၁၊ ၂။ (က) ခ​ရစ်​ယာန်​စစ်​တွေ​နဲ့ စာ​တန့်​လော​က​က လူ​တွေရဲ့ မျှော်​လင့်​ချက် ဘယ်​လို ကွာ​ခြား​သလဲ။ (ခ) ဘယ်​အရေး​ကြီး​တဲ့ မေး​ခွန်း​တွေ​ကို ဆွေး​နွေး​ကြ​မလဲ။

ခ​ရစ်​ယာန်​စစ်​တွေ​မှာ ကောင်း​မွန်​လှ​တဲ့ မျှော်​လင့်​ချက် ရှိ​ထား​ကြ​တယ်။ ဘိ​သိက်​ခံ​ဖြစ်​စေ၊ “အခြား​သိုး” ဖြစ်​စေ ကျွန်​တော်​တို့​အားလုံး​ဟာ ဘု​ရား​သခင့် မူ​လ​ရည်​ရွယ်​ချက် ပြည့်​စုံ​လာ​တာ၊ ယေဟောဝါ​ရဲ့ နာ​မည် သန့်​ရှင်း​မြင့်​မြတ်​လာ​တာ​ကို​ မြင်​ရ​ဖို့ မျှော်​လင့်​နေ​ကြ​တယ်။ (ယော. ၁၀:၁၆။ မ. ၆:၉၊ ၁၀) အဲ​ဒါ​တွေ​ဟာ အမွန်​မြတ်​ဆုံး မျှော်​လင့်​ချက်​တွေ​ပါ​ပဲ။ “ကောင်း​ကင်​သစ်” မှာ​ဖြစ်​စေ၊ “မြေကြီး​သစ်” မှာ​ဖြစ်​စေ ထာ​ဝ​ရ​အသက်​ဆု ရ​ဖို့​လည်း မျှော်​လင့်​နေ​ကြ​တယ်။ (၂ ပေ. ၃:၁၃) ဒီ​အတော​အတွင်း မိမိ​လူမျိုး​ကို ယေဟောဝါ ဘယ်​လို ဆက်​လမ်း​ပြမယ်​ဆို​တာ စောင့်​မျှော်​နေ​ကြ​တယ်။

^၂ စာ​တန့်​လော​က​က လူ​တွေ​မှာ​လည်း မျှော်​လင့်​ချက်​တွေ ရှိ​ကြ​တယ်။ ဒါ​ပေမဲ့ အဲ​ဒါ​တွေ ပြည့်​စုံ​လာ​မလား​ဆို​တာ​တော့ မသေချာ​ဘူး။ ဥပမာ၊ ထီ​ထိုး​တဲ့​သူ​များ​စွာ​ဟာ ထီ​ပေါက်​ဖို့ မျှော်​လင့်​ကြ​ပေမဲ့ ပေါက်​မပေါက်​တော့ မသေချာ​ဘူး။ စစ်​မှန်​တဲ့ ယုံ​ကြည်​ခြင်း​က​တော့ ခ​ရစ်​ယာန် မျှော်​လင့်​ချက်​ကို “စိတ်​ချ​စွာ စောင့်​မျှော်​ခြင်း” ဖြစ်​တယ်။ (ဟေဗြဲ ၁၁:၁) ဒါ​ပေမဲ့ မျှော်​လင့်​တဲ့​အရာတွေ​ကို ဘယ်​လို ပို​သေချာ​စေ​နိုင်​မလဲ​လို့ စဉ်း​စား​မိ​နိုင်​တယ်။ မျှော်​လင့်​တဲ့​အရာ​အပေါ် အခိုင်​အမာ ယုံ​ကြည်​ခြင်း​က​နေ ဘာ​အကျိုး​တွေ ရ​ရှိ​နိုင်​သလဲ။

