အခန်း ၂၂
“ဘုရားသခင်ကိုသာ ကိုးကွယ်ပါ”
အာရုံစိုက်ရာ။ ယေဇကျေလကျမ်း အဓိကအကြောင်းအရာများ၊ လက်ရှိ၊ အနာဂတ်နဲ့ သက်ဆိုင်ပုံအကြောင်း ပြန်သုံးသပ်ခြင်း
၁၊ ၂။ (က) ကျွန်တော်တို့ ဘာကို ရွေးချယ်ကြရမလဲ။ (ခ) သစ္စာရှိ ကောင်းကင်တမန် ဘယ်လို တုံ့ပြန်ပြောဆိုခဲ့သလဲ။
ဘယ်သူ့ကို ငါကိုးကွယ်မလဲဆိုတဲ့ အရေးကြီးမေးခွန်းကို ကျွန်တော်တို့ယောက်တိုင်း အဖြေပေးရမယ်။ ဒီကိစ္စက ရှုပ်ထွေးတယ်၊ ရွေးချယ်စရာ များလွန်းတယ်လို့ လူများစွာ ပြောကြပါလိမ့်မယ်။ တကယ်တမ်းတော့ ရွေးချယ်စရာက ရိုးရှင်းတယ်။ ယေဟောဝါဘုရားကို ကိုးကွယ်မလား။ စာတန်မာရ်နတ်ကို ကိုးကွယ်မလား။
၂ စာတန်ဟာ ဝတ်ပြုကိုးကွယ်ခံလိုစိတ် ပြင်းပြတယ်။ အထူးသဖြင့် ယေရှုကို ဖြားယောင်းသွေးဆောင်ချိန်မှာ ဒီအချက် ထင်ရှားလာတယ်။ ဒီစာအုပ် အခန်း ၁ မှာ ဆွေးနွေးခဲ့တဲ့အတိုင်း စာတန်က ယေရှုကို မက်လုံးပေး ကမ်းလှမ်းခဲ့တယ်။ အဲဒါကတော့ တိုင်းနိုင်ငံတွေအပေါ် အုပ်ချုပ်ခွင့်အာဏာပါပဲ။ မာရ်နတ် ဘာပြန်လိုချင်သလဲ။ “တစ်ကြိမ်ပဲ ရှိခိုးဦးချ” ဖို့ ယေရှုကို တောင်းဆိုခဲ့တယ်။ (မ. ၄:၉) တမန်တော် ယောဟန်ဆီ ဗျာဒိတ်တော် ဖော်ပြခဲ့တဲ့ ကောင်းကင်တမန်ကတော့ ဝတ်ပြုကိုးကွယ်မခံခဲ့ဘူး။ (ဗျာဒိတ် ၂၂:၈၊ ၉ ကိုဖတ်ပါ။) ယောဟန် ရှိခိုးဖို့ လုပ်တဲ့အခါ နှိမ့်ချမှုရှိတဲ့ ကောင်းကင်တမန်က “အဲဒီလို မလုပ်ပါနဲ့” ဆိုပြီး တုံ့ပြန်ပြောဆိုခဲ့တယ်။ ကောင်းကင်တမန်က ‘ငါ့ကို ကိုးကွယ်ပါ’ လို့ ပြောမယ့်အစား “ဘုရားသခင်ကိုသာ ကိုးကွယ်ပါ” လို့ ပြောခဲ့တယ်။
၃။ (က) ဒီစာအုပ်ရဲ့ ရည်ရွယ်ချက်က ဘာလဲ။ (ခ) အခု ဘာသုံးသပ်ကြမလဲ။
၃ ဒီစာအုပ်ရဲ့ ရည်ရွယ်ချက်က ကောင်းကင်တမန် ပြောခဲ့တဲ့အတိုင်း ယေဟောဝါတရား. ၁၀:၂၀။ မ. ၄:၁၀) ယေဇကျေလ ပရောဖက်ပြုချက်တွေ၊ စိတ်အာရုံတွေကနေ စင်ကြယ်တဲ့ ဝတ်ပြုကိုးကွယ်မှုအကြောင်း သင်ယူခဲ့တာတွေကို ပြန်သုံးသပ်ကြည့်ကြစို့။ အဲဒီနောက် အနာဂတ်မှာ ကမ္ဘာသူကမ္ဘာသားတိုင်း ကြုံတွေ့ရမယ့် နောက်ဆုံး စမ်းသပ်မှုအကြောင်း ကျမ်းချက်တွေကတစ်ဆင့် လေ့လာကြပါမယ်။ ယေဟောဝါရဲ့ စင်ကြယ်တဲ့ ဝတ်ပြုကိုးကွယ်မှု အပြည့်အဝ ထာဝစဉ် တည်ထောင်တာကို ဘယ်သူတွေ မြင်တွေ့ရမယ်ဆိုတာ နောက်ဆုံးစမ်းသပ်မှုက အဆုံးအဖြတ်ပေးပါလိမ့်မယ်။
ဘုရား တစ်ပါးတည်းကိုသာ ကိုးကွယ်ဆည်းကပ်ပါ့မယ်ဆိုတဲ့ ကျွန်တော်တို့ရဲ့ ဆုံးဖြတ်ချက်ကို ခိုင်မာလာစေဖို့ပါပဲ။ (ယေဇကျေလကျမ်းမှာ အလေးပေးထားတဲ့ အဓိကအချက်သုံးချက်
၄။ ယေဇကျေလကျမ်းမှာ ဘယ်အဓိကအချက်သုံးချက်ကို အလေးပေးထားသလဲ။
