လေ့လာရန် ဆောင်းပါး ၂၈
ပြိုင်ဆိုင်တာကို ရှောင်ပြီး ငြိမ်သက်ခြင်း တိုးများစေပါ
“အတ္တဆန်တာ၊ အချင်းချင်း ပြိုင်ဆိုင်တာ၊ မနာလို မရှုဆိတ် ဖြစ်တာတွေကို ရှောင်ကြစို့။”—ဂလ. ၅:၂၆။
သီချင်း ၁၀၁ စည်းလုံးစွာ လုပ်ဆောင်ခြင်း
အကြိုသုံးသပ်ချက် *
၁။ အပြိုင်အဆိုင်စိတ်ဓာတ်ကြောင့် လူတွေ ဘာလုပ်ကြသလဲ။
ဒီနေ့ခေတ် လူများစွာမှာ အပြိုင်အဆိုင်စိတ်ဓာတ် ရှိကြတယ်။ စီးပွားရေးသမားတွေက ပြိုင်ဖက်တွေထက် ပိုအောင်မြင်ဖို့ ခေါင်းတုံးပေါ် ထိပ်ကွက်တတ်ကြတယ်။ အားကစားသမားတွေက အနိုင်ရဖို့ တခြားကစားသမား ဒဏ်ရာရအောင် တမင် လုပ်တတ်တယ်။ ကျောင်းသားတွေကလည်း အမှတ်ကောင်းကောင်း ရဖို့ စာမေးပွဲမှာ ခိုးချတတ်ကြတယ်။ ခရစ်ယာန်တွေကတော့ အဲဒီအကျင့်တွေ မှားမှန်း၊ “အပြစ်ရှိတဲ့အကျင့်တွေ” ဖြစ်မှန်း သိတယ်။ (ဂလ. ၅:၁၉-၂၁) ဒါပေမဲ့ အသင်းတော်မှာ မရည်ရွယ်ဘဲ အပြိုင်အဆိုင် စိတ်ဓာတ် ဝင်လာအောင် လုပ်မိနိုင်သလား။ ဒါဟာ အသင်းတော်ရဲ့ စည်းလုံးမှုကို ထိခိုက်စေနိုင်တဲ့အတွက် အရေးကြီးကိစ္စ ဖြစ်တယ်။
၂။ ဒီဆောင်းပါးမှာ ဘာအကြောင်း ဆွေးနွေးကြမလဲ။
၂ ပြိုင်ဆိုင်ချင်စိတ်ကို ဆွပေးတဲ့ သဘောထားတွေအကြောင်း ဒီဆောင်းပါးမှာ ဆွေးနွေးပါမယ်။ အပြိုင်အဆိုင်စိတ်ဓာတ် မရှိခဲ့ကြတဲ့ ရှေးသစ္စာရှိသူတွေရဲ့ ပုံသက်သေကိုလည်း သုံးသပ်ကြပါမယ်။ ဦးဆုံး၊ ကိုယ့်စိတ်ရင်းကို ဘယ်လို ဆန်းစစ်နိုင်ကြောင်း ဆွေးနွေးကြည့်ကြစို့။
ကိုယ့်စိတ်ရင်းကို ဆန်းစစ်ပါ
၃။ ကိုယ့်ကိုယ်ကိုယ် ဘယ်မေးခွန်းတွေ မေးသင့်သလဲ။
၃ ကိုယ့်စိတ်ရင်းကို မကြာမကြာ ဆန်းစစ်သင့်တယ်။ ‘တခြားသူတွေနဲ့ နှိုင်းယှဉ်မှပဲ ကိုယ့်ကိုယ်ကိုယ် ပိုတော်တယ်လို့ ခံစားရသလား။ ဘာလုပ်လုပ် အတော်ဆုံးလို့
