လူငယ်တို့၊ သင်တို့ရဲ့ ယုံကြည်ခြင်းကို ခိုင်ခံ့စေကြပါ
“ယုံကြည်ခြင်းသည် . . . မမြင်ရသေးသော်လည်း အမှန်တည်ရှိသောအရာတို့၏ ထင်ရှားသောသက်သေ ဖြစ်၏။” —ဟေဗြဲ ၁၁:၁။
၁၊ ၂။ ယေဟောဝါကို ဝတ်ပြုနေတဲ့ လူငယ်တွေ ဘယ်လို တွေးမိနိုင်သလဲ။ ကျမ်းစာက ဘယ်လို အကြံပေးထားသလဲ။
ဗြိတိန်နိုင်ငံက ညီအစ်မငယ်တစ်ယောက်ကို အတန်းဖော်က “နင့်လိုတော်တဲ့လူက ဘာလို့များ ဘုရားသခင်ကို ယုံရတာလဲ” လို့မေးတယ်။ ဂျာမနီက ညီအစ်ကိုတစ်ယောက်လည်း ဒီလိုပြောတယ်– “ကျမ်းစာမှာပါတဲ့ ဖန်ဆင်းခြင်းမှတ်တမ်းကို ဒဏ္ဍာရီအဖြစ် ဆရာတွေ သဘောထားကြတယ်။ ကျောင်းသားတွေက ဆင့်ကဲအယူ ယုံတော့ သူတို့အတွက် အခွင့်အရေးပဲပေါ့။” ပြင်သစ်က ညီအစ်မငယ်တစ်ယောက်က “ကျမ်းစာကို ယုံကြည်တဲ့ ကျောင်းသူ/သားတွေ ရှိသေးလို့ ဆရာ/မတွေ အံ့သြကြတယ်” လို့ပြောတယ်။
၂ လူသားတွေကို ဘုရားသခင် ဖန်ဆင်းမှန်း အခုခေတ် လူတွေ မယုံကြည်ကြဘူး။ သင်ဟာ ယေဟောဝါကို ဝတ်ပြုနေတဲ့လူငယ် ဒါမှမဟုတ် ကိုယ်တော့်အကြောင်း လေ့လာနေတဲ့သူ ဖြစ်မယ်ဆိုရင် ဖန်ဆင်းရှင်ရှိကြောင်း ဘယ်လို သက်သေပြရမလဲလို့ တွေးမိတဲ့အခါတွေ ရှိနိုင်တယ်။ သင့်ရဲ့ ယုံကြည်ခြင်းကို ခိုင်ခံ့နေစေဖို့ လုပ်နိုင်တဲ့အရာတွေ ရှိတယ်။ တစ်ခုကတော့ ‘သင့်ကို ထိန်းသိမ်းစောင့်ရှောက်ပေး’ မယ့် ဘုရားပေး သမ္မာသတိ ဒါမှမဟုတ် စဉ်းစားဆင်ခြင်နိုင်စွမ်းကို အသုံးပြုခြင်းဖြစ်တယ်။ အဲဒါက သင့်ရဲ့ ယုံကြည်ခြင်းကို ပျက်စီးစေနိုင်တဲ့ လောကအတွေးအခေါ်တွေကနေ ကာကွယ်ပေးပါလိမ့်မယ်။—သုတ္တံ ၂:၁၀–၁၂ ကိုဖတ်ပါ။
၃။ ဒီဆောင်းပါးမှာ ဘာအကြောင်း ဆွေးနွေးကြမလဲ။
၃ ယေဟောဝါအပေါ် ခိုင်မာတဲ့ ယုံကြည်ခြင်း ရှိဖို့ဆိုရင် ကိုယ်တော့်အကြောင်း ၁ တိ. ၂:၄) ဒါကြောင့် ကျမ်းစာနဲ့ ကျမ်းစာအခြေပြုစာပေတွေ ဖတ်တဲ့အခါ ခဏရပ်ပြီး “ဆိုလိုရင်း” ကို အသေအချာ စဉ်းစားပါ။ (မ. ၁၃:၂၃) ဒီလိုလေ့လာမယ်ဆိုရင် ယေဟောဝါဟာ ဖန်ဆင်းရှင်ဖြစ်မှန်း၊ ကျမ်းစာဟာ ကိုယ်တော့်ဆီက လာတဲ့စာအုပ်ဖြစ်မှန်း အထောက်အထားများစွာ တွေ့ရှိပါလိမ့်မယ်။—ဟေဗြဲ ၁၁:၁။
ကောင်းကောင်း သိဖို့ လိုတယ်။ (ယုံကြည်ခြင်း ခိုင်ခံ့စေနိုင်ပုံ