၄ စင်ကြယ်တဲ့ ဝတ်ပြုကိုးကွယ်မှုမှာ ဟန်ပြလုပ်ရပ်တွေ မပါဝင်ကြောင်း ယေဇကျေလကျမ်းက သင်ပေးတယ်။ (၁) ယေဟောဝါတစ်ပါးတည်းကိုပဲ ကိုးကွယ်ဆည်းကပ်ဖို့၊ (၂) စင်ကြယ်တဲ့ ဝတ်ပြုကိုးကွယ်မှုမှာ စည်းလုံးစွာ ပါဝင်နေဖို့၊ (၃) တခြားသူတွေကို မေတ္တာပြဖို့ ကျွန်တော်တို့ တောင်းဆိုခံရတယ်။ ဒီစာအုပ်မှာ ဆွေးနွေးခဲ့တဲ့ ပရောဖက်ပြုချက်တွေ၊ စိတ်အာရုံတွေက ဒီအချက်သုံးချက်ကို ပေါ်လွင်စေပုံအကြောင်း သုံးသပ်ကြည့်ပါ။
ပထမအချက်- ယေဟောဝါတစ်ပါးတည်းကိုပဲ ကိုးကွယ်ဆည်းကပ်ပါ
၅-၉။ ယေဟောဝါတစ်ပါးတည်းကိုပဲ ကိုးကွယ်ဆည်းကပ်ခြင်းနဲ့ပတ်သက်ပြီး ဘာသင်ယူခဲ့ရသလဲ။
၅ အခန်း ၃။ * ယေဟောဝါရဲ့ ပတ်လည်မှာ သက်တံ ဖြာထွက်နေတာ၊ တန်ခိုးကြီး နာမ်ဝိညာဉ်သတ္တဝါတွေအထက်မှာ ယေဟောဝါ စီးနင်းနေတာကို အံ့ဖွယ်စိတ်အာရုံထဲမှာ တွေ့ခဲ့ရတယ်။ အနန္တတန်ခိုးရှင်တစ်ပါးတည်းသာ ဝတ်ပြုကိုးကွယ်ခံထိုက်တယ်ဆိုတဲ့ အခြေခံအကြောင်းအရင်းကို ဒီစိတ်အာရုံက စွဲမှတ်စေတယ်။—ယေဇ. ၁:၄၊ ၁၅-၂၈။
၆ အခန်း ၅။ ယေဟောဝါရဲ့ ဗိမာန်တော်ကို ညစ်ညူးစေတဲ့အကြောင်း ဖော်ပြတဲ့ စိတ်အာရုံဟာ ထိတ်လန့်စရာကောင်းလှပါတယ်။ ယေဟောဝါရှေ့မှာ ဘာမှ ဖုံးကွယ်ထားလို့ မရကြောင်း စိတ်အာရုံက ဖော်ပြတယ်။ ရုပ်တုကိုးကွယ်ခြင်းလို သစ္စာမဲ့လုပ်ရပ်တွေကို လူတွေ မမြင်ရင်တောင် ဘုရား မြင်တယ်။ ဒီလုပ်ရပ်တွေကြောင့် ဘုရားစိတ်တော် နာကျင်တယ်။ ဒီလိုပြုကျင့်သူတွေကို အပြစ်ပေးတယ်။—ယေဇ. ၈:၁-၁၈။
၇ အခန်း ၇။ ယေဟောဝါက မိမိလူမျိုးအပေါ် နှိပ်စက်သူတွေကို အရေးယူကြောင်း အစ္စရေးတွေကို “လှောင်ပြောင်” ခဲ့ကြတဲ့ ပတ်ဝန်းကျင်နိုင်ငံတွေအပေါ် တရားစီရင်ခြင်းသတင်းက သက်သေထူတယ်။ (ယေဇ. ၂၅:၆) အရာရာထက် ယေဟောဝါကို သစ္စာစောင့်သိရမယ်ဆိုတာ လူမျိုးခြားတွေနဲ့ အစ္စရေးလူမျိုး ဆက်ဆံပုံကနေ သင်ယူရတယ်။ ယေဟောဝါကို မကိုးကွယ်တဲ့ ဆွေမျိုးတွေနဲ့ သင့်မြတ်ဖို့ ကျွန်တော်တို့ရဲ့ စံနှုန်းတွေကို ဘယ်တော့မှ လျှော့ချမှာ မဟုတ်ဘူး။ စည်းစိမ်ကို အားမကိုးဘူး။ လူ့အစိုးရကို သစ္စာစောင့်သိခြင်းအားဖြင့် ကျွန်တော်တို့ရဲ့ ကြားနေမှုကို အလျှော့ပေးမှာ မဟုတ်ဘူး။ သစ္စာစောင့်သိမှုကို ယေဟောဝါတစ်ပါးတည်းသာ ပိုင်ထိုက်လို့ပါ။
၈ အခန်း ၁၃ နဲ့ ၁၄။ ဘုရားအားလုံးထက် ယေဟောဝါ ကြီးမြတ်ကြောင်း အသိအမှတ်ပြုပြီး ဘုရားရဲ့ မြင့်မားတဲ့ စံနှုန်းတွေနဲ့အညီ အသက်ရှင်ရမယ်။ ဒီအချက်ကို မြင့်မားလှတဲ့ တောင်တန်းပေါ်က ဗိမာန်တော်အကြောင်း စိတ်အာရုံက သင်ပေးတယ်။—ယေဇ. ၄၀:၁–၄၈:၃၅။
၉ အခန်း ၁၅။ အစ္စရေးနဲ့ ယုဒပြည်ကို ပြည့်တန်ဆာတွေနဲ့ ခိုင်းနှိုင်းထားတဲ့ ပရောဖက်ပြုချက်ဆိုင်ရာ ဖော်ပြချက်တွေက သစ္စာမဲ့ဖောက်ပြန်ခြင်းကို ယေဟောဝါ ဘယ်လောက် ရွံမုန်းကြောင်း သတိရစေတယ်။—ယေဇ. အခန်းကြီး ၁၆၊ ၂၃။
