ဒုတိယ အမင်္ဂလာ—မြင်းတပ်များ
အခန်း ၂၃
ဒုတိယ အမင်္ဂလာ—မြင်းတပ်များ
၁။ ဓမ္မဆရာများက ကျိုင်းကောင်များကို ချေမှုန်းရန် အားထုတ်လျက်ကယ် ဘာဖြစ်ခဲ့ပြီး နောက်ထပ် အမင်္ဂလာနှစ်ပါး၏လာခြင်းက ဘာကိုပြသနည်း။
ပုံခိုင်းချက်ဖြစ်သော ကျိုင်းကောင်များသည် ၁၉၁၉ ခုနှစ်မှစ၍ ခရစ်ယာန်ဘောင်ကို ချင်းနင်းဝင်ရောက်ခဲ့ရာ ဓမ္မဆရာများ များစွာနေမထိထိုင်မသာ ဖြစ်ရလေသည်။ သူတို့က ကျိုင်းကောင်များကိုချေမှုန်းရန် အားထုတ်ကြသော်လည်း ကျိုင်းကောင်များသည် ယခင်ထက် အင်အားကြီးမားလာသည်။ (ဗျာဒိတ် ၉:၇) ဤမျှသာမဟုတ်။ ယောဟန်က “အမင်္ဂလာတစ်ပါး လွန်သွားလေပြီ။ ကြည့်လော့။ ဤအမှုအရာများနောက်၌ နောက်ထပ် အမင်္ဂလာနှစ်ပါး လာဦးမည်” ဟုရေးသား၏။ (ဗျာဒိတ် ၉:၁၂) ခရစ်ယာန်ဘောင်ကို ညှဉ်းဆဲသောကပ်ဘေးများ နောက်ထပ်ရှိသေးသည်။
၂။ (က) ဆဋ္ဌမကောင်းကင်တမန် တံပိုးခရာ မှုတ်သောအခါ ဘာဖြစ်သနည်း။ (ခ) “ရွှေယဇ်ပလ္လင်၏ ဦးချိုမှ စကားသံ” သည် ဘာကို ကိုယ်စားပြုသနည်း။ (ဂ) အဘယ်ကြောင့် ကောင်းကင်တမန်လေးပါး အကြောင်းကို တင်ပြသနည်း။
၂ ဒုတိယကပ်ဘေး အဘယ်ကလာသနည်း။ ယောဟန် ဤသို့ရေးသား၏– “ထို့နောက် ဆဋ္ဌမကောင်းကင်တမန် တံပိုးခရာ မှုတ်လေ၏။ ထိုအခါ ဘုရားသခင့်ရှေ့တော်က ရွှေယဇ်ပလ္လင်၏ ဦးချိုများမှ စကားသံကို ငါကြားရ၏။ ထိုအသံက တံပိုးခရာ ကိုင်ဆောင်သော ဆဋ္ဌမ ကောင်းကင်တမန်အား ‘ဥဖရတ် မြစ်ကြီးနားမှာ ချည်နှောင်ခံရသော ကောင်းကင်တမန် လေးပါးကို ဖြေလွှတ်လော့’ ဟုဆို၏။” (ဗျာဒိတ် ၉:၁၃၊ ၁၄) ကောင်းကင်တမန်များ လွတ်မြောက်လာခြင်းမှာ ရွှေယဇ်ပလ္လင်၏ ဦးချိုမှထွက်သော စကားသံကြောင့်ဖြစ်သည်။ ၎င်းယဇ်ပလ္လင်ကား နံ့သာပေါင်းရှို့ရာ ရွှေယဇ်ပလ္လင်ဖြစ်ပြီး ဤယဇ်ပလ္လင်မှ ရွှေဖလားများထဲက နံ့သာပေါင်းကို သန့်ရှင်းသူတို့၏ ပတ္ထနာများနှင့်ဆက်စပ်၍ အထက်က နှစ်ကြိမ်တိုင် ဖော်ပြနှင့်ခဲ့ပြီ။ (ဗျာဒိတ် ၅:၈; ၈:၃၊ ၄) ထို့ကြောင့် ၎င်းစကားသံသည် မြေကြီးပေါ်က သန့်ရှင်းသူတို့၏ ညီညွတ်သောပတ္ထနာကို ကိုယ်စားပြုသည်။ သူတို့က ယေဟောဝါ၏ “စေတမန်များ” အနေနှင့် အမှုတော်ကို အားတက်သရော ရှေ့ဆက်ထမ်းဆောင်နိုင်ရန် မိမိတို့အား ကယ်လွှတ်တော်မူပါဟု အသနားခံကြ၏။ “စေတမန်” ဟူသောစကားလုံးမှာ “ကောင်းကင်တမန်” ဟူ၍ ဤနေရာ၌ပြန်ဆိုသော ဂရိစကားလုံး၏ အခြေခံအဓိပ္ပာယ်တည်း။ အဘယ်ကြောင့် ကောင်းကင်တမန်လေးပါး ရှိသနည်း။ ပုံခိုင်းချက်ဖြစ်သော ဤကိန်းက တစ်ကမ္ဘာလုံးအနှံ့ လွှမ်းခြုံသွားနိုင်လောက်အောင် သူတို့ကို ဖွဲ့စည်းထားကြောင်း ရည်ညွှန်းပုံရသည်။—ဗျာဒိတ် ၇:၁; ၂၀:၈။
၃။ ကောင်းကင်တမန်လေးပါး အဘယ်နည်းဖြင့် “ဥဖရတ် မြစ်ကြီးနားမှာ ချည်နှောင်ခံရ” သနည်း။
၃ ထိုကောင်းကင်တမန်တို့သည် အဘယ်သို့ “ဥဖရတ် မြစ်ကြီးနားမှာ ချည်နှောင်ခံရ” ကြသနည်း။ ရှေးခေတ် ဥဖရတ်မြစ်သည် ကမ္ဘာဦး ၁၅:၁၈; တရားဟောရာ ၁၁:၂၄) ထိုကောင်းကင်တမန်တို့သည် မိမိတို့၏ ဘုရားပေးနယ်မြေ သို့မဟုတ် မြေကြီးဆိုင်ရာ လုပ်ငန်းနယ်ပယ်၏ နယ်စပ်၌ ချုပ်ချယ်ခံရသဖြင့် မိမိတို့အဖို့ ယေဟောဝါ ပြင်ဆင်တော်မူသော အမှုတော်ကို အပြည့်အဝ မလုပ်ဆောင်နိုင်ဘဲ ရှိပုံရသည်။ ဥဖရတ်မြစ်သည် ဗာဗုလုန်မြို့နှင့်လည်း သိသိသာသာ ဆက်စပ်လျက်ရှိခဲ့ပြီး ဘီစီ ၆၀၇ ခုနှစ်၌ ယေရုရှလင်မြို့ ကျဆုံးသည့်နောက် ဇာတိဣသရေလလူတို့သည် အနှစ် ၇၀ တိုင်တိုင် ထိုနေရာ၌ သုံ့ပန်းဖြစ်ခဲ့ပြီး “ဥဖရတ် မြစ်ကြီးနားမှာ ချည်နှောင်ခံရ” ကြ၏။ (ဆာလံ ၁၃၇:၁) ဝိညာဏဣသရေလလူတို့လည်း ၁၉၁၉ ခုနှစ်၌ အလားတူစွာ ချုပ်ချယ်ခံရ၍ ပူဆွေးကာ ယေဟောဝါ လမ်းပြပါရန် တောင်းလျှောက်ခဲ့သည်။
