁:၂၉၊ ၃၀။
၁၉၊ ၂၀။ ယေရှုနဲ့ တပည့်တွေ ကင်းစောင့်အဖြစ် ဘယ်လို လုပ်ဆောင်ခဲ့ကြသလဲ။
၁၉ ကင်းစောင့်အားလုံးထဲမှာ ယေရှုဟာ အထူးခြားဆုံးပါ။ ယေဇကျေလလိုပဲ “အစ္စရေးအမျိုး” ဆီ ယေရှုကို ယေဟောဝါ စေလွှတ်ခဲ့တယ်။ (ယေဇ. ၃:၁၇။ မ. ၁၅:၂၄) ပကတိအစ္စရေးလူမျိုး မကြာခင် ငြင်းပယ်ခံရတော့မယ်၊ ဂျေရုဆလင်မြို့ ဖျက်ဆီးခံရတော့မယ်ဆိုတာ ယေရှု သတိပေးခဲ့တယ်။ (မ. ၂၃:၃၇၊ ၃၈။ ၂၄:၁၊ ၂။ လု. ၂၁:၂၀-၂၄) ဒါပေမဲ့ ယေရှုရဲ့ အဓိကတာဝန်က သတင်းကောင်း ကြေညာဖို့ပါ။—လု. ၄:၁၇-၂၁။
၂၀ ယေရှု မြေကြီးပေါ် ရှိစဉ်တုန်းက “သတိနဲ့ စောင့်နေကြပါ” ဆိုပြီး တပည့်တွေကို အသေအချာ မိန့်မှာခဲ့တယ်။ (မ. ၂၄:၄၂) တပည့်တွေက မိန့်မှာချက်ကို နာခံပြီး ကင်းစောင့်အဖြစ် လုပ်ဆောင်ခဲ့ကြတယ်။ ပကတိအစ္စရေးလူမျိုးနဲ့ ဂျေရုဆလင်မြို့ကို ယေဟောဝါ ငြင်းပယ်လိုက်ပြီ ဖြစ်ကြောင်း သတိပေးခဲ့ကြတယ်။ (ရော. ၉:၆-၈။ ဂလ. ၄:၂၅၊ ၂၆) ရှေးခေတ် ကင်းစောင့်တွေလိုပဲ သူတို့မှာလည်း ကြေညာရမယ့် သတင်းကောင်း ရှိပါတယ်။ စွမ်းအားတော်နဲ့ ဘိသိက်ပေးထားတဲ့ ဘုရားသခင့် အစ္စရေးလူမျိုးထဲမှာ လူမျိုးခြားတွေလည်း ပါဝင်လာပြီး မြေကြီးပေါ် စင်ကြယ်တဲ့ ဝတ်ပြုကိုးကွယ်မှု ပြန်လည်တည်ထောင်ရာမှာ ယေရှုကို ကူညီပေးခွင့် ရရှိကြမယ့်အကြောင်း ကြေညာခြင်း ပါဝင်တယ်။—တ. ၁၅:၁၄။ ဂလ. ၆:၁၅၊ ၁၆။ ဗျာ. ၅:၉၊ ၁၀။
၂၁။ ပေါလု ဘာပုံသက်သေ ချမှတ်ခဲ့သလဲ။
၂၁ ပထမရာစု ကင်းစောင့်တွေထဲမှာ တမန်တော်ပေါလုက ထူးခြားတဲ့ ပုံသက်သေ ချမှတ်ခဲ့တယ်။ တာဝန်နဲ့ပတ်သက်ပြီး အရေးတကြီး သဘောထား ရှိခဲ့တယ်။ တာဝန် မကျေပွန်ရင် သွေးပြစ်သင့်မယ်ဆိုတာ ယေဇကျေလနည်းတူ ပေါလုလည်း သိထားတယ်။ (တ. ၂၀:၂၆၊ ၂၇) တခြားကင်းစောင့်တွေရဲ့ ပုံသက်သေကို တုပပြီး တခြားသူတွေကို သတိပေးရုံသာမက သတင်းကောင်းလည်း ဟောခဲ့တယ်။ (တ. ၁၅:၃၅။ ရော. ၁:၁-၄) “သတင်းကောင်း သယ်ဆောင်လာသူ . . . ရဲ့ ခြေဟာ တောင်တန်းတွေပေါ်မှာ လှပ တင့်တယ်လိုက်တာ” ဆိုတဲ့ ဟေရှာယ ပရောဖက်ပြုချက်ကို ကိုးကားခဲ့တယ်။ ဘုရားနိုင်ငံတော်အကြောင်း ဟောပြောခြင်းအားဖြင့် ခရစ်တော်နောက်လိုက်တွေ ပြီးမြောက်စေခဲ့တဲ့ လုပ်ငန်းနဲ့ ဒီပရောဖက်ပြုချက်ကို ဆက်စပ်ပြခဲ့တယ်။—ဟေရှာ. ၅၂:၇၊ ၈။ ရော. ၁၀:၁၃-၁၅။
၂၂။ တမန်တော်တွေ သေဆုံးပြီးတဲ့နောက် ဘာဖြစ်ခဲ့သလဲ။