ဒုတိယအချက်– စင်ကြယ်တဲ့ ဝတ်ပြုကိုးကွယ်မှုမှာ စည်းလုံးစွာ ပါဝင်နေပါ
၁၀-၁၄။ စင်ကြယ်တဲ့ ဝတ်ပြုကိုးကွယ်မှုမှာ စည်းလုံးစွာ ပါဝင်နေဖို့ လိုအပ်ကြောင်း ဘယ်လို အလေးပေးထားသလဲ။
၁၀ အခန်း ၈။ ယေဟောဝါက မိမိလူမျိုးကို ဂရုစိုက်စောင့်ရှောက်ဖို့ “သိုးထိန်း” တစ်ပါး ပေါ်ထွန်းစေမယ်လို့ ပရောဖက်ပြုထားတယ်။ ယေရှုရဲ့ ဦးဆောင်မှုအောက် ကျွန်တော်တို့ စည်းလုံးငြိမ်သက်စွာ လုပ်ဆောင်ဖို့ လိုအပ်ကြောင်း ဒီပရောဖက်ပြုချက်တွေက အလေးပေးတယ်။—ယေဇ. ၃၄:၂၃၊ ၂၄။ ၃၇:၂၄-၂၈။
၁၁ အခန်း ၉။ ဗာဗုလုန် သုံ့ပန်းဘဝကနေ လွတ်မြောက်လာပြီး နေရင်းပြည်မှာ ပြန်လည်တည်ထောင်ခံရတဲ့ ဘုရားလူမျိုးအကြောင်း ယေဇကျေလ ပရောဖက်ပြုချက်တွေမှာ ယေဟောဝါရဲ့ နှစ်သက်လက်ခံမှု ရချင်သူတွေအတွက် သတင်းစကား ပါရှိတယ်။ ယေဟောဝါရဲ့ သန့်ရှင်းတဲ့ ဝတ်ပြုကိုးကွယ်သူတွေဟာ မှားယွင်းတဲ့ ဘာသာရေးရဲ့ ညစ်ညမ်းတဲ့ ဩဇာအောက်ကနေ ထွက်လာပြီး ကင်းကင်းရှင်းရှင်း နေကြရမယ်။ ဘာသာရေး၊ စီးပွားရေး၊ လူမျိုးရေး နောက်ခံအမျိုးမျိုးကနေ ထွက်လာပေမဲ့ ကျွန်တော်တို့ စည်းလုံးနေကြရမယ်။ ဒါက ဘုရားလူမျိုးကို ခွဲခြားသိမြင်စေတယ်။—ယေဇ. ၁၁:၁၇၊ ၁၈။ ၁၂:၂၄။ ယော. ၁၇:၂၀-၂၃။
၁၂ အခန်း ၁၀။ ခြောက်သွေ့နေတဲ့ အရိုးတွေ အသက်ပြန်ရှင်လာခြင်း စိတ်အာရုံက စည်းလုံးခြင်းအကြောင်း အလေးပေးတယ်။ ပြန်လည်စုသိမ်းထားတဲ့ သန့်စင်ခံရပြီးသား ဝတ်ပြုကိုးကွယ်သူတွေဟာ စစ်တပ်အလုံးအရင်းကြီးလို အတူတကွ လုပ်ဆောင်နေကြတယ်။ ဒီအုပ်စုအဝင် ဖြစ်ရတာ တကယ့်အခွင့်ထူးပါပဲ။—ယေဇ. ၃၇:၁-၁၄။
၁၃ အခန်း ၁၂။ အထူးသဖြင့် တုတ်နှစ်ချောင်းကို တစ်ချောင်းတည်း ဖြစ်စေခြင်း ပရောဖက်ပြုချက်မှာ စည်းလုံးခြင်းအကြောင်း အလေးပေးထားတယ်။ ဘိသိက်ခံနဲ့ တခြားသိုးတွေကြောင့် ဒီပရောဖက်ပြုချက် ပြည့်စုံနေတာကို မြင်တွေ့ရခြင်းက ယုံကြည်ခြင်း အလွန်ခိုင်ခံ့စေပါတယ်။ ဘာသာရေး၊ နိုင်ငံရေး မုန်းတီးမှုတွေကြောင့် ကွဲပြားနေတဲ့ လောကမှာ အသက်ရှင်နေရပေမဲ့ ကျွန်တော်တို့ကတော့ မေတ္တာ၊ သစ္စာရှိမှုတို့နဲ့ စည်းလုံးနေကြပါတယ်။—ယေဇ. ၃၇:၁၅-၂၃။
၁၄ အခန်း ၁၆။ မင်အိုးချိတ်ထားသူ၊ ရိုက်ခွဲစရာ လက်နက် ကိုင်ထားသူတွေအကြောင်း စိတ်အာရုံမှာ လေးနက်တဲ့ သတိပေးချက် ပါတယ်။ သတိပေးချက်ကတော့ စင်ကြယ်တဲ့ ဝတ်ပြုကိုးကွယ်သူတွေအဖြစ် “ကြီးစွာသောဒုက္ခ” ထဲ ဝင်ရောက်သူတွေပဲ ကယ်တင်ခြင်းအတွက် မှတ်သားခံရမယ်ဆိုတာပါပဲ။—မ. ၂၄:၂၁။ ယေဇ. ၉:၁-၁၁။
တတိယအချက်– တခြားသူတွေကို မေတ္တာပြပါ
၁၅-၁၈။ ဘာကြောင့် မေတ္တာ ဆက်ပြနေရမလဲ။ ဘယ်လို ပြနိုင်သလဲ။
