ဗေသလလုပ်ငန်း အသက် ၃၅ နှစ်​နဲ့ အောက် မြန်မာ​နိုင်ငံသား ဖြစ်ပြီး ဗေသလ​မှာ အမှုဆောင်​လို​တဲ့ နှစ်ခြင်းခံ​ပြီးသား ကြေညာသူ​တွေဟာ သောကြာ​နေ့ နေ့ခင်းပိုင်း ဗေသလ လျှောက်ထား​သူတွေ​အတွက် အစည်းအဝေး​ကို တက်ရောက်​ဖို့ စီစဉ်​သင့်တယ်။ ကျင်းပ​မယ့်​နေရာ​နဲ့ အချိန် အတိအကျ​ကို ကြိုတင်​ကြေညာ​ပါလိမ့်မယ်။

သတင်းကောင်း ဟောပြောသူများ​အတွက် သင်တန်း တနင်္ဂနွေ​နေ့၊ နေ့ခင်းပိုင်း​မှာ​ သတင်းကောင်း ဟောပြောသူများ​အတွက် သင်တန်း လျှောက်ထား​လို​သူတွေ​အတွက် အစည်းအဝေး​ကို တက်ရောက်​ဖို့ အသက် ၂၃ နှစ်​က​နေ ၆၅ နှစ်​ကြား၊ အမှုဆောင်လုပ်ငန်း တိုးချဲ့​လို​တဲ့ ရှေ့ဆောင်​တွေကို ဖိတ်ခေါ်ပါ​တ​ယ်။ နေရာ​နဲ့ အချိန်​အတိအကျ​ကို ကြိုတင်​ကြေညာ​ပါမယ်။  လက်မလျှော့​နဲ့ ၂၀၁​၇ ယေဟောဝါသက်သေများ​ရဲ့ ခရိုင်​အစည်းအဝေး ယေဟောဝါသက်သေများ​ရဲ့ အုပ်ချုပ်ရေးအဖွဲ့​က စီစဉ်​ပါတယ်

ဧည့်ကြို​များ သင့်ကို ကူညီဖို့ ဧည့်ကြို​တွေကို တာဝန်ချ​ထားပါတယ်။ ကား​ရပ်နားခြင်း၊ အဆောက်အအုံ​အတွင်း ဝင်ထွက်​သွားလာ​ခြင်း၊ နေရာ​ဦး​ခြင်းနဲ့ တခြား​ကိစ္စတွေ​နဲ့ပတ်သက်ပြီး သူတို့ရဲ့ ညွှန်ကြား​ချက်​တွေကို လိုက်နာခြင်း​ဖြင့် အပြည့်အဝ ပူးပေါင်း​ကူညီ​ပါ။

နှစ်ခြင်း တခြား​အမှတ်အသား ဖော်ပြထားတာ​မျိုး မရှိရင် နှစ်ခြင်းခံ​မယ့်​သူများ​အတွက် နေရာတွေ​ကို စင်မြင့်​ရှေ့တန်း​မှာ သီးသန့်​သတ်မှတ်​ထားပါ​မယ်။ နှစ်ခြင်းခံ​မယ့်​သူတွေဟာ စနေနေ့​မနက် နှစ်ခြင်း​ဟောပြောချက် မတိုင်မီ သတ်မှတ်ထားတဲ့​နေရာမှာ ရောက်ရှိ​နေ​သင့်တယ်။ တ​ဘက်​တွေ ယူလာ​ပြီး ဣန္ဒြေရှိ​တဲ့ အဝတ်အစား​တွေကို ဝတ်ဆင်​လာ​သင့်တယ်။

