အခန်း ၆
အကျိုးပြုတဲ့ ဖျော်ဖြေမှုကို ရွေးချယ်နိုင်ပုံ
“ဘုရားသခင်ရဲ့ ဘုန်းတော်ကိုထောက်ပြီး အရာရာကို လုပ်ဆောင်ကြပါ။”—၁ ကောရိန္သု ၁၀:၃၁။
၁၊ ၂။ ဖျော်ဖြေမှုနဲ့ပတ်သက်ပြီး ဘယ်ရွေးချယ်စရာတွေ ရှိနေသလဲ။
အရသာရှိတဲ့ အသီးကို စားတော့မယ့်ဆဲဆဲ၊ တစ်နေရာမှာ ပုပ်နေတာကို တွေ့လိုက်တယ် ဆိုပါစို့။ သင် ဘာလုပ်မလဲ။ အသီးတစ်ခုလုံးကို စားမလား။ အသီးတစ်ခုလုံးကို လွှင့်ပစ်မလား။ ဒါမှမဟုတ် ပုပ်နေတဲ့အပိုင်းကို လှီးထုတ်ပြီး ကောင်းတဲ့အပိုင်းကိုပဲ စားမလား။ သင် ဘာကို ရွေးချယ်မလဲ။
၂ ဖျော်ဖြေမှုကို အဲဒီအသီးနဲ့ နှိုင်းယှဉ်နိုင်တယ်။ သင် အပန်းဖြေချင်ပေမဲ့ အခုခေတ် ဖျော်ဖြေမှုများစွာဟာ ပုပ်နေတဲ့အသီးလို ကိုယ့်ကျင့်တရားပိုင်းမှာ ယိုယွင်းနေတယ်။ ဒါဆို သင် ဘာလုပ်မလဲ။ တချို့က မကောင်းတဲ့အရာကို လျစ်လျူရှုပြီး ဒီလောက ကမ်းလှမ်းတဲ့ ဘယ်ဖျော်ဖြေမှုကိုမဆို လက်ခံတယ်။ တချို့က ဘေးကင်းစေဖို့ ဖျော်ဖြေမှုအားလုံးကို ရှောင်ကြတယ်။ တချို့က ဘေးဖြစ်စေတဲ့ ဖျော်ဖြေမှုကို သတိနဲ့ရှောင်ရှားပြီး အကျိုးပြုတဲ့ ဖျော်ဖြေမှုကိုတော့ လက်ခံကြတယ်။ သင်ဟာ ဘုရားသခင့်မေတ္တာ အမြဲခံစားရဖို့ ဘာကို ရွေးချယ်သင့်သလဲ။
၃။ အခု ဘာကို ဆွေးနွေးကြမလဲ။
၃ ကျွန်တော်တို့အများစုဟာ တတိယအချက်ကို ရွေးချယ်ကြမှာပဲ။ အပန်းဖြေဖို့ လိုတယ်ဆိုတာ ကျွန်တော်တို့ အသိအမှတ်ပြုကြတယ်။ ဒါပေမဲ့ ကိုယ်ကျင့်တရားစင်ကြယ်တဲ့ ဖျော်ဖြေမှုနဲ့သာ အပန်းဖြေချင်ကြတယ်။ ဒါကြောင့် ဘယ်အရာက အကျိုးပြုတယ်၊ ဘယ်အရာက အကျိုးမပြုဘူးဆိုတာ ဆုံးဖြတ်နိုင်ပုံကို သုံးသပ်ဖို့လိုတယ်။ ဒါပေမဲ့ ဖျော်ဖြေမှုနဲ့ပတ်သက်ပြီး ကျွန်တော်တို့ရဲ့ ရွေးချယ်မှုက ယေဟောဝါကို ဝတ်ပြုမှုအပေါ် ဘယ်လို အကျိုးသက်ရောက်နိုင်တယ်ဆိုတာ ဦးဆုံး ဆွေးနွေးကြစို့။
“ဘုရားသခင်ရဲ့ ဘုန်းတော်ကိုထောက်ပြီး အရာရာကို လုပ်ဆောင်ကြပါ”
၄။ ကျွန်တော်တို့ရဲ့ ဆက်ကပ်အပ်နှံခြင်းက ဖျော်ဖြေမှုရွေးချယ်ရာမှာ ဘယ်လို အကျိုးသက်ရောက်သင့်သလဲ။
၄ ၁၉၄၆ ခုနှစ်မှာ နှစ်ခြင်းခံခဲ့တဲ့ သက်ကြီးသက်သေခံတစ်ဦးက “နှစ်ခြင်းဟောပြောချက်တိုင်းမှာ ကျွန်တော်ရှိနေပြီး ကိုယ်တိုင် နှစ်ခြင်းခံသလိုမျိုး ဟောပြောချက်ကို ဂရုစိုက်နားထောင်ဖို့ ကြိုးစားတယ်” လို့ ပြောပြတယ်။ ဘာကြောင့်လဲ။ “ကျွန်တော့်ရဲ့ ဆက်ကပ်အပ်နှံမှုကို အမှတ်ရနေတာက ဆက်ပြီးသစ္စာရှိဖို့ အရေးကြီးတဲ့ခြေလှမ်းတစ်ခု ဖြစ်တယ်” လို့ သူဆက်ပြောပြတယ်။ အဲဒီရှုမြင်ပုံကို သင်သဘောတူမှာ သေချာတယ်။ သင့်အသက်တာတစ်ခုလုံးကို အမှုတော်ဆောင်ရာမှာ အသုံးပြုမယ်လို့ ယေဟောဝါကို ကတိပေးခဲ့တယ်ဆိုတာ ပြန်အမှတ်ရနေတာက ခံနိုင်ရည်ရှိဖို့ လှုံ့ဆော်ပေးတယ်။ (ဒေသနာ ၅:၄ ကိုဖတ်ပါ။) သင့်ဆက်ကပ်အပ်နှံခြင်းကို ပြန်ပြောင်းတွေးတောတာက