စေ့စေ့စပ်စပ် ပြင်ဆင်ပါ။ အဓိကအယူအဆက ဘာလဲ၊ အဲဒီအယူအဆ မှန်ကန်ကြောင်း ကျမ်းစာက ဘယ်လို သက်သေထူသလဲဆိုတာ နားလည်တဲ့အထိ လေ့လာပါ။ အဓိကအချက်တွေကို ရိုးရှင်းတဲ့စကားလုံးအနည်းငယ်နဲ့ တင်ဆက်နိုင်ဖို့ ကြိုးစားပါ။ အဲဒီအချက်တွေက ပရိသတ်ကို ဘယ်လို ကူညီပေးနိုင်မှန်း စဉ်းစားပါ။ သန့်ရှင်းသောစွမ်းအားတော်ရဖို့ ဆုတောင်းပါ။

ယုံကြည်စိတ်ချမှုရှိကြောင်း ဖော်ပြတဲ့ စကားလုံးတွေကို အသုံးပြုပါ။ ပုံနှိပ်ထားတဲ့ စကားလုံးတွေအတိုင်း အတိအကျ ဖတ်ပြမယ့်အစား ကိုယ်ပိုင်စကားနဲ့ပြောပါ။ သင်ကိုယ်တိုင် နားလည်တဲ့ အသုံးအနှုန်းတွေကို ရွေးသုံးပါ။

ထက်ထက်သန်သန်၊ စိတ်ရင်းမှန်မှန် ပြောဆိုပါ။ လိုအပ်တဲ့ အသံပမာဏနဲ့သာ ပြောပါ။ ရိုင်းရာမကျဘူးဆိုရင် နားထောင်နေသူတွေနဲ့ မျက်လုံးချင်းဆုံပြီး ပြောဆိုပါ။