၂၀၂၄ ခုနှစ်အတွင်း ကမ္ဘာတစ်ဝန်း နိုင်ငံအများစုမှာ ရွေးကောက်ပွဲတွေ ကျင်းပကြမယ်။ ဒါပေမဲ့ လူအများစုကတော့ နိုင်ငံရေးသမားတွေကို အယုံအကြည် ကင်းမဲ့နေပြီ။

•   ‘နိုင်ငံရေးသမားအများစုက ပြည်သူလူထုရဲ့အကျိုးထက် ကိုယ့်အကျိုးအတွက် နိုင်ငံရေးမှာ ပါကြတာ’ ဆိုပြီး အမေရိကန်နိုင်ငံသားအများစု ပြောကြတယ်။ a—ဖျူးသုတေသနစင်တာ (Pew Research Center)၊ စက်တင်ဘာ ၁၉၊ ၂၀၂၃။

 လူငယ်အများစုလည်း နိုင်ငံရေးသမားတွေကို အယုံအကြည် မရှိကြတော့ဘူး။

•   “ဆယ်ကျော်သက်တွေကို စစ်တမ်းကောက်ယူကြည့်တဲ့အခါ သူတို့က ပြဿနာရဲ့အဖြေကို ရချင်ပေမဲ့ နိုင်ငံရေးသမားတွေက ဖြေရှင်းနည်းတွေ မပေးကြဘူးလို့ ပြောပြကြတယ်။”—နယူးယောက်တိုင်းမ်၊ ဇန်နဝါရီ ၂၉၊ ၂၀၂၄။

•   “နိုင်ငံရေးသမားတွေထက် လူမှုမီဒီယာမှာ လူကြိုက်များတဲ့သူတွေကိုပဲ လူငယ်တွေ ပိုယုံကြည်ကြတယ်လို့ စစ်တမ်းတစ်ခုအရ သိရတယ်။”—ကိုရီးယားတိုင်းမ်၊ ဇန်နဝါရီ ၂၂၊ ၂၀၂၄။

 ပိုကောင်းတဲ့အနာဂတ်ရရှိဖို့ နိုင်ငံရေးသမားတွေကို ယုံကြည်ကိုးစားလို့ရပါသလား။ ဘယ်သူ့ကို ယုံကြည်နိုင်သလဲ။

 လူတစ်ယောက်ကို ယုံလို့ရမရ ဂရုတစိုက် အကဲခတ်တာ ကောင်းတယ်။ ကျမ်းစာမှာလည်း အခုလိုဆိုတယ်– “ရိုးအတဲ့သူက ပြောသမျှ ယုံတတ်တယ်။ အမြော်အမြင်ရှိသူကတော့ ခြေလှမ်းတိုင်းကို စဉ်းစားဆင်ခြင်တတ်တယ်။”—ပညာအလိမ္မာ ၁၄:၁၅။

•   ကိုယ်ရရှိတဲ့ သတင်းအချက်အလက် မှန်မမှန် သိနိုင်ဖို့ “သတင်းမှားတွေရဲ့ အန္တရာယ်ကို ကာကွယ်နိုင်ပုံ” ဆောင်းပါးကို ဖတ်ပါ။

 စိတ်ရင်းကောင်းပြီး ရိုးသားဖြောင့်မတ်တဲ့ နိုင်ငံရေးသမားတွေတောင် ဖြစ်ချင်တာမှန်သမျှ မလုပ်နိုင်ကြဘူး။ ဒါကြောင့် ကျမ်းစာမှာ အခုလို သတိပေးထားတယ်–

•   “လူတို့၏ခေါင်းဆောင်များကို မကိုးစားကြနှင့်။ အဘယ်လူသားမျှ သင်တို့ကို မကယ်တင်နိုင်။”—ဆာလံ ၁၄၆:၃၊ ခေတ်သုံးမြန်မာသမ္မာကျမ်း၊၊

 ယုံကြည်စိတ်ချရဆုံး၊ စွမ်းဆောင်နိုင်စွမ်း အပြည့်ဝဆုံး ယေရှုခရစ်ကို ခေါင်းဆောင်အဖြစ် ဘုရားသခင် ခန့်အပ်ထားတယ်လို့ ကျမ်းစာဆိုတယ်။ (လုကာ ၁:၃၂၊ ၃၃) ယေရှုဟာ ကောင်းကင်မှာ အခြေစိုက်တဲ့ ဘုရားသခင်နိုင်ငံတော်အစိုးရရဲ့ ဘုရင် ဖြစ်တယ်။—မဿဲ ၆:၁၀။

•   ယေရှုကို ဘာကြောင့် ယုံကြည်စိတ်ချနိုင်သလဲ၊ ကျွန်တော်တို့ ရင်ဆိုင်ကြုံတွေ့နေတဲ့ ပြဿနာတွေကို သူ ဘယ်လိုဖြေရှင်းပေးမလဲ။ အဖြေသိချင်ရင် “ဘုရားသခင့်နိုင်ငံတော် ဘုရင်က ဘယ်သူလဲ” နဲ့ “ဘုရားသခင့်နိုင်ငံတော်က ဘာတွေ လုပ်ဆောင်ပေးမလဲ” ဆောင်းပါးတွေကို ဖတ်ပါ။