၁၅ အခန်း ၄။ သတ္တဝါလေးပါးအကြောင်း စိတ်အာရုံက ယေဟောဝါရဲ့ ဂုဏ်ရည်တော်တွေ၊ အထူးသဖြင့် ချစ်ခြင်းမေတ္တာအကြောင်း သင်ပေးတယ်။ မေတ္တာပါပါ ပြောဆို ပြုမူတဲ့အခါ ယေဟောဝါဟာ ကျွန်တော်တို့ရဲ့ ဘုရား ဖြစ်ကြောင်း သက်သေထူရာရောက်တယ်။—ယေဇ. ၁:၅-၁၄။ ၁ ယော. ၄:၈။
၁၆ အခန်း ၆ နဲ့ ၁၁။ ဘုရားသခင်က မေတ္တာတော်ကြောင့် ယေဇကျေလလို ကင်းစောင့်တွေ ခန့်အပ်ခဲ့တယ်။ ဘုရားသခင်ဟာ ချစ်ခြင်းမေတ္တာ ဖြစ်လို့ စာတန့်အုပ်ချုပ်မှုကို အဆုံးတိုင်စေတဲ့အခါ ဘယ်သူ့ကိုမှ မပျက်စီးစေချင်ဘူး။ (၂ ပေ. ၃:၉) မျက်မှောက်ခေတ် ကင်းစောင့်ကို ထောက်မခြင်းဆိုတဲ့ ကျွန်တော်တို့ ရထားတဲ့ တာဝန်ကို ကျေပွန်စေခြင်းအားဖြင့် ဘုရားသခင့်မေတ္တာတော်ကို ရောင်ပြန်ဟပ်ခွင့် ရထားတယ်။—ယေဇ. ၃၃:၁-၉။
၁၇ အခန်း ၁၇ နဲ့ ၁၈။ လူများစွာက ကရုဏာတော်ကို ငြင်းပယ်ကြမယ်၊ သစ္စာရှိ ဝတ်ပြုကိုးကွယ်သူတွေကို ဖယ်ရှားဖို့ ကြိုးစားကြမယ်ဆိုတာ ယေဟောဝါ သိထားတယ်။ ဘုရားအပေါ် သစ္စာစောင့်သိသူတွေကို “မာဂေါဂပြည်က ဂေါဂမင်း” စတင်တိုက်ခိုက်တဲ့အခါ ယေဟောဝါက မေတ္တာတော်ကြောင့် ကာကွယ်ပေးပါမယ်။ ဘုရားလူမျိုးအပေါ် နိုင်ထက်စီးနင်းပြုသူတွေကို ယေဟောဝါ ဖျက်ဆီးမယ့်အကြောင်း လူများနိုင်သမျှများများကို သတိပေးဖို့ တခြားသူတွေအပေါ်ထားတဲ့ မေတ္တာက ကျွန်တော်တို့ကို လှုံ့ဆော်ပေးတယ်။—ယေဇ. ၃၈:၁–၃၉:၂၀။ ၂ သက်. ၁:၆၊ ၇။
၁၈ အခန်း ၁၉၊ ၂၀၊ ၂၁။ အသက်ပေးရေအကြောင်း၊ တိုင်းပြည် ခွဲဝေခြင်းအကြောင်း စိတ်အာရုံတွေမှာ ယေဟောဝါရဲ့ မေတ္တာတော် ထင်ရှားတယ်။ ကျွန်တော်တို့ရဲ့ အပြစ်တွေ ခွင့်လွှတ်ခံရဖို့၊ ဘုရားသခင့် မိသားစုဝင်အဖြစ် စုံလင်တဲ့ အသက်တာကို ပျော်မွေ့နိုင်ကြဖို့ သားတော်ရဲ့ အသက်ကို ပေးခဲ့တယ်။ ယေဟောဝါရဲ့ အကြီးမားဆုံး မေတ္တာကြောင့် ရရှိလာမယ့်အရာတွေကို စိတ်အာရုံက ဖော်ပြတယ်။ သားတော်ကို ယုံကြည်သက်ဝင်သူတွေအတွက် ယေဟောဝါ ပြင်ဆင်ပေးထားတဲ့၊ လှပတဲ့ အနာဂတ်အကြောင်း လူတွေကို ပြောပြခြင်းက မေတ္တာ ပြနိုင်တဲ့ အကောင်းဆုံးနည်းပါ။—ယေဇ. ၄၅:၁-၇။ ၄၇:၁–၄၈:၃၅။ ဗျာ. ၂၁:၁-၄။ ၂၂:၁၇။
အနှစ်တစ်ထောင် အုပ်ချုပ်မှု အပြီး မှတ်သားဖွယ် နှိမ့်ချမှု
၁၉။ အနှစ်တစ်ထောင် အုပ်ချုပ်ချိန်အတွင်း ယေရှု ဘာတွေ လုပ်မလဲ။ (“နောက်ဆုံးစမ်းသပ်မှုကို ရင်ဆိုင်ခြင်း” လေးထောင့်ကွက်ကို ကြည့်ပါ။)
၁၉ အနှစ်တစ်ထောင် အုပ်ချုပ်ချိန်အတွင်း ယေရှုက လူသန်းထောင်ချီကို အသက်ပြန်ရှင်စေမယ်။ “ရန်သူဖြစ်တဲ့ သေခြင်း” ကြောင့် ခံစားရတဲ့ နာကျင်မှုကို ပြန်ကုစားပေးမယ်။ (၁ ကော. ၁၅:၂၆။ မာ. ၅:၃၈-၄၂။ တ. ၂၄:၁၅) လူ့သမိုင်းဟာ ဝမ်းနည်းမှု၊ ဆုံးရှုံးမှုအပြည့်နဲ့ ကြေကွဲဖွယ်ကောင်းခဲ့တယ်။ ဒါပေမဲ့ လူမျိုးဆက်တိုင်း အသက်ပြန်ရှင်လာကြမယ်။ ယေရှုက ဝမ်းနည်းစရာသမိုင်းကို ချေဖျက်ပေးပြီး