လေ့လာရန် ဆောင်းပါး ၃၆
လူဖမ်းတဲ့ တံငါသည် ဖြစ်ဖို့ အသင့်ဖြစ်ပြီလား
“မစိုးရိမ်နဲ့တော့။ အခုချိန်ကစပြီး ခင်ဗျားဟာ လူကို ဖမ်းတဲ့ တံငါသည် ဖြစ်လိမ့်မယ်။”—လု. ၅:၁၀။
သီချင်း ၇၃ ရဲစွမ်းသတ္တိ ပေးပါ
အကြိုသုံးသပ်ချက် *
၁။ တံငါသည် လေးယောက်ကို ယေရှု ဘယ်လို ဖိတ်ခေါ်သလဲ။ သူတို့ ဘယ်လို တုံ့ပြန်ကြသလဲ။
တပည့်တော် ပေတရု၊ အန္ဒြေ၊ ယာကုပ်နဲ့ ယောဟန်တို့ဟာ တံငါသည်တွေ ဖြစ်တယ်။ “ကျွန်တော့်နောက်ကို လိုက်ခဲ့ပါ။ ခင်ဗျားတို့ကို လူဖမ်းတဲ့ တံငါသည်တွေ * ဖြစ်စေမယ်” လို့ ယေရှု ဖိတ်ခေါ်တာကို ကြားတဲ့အခါ သူတို့ ဘယ်လောက် အံ့ဩသွားမယ်ဆိုတာ မြင်ယောင်ကြည့်ပါ။ သူတို့ ဘယ်လို တုံ့ပြန်ကြသလဲ။ “ပိုက်ကွန်တွေကို ချက်ချင်း ထားရစ်ပြီး ယေရှုနောက်ကို လိုက်ကြတယ်” လို့ ကျမ်းစာ ပြောတယ်။ (မ. ၄:၁၈-၂၂) အဲဒီဆုံးဖြတ်ချက်က သူတို့ရဲ့ ဘဝကို ထာဝစဉ် ပြောင်းလဲသွားစေပါလိမ့်မယ်။ ငါးအစား ‘လူကို ဖမ်းတဲ့ တံငါသည်တွေ’ ဖြစ်ကြတော့မယ်။ (လု. ၅:၁၀) ဒီနေ့ခေတ်မှာလည်း အမှန်တရားကို ချစ်မြတ်နိုးတဲ့ စိတ်ရိုးဖြောင့်သူတွေကို ယေရှု အဲဒီလို ဖိတ်ခေါ်နေဆဲပဲ။ (မ. ၂၈:၁၉၊ ၂၀) လူဖမ်းတဲ့ တံငါသည် ဖြစ်ပါဆိုတဲ့ ယေရှုရဲ့ ဖိတ်ခေါ်ချက်ကို သင် လက်ခံပြီးပြီလား။
၂။ လူဖမ်းတဲ့ တံငါသည် ဖြစ်လာဖို့ဆိုတဲ့ ဆုံးဖြတ်ချက်ကို ဘာကြောင့် အလေးအနက် ထားသင့်သလဲ။ အဲဒီလို ဆုံးဖြတ်နိုင်ဖို့ ဘာက ကူညီပေးမလဲ။
၂ သင်ဟာ တိုးတက်နေတဲ့ ကျမ်းစာသင်သားတစ်ယောက် ဖြစ်ပြီး သတင်းကောင်း ကြေညာသူ ဖြစ်ချင်သလားဆိုတာ ဆုံးဖြတ်ရတော့မယ် ဆိုပါစို့။ ယေရှုရဲ့ ဖိတ်ခေါ်ချက်ကို လက်ခံဖို့ တွန့်ဆုတ်နေတယ်ဆိုရင် စိတ်ဓာတ်မကျပါနဲ့။ ဒီဆုံးဖြတ်ချက် ဘယ်လောက် အရေးကြီးမှန်း သိလို့ အဲဒီလို တွန့်ဆုတ်နေတာ ဖြစ်နိုင်တယ်။ ပေတရုနဲ့ အပေါင်းပါတွေဟာ “ချက်ချင်း” ပိုက်ကွန်ကို စွန့်ခဲ့ကြတယ်လို့ ကျမ်းစာမှာ ပြောထားတာ မှန်ပါတယ်။ ဒါပေမဲ့ သူတို့ အလျင်စလို ဆုံးဖြတ်လိုက်တာ ယော. ၁:၃၅-၄၂) သင်လည်း ယေဟောဝါနဲ့ ယေရှုအကြောင်း များစွာ သင်ယူသိရှိခဲ့ပြီး ဘုရားရေးရာဘက်မှာ ဆက်တိုးတက်ချင်နေတယ်။ ဒါပေမဲ့ ကြေညာသူ လုပ်ဖို့ အလျင်စလို ဆုံးဖြတ်ချက် မချသင့်ဘူး။ ဆုံးဖြတ်ချက် ချဖို့ ပေတရု၊ အန္ဒြေနဲ့ တခြားသူတွေကို ဘာက ကူညီပေးသလဲ။
