ပြည်တော်ပြန်​ယောက်​တိုင်း ပြန်လည်​တည်ထောင်​ထားတဲ့ ကတိထားရာပြည်မှာ အမွေမြေ ရရှိမယ်။ ဒီနေ့လည်း ပုံဆောင်​ပရဒိသုမှာ ယေဟောဝါရဲ့ ကျေးကျွန်​တိုင်း​အတွက် နေရာ ရှိတယ်။ အဖွဲ့အစည်း​အတွင်း နိမ့်ကျပုံ​ရတဲ့ ဘယ်​အခန်းကဏ္ဍ​က​ပဲ ပါဝင်​ရ​ပါစေ ပုံဆောင်​ပြည်မှာ လုံခြုံတဲ့​နေရာ၊ တန်ဖိုး​ဖြတ်​မရတဲ့ တာဝန် ရထား​ကြတယ်။ ယေဟောဝါ​အတွက် ကျေးကျွန်​အားလုံး တန်းတူ တန်ဖိုး​ရှိတယ်။

ယေဇကျေလ စိတ်အာရုံပါ ပြန်လည်​တည်ထောင်​ထားတဲ့ ကတိထားရာပြည်ရဲ့ နယ်မြေတိုင်းဟာ ပြည်သူပြည်သား​တွေကို တိုင်းပြည်​ရှိ သယံဇာတ​တွေ ညီတူမျှတူ ခံစား​ရစေတယ်။ ဒီနေ့လည်း ယေဟောဝါ​က ကျေးကျွန်​တိုင်း​ကို ပုံဆောင်​ပရဒိသုရဲ့ ကောင်းချီးတွေ တန်းတူ​ညီမျှ ခံစားခွင့်​ပေးတယ်။