ရှင်ပြန်ထမြောက်လာသူတွေကို သမိုင်းသစ်ရေးခွင့် ပေးပါလိမ့်မယ်။ ဖျားနာမှု၊ စစ်မှု၊ ရောဂါ၊ ငတ်မွတ်မှုတို့ကြောင့် ဖြစ်ပေါ်ခဲ့တဲ့ နစ်နာမှုအားလုံးကို ရွေးဖိုးပူဇော်သက္ကာအပေါ် အခြေခံပြီး ချေဖျက်ပေးပါလိမ့်မယ်။ ဝမ်းနည်းမှုဇာစ်မြစ်ကို အပြီးအပိုင် ဖယ်ရှားပေးမယ်။ အဲဒါကတော့ အာဒံဆီက အမွေရခဲ့တဲ့ အပြစ်ပါပဲ။ (ရော. ၅:၁၈၊ ၁၉) ယေရှုက “မာရ်နတ် လုပ်သမျှကို” အပြီးတိုင် “ချေဖျက်” ပေးမယ်။ (၁ ယော. ၃:၈) ဘာဆက်ဖြစ်မလဲ။
ရှင်ပြန်ထမြောက်လာသူတွေဟာ ပိုကောင်းမွန်တဲ့ သမိုင်းကို ရေးသားခွင့် ရမယ်
၂၀။ ယေရှုနဲ့တကွ တွဲဖက်အုပ်ချုပ်သူ ၁၄၄,၀၀၀ တို့က မှတ်သားဖွယ် နှိမ့်ချမှုကို ဘယ်လို ပြကြမလဲ။ ရှင်းပြပါ။ (ဆောင်းပါးအစမှာပါတဲ့ပုံကို ကြည့်ပါ။)
၂၀ ကောရိန္သု ပထမစောင် ၁၅:၂၄-၂၈ ကိုဖတ်ပါ။ လူသားတိုင်း စုံလင်တဲ့အသက်တာ ပိုင်ဆိုင်ချိန်မှာ၊ ယေဟောဝါ မူလရည်ရွယ်ထားတဲ့အတိုင်း ကမ္ဘာမြေကို ပရဒိသု အဖြစ် ပြောင်းလဲပြီးချိန်မှာ ယေရှုနဲ့တကွ တွဲဖက်အုပ်ချုပ်သူ ၁၄၄,၀၀၀ တို့က နိုင်ငံတော်ကို ယေဟောဝါဆီ ပြန်အပ်ကြမယ်။ အနှစ်တစ်ထောင်လုံးလုံး ကျင့်သုံးခဲ့တဲ့ အခွင့်အာဏာကို လိုလိုလားလား၊ ငြိမ်းငြိမ်းချမ်းချမ်း ပြန်ပေးအပ်ကြမယ်။ ဒီလိုနည်းနဲ့ မှတ်သားဖွယ် နှိမ့်ချမှုကို ပြကြပါလိမ့်မယ်။ နိုင်ငံတော်က ပြီးမြောက်စေရာအားလုံး ထာဝစဉ် တည်မြဲပါလိမ့်မယ်။
နောက်ဆုံးစမ်းသပ်မှု
၂၁၊ ၂၂။ (က) အနှစ်တစ်ထောင်အဆုံးမှာ ကမ္ဘာမြေ ဘယ်လို ဖြစ်နေမလဲ။ (ခ) ယေဟောဝါက စာတန်နဲ့ နတ်ဆိုးတွေကို ဘာကြောင့် လွှတ်ပေးမလဲ။
၂၁ အဲဒီနောက်မှာ မြေကြီးပေါ်က လက်အောက်ခံတွေကို ယုံကြည်စိတ်ချကြောင်း ဖော်ပြတဲ့ ထူးခြားတဲ့အရာတစ်ခုကို ယေဟောဝါ လုပ်ဆောင်မယ်။ တွင်းနက်ကြီးထဲမှာ အနှစ်တစ်ထောင် ချုပ်နှောင်ခံထားရတဲ့ စာတန်နဲ့ နတ်ဆိုးတွေကို လွှတ်ဖို့ ဘုရား ညွှန်ကြားမယ်။ (ဗျာဒိတ် ၂၀:၁-၃ ကိုဖတ်ပါ။) အရင်က သိထားတဲ့ လောကနဲ့ လုံးလုံး ခြားနားနေပြီဖြစ်တဲ့ လောကကို သူတို့ တွေ့မြင်ရမယ်။ အာမဂေဒုန် မတိုင်ခင် လူသားအများစုဟာ စာတန်ရဲ့ လှည့်စားမှု ခံခဲ့ကြရတယ်။ မလိုမုန်းထားမှုတွေကြောင့် လူသားတွေရဲ့ စည်းလုံးမှု ပြိုကွဲနေခဲ့တယ်။ (ဗျာ. ၁၂:၉) အနှစ်တစ်ထောင်အဆုံးမှာတော့ လူသားတိုင်း ဟာ စည်းလုံးတဲ့၊ မေတ္တာရှိတဲ့ မိသားစုတစ်စုအဖြစ် ယေဟောဝါကို ကိုးကွယ်နေကြပါလိမ့်မယ်။ ကမ္ဘာမြေဟာ သင့်မြတ်အေးချမ်းတဲ့ ပရဒိသု ဖြစ်လာမယ်။