မဟုတ်ပါဘူး။ ယေရှုကို မေရှိယအဖြစ် သိထားတာ၊ လက်ခံထားတာ ခြောက်လလောက် ရှိနေပြီ။ (၃။ ယေရှုရဲ့ ဖိတ်ခေါ်ချက်ကို လက်ခံချင်စိတ် တိုးများလာဖို့ ဘယ်အရည်အသွေးတွေက ကူညီပေးမလဲ။
၃ ယေရှုရဲ့ ဦးဆုံးတပည့်တွေမှာ စိတ်ကို စေ့ဆော်ပေးတဲ့ အကြောင်းရင်း၊ အသိပညာနဲ့ ရဲစွမ်းသတ္တိ ရှိပြီး ကိုယ့်ကိုယ်ကိုယ် ကြပ်မတ်နိုင်ကြတယ်။ လူဖမ်းတဲ့ တံငါလုပ်ငန်းမှာ ထိရောက်ဖို့ အဲဒီအရည်အသွေးတွေက သူတို့ကို ကူညီပေးတယ်။ ထိရောက်တဲ့ ဟောပြောသွန်သင်သူ ဖြစ်ဖို့ အဲဒီအရည်အသွေးတွေကို ဘယ်လို မွေးမြူနိုင်ကြောင်း ဒီဆောင်းပါးမှာ ဆွေးနွေးသွားပါမယ်။
စိတ်ကို စေ့ဆော်ပေးတဲ့ အကြောင်းရင်းကို ခိုင်မာစေပါ
ပေတရုနဲ့ တခြားသူတွေဟာ လူဖမ်းတဲ့ တံငါသည် ဖြစ်ခဲ့။ အဲဒီအရေးကြီးလုပ်ငန်းကို ဒီနေ့အချိန်အထိ ဆက်လုပ်ဆောင်နေ (စာပိုဒ် ၄-၅ ကိုကြည့်ပါ)
၄။ တံငါသည် ဖြစ်ဖို့ ပေတရုကို ဘာက စေ့ဆော်ပေးသလဲ။
၄ ပေတရုဟာ မိသားစုကို ထောက်ပံ့ပေးဖို့ ငါးဖမ်းတယ်။ ဒါပေမဲ့ အလုပ်သဘောအရပဲ မဟုတ်ဘူး။ ဝါသနာကို ပါတာ။ (ယော. ၂၁:၃၊ ၉-၁၅) လူဖမ်းတဲ့ တံငါလုပ်ငန်းကိုလည်း နှစ်သက်လာတယ်။ ယေဟောဝါရဲ့ အကူအညီကြောင့် အဲဒီလုပ်ငန်းမှာ ကျွမ်းကျင်လာတယ်။—တ. ၂:၁၄၊ ၄၁။
၅။ လုကာ ၅:၈-၁၁ အရ ပေတရု ဘာကို စိုးရိမ်နေသလဲ။ စိုးရိမ်မှုတွေကို ကျော်လွှားနိုင်ဖို့ ကျွန်တော်တို့ကို ဘာက ကူညီပေးမလဲ။
၅ ယေဟောဝါကို ချစ်လို့ ဟောပြောခြင်းလုပ်ငန်းမှာ ကျွန်တော်တို့ ပါဝင်ကြတယ်။ ဒါက ကျွန်တော်တို့ကို စေ့ဆော်ပေးတဲ့ အဓိက အကြောင်းရင်း ဖြစ်တယ်။ အရည်အချင်း မပြည့်မီဘူးဆိုတဲ့ ခံစားချက်တွေကို ကျော်လွှားဖို့ ယေဟောဝါကို ချစ်တဲ့ မေတ္တာက ကူညီပေးနိုင်တယ်။ လူဖမ်းတဲ့ တံငါသည် ဖြစ်ဖို့ ပေတရုကို ဖိတ်ခေါ်တဲ့အခါ “မစိုးရိမ်နဲ့” လို့ လုကာ ၅:၈-၁၁ ကိုဖတ်ပါ။) ယေရှုနောက် လိုက်လို့ ကြုံရမယ့်အရာတွေကို ပေတရု စိုးရိမ်နေတာ မဟုတ်ဘူး။ ငါးအများကြီး ဖမ်းမိအောင် အံ့ဖွယ်နည်းနဲ့ ယေရှု ကူညီပေးတာကို အံ့ဩနေပြီး ယေရှုနဲ့ တွဲအမှုဆောင်ရမှာကို မထိုက်တန်ဘူးလို့ ခံစားနေရတာ။ သင်ကတော့ ခရစ်တော်ရဲ့ နောက်လိုက်ဖြစ်ဖို့ လုပ်ရမယ့်အရာတွေကြောင့် စိုးရိမ်နေတာ ဖြစ်နိုင်တယ်။ ဒါဆိုရင် ယေဟောဝါ၊ ယေရှုနဲ့ လူလူချင်းကို ချစ်တဲ့ မေတ္တာ တိုးများလာအောင် လုပ်ပါ။ လူဖမ်းတဲ့ တံငါသည် ဖြစ်ပါဆိုတဲ့ ယေရှုရဲ့ ဖိတ်ခေါ်ချက်ကို လက်ခံဖို့ စေ့ဆော်ခံရပါလိမ့်မယ်။—မ. ၂၂:၃၇၊ ၃၉။ ယော. ၁၄:၁၅။