၃။ ဘု​ရား​သခင့် ကတိ​တွေ ပြည့်​စုံ​လာ​မယ်​လို့ ဘာ​ကြောင့် ယုံ​ကြည်​သလဲ။

^၃ အပြစ်​ရှိ​တဲ့ လူ​သား​တွေ​ဟာ မွေး​က​တည်း​က ယုံ​ကြည်​ခြင်း ပါ​လာ​ကြ​တာ  မဟုတ်​သလို အလို​လို ဖြစ်​လာ​တာ​လည်း မဟုတ်​ဘူး။ ခ​ရစ်​ယာန် ယုံ​ကြည်​ခြင်း​ဆို​တာ လက်ခံ​တတ်​တဲ့ စိတ်​နှလုံး​မှာ ဘု​ရား​သခင့် သန့်​ရှင်း​သော စွမ်းအား​တော်​ရဲ့ လုပ်​ဆောင်​မှု​ကြောင့် ဖြစ်​ပေါ်​လာ​တာ​ပါ။ (ဂလ. ၅:၂၂) ယေဟောဝါ​မှာ ယုံ​ကြည်​ခြင်း ရှိ​တယ်၊ ယုံ​ကြည်​ခြင်း လို​အပ်​တယ်​လို့ ကျမ်း​စာ​မှာ မပြော​ထား​ဘူး။ ယေဟောဝါ​ဟာ တန်ခိုး​အကြီး​ဆုံး၊ ပညာ​အရှိ​ဆုံး​ဘု​ရား ဖြစ်​တဲ့​အတွက် ရည်​ရွယ်​တော်​မူ​ချက် မပြည့်​စုံ​အောင် ဘာ​က​မှ မတား​ဆီး​နိုင်​ဘူး။ ကတိ​ပေး​ထား​တဲ့ ကောင်း​ချီးတွေ ပြည့်​စုံ​လာ​မှာ သေချာ​လွန်း​တဲ့​အတွက် ပြည့်​စုံ​ပြီး​သား​လို့​ပဲ ယူ​ဆ​ထား​တယ်။ ဒါ​ကြောင့် “အမှု​ပြီး​ပြီ” လို့ ဘု​ရား ပြော​တယ်။ (ဗျာဒိတ် ၂၁:၃–၆ ကို​ဖတ်​ပါ။) ယေဟောဝါ​ဟာ ကတိ​ပြု​ထား​တဲ့​အတိုင်း အမြဲ လုပ်​ဆောင်​တဲ့ “သစ္စာ​စောင့်​သော​ဘု​ရား” ဖြစ်​တယ်။ ဒါ​ကြောင့် အနာ​ဂတ်​နဲ့​ပတ်​သက်​ပြီး ကိုယ်​တော်​ပြော​သမျှ​ကို ကျွန်​တော်​တို့ ယုံ​ကြည်​ကြ​တယ်။—တ​ရား. ၇:၉။

၄။ ခ​ရစ်​ယာန်​ခေတ် မတိုင်​ခင် သစ္စာ​ရှိ အမျိုး​သား၊ အမျိုး​သမီး​တွေ​မှာ ဘာ​မျှော်​လင့်​ချက် ရှိ​ခဲ့​ကြ​သလဲ။

^၄ ဟေဗြဲ​အခန်း​ကြီး ၁၁ မှာ ယုံ​ကြည်​ခြင်း​ရှိ​တဲ့ အမျိုး​သား၊ အမျိုး​သမီး ၁၆​ ယောက်​ရဲ့ နာ​မည်​တွေ​ကို ဖော်ပြထား​တယ်။ ကျမ်း​ရေး​သူ​က “ယုံ​ကြည်​ခြင်း​အား​ဖြင့် သက်သေခံ​တော်​မူ​ချက်​ကို ရ” ထား​တဲ့​သူ​တွေ​နဲ့ တ​ခြား​သူ​များ​စွာ​အကြောင်း ရည်​ညွှန်း​ဖော်ပြထား​တယ်။ (ဟေဗြဲ ၁၁:၃၉) စာ​တန်​ရဲ့ ပုန်​ကန်​မှု​ကို ချေ​ဖျက်​ဖို့၊ ယေဟောဝါ​ရဲ့ မူ​လ​ရည်​ရွယ်​ချက် ပြည့်​စုံ​လာ​ဖို့ “အမျိုး​အနွယ်” ကို ဘု​ရား​သခင် ပေါ်​ထွန်း​စေ​မယ်​ဆို​တာ သူတို့ “စိတ်​ချ​စွာ စောင့်​မျှော်” ခဲ့​ကြ​တယ်။ (က. ၃:၁၅) “အမျိုး​အနွယ်” ဖြစ်​တဲ့ ယေရှု​ခ​ရစ်​က ကောင်း​ကင်​အသက်​တာ​အတွက် လမ်း​မဖွင့်​ပေး​ခင်​မှာ အဲဒီ​သစ္စာ​ရှိ​သူ​တွေ သေဆုံး​သွား​ခဲ့​ကြ​တယ်။ ဒါ​ကြောင့် သူတို့ ကောင်း​ကင်​သွား​ဖို့ မမျှော်​လင့်ခဲ့​ဘူး။ ​(ဂလ. ၃:၁၆) အဲဒီ​အစား မြေကြီး​ပရ​ဒိ​သု​မှာ ထာ​ဝ​စဉ် အသက်​ရှင်​ဖို့ မျှော်​လင့်ခဲ့​ကြ​တယ်။—ဆာ. ၃၇:၁၁။ ဟေ​ရှာ. ၂၆:၁၉။ ဟော. ၁၃:၁၄။

၅၊ ၆။ အာဗြဟံ​နဲ့ မိသား​စု​ဝင်​တွေ ဘာ​ကို မျှော်​လင့်ခဲ့​ကြ​သလဲ။ ဘယ်​လို​နည်း​နဲ့ ယုံ​ကြည်​ခြင်း ခိုင်​မာ​စေ​ခဲ့​ကြ​သလဲ။ (ဆောင်း​ပါး​အစ​မှာ​ပါ​တဲ့ ရုပ်​ပုံ​ကို ကြည့်​ပါ။)

