ပြန်လည်ပတ်ခြင်း
သင်ခန်းစာ ၇
ဇွဲရှိပါ
ကျမ်းစာမူ။ “တစ်အိမ်ပြီး တစ်အိမ် သွားပြီး နေ့စဉ်မပြတ် သွန်သင်ဟောပြောကြတယ်။”—တ. ၅:၄၂။
ပေါလု ဘာလုပ်သလဲ
၁။ ဗီဒီယို ကြည့်ပါ။ ဒါမှမဟုတ် တမန်တော် ၁၉:၈-၁၀ ကို ဖတ်ပါ။ အဲဒီနောက် ဒီမေးခွန်းတွေ သုံးသပ်ပါ–
ပေါလုဆီကနေ ဘာသင်ယူရသလဲ
၂။ ပြန်လည်ပတ်မှုတွေ ထိထိရောက်ရောက် လုပ်နိုင်ဖို့၊ ကျမ်းစာ သင်အံမှုတွေ စနိုင်ဖို့ အချိန်နဲ့ ခွန်အား စိုက်ထုတ်ဖို့ လိုတယ်။
ပေါလုကို အတုယူပါ
၃။ ကိုယ် အဆင်ပြေတဲ့အချိန် မဟုတ်ဘဲ တစ်ဖက်သား အဆင်ပြေမယ့်အချိန် သွားပါ။ ‘သူ့ကို ဆက်သွယ်ဖို့ ဘယ်အချိန် အဆင်ပြေဆုံးလဲ။ စကားပြောဖို့ ဘယ်အချိန်၊ ဘယ်နေရာက သူ့အတွက် အဆင်ပြေဆုံးလဲ’ လို့ စဉ်းစားပါ။ ကိုယ့်အတွက် အဆင်ပြေတဲ့အချိန် မဟုတ်ရင်တောင် လိုလိုလားလား သွားပါ။
၄။ အချိန်းအချက် လုပ်ပါ။ တစ်ခေါက် ဆုံပြီးတိုင်း နောက်တစ်ခေါက် ဆုံနိုင်မယ့် အချိန်ကို သတ်သတ်မှတ်မှတ် ချိန်းချက်ခဲ့ပါ။ ချိန်းတဲ့အတိုင်း ရောက်အောင် သွားပါ။
၅။ မျှော်လင့်ချက် ထားပါ။ အိမ်မှာ တွေ့ရခဲတာနဲ့ပဲ၊ အလုပ်များနေတတ်တာနဲ့ပဲ စိတ်မဝင်စားဘူးလို့ အလျင်စလို ကောက်ချက် မချပါနဲ့။ (၁ ကော. ၁၃:၄၊ ၇) ဆုံနိုင်ဖို့ ဇွဲရှိရှိ ဆက်ကြိုးစားပါ။ အချိန်ဖြုန်းရာတော့ မကျပါစေနဲ့။—၁ ကော. ၉:၂၆။