အာဗြဟံအား ယေဟောဝါ ကတိပြုတော်မူသောနယ်မြေ၏ အရှေ့မြောက် နယ်စပ်ဖြစ်၏။ (၄။ ကောင်းကင်တမန်လေးပါး ဘာလုပ်ရန် တာဝန်ပေးခြင်းခံရကြပြီး ၎င်းအလုပ်ကို မည်သို့ လုပ်ဆောင်လာခဲ့ကြသနည်း။
၄ ဝမ်းသာစရာမှာ ယောဟန် ဤသို့သတင်းပို့နိုင်၏– “ထိုကောင်းကင်တမန် လေးပါးသည် ဖြေလွှတ်ခံရလေ၏။ သူတို့သည် ဤမည်သောနှစ်၊ လ၊ ရက်၊ အချိန်နာရီ၌ လူသုံးပုံတစ်ပုံကို သတ်ဖြတ်ရန် အသင့်ပြင်ဆင်ထားကြ၏။” (ဗျာဒိတ် ၉:၁၅) ယေဟောဝါသည် အချိန် အတိအကျလိုက်သူ ဖြစ်တော်မူ၏။ ကိုယ်တော်၌ အချိန်ဇယားရှိ၍ ၎င်းအတိုင်း လိုက်တော်မူ၏။ ထို့ကြောင့် ဤစေတမန်များသည် လုပ်စရာအလုပ်ကို အပြီးဆောင်ရွက်နိုင်ရန် အချိန်မီ ဖြေလွှတ်ခံရကြသည်။ သူတို့သည် ၁၉၁၉ ခုနှစ်တွင် အချုပ်အနှောင်မှလွတ်လာပြီး လုပ်ငန်းအတွက် အသင့်ဖြစ်ခဲ့ကြသဖြင့် မည်မျှဝမ်းမြောက်ခဲ့ကြသည်ကို စဉ်းစားကြည့်လေ။ သူတို့သည် လူကိုညှဉ်းဆဲရန်သာမက “လူသုံးပုံတစ်ပုံကို သတ်ပစ်ရန်” တာဝန်ပေးခြင်းခံရ၏။ ၎င်းသည် ပထမတံပိုးခရာ လေးလက်မှုတ်၍ ကြေညာသောကပ်များနှင့် ဆက်စပ်သည်။ ထိုကပ်များကြောင့် မြေကြီး၊ ပင်လယ်၊ ပင်လယ်ထဲမှ သတ္တဝါများ၊ စမ်းရေပေါက်များ၊ မြစ်များနှင့်၊ ကောင်းကင်အလင်းအိမ်များ သုံးပုံတစ်ပုံ ထိခိုက်ခဲ့သည်။ (ဗျာဒိတ် ၈:၇-၁၂) ကောင်းကင်တမန်လေးပါးက ထို့ထက်မကပြုကြ၏။ လူကို “သတ်” ကာ ခရစ်ယာန်ဘောင်၏ ဝိညာဉ်ရေး သေနေသောအဖြစ်ကို တစ်စမကျန် ဖော်ထုတ်ရှုတ်ချကြ၏။ ၁၉၂၂ ခုနှစ်မှ ယခုအထိ တံပိုးခရာ မှုတ်၍ကြေညာသော ကြေညာချက်များက အဆိုပါအလုပ်ကို ပြီးမြောက်စေသည်။
၅။ ဆဋ္ဌမ တံပိုးခရာသံသည် ခရစ်ယာန်ဘောင်နှင့် ပတ်သက်၍ ၁၉၂၇ ခုနှစ်၌ မည်သို့ ပဲ့တင်ထပ်သွားသနည်း။
၅ ကောင်းကင်တမန် ခုလေးတင် ဆဋ္ဌမ တံပိုးခရာကို မှုတ်လိုက်ကြောင်း သတိရပါ။ ၎င်းကိုတုံ့ပြန်သည့်အနေနှင့် ကျမ်းစာကျောင်းသားများက ကနေဒါနိုင်ငံ၊ အွန်တယ်ရီယိုပြည်နယ်၊ တိုရန်တိုမြို့တွင် ဆဋ္ဌမမြောက် အပြည်ပြည်ဆိုင်ရာ နှစ်ပတ်လည်စည်းဝေးကြီးကို ကျင်းပခဲ့သည်။ ၁၉၂၇၊ ဇူလိုင်လ ၂၄ ရက်၊ တနင်္ဂနွေနေ့အစီအစဉ်ကို ရေဒီယိုအသံလွှင့်ဌာန ၅၃ ခု အပြန်အလှန် ဆက်သွယ်လျက် ထုတ်လွှင့်ခဲ့ရာ ထိုခေတ်အထိဆိုလျှင် အပျံ့နှံ့ဆုံး အသံလွှင့်ကွန်ရက်ဖြစ်သည်။ ထိုသတင်းစကားကို လူသန်းပေါင်းများစွာ ကြားခဲ့ပေမည်။ ရှေးဦးစွာ၊ အားမာန်ပါသော သန္နိဋ္ဌာန်တစ်ချက်က ခရစ်ယာန်ဘောင်သည် ဝိညာဉ်ရေးဘက် သေလျက်ရှိကြောင်းကို ဖော်ထုတ်ရှုတ်ချပြီးနောက် အောက်ပါခေါ်ဖိတ်ချက်ကို သောတရှင်များအား ကမ်းလှမ်းလိုက်သည်– “ရှုပ်ထွေးသော ဤအချိန်နာရီပိုင်း၌ ယေဟောဝါ ဘုရားသခင်က ‘ခရစ်ယာန်ဘောင်’ သို့မဟုတ် ‘ဖွဲ့စည်းထားသော ခရစ်ယာန်ဘာသာ’ ကိုစွန့်ခွာ၍ ထာဝစဉ် အဆက်ဖြတ်ပစ်ကာ ၎င်းမှလုံးလုံးလျားလျား လှည့်ထွက်လာရန် လူတို့ကို မိန့်မှာတော်မူ၏။ . . . လူမျိုးတို့အနေနှင့် ယေဟောဝါဘုရားသခင်အားလည်းကောင်း၊ ကိုယ်တော်၏ဘုရင်နှင့် နိုင်ငံတော်အားလည်းကောင်း မိမိတို့၏နှလုံးထဲက ဆက်ကပ်ကိုးကွယ်မှုနှင့် ကျေးဇူးသစ္စာစောင့်သိမှုကို အကြွင်းမဲ့အပ်နှင်းကြပါစေ။” ၎င်းနောက်၌ “လူတို့အဖို့လွတ်လပ်မှု” ဟူသော လူထုဟောပြောချက်ကို ဟောကြားလေသည်။ ဂျေ၊ အက်ဖ်၊ ရပ်သဖော့ဒ်က ၎င်းကို ခါတိုင်းလို ရဲရဲတောက် လေသံမျိုးဖြင့် ဟောပြောလိုက်ရာ ရူပါရုံ၌ ယောဟန် ရှေ့ဆက်မြင်ရသည့် “မီး၊ မီးခိုးနှင့် ကန့်များ” နှင့်လိုက်ဖက်လှသည်။
