သွန်သင်ခြင်း လေးထောင့်ကွက် ၁၆ခ
သက်ပြင်းချခြင်း၊ ညည်းတွားခြင်း၊ မှတ်သားခြင်း၊ ရိုက်ခွဲခြင်း—ဘယ်အချိန်လဲ၊ ဘယ်လိုလဲ
ယေဇကျေလ အခန်းကြီး ၉ ပါ စိတ်အာရုံမှာ မျက်မှောက်ခေတ် ပြည့်စုံချက် ရှိတယ်။ ဖြစ်ရပ်တွေ အဆင့်ဆင့် ဖြစ်လာမယ့်ပုံကို နားလည်ထားခြင်းက ဒီစနစ်အဆုံးကို ယုံကြည်စိတ်ချမှုအပြည့်နဲ့ ရင်ဆိုင်ဖို့ ကူညီပေးနိုင်တယ်။
‘သက်ပြင်းချခြင်း၊ ညည်းတွားခြင်း’
ဘယ်အချိန်လဲ။ နောက်ဆုံးကာလအတွင်း၊ ကြီးစွာသောဒုက္ခ မတိုင်ခင်
ဘယ်လိုလဲ။ စိတ်ရိုးဖြောင့်သူတိုင်း ဒီလောကရဲ့ ဆိုးညစ်မှုကို ရွံမုန်းကြောင်း အပြောနဲ့ရော အလုပ်နဲ့ပါ ပြကြတယ်။ ဟောပြောခြင်းလုပ်ငန်းကို တလိုတလား လက်ခံတုံ့ပြန်တယ်။ ခရစ်ယာန်အရည်အသွေးတွေ ပြကြတယ်။ ယေဟောဝါထံ ဆက်ကပ်ကြောင်း နှစ်ခြင်းခံခြင်းအားဖြင့် ပြကြတယ်။ ခရစ်တော်ရဲ့ ညီတွေကို သစ္စာရှိရှိ ထောက်မကူညီကြတယ်။
‘မှတ်သားခြင်း’
ဘယ်အချိန်လဲ။ ကြီးစွာသောဒုက္ခအတွင်း
ဘယ်လိုလဲ။ စာရေးတော်မင်ဘူး ချိတ်ထားသူဟာ လူမျိုးအားလုံးရဲ့ တရားသူကြီးအဖြစ် ကြွလာမယ့် ယေရှုခရစ်ကို ကိုယ်စားပြုတယ်။ လူအုပ်ကြီးဟာ သိုးအဖြစ် စီရင်မှတ်သားခံရမယ်။ ဒါက အာမဂေဒုန်မှာ အသက်ရှင်လွတ်မြောက်မယ်ဆိုတာကို ဖော်ပြတယ်။
‘ရိုက်ခွဲခြင်း’
ဘယ်အချိန်လဲ။ အာမဂေဒုန်မှာ
ဘယ်လိုလဲ။ ယေရှုခရစ်နဲ့အတူ ကောင်းကင်တမန်တွေ၊ တွဲဖက်အုပ်ချုပ်သူ ၁၄၄,၀၀၀ ပါဝင်တဲ့ ကောင်းကင်တပ်က ဒီလောကဆိုးကို ဖျက်ဆီးပစ်မယ်။ စင်ကြယ်တဲ့ ဝတ်ပြုကိုးကွယ်မှုမှာ ပါဝင်သူတွေကို ဖြောင့်မတ်တဲ့ ကမ္ဘာသစ်ထဲ ပို့ဆောင်မယ်။