၂၂ ရာဇဝတ်သား စာတန်နဲ့ နတ်ဆိုးတွေကို သန့်ရှင်းတဲ့ဝန်းကျင်ထဲ ယေဟောဝါ ဘာကြောင့် လွှတ်ပေးမလဲ။ အနှစ်တစ်ထောင်အဆုံးပိုင်းမှာ အသက်ရှင်သူအများစုဟာ ယေဟောဝါကို သစ္စာရှိရှိ ကိုးကွယ်သူတွေအဖြစ် သစ္စာစောင့်သိမှု တစ်ခါမှ စမ်းသပ်မခံရဖူးလို့ပါပဲ။ လူများစွာက ယေဟောဝါအကြောင်း မသိဘဲ သေဆုံးပြီး ပရဒိသုမှာ ရှင်ပြန်ထမြောက်လာကြတယ်။ ယေဟောဝါက သူတို့ကို အသက်ပေးရုံသာမက ရုပ်ပိုင်းနဲ့ ဘုရားရေးရာ လိုအပ်ရာအားလုံး ပြင်ဆင်ပေးတယ်။ ကောင်းတဲ့ ဩဇာလွှမ်းမိုးမှုပဲ ခံရပြီး မကောင်းတဲ့ ဩဇာလွှမ်းမိုးမှု ခံရမှာ မဟုတ်ဘူး။ ပတ်ပတ်လည်မှာ ယေဟောဝါကို ချစ်မြတ်နိုးတဲ့ ဝတ်ပြုကိုးကွယ်သူတွေချည်းပဲ။ ဘုရား ကာကွယ်ပေးပြီး ကောင်းချီးပေးနေလို့သာ ကိုးကွယ်နေကြတာပါဆိုပြီး ယောဘကို စွပ်စွဲခဲ့သလို ရှင်ပြန်ထမြောက်လာသူတွေကို စာတန် စွပ်စွဲနိုင်တယ်။ (ယောဘ ၁:၉၊ ၁၀) ဒါကြောင့် ကျွန်တော်တို့နာမည်ကို အသက်စာစောင်ထဲ ထာဝစဉ် မရေးသွင်းခင်မှာ ယေဟောဝါ ဘုရားကို အချုပ်အခြာအာဏာပိုင်ရှင် ဖခင်အနေနဲ့ သစ္စာစောင့်သိကြောင်း သက်သေထူခွင့် ရမယ်။—ဗျာ. ၂၀:၁၂၊ ၁၅။
၂၃။ ဘာအရေးကိစ္စကို ယောက်တိုင်း ရင်ဆိုင်ကြရမလဲ။
၂၃ ဘုရားကို လူသားတွေ မကိုးကွယ်တော့အောင် သွေးဆောင်ဖို့ စာတန် အခွင့်အရေး ခဏ ရမယ်။ ဒါဘာစမ်းသပ်မှုလဲ။ အာဒံနဲ့ ဧဝတို့ ရင်ဆိုင်ခဲ့ကြတဲ့ ထပ်တူအရေးကိစ္စမျိုးကိုပဲ ယောက်တိုင်း ရင်ဆိုင်ကြရမယ်။ ယေဟောဝါရဲ့ စံနှုန်းတွေကို လက်ခံကျင့်သုံးကာ ဘုရားအုပ်ချုပ်မှုကို ထောက်ခံပြီး ဘုရားကို ကိုးကွယ်မလား၊ ဘုရားကို ပုန်ကန်ပြီး စာတန်ကို ထောက်ခံမလားဆိုတဲ့ အရေးကိစ္စ ဖြစ်တယ်။
၂၄။ ပုန်ကန်သူတွေကို “ဂေါဂနဲ့ မာဂေါဂ” လို့ ဘာကြောင့် ခေါ်ထားသလဲ။
၂၄ ဗျာဒိတ် ၂၀:၇-၁၀ ကိုဖတ်ပါ။ အနှစ်တစ်ထောင်အဆုံးမှာ ပုန်ကန်တဲ့သူတွေကို ဂေါဂနဲ့ မာဂေါဂလို့ ခေါ်ထားတယ်။ ကြီးစွာသောဒုက္ခအတွင်း ဘုရားလူမျိုးကို ပုန်ကန်သူတွေ တိုက်ခိုက်မယ်ဆိုပြီး ယေဇကျေလ ပရောဖက်ပြုခဲ့တယ်။ အဲဒီပုန်ကန်သူတွေရဲ့ စရိုက်လက္ခဏာတွေကို ဒီပုန်ကန်သူတွေလည်း ပြကြလိမ့်မယ်။ “မာဂေါဂပြည်က ဂေါဂမင်း” လို့ ခေါ်တဲ့ အစောပိုင်း အုပ်စုဟာ ယေဟောဝါရဲ့ အုပ်ချုပ်မှုကို ဆန့်ကျင်တဲ့ လူမျိုးတွေအဖြစ် ကွဲပြားနေခဲ့တယ်။ (ယေဇ. ၃၈:၂) အလားတူပဲ ခရစ်တော်ရဲ့ အနှစ်တစ်ထောင် အုပ်ချုပ်မှု အဆုံးမှာ ပုန်ကန်သူတွေကို “လူမျိုးတွေ” ဆိုပြီး ဖော်ပြထားတယ်။ “လူမျိုးတွေ” ဆိုတဲ့ စကားလုံးကို အသုံးပြုထားခြင်းက စိတ်ဝင်စားဖို့ ကောင်းတယ်။ ဘာကြောင့်လဲ။ အနှစ်တစ်ထောင်အတွင်းမှာ အမျိုးသားရေးစိတ်ဓာတ် ပြင်းထန်မှုကြောင့် ဖြစ်ပေါ်လာတဲ့ ကွဲပြားမှုအားလုံးကို ဖယ်ရှားပစ်ပြီး လူတိုင်း ဘုရားသခင့်နိုင်ငံတော် အစိုးရတစ်ခုတည်းရဲ့ လက်အောက်ခံတွေ ဖြစ်နေကြပြီ။ ဘုရားသခင်ရဲ့ တစ်ခုတည်းသော လူမျိုးအဝင် ဖြစ်နေကြပြီ။ ပုန်ကန်သူတွေကို ဂေါဂနဲ့ မာဂေါဂ၊ “လူမျိုးတွေ” စသဖြင့် ခေါ်ဆိုခြင်းအားဖြင့် ဘုရားလူမျိုးကြားမှာ ကွဲပြားမှုတွေ စာတန် ဖန်တီးနိုင်မယ်ဆိုတာကို ပရောဖက်ပြုချက်က ဖော်ပြတယ်။ စာတန့်ဘက် ရပ်တည်ဖို့ ဘယ်သူမှ ဖိအားပေးခံရမှာ မဟုတ်ဘူး။ စုံလင်သူယောက်တိုင်းက ကိုယ်တိုင် ဆုံးဖြတ်ကြပါလိမ့်မယ်။