ယေရှု ပြောတယ်။ (၆။ ဟောပြောဖို့ စေ့ဆော်ပေးတဲ့ တခြား ဘယ်အကြောင်းရင်းတွေ ရှိသေးသလဲ။
၆ ဟောပြောဖို့ ကျွန်တော်တို့ကို စေ့ဆော်ပေးတဲ့ တခြား အကြောင်းရင်းတွေကိုလည်း သုံးသပ်ကြည့်ပါ။ ‘သွားပြီး တပည့် ဖြစ်လာအောင် သွန်သင်ပေးကြပါ’ ဆိုတဲ့ ယေရှုရဲ့ အမိန့်ကို ကျွန်တော်တို့ နာခံချင်ကြတယ်။ (မ. ၂၈:၁၉၊ ၂၀) ဒါ့အပြင် လူတွေဟာ “အရေခွံ ဆုတ်ပြီး ပစ်ထားခံ” ရလို့၊ နိုင်ငံတော် အမှန်တရားအကြောင်း သိဖို့ လိုအပ်လို့ ကျွန်တော်တို့ ဟောပြောနေကြတယ်။ (မ. ၉:၃၆) လူအမျိုးမျိုးကို အမှန်တရားအကြောင်း တိကျမှန်ကန်စွာ သိရှိစေဖို့၊ ကယ်တင်ခြင်း ရစေဖို့ ယေဟောဝါ အလိုရှိတယ်။—၁ တိ. ၂:၄။
၇။ ဟောပြောခြင်းလုပ်ငန်းရဲ့ အရေးကြီးမှုကို ရောမ ၁၀:၁၃-၁၅ က ဘယ်လို ဖော်ပြသလဲ။
၇ ဟောပြောခြင်းလုပ်ငန်းရဲ့ အကျိုးသက်ရောက်မှုကို စဉ်းစားလိုက်တဲ့အခါ ဒီအသက်ကယ်လုပ်ငန်းမှာ ပါဝင်ဖို့ စေ့ဆော်ခံရပါလိမ့်မယ်။ တံငါသည်တွေက ရောင်းဖို့၊ စားဖို့ ငါးဖမ်းကြတာ။ ကျွန်တော်တို့ကတော့ အသက်ကယ်ဖို့ လူတွေကို “ဖမ်း” ကြတာ။—ရောမ ၁၀:၁၃-၁၅ ကိုဖတ်ပါ။ ၁ တိ. ၄:၁၆။
အသိပညာ တိုးများစေပါ
၈-၉။ တံငါသည်တစ်ယောက် ဘာကို သိရမလဲ။ ဘာကြောင့်လဲ။
၈ ယေရှုခေတ်က အစ္စရေး တံငါသည်တွေဟာ ဘယ်ငါးအမျိုးအစားကို ဖမ်းလို့ရတယ်ဆိုတာ သိရမယ်။ (ဝတ်. ၁၁:၉-၁၂) ငါးတွေ့နိုင်မယ့် နေရာကိုလည်း သိရမယ်။ ငါးတွေဟာ အစာပေါများတဲ့ နေရာမှာ နှစ်သက်ရာ ရေအလိုက် နေတတ်ကြတယ်။ ဘယ်အချိန်မှာ ဖမ်းရမယ်ဆိုတာကိုလည်း တံငါသည်တွေ သိရမယ်။ ငါးဖမ်းဖို့ အကောင်းဆုံးအချိန်ဆိုတာ ရှိကြောင်း ပစိဖိတ်ကျွန်းမှာ နေတဲ့ ဒေသခံ ညီအစ်ကိုတစ်ယောက်ရဲ့ စကားကနေ သိရတယ်။ သူက သာသနာပြုတစ်ယောက်ကို ငါးသွားဖမ်းဖို့ ခေါ်တော့ သာသနာပြုက “မနက်ဖြန် မနက် ကိုးနာရီမှာ တွေ့ကြမယ်” လို့ ပြောတယ်။ ဒါနဲ့ ဒေသခံ ညီအစ်ကိုက “ကျွန်တော်တို့ အဆင်ပြေမယ့် အချိန် မဟုတ်ဘဲ ငါးရနိုင်မယ့် အချိန် သွားရမှာ” လို့ ပြောတယ်။