၄။ ဆင့်ကဲအယူကို ယုံကြည်ခြင်းနဲ့ ဖန်ဆင်းခြင်းအယူကို ယုံကြည်ခြင်းမှာ ဘာဆင်တူချက် ရှိသလဲ။ ကျွန်တော်တို့အားလုံး ဘာလုပ်ရမလဲ။
၄ “ဆင့်ကဲအယူ မှန်တယ်လို့ သိပ္ပံပညာရှင်တွေ ပြောကြလို့ ငါယုံကြည်တယ်။ ဘယ်သူမှ မမြင်ဖူးတဲ့ဘုရားကို မင်း ဘာလို့ ယုံတာလဲ” လို့တစ်ယောက်ယောက် ပြောကောင်းပြောမယ်။ အဲဒီလိုပဲ လူများစွာ ယူဆကြတယ်။ ဘုရားသခင်ကို ဘယ်သူမှ မမြင်ဖူးဘူး။ တစ်ခုခု ဖန်ဆင်းနေတာကိုလည်း မမြင်ဖူးကြဘူး။ (ယော. ၁:၁၈) ဆင့်ကဲအယူကို ယုံကြည်သူတွေကော။ သူတို့လည်း မမြင်နိုင်တဲ့အရာကို ယုံကြည်နေကြတာပဲ။ သက်ရှိတစ်မျိုးကနေ နောက်တစ်မျိုး ကူးပြောင်းသွားတာကို ဘယ်သိပ္ပံပညာရှင်၊ ဘယ်လူသားတစ်ယောက်မှ မမြင်ဖူးကြဘူး။ ဥပမာ၊ မျောက်ကနေ လူဖြစ်လာတာကို ဘယ်သူမှ မမြင်ဖူးဘူး။ (ယောဘ ၃၈:၁၊ ၄) ဒါကြောင့် အထောက်အထားတွေကို ရှာဖွေပြီး သေသေချာချာ ဆန်းစစ်ရမယ်။ မှန်မှန်ကန်ကန် ဆုံးဖြတ်နိုင်ဖို့ စဉ်းစားဆင်ခြင်နိုင်စွမ်းကို အသုံးပြုရမယ်။ “ဖန်ဆင်းထားရာများကို ထောက်ရှုသဖြင့် ထာဝရတန်ခိုးတော်နှင့် ဘုရားသခင့် အဖြစ်တော်တည်းဟူသော မျက်မြင်မရသော ဘုရားသခင်၏ ဂုဏ်ရည်တော်များသည် လောကဖန်ဆင်းချိန်မှစ၍ ထင်ရှားစွာ သိမြင်ရ၏။ ထို့ကြောင့် သူတို့သည် ဆင်ခြေမပေးနိုင်ရာ” လို့ တမန်တော်ပေါလု ပြောတယ်။—ရော. ၁:၂၀။
၅။ ဖန်ဆင်းခြင်းအကြောင်း ပိုသိနိုင်ဖို့ ဘယ်ကိရိယာတွေက ကူညီပေးနိုင်သလဲ။
၅ “ဘုရားသခင်၏ တရားစကားတော်ကြောင့် စကြဝဠာရှိအရာများ တည်ရှိလာသည်ကို ယုံကြည်ခြင်းအားဖြင့် ငါတို့သိကြ၏” လို့ကျမ်းစာက ပြောတယ်။ မသိသာ၊ မထင်ရှားတဲ့အရာတွေကို သိမှတ်ရမယ်လို့ ဆိုလိုတယ်။ (ဟေဗြဲ ၁၁:၃) သိနားလည်မှု ရှိသူတွေဟာ မြင်ရကြားရသလောက်သာ မဟုတ်ဘဲ အသိဉာဏ်ကို သုံးကြတယ်။ ကျွန်တော်တို့ကို ကူညီပေးဖို့ ယေဟောဝါရဲ့ အဖွဲ့အစည်းက ရှာဖွေရေး ကိရိယာများစွာ ပြင်ဆင်ပေးထားတယ်။ အဲဒါတွေက ဖန်ဆင်းရှင်ကို ယုံကြည်ခြင်းမျက်စိနဲ့ “မြင်” ဖို့ ကူညီပေးနိုင်တယ်။ (ဟေဗြဲ ၁၁:၂၇) အဲဒီထဲမှာ အံ့ဖွယ်ဖန်ဆင်းရာများက ဘုရားသခင့် ဘုန်းတော် ထင်ရှားစေကြ ဗီဒီယို၊ သက်ရှိများသည် ဖန်ဆင်းခံရခြင်းလော နဲ့ သက်ရှိများ၏မူလအစ—မေးသင့်မေးထိုက်သော မေးခွန်းငါးခု ဘရိုရှာ၊ သင့်အား ဂရုစိုက်စောင့်ရှောက်သည့် ဖန်ဆင်းရှင်တစ်ပါး ရှိ၏လော စာအုပ်တို့ ပါတယ်။ နိုးလော့! မဂ္ဂဇင်းမှာ သိပ္ပံပညာရှင်တွေနဲ့ တခြားသူတွေ ဘုရားသခင်ကို ဘာကြောင့် ယုံကြည်လာကြတယ်ဆိုတဲ့ လူတွေ့ မေးမြန်းခန်းတွေ ပါတယ်။ “ဒါက သူ့အလိုလို ဖြစ်လာနိုင်ပါ့မလား” ဆိုတဲ့ ဆောင်းပါးတွဲတွေမှာ တိရစ္ဆာန်တွေနဲ့ တခြားအရာတွေအကြောင်း အသေးစိတ် ရှင်းပြချက်တွေ ပါဝင်ပြီး အဲဒါတွေကို သိပ္ပံပညာရှင်တွေ ဘယ်လို အတုခိုးထားသလဲဆိုတဲ့ ဥပမာတွေ ပါဝင်တယ်။
၆။ ရှာဖွေရေး ကိရိယာတွေက သင့်ကို ဘယ်လို ကူညီပေးနိုင်သလဲ။
၆ အမေရိကန်နိုင်ငံမှာ နေထိုင်တဲ့ ၁၉ နှစ်အရွယ် လူငယ်တစ်ယောက်က အထက်မှာ ဖော်ပြတဲ့ ဘရိုရှာနှစ်စောင်အကြောင်း အခုလို ပြောတယ်– “အဲဒီဘရိုရှာတွေက ကျွန်တော့်အတွက် သိပ်အဖိုးတန်တယ်။ အဲဒါတွေကို အကြိမ်ပေါင်းများစွာ လေ့လာခဲ့တယ်။” ပြင်သစ်နိုင်ငံက ညီအစ်မတစ်ယောက်လည်း အခုလို ပြောတယ်– “‘ဒါက သူ့အလိုလို ဖြစ်လာနိုင်ပါ့မလား’ ဆိုတဲ့ ဆောင်းပါးတွေကြောင့် အံ့အားသင့်မိတယ်။ အင်ဂျင်နီယာကြီးတွေက သဘာဝရဲ့ ရှုပ်ထွေးဆန်းကြယ်တဲ့ ဒီဇိုင်းတွေကို အတုခိုးနိုင်ပေမဲ့ တစ်ထပ်တည်းတူအောင် ဘယ်တော့မှ မလုပ်နိုင်ဘူးဆိုတာ ဖော်ပြထားတယ်။” တောင်အာဖရိကနိုင်ငံက ၁၅ နှစ်အရွယ် မိန်းကလေးရဲ့ မိဘတွေက “ကျွန်တော်တို့ရဲ့ သမီးလေးဟာ နိုးလော့! မှာပါတဲ့ ‘လူတွေ့မေးမြန်းခန်း’ ဆောင်းပါးတွေကို အရင်ဆုံး ဖတ်လေ့ရှိတယ်” လို့ပြောတယ်။ အဲဒီစာပေတွေက ဖန်ဆင်းရှင်ရှိကြောင်း အထောက်အထားတွေကို သိမြင်လာအောင် သင့်ကိုလည်း ကူညီပေးနိုင်တယ်။ ဒီနည်းနဲ့ မှားယွင်းတဲ့ သွန်သင်ချက်တွေကို သင် သိလာပြီး ငြင်းပယ်လာနိုင်ပါလိမ့်မယ်။ လေမုန်တိုင်းကြား ကြံ့ကြံ့ခံရပ်တည်နိုင်အောင် အမြစ်စွဲနေတဲ့ သစ်ပင်လို သင့်ယုံကြည်ခြင်း ခိုင်မာလာပါလိမ့်မယ်။—ယေ. ၁၇:၅-၈။
ကျမ်းစာအပေါ် သင့်ယုံကြည်ခြင်း
၇။ သင့်ရဲ့ စဉ်းစားဆင်ခြင်နိုင်စွမ်းကို ဘုရားသခင် ဘာကြောင့် အသုံးပြုစေချင်သလဲ။