၂၅၊ ၂၆။ စာတန်နဲ့အတူ လူဘယ်လောက် ပူးပေါင်းသွားကြမလဲ။ သူတို့ ဘာဖြစ်သွားကြမလဲ။
၂၅ စာတန်ဘက် လူဘယ်လောက် ပါသွားမလဲ။ ပုန်ကန်သူအရေအတွက်ဟာ “ပင်လယ်သဲပွင့်တွေလို များတယ်။” ဒီဖော်ပြချက်ကြောင့် လူများစွာ ပုန်ကန်ကြလိမ့်မယ်လို့ ပြောလို့မရဘူး။ ဘယ်လို သိရသလဲ။ အာဗြဟံကို ပေးခဲ့တဲ့ ကတိအကြောင်း သုံးသပ်ကြည့်ပါ။ အာဗြဟံရဲ့ မျိုးနွယ်ဟာ “ပင်လယ်သဲပွင့်တွေလို တိုးပွားများပြား” မယ်ဆိုပြီး ယေဟောဝါ မိန့်ဆိုခဲ့တယ်။ (က. ၂၂:၁၇၊ ၁၈) ဒါပေမဲ့ အာဗြဟံရဲ့ မျိုးနွယ်မှာ ၁၄၄,၀၀၁ ယောက်ပဲ ပါတယ်။ (ဂလ. ၃:၁၆၊ ၂၉) ဒီကိန်းဂဏန်းက သိသာတယ်ဆိုပေမဲ့ လူသားထု ဦးရေနဲ့ နှိုင်းစာရင် နည်းနည်းလေးပဲ။ အလားတူပဲ စာတန်နဲ့ ပူးပေါင်းမယ့်သူ အရေအတွက်က သိသာမှာ ဖြစ်ပေမဲ့ အများကြီး ဖြစ်မှာ မဟုတ်ဘူး။ ပုန်ကန်သူတွေက ယေဟောဝါရဲ့ သစ္စာရှိ ကျေးကျွန်တွေကို အကြီးအကျယ် ထိတ်လန့်စေနိုင်မှာ မဟုတ်ဘူး။
၂၆ ပုန်ကန်မှုမှာ ပူးပေါင်းသူတွေ ချက်ချင်း ဖျက်ဆီးခံရမယ်။ စာတန်၊ နတ်ဆိုးတွေနဲ့အတူ အပြီးတိုင် ဖျက်ဆီးခံရကြမယ်။ အသက် ပြန်ရှင်မယ့် အလားအလာ လုံးဝ မရှိတော့ဘူး။ သူတို့ရဲ့ ဆုံးဖြတ်ချက်အမှားနဲ့ ဆုံးဖြတ်ချက်ရဲ့ အကျိုးဆက်ပဲ ကျန်ရစ်တော့မယ်။—၂၇-၂၉။ နောက်ဆုံးစမ်းသပ်မှု ဖြတ်ကျော်နိုင်သူတွေကို ဘာက စောင့်ကြိုနေသလဲ။
၂၇ တစ်ဖက်မှာတော့ နောက်ဆုံးစမ်းသပ်မှုကို ဖြတ်ကျော်နိုင်သူတွေဟာ “အသက်စာစောင်မှာ” ထာဝစဉ် နာမည် မှတ်သားခံရမယ်။ (ဗျာ. ၂၀:၁၅) ယေဟောဝါရဲ့ သစ္စာရှိ သားသမီးအားလုံး စည်းလုံးတဲ့ မိသားစုအဖြစ် ဘုရားသခင်ကိုပဲ တော်မှန်စွာ၊ ထိုက်သင့်စွာ ဝတ်ပြုကိုးကွယ်ကြပါလိမ့်မယ်။
၂၈ ဒီအနာဂတ်အကြောင်း စဉ်းစားကြည့်ပါ။ ကျေနပ်ဖွယ်အလုပ်နဲ့ မိတ်စစ်ဆွေစစ်တွေ ရမယ်။ ကိုယ်တိုင်နဲ့ ချစ်မြတ်နိုးရသူတွေ ဘယ်တော့မှ ဆင်းရဲဒုက္ခ မခံစားကြရတော့ဘူး။ ယေဟောဝါရှေ့မှာ အပြစ်မရှိဘဲ ထိုက်တန်စွာ ရပ်တည်နိုင်ကြမယ်။ လူတိုင်း ဘုရားသခင်နဲ့ အတားအဆီးမဲ့ ရင်းရင်းနှီးနှီး ဆက်ဆံနိုင်ကြမယ်။ အရေးကြီးဆုံးကတော့ ကောင်းကင်နဲ့ မြေကြီးပေါ်မှာ စင်ကြယ်တဲ့ ဝတ်ပြုကိုးကွယ်မှု ပြည့်ဝစုံလင်စွာ တည်ထောင်ခံရမယ်။ ဒါဟာ စင်ကြယ်တဲ့ ဝတ်ပြုကိုးကွယ်မှု အပြီးသတ် ပြန်လည်တည်ထောင်ခြင်းပါပဲ။