၉ အလားတူပဲ၊ ပထမရာစုက လူဖမ်းတဲ့ တံငါသည်တွေဟာ လူတွေ ရှိမယ့်နေရာကို ရှိမယ့် အချိန်မှာ သွားကြတယ်။ ဥပမာ၊ ယေရှုရဲ့ နောက်လိုက်တွေဟာ ဗိမာန်တော်၊ တရားဇရပ်၊ တစ်အိမ်ပြီးတစ်အိမ်နဲ့ ဈေးတွေမှာ ဟောပြောကြတယ်။ (တ. ၅:၄၂။ ၁၇:၁၇။ ၁၈:၄) ကျွန်တော်တို့လည်း ကိုယ့်ဒေသမှာ ရှိတဲ့ လူတွေရဲ့ အလေ့အထကို သိထားရမယ်။ ပြောင်းသာလဲသာ ရှိပြီး လူတွေကို တွေ့နိုင်မယ့် နေရာနဲ့ အချိန်မှာ ဟောရမယ်။—၁ ကော. ၉:၁၉-၂၃။
ကျွမ်းကျင်တဲ့ တံငါသည်တွေဟာ . . . ၁။ ငါးတွေ့နိုင်မယ့် အချိန်နဲ့ နေရာမှာ ဖမ်းကြ (စာပိုဒ် ၈-၉ ကိုကြည့်ပါ)
၁၀။ ယေဟောဝါရဲ့ အဖွဲ့အစည်းက ကျွန်တော်တို့အတွက် ဘယ်ကိရိယာတွေ ပြင်ဆင်ပေးထားသလဲ။
၁၀ တံငါသည်တစ်ယောက်မှာ သင့်တော်တဲ့ ပစ္စည်းကိရိယာတွေ ရှိရမယ်။ ဘယ်လို သုံးရမယ်ဆိုတာ သိရမယ်။ ကျွန်တော်တို့မှာလည်း ဟောပြောခြင်းလုပ်ငန်းအတွက် သင့်တော်တဲ့ ကိရိယာတွေ ရှိရမယ်။ ဘယ်လို သုံးရမယ်ဆိုတာ သိရမယ်။ လူဖမ်းတဲ့ တံငါသည် ဖြစ်ဖို့ တပည့်တွေကို ရှင်းလင်းတဲ့ ညွှန်ကြားချက်တွေ ယေရှု ပေးခဲ့တယ်။ ဘာတွေ ယူသွားရမယ်၊ ဘယ်မှာ ဟောရမယ်၊ ဘာပြောရမယ်ဆိုတာတွေ ညွှန်ကြားတယ်။ (မ. ၁၀:၅-၇။ လု. ၁၀:၁-၁၁) ဒီနေ့လည်း ထိရောက်တဲ့ ကိရိယာတွေ ပါဝင်တဲ့ သွန်သင်ခြင်း ကိရိယာကို ယေဟောဝါရဲ့ အဖွဲ့အစည်းက ပြင်ဆင်ပေးထားတယ်။ * အဲဒါတွေကို ဘယ်လို သုံးရမယ်ဆိုတာ လည်း သင်ပေးတယ်။ အဲဒီလေ့ကျင့်မှုက ဟောပြောခြင်းလုပ်ငန်းမှာ ကိုယ့်ကိုယ်ကိုယ် ယုံကြည်စိတ်ချမှု ရှိဖို့၊ ပိုထိရောက်ဖို့ ကူညီပေးတယ်။—၂ တိ. ၂:၁၅။
ကျွမ်းကျင်တဲ့ တံငါသည်တွေဟာ . . . ၂။ သင့်တော်တဲ့ ကိရိယာတွေ သုံးတတ်ဖို့ လေ့ကျင့်ထားကြ (စာပိုဒ် ၁၀ ကိုကြည့်ပါ)
ရဲစွမ်းသတ္တိ တိုးများစေပါ
၁၁။ လူဖမ်းတဲ့ တံငါသည်တွေ ဘာကြောင့် သတ္တိရှိဖို့ လိုသလဲ။
၁၁ တံငါသည်တွေဟာ သတ္တိရှိဖို့လည်း လိုတယ်။ တစ်ခါတလေ ပင်လယ်ပြင်မှာ မမျှော်လင့်ထားတဲ့ အခြေအနေတွေ ကြုံရနိုင်တယ်။ အချိန်မရွေး မုန်တိုင်းကျလာနိုင်တယ်။ ညဘက် ငါးဖမ်းထွက်ရတဲ့အခါတွေ ရှိနိုင်တယ်။ လူဖမ်းတဲ့ တံငါသည်တွေလည်း ရဲစွမ်းသတ္တိ ရှိဖို့ လိုအပ်တယ်။ ယေဟောဝါသက်သေပါလို့ ပြောပြီး စတင် ဟောပြောချိန်မှာ “မုန်တိုင်း” နဲ့တူတဲ့ မိသားစု ဆန့်ကျင်မှု၊ မိတ်ဆွေတွေရဲ့ လှောင်ပြောင်မှု၊ လူတွေရဲ့ ငြင်းပယ်မှု ကြုံရနိုင်တယ်။ ဒါပေမဲ့ ကျွန်တော်တို့ မအံ့ဩကြပါဘူး။ ရန်လိုသူတွေကြားထဲ စေလွှတ်မယ်လို့ နောက်လိုက်တွေကို ယေရှု ကြိုသတိပေးထားတယ်။—မ. ၁၀:၁၆။