၇ ကျမ်းစာနဲ့ပတ်သက်ပြီး မေးခွန်းတွေ ရိုးရိုးသားသား မေးတာ မှားသလား။ မမှားပါဘူး။ အမှန်တရားကို ကိုယ်တိုင် သက်သေထူဖို့ “စဉ်းစားဆင်ခြင်နိုင်စွမ်း” ကို ယေဟောဝါ အသုံးပြုစေချင်တယ်။ တခြားသူတွေ ယုံလို့ ယုံလိုက်တာမျိုး မဖြစ်စေချင်ဘူး။ ဒါကြောင့် တိကျမှန်ကန်တဲ့ အသိပညာရဖို့ သင့်ရဲ့ စဉ်းစားဆင်ခြင်နိုင်စွမ်းကို အသုံးပြုပါ။ အဲဒီအသိပညာက စစ်မှန်တဲ့ ယုံကြည်ခြင်းရဲ့ ခိုင်မာတဲ့အုတ်မြစ် ဖြစ်လာပါလိမ့်မယ်။ (ရောမ ၁၂:၁၊ ၂ နဲ့ ၁ တိမောသေ ၂:၄ တို့ကိုဖတ်ပါ။) ကျမ်းစာကို သိကျွမ်းလာနိုင်တဲ့ နည်းတစ်နည်းကတော့ ကိုယ်ပိုသိချင်တဲ့ အကြောင်းအရာတွေကို သတ်သတ်မှတ်မှတ် ရှာဖွေလေ့လာခြင်း ဖြစ်တယ်။
၈၊ ၉။ (က) ဘာအကြောင်းတွေ လေ့လာရတာကို တချို့သူတွေ နှစ်သက်ကြသလဲ။ (ခ) ဖတ်ရှုတဲ့အရာကို တွေးတောဆင်ခြင်ခြင်းကနေ တချို့ ဘယ်လို အကျိုးရရှိခဲ့ကြသလဲ။
၈ တချို့က ကျမ်းစာ ပရောဖက်ပြုချက်တွေအကြောင်း လေ့လာရတာကို ကြိုက်ကြတယ်။ ကျမ်းစာမှတ်တမ်းတွေကို သမိုင်းပညာရှင်တွေ၊ သိပ္ပံပညာရှင်တွေ၊ ရှေးဟောင်းသုတေသန ပညာရှင်တွေရဲ့ ပြောဆိုချက်နဲ့ နှိုင်းယှဉ်ချင်ကြတယ်။ ဥပမာအနေနဲ့ ကမ္ဘာဦး ၃:၁၅ ကို လေ့လာကြည့်ပါ။ အဲဒါကို ယေဟောဝါနဲ့ ကိုယ်တော့်အုပ်ချုပ်ပုံကို အာဒံနဲ့ ဧဝတို့ ပုန်ကန်ပြီးပြီးချင်းမှာ ပရောဖက်ပြုခဲ့တာပါ။ ဘုရားသခင့် အုပ်ချုပ်ပုံနည်းလမ်းဟာ အကောင်းဆုံးဖြစ်မှန်း ဘုရားနိုင်ငံတော်က ဘယ်လို သက်သေထူမယ်၊ ဆင်းရဲဒုက္ခတွေကို ဘယ်လို ဖယ်ရှားပေးမယ်ဆိုတာ နားလည်စေတဲ့ ဦးဆုံး ကျမ်းစာပရောဖက်ပြုချက် ဖြစ်တယ်။ ကမ္ဘာဦး ၃:၁၅ ကို သင်ဘယ်လို လေ့လာနိုင်သလဲ။ အဲဒီပရောဖက်ပြုချက် ဘယ်လို ပြည့်စုံမယ်ဆိုတာ အသေးစိတ် ဖော်ပြတဲ့ ကျမ်းချက်တွေကို စာရင်း လုပ်ထားနိုင်တယ်။ ကျမ်းချက်တွေ ရေးသားတဲ့အချိန်ကို လေ့လာပြီး အစဉ်လိုက် စီပါ။ ကျမ်းရေးသူတွေဟာ ခေတ်ကာလအသီးသီးမှာ အသက်ရှင်ခဲ့ကြပေမဲ့ အဲဒီပရောဖက်ပြုချက် ပိုရှင်းလင်းလာအောင် ရေးသားခဲ့ကြတယ်ဆိုတာ သင်သိလာပါလိမ့်မယ်။ ဒီနည်းနဲ့ သူတို့ကို ဘုရားသခင့် စွမ်းအားတော်က လမ်းညွှန်ပေးမှန်း သဘောပေါက်လာပါလိမ့်မယ်။—၂ ပေ. ၁:၂၁။