အမှုဆောင်လုပ်ငန်းကိုသာမက ဖျော်ဖြေမှုအပါအဝင် ဘဝကဏ္ဍအားလုံးနဲ့ပတ်သက်တဲ့ သဘောထားကို အကျိုးသက်ရောက်ပါလိမ့်မယ်။ တမန်တော်ပေါလုက သူ့ခေတ်မှာရှိတဲ့ ခရစ်ယာန်တွေဆီ စာရေးချိန်မှာ အဲဒီအမှန်တရားကို ဒီလို အလေးပေး ဖော်ပြခဲ့တယ်– “စားတာဖြစ်ဖြစ်၊ သောက်တာဖြစ်ဖြစ်၊ ဘာကိစ္စပဲဖြစ်ဖြစ် ဘုရားသခင်ရဲ့ ဘုန်းတော်ကိုထောက်ပြီး အရာရာကို လုပ်ဆောင်ကြပါ။”—၁ ကောရိန္သု ၁၀:၃၁။
၅။ ရောမ ၁၂:၁ မှာပါတဲ့ သွယ်ဝိုက်သတိပေးချက်ကို သိရှိဖို့ ဝတ်ပြုရာ ၂၂:၁၈-၂၀ က ဘယ်လို အထောက်အကူပြုသလဲ။
ရောမ ၁၂:၁) သင့်ကိုယ်ခန္ဓာမှာ စိတ်စွမ်း၊ ဉာဏ်စွမ်း၊ ကိုယ်စွမ်း ပါဝင်တယ်။ ဘုရားသခင်ကို ဝတ်ပြုရာမှာ အဲဒီအစွမ်းရှိသမျှကို သင်အသုံးပြုတယ်။ (မာကု ၁၂:၃၀) အဲဒီလိုအစွမ်းရှိသမျှနဲ့ ဝတ်ပြုတာကို ပူဇော်သက္ကာအဖြစ် ပေါလု ရည်ညွှန်းခဲ့တယ်။ “ပူဇော်သက္ကာ” ဆိုတဲ့ စကားလုံးမှာ သွယ်ဝိုက်သတိပေးချက်တစ်ခု ရှိတယ်။ မောရှေပညတ်မှာ အနာအဆာပါတဲ့ ပူဇော်သက္ကာကို ဘုရားသခင် လက်မခံဘူး။ (ဝတ်ပြုရာ ၂၂:၁၈-၂၀) အလားတူ၊ ခရစ်ယာန်တစ်ဦးရဲ့ ဝတ်ပြုမှု၊ တစ်နည်းအားဖြင့် ပူဇော်သက္ကာဟာ တစ်နည်းနည်းနဲ့ အနာအဆာပါရင် ဘုရားလက်ခံမှာ မဟုတ်ဘူး။ ဘယ်လိုနည်းနဲ့ အဲဒီလိုဖြစ်နိုင်သလဲ။
၅ ဘဝမှာ သင်လုပ်ဆောင်သမျှဟာ ယေဟောဝါကို ဝတ်ပြုတာနဲ့ ဆက်နွှယ်နေတယ်။ ပေါလုက ရောမမြို့သားတွေဆီ ရေးတဲ့စာမှာ အဲဒီအမှန်တရားကို စွဲမှတ်စေဖို့ အဓိပ္ပာယ်လေးနက်တဲ့ စကားလုံးကို သုံးခဲ့တယ်။ “အသက်ရှင်နေတဲ့၊ သန့်ရှင်းတဲ့၊ ဘုရားသခင် လက်ခံနိုင်တဲ့ ပူဇော်သက္ကာအဖြစ် မိမိတို့ရဲ့ ကိုယ်ခန္ဓာကို ဆက်သကြပါ။ ဒီလိုဆိုရင် စဉ်းစားဆင်ခြင်နိုင်စွမ်းကို သုံးပြီး ဘုရားသခင်အတွက် အမှုဆောင်ရာရောက်တယ်” လို့ သူတိုက်တွန်းခဲ့တယ်။ (၆၊ ၇။ ခရစ်ယာန်တစ်ဦးဟာ သူ့ရဲ့ကိုယ်ခန္ဓာကို ဘယ်လို ညစ်ညူးစေနိုင်သလဲ။ ဘယ်အကျိုးဆက်တွေ ဖြစ်လာနိုင်သလဲ။
၆ ရောမမြို့မှာရှိတဲ့ ခရစ်ယာန်တွေကို ပေါလုက ‘ခင်ဗျားတို့ရဲ့ ခန္ဓာကိုယ်ကို အပြစ်ဆီ မဆက်သပါနဲ့တော့’ လို့ သတိပေးတယ်။ ‘အပြစ်ရှိတဲ့ အကျင့်တွေကို သေစေ’ ဖို့လည်း သူပြောခဲ့တယ်။ (ရောမ ၆:၁၂-၁၄။ ၈:၁၃) သူ့ရဲ့စာအစပိုင်းမှာ “အပြစ်ရှိတဲ့ အကျင့်တွေ” နဲ့ပတ်သက်တဲ့ သာဓကတချို့ကို ဖော်ပြခဲ့တယ်။ အပြစ်ပြုတတ်တဲ့ လူသားတွေနဲ့ပတ်သက်ပြီး “သူတို့လည်ချောင်းဟာ ပွင့်နေတဲ့ သင်္ချိုင်းတွင်းပဲ။ သူတို့ရဲ့လျှာက လှည့်စားတတ်တယ်။ သူတို့ပါးစပ်ထဲမှာ မြွေပွေးအဆိပ် ရှိတယ်။ သူတို့ရဲ့ နှုတ်မှာ ကျိန်စာတွေ၊ ရန်လိုမုန်းတီးတဲ့ စကားတွေ အပြည့်ပဲ။ လူသတ်ဖို့ဆိုရင် ခြေသွက်ကြတယ်။ သူတို့သွားတဲ့လမ်းမှာ ပျက်စီးခြင်းနဲ့ ဒုက္ခပဲ ရှိတယ်။ ငြိမ်သက်ခြင်းလမ်းကို သူတို့ မသိကြဘူး။ ဘုရားသခင်ကို ကြောက်ရကောင်းမှန်း မသိကြဘူး” ဆိုပြီး