သွန်သင်ခြင်း လေးထောင့်ကွက် ၁၈ က
ရောက်လာမယ့် စစ်ပွဲကြီးအကြောင်း ယေဟောဝါ သတိပေး
ယေဟောဝါက မိမိနဲ့ မိမိလူမျိုးကို ဆန့်ကျင်သူအားလုံးကို ဖယ်ရှားပစ်မယ့် စစ်ပွဲအကြောင်း သတိပေးထားတဲ့ ပရောဖက်ပြုချက်များစွာ ကျမ်းစာမှာ ပါတယ်။ ဒီမှာ ဖော်ပြထားတာတွေဟာ ပရောဖက်ပြုချက်တချို့သာ ဖြစ်တယ်။ သတိပေးချက်တွေထဲက ဆင်တူချက်တွေကို သတိပြုပါ။ သတိပေးချက်တွေကို သိရှိတုံ့ပြန်ဖို့ လူတိုင်းကို ယေဟောဝါ အခွင့်အရေး ပေးထားတယ်။
ရှေးအစ္စရေးခေတ်
ယေဇကျေလ။ “အချုပ်အခြာအာဏာပိုင်ရှင် ယေဟောဝါ ပြောတာက- ‘ငါ့တောင်တန်းတွေပေါ်မှာ ဂေါဂကိုတိုက်ဖို့ ဓားကို ငါဆင့်ခေါ်လိုက်မယ်။’”—ယေဇ. ၃၈:၁၈-၂၃။
ယေရမိ။ “လူအားလုံးကို [ယေဟောဝါ] ကိုယ်တိုင် စီရင်ချက်ချလိမ့်မယ်။ လူဆိုးတွေကို ဓားဘေးလက်ထဲ အပ်လိမ့်မယ်။”—ယေ. ၂၅:၃၁-၃၃။
ဒံယေလ။ “ကောင်းကင်အုပ်စိုးရှင် ဘုရားသခင်က . . . နိုင်ငံတစ်ခုကို တည်ထောင်လိမ့်မယ်။ . . . နိုင်ငံအားလုံးကို ခြေမွှဖျက်ဆီးလိမ့်မယ်။”—ဒံ. ၂:၄၄။
အေဒီ ပထမရာစု
ယေရှု။ “ဒီလောကတည်ချိန်ကနေ အခုထိ မဖြစ်ဖူးသေးတဲ့ . . . ကြီးစွာသောဒုက္ခဟာ အဲဒီအချိန်မှာ ဖြစ်လာမှာမို့လို့ပဲ။”—မ. ၂၄:၂၁၊ ၂၂။
ပေါလု။ “သခင်ယေရှုက တန်ခိုးကြီး ကောင်းကင်တမန်တွေနဲ့အတူ . . . ဘုရားသခင်ကို မသိသူတွေ . . . ကို လက်စားချေလိမ့်မယ်။”—၂ သက်. ၁:၆-၉။
ပေတရု။ “ယေဟောဝါရဲ့ နေ့ဟာ သူခိုးလာသလို ရောက်လာမယ်။ . . . မြေကြီးနဲ့ မြေကြီးပေါ်ကအရာတွေလည်း ဖော်ထုတ်ခံရလိမ့်မယ်။”—၂ ပေ. ၃:၁၀။
ယောဟန်။ “လူမျိုးတွေကို တိုက်ခိုက်မယ့် ထက်တဲ့ ဓားရှည်တစ်လက် [ယေရှု] ခံတွင်းထဲကနေ ထိုးထွက်နေတယ်။”—ဗျာ. ၁၉:၁၁-၁၈။
မျက်မှောက်ခေတ်
ကျမ်းစာဟာ ခေတ်တွေတစ်လျှောက် ဘာသာအပြန်ရဆုံး၊ အဖြန့်ချိရဆုံး စာအုပ် ဖြစ်
ယေဟောဝါရဲ့ မျက်မှောက်ခေတ် ကျေးကျွန်များ . . .
-
ကျမ်းစာစာပေ သန်းထောင်ချီကို ဘာသာစကားပေါင်း ရာနဲ့ချီ ထုတ်ဝေ
-
ဟောပြောခြင်းလုပ်ငန်းမှာ နှစ်စဉ် နာရီ သန်းရာချီ အသုံးပြု