၉ ဂျာမနီနိုင်ငံက ညီအစ်ကိုတစ်ယောက် ဒီလိုပြောတယ်– “ကျမ်းစာတစ်အုပ်လုံးကို လူ ၄၀ လောက် ရေးသားထားတာတောင်မှ ဘုရားနိုင်ငံတော်အကြောင်း အဓိဒီဇင်ဘာ ၁၅၊ ၂၀၁၃ ကင်းမျှော်စင် ဆောင်းပါးတစ်ခုကို လေ့လာပြီး ပသခါပွဲဟာ ကမ္ဘာဦး ၃:၁၅ နဲ့ရော မေရှိယနဲ့ပါ ဘယ်လို သက်ဆိုင်မှန်း သိလာတယ်။ သူ အခုလို ရေးခဲ့တယ်– “ယေဟောဝါ ဘယ်လောက် ပညာရှိမှန်း ကျွန်မ သိလာတယ်။ အစ္စရေးတွေအတွက် သတ်မှတ်ထားတဲ့ ဒီအစီအစဉ်ဟာ ယေရှုမှာ လာပြည့်စုံဖို့ စဉ်းစားမိတာကို သိပ်အံ့သြမိတယ်။ ပရောဖက်ပြုချက်သဘောဆောင်တဲ့ ပသခါပွဲဟာ ဘယ်လောက် ထူးခြားအံ့သြဖွယ်ကောင်းမှန်း တကယ် စဉ်းစားမိတယ်။” ဒီညီအစ်မ ဘာကြောင့် အဲဒီလို ခံစားရတာလဲ။ ဖတ်ရှုတဲ့အရာကို အသေအချာ တွေးတောဆင်ခြင်ပြီး နားလည်သဘောပေါက်သွားလို့ပဲ။ ဒါက သူ့ယုံကြည်ခြင်းကို ခိုင်မာစေပြီး ယေဟောဝါနဲ့ ပိုရင်းနှီးလာစေတယ်။—မ. ၁၃:၂၃။
က ပါဝင်တယ်။ အများစုက ခေတ်ကာလအသီးသီးမှာ အသက်ရှင်သူတွေ ဖြစ်ပြီး တစ်ယောက်ကို တစ်ယောက် မသိကြဘူး။” ဩစတြေးလျ ညီအစ်မတစ်ယောက်က၁၀။ ကျမ်းရေးသူတွေရဲ့ ရိုးသားမှုက ကျမ်းစာအပေါ် ယုံကြည်စိတ်ချမှုကို ဘယ်လို ခိုင်မာစေသလဲ။
၁၀ ကျမ်းရေးသူတွေရဲ့ ရိုးသားမှုကိုလည်း စဉ်းစားကြည့်ပါ။ အမှန်အတိုင်း မကြောက်မရွံ့ ရေးသားကြတယ်။ အဲဒီခေတ် စာရေးဆရာတွေဟာ ကိုယ့်နိုင်ငံ၊ ကိုယ့်ခေါင်းဆောင်တွေအကြောင်း ကောင်းတာတွေပဲ ရေးသားလေ့ရှိကြတယ်။ ယေဟောဝါရဲ့ ပရောဖက်တွေကတော့ အစ္စရေးတွေနဲ့ ဘုရင်တွေအကြောင်း အကောင်းရော၊ အဆိုးပါ ရေးသားခဲ့ကြတယ်။ (၆ ရာ. ၁၆:၉၊ ၁၀။ ၂၄:၁၈-၂၂) ကိုယ်တိုင်နဲ့ ဘုရားသခင့် တခြားကျေးကျွန်တွေရဲ့ အမှားတွေကို ရေးသားကြတယ်။ (၂ ရာ. ၁၂:၁-၁၄။ မာ. ၁၄:၅၀) “အဲဒီလို ရိုးသားမှုမျိုး သိပ်ရှားတယ်။ အဲဒါက ကျမ်းစာဟာ ယေဟောဝါဆီက စာအုပ်ဖြစ်မှန်း ပိုယုံကြည်စိတ်ချစေတယ်” လို့ဗြိတိန်နိုင်ငံက လူငယ်တစ်ယောက် ပြောတယ်။
၁၁။ ကျမ်းစာလမ်းညွှန်ချက်တွေက ကျမ်းစာဟာ ဘုရားသခင်ဆီက ဖြစ်မှန်း ဘယ်လို ယုံကြည်စိတ်ချစေသလဲ။