ဖတ်ရတယ်။ (ရောမ ၃:၁၃-၁၈) ခရစ်ယာန်တစ်ဦးဟာ သူ့ရဲ့ ကိုယ်အင်္ဂါတွေကို အသုံးပြုပြီး အဲဒီလိုအကျင့်ဆိုးတွေကို ကျင့်မယ်ဆိုရင် သူ့ကိုယ်ခန္ဓာ မှာ အပြစ်အနာအဆာ ရှိနေလိမ့်မယ်။ ဥပမာ၊ ခရစ်ယာန်တစ်ဦးဟာ ညစ်ညမ်းရုပ်ပုံတွေ၊ ရက်စက်တဲ့ အကြမ်းဖက်မှုတွေကို တမင်တကာ ကြည့်ရှုမယ်ဆိုရင် သူ့မျက်စိကို ‘အပြစ်ဆီ ဆက်သ’ နေတာဖြစ်လို့ သူ့ကိုယ်ခန္ဓာတစ်ခုလုံးကို ညစ်ညူးစေတယ်။ သူ့ဝတ်ပြုမှုအားလုံးဟာ မသန့်ရှင်းတဲ့ပူဇော်သက္ကာ ဖြစ်လာပြီး ဘုရားသခင် လက်မခံတော့ဘူး။ (တရားဟောရာ ၁၅:၂၁။ ၁ ပေတရု ၁:၁၄-၁၆။ ၂ ပေတရု ၃:၁၁) အကျိုးမပြုတဲ့ ဖျော်ဖြေမှုကို ရွေးချယ်တဲ့အတွက် ပေးဆပ်ရတဲ့အခဟာ အလွန်ကြီးမားတယ်။
၇ ခရစ်ယာန်တစ်ဦး ဖျော်ဖြေမှု ရွေးချယ်ရာမှာ ကြီးမားတဲ့အကျိုးဆက်တွေ ရှိနေတာ ရှင်းပါတယ်။ ဒါကြောင့် ဘုရားသခင်ဆီ ဆက်သတဲ့ ပူဇော်သက္ကာကို မညစ်ညူးစေဘဲ အလှဆင်ပေးမယ့် ဖျော်ဖြေမှုကို ကျွန်တော်တို့ ရွေးချယ်ချင်ကြတယ်။ ဘယ်အရာက အကျိုးပြုတယ်၊ ဘယ်အရာက အကျိုးမပြုဘူးဆိုတာ ဆုံးဖြတ်နိုင်ပုံကို အခု ဆွေးနွေးကြစို့။
“ဆိုးညစ်တဲ့အရာကို ရွံမုန်းပါ”
၈၊ ၉။ (က) ဖျော်ဖြေမှု အမျိုးအစားနှစ်မျိုးကို ပြောပြပါ။ (ခ) ဘယ်ဖျော်ဖြေမှုမျိုးကို ကျွန်တော်တို့ ရှောင်ကြသလဲ။ ဘာကြောင့်လဲ။
၈ အများအားဖြင့် ဖျော်ဖြေမှုကို နှစ်မျိုးခွဲခြားနိုင်တယ်။ ပထမတစ်မျိုးက ခရစ်ယာန်တွေ လုံးဝရှောင်ကြဉ်ရမယ့် ဖျော်ဖြေမှုဖြစ်တယ်။ ဒုတိယတစ်မျိုးက ခရစ်ယာန်တွေ လက်ခံရင်လည်းရတဲ့၊ လက်မခံရင်လည်းရတဲ့ ဖျော်ဖြေမှု ဖြစ်တယ်။ ခရစ်ယာန်တွေ လုံးဝ ရှောင်ကြဉ်ရမယ့် ဖျော်ဖြေမှု ပထမတစ်မျိုးကို သုံးသပ်ကြည့်ကြစို့။
၉အခန်း ၁ မှာ ဖော်ပြခဲ့တဲ့အတိုင်း ဖျော်ဖြေမှုတချို့ဟာ ကျမ်းစာက အတိအလင်း ပြစ်တင်ရှုတ်ချတဲ့အရာတွေကို သရုပ်ဖော်ထားတယ်။ ဥပမာ၊ ရက်စက်ကြမ်းကြုတ်တဲ့၊ နတ်ဆိုးနဲ့ဆိုင်တဲ့၊ ညစ်ညမ်းတဲ့ရုပ်ပုံတွေပါတဲ့ ဒါမှမဟုတ် ယုတ်ညံ့ပြီး လိင်အကျင့်ယိုယွင်းမှုတွေကို အားပေးတဲ့ ဝက်ဘ်ဆိုက်တွေ၊ ရုပ်ရှင်တွေ၊ တီဗွီအစီအစဉ်တွေ၊ တေးသီချင်းတွေကို စဉ်းစားကြည့်ပါ။ အဲဒီယုတ်ညံ့တဲ့ ဖျော်ဖြေမှုတွေဟာ ကျမ်းစာမူတွေ၊ ပညတ်တွေကို ချိုးဖောက်တဲ့ အကျင့်အကြံတွေကို လက်ခံနိုင်စရာအဖြစ် သရုပ်ဖော်ထားတာကြောင့် ခရစ်ယာန်စစ်တွေ ရှောင်သင့်တယ်။ (တမန်တော် ၁၅:၂၈၊ ၂၉။ ၁ ကောရိန္သု ၆:၉၊ ၁၀။ ဗျာဒိတ် ၂၁:၈) သင်ဟာ အကျိုးမပြုတဲ့ အဲဒီ လိုဖျော်ဖြေမှုကို ရှောင်မယ်ဆိုရင် “ဆိုးညစ်တဲ့အရာကို” အမှန်တကယ် “ရွံမုန်း” ပြီး “မကောင်းမှုကို” အမြဲမပြတ် “ရှောင်” တယ်ဆိုတာ ယေဟောဝါကို သက်သေပြရာရောက်တယ်။ ဒီနည်းနဲ့ သင့်မှာ “ဟန်ဆောင်မှုကင်းတဲ့ ယုံကြည်ခြင်း” ရှိနေတယ်။—ရောမ ၁၂:၉။ ဆာလံ ၃၄:၁၄။ ၁ တိမောသေ ၁:၅။