၁၂။ ယောရှု ၁:၇-၉ အရ ရဲစွမ်းသတ္တိ တိုးများလာအောင် ဘယ်လို လုပ်ဆောင်နိုင်သလဲ။
၁၂ ရဲစွမ်းသတ္တိ တိုးများလာအောင် ဘယ်လို လုပ်နိုင်သလဲ။ ပထမ၊ ဒီလုပ်ငန်းကို ကောင်းကင်ကနေ ယေရှု ဆက်လမ်းညွှန်နေတယ်ဆိုတာ ယုံကြည်စိတ်ချပါ။ (ယော. ၁၆:၃၃။ ဗျာ. ၁၄:၁၄-၁၆) ဒုတိယ၊ သင့်ကို ဂရုစိုက်စောင့်ရှောက်မယ်ဆိုတဲ့ ယေဟောဝါရဲ့ ကတိအပေါ် ယုံကြည်ခြင်း ခိုင်မာလာအောင် လုပ်ဆောင်ပါ။ (မ. ၆:၃၂-၃၄) ယုံကြည်ခြင်း ခိုင်မာလေ ရဲစွမ်းသတ္တိ တိုးများလေပဲ။ ယေရှုနောက် လိုက်ဖို့ ပေတရုနဲ့ အပေါင်းပါတွေ အသက်မွေးလုပ်ငန်းကို စွန့်ခဲ့တာက ယုံကြည်ခြင်း ဘယ်လောက် ကြီးမားကြောင်း ပြတယ်။ သင်လည်း ယေဟောဝါသက်သေတွေနဲ့ ကျမ်းစာ စလေ့လာနေပြီ၊ အစည်းအဝေးတွေ တက်နေပြီဆိုတာ မိသားစုနဲ့ မိတ်ဆွေတွေကို အသိပေးလိုက်တာဟာ ယုံကြည်ခြင်း ဘယ်လောက် ကြီးမားတယ်ဆိုတဲ့ သက်သေပဲ။ ယေဟောဝါရဲ့ ဖြောင့်မတ်တဲ့ စံနှုန်းတွေနဲ့အညီ နေထိုင်ဖို့ အကျင့်အကြံနဲ့ ဘဝပုံစံကို အတော်ပြောင်းလဲခဲ့ရမှာ သေချာတယ်။ အဲဒီလို ပြောင်းလဲဖို့ ယုံကြည်ခြင်းနဲ့ ရဲစွမ်းသတ္တိ လိုအပ်တယ်။ ရဲစွမ်းသတ္တိ တိုးများလာအောင် လုပ်တဲ့အခါ ‘ဘုရားသခင် ယေဟောဝါဟာ သွားလေရာမှာ အတူရှိနေမယ်’ ဆိုတာ စိတ်ချနိုင်ပါတယ်။—ယောရှု ၁:၇-၉ ကိုဖတ်ပါ။
ကျွမ်းကျင်တဲ့ တံငါသည်တွေဟာ . . . ၃။ အခြေအနေ အပြောင်းအလဲတွေကြား ရဲစွမ်းသတ္တိ ရှိရှိ လုပ်ဆောင်ကြ (စာပိုဒ် ၁၁-၁၂ ကိုကြည့်ပါ)
၁၃။ ဆုတောင်းခြင်းနဲ့ တွေးတောဆင်ခြင်ခြင်းက ရဲစွမ်းသတ္တိ တိုးများလာဖို့ ဘယ်လို ကူညီပေးနိုင်သလဲ။
၁၃ ရဲစွမ်းသတ္တိ တိုးများလာအောင် ဘာလုပ်နိုင်သေးသလဲ။ ရဲစွမ်းသတ္တိ ရှိဖို့ ဆုတောင်းပါ။ (တ. ၄:၂၉၊ ၃၁) သင့်ဆုတောင်းချက်တွေကို ယေဟောဝါ အဖြေပေးပါလိမ့်မယ်။ သင့်ကို ဘယ်တော့မှ စွန့်ပစ်မှာ မဟုတ်ဘူး။ အမြဲ ထောက်မပေးမယ်။ အတိတ်တုန်းက ကျေးကျွန်တွေကို ယေဟောဝါ ကယ်တင်ခဲ့ပုံအကြောင်းလည်း တွေးတောဆင်ခြင်ပါ။ အခက်အခဲတွေကို ကျော်လွှားနိုင်ဖို့၊ ဘဝပုံစံ ပြောင်းလဲနိုင်ဖို့ သင့်ကို ဘုရား ဘယ်လို