၆။ မိမိရှေ့ဆက်မြင်ရသော မြင်းတပ်များအကြောင်းကို ယောဟန် မည်သို့ဖော်ပြသနည်း။
၆ “မြင်းတပ်များ၏ အရေအတွက်မှာ ကုဋေနှစ်ဆယ် ဖြစ်၏။ သူတို့၏ အရေအတွက်ကို ငါကြားသိရ၏။ ရူပါရုံထဲက ထိုမြင်းများနှင့် မြင်းစီးသူရဲတို့ကို ငါဤသို့မြင်ရ၏။ သူတို့သည် မီး-နီရောင်၊ ဟိုင်ယာဆင့်-ပြာရောင်၊ ကန့်-ဝါရောင်ရှိသော ရင်အုပ်တန်ဆာများကို ဝတ်ဆင်ထားသည်။ မြင်းတို့၏ ဦးခေါင်းများသည် ခြင်္သေ့ဦးခေါင်းများနှင့် တူ၏။ သူတို့၏ခံတွင်းမှ မီးလျှံ၊ မီးခိုး၊ ကန့်များ ထွက်လာ၏။”—ဗျာဒိတ် ၉:၁၆-၁၈။
၇၊ ၈။ (က) မည်သူတို့၏ ဦးစီးမှုအောက်တွင် မြင်းတပ်ကြီး မြည်ဟည်း၍ ချီတက်လာသနည်း။ (ခ) မြင်းတပ်ကြီးသည် သူ့အထက်က ကျိုင်းကောင်များနှင့် မည်သို့ဆင်တူသနည်း။
သုတ္တံ ၂၁:၃၁) ကျိုင်းကောင်များ၌ ခြင်္သေ့သွားနှင့်တူသော သွားများရှိ၍ မြင်းတပ်ထဲကမြင်းများလည်း ခြင်္သေ့ဦးခေါင်းနှင့်တူသော ဦးခေါင်းများရှိကြသည်။ သို့ဖြစ်၍ နှစ်ပါးစလုံးသည် သူတို့၏ခေါင်းဆောင်၊ စစ်သူကြီးနှင့် စံနမူနာရှင် ယေရှုခရစ်တည်းဟူသော ယုဒအနွယ် သတ္တိရှင်ခြင်္သေ့နှင့် ဆက်စပ်လျက်နေ၏။—ဗျာဒိတ် ၅:၅; သုတ္တံ ၂၈:၁။
၇ ဤမြင်းတပ်သည် ကောင်းကင်တမန်လေးပါး ဦးစီးမှုအောက်တွင် မြည်ဟည်း၍ ချီတက်လာခြင်း ဖြစ်ပေမည်။ ကြောက်ဖွယ်လိလိ မြင်ကွင်းပါတကား။ အကယ်၍ သင်သည် ဤမြင်းတပ်၏ ပစ်မှတ်ဖြစ်လျှင် မည်သို့ခံစားရမည်ကို စဉ်းစားကြည့်ပါတော့။ ၎င်းကိုမြင်ရုံနှင့် အကြောက်လွန်ကာ နှလုံးအရည် ပျော်သွားပါလိမ့်မည်။ သို့ရာတွင် ၎င်းရှေ့မှသွားသော ကျိုင်းကောင်များနှင့် မည်မျှတူကြောင်း သတိပြုမိသလော။ ကျိုင်းကောင်များသည် မြင်းများနှင့် တူ၏; မြင်းတပ်တွင်လည်း မြင်းများ ရှိကြ၏။ သို့ဖြစ်၍ နှစ်ပါးစလုံးသည် သီအိုကရက်တစ် စစ်ရေးတွင် ပါဝင်ကြသည်။ (၈ ကျိုင်းကောင်နှင့်မြင်းတပ် နှစ်ပါးစလုံး ယေဟောဝါ၏ စီရင်ချက်ဆိုင်ရာလုပ်ငန်းတွင် ပါဝင်လုပ်ဆောင်ကြသည်။ ကျိုင်းကောင်များသည် ခရစ်ယာန်ဘောင်အပေါ် ကျရောက်မည့်ကပ်နှင့် ဖျက်ဆီးခြင်းမီး၏ ရှေ့ပြေးနိမိတ်ဖြစ်သည့် မီးခိုးထဲမှ ထွက်လာကြသည်။ မြင်းများ၏ခံတွင်းထဲမှ မီးလျှံ၊ မီးခိုးနှင့် ကန့်များ ထွက်လာသည်။ ကျိုင်းကောင်များ၌ သံရင်အုပ်တန်ဆာရှိကြပြီး ၎င်းသည် မဖြိုဖျက်နိုင်သော ဖြောင့်မတ်ခြင်းတရား ဆည်းကပ်မှုက သူတို့၏နှလုံးကို ကာကွယ်ထားကြောင်း ပြ၏။ မြင်းတပ်သားများသည် အနီ၊ အပြာ၊ အဝါရောင်ရှိသော ရင်အုပ်တန်ဆာများ ဝတ်ဆင်ထားကြပြီး ၎င်းတို့က မြင်းများ၏ခံတွင်းမှ ဒလဟောပန်းထွက်လာသော မီးလျှံ၊ မီးခိုးနှင့် ကန့်တည်းဟူသော သေစေနိုင်သည့် စီရင်ချက်သတင်းများကို တင်စားသည်။ (ကမ္ဘာဦး ၁၉:၂၄၊ ၂၈; လုကာ ၁၇:၂၉၊ ၃၀ နှိုင်းယှဉ်။) ကျိုင်းကောင်များ၌ လူကိုညှဉ်းဆဲရန် ကင်းမြီးကောက်နှင့်တူသော အမြီးများရှိကြသည်။ မြင်းများ၌လည်း လူကိုသတ်ဖြတ်ရန် မြွေနှင့်တူသောအမြီးများ ရှိကြသည်။ ကျိုင်းကောင်များ စတင်လိုက်သောအလုပ်ကို မြင်းတပ်က ထို့ထက်မက အင်တိုက်အားတိုက် အပြီးဆောင်ရွက်သွားမည့်ပုံရသည်။
၉။ မြင်းတပ်ကြီး ဘာကိုပုံခိုင်းသနည်း။