၂၉ အဲဒီထူးမြတ်တဲ့ကာလမှာ သင်,ရှိနေမလား။ ယေဟောဝါတစ်ပါးတည်းကိုပဲ ကိုးကွယ်ဆည်းကပ်ခြင်း၊ စင်ကြယ်တဲ့ ဝတ်ပြုကိုးကွယ်မှုမှာ စည်းလုံးစွာ ပါဝင်နေခြင်း၊ တခြားသူတွေကို မေတ္တာပြခြင်းဆိုတဲ့ ယေဇကျေလကျမ်းပါ အဓိကသင်ခန်းစာ သုံးခုကို
ဆက်ကျင့်သုံးနေမယ်ဆိုရင် ရှိနိုင်ပါတယ်။ ယေဇကျေလ ပရောဖက်ပြုချက်တွေက နောက်ဆုံးအနေနဲ့ အဓိကသင်ခန်းစာတစ်ခု ပေးပါတယ်။ ဘာသင်ခန်းစာလဲ။“ငါဟာ ယေဟောဝါပဲဆိုတာ . . . သိရကြလိမ့်မယ်”
၃၀၊ ၃၁။ “ငါဟာ ယေဟောဝါပဲဆိုတာ သူတို့သိရကြလိမ့်မယ်” ဆိုတဲ့ ကြေညာချက်က (က) ဘုရားရန်သူတွေအတွက်၊ (ခ) ဘုရားလူမျိုးအတွက် ဘာအဓိပ္ပာယ် ရှိမလဲ။
၃၀ “ငါဟာ ယေဟောဝါပဲဆိုတာ သူတို့သိရကြလိမ့်မယ်” ဆိုတဲ့ ကြေညာချက်ကို ယေဇကျေလတစ်ကျမ်းလုံးမှာ ထပ်ခါထပ်ခါ တွေ့ရတယ်။ (ယေဇ. ၆:၁၀။ ၃၉:၂၈) ဘုရားရဲ့ ရန်သူတွေအတွက် ဒီကြေညာချက်က စစ်နဲ့ သေခြင်းကို ဆိုလိုတယ်။ ယေဟောဝါ တည်ရှိကြောင်းကို မဖြစ်မနေ အသိအမှတ်ပြုရုံမက “ကိုယ်တော် ဖြစ်လာစေတယ်” လို့ အဓိပ္ပာယ်ရတဲ့ ဘုရားနာမတော်ကို ခါးသီးစွာ သိကြရလိမ့်မယ်။ “ဗိုလ်ခြေတို့ရဲ့ အရှင် ယေဟောဝါ” ဟာ သူတို့ကို တိုက်ခိုက်မယ့် “ခွန်အားကြီးတဲ့ စစ်သူရဲ” ဖြစ်မယ်။ (၁ ရှ. ၁၇:၄၅။ ထွ. ၁၅:၃) အချိန်နှောင်းမှ ယေဟောဝါနဲ့ပတ်သက်တဲ့ အရေးကြီး အမှန်တရားကို နားလည်လာကြမယ်။ အဲဒါကတော့ ဘုရားရည်ရွယ်တော်မူချက် မပြည့်စုံအောင် ဘာကမှ တားဆီးလို့မရဘူးဆိုတာပါပဲ။
၃၁ ဘုရားလူမျိုးအတွက်တော့ “ငါဟာ ယေဟောဝါပဲဆိုတာ သူတို့ သိရကြလိမ့်မယ်” ဆိုတဲ့ ကြေညာချက်က ငြိမ်သက်ခြင်းနဲ့ အသက်ကို ဆိုလိုတယ်။ ဘုရားသခင်က ကျွန်တော်တို့ကို မူလရည်ရွယ်တော်မူချက်အတိုင်း ဘုရားဂုဏ်ရည်တော်တွေကို အပြည့်အဝ ရောင်ပြန်ဟပ်တဲ့ သားသမီးတွေ ဖြစ်စေမယ်။ (က. ၁:၂၆) အခုကတည်းက ယေဟောဝါဟာ ကျွန်တော်တို့အတွက် မေတ္တာပြည့်ဝတဲ့ ဖခင်၊ ကာကွယ်ပေးတတ်တဲ့ သိုးထိန်း ဖြစ်နေပါပြီ။ မကြာခင်မှာလည်း အောင်ပွဲခံဘုရင် ဖြစ်လာဦးမယ်။ အဲဒီနေ့ မရောက်ခင်မှာ ယေဇကျေလရဲ့ သတင်းစကားကို နှလုံးသွင်းကြပါစို့။ ယေဟောဝါဆိုတာ ဘယ်သူလဲ၊ ဘုရားစံနှုန်းတွေက ဘာတွေလဲဆိုတာကို သိကြောင်း နေ့စဉ် အပြောနဲ့ လုပ်ရပ်အားဖြင့် သက်သေပြကြပါစို့။ ကြီးစွာသောဒုက္ခရဲ့ ဖျက်ဆီးခြင်းလေကို လွှတ်လိုက်တဲ့အခါ ကျွန်တော်တို့ ကြောက်ရွံ့ကြမှာ မဟုတ်ဘူး။ ကယ်တင်ခံရမယ့်အချိန် နီးပြီဆိုတာ သိထားလို့ ခေါင်းမော့ထားကြမယ်။ (လု. ၂၁:၂၈) ဝတ်ပြုကိုးကွယ်ခံထိုက်တဲ့ တစ်ပါးတည်းသောဘုရား၊ အမြင့်မြတ်ဆုံး နာမတော်ပိုင်ရှင် ယေဟောဝါအကြောင်းကို နေရာတိုင်းမှာရှိတဲ့ လူတွေ သိပြီး ချစ်မြတ်နိုးလာဖို့ အခုအချိန်မှာ ကူညီပေးနိုင်ကြပါစေ။—ယေဇ. ၂၈:၂၆။
^ အပိုဒ်၊ 5 အခန်းနံပါတ်တွေက ဒီစာအုပ်မှာပါတဲ့ အခန်းတွေကို ရည်ညွှန်းပါတယ်။