^၅ ဟေဗြဲ ၁၁:၁၃ မှာ အဲဒီ​သစ္စာ​ရှိ​သူ​တွေ​အကြောင်း အခု​လို ပြော​တယ်– “ထို​သူ​အပေါင်း​တို့​သည် ကတိ​ထား​ရာ​များ​ကို မရခဲ့​ကြ​သော်​လည်း အဝေး​မှ မြော်​မြင်​လျက်၊ ဝမ်း​သာ​စွာ ကြို​ဆို​လျက် ယုံ​ကြည်​ခြင်း​အား​ဖြင့် သေလွန်​ကြ​၏။” သူတို့​ထဲ​က တစ်​ယောက်​က​တော့ အာဗြဟံ​ပါ​ပဲ။ ကတိ​ထား​ရာ “အမျိုး​အနွယ်” ရဲ့ အုပ်​ချုပ်​မှု​အောက် အသက်​ရှင်​ဖို့ အာဗြဟံ မျှော်​လင့်ခဲ့​သလား။ “သင်​တို့​အဖ အာဗြဟံ​သည် ငါ​၏​နေ့​ရက်​ကို အလွန်​မြင်​လို​၏။ မြင်​ရ​သော​အခါ​၌​လည်း ဝမ်း​မြောက်​လေ​၏” လို့ ယေရှု အဖြေပေး​တယ်။ (ယော. ၈:၅၆) စာ​ရာ၊ ဣဇာက်၊ ယာကုပ်​နဲ့ တ​ခြား​သူ​များ​စွာ​လည်း “ဘု​ရား​သခင် တည်​ထောင်​ပြု​စု​သော” နိုင်​ငံ​တော်​ကို မျှော်​လင့်ခဲ့​ကြ​တယ်။—ဟေဗြဲ ၁၁:၈-၁၁။

^၆ အာဗြဟံ​နဲ့ မိသား​စု​ဝင်​တွေ ယုံ​ကြည်​ခြင်း​ကို ဘယ်​လို ခိုင်​မာ​စေ​ခဲ့​ကြ​သလဲ။ ယေဟောဝါ​အကြောင်း သူတို့ ဆက်​သင်​ယူ​ခဲ့​ကြ​တယ်။ ကောင်း​ကင်​တ​မန်​တွေ၊ စိတ်​အာ​ရုံ​တွေ၊ အိပ်​မက်​တွေ​က​တစ်ဆင့် ဘု​ရား​သခင် စကား​ပြော​တဲ့​အခါ​တွေ ရှိ​တယ်။ သစ္စာ​ရှိ​တဲ့ သက်​ကြီး​ရွယ်​အို​တွေ၊ ရှေး​ခေတ်​မှတ်​တမ်း​တွေ​က​နေ​လည်း သင်​ယူ​ခဲ့​ကြ​တယ်။ ဘု​ရား​သခင့် ကတိ​တွေ​ကို မမေ့​ဘဲ တွေး​တော​ဆင်​ခြင်​ခဲ့​ကြ​တယ်။ သူတို့​ရဲ့ မျှော်​လင့်​ချက် သေချာ​လွန်း​တဲ့​အတွက် ဘု​ရား​သခင်​အပေါ် သစ္စာ​စောင့်​သိ​ဖို့ ဘယ်​အခက်​အခဲ​ကို​မဆို ခံ​ရပ်ခဲ့​ကြ​တယ်။

၇။ ယုံ​ကြည်​ခြင်း ခိုင်​မာ​စေ​ဖို့ ယေဟောဝါ ဘာ​တွေ ပြင်​ဆင်​ပေး​ထား​သလဲ။ ကျွန်​တော်​တို့ ဘာ​လုပ်​ရ​မလဲ။

^၇ ကျွန်​တော်​တို့​ရဲ့ ယုံ​ကြည်​ခြင်း​ကို ခိုင်​မာ​စေ​ဖို့ ကျမ်း​စာ​အပြည့်​အစုံ​ကို ယေဟောဝါ ပေး​ထား​တယ်။ “ပျော်​ရွှင်” ဖို့၊ “အောင်​မြင်” ဖို့ ကျမ်း​စာ ပုံ​မှန် ဖတ်​ရ​မယ်။ ဖြစ်​နိုင်​မယ်​ဆို​ရင် နေ့​တိုင်း ဖတ်​ရ​မယ်။ (ဆာ. ၁:၁-၃။ တမန်​တော် ၁၇:၁၁ ကို​ဖတ်​ပါ။) ရှေး​ခေတ် သစ္စာ​ရှိ​ကျေး​ ကျွန်​တွေ​လို​ပဲ ဘု​ရား​သခင့် ကတိ​တွေ​ကို တွေး​တော​ဆင်​ခြင်​ပြီး တောင်း​ဆို​ချက်​တွေ​ကို လိုက်​နာ​ရ​မယ်။ “သစ္စာ​နှင့် သတိ​ပညာ​ရှိ​သော​ကျွန်” က​တစ်ဆင့်​လည်း ကျမ်း​စာ​အခြေ​ပြု​အကြောင်း​အရာတွေ အလျှံ​အပယ် ပြင်​ဆင်​ပေး​ထား​တယ်။​ (မ. ၂၄:၄၅) ယေဟောဝါ ပြင်​ဆင်​ပေး​တဲ့​အရာတွေ လေ့​လာရ​တာ​ကို ပျော်​မွေ့​ခြင်း​အား​ဖြင့် နိုင်​ငံ​တော်​မျှော်​လင့်​ချက်​ကို “စိတ်​ချ​စွာ စောင့်​မျှော်” နေ​တဲ့ ရှေး​ခေတ်​သစ္စာ​ရှိ​သူ​တွေ​လို ဖြစ်​နိုင်​ပါ​လိမ့်​မယ်။