၂၂ တမန်တော်တွေ သေဆုံးပြီးတဲ့နောက်မှာ ကြိုဟောထားတဲ့အတိုင်း ခရစ်ယာန်အသင်းတော်အတွင်း အယူဖောက်ပြန်မှု လွှမ်းမိုးလာတယ်။ (တ. ၂၀:၂၉၊ ၃၀။ ၂ သက်. ၂:၃-၈) ကြာရှည်တဲ့ ကြီးထွားချိန်အတွင်း ပေါင်းပင်နဲ့တူတဲ့ ခရစ်ယာန်အတုအယောင်တွေဟာ ဂျုံပင်နဲ့တူတဲ့ သစ္စာရှိ ခရစ်တော်နောက်လိုက်တွေထက် အရေအတွက် တိုးများလာတယ်။ ဘုရားနိုင်ငံတော်အကြောင်း ရှင်းလင်းတဲ့ သတင်းတရားကို သွန်သင်ချက်အမှားတွေ ဖုံးလွှမ်းသွားတယ်။ (မ. ၁၃:၃၆-၄၃) ဒါပေမဲ့ လူ့အရေးကိစ္စတွေမှာ ယေဟောဝါ ကြားဝင်မယ့်အချိန် ရောက်လာတဲ့အခါ ရှင်းရှင်းလင်းလင်း သတိပေးဖို့၊ သတင်းကောင်း ကြေညာဖို့ ကင်းစောင့်တွေ ခန့်အပ်ခြင်းအားဖြင့် မေတ္တာနဲ့ တရားမျှတမှုကို ဖော်ပြပြန်တယ်။ ကင်းစောင့်တွေအဖြစ် ဘယ်သူတွေ ထမ်းဆောင်ခဲ့ကြသလဲ။
လူဆိုးကို သတိပေးဖို့ ကင်းစောင့်တွေ ယေဟောဝါ ပြင်ဆင်ပေး
၂၃။ စီတီရပ်စယ်နဲ့ အပေါင်းပါတွေ ဘယ်အခန်းကဏ္ဍကနေ ပါဝင်ခဲ့ကြသလဲ။
၂၃ ၁၉၁၄ မတိုင်ခင် နှစ်တွေမှာ စီတီရပ်စယ်နဲ့ အပေါင်းပါတွေဟာ မေရှိယနိုင်ငံတော် မတည်ထောင်ခင်မှာ “သွားမယ့်လမ်းကို . . . အသင့်ပြင်ပေး” တဲ့ “စေတမန်” အဖြစ် လုပ်ဆောင်ခဲ့ကြတယ်။ * (မာလ. ၃:၁) ဘုရားရဲ့ တရားစီရင်ချက်ကို သတိပေးဖို့၊ ဘုရားနိုင်ငံတော်အကြောင်း သတင်းကောင်း ပျံ့နှံ့စေဖို့ ဇိအုန်ကင်းမျှော်စင် မဂ္ဂဇင်းနဲ့ ခရစ်တော် ရောက်ရှိနေခြင်း၏ သံတော်ဆင့်ကို အသုံးပြုခြင်းအားဖြင့် ကင်းစောင့်တာဝန်ကိုလည်း ထမ်းဆောင်ခဲ့ကြတယ်။
၂၄။ (က) သစ္စာရှိကျွန်ဟာ ဘယ်လိုနည်းနဲ့ ကင်းစောင့်တာဝန် ထမ်းဆောင်ခဲ့သလဲ။ (ခ) အတိတ်က ကင်းစောင့်တွေရဲ့ ပုံသက်သေတွေကနေ ဘာသင်ယူခဲ့ပြီလဲ။ (“စံနမူနာရှင် ကင်းစောင့်တချို့” ဇယားကွက်ကို ကြည့်ပါ။)
၂၄ နိုင်ငံတော် တည်ထောင်ပြီးတဲ့နောက် အမျိုးသားအုပ်စုငယ်လေးတစ်စုကို သစ္စာရှိကျွန်အဖြစ် ယေရှု ခန့်အပ်ခဲ့တယ်။ (မ. ၂၄:၄၅-၄၇) အဲဒီအချိန်ကစပြီး အုပ်ချုပ်ရေးအဖွဲ့လို့ အခုခေါ်ကြတဲ့ သစ္စာရှိကျွန်ဟာ ကင်းစောင့်တာဝန် ထမ်းဆောင်ခဲ့တယ်။ “လက်စားချေမယ့်နေ့အကြောင်း” သတိပေးခြင်းမှာသာမက “ယေဟောဝါရဲ့ မင်္ဂလာနှစ်အကြောင်း” ကြေညာခြင်းမှာပါ ဦးဆောင်ပေးနေတယ်။—ဟေရှာ. ၆၁:၂။ ၂ ကောရိန္သု ၆:၁၊ ၂ ကိုလည်း ကြည့်ပါ။
