အပိုင်း ၁

မိသားစု​ရေးရာ ကဏ္ဍ–မိသားစု​ပေါင်းသင်း​ဆက်ဆံ​ရေး

“ချမ်းမြေ့​သာယာသော​အိမ်ထောင်။” အများ​နား​ယ​ဉ်​နေသော အထက်ပါ​စကား​သည် တစ်ချိန်က​ခံစားချက်​ကို သရုပ်ဖော်​ခဲ့​သော်လည်း ယနေ့​အဖတ်ဆယ်​မရအောင် ခေတ်နှောင်း​ခဲ့​လေ​ပြီ။ အဆက်မပြတ်​သော အိမ်တွင်းရေး​ပ​ဋိ​ပေ​က္ခ​များ​ကြောင့် အိမ်ထောင်​များစွာ စစ်​တ​လင်း​နှင့်​မ​ခြား ဖြစ်​ခဲ့​ရ​ချေ​ပြီ။ ပြောဆို​ဆက်ဆံခြင်း​ပေါင်းကူး​တံတား ကျိုး​ပျက်​ပြီ​ဖြစ်​ရ​ကား တဒင်္ဂ​စစ်​ပြေငြိမ်း​ရေး လုံးပန်း​မှု​လည်း အ​ထ​မ​မြောက်။

သင့်​အိမ်ကို သင်​မီး​ဟုန်းဟုန်းတောက်​သော စစ်​တ​လင်း​အဖြစ်​မြင်​လို​သလော။ သို့​မဟုတ်၊ အေးငြိမ်း​သည့် သီ​ရိ​ဂေဟာ​လေး​အဖြစ် မြင်​လို​သလော။ အခြား​အိမ်သား​များ ကိုယ်စီ​တာဝန်​ယူ​ကြ​ရမည်​မှန်​၏။ သို့သော်၊ သင်သည်​အနည်းငယ်မျှသော ကျမ်း​မူများ​ကို​ပိုင်နိုင်​ရုံ​နှင့် သင့်​မိသားစု​ဘဝ သာယာ​ချမ်းမြေ့မှု​ကို များစွာ​ပံ့ပိုး​နိုင်​ပေ​သည်။