၈။ ဆုတောင်း​ခြင်း​က ယုံ​ကြည်​ခြင်း​ကို ဘယ်​လို ခိုင်​မာ​စေ​နိုင်​သလဲ။

^၈ ဆုတောင်း​ခြင်း​က​လည်း ရှေး​ခေတ်​သစ္စာ​ရှိ​သူ​တွေ​ကို ယုံ​ကြည်​ခြင်း ခိုင်​မာ​နေ​အောင် ကူညီ​ပေး​ခဲ့​တယ်။ ဆုတောင်း​ချက်​တွေ​ကို ဘု​ရား​သခင် အဖြေပေး​တဲ့​အခါ သူတို့​ရဲ့ ယုံ​ကြည်​ခြင်း ပို​ခိုင်​မာ​လာ​တယ်။ (နေ. ၁:၄၊ ၁၁။ ဆာ. ၃၄:၄၊ ၁၅၊ ၁၇။ ဒံ. ၉:၁၉-၂၁) ကျွန်​တော်​တို့​လည်း ကိုယ့်​ရဲ့ စိုး​ရိမ်​မှု​တွေ​ကို ယေဟောဝါ​ဆီ​ ရင်​ဖွင့်​ပြော​ပြနိုင်​တယ်။ ကိုယ်​တော် နား​ထောင်​ပေး​ပြီး ပျော်​ရွှင်​စွာ ခံ​ရပ်​နိုင်​ဖို့ ခွန်​အား​ပေး​ပါ​လိမ့်​မယ်။ ဆုတောင်း​ချက်​တွေ ဖြေကြား​ခံ​ရ​တဲ့​အခါ ယုံ​ကြည်​ခြင်း ပို​ခိုင်​မာ​လာ​ပါ​လိမ့်​မယ်။ (၁ ယောဟန် ၅:၁၄၊ ၁၅ ကို​ဖတ်​ပါ။) ယုံ​ကြည်​ခြင်း​ဟာ စွမ်းအား​တော်​ကြောင့် ဖြစ်​ပေါ်​လာ​တဲ့ အရည်​အသွေး​ဖြစ်​တဲ့​အတွက် ယေရှု အား​ပေး​တဲ့​အတိုင်း ဘု​ရား​သခင့် စွမ်းအား​တော်​ရ​ဖို့ “တောင်း​မြဲတောင်း” ရ​မယ်။—လု. ၁၁:၉၊ ၁၃။

၉။ ကိုယ့်​အတွက်​အပြင် ဘယ်​သူ​တွေ​အတွက်​လည်း ဆုတောင်း​ပေး​သင့်​သလဲ။

^၉ ဆုတောင်း​တဲ့​အခါ အကူ​အညီ တောင်း​ရုံ​လောက်​ပဲ မဖြစ်​သင့်​ဘူး။ “ရေ​တွက်​၍ မကုန်​နိုင်​အောင် များ​လှ” တဲ့ “အံ့​သြဖွယ်​အမှု” တွေ​အတွက် ယေဟောဝါ​ကို နေ့​တိုင်း ကျေး​ဇူး​တင် ချီး​မွမ်း​နိုင်​တယ်။ (ဆာ. ၄၀:၅) ဆုတောင်း​တဲ့​အခါ “အကျဉ်း​ခံ​နေ​ရ​သူတို့​နှင့်​အတူ အကျဉ်း​ခံ​နေ​ရ​သကဲ့​သို့ မှတ်​ယူ​လျက် သူတို့​ကို သတိ​ရ” သင့်​တယ်။ ကမ္ဘာ​ချီ ညီ​အစ်​ကို/မတွေ၊ အထူး​သဖြင့် “ဦး​ဆောင်​နေ​သော​သူ” တို့​အတွက်​လည်း ဆုတောင်း​ပေး​သင့်​တယ်။ ကျွန်​တော်​တို့​ရဲ့ ဆုတောင်း​ချက်​တွေ​ကို ယေဟောဝါ ဘယ်​လို အဖြေပေး​မှန်း သိ​ရ​တဲ့​အခါ ယုံ​ကြည်​ခြင်း ပို​ခိုင်​မာ​လာ​ပါ​လိမ့်​မယ်။—ဟေဗြဲ ၁၃:၃၊ ၇။

၁၀။ ဘု​ရား​သခင်​အပေါ် သစ္စာ​စောင့်​သိ​ခဲ့​တဲ့ ကျေး​ကျွန်​တ​ချို့​အကြောင်း ပြော​ပြပါ။ သစ္စာ​စောင့်​သိ​နိုင်​အောင် ဘာ​က ခွန်​အား​ပေး​ခဲ့​သလဲ။