၂၅၊ ၂၆။ (က) ခရစ်တော်ရဲ့ နောက်လိုက်အားလုံး ဘာတာဝန် ထမ်းဆောင်ကြရမလဲ။ ဘယ်လို ပြီးမြောက်နိုင်သလဲ။ (ခ) နောက်အခန်းမှာ ဘာအကြောင်း ဆွေးနွေးကြမလဲ။
၂၅ သစ္စာရှိကျွန်က ကင်းစောင့်တာဝန်ကို ဦးဆောင်ပေးနေတယ် ဆိုပေမဲ့ “သတိနဲ့ စောင့်နေ” ဖို့ကိုတော့ နောက်လိုက် “အားလုံး” ကို ယေရှု တာဝန်ပေးထားတယ်။ (မာ. ၁၃:၃၃-၃၇) ဘုရားရေးရာမှာ နိုးကြားနေခြင်း၊ မျက်မှောက်ခေတ် ကင်းစောင့်ကို သစ္စာရှိရှိ ထောက်မပေးခြင်းအားဖြင့် ဒီမိန့်မှာချက်ကို ကျွန်တော်တို့ နာခံကြတယ်။ ဟောပြောခြင်းတာဝန်ကို ကျေပွန်ခြင်းအားဖြင့် နိုးကြားနေကြောင်း သက်သေပြကြတယ်။ (၂ တိ. ၄:၂) ကျွန်တော်တို့ကို ဘာက လှုံ့ဆော်ပေးသလဲ။ လူတွေရဲ့ အသက်ကို ကယ်ချင်တဲ့ ဆန္ဒပါပဲ။ (၁ တိ. ၄:၁၆) မျက်မှောက်ခေတ် ကင်းစောင့်ရဲ့ သတိပေးသံကို လျစ်လျူရှုတဲ့အတွက် မကြာခင် လူအမြောက်အမြား အသက်ဆုံးရှုံးကြရတော့မယ်။ (ယေဇ. ၃:၁၉) ဒါပေမဲ့ ကျွန်တော်တို့ကို အဓိကလှုံ့ဆော်ပေးတာကတော့ စင်ကြယ်တဲ့ ဝတ်ပြုကိုးကွယ်မှု ပြန်လည်တည်ထောင်ပြီဆိုတဲ့ အကောင်းဆုံးသတင်းကို ဝေမျှချင်လို့ပါ။ “ယေဟောဝါရဲ့ မင်္ဂလာနှစ်” အတွင်း အခုအချိန်မှာ တရားမျှတပြီး မေတ္တာရှိတဲ့ ဘုရားယေဟောဝါကို ဝတ်ပြုကိုးကွယ်ရာမှာ ပူးပေါင်းလာဖို့ လူများစွာအတွက် အခွင့်အလမ်း ပွင့်နေတယ်။ မကြာခင် ဒီလောကစနစ်ဆိုးရဲ့ အဆုံးကနေ လွတ်မြောက်လာသူတိုင်းဟာ သားတော် ယေရှုခရစ်ရဲ့ ကရုဏာရှိတဲ့ အုပ်ချုပ်မှုကနေ အကျိုးရကြပါတော့မယ်။ သတင်းကောင်း ဟောပြောခြင်းအားဖြင့် မျက်မှောက်ခေတ် ကင်းစောင့်ကို ကျွန်တော်တို့ ကူညီထောက်မချင်ကြပါတယ်။—မ. ၂၄:၁၄။
သတင်းကောင်း ကြေညာခြင်းအားဖြင့် မျက်မှောက်ခေတ် ကင်းစောင့်ကို ပျော်ရွှင်စွာ ထောက်မနေကြ (စာပိုဒ် ၂၅ ကို ကြည့်ပါ)
၂၆ ဒီစနစ်ဆိုးအဆုံး မတိုင်ခင်ကတည်းက ယေဟောဝါက မိမိလူမျိုးကို အံ့ဖွယ်နည်းနဲ့ စုသိမ်းနေတယ်။ ဘယ်လို စုသိမ်းသလဲဆိုတာကို ပုံဖော်တဲ့ တုတ်နှစ်ချောင်းအကြောင်း ပရောဖက်ပြုချက်ကို နောက်အခန်းမှာ ဆွေးနွေးပါမယ်။
^ အပိုဒ်၊ 15 “ဘေးဆိုး” ဆိုတဲ့ စကားလုံးကို ယေရမိကျမ်းမှာ အကြိမ် ၆၀ လောက် တွေ့ရတယ်။
^ အပိုဒ်၊ 23 ဒီပရောဖက်ပြုချက်နဲ့ ပြည့်စုံမှုအကြောင်း ဆွေးနွေးထားတာကို ဘုရားသခင့်နိုင်ငံတော် စိုးစံပြီ စာအုပ် အခန်း ၂ “ကောင်းကင်မှာ နိုင်ငံတော် ဖွားမြင်ပြီ” မှာ ကြည့်ပါ။