၉ သို့ဖြစ်၍ မြင်းတပ်က ဘာကိုပုံခိုင်းသနည်း။ ဘိသိက်ခံယောဟန် အတန်းအစားသည် ‘လူကိုတုပ်၍နာစေ’ သော အာဏာနှင့်တကွ ခရစ်ယာန်ဘောင်ကို ယေဟောဝါ လက်စားချေစီရင်တော်မူမည် ဟူသောသတင်းကို တံပိုးခရာမှုတ်သကဲ့သို့ စတင်ကြေညာခဲ့သည်နည်းတူ အသက်ရှင်ဆဲ ယင်းအုပ်စုကပင် ‘သတ်ဖြတ်’ ခြင်း၌ အသုံးတော်ခံမည်ဖြစ်ကြောင်း ကျွန်ုပ်တို့ မျှော်လင့်နိုင်သည်။ ‘သတ်ဖြတ်ခြင်း’ ဆိုသည်မှာ ခရစ်ယာန်ဘောင်နှင့် ၎င်း၏ဘုန်းကြီးဗျာဒိတ် ၉:၅၊ ၁၀; ၁၈:၂၊ ၈; မဿဲ ၁၃:၄၁-၄၃) သို့သော် ၎င်းဖျက်ဆီးမခံရမီ ယောဟန်အတန်းအစားက “ဘုရားသခင်၏ နှုတ်ကပါဌ်တော်တည်းဟူသော ဝိညာဉ်တော်၏ဓား” ကိုသုံးကာ ခရစ်ယာန်ဘောင်၏ သေနေသည့်အဖြစ်နှင့်မခြားသော အခြေအနေကို ဖော်ထုတ်ရှုတ်ချပါသည်။ ကောင်းကင်တမန်လေးပါးနှင့် မြင်းစီးသူရဲများက ခိုင်းနှိုင်းချက်ဖြစ်သော “လူသုံးပုံတစ်ပုံ” သတ်ခြင်းအလုပ်ကို ညွှန်ကြားကြသည်။ (ဧဖက် ၆:၁၇; ဗျာဒိတ် ၉:၁၅၊ ၁၈) ဤအချက်က နိုင်ငံတော် ကြွေးကြော်သူများ၏ တပ်မဟာကြီး စစ်ချီရာ၌ သခင်ယေရှုခရစ် ကြီးကြပ်မှုအောက်၌ ကောင်းစွာဖွဲ့စည်းထားပြီး သီအိုကရက်တစ် ညွှန်ကြားမှုရှိကြောင်းကို ပြပေသည်။
ဓမ္မဆရာအုပ်စုသည် ဝိညာဉ်ရေး၌ လုံးလုံးလျားလျား သေလျက်ရှိသဖြင့် ယေဟောဝါ၏ ပစ်ပယ်တော်မူခြင်းကိုခံရ၍ ထာဝရဖျက်ဆီးခြင်း “မီးဖို” အတွက် အသင့်ရှိပြီဖြစ်ကြောင်း လူတကာအား သိကြားစေခြင်းဖြစ်သည်။ မဟာဗာဗုလုန်နှင့် ဆိုင်သမျှတို့သည် ပျက်စီးရမည်ဧကန်။ (ကုဋေနှစ်ဆယ်
၁၀။ မည်သည့်အဓိပ္ပာယ်အရ၊ မြင်းတပ်သား ကုဋေနှစ်ဆယ် ရှိသနည်း။
၁၀ ဤမြင်းတပ်၌ တပ်သား ကုဋေနှစ်ဆယ် မည်သို့ရှိနိုင်သနည်း။ * နိုင်ငံတော်ကြွေးကြော်သူ သန်းချီရှိပြီဖြစ်၍ ဝမ်းသာရသော်လည်း သူတို့၏အရေအတွက်သည် သန်းပေါင်းရာနှင့်ချီဖြစ်ဖို့ များစွာလိုသေး၏။ သို့ရာတွင် “အို၊ ထာဝရဘုရား၊ ဣသရေလအမျိုးသား အထောင်အသောင်းရှိရာသို့ ပြန်လာတော်မူပါ” ဟူသောမောရှေ၏ တောလည်ရာ ၁၀:၃၆ ပါစကားများကို သတိရပါ။ (ကမ္ဘာဦး ၂၄:၆၀ နှိုင်းယှဉ်။) စာသားအရ၊ အထက်ပါစကားသည် ‘ကုဋေပေါင်းများစွာသော ဣသရေလလူတို့ထံသို့ ပြန်ကြွတော်မူပါ’ ဟူသောအဓိပ္ပာယ် ရှိလိမ့်မည်။ သို့တစေ၊ မောရှေလက်ထက်၌ ဣသရေလလူတို့သည် အရေအတွက် နှစ်သန်းမှ သုံးသန်းအထိသာ ရှိသည်။ သို့ဖြစ်၍ မောရှေက ဘာကိုပြောနေသနည်း။ ဣသရေလလူတို့သည် ရေတွက်၍မရနိုင်၊ “ကောင်းကင်ကြယ်ကဲ့သို့လည်းကောင်း၊ သမုဒ္ဒရာသဲလုံးကဲ့သို့လည်းကောင်း” များပြားသင့်သည်ကို ပြောနေခြင်းဖြစ်မည် သေချာသည်။ (ကမ္ဘာဦး ၂၂:၁၇; ၁ ရာဇဝင်ချုပ် ၂၇:၂၃) ထို့ကြောင့် အကန့်အသတ်မဲ့ များပြားသော အရေအတွက်ကို ရည်ညွှန်း၍ “အထောင်အသောင်း” ဟူသောဂဏန်းကို သုံးခြင်းဖြစ်သည်။ ထို့ကြောင့် The New English Bible က “ထောင်ပေါင်းများစွာ မရေမတွက်နိုင်သော ဣသရေလလူတို့၏သခင်၊ အနားယူတော်မူပါ” ဟူ၍ ထိုအခန်းငယ်ကို ပြန်ဆို၏။ ဤအချက်က ဂရိနှင့်ဟေဗြဲ အဘိဓာန်များမှ “မရေတွက်နိုင်သော လူပရိသတ်ကြီး၊” “လူပရိသတ်ကြီး” ဟူသော ဒုတိယ အနက်ဖွင့်ဆိုချက်နှင့်ညီ၏။—သေယာ၏ ဓမ္မသစ်ကျမ်း ဂရိ-အင်္ဂလိပ် အဘိဓာန်သစ်; အက်ဒဝဒ် ရော်ဘင်ဆင် ပြန်ဆိုသော ဂျက်စီးနီးယပ်စ်၏ ဓမ္မဟောင်းကျမ်း ဟေဗြဲနှင့်အင်္ဂလိပ် အဘိဓာန်။
၁၁။ ယောဟန်အတန်းအစားအနေနှင့် ပုံဆောင်သဘောဖြင့် ကုဋေချီများဖို့ ဘာလိုသေးသနည်း။
၁၁ သို့သော် မြေကြီးပေါ်ကျန်ရစ်သော ယောဟန်အတန်းအစားဝင် အရေအတွက်သည် ၁၀,၀၀၀ ထက်နည်းနေ၏။ ပကတိ တစ်သောင်းပင်မပြည့်။ မရေတွက်နိုင်သော မြင်းတပ်သားများနှင့်