^၁၀ ဟေဗြဲ အခန်း​ကြီး ၁၁ မှာ တမန်​တော် ပေါလု အခု​လို ပြော​တယ်– “အမျိုး​သမီး​များ​၏ သေဆုံး​သွား​သော ချစ်​ရ​သူ​များ ရှင်​ပြန်​ထ​မြောက်​လာ​ကြ​၏။ အချို့​သူတို့​မူ သာ​၍​မြတ်​သော ရှင်​ပြန်​ထ​မြောက်​ခြင်း​ကို ရရန် တစ်​နည်း​နည်း​ဖြင့် ရွေး​နုတ်​ခြင်း​ကို လက်မခံ​ဘဲ ညှဉ်း​ဆဲ​ခံ​ခဲ့​ကြ​၏။” (ဟေဗြဲ ၁၁:၃၅) ဘယ်​သူ​တွေ​ကို ပေါလု ရည်​ညွှန်း​နေ​မှန်း အသေအချာ မသိ​ရ​ပေမဲ့ နာဗုတ်​နဲ့ ဇာ​ခ​ရိ​တို့​လို ဘု​ရား​သခင်​ကို နာ​ခံ​လို့​ ကျောက်​ခဲ​နဲ့ ပေါက်​သတ်​ခံ​ရ​သူ​တချို့​ကို ရည်​ညွှန်း​တာ ဖြစ်​နိုင်​တယ်။ (၃ ရာ. ၂၁:၃၊ ၁၅။ ၆ ရာ. ၂၄:၂၀၊ ၂၁) ဒံယေလ​နဲ့ အဖော်​တွေ​ဟာ အလျှော့​ပေး​မယ့်​အစား အသေခံ​ဖို့ လို​လို​လား​လား ရှိ​ခဲ့​ကြ​တယ်။ ယေဟောဝါ​ကို အခိုင်​အမာ ယုံ​ကြည်​တဲ့​အတွက် “ခြ​င်္သေ့​နှုတ်​ကို ပိတ်” ပြီး “မီး​အရှိန်​ကို ငြိမ်း” နိုင်​ခဲ့​ကြ​တယ်။—ဟေဗြဲ ၁၁:၃၃၊ ၃၄။ ဒံ. ၃:၁၆-၁၈၊ ၂၀၊ ၂၈။ ၆:၁၃၊ ၁၆၊ ၂၁-၂၃။

၁၁။ ယုံ​ကြည်​ခြင်း​ကြောင့် ပရော​ဖက်​တ​ချို့ ဘယ်​လို​စမ်း​သပ်​မှု​တွေ ခံ​ရပ်ခဲ့ရ​သလဲ။

^၁၁ မိက္ခာ၊ ယေ​ရ​မိ​စ​တဲ့ ပရော​ဖက်​တွေ​ဟာ ယုံ​ကြည်​ခြင်း​ကြောင့် “ကဲ့​ရဲ့​ခြင်း၊ . . . ထောင်​ကျ​ခြင်း​တို့​ဖြင့်​လည်း စမ်း​သပ်​ခံ​ကြ​ရ” တယ်။ ဧလိယ​လို တ​ခြား​သူ​တွေ​က​တော့ “တော​ကြို​တောင်​ကြား၊ ဥ​မင်​လိုဏ်​ခေါင်း​များ​တွင် လှည့်​လည်​သွား​လာခဲ့” ကြ​ရ​တယ်။ သူတို့​အားလုံး​ဟာ “မျှော်​လင့်​သော​အရာ​များ​ကို စိတ်​ချ​စွာ စောင့်​မျှော်” ခဲ့​တဲ့​အတွက် ခံ​ရပ်​နိုင်​ခဲ့​ကြ​တယ်။—ဟေဗြဲ ၁၁:၁၊ ၃၆-၃၈။ ၃ ရာ. ၁၈:၁၃။ ၂၂:၂၄-၂၇။ ယေ. ၂၀:၁၊ ၂။ ၂၈:၁၀၊ ၁၁။ ၃၂:၂။

၁၂။ အထူး​ခြား​ဆုံး စံ​န​မူ​နာ​ကို ဘယ်​သူ ချ​မှတ်​ခဲ့​သလဲ။ စမ်း​သပ်​မှု​တွေ​ကို ခံ​ရပ်​နိုင်​ဖို့ ဘာ​က ကူညီ​ပေး​ခဲ့​သလဲ။