၁၁ ကျမ်းစာလမ်းညွှန်ချက်တွေကနေ ရရှိတဲ့ ကောင်းကျိုးတွေကြောင့် ကျမ်းစာဟာ ဘုရားသခင်ဆီက ဖြစ်မှန်း လူများစွာ ယုံကြည်စိတ်ချလာကြတယ်။ (ဆာလံ ၁၉:၇–၁၁ ကိုဖတ်ပါ။) ဂျပန်နိုင်ငံက ညီအစ်မငယ်တစ်ယောက် ဒီလိုရေးခဲ့တယ်– “ကျမ်းစာသွန်သင်ချက်တွေအတိုင်း လိုက်လျှောက်တဲ့အခါ ကျွန်မတို့မိသားစု သိပ်ပျော်ခဲ့ရတယ်။ ငြိမ်သက်မှု၊ စည်းလုံးမှုနဲ့ မေတ္တာ ခံစားရတယ်။” ကိုယ့်ယုံကြည်ချက်တချို့ မှားမှန်းသိလာအောင် ကျမ်းစာက လူများစွာကို ကူညီပေးတယ်။ (ဆာ. ၁၁၅:၃-၈) တန်ခိုးအကြီးဆုံး ယေဟောဝါဘုရားကို ယုံကြည်အားကိုးဖို့ လမ်းညွှန်ပေးတယ်။ ကောင်းမွန်တဲ့ အနာဂတ်ကတိ ပေးထားတယ်။ တချို့ကျတော့ ဘုရား မရှိဘူးလို့ ပြောပြီး သဘာဝကို ဘုရားအဖြစ် ကိုးကွယ်ကြတယ်။ တချို့ကျတော့ ကောင်းမွန်တဲ့ အနာဂတ်ကို လူတွေ ဖန်တီးနိုင်တယ်လို့ ပြောကြတယ်။ ဒါပေမဲ့ သူတို့ရဲ့ လုပ်ဆောင်မှုတွေကို ကြည့်လိုက်ရင် ကမ္ဘာ့ပြဿနာတွေ မဖြေရှင်းနိုင်မှန်း သိရတယ်။—ဆာ. ၁၄၆:၃၊ ၄။
တခြားသူတွေနဲ့ ကျိုးကြောင်းဆင်ခြင်ခြင်း
၁၂၊ ၁၃။ ဖန်ဆင်းခြင်းအကြောင်း၊ ကျမ်းစာအကြောင်း တခြားသူတွေနဲ့ ဘယ်လို ထိထိရောက်ရောက် ဆွေးနွေးနိုင်သလဲ။
၁၂ ဖန်ဆင်းခြင်းနဲ့ ကျမ်းစာအကြောင်း တခြားသူတွေနဲ့ ဘယ်လို ထိထိရောက်ရောက် ကျိုးကြောင်းဆင်ခြင်နိုင်သလဲ။ ဆင့်ကဲအယူကို ယုံကြည်သူတချို့ဟာ ဘုရားသခင် တည်ရှိမှန်းကိုလည်း ယုံကြည်ကြတယ်ဆိုတာ သတိရပါ။ သက်ရှိအားလုံးကို ဆင့်ကဲနည်းနဲ့ ဖန်ဆင်းခဲ့တယ်လို့ ဆိုကြတယ်။ တချို့ကျတော့လည်း ဆင့်ကဲအယူကို ကျောင်းမှာ သင်ပေးတာ မှန်လို့ပဲ ဖြစ်ရမယ်လို့ ယူဆကြတယ်။ တချို့ကျတော့ ဘာသာတရားကို စိတ်ကုန်တဲ့အတွက် ဘုရားသခင်ကို မယုံကြတော့ဘူး။ ဒါကြောင့် လူတစ်ယောက်ကို တွေ့တဲ့အခါ ဘာကို ယုံကြည်တယ်၊ ဘာကြောင့် ယုံကြည်တယ်ဆိုတာ အရင်မေးပါ။ သူပြောတာကို အသေအချာ နားထောင်ပေးပါ။ ဒါဆိုရင် သင်ပြောတာကိုလည်း နားထောင်ပေးချင်ပါလိမ့်မယ်။—တိ. ၃:၂။
၁၃ ဖန်ဆင်းရှင် ရှိတယ်လို့ ယုံကြည်တာက မိုက်မဲရာကျတယ်လို့ တစ်ယောက်ယောက် ပြောလာရင် ဘယ်လို တုံ့ပြန်မလဲ။ အသက် ဘယ်လို အစပြုတယ်ဆိုတာ ရှင်းပြပေးဖို့ လေးလေးစားစား တောင်းဆိုနိုင်တယ်။ ဆင့်ကဲနည်းနဲ့ အသက်ဖြစ်ပေါ်လာဖို့ဆိုရင် ဦးဆုံးသက်ရှိမှာ ပုံတူပွား နိုင်စွမ်း ရှိရမယ်။ “(၁) ကာကွယ်နိုင်စွမ်းရှိတဲ့ အမြှေးပါး၊ (၂) စွမ်းအင် ရရှိနိုင်စွမ်း၊ အသုံးပြုနိုင်စွမ်း၊ (၃) မျိုးရိုးဗီဇ အချက်အလက်၊ (၄) ဗီဇအချက်အလက်ကို ပုံတူပွားနိုင်စွမ်းတို့ လိုအပ်တယ်။ အရိုးရှင်းဆုံး သက်ရှိပုံစံရဲ့ ရှုပ်ထွေးဆန်းကြယ်မှုတောင်မှ အံ့သြစရာပဲ” လို့ ဓာတုဗေဒ ပညာရှင်တစ်ယောက် ပြောတယ်။
၁၄။ ဖန်ဆင်းခြင်းအကြောင်း ဆွေးနွေးတဲ့အခါ ဘယ်ရိုးရှင်းတဲ့ ဆင်ခြင်နည်းကို အသုံးပြုနိုင်သလဲ။
၁၄ ဖန်ဆင်းခြင်းအကြောင်း ဆွေးနွေးတဲ့အခါ တမန်တော်ပေါလုရဲ့ ရိုးရှင်းတဲ့ ဆင်ခြင်နည်းကို သုံးနိုင်တယ်။ “အိမ်မည်သည်ကား တစ်စုံတစ်ဦး တည်ဆောက်သောကြောင့် ဖြစ်၏။ အရာခပ်သိမ်းကို တည်ဆောက်သောသူမူကား ဘုရားသခင် ဖြစ်တော်မူ၏” လို့ သူရေးခဲ့တယ်။ (ဟေဗြဲ ၃:၄) မှန်ပါတယ်၊ အိမ်တစ်လုံးကို တစ်ယောက်ယောက်က ပုံစံဆွဲပြီး ဆောက်လုပ်ရတယ်။ အိမ်ထက် ပိုရှုပ်ထွေးတဲ့ သက်ရှိတွေကို ပုံစံဆွဲပြီး ပြုလုပ်သူ ရှိရမယ်ဆိုတာ သေချာတယ်။ ကျမ်းစာအခြေပြု စာပေတွေကိုလည်း အသုံးပြုနိုင်တယ်။ ဘုရားသခင် တည်ရှိမှန်း မယုံတဲ့ လူငယ်တစ်ယောက်ကို ညီအစ်မတစ်ယောက်က အစပိုင်းမှာ ဖော်ပြခဲ့တဲ့ ဘရိုရှာနှစ်စောင် ပေးလိုက်တယ်။ တစ်ပတ်ကြာပြီးတဲ့နောက် “ဘုရားသခင်ကို ယုံသွားပြီ” လို့ပြောတယ်။ အဲဒီလူငယ်ဟာ ကျမ်းစာ စတင်လေ့လာပြီး ညီအစ်ကိုတစ်ယောက် ဖြစ်လာတယ်။
၁၅၊ ၁၆။ ကျမ်းစာက ဘုရားသခင်ဆီက စာအုပ်ဖြစ်မှန်း မရှင်းပြခင် ဘာလုပ်သင့်သလဲ။ ဘယ်အချက်ကို အမြဲ သတိရသင့်သလဲ။
၁၅ ကျမ်းစာကို သံသယဝင်သူ တစ်ယောက်ယောက်နဲ့ ဘယ်လို ကျိုးကြောင်းဆင်ခြင်နိုင်သလဲ။ အထက်မှာ ဖော်ပြခဲ့တဲ့အတိုင်း သူဘာကို ယုံကြည်သလဲဆိုတာ အရင်မေးပါ။ သူစိတ်ဝင်စားတာကို သိအောင် လုပ်ပါ။ (သု. ၁၈:၁၃) သိပ္ပံပညာကို စိတ်ဝင်စားရင် ကျမ်းစာဟာ သိပ္ပံပညာနဲ့ ကိုက်ညီတဲ့အကြောင်း ပြောပါ။ သမိုင်းကို စိတ်ဝင်စားရင် သမိုင်းစာအုပ်တွေမှာပါတဲ့ ဖြစ်ရပ်တစ်ခုကို ထောက်ပြပြီး ကျမ်းစာမှာ နှစ်ပေါင်းများစွာ ကြိုဟောထားတယ်ဆိုပြီး ပြောပါ။ တောင်ပေါ်တရားမှာပါတဲ့ အချက်တွေလို ကျမ်းစာလမ်းညွှန်ချက်တွေကိုလည်း ပြနိုင်တယ်။