မည်သို့တူနိုင်မည်နည်း။ ပုံဆောင်သဘောအရပင် သောင်းဂဏန်းဖြစ်လာရန် အင်အားတပ်ဖြည့်ဖို့ မလိုပေလော။ ယေဟောဝါ၏ မခံစားထိုက်သော ကရုဏာတော်ကြောင့် သူတို့လိုရာ ရခဲ့ကြပေသည်။ အဘယ်ကရသနည်း။၁၂၊ ၁၃။ ၁၉၁၈ မှ ၁၉၃၅ ခုနှစ်အတွင်း အဘယ်သမိုင်းဝင် ဖြစ်ရပ်များက တပ်ကူအားဖြည့်ပေးရကြောင်း ပြသနည်း။
၁၂ ၁၉၁၈ မှ ၁၉၂၂ ခုနှစ်အထိ၊ ယောဟန်အတန်းအစားက ဒုက္ခပင်လယ်ဝေနေသော လူသားများအား “ယနေ့ အသက်ရှင်သူ လူသန်းပေါင်းများစွာ ဘယ်တော့မျှ မသေတော့” ဟူသောဝမ်းမြောက်ဖွယ် မျှော်လင့်ချက်ကို စတင်ကမ်းလှမ်းလာသည်။ ၁၉၂၃ ခုနှစ်၌ မဿဲ ၂၅:၃၁-၃၄ ပါသိုးများ ဘုရားသခင့် နိုင်ငံတော်အောက် မြေကြီးပေါ်တွင် အသက်ကို အမွေခံကြလိမ့်မည်ဟူ၍လည်း လူတကာအား ကြားသိစေခဲ့သည်။ ၁၉၂၇ ခုနှစ် အပြည်ပြည်ဆိုင်ရာစည်းဝေးကြီး၌ ထုတ်ဝေသော လူတို့အဖို့ လွတ်လပ်မှု ဟူသောစာအုပ်ငယ်တွင်လည်း အလားတူမျှော်လင့်ချက်ကို ကမ်းလှမ်းလိုက်သည်။ ခရစ်ယာန်ဘောင်၏ ဝိညာဉ်ရေးအခြေဆိုးကြောင့် ‘ညည်းတွားငိုကြွေးသောသူတို့’ နှင့် ဖြောင့်မတ်သော ယောနဒပ်အတန်းအစားသည် မြေကြီးအသက်တာ မျှော်လင့်ချက်ရှိသော ပုံဆောင်သိုးများနှင့် အတူတူဖြစ်ကြောင်း ၁၉၃၀ ပြည့်လွန်နှစ် အစောပိုင်းတွင် တင်ပြခဲ့သည်။ (ယေဇကျေလ ၉:၄; ၄ ဓမ္မရာဇဝင် ၁၀:၁၅၊ ၁၆) ၁၉၃၄၊ ဩဂုတ်လ ၁၅ ရက်ထုတ် ကင်းမျှော်စင် က အဆိုပါလူတို့ကို “ခိုလှုံရာမြို့” များသို့ ပို့ဆောင်သည့်အနေနှင့် ဤသို့ရေးသားလိုက်သည်– “ယောနဒပ် အတန်းအစားဝင်တို့သည် ဘုရားသခင့်တံပိုးခရာ မှုတ်သံကိုကြား၍ သတိပေးချက်ကို နားထောင်လျက် ဘုရားသခင့် အဖွဲ့အစည်းထဲသို့ ပြေးဝင်ကာ ဘုရားသခင့်လူမျိုးတော်နှင့် ပူးပေါင်းခဲ့ကြပြီ။ ထိုနေရာ၌ သူတို့နေသွားရလိမ့်မည်။”—တောလည်ရာ ၃၅:၆။
၁၃ ၁၉၃၅ ခုနှစ်၌ ယောနဒပ် အတန်းအစားဝင်တို့သည် အမေရိကန်ပြည်ထောင်စု၊ ဝါရှင်တန်ဒီစီ၌ ကျင်းပသော ယေဟောဝါသက်သေများ၏ စည်းဝေးကြီးသို့ အထူးဖိတ်ကြားခံရသည်။ မေလ ၃၁ ရက်၊ သောကြာနေ့၊ ထိုစည်းဝေးကြီး၌ ဂျေ၊ အက်ဖ်၊ ရပ်သဖော့ဒ်က “လူပရိသတ်ကြီး” ဟူသောနာမည်ကျော် ဟောပြောချက်ကိုပေးပြီး ထိုဟောပြောချက်၌ ဗျာဒိတ် ၇:၉ (King James Version) ပါထိုအုပ်စုသည် မဿဲ ၂၅:၃၃ ပါသိုးများ—မြေကြီးမျှော်လင့်ချက်ရှိသော အပ်နှံထားသူအုပ်စုပင်ဖြစ်ကြောင်း ရှင်းလင်းတင်ပြလိုက်သည်။ ထိုစည်းဝေးကြီး၌ ရှေ့ပြေးအနေနှင့် သက်သေခံလူသစ်ပေါင်း ၈၄၀ နှစ်ခြင်းခံကြရာ အများထုမှာ လူအုပ်ကြီးအဝင် ဖြစ်ကြသည်။ *
၁၄။ လူအုပ်ကြီးသည် ပုံခိုင်းချက်ဖြစ်သော မြင်းတပ်စစ်ဆင်ရေး၌ ပါဝင်မည်လော။ ၁၉၆၃ ခုနှစ်၌ ဘာသန္နိဋ္ဌာန် ချခဲ့ကြသနည်း။
၁၄ ဤလူအုပ်ကြီးသည် ထိုမြင်းတပ်စစ်ဆင်ရေးတွင် ပါဝင်ခဲ့သလော။ ၎င်းစစ်ဆင်ရေးကို ၁၉၂၂ ခုမှ စတင်ဆင်နွှဲ၍ ၁၉၂၇ ခု တိုရန်တိုစည်းဝေးကြီးတွင် အထူးအလေးအနက် တင်ပြခဲ့သည်။ ကောင်းကင်တမန်လေးပါးဖြစ်သော ဘိသိက်ခံ ယောဟန်အတန်းအစား၏ ညွှန်ကြားမှုအောက်၌ လူအုပ်ကြီးသည် အမှန်ပါဝင်ခဲ့ကြသည်။ ၁၉၆၃ ခုနှစ် “ထာဝရသတင်းကောင်း” ကမ္ဘာလှည့်စည်းဝေးကြီး၌ လူအုပ်ကြီးသည် ယောဟန်အတန်းအစားနှင့်အတူ စိတ်တက်ကြွဖွယ် သန္နိဋ္ဌာန်တစ်ချက် ချခဲ့ကြသည်။ ထိုသန္နိဋ္ဌာန်က ကမ္ဘာသည် “တစ်ခါမျှမကြုံဖူးသော ကမ္ဘာ့ဒုက္ခပြဿနာ ငလျင်ကြီးနှင့် ရင်ဆိုင်နေရကြောင်း၊ ကမ္ဘာ့နိုင်ငံရေး အဖွဲ့အစည်းများနှင့် ခေတ်သစ်ဘာသာရေး ဗာဗုလုန်သည် ကြေမွသွားသည်တိုင် ကိုင်လှုပ်ခံရမည်ဖြစ်ကြောင်း” ကြော်ငြာလိုက်သည်။ “ကျွန်ုပ်တို့သည် မျက်နှာမလိုက် လူမျိုးအားလုံးအား ဘုရားသခင့် မေရှိယနိုင်ငံတော်နှင့် ဘုရားသခင့် စီရင်ချက်များဆိုင်ရာ ‘ထာဝရသတင်းကောင်း’ ကို အဆက်မပြတ် ကြော်ငြာသွားမည်” ဟု ဆုံးဖြတ်ခဲ့ကြသည်။ “၎င်းစီရင်ချက်များသည် ရန်သူများအဖို့ ကပ်ဘေးပမာဖြစ်သော်လည်း ဖန်ဆင်းရှင်ဘုရားသခင်သည် စိတ်ဝိညာဉ်နှင့် သမ္မာတရားဖြင့် မိမိလက်ခံနိုင်သည့်နည်းအတိုင်း မိမိအား ကိုးကွယ်လိုသော သူများအားလုံးကို ကယ်လွှတ်ရန် ထိုစီရင်ချက်များနှင့်အညီ ဆောင်ရွက်တော်မူမည်။” ကမ္ဘာတစ်ဝန်း စည်းဝေးကြီး ၂၄ ခုတွင် ဧည့်ပရိသတ်ပေါင်း ၄၅၄,၉၇၇ ဦး ယင်းသန္နိဋ္ဌာန်ကို အားတက်သရော လက်ခံခဲ့ကြရာ ၉၅ ရာခိုင်နှုန်းမကသောသူတို့မှာ လူအုပ်ကြီးအဝင် ဖြစ်ကြသည်။
၁၅။ (က) ၂၀၀၅ ခုနှစ်၌ လယ်ကွင်းတွင် ယေဟောဝါ အသုံးပြုတော်မူသော လူအုပ်ကြီး၏အင်အားသည် ရာခိုင်နှုန်းမည်မျှရှိသနည်း။ (ခ) ယောဟန် ၁၇:၂၀၊ ၂၁ ပါယေရှု၏ပတ္ထနာက လူအုပ်ကြီးနှင့် ယောဟန်အတန်းအစားတို့၏ စည်းလုံးခြင်းကို မည်သို့ဆိုသနည်း။
၁၅ လူအုပ်ကြီးသည် ခရစ်ယာန်ဘောင်ပေါ် ကပ်ဘေးများ သွန်းလောင်းခြင်းအလုပ်၌ ယောဟန်အတန်းအစားနှင့် တစ်စိတ်တစ်ဝမ်းတည်းဖြစ်ကြောင်း ယနေ့တိုင် ပြသကြ၏။ ၂၀၀၅ ခုနှစ်၌ လယ်ကွင်းတွင် ယေဟောဝါ အသုံးပြုတော်မူသော လူအုပ်ကြီး၏လုပ်အားသည် ၉၉.၈ ရာနှုန်းမကရှိသည်။ ၎င်း၏အဖွဲ့ဝင်တို့သည် ယောဟန်အတန်းအစားနှင့် တစ်စိတ်တစ်ဝမ်းတည်း သွေးစည်းညီညွတ်ကြ၏။ သူတို့နှင့်ပတ်သက်၍ ယောဟန် ၁၇:၂၀၊ ၂၁ ၌ ယေရှု ဤသို့ဆုတောင်းသည်– “ထိုသူတို့အဖို့ကိုသာ အကျွန်ုပ် ဆုတောင်းသည် မဟုတ်ပါ။ သူတို့ဟောပြောခြင်းအားဖြင့် အကျွန်ုပ်ကို ယုံကြည်သောသူတို့အဖို့ကိုလည်း ဆုတောင်းပါ၏။ ကိုယ်တော်သည် အကျွန်ုပ်ကို စေလွှတ်တော်မူသည်ကို လောကီသားတို့သည် ယုံကြမည်အကြောင်း၊ ထိုသူအပေါင်းတို့သည် တစ်လုံးတစ်ဝတည်းဖြစ်လျက်၊ အဘ၊ ကိုယ်တော်သည် အကျွန်ုပ်၌ ရှိတော်မူ၍ အကျွန်ုပ်သည်လည်း ကိုယ်တော်၌ ရှိသကဲ့သို့၊ ထိုသူအပေါင်းတို့သည် ငါတို့၌ တစ်လုံးတစ်ဝတည်းဖြစ်စေခြင်းငှာ ဆုတောင်းပါ၏။” ဘိသိက်ခံယောဟန် အတန်းအစားသည် ယေရှုလက်အောက်မှနေ၍ ဦးစီးသည်နှင့်အမျှ စိတ်အားထက်သန်သော လူအုပ်ကြီးလည်း လူ့သမိုင်းတွင် အဖျက်အင်အား အကြီးမားဆုံးသော မြင်းတပ်စစ်ဆင်မှုတွင် ပါဝင်ကြ၏။ *
၁၆။ (က) ပုံခိုင်းချက်ဖြစ်သော မြင်းများ၏ခံတွင်းနှင့် အမြီးများအကြောင်း ယောဟန် မည်သို့ဖော်ပြသနည်း။ (ခ) ယေဟောဝါလူမျိုးတော်၏နှုတ်သည် အမှုတော်အတွက် မည်သို့ပြင်ဆင်ထားခြင်း ခံရသနည်း။ (ဂ) ဘာက “သူတို့၏ အမြီးများသည် မြွေကဲ့သို့ဖြစ်” ၏ ဟူသောအချက်နှင့် ကိုက်ညီသနည်း။
၁၆ ထိုမြင်းတပ်သည် စစ်ဆင်ရေးအတွက် လက်နက်ကိရိယာများလို၏။ ယေဟောဝါလည်း လိုလေသေးမရှိအောင် တပ်ဆင်ပေးတော်မူသည်။ ယောဟန် ဤသို့ဖော်ပြလိုက်သည်– “မြင်းတို့၏ အာဏာသည် သူတို့၏ခံတွင်းနှင့် အမြီးများတွင်ရှိ၏။ သူတို့၏အမြီးများသည် မြွေကဲ့သို့ဖြစ်၍ ဦးခေါင်းများပေါက်လျက် ၎င်းတို့ဖြင့် ဘေးပြုကြ၏။” (ဗျာဒိတ် ၉: ၁၉) ယေဟောဝါသည် ဤလုပ်ငန်းကိုဆောင်ရွက်ရန် မိမိ၏ ဆက်ကပ်အပ်နှံနှစ်ခြင်းခံ ဓမ္မအမှုဆောင်များအား ခန့်အပ်တော်မူပြီ။ သီအိုကရက်တစ် ဓမ္မအမှုကျောင်းအပြင်၊ အခြားအသင်းတော် အစည်းအဝေးနှင့် ကျောင်းများမှတစ်ဆင့် နှုတ်ကပါဌ်တော်ကို ဟောပြောတတ်ရန် သင်ကြားတော်မူသောကြောင့် သူတို့သည် “လူတတ်၏နှုတ်သတ္တိ” ဖြင့် အာဏာပိုင်ပိုင် ပြောဆိုနိုင်ကြ၏။ သူတို့နှုတ်၌ မိမိ၏နှုတ်ကပါဌ်တော်ကိုသွင်း၍ “လူထုရှေ့တွင်လည်းကောင်း၊ တစ်အိမ်မှတစ်အိမ်သို့လည်းကောင်း၊” မိမိ၏စီရင်ချက်များကို ကြေညာရန် စေလွှတ်တော်မူပြီ။ (၂ တိမောသေ ၄:၂; ဟေရှာယ ၅၀:၄; ၆၁:၂; ယေရမိ ၁:၉၊ ၁၀; တမန်တော် ၂၀:၂၀၊ ကဘ) ယောဟန်အတန်းအစားနှင့် လူအုပ်ကြီးသည် နှစ်များစွာအတွင်း ကျမ်းစာ၊ စာအုပ်၊ ဘရိုရှာနှင့် မဂ္ဂဇင်းများကို သန်းကုဋေနှင့်ချီ၍ ဖြန့်ဝေခြင်းဖြင့် မိမိတို့နောက်၌ “အမြီး” နှင့်တူသည့် လူကိုနာကျင်စေသော သတင်းကို ထားရစ်ခဲ့ကြသည်။ မြင်းတပ်သားများသည် ယေဟောဝါထံတော်မှ “ဘေး” ကျလာမည်ဟု သတိပေးခံရသော ဆန့်ကျင်သူတို့အဖို့ ကုဋေနှစ်ဆယ်ပမာ များပြားလှ၏။—ယောလ ၂:၄-၆ နှိုင်းယှဉ်။
၁၇။ လုပ်ငန်းတော် ပိတ်ပင်ခံရသဖြင့် စာအုပ်စာတမ်းများ မဖြန့်ဝေနိုင်သော နိုင်ငံဒေသများမှ ယေဟောဝါသက်သေများသည် မြင်းတပ်စစ်ဆင်မှုတွင် ပါဝင်ကြသလော။ ရှင်းပြပါ။
၁၇ ဤမြင်းတပ်၏ စိတ်အထက်သန်ဆုံး တပ်မကြီးတစ်တပ်မှာ ယေဟောဝါသက်သေများ၏လုပ်ငန်း ပိတ်ပင်ခံရသော နိုင်ငံဒေသများမှ ညီအစ်ကိုများဖြင့် ဖွဲ့စည်းထားသည်။ သူတို့သည် ဝံပုလွေစုမဿဲ ၁၀:၁၆; တမန်တော် ၄:၁၉၊ ၂၀; ၅:၂၈၊ ၂၉၊ ၃၂) သူတို့လက်ထဲတွင် လူထုအားဝေငှဖို့ ပုံနှိပ်စာတမ်းများ မရှိသလောက်ဖြစ်ရကား၊ မြင်းတပ်စစ်ဆင်ရေး၌ သူတို့မပါဝင်ဟု ဆိုရမည်လော။ လုံးဝမဆိုနိုင်။ သူတို့၌ နှုတ်ရှိသည့်ပြင် ၎င်းကိုသုံး၍ ကျမ်းစာသမ္မာတရားမြွက်ဆိုရန် ယေဟောဝါထံမှလည်း အာဏာရကြ၏။ သူတို့သည် အလွတ်သဘော၊ သွေးဆောင်မှုအပြည့်နှင့် ပြောဆိုကာ ကျမ်းစာသင်အံမှုများ အစပြုလျက် “လူအများတို့ကို ဖြောင့်မတ်ခြင်းတရားလမ်းထဲသို့ သွင်း” ကြသည်။ (ဒံယေလ ၁၂:၃) သူတို့သည် ထိထိမိမိရှိသော စာအုပ်စာတမ်းများ ထားရစ်ခြင်းဖြင့် မိမိတို့အမြီးများနှင့် လူတို့ကို တုပ်ချင်မှတုပ်နိုင်မည် မှန်သော်လည်း ဆိုက်ကပ်လာသော ယေဟောဝါ၏ သင်္ကာယနကင်းရှင်းရာနေ့နှင့် ပတ်သက်ပြီး ပါးနပ်၍သတိပညာရှိစွာ သက်သေခံကြသည်နှင့်အမျှ သူတို့၏ခံတွင်းမှ ပုံခိုင်းချက်ဖြစ်သောမီးလျှံ၊ မီးခိုးနှင့် ကန့်များ ပန်းထွက်လာသည်။
ထဲမှ သိုးများပမာ “မြွေကဲ့သို့လိမ္မာလျက် ချိုးငှက်ကဲ့သို့ အဆိပ်ကင်းလျက်” ရှိရန်လို၏။ သူတို့သည် ယေဟောဝါကို နာခံသဖြင့် မိမိတို့ မြင်ခဲ့ကြားခဲ့သောအရာများကို မပြောဘဲမနေနိုင်။ (၁၈။ မြင်းတပ်သည် ကပ်တိုက်သတင်းကို ဘာသာစကားမည်မျှ၊ စောင်ရေမည်မျှဖြင့် ပုံနှိပ်ဖြန့်ဝေခဲ့ပြီနည်း။
၁၈ အခြားဒေသများ၌ ဘုရားသခင့်နိုင်ငံတော်ဆိုင်ရာ စာအုပ်စာတမ်းများက ခရစ်ယာန်ဘောင်၏ ဗာဗုလုန်အယူဝါဒနှင့် နည်းလမ်းများကို အဆက်မပြတ် ဖော်ထုတ်ရှုတ်ချလျက် ပုံဆောင်သဘောအရ၊ ၎င်းခံထိုက်သောဘေးကို ၎င်းအပေါ် ကျရောက်စေသည်။ များပြားလှသော ဤမြင်းတပ်သားတို့သည် ၂၀၀၅ ခုမတိုင်မီက ၆၈ နှစ်အတွင်း ခေတ်မီပုံနှိပ်စနစ်များသုံးလျက် ဘာသာစကားပေါင်း ၄၅၀ ကျော်ဖြင့် ကျမ်းစာ၊ စာအုပ်၊ မဂ္ဂဇင်းနှင့် ဘရိုရှာ သန်းပေါင်းများစွာ ဖြန့်ဝေနိုင်ခဲ့ပြီဖြစ်ရာ ပကတိ ကုဋေနှစ်ဆယ်ထက် အဆပေါင်းများစွာများ၏။ ၎င်းအမြီးများသည် တုပ်ချက်ပြင်းလှသည်တကား။
၁၉၊ ၂၀။ (က) ကပ်တိုက်သတင်းများ၏ အထူးပစ်မှတ်မှာ ခရစ်ယာန်ဘောင်ဖြစ်သော်လည်း ၎င်းနှင့် အလှမ်းဝေးသော နိုင်ငံဒေသများမှလူအချို့ မည်သို့ တုံ့ပြန်ခဲ့ကြသနည်း။ (ခ) အများထု၏ တုံ့ပြန်မှုကို ယောဟန် မည်သို့ဖော်ပြသနည်း။