၁၀။ ဖျော်ဖြေမှုနဲ့ပတ်သက်ပြီး ဘယ်လို ဆင်ခြေပေးတာဟာ အန္တရာယ်ရှိသလဲ။ ဘာကြောင့်လဲ။
၁၀ လိင်အကျင့်ယိုယွင်းမှုကို ကွက်ကွက်ကွင်းကွင်း သရုပ်ဖော်တဲ့ ဖျော်ဖြေမှုတွေ ကြည့်ရှုတာဟာ အန္တရာယ်မရှိဘူးလို့ တချို့ ယူဆကြမယ်။ ‘ရုပ်ရှင်မှာ၊ တီဗွီမှာမို့လို့ ကြည့်တာ။ ကိုယ်တိုင် ဘယ်တော့မှ မလုပ်ဘူး’ လို့ သူတို့ ဆင်ခြေပေးကြတယ်။ ဒါဟာ ကိုယ့်ကိုယ်ကိုယ် လှည့်စားနေတာဖြစ်ပြီး အန္တရာယ်ရှိတယ်။ (ယေရမိ ၁၇:၉ ကိုဖတ်ပါ။) ယေဟောဝါ ပြစ်တင်ရှုတ်ချထားတဲ့အရာကို ကျွန်တော်တို့ ကြည့်ပြီး အပန်းဖြေမယ်ဆိုရင် “ဆိုးညစ်တဲ့အရာကို” အမှန်တကယ် “ရွံမုန်း” တယ်လို့ ဆိုနိုင်မလား။ ဆိုးညစ်တဲ့အရာတွေကို အကြိမ်ကြိမ် ကြည့်ရှု၊ ဖတ်ရှု၊ နားထောင်တာက ကျွန်တော်တို့ရဲ့ အသိစိတ်ကို ထုံထိုင်းသွားစေလိမ့်မယ်။ (ဆာလံ ၁၁၉:၇၀။ ၁ တိမောသေ ၄:၁၊ ၂) အဲဒီအကျင့်ဟာ ကိုယ့်လုပ်ရပ် ဒါမှမဟုတ် တခြားသူတွေရဲ့ အပြစ်ရှိတဲ့လုပ်ရပ်အပေါ် ကျွန်တော်တို့ရဲ့ ရှုမြင်ပုံကို သက်ရောက်မှု ရှိနိုင်တယ်။
၁၁။ ဖျော်ဖြေမှုနဲ့ပတ်သက်ပြီး ဂလာတိ ၆:၇ ဟာ ဘယ်လို မှန်ကန်သလဲ။
၁၁ အဲဒီလို တကယ်ဖြစ်နေတယ်။ ခရစ်ယာန်တချို့ဟာ လိင်အကျင့်ယိုယွင်းတဲ့ ဖျော်ဖြေမှုကို အမြဲကြည့်တဲ့အတွက် ကိုယ်တိုင် လိင်အကျင့် ယိုယွင်းခဲ့ကြတယ်။ ဆိုးကျိုးတွေ ကြုံပြီးမှသာ “မျိုးစေ့ကြဲတဲ့အတိုင်း ရိတ်သိမ်းရလိမ့်မယ်” ဆိုတာ သူတို့ သိလာတယ်။ (ဂလာတိ ၆:၇) ဒါပေမဲ့ အဲဒီဆိုးကျိုးတွေကို ရှောင်နိုင်ပါတယ်။ သင့်စိတ်ထဲမှာ ကောင်းတာကို ကြဲမယ်ဆိုရင် ဘဝမှာ ကောင်းကျိုးတွေကို ရိတ်သိမ်းရမယ်။—“ ဘယ်ဖျော်ဖြေမှုကို ငါ ရွေးချယ်သင့်သလဲ” လေးထောင့်ကွက်ကို ကြည့်ပါ။
ကျမ်းစာမူတွေအပေါ် အခြေပြုတဲ့ ကိုယ်ပိုင်ဆုံးဖြတ်ချက်
၁၂။ ဂလာတိ ၆:၅ ဟာ ဖျော်ဖြေမှုနဲ့ ဘယ်လို သက်ဆိုင်သလဲ။ ကိုယ်တိုင်ဆုံးဖြတ်ချက်ချရာမှာ ဘယ်လမ်းညွှန်ချက်တွေ ရှိသလဲ။
၁၂ ကျမ်းစာမှာ တိုက်ရိုက် ရှုတ်ချတာ မရှိသလို လက်ခံစရာဖြစ်တယ်လို့ အတိ ဖျော်ဖြေမှု ဒုတိယတစ်မျိုးကို အခု သုံးသပ်ကြစို့။ အဲဒီလိုဖျော်ဖြေမှုကို ရွေးချယ်ရာမှာ ခရစ်ယာန်တစ်ဦးစီဟာ မိမိအတွက် အကျိုးပြု၊ မပြုဆိုတာ ကိုယ်တိုင် ဆုံးဖြတ်ဖို့ လိုတယ်။ ( အလင်း ဖော်ပြတာလည်း မရှိတဲ့ဂလာတိ ၆:၅ ကိုဖတ်ပါ။) ဒါပေမဲ့ အဲဒီလို ရွေးချယ်ရတဲ့အခါ ကျွန်တော်တို့အတွက် လမ်းညွှန်ချက် ရှိပါတယ်။ ကျမ်းစာမှာ ယေဟောဝါရဲ့ တွေးခေါ်ပုံကို သိမြင်စေနိုင်တဲ့ မူတွေ၊ အခြေခံအမှန်တရားတွေ ပါရှိတယ်။ အဲဒီမူတွေကို အလေးထားမယ်ဆိုရင် ဖျော်ဖြေမှု ရွေးချယ်တာအပါအဝင် အရာရာမှာ “ယေဟောဝါရဲ့ အလိုတော်” ကို သိမြင်နိုင်ပါလိမ့်မယ်။—ဧဖက် ၅:၁၇။
၁၃။ ယေဟောဝါ မနှစ်သက်တဲ့ ဖျော်ဖြေမှုကို ရှောင်ဖို့ ကျွန်တော်တို့ကို ဘာက လှုံ့ဆော်ပေးသလဲ။