ခွန်အားပေးခဲ့တယ်၊ ကူညီပေးခဲ့တယ် ဆိုတာလည်း စဉ်းစားကြည့်ပါ။ ပင်လယ်နီကို ဖြတ်ဖို့ မိမိလူမျိုးကို ဦးဆောင်လာတဲ့ အရှင်က သင့်ကိုလည်း ခရစ်တော်ရဲ့ တပည့်ဖြစ်လာအောင် ကူညီပေးပါလိမ့်မယ်။ (ထွ. ၁၄:၁၃) “ငါ့ဘက်မှာ ယေဟောဝါ ရှိတဲ့အတွက် ဘာကိုမှ မကြောက်ဘူး။ လူက ငါ့ကို ဘာလုပ်နိုင်မှာလဲ” လို့ ပြောခဲ့တဲ့ ဆာလံဆရာလို ယုံကြည်စိတ်ချမှုမျိုး ရှိနိုင်ပါတယ်။—ဆာ. ၁၁၈:၆။
၁၄။ မာဆေးနဲ့ တိုမိုယိုရဲ့ ဖြစ်ရပ်ကနေ ဘာသိရသလဲ။
၁၄ ရဲစွမ်းသတ္တိ တိုးများလာအောင် လုပ်နိုင်တဲ့ နောက်တစ်နည်းကတော့ ပင်ကိုအရ ရှက်တတ်သူတွေကို ရဲစွမ်းသတ္တိ ရှိလာအောင် ယေဟောဝါ ဘယ်လို ကူညီပေးခဲ့တယ်ဆိုတာ လေ့လာခြင်းပါပဲ။ ညီအစ်မ မာဆေးအကြောင်း စဉ်းစားကြည့်ပါ။ ရှက်တတ်သူ ဖြစ်လို့ ကိုယ့်ယုံကြည်ချက်အကြောင်း လူကြားထဲ ဘယ်တော့မှ ထုတ်ပြောရဲမှာ မဟုတ်ဘူးလို့ ထင်ခဲ့တယ်။ သူစိမ်းတွေကို စကားပြောရမှာ တွေးလိုက်ရုံနဲ့တင် ဒီတောင်ကို ကျော်နိုင်မှာ မဟုတ်ဘူးလို့ ခံစားခဲ့တယ်။ ဒါကြောင့် ဘုရားနဲ့ လူလူချင်းကို ချစ်တဲ့ မေတ္တာ တိုးများလာအောင် အထူးကြိုးစားခဲ့တယ်။ အလွန် အရေးကြီးတဲ့အချိန်မှာ အသက်ရှင်နေရကြောင်း တွေးပြီး ဟောပြောချင်စိတ် တိုးများလာအောင် ကူညီပေးဖို့ ဆုတောင်းတယ်။ ဒီလိုနဲ့ ကြောက်စိတ်ကို ကျော်လွှားပြီး မှန်မှန်ရှေ့ဆောင်အဖြစ်တောင် အမှုဆောင်နိုင်ခဲ့တယ်။ ယေဟောဝါက ကြေညာသူအသစ်တွေကိုလည်း “ရဲစွမ်းသတ္တိ ရှိ” အောင် ကူညီပေးနိုင်တယ်။ ညီအစ်မ တိုမိုယိုအကြောင်း စဉ်းစားကြည့်ပါ။ တစ်အိမ်တက်ဆင်း စဟောချိန်မှာ ဦးဆုံးတွေ့တဲ့ အိမ်ရှင်က “ယေဟောဝါသက်သေတွေနဲ့ ငါ လုံးဝ မပတ်သက်ချင်ဘူး” လို့ အော်ပြောပြီး တံခါးကို ဆောင့်ပိတ်လိုက်တယ်။ တိုမိုယို ကြောက်သွားမယ့်အစား “တွေ့လား။ ကျွန်မ တစ်ခွန်းမှ မပြောရသေးခင်မှာတောင် ကျွန်မကို ယေဟောဝါသက်သေမှန်း သိနေပြီ။ ပျော်လိုက်တာ” လို့ တွဲဖက်ကို ပြောတယ်။ တိုမိုယိုဟာ အခု မှန်မှန်ရှေ့ဆောင် ဖြစ်နေပြီ။
ကိုယ့်ကိုယ်ကိုယ် ကြပ်မတ်ပါ
၁၅။ ကိုယ့်ကိုယ်ကိုယ် ကြပ်မတ်တယ်ဆိုတာ ဘာလဲ။ ခရစ်ယာန်တွေအတွက် ဘာကြောင့် အရေးကြီးသလဲ။