^၁၂ သစ္စာ​ရှိ အမျိုး​သား၊ အမျိုး​သမီး​တွေ​အကြောင်း ပြော​ပြီး​တဲ့​နောက် အထူး​ခြား​ဆုံး စံ​န​မူ​နာ​ရှင် ယေရှု​ခ​ရစ်​အကြောင်း ပေါလု ပြော​ခဲ့​တယ်။ “မိမိ​ရှေ့​၌​ရှိ​သော ဝမ်း​မြောက်​စ​ရာ​အကြောင်း​ကြောင့် အရှက်​ခွဲ​ခံ​ရ​ခြင်း​ကို ဂရု​ မစိုက်​ဘဲ ညှဉ်း​ဆဲ​ရာ​သစ်​တိုင်​တွင် အသေခံ​ပြီး​လျှင် ဘု​ရား​သခင်​၏​ပလ္လင် လက်​ယာ​တော်​ဘက်​တွင် ထိုင်​နေ​၏” လို့ ဟေဗြဲ ၁၂:၂ မှာ ဖော်ပြထား​တယ်။ အပြင်း​ထန်​ဆုံး စမ်း​သပ်​မှု​တွေ​ကို ရင်​ဆိုင်​ရ​ချိန်​မှာ ယေရှု​ရဲ့ ပုံသက်သေကို “စေ့​စေ့​ဆင်​ခြင်” သင့်​တယ်။ (ဟေဗြဲ ၁၂:၃ ကို​ဖတ်​ပါ။) တ​ပည့်​အန္တိ​ပလို ပထ​မရာ​စု ခ​ရစ်​ယာန်​တွေ​ဟာ ယေရှု​လို​ပဲ သေတဲ့​အထိ ယေဟောဝါ​အပေါ် သစ္စာ​စောင့်​သိ​ခဲ့​ကြ​တယ်။ (ဗျာ. ၂:၁၃) ရှေး​ခေတ် သစ္စာ​ရှိ​သူ​တွေ စောင့်​မျှော်​ခဲ့​တာ​ထက် “သာ​၍​မြတ်​သော ရှင်​ပြန်​ထ​မြောက်​ခြင်း” ဖြစ်​တဲ့ ကောင်း​ကင်​အသက်​တာ​ဆု​ကို ရ​ရှိ​ခဲ့​ကြ​တယ်။ (ဟေဗြဲ ၁၁:၃၅) ၁၉၁၄ ခု​နှစ်၊ နိုင်​ငံ​တော် တည်​ထောင်​ပြီး​နောက်​ပိုင်း တစ်​ချိန်​ချိန်​မှာ သေဆုံး​သွား​တဲ့ ဘိ​သိက်​ခံ ခ​ရစ်​ယာန်တွေ​ဟာ ကောင်း​ကင်​ကို ထ​မြောက်​ခဲ့​ကြ​ပြီး ယေရှု​နဲ့​အတူ လူ​သား​တွေ​ကို အုပ်​ချုပ်​ပါ​လိမ့်​မယ်။—ဗျာ. ၂၀:၄။

၁၃၊ ၁၄။ ဘယ်​လို​စမ်း​သပ်​မှု​တွေ​ကို ရူ​ဒေါ့​ဖ် ဂရိုက်​ကန် ကြုံခဲ့ရ​သလဲ။ ခံ​ရပ်​နိုင်​ဖို့ ဘာ​က ကူညီ​ပေး​ခဲ့​သလဲ။

^၁၃ ဒီ​နေ့​ခေတ် ကျေး​ကျွန်​များ​စွာ​ဟာ မျှော်​လင့်​ချက်​ကို အာ​ရုံ​စိုက်​ပြီး စမ်း​သပ်​မှု​တွေ​ကို ခံ​ရပ်​ခြင်း​အား​ဖြင့် ယေရှု​ရဲ့ ပုံသက်သေကို လိုက်​လျှောက်​နေ​ကြ​တယ်။ ၁၉၂၅ ခု​နှစ်​တုန်း​က ဂျာ​မနီ​မှာ မွေး​ဖွား​ခဲ့​တဲ့ ရူ​ဒေါ့​ဖ် ဂရိုက်​ကန်​ အကြောင်း သုံးသပ်​ကြည့်​ပါ။ အိမ်​နံ​ရံ​မှာ ချိတ်​ဆွဲ​ထား​တဲ့ ကျမ်း​စာ​ရှု​ခင်း​ပုံ​တွေ​ကို သူ​မှတ်​မိ​နေ​တုန်း​ပဲ။ “ပုံ​တစ်​ပုံ​က တော​ခွေး​နဲ့ သိုး​သငယ်၊ ကျား​သစ်​နဲ့ ဆိတ်​သငယ်၊ နွား​သငယ်​နဲ့ ခြ​င်္သေ့​သငယ်​တို့​ဟာ လူငယ်​လေး​တစ်ဦး​ရဲ့ ဦး​ဆောင်​မှု​အောက် အတူ​တ​ကွ ငြိမ်​ငြိမ်သက်​သက် ရှိ​နေ​ကြ​ပုံ​ကို သရုပ်​ဖော်​ထား​တယ်။ . . . အဲဒီ​လို​ပုံ​တွေ​က ကျွန်​တော့်ရဲ့ စိတ်​ဘဝင်​မှာ ထာ​ဝ​စဉ် စွဲ​မှတ်​သွား​စေ​တယ်” လို့ သူ​ရေးခဲ့​တယ်။ (ဟေ​ရှာ. ၁၁:၆-၉) နာ​ဇီ​ဂတ်​စ​တာ​ပို​တွေ​နဲ့ နောက်​ပိုင်း ရှ​တာ​ဇီ​လို့​ခေါ်​တဲ့ အရှေ့​ဂျာ​မနီ လျှို့​ဝှက်ရဲ​အဖွဲ့​ရဲ့ နှစ်​အတော်​ကြာ ရက်ရက်​စက်​စက် နှိပ်​စက်​မှု​တွေ​ကြား ယေဟောဝါ​အပေါ် သစ္စာ​စောင့်​သိ​ခဲ့​တယ်။ မြေကြီး​ပရ​ဒိ​သု​ကို အခိုင်​အမာ ယုံ​ကြည်​ခဲ့​တယ်။