ဖိလိပ္ပိ ၁:၉) ဖျော်ဖြေမှုနဲ့ပတ်သက်လာရင်လည်း အကြိုက်ချင်းတူမှာ မဟုတ်မှန်း ခရစ်ယာန်တွေ သိထားကြတယ်။ ဒါကြောင့် အားလုံးရဲ့ ဆုံးဖြတ်ချက်ဟာ တစ်ထပ်တည်းကျမယ်လို့ မမျှော်လင့်နိုင်ဘူး။ ဒါပေမဲ့ ကျွန်တော်တို့ရဲ့ စိတ်နှလုံးမှာ ကျမ်းစာမူတွေ ပိုလွှမ်းမိုးလေ ယေဟောဝါ မနှစ်သက်တဲ့ ဖျော်ဖြေမှုအားလုံးကို ရှောင်ဖို့ ပိုကြိုးစားလေ ဖြစ်ပါလိမ့်မယ်။—ဆာလံ ၁၁၉:၁၁၊ ၁၂၉။ ၁ ပေတရု ၂:၁၆။
၁၃ ကိုယ်ကျင့်တရားနဲ့ပတ်သက်လာရင် ခရစ်ယာန်အားလုံးမှာ ပိုင်းခြားသိမြင်နိုင်စွမ်း တစ်ပုံစံတည်း ရှိမှာတော့ မဟုတ်ဘူး။ (၁၄။ (က) ဖျော်ဖြေမှုရွေးချယ်ရာမှာ ဘာကို ထည့်စဉ်းစားသင့်သလဲ။ (ခ) ကျွန်တော်တို့ဘဝမှာ ဝတ်ပြုရေးနဲ့ဆိုင်တာတွေကို ဘယ်လို ဦးစားထားနိုင်သလဲ။
၁၄ ဖျော်ဖြေမှုရွေးချယ်တဲ့အခါ ထည့်စဉ်းစားရမယ့် အရေးကြီးတဲ့အရာ နောက်တစ်ခုကတော့ အချိန်ပဲ။ ဖျော်ဖြေမှုမှာ ပါဝင်တဲ့အကြောင်းအရာက သင် ဘာကို လက်ခံတယ်ဆိုတာ ဖော်ပြတယ်။ ဖျော်ဖြေမှုအတွက် အသုံးပြုတဲ့အချိန်က သင် ဘာကို ဦးစားထားတယ်ဆိုတာ ဖော်ပြတယ်။ ခရစ်ယာန်တွေအတွက် အရေးကြီးဆုံးကတော့ ဝတ်ပြုရေးနဲ့ဆိုင်တဲ့ကိစ္စတွေ ဖြစ်တယ်။ (မဿဲ ၆:၃၃ ကိုဖတ်ပါ။) ဒါဆို သင့်ဘဝမှာ ဝတ်ပြုရေးနဲ့ဆိုင်တာတွေကို ဦးစားထားမှန်း ဘယ်လို ပြနိုင်သလဲ။ တမန်တော်ပေါလုက “ဉာဏ်ပညာမဲ့သူတွေလို မဟုတ်ဘဲ ဉာဏ်ပညာရှိသူတွေလို ကျင့်ကြံပြုမူနေရဲ့လားဆိုတာ အထူးသတိပြုကြပါ။ . . . အချိန်ကို အကျိုးရှိရှိ အသုံးချကြပါ” လို့ ဖော်ပြခဲ့တယ်။ (ဧဖက် ၅:၁၅၊ ၁၆) မှန်ပါတယ်၊ ဖျော်ဖြေမှုအတွက် အချိန်ကန့်သတ်ထားတာက “ပိုအရေးကြီးတဲ့အရာတွေ” ဖြစ်တဲ့ ဝတ်ပြုရေးနဲ့ဆိုင်တဲ့ လုပ်ဆောင်မှုတွေအတွက် အချိန် ပိုရစေပါလိမ့်မယ်။—ဖိလိပ္ပိ ၁:၁၀။
၁၅။ ဖျော်ဖြေမှုရွေးချယ်ရာမှာ ပိုစိတ်ချရအောင် သတိကြီးကြီးထားတာက ဘာကြောင့် ပညာရှိရာရောက်သလဲ။
၁၅ ဖျော်ဖြေမှုရွေးချယ်ရာမှာ ပိုစိတ်ချရအောင် သတိကြီးကြီးထားတာက ပညာရှိရာရောက်တယ်။ ဘာကို ဆိုလိုသလဲ။ အသီးဥပမာကို ပြန်သုံးသပ်ကြည့်ပါ။ ပုပ်နေတဲ့အပိုင်းကို မစားမိအောင် ပုပ်နေတဲ့နေရာလောက်ကိုသာ မဟုတ်ဘဲ ဘေးတစ်ဝိုက်ကိုပါ လှီးထုတ်မှာ ဖြစ်တယ်။ အလားတူ၊ ဖျော်ဖြေမှုရွေးချယ်ရာမှာ ပိုစိတ်ချရပညာအလိမ္မာ ၄:၂၅-၂၇) ကျမ်းစာအကြံဉာဏ်ကို အတိအကျ လိုက်နာတာက အဲဒီလိုရှောင်ဖို့ အကူအညီ ဖြစ်စေပါလိမ့်မယ်။
အောင် လုပ်တာက ပညာရှိရာရောက်တယ်။ ပညာရှိတဲ့ ခရစ်ယာန်တစ်ဦးဟာ ကျမ်းစာမူတွေနဲ့ လုံးဝဆန့်ကျင်တဲ့ ဖျော်ဖြေမှုကိုသာမက ဘုရားနဲ့ဆက်ဆံရေးကို ထိခိုက်စေနိုင်တဲ့အရာတွေ ပါဝင်ပုံရတဲ့ ဖျော်ဖြေမှုမျိုးကိုလည်း ရှောင်တယ်။ (‘စင်ကြယ်တဲ့အရာ မှန်သမျှ’
ဖျော်ဖြေမှုရွေးချယ်ရာမှာ ကျမ်းစာမူတွေကို ကျင့်သုံးတာက ဘုရားနဲ့ဆက်ဆံရေးကို မထိခိုက်အောင် ကာကွယ်ပေး