၁၅ အောင်မြင်တဲ့ တံငါသည်တွေဟာ ကိုယ့်ကိုယ်ကိုယ် ကြပ်မတ်နိုင်သူတွေ ဖြစ်တယ်။ ကိုယ့်ကိုယ်ကိုယ် ကြပ်မတ်တယ်ဆိုတာ “လုပ်သင့်လုပ်ထိုက်တာကို လုပ်ဖို့ ထိန်းချုပ်နိုင်စွမ်း ရှိတာ” ကို ဆိုလိုတယ်။ တံငါသည်တွေဟာ စောစောထဖို့၊ အလုပ် ပြီးစီးတဲ့အထိ လုပ်ဖို့၊ ရာသီဥတု မကောင်းချိန်မှာတောင် ဆက်လုပ်ဖို့ ကိုယ့်ကိုယ်ကိုယ် ကြပ်မတ်ကြရတယ်။ ကျွန်တော်တို့လည်း ခံနိုင်ရည် ရှိဖို့၊ အလုပ် ပြီးစီးတဲ့အထိ လုပ်ဖို့ ကိုယ့်ကိုယ်ကိုယ် ကြပ်မတ်ရမယ်။—မ. ၁၀:၂၂။
၁၆။ ကိုယ့်ကိုယ်ကိုယ် ကြပ်မတ်ဖို့ ဘာက ကူညီပေးနိုင်သလဲ။
၁၆ ကိုယ့်ကိုယ်ကိုယ် ကြပ်မတ်နိုင်စွမ်းဆိုတာ မွေးရာပါ အရည်အသွေး မဟုတ်ဘူး။ ကျွန်တော်တို့ဟာ ပင်ကိုသဘောအရ အလွယ်လမ်းပဲ လိုက်ချင်တတ်ကြတယ်။ ကိုယ့်ကိုယ်ကိုယ် ကြပ်မတ်နိုင်ဖို့ ချုပ်တည်းမှု ရှိရမယ်။ ကိုယ့်အတွက် ခက်ခဲတဲ့အလုပ်တွေ လုပ်ဖို့ လေ့ကျင့်ရာမှာ အကူအညီ လိုတယ်။ ဂလ. ၅:၂၂၊ ၂၃။
အဲဒီအကူအညီကို သန့်ရှင်းသော စွမ်းအားတော်ကတစ်ဆင့် ယေဟောဝါ ပေးတယ်။—၁၇။ ၁ ကောရိန္သု ၉:၂၅-၂၇ မှာ ကိုယ့်ကိုယ်ကိုယ် ကြပ်မတ်ဖို့ ကြိုးစားရတဲ့အကြောင်း တမန်တော် ပေါလု ဘယ်လို ပြောသလဲ။
၁၇ တမန်တော် ပေါလုဟာ ကိုယ့်ကိုယ်ကိုယ် ကြပ်မတ်နိုင်သူ ဖြစ်တယ်။ ဒါပေမဲ့ မှန်ရာကို လုပ်ဖို့ ကိုယ့်ကိုယ်ကိုယ် “ထိုးနှက်” ရတယ်လို့ ဝန်ခံတယ်။ (၁ ကောရိန္သု ၉:၂၅-၂၇ ကိုဖတ်ပါ။) ကိုယ့်ကိုယ်ကိုယ် ကြပ်မတ်ဖို့၊ အရာရာကို “နည်းလမ်းတကျ၊ စည်းစနစ်တကျ” လုပ်ဆောင်ကြဖို့ တခြားသူတွေကိုလည်း တိုက်တွန်းတယ်။ (၁ ကော. ၁၄:၄၀) ကျွန်တော်တို့လည်း ဟောပြောခြင်း လုပ်ငန်းမှာ ပုံမှန် ပါဝင်ခြင်းလိုမျိုး ဘုရားရေးရာ လုပ်ဆောင်မှု အလေ့အကျင့်ကောင်း ဆက်ရှိနေဖို့ ကိုယ့်ကိုယ်ကိုယ် ကြပ်မတ်ရမယ်။—တ. ၂:၄၆။
အချိန်မဆွဲပါနဲ့
၁၈။ ဘယ်အချက်ပေါ် မူတည်ပြီး ကျွန်တော်တို့ကို အောင်မြင်သူတွေလို့ ယေဟောဝါ ရှုမြင်မလဲ။
၁၈ ငါးဖမ်းသမားရဲ့ အောင်မြင်မှုကို ငါး ဘယ်လောက်များများ ဖမ်းမိတယ် ဆိုတာပေါ် မူတည်ပြီး တိုင်းတာလေ့ ရှိတယ်။ ကျွန်တော်တို့ရဲ့ အောင်မြင်မှုကတော့ ဘုရားအဖွဲ့အစည်းထဲ လူ ဘယ်လောက်များများ ခေါ်လာနိုင်သလဲ ဆိုတာပေါ် မမူတည်ဘူး။ (လု. ၈:၁၁-၁၅) ဟောပြောခြင်းနဲ့ သွန်သင်ခြင်း လုပ်ငန်းမှာ ဆက်ပါဝင်နေသရွေ့ ဘုရားနဲ့ သားတော်ကို နာခံနေတာ ဖြစ်လို့ ကျွန်တော်တို့ကို အောင်မြင်သူတွေအဖြစ် ယေဟောဝါ ရှုမြင်ပါလိမ့်မယ်။—မာ. ၁၃:၁၀။ တ. ၅:၂၈၊ ၂၉။