အလှူငွေများ ယေဟောဝါနဲ့ ပို​ရင်းနှီး​လာ​စေတဲ့ ခရိုင်​အစည်းအဝေး​ကို ပျော်ရွှင်​စွာ တက်ရောက်​နိုင်အောင် နေရာ​ထိုင်​ခင်း၊ အသံချဲ့စက်​နဲ့ တခြား​ဝန်ဆောင်မှု​များစွာ​အတွက် အတော်အတန် အကုန်အကျ​ခံ စီစဉ်​ထားပါတယ်။ စေတနာအလျောက် လှူဒါန်း​တဲ့ အလှူငွေ​တွေ​က ဒီ​ကုန်ကျစရိတ်​တွေကို ကာမိ​စေပြီး ကမ္ဘာချီလုပ်ငန်း​ကိုလည်း ထောက်မပေး​တ​ယ်။ သင့်အတွက် လွယ်ကူ​စေဖို့ ထင်ထင်ရှားရှား မှတ်သား​ထားတဲ့ အလှူငွေ​သေတ္တာ​တွေကို ဒီ​အဆောက်အအုံ နေရာအနှံ့​မှာ ထားရှိ​ပါတယ်။ အလှူငွေ​အားလုံးကို အလွန်​တန်ဖိုးထားပါ​တ​ယ်။ ကမ္ဘာချီလုပ်ငန်း​ကို ရက်ရော​စွာ ထောက်ပံ့​ပေးတဲ့ သင့်​အလှူငွေ​အတွက် အုပ်ချုပ်ရေးအဖွဲ့​က ကျေးဇူးတင်ပါတယ်။

ရှေးဦး​သူနာပြု အရေးပေါ်​အတွက်သာ​ဖြစ်ကြောင်း မှတ်ထား​ပါ။

ပျောက်​တွေ့​နဲ့ စုံစမ်း​ရေး​ဌာန ကောက်​ရတဲ့​ပစ္စည်း​တွေကို ပျောက်​တွေ့​ဌာန​ကို ပို့ပေးပါ။ တစ်ခုခု​ ပျောက်ဆုံး​သွား​ရင်​လည်း ဒီ​ဌာန​ကို​သွားပြီး ပစ္စည်း​အမျိုး​အမည်​ကို ပြောပြပါ။ မိဘတွေ​နဲ့ ကွဲ​သွားပြီး မသွား​တတ် မလာ​တတ်​ဖြစ်နေ​တဲ့ ကလေးတွေကို ဒီ​ဌာန​ကို ပို့ပေး​သင့်တယ်။ ဒါပေမဲ့​ ဒီ​ဌာန​ကို ကလေးထိန်း​ဌာန​အဖြစ် သဘောထား​ဖို့ မဟုတ်ပါ။ ကိုယ့်​ကလေးကို ကိုယ်​နဲ့အတူ​ထားပြီး စောင့်ရှောက်​ပါ။

နေရာ​ထိုင်​ခင်း တခြားသူတွေကို စာနာ​ပါ။ ကိုယ်​နဲ့ တစ်ကား​တည်း​အတူ စီး​သူတွေ၊ တစ်အိမ်​တည်းမှာ အတူနေ​သူတွေ ဒါမှမဟုတ် လက်ရှိ သင်​နဲ့ ကျမ်းစာလေ့လာ​နေ​သူတွေ​အတွက်သာ ထိုင်ခုံ​ဦး​ထား​နိုင်တယ်​ဆိုတာ သတိရပါ။ ပစ္စည်း​တွေကို ကိုယ့်​အနား​တစ်ဝိုက်​က ခုံ​တွေ​ပေါ်မှာ မတ​င်​ထားပါ​နဲ့။ ဒါမှ​သာ ခုံ​တွေ လွတ်​မလွတ် တခြားသူတွေ သိမြင်​နိုင်မယ်။

စေတနာ့ဝန်ထမ်း​ဌာန ခရိုင်​အစည်းအဝေး အစီအစဉ်​နဲ့ပတ်သက်တဲ့ အလုပ်တွေ​မှာ လုပ်အားပေး​လို​ပါ​က သတင်းအချက်အလက်​နဲ့ စေတနာ့ဝန်ထမ်း​ဌာန​ကို သတင်းပို့​ပါ။