၁၆။ (က) ကိုယ်ကျင့်တရားနဲ့ပတ်သက်တဲ့ ယေဟောဝါရဲ့ ရှုမြင်ပုံမျိုး ကျွန်တော်တို့မှာ ရှိကြောင်း ဘယ်လို တင်ပြနိုင်သလဲ။ (ခ) ကျမ်းစာမူတွေကို ကျင့်သုံးတာဟာ သင့်ဘဝလမ်းစဉ် ဘယ်လို ဖြစ်လာနိုင်သလဲ။
၁၆ ဖျော်ဖြေမှုရွေးချယ်ရာမှာ ခရစ်ယာန်စစ်တွေဟာ ယေဟောဝါရဲ့ ရှုမြင်ပုံကို အရင်ဆုံး ထည့်စဉ်းစားကြတယ်။ ယေဟောဝါရဲ့ သဘောထားနဲ့ စံနှုန်းတွေကို ကျမ်းစာမှာ ဖော်ပြထားတယ်။ ဥပမာ၊ ယေဟောဝါ မုန်းတီးတဲ့အရာတွေကို ဘုရင်ရှောလမုန် ဖော်ပြခဲ့တယ်။ အဲဒီအထဲမှာ “လိမ်တတ်တဲ့လျှာ၊ အပြစ်မဲ့သူကို သတ်တဲ့လက်၊ ဆိုးညစ်တာတွေကို ကြံစည်တဲ့စိတ်နှလုံး၊ မကောင်းတာလုပ်ဖို့ အမြန်ပြေးတတ်တဲ့ခြေ” စတဲ့အရာတွေ ပါဝင်တယ်။ (ပညာအလိမ္မာ ၆:၁၆-၁၉) ယေဟောဝါရဲ့ ရှုမြင်ပုံဟာ သင့်ကို ဘယ်လို အကျိုးသက်ရောက်သင့်သလဲ။ “ယေဟောဝါကို ချစ်မြတ်နိုးသူတို့၊ မကောင်းမှုကို မုန်းကြပါ” လို့ ဆာလံဆရာ တိုက်တွန်းတယ်။ (ဆာလံ ၉၇:၁၀) ဖျော်ဖြေမှုရွေးချယ်တဲ့အခါ ယေဟောဝါ ရွံမုန်းတဲ့အရာကို သင်လည်း ရွံမုန်းကြောင်း ဖော်ပြဖို့ လိုတယ်။ (ဂလာတိ ၅:၁၉-၂၁) လူရှေ့မှာထက် လူကွယ်ရာမှာ ပြုလုပ်တဲ့အရာက သင် ဘယ်လိုလူစားဖြစ်မှန်း ဖော်ပြတယ်ဆိုတာကိုလည်း မမေ့ပါနဲ့။ (ဆာလံ ၁၁:၄။ ၁၆:၈) ဒါကြောင့် ဘဝကဏ္ဍအားလုံးမှာ ကိုယ်ကျင့်တရားနဲ့ပတ်သက် တဲ့ ယေဟောဝါရဲ့သဘောထားမျိုး သင့်မှာ ရှိမယ်ဆိုရင် ကျမ်းစာမူတွေနဲ့အညီ အမြဲ ရွေးချယ်ပါလိမ့်မယ်။ အဲဒီလိုလုပ်ဆောင်တာဟာ သင့်ဘဝလမ်းစဉ် ဖြစ်လာလိမ့်မယ်။—၂ ကောရိန္သု ၃:၁၈။
၁၇။ ဖျော်ဖြေမှု မရွေးချယ်ခင် ဘယ်မေးခွန်းတွေ မေးသင့်သလဲ။
၁၇ ဖျော်ဖြေမှုရွေးချယ်ရာမှာ ယေဟောဝါရဲ့ တွေးခေါ်ပုံနဲ့အညီ ပြုမူကြောင်း သေချာစေဖို့ သင် ဘာလုပ်နိုင်သေးသလဲ။ ‘ဒါက ငါ့ကိုရော၊ ဘုရားသခင်နဲ့ ငါ့ဆက်ဆံရေးကိုပါ ဘယ်လို ထိခိုက်မလဲ’ ဆိုပြီး စဉ်းစားပါ။ ဥပမာ၊ ရုပ်ရှင်ကားတစ်ကားကို ကြည့်မယ်၊ မကြည့်ဘူးဆိုတာ မဆုံးဖြတ်ခင် ‘ဒီရုပ်ရှင်မှာပါတဲ့အရာတွေက ငါ့ရဲ့အမှားအမှန်သိစိတ်ကို ဘယ်လို ထိခိုက်မလဲ’ လို့ ကိုယ့်ကိုယ်ကိုယ် မေးပါ။ ဒီကိစ္စမှာ ဘယ်မူတွေကို ကျင့်သုံးနိုင်တယ်ဆိုတာ သုံးသပ်ကြည့်ကြစို့။
၁၈၊ ၁၉။ (က) အကျိုးပြုတဲ့ဖျော်ဖြေမှု ဟုတ်မဟုတ် ဆုံးဖြတ်ရာမှာ ဖိလိပ္ပိ ၄:၈ မှာပါတဲ့မူဟာ ဘယ်လို အထောက်အကူပြုသလဲ။ (ခ) တခြားဘယ်မူတွေက အကျိုးပြုတဲ့ဖျော်ဖြေမှု ရွေးချယ်ဖို့ ကူညီပေးနိုင်သလဲ။ (အောက်ခြေမှတ်ချက်ကို ကြည့်ပါ။)
၁၈ ဖိလိပ္ပိ ၄:၈ မှာ အရေးကြီးတဲ့မူတစ်ခု တွေ့ရတယ်– “မှန်ကန်တဲ့အရာ၊ အလေးအနက်ထားရမယ့်အရာ၊ ဖြောင့်မတ်တဲ့အရာ၊ စင်ကြယ်တဲ့အရာ၊ မေတ္တာတိုးစေတဲ့အရာ၊ အားပေးမှုဖြစ်စေတဲ့အရာ၊ မွန်မြတ်တဲ့အရာ၊ ချီးမွမ်းထိုက်တဲ့အရာ မှန်သမျှကို အမြဲ ဆင်ခြင်သုံးသပ်နေကြပါ။” ပေါလုဟာ ဖျော်ဖြေမှုအကြောင်း ပြောနေတာတော့ မဟုတ်ဘူး။ စိတ်နှလုံးမှာ တွေးတောဆင်ခြင်တဲ့အရာတွေဟာ ဘုရားနှစ်သက်ရာတွေအပေါ် အခြေပြုသင့်တယ်လို့ ပြောနေတာ ဖြစ်တယ်။ (ဆာလံ ၁၉:၁၄) ဒါပေမဲ့ ပေါလုရဲ့စကားတွေဟာ ဖျော်ဖြေမှုနဲ့လည်း မူအရ သက်ဆိုင်တယ်။ ဘယ်လိုနည်းနဲ့လဲ။