^၁၄ တ​ခြား​စမ်း​သပ်​မှု​တွေ​ကို​လည်း သူ​ခံ​ရပ်ခဲ့ရ​တယ်။ သူ့​အမေဟာ ရာ​ဗန်​ဘ​ရွတ်​ခ် ချွေး​တပ်​စ​ခန်း​မှာ ငန်း​ဖျား​ရော​ဂါ​နဲ့ သေဆုံး​ခဲ့​တယ်။ အဖေက​လည်း ယေဟောဝါ​သက်​သေ မဟုတ်​တော့​ဘူး​လို့ လက်​မှတ် ထိုး​လိုက်​တယ်။ ရူ​ဒေါ့ဖ် ထောင်​က လွတ်​လာ​ပြီး​တဲ့​နောက် တိုက်​နယ်​ကြီး​ကြပ်​မှူး​အဖြစ် အမှု​ဆောင်​ခွင့် ရ​ရှိ​ခဲ့​ပြီး ဂိလဒ်​ကျောင်း တက်​ဖို့ ဖိတ်​ခေါ်​ခံ​ခဲ့ရ​တယ်။ ချီ​လီ​နိုင်​ငံ​မှာ သာ​သနာ​ပြု​အဖြစ် တာဝန်​ကျ​ပြီး တိုက်​နယ်​ကြီး​ကြပ်​မှူး​အဖြစ် ပြန်​အမှု​ဆောင်​ခဲ့​တယ်။ ဒါ​ပေမဲ့ ရူ​ဒေါ့​ဖ် ကြုံရ​တဲ့ စမ်း​သပ်​မှု​တွေ မပြီး​သေး​ပါ​ဘူး။ သာ​သနာ​ပြု ညီ​အစ်​မ ပက်​စီ​နဲ့ လက်​ထပ်​ပြီး တစ်​နှစ်​ကြာ​ပြီး​နောက်​မှာ သမီး​လေး သေဆုံး​သွား​တယ်။ နောက်​ပိုင်း အသက် ၄၃ နှစ်​ပဲ ရှိ​သေး​တဲ့ ဇနီး​လည်း သေဆုံး​သွား​ရှာ​တယ်။ အဲဒီ​လို​စမ်း​သပ်​မှု​တွေ ရင်​ဆိုင်​ရ​တာ​တောင် ယေဟောဝါ​ကို ဆက်​ဝတ်​ပြု​နေ​တုန်း​ပဲ။ အသက်​ကြီး​ပြီး မကျန်း​မမာ ဖြစ်​နေ​ပေမဲ့ မှန်​မှန်​ရှေ့​ဆောင်​နဲ့ အကြီး​အကဲ​အဖြစ် အမှု​ဆောင်​နေ​တုန်း​ပဲ။ သူ့​ရဲ့ ဘဝ​အတ္ထုပ္ပတ္တိ​ကို ဩဂုတ် ၁၊ ၁၉၉၇ ကင်း​မျှော်​စင် စာ​မျက်​နှာ ၂၀-၂၅ မှာ ဖတ်​နိုင်​တယ်။

၁၅။ နှိပ်​စက်​ညှဉ်း​ပန်း​မှု​တွေ​ကို ပျော်​ရွှင်​စွာ ခံ​ရပ်​နေ​တဲ့ လက်​ရှိ​ ပုံသက်သေတွေ​အကြောင်း ပြော​ပြပါ။

^၁၅ ယေဟောဝါ​သက်​သေတွေ​ဟာ ပြင်း​ထန်​တဲ့ နှိပ်​စက်​ညှဉ်း​ပန်း​မှု​တွေ​ကြား ယေဟောဝါ​ကို ပျော်​ရွှင်​စွာ ဆက်​ဝတ်​ပြု​နေ​ကြ​တယ်။ ဥပမာ၊ အဲ​ရိ​ထ​ရိ​အာ၊ စ​င်္ကာ​ပူ၊ တောင်​ကိုး​ရီး​ယား​မှာ​ရှိ​တဲ့ ညီ​အစ်​ကို/မများ​စွာ​ဟာ ထောင်​ချ​ခံ​နေ​ရ​တယ်။ အများ​အား​ဖြင့် ဓား​လက်​နက် မကိုင်​ဆောင်​ရ​ဆို​တဲ့ ယေရှု​ရဲ့ မိန့်မှာ​ချက်​ကို လိုက်​နာ​လို့​ပဲ။ (မ. ၂၆:၅၂) ထောင်​ချ​ခံ​နေ​ရ​သူ​တွေ​ထဲ​မှာ အိ​ဇက်၊ နယ်​ဂဲဒဲ၊ ပေါ်​လိုစ်​တို့​လည်း ပါ​တယ်။ အဲ​ရိ​ထ​ရိ​အာ​ထောင်​မှာ အကျဉ်း​ကျ​နေ​တာ အနှစ် ၂၀ ကျော်​ပြီ။ အဲဒီ​မှာ ဆိုး​ဆိုး​ရွားရွား ဆက်ဆံ​ခံ​ရ​တယ်။ ဒီ​နှစ်​တွေ​အတွင်း အိမ်​ထောင်​ပြု​ခွင့်၊ သက်​ကြီး​ရွယ်​အို မိ​ဘ​တွေ​ကို စောင့်​ရှောက်​ခွင့်​လည်း မရ​ကြ​ဘူး။ ဒါ​ပေမဲ့ ယေဟောဝါ​အပေါ် ဆက်​သစ္စာ​စောင့်​သိ​နေ​ကြ​တယ်။ jw.org ဝက်​ဘ်​ဆိုက်​မှာ​ပါ​တဲ့ ပြုံး​ရွှင်​နေ​တဲ့ သူတို့​ရဲ့​ပုံ​တွေ​က ယုံ​ကြည်​ခြင်း ခိုင်​မာ​နေ​တယ်​ဆို​တာ ဖော်ပြတယ်။ ထောင်​စောင့်​တွေ​က​တောင် သူတို့​ကို လေး​စား​လာ​ကြ​တယ်။