၁၉-၂၀။ ဟောပြောခြင်းလုပ်ငန်းမှာ အရှိန်မြှင့်ဖို့ စေ့ဆော်ပေးတဲ့ ထပ်ဆင့် အကြောင်းရင်းက ဘာလဲ။
၁၉ နိုင်ငံတချို့မှာ သတ်မှတ်ထားတဲ့ လတွေမှာပဲ ငါးဖမ်းခွင့် ရှိတယ်။ အဲဒီလိုနိုင်ငံတွေမှာ ငါးဖမ်းကာလ ကုန်ခါနီးလေ ငါးဖမ်းသမား ပိုအားစိုက်ထုတ်လေပဲ။ လူဖမ်းတဲ့ တံငါသည် ဖြစ်တဲ့ ကျွန်တော်တို့အတွက်လည်း ဒီအစီအစဉ်စနစ် အဆုံး သိပ်နီးနေပြီဆိုတဲ့ အချက်က ဟောပြောခြင်း လုပ်ငန်းမှာ အရှိန်မြှင့်ဖို့ စေ့ဆော်ပေးတဲ့ ထပ်ဆင့် အကြောင်းရင်း ဖြစ်တယ်။ ဒီအသက်ကယ် လုပ်ငန်းမှာ ပါဝင်ဖို့ အချိန် နည်းနည်းပဲ ကျန်တော့တယ်။ ဒါကြောင့် အချိန် မဆွဲပါနဲ့။ အကောင်းဆုံးအချိန်ကို စောင့်မနေပါနဲ့။—ဒေ. ၁၁:၄။
၂၀ စိတ်ကို စေ့ဆော်ပေးတဲ့ အကြောင်းရင်း ခိုင်မာအောင်၊ ကျမ်းစာ အသိပညာနဲ့ ရဲစွမ်းသတ္တိ တိုးများအောင်၊ ကိုယ့်ကိုယ်ကိုယ် ကြပ်မတ်နိုင်စွမ်း ရှိအောင် အခုကတည်းက လုပ်ဆောင်ပါ။ လူဖမ်းတဲ့ တံငါသည် ရှစ်သန်းကျော်နဲ့ ပူးပေါင်းပါ။ ယေဟောဝါ ပေးသနားတဲ့ ဝမ်းမြောက်ခြင်းကို ခံစားပါ။ (နေ. ၈:၁၀) လူဖမ်းတဲ့ တံငါလုပ်ငန်းမှာ အပြည့်အဝ ပါဝင်ဖို့၊ ပြီးစီးတဲ့အထိ လုပ်ဖို့ စိတ်ပိုင်းဖြတ်ထားပါ။ လူဖမ်းတဲ့ တံငါသည်အဖြစ် ဟောပြောခြင်းလုပ်ငန်းမှာ ဆက်ပါဝင်မယ်ဆိုတဲ့ စိတ်ပိုင်းဖြတ်ချက် ခိုင်မာအောင် လုပ်ဆောင်နိုင်တဲ့ နည်းလမ်းသုံးခုကို နောက်ဆောင်းပါးမှာ ဆွေးနွေးပါမယ်။
သီချင်း ၆၆ သတင်းကောင်း ကြေညာ
^ အပိုဒ်၊ 5 နှိမ့်ချပြီး အလုပ်ကြိုးစားတဲ့ တံငါသည်တွေကို မိမိနောက် လိုက်ဖို့ ယေရှု ဖိတ်ခေါ်တယ်။ ဒီနေ့လည်း အဲဒီလိုအရည်အသွေး ရှိသူတွေကို မိမိနောက် လိုက်ဖို့ ဖိတ်ခေါ်နေဆဲပဲ။ ဒီဆောင်းပါးမှာ ယေရှုရဲ့ ဖိတ်ခေါ်ချက်ကို လက်ခံဖို့ တွန့်ဆုတ်နေတဲ့ ကျမ်းစာသင်သားတွေ ဘာလုပ်ရမယ်ဆိုတာ ဆွေးနွေးသွားပါမယ်။
^ အပိုဒ်၊ 1 စကားလုံး ရှင်းလင်းချက်– “လူဖမ်းတဲ့ တံငါသည်” ဆိုတာ ခရစ်တော်ရဲ့ တပည့်ဖြစ်လာဖို့ တခြားသူတွေကို သတင်းကောင်း ဟောပြော၊ သွန်သင်ပေးသူအားလုံးကို ဆိုလိုတယ်။
^ အပိုဒ်၊ 10 ၂၀၁၈၊ အောက်တိုဘာလထုတ် ကင်းမျှော်စင် စာ. ၁၁-၁၆ “အမှန်တရားကို သင်ပေးပါ” ဆောင်းပါးကို ကြည့်ပါ။