ဂျော်ဂျီယာ
လူလုပ်အတားအဆီးတွေကို မေတ္တာ ကျော်ဖြတ်
ဆာနဲ မမွေးဖွားခင်ကတည်းက ဆရာဝန်တွေက ဒီကလေး မွေးလာရင်တောင် ကျန်းမာမှာ မဟုတ်ဘူးလို့ မိဘတွေကို ပြောထားတယ်။ မွေးမွေးချင်းနေ့မှာပဲ ဆာနဲကို ခွဲစိတ်ကုသဖို့ လိုအပ်ခဲ့တယ်။ ဂျော်ဂျီယာရဲ့ အပိုင်မဟုတ်ဘူးလို့ ကြေညာထားတဲ့ အဘခါဇီယာပြည်နယ်မှာ နေထိုင်တဲ့ မိဘတွေက သွေးမပါဘဲ ခွဲစိတ်ကုသပေးမယ့် ဆရာဝန်ကို ရှာမတွေ့နိုင်ခဲ့ကြဘူး။
ဒါနဲ့ ဒေသခံ ဆေးရုံဆက်သွယ်ရေး ကော်မတီ (ဆဆက) ကို ဆက်သွယ်ခဲ့တယ်။ * ဆဆက ညီအစ်ကိုတွေက ဂျော်ဂျီယာရဲ့ မြို့တော် တဘီလီဆီမှာ ပူးပေါင်းလုပ်ဆောင်တဲ့ ဆရာဝန်ကို ချက်ချင်း ရှာတွေ့နိုင်ခဲ့လို့ စိတ်သက်သာရာရခဲ့ကြတယ်။ ဒါပေမဲ့ ဆာနဲရဲ့ မိခင်က မီးဖွားပြီးနောက် လုံးလုံး ပြန်မကျန်းမာသေးတဲ့အတွက် ခရီးမသွားနိုင်သေးဘူး။ ဒါကြောင့် ဆာနဲရဲ့ သက်သေခံ အဖွားတွေ ဆာနဲကို တဘီလီဆီမြို့မှာရှိတဲ့ ဆေးရုံကို ခေါ်သွားဖို့ ဆုံးဖြတ်ခဲ့ကြတယ်။
အနုစိတ်နိုင်လှတဲ့ ခွဲစိတ်မှု အောင်မြင်ခဲ့တယ်။ မကြာခင်မှာ အဖွားတွေ ဒီလိုရေးခဲ့တယ်– “ဆေးရုံမှာ ရက် ၂၀ ကျော် နေခဲ့ရတဲ့အချိန်အတွင်း ကျွန်မတို့ဆီကို ဂျော်ဂျီယာမှာရှိတဲ့ ညီအစ်ကို/မများစွာ လာလည်ပတ်၊ အကူအညီပေးကြပြီး ကိုယ်ချင်းစာကြောင်း ပြောကြတယ်။ ညီအစ်ကိုအသင်းအပင်း တင်ပြတဲ့ မေတ္တာအကြောင်း ဖတ်ခဲ့ဖူးပေမဲ့ အခုတော့ လက်တွေ့ခံစားခဲ့ရတယ်။”
^ စာပိုဒ်၊ 4 ဂျော်ဂျီယာမှာ ဆဆကမှာ ထမ်းဆောင်တဲ့ အကြီးအကဲတွေက သွေးမဲ့ ခွဲစိတ်ပေးဖို့ သဘောတူတဲ့ ခွဲစိတ်ဆရာဝန် ၂၅၀ ကျော်နဲ့ ဆက်သွယ်ထားတယ်။