၁၉ “ငါရွေးချယ်တဲ့ ရုပ်ရှင်၊ ဗွီဒီယိုဂိမ်း၊ တေးဂီတနဲ့ တခြားဖျော်ဖြေမှုတွေက ငါ့စိတ်ကို ‘စင်ကြယ်တဲ့အရာမှန်သမျှ’ နဲ့ ပြည့်စေသလား” လို့ ကိုယ့်ကိုယ်ကိုယ် မေးပါ။ ဥပမာ၊ သင် ရုပ်ရှင်ကြည့်ပြီးနောက် စိတ်ထဲမှာ ဘာပုံရိပ်တွေ စွဲကျန်ရစ်သလဲ။ နှစ်သက်ဖွယ်ဖြစ်ပြီး စင်ကြယ်တဲ့၊ လန်းဆန်းစေတဲ့အရာတွေ စွဲကျန်ခဲ့ရင်တော့ သင့်ရဲ့ဖျော်ဖြေမှုဟာ အကျိုးပြုပါတယ်။ ဒါပေမဲ့ ရုပ်ရှင်ကြည့်ပြီးနောက် မစင်ကြယ်တဲ့အရာတွေကိုပဲ တွေးတောနေတယ်ဆိုရင် သင့်ရဲ့ဖျော်ဖြေမှုဟာ အကျိုးမရှိဘူး၊ အန္တရာယ်တောင် ဖြစ်နိုင်တယ်။ (မဿဲ ၁၂:၃၃။ မာကု ၇:၂၀-၂၃) ဘာကြောင့်လဲ။ ကိုယ် ကျင့်တရား မစင်ကြယ်တဲ့အရာတွေကို တွေးတောနေတာက သင့်ရဲ့ စိတ်ငြိမ်သက်မှုကို ပျက်ပြားစေတယ်။ ကျမ်းစာနဲ့လေ့ကျင့်ထားတဲ့ အမှားအမှန်သိစိတ်ကို ဒဏ်ရာရစေပြီး ဘုရားနဲ့ သင့်ဆက်ဆံရေးကို ပျက်စီးစေနိုင်တယ်။ (ဧဖက် ၅:၅။ ၁ တိမောသေ ၁:၅၊ ၁၉) အဲဒီလိုဖျော်ဖြေမှုတွေဟာ သင့်ကို ထိခိုက်စေနိုင်တဲ့အတွက် အဲဒါကို ရှောင်ဖို့ သန္နိဋ္ဌာန်ချထားပါ။ * (ရောမ ၁၂:၂) “အချည်းနှီးဖြစ်တဲ့အရာတွေကို မကြည့်မိအောင် ကျွန်တော့်မျက်စိကို လွှဲပေးပါ” လို့ ဆုတောင်းခဲ့တဲ့ ဆာလံဆရာလို ပြုမူပါ။—ဆာလံ ၁၁၉:၃၇။
သူတစ်ပါးအကျိုးကို ရှာကြပါ
၂၀၊ ၂၁။ ၁ ကောရိန္သု ၁၀:၂၃၊ ၂၄ ဟာ အကျိုးပြုတဲ့ ဖျော်ဖြေမှု ရွေးချယ်တာနဲ့ ဘယ်လို သက်ဆိုင်သလဲ။
၂၀ ကိုယ်ရေးကိုယ်တာကိစ္စတွေ ဆုံးဖြတ်ရာမှာ ထည့်စဉ်းစားရမယ့် အရေးကြီးတဲ့ ကျမ်းစာမူတစ်ခုကို ပေါလု ဖော်ပြခဲ့တယ်။ “အရာအားလုံးကို လုပ်လို့ရတာ မှန်ပေမဲ့ အရာအားလုံး အားပေးမှုဖြစ်စေတာ မဟုတ်ဘူး။ လူတိုင်း ကိုယ့်အကျိုးကို မရှာဘဲ သူတစ်ပါးအကျိုးကို ရှာကြပါ” လို့ သူပြောတယ်။ (၁ ကောရိန္သု ၁၀:၂၃၊ ၂၄) ဒီမူဟာ အကျိုးပြုတဲ့ဖျော်ဖြေမှု ရွေးချယ်တာနဲ့ ဘယ်လို သက်ဆိုင်သလဲ။ ‘ငါရွေးချယ်တဲ့ ဖျော်ဖြေမှုက တခြားသူတွေကို ဘယ်လို အကျိုးသက်ရောက်မလဲ’ လို့ ကိုယ့်ကိုယ်ကိုယ်မေးဖို့ လိုတယ်။
၂၁ ‘လုပ်လို့ရတယ်’ ဒါမှမဟုတ် လက်ခံနိုင်တယ်လို့ သင်ယူဆတဲ့ ဖျော်ဖြေမှုတစ်ခုကို သင့်ရဲ့ အမှားအမှန်သိစိတ်က ခွင့်ပြုနိုင်တယ်။ ဒါပေမဲ့ အမှားအမှန်သိစိတ် အားနည်းတဲ့ ယုံကြည်သူချင်းတချို့က လက်မခံဘူးဆိုရင် အဲဒါကို ရှောင်ဖို့ သင် ဆုံးဖြတ်နိုင်တယ်။ ဘာကြောင့်လဲ။ ယုံကြည်သူချင်းတွေ ဘုရားသခင်ကို ဆက်သစ္စာရှိဖို့ ပိုအခက်တွေ့အောင် လုပ်တာဟာ ပေါလုပြောတဲ့အတိုင်း ‘ညီအစ်ကိုတွေကို ပြစ်မှား’ ရာရောက်တဲ့အပြင် “ခရစ်တော်ကို ပြစ်မှား” ရာရောက်လို့ပဲ။ သင် အဲဒီလိုဖြစ်ချင်မှာ မဟုတ်ဘူး။ “တိုက်မိလဲစရာ မဖြစ်ပါစေနဲ့” ဆိုတဲ့ တိုက်တွန်းချက်ကို နှလုံးသွင်းထား၁ ကောရိန္သု ၈:၁၂။ ၁၀:၃၂) အခုချိန်မှာ ခရစ်ယာန်စစ်တွေဟာ “လုပ်လို့ရတာ” မှန်ပေမဲ့ “အားပေးမှုဖြစ်စေတာ” မဟုတ်တဲ့ ဖျော်ဖြေမှုကို ရှောင်ကြတယ်။ ဒီနည်းနဲ့ ပေါလုရဲ့ ထောက်ထားစာနာတဲ့၊ အမြော်အမြင်ရှိတဲ့ အကြံဉာဏ်ကို လိုက်နာကြတယ်။—ရောမ ၁၄:၁။ ၁၅:၁။
လို့ပဲ။ (၂၂။ ခရစ်ယာန်တွေဟာ ကိုယ်ရေးကိုယ်တာကိစ္စတွေမှာ အမြင်မတူတာကို ဘာကြောင့် လက်ခံသင့်သလဲ။
၂၂ သူတစ်ပါးရဲ့အကျိုးကို ရှာနိုင်တဲ့ ကဏ္ဍနောက်တစ်ခု ရှိသေးတယ်။ အမှားအမှန်သိစိတ် အားနည်းတဲ့ ခရစ်ယာန်တစ်ဦးဟာ သင့်လျော်တဲ့ ဖျော်ဖြေမှုနဲ့ပတ်သက်ပြီး မိမိရဲ့ ကျဉ်းမြောင်းတဲ့အမြင်အတိုင်း အသင်းတော်မှာရှိတဲ့ ခရစ်ယာန်အားလုံး လုပ်ရမယ်လို့ မရမက မတောင်းဆိုသင့်ဘူး။ အဲဒီလိုလုပ်မယ်ဆိုရင် အဝေးပြေးလမ်းမပေါ်က ယာဉ်မောင်းအားလုံးကို မိမိနှစ်သက်တဲ့ မိုင်နှုန်းအတိုင်း မောင်းရမယ်လို့ အတင်းအကျပ် တောင်းဆိုတဲ့ ယာဉ်မောင်းနဲ့ တူနေလိမ့်မယ်။ အဲဒီလိုတောင်းဆိုတာဟာ အကျိုးသင့်အကြောင်းသင့် ဖြစ်မှာ မဟုတ်ဘူး။ ဖျော်ဖြေမှုနဲ့ပတ်သက်ပြီး ယုံကြည်သူချင်းတွေရဲ့ ရှုမြင်ပုံဟာ ကိုယ်နဲ့မတူပေမဲ့ ကျမ်းစာမူတွေနဲ့ မဆန့်ကျင်တာမျိုးလည်း ရှိနိုင်တယ်။ အဲဒီအခါမျိုးမှာ အမှားအမှန်သိစိတ် အားနည်းသူဟာ သူတစ်ပါးရဲ့ ရှုမြင်ပုံကို မေတ္တာစိတ်နဲ့ လေးစားသင့်တယ်။ ဒီနည်းနဲ့ “အကျိုးသင့်အကြောင်းသင့်သဘောကို လူတိုင်း သိမြင်” အောင် လုပ်နိုင်တယ်။—ဖိလိပ္ပိ ၄:၅။ ဒေသနာ ၇:၁၆။
၂၃။ အကျိုးပြုတဲ့ဖျော်ဖြေမှုကို သင် ရွေးချယ်ကြောင်း ဘယ်လို သေချာစေနိုင်သလဲ။
၂၃ အကျိုးပြုတဲ့ ဖျော်ဖြေမှုကို သင်ရွေးချယ်မှန်း ဘယ်လို သေချာစေနိုင်သလဲ။ ကျမ်းစာမှာ အတိအလင်း ရှုတ်ချထားတဲ့၊ ယုတ်ညံ့ပြီး လိင်အကျင့်ယိုယွင်းတဲ့ လုပ်ရပ်တွေကို ကွက်ကွက်ကွင်းကွင်း သရုပ်ဖော်ထားတဲ့ ဖျော်ဖြေမှုအားလုံးကို ငြင်းပယ်ပါ။ ကျမ်းစာမှာ အတိအကျ မဖော်ပြထားတဲ့ ဖျော်ဖြေမှုမျိုးဆိုရင် သက်ဆိုင်တဲ့ ကျမ်းစာမူတွေကို လိုက်လျှောက်ပါ။ သင့်အမှားအမှန်သိစိတ်ကို ထိခိုက်စေမယ့် ဖျော်ဖြေမှုကို ရှောင်ပါ။ တခြားသူတွေ၊ အထူးသဖြင့် ယုံကြည်သူချင်းတွေကို စိတ်ဒဏ်ရာရစေနိုင်တဲ့ ဖျော်ဖြေမှုမျိုးကို လုံးဝရှောင်ပါ။ အဲဒီလိုလုပ်ဖို့ သင့်ရဲ့ ခိုင်မာတဲ့ဆုံးဖြတ်ချက်ကြောင့် ဘုရားဘုန်းတော် ထင်ရှားပါစေ။ သင်နဲ့ သင့်မိသားစုလည်း ဘုရားရဲ့မေတ္တာကို အမြဲခံစားနိုင်ပါစေ။
^ စာပိုဒ်၊ 19 ဖျော်ဖြေမှုနဲ့ပတ်သက်ပြီး ကျင့်သုံးနိုင်တဲ့ မူတချို့ကို ပညာအလိမ္မာ ၃:၃၁။ ၁၃:၂၀။ ဧဖက် ၅:၃၊ ၄ နဲ့ ကောလောသဲ ၃:၅၊ ၈၊ ၂၀ မှာ တွေ့ရတယ်။