၁၆။ ခိုင်​မာ​တဲ့ ယုံ​ကြည်​ခြင်း​က သင့်​ကို ဘယ်​လို ကာ​ကွယ်​ပေး​နိုင်​သလဲ။

^၁၆ ယေဟောဝါ​သက်​သေ အများ​စု​က​တော့ ပြင်း​ထန်​တဲ့ နှိပ်​စက်​ညှဉ်း​ပန်း​မှု​တွေ မခံ​ရ​ပါ​ဘူး။ ဒါ​ပေမဲ့ မတူ​ကွဲ​ပြား​တဲ့​ ယုံ​ကြည်​ခြင်း​စပ်​သပ်​မှု​တွေ ကြုံ​နေ​ရ​တယ်။ ဆင်း​ရဲ​မွဲ​တေ​မှု၊ သဘာ​ဝ​ဘေး​နဲ့ ပြည်​တွင်း​စစ်​တွေ ကြုံရ​ကြ​တယ်။ တ​ချို့​ကျ​တော့ မော​ရှေ​နဲ့ တ​ခြား​ဘိုး​ဘေး​တွေ​လို လော​က​စည်း​စိမ်​ဥစ္စာ၊ ထင်​ပေါ်​ကျော်​ကြား​မှု​တွေ​ကို စွန့်​လွှတ်​ခဲ့​ကြ​တယ်။ ရုပ်​ပစ္စည်း​လိုက်​စား​တဲ့၊ တစ်​ကိုယ်​ကောင်း​ဆန်​တဲ့ ဘဝ​ပုံ​စံ​တွေ​ကို ငြင်း​ပယ်​ဖို့ ကြိုး​စား​တိုက်​လှန်​နေ​ကြ​တယ်။ အဲဒီ​လို​လုပ်​နိုင်​ဖို့ သူတို့​ကို ဘာ​က ကူညီ​ပေး​သလဲ။ ယေဟောဝါ​ကို ချစ်​ပြီး ကတိ​တော်​တွေ​ကို အခိုင်​အမာ ယုံ​ကြည်​ကြ​တယ်။ မတ​ရား​မှု မရှိ​တော့​မယ့် ကမ္ဘာ​သစ်​မှာ သစ္စာ​ရှိ​ကျေး​ကျွန်​တွေ​ကို ထာ​ဝ​ရ​အသက် ဆု​ချ​မယ်​ဆို​တာ သိ​ကြ​တယ်။—ဆာလံ ၃၇:၅၊ ၇၊ ၉၊ ၂၉ ကို​ဖတ်​ပါ။

၁၇။ သင် ဘာ​လုပ်​ဖို့ စိတ်​ပိုင်း​ဖြတ်​ထား​သလဲ။ နောက်​ဆောင်း​ပါး​မှာ ဘာ​အကြောင်း ဆွေး​နွေး​မလဲ။

^၁၇ ဘု​ရား​သခင့် ကတိ​တွေ​ကို တွေး​တော​ဆင်​ခြင်​ခြင်း၊ ပုံ​မှန်​ဆုတောင်း​ခြင်း​က ကျွန်​တော်​တို့​ရဲ့ ယုံ​ကြည်​ခြင်း​ကို ဘယ်​လို ခိုင်​မာ​စေ​တယ်​ဆို​တာ ဒီ​ဆောင်း​ပါး​မှာ ဆွေး​နွေးခဲ့​ကြ​တယ်။ အဲဒီ​ယုံ​ကြည်​ခြင်း​က စမ်း​သပ်​မှု​တွေ​ကို ခံ​ရပ်​နိုင်​ဖို့၊ မျှော်​လင့်​ချက်​ကို “စိတ်​ချ​စွာ စောင့်​မျှော်” ဖို့ ကူညီ​ပေး​ပါ​လိမ့်​မယ်။ ဒါ​ပေမဲ့ ယုံ​ကြည်​ခြင်း​မှာ ဒီ​ထက်​မက ပါ​ဝင်​တယ်။ အဲဒီ​အကြောင်း နောက်​ဆောင်း​ပါး​မှာ ဆွေး​နွေး​ပါ​လိမ့်​မယ်။