၁၉ ကပ်ဘေးအလားဖြစ်သော ဤသတင်းဖြင့် “လူသုံးပုံတစ်ပုံကိုသတ်” ရန် ယေဟောဝါ ရည်ရွယ်တော်မူသည်။ သို့ဖြစ်၍ ၎င်း၏အထူးပစ်မှတ်မှာ ခရစ်ယာန်ဘောင်တည်း။ သို့ရာတွင် ၎င်းသည် ခရစ်ယာန်ဘောင်နယ်ပယ်ကိုကျော်၍ ခရစ်ယာန်ဘောင်၏ သီလကြောင်မှုကို သူသူငါငါသိရှိသော ဒေသများစွာအပါအဝင် ဝေးလံသောနိုင်ငံဒေသများဆီသို့ပါ ပျံ့နှံ့ခဲ့လေပြီ။ ၎င်းနိုင်ငံဒေသသားများသည် ဤဖောက်ပြန်သော ဘာသာရေးအဖွဲ့အစည်း ကပ်ဆိုက်သည်ကိုမြင်သောကြောင့် ယေဟောဝါထံ တိုး၍ချဉ်းကပ်ကြပြီလော။ တော်တော်များများ ထိုသို့ပြုခဲ့ကြပေပြီ။ ခရစ်ယာန်ဘောင်၏ ဩဇာနယ်ပယ်အပြင်ဘက်တွင် နေထိုင်ကြသော နူးညံ့သိမ်မွေ့ ချစ်ခင်စဖွယ် ပုဂ္ဂိုလ်များ မဆိုင်းမတွ ထိုသို့တုံ့ပြန်ခဲ့ကြပြီ။ သို့တစေ၊ အများတကာတို့၏တုံ့ပြန်မှုကို ယောဟန် ဤသို့ဖော်ပြလိုက်သည်– “သို့သော် ဤကပ်ဘေးများကြောင့် မသေဘဲ ကျန်ရစ်သော လူတို့သည် မိမိတို့လက်ဖြင့် လုပ်သောအရာများအတွက် နောင်တမရကြချေ။ နတ်ဆိုးများကိုလည်းကောင်း၊ မမြင်နိုင်၊ မကြားနိုင်၊ မသွားမလာနိုင်သော ရွှေ၊ ငွေ၊ ကြေးနီ၊ ကျောက်နှင့် သစ်သားတို့ဖြင့်လုပ်သော ရုပ်တုများကိုလည်းကောင်း ကိုးကွယ်မြဲ ကိုးကွယ်ကြ၏။ မိမိတို့၏ လူသတ်မှု၊ နတ်ဝိဇ္ဇာ အလေ့အကျင့်များ၊ မတရားမေထုန်နှင့် ခိုးဝှက်မှုအတွက်လည်း နောင်တမရကြချေ။” (ဗျာဒိတ် ၉:၂၀၊ ၂၁) နောင်တမရသော ဤသူများ ကမ္ဘာချီ ဘာသာပြောင်းဝင်လာကြမည် မဟုတ်။ မိမိတို့၏ ဆိုးယုတ်သောလမ်းစဉ်ကို ခေါင်းမာမာနှင့် လိုက်သောသူရှိသမျှ ယေဟောဝါ၏ သင်္ကာယနကင်းရှင်းရာနေ့ကြီး၌ အပြစ်ပေးစီရင်ခြင်းကို ခံရကြလိမ့်မည်။ သို့သော် “ထာဝရဘုရားကို ပတ္ထနာပြုသောသူ ရှိသမျှတို့သည် ကယ်တင်တော်မူခြင်းသို့ ရောက်ရကြလတ္တံ့။”—ယောလ ၂:၃၂; ဆာလံ ၁၄၅:၂၀; တမန်တော် ၂:၂၀၊ ၂၁။
၂၀ အထက်၌ ကျွန်ုပ်တို့ ဆွေးနွေးတင်ပြရာများမှာ ဒုတိယအမင်္ဂလာ၏ တစ်ပိုင်းတစ်စသာဖြစ်သည်။ ၎င်းအမင်္ဂလာ မပြီးမီ လာစရာများစွာရှိသေး၏။ ရှေ့လာမည့်အခန်းများ၌ ကျွန်ုပ်တို့ တွေ့ပါလိမ့်မည်။
[အောက်ခြေမှတ်ချက်]
^ အပိုဒ်၊ 10 ဟင်နရီ ဘားကလေး စွိ ပြုစုသော ဗျာဒိတ်ကျမ်းဋီကာ က “ကုဋေနှစ်ဆယ်” ဟူသောကိန်းနှင့်ပတ်သက်၍ ဤသို့ဆိုသည်– “ကြီးမားလှသော ကိန်းများဖြစ်၍ ပကတိပြည့်စုံချက်ရှိဖို့ ကျွန်ုပ်တို့ မမျှော်လင့်နိုင်ပါ။ ရှေ့ဆက်ဖော်ပြသော အကြောင်းကလည်း ဤအချက်ကို ထောက်ခံပါသည်။”
^ အပိုဒ်၊ 13 စာမျက်နှာ ၁၁၉-၂၆ ကိုပြန်ကြည့်ပါ။ ၁၉၃၂ ခုနှစ်တွင် ယေဟောဝါသက်သေများ ထုတ်ဝေခဲ့သော သင်္ကာယန ရှင်းစေခြင်း တတိယတွဲ၊ စာမျက်နှာ ၈၃-၄ ကိုလည်းရှု။
^ အပိုဒ်၊ 15 ယောဟန်မြင်ရသော မြင်းတပ်သားများသည် ကျိုင်းကောင်များနည်းတူ “ရွှေကဲ့သို့သော သရဖူများ ဆောင်းထားဟန်” မရှိ။ (ဗျာဒိတ် ၉:၇) ဤအချက်က မြင်းတပ်ထဲတွင် အများစုဖြစ်သော လူအုပ်ကြီးသည် ဘုရားသခင့် ကောင်းကင်နိုင်ငံတော်တွင် အုပ်စိုးရန် မမျှော်လင့် ဟူသည့်အချက်နှင့် ညီညွတ်ပေသည်။
[လေ့လာရန်မေးခွန်းများ]
[စာမျက်နှာ ၁၄၉ ပါ ရုပ်ပုံ]
ဆဋ္ဌမတံပိုးမှုတ်လိုက်ရာ ဒုတိယ အမင်္ဂလာစတင်
[စာမျက်နှာ ၁၅၀ ပါ ရုပ်ပုံ]
ကောင်းကင်တမန် လေးပါးသည် ဤမြင်းတပ်မဟာကြီးကို ဦးစီး
[စာမျက်နှာ ၁၅၃ ပါ ရုပ်ပုံ]
မရေမတွက်နိုင်သော မြင်းတပ်သည် ကျမ်းစာအခြေပြု စာပေစာတမ်း သန်းပေါင်းများစွာကို ဝေငှခဲ့
[စာမျက်နှာ ၁၅၄ ပါ ရုပ်ပုံ]
ကျန်ရစ်သောလူတို့သည် နောင်တ မရကြ