၁၆ သင့်ပန်းတိုင်ဟာ လူတွေနဲ့ ငြင်းခုံဖို့ မဟုတ်ဘဲ သူတို့ရဲ့ စိတ်ဝင်စားမှု ရရှိဖို့ဆိုတာ သတိရပါ။ ဒါကြောင့် မေးခွန်းတွေ လေးလေးစားစား မေးပြီး ကောင်းကောင်း နားထောင်ပေးပါ။ ကိုယ့်ယုံကြည်ချက်အကြောင်း အထူးသဖြင့် အသက်ကြီးသူတွေနဲ့ ပြောတဲ့အခါ ယဉ်ယဉ်ကျေးကျေး ပြောဆိုပါ။ တခြားသူတွေကို လေးစားရင် ကိုယ့်ကိုလည်း လေးစားလာပါလိမ့်မယ်။ ငယ်ရွယ်ပေမဲ့ ကိုယ့်ယုံကြည်ချက်နဲ့ပတ်သက်ပြီး အလေးအနက် ထားတာကို သူတို့ အထင်ကြီးလာလိမ့်မယ်။ တစ်ယောက်ယောက်က အငြင်းအခုံ လုပ်ချင်တယ်၊ လှောင်ပြောင်ချင်တယ်ဆိုရင် သူ့မေးခွန်းတွေကို ဖြေဖို့ မလိုဘူး။—သု. ၂၆:၄။
ကျမ်းစာ အမှန်တရားတွေကို ရှာဖွေပြီး ယုံကြည်ခြင်း ခိုင်ခံ့စေပါ
၁၇၊ ၁၈။ (က) ကျမ်းစာကို ပိုယုံကြည်လာအောင် ဘာက ကူညီပေးနိုင်သလဲ။ (ခ) နောက်ဆောင်းပါးမှာ ဘာအကြောင်း သုံးသပ်ကြမလဲ။
၁၇ ကျမ်းစာရဲ့ အဓိက သွန်သင်ချက်တွေကို သိထားပေမဲ့ ခိုင်မာတဲ့ ယုံကြည်ခြင်းရှိဖို့ အဲဒီထက်မက လိုအပ်တယ်။ ဝှက်ထားတဲ့ ရတနာကို ရှာသလို နက်နဲတဲ့ အမှန်တရားတွေကို ရှာရမယ်။ (သု. ၂:၃-၆) ယုံကြည်ခြင်း ခိုင်ခံ့စေနိုင်တဲ့ အကောင်းဆုံးနည်းကတော့ ကျမ်းစာတစ်အုပ်လုံးကို ဖတ်ရှုခြင်းပါပဲ။ တစ်နှစ်အတွင်း အပြီးဖတ်ဖို့ ကြိုးစားနိုင်တယ်။ အဲဒါက တိုက်နယ်ကြီးကြပ်မှူးတစ်ယောက်ကို လူငယ်ဘဝမှာ ယေဟောဝါနဲ့ ပိုရင်းနှီးစေခဲ့တယ်။ သူ ဒီလိုပြောတယ်– “ကျမ်းစာတစ်အုပ်လုံးကို ဖတ်ရှုခြင်းက ကျမ်းစာကို ဘုရားသခင့် စကားတော်အဖြစ် လေးမြတ်စေတယ်။ ငယ်ငယ်ကတည်းက သိခဲ့ရတဲ့ ကျမ်းစာပုံပြင်တွေ ပိုအသက်ဝင်လာတယ်။” ဖတ်ရှုတဲ့အရာကို နားလည်ဖို့ ကိုယ့်ဘာသာစကားနဲ့ ရရှိနိုင်တဲ့ ရှာဖွေရေး ကိရိယာတွေကို သုံးပါ။ သင့်မှာ ကင်းမျှော်စင် စာကြည့်တိုက် ဒီဗီဒီ၊ အွန်လိုင်း ကင်းမျှော်စင် စာကြည့်တိုက်၊ ကင်းမျှော်စင် စာပေအညွှန်း၊ ယေဟောဝါသက်သေတွေအတွက် ကျမ်းစာလေ့လာမှု လမ်းညွှန်တို့ ရှိနိုင်တယ်။
၁၈ မိဘတို့၊ သားသမီးတွေ ဘုရားရေးရာဘက် တိုးတက်လာအောင် သင်တို့ပဲ အဓိက ကူညီပေးနိုင်တယ်။ သူတို့ရဲ့ ယုံကြည်ခြင်း ခိုင်ခံ့လာအောင် ဘယ်လို ကူညီပေးနိုင်သလဲ။ နည်းလမ်းတချို့ကို နောက်ဆောင်းပါးမှာ ဆွေးနွေးပါမယ်။