ဆုတောင်းပြီး သေချာပြင်ဆင်ပါ။ ကိုယ့်ကို မဟုတ်ဘဲ သတင်းတရားကို အာရုံစိုက်နိုင်အောင် ကူညီပေးဖို့ ဆုတောင်းပါ။ သင်ပြောရမယ့် အဓိကအချက်တွေကို ရှင်းရှင်းလင်းလင်း သိထားပါ။ ကိုယ်ပိုင်စကားနဲ့ ပြောပါ။ စာဖတ်ပြနေတာမျိုး မဖြစ်စေပါနဲ့။

စိတ်ရင်းအတိုင်း ပြောပါ။ လူတွေဘာကြောင့် သတင်းတရားကို ကြားဖို့လိုကြောင်း စဉ်းစားပါ။ သူတို့ကို အာရုံစိုက်ပါ။ အဲဒီအခါ သင့်ရဲ့ ကိုယ်ဟန်အနေအထား၊ အမူအရာ၊ မျက်နှာထားက စိတ်ရင်းမှန်နဲ့ ပြောနေကြောင်း ထင်ရှားပါလိမ့်မယ်။

နားထောင်နေသူတွေနဲ့ ကြည့်မြင်ဆက်သွယ်ပါ။ ရိုင်းရာမကျဘူးဆိုရင် မျက်လုံးချင်းဆုံပြီး စကားပြောပါ။ ဟောပြောချက်ပေးတဲ့အခါ ပရိသတ်ကို ခြုံပြီး မကြည့်ဘဲ တစ်ကြိမ်မှာ ပရိသတ်ထဲက တစ်ယောက်ကို တစ်ခဏလောက် ကြည့်ဖို့ ကြိုးစားပါ။