အထင်ခံချင်စိတ်နဲ့ လုပ်တာလား။ ညီအစ်ကို/မ တစ်ယောက်ယောက်ထက် ပိုသာချင်တဲ့စိတ်နဲ့ လုပ်တာလား။ ဒါမှမဟုတ် ယေဟောဝါကို အကောင်းဆုံး ပေးဆက်ချင်စိတ်နဲ့ လုပ်တာလား’ လို့ ကိုယ့်ကိုယ်ကိုယ် မေးနိုင်တယ်။ ဘာကြောင့် မေးသင့်သလဲ။ ကျမ်းစာမှာ ဘာပြောထားကြောင်း သုံးသပ်ကြည့်ရအောင်။၄။ ဂလာတိ ၆:၃၊ ၄ အရ တခြားသူတွေနဲ့ နှိုင်းယှဉ်တာကို ဘာကြောင့် ရှောင်သင့်သလဲ။
၄ ကိုယ့်ကိုယ်ကိုယ် တခြားသူတွေနဲ့ မနှိုင်းယှဉ်ဖို့ ကျမ်းစာ ပြောထားတယ်။ (ဂလာတိ ၆:၃၊ ၄ ကို ဖတ်ပါ။) ဘာကြောင့်လဲ။ ညီအစ်ကို/မ တစ်ယောက်ယောက်ထက် ပိုသာတယ်လို့ ထင်နေရင် မာနတက်လာနိုင်ပြီး ပိုနိမ့်ကျတယ်လို့ ထင်နေရင်လည်း စိတ်ဓာတ်ကျလာနိုင်လို့ပဲ။ ဒါက ‘ကိုယ့်ကိုယ်ကိုယ် တော်သင့်ရုံ ထင်’ ရာ မရောက်ဘူး။ (ရော. ၁၂:၃) ဂရိနိုင်ငံမှာ နေတဲ့ ညီအစ်မ ကက်တရီနာ *က “ကိုယ့်ထက် ပိုလှတဲ့၊ အမှုဆောင်မှာ ပိုထိရောက်တဲ့၊ ပိုလူပေါင်းဆံ့တဲ့ တခြားသူတွေနဲ့ အမြဲ နှိုင်းယှဉ်တဲ့အတွက် ကိုယ့်ကိုယ်ကိုယ် အသုံးမကျဘူးလို့ ခံစားရတယ်” လို့ ပြောတယ်။ ကျွန်တော်တို့ ချောလှလို့၊ အပြောကောင်းလို့၊ ထင်ပေါ်ကျော်ကြားလို့ မဟုတ်ဘဲ မိမိကို ချစ်လို့၊ သားတော် စကားကို နားထောင်လို့ ယေဟောဝါ ဆွဲဆောင်ထားတယ်ဆိုတာ သတိရပါ။—ယော. ၆:၄၄။ ၁ ကော. ၁:၂၆-၃၁။
၅။ ညီအစ်ကို ဟူဝန်ရဲ့ အဖြစ်ကနေ ဘာသိရသလဲ။
၅ ကိုယ့်ကိုယ်ကိုယ် မေးသင့်တဲ့ နောက်မေးခွန်းက ‘ငါဟာ သင့်မြတ်စေသူလို့ လူသိများသလား။ ဒါမှမဟုတ် အငြင်းအခုံ လုပ်တတ်သူလို့ လူသိများသလား။’ တောင်ကိုးရီးယားမှာ နေတဲ့ အကြီးအကဲ ညီအစ်ကို ဟူဝန်အကြောင်း စဉ်းစားကြည့်ပါ။ တခြားအကြီးအကဲတွေကို ပြိုင်ဖက်အဖြစ် သဘောထားတယ်။ “အဲဒီညီအစ်ကိုတွေကို အပြစ်ရှာတယ်။ သူတို့ ပြောတာတွေကို အတိုက်အခံ လုပ်တယ်” လို့ ပြောတယ်။ ဘာရလဒ် ရသလဲ။ “ကျွန်တော့် သဘောထားကြောင့် အသင်းတော်မှာ မစည်းလုံးတော့ဘူး” လို့ ဝန်ခံတယ်။ ဟူဝန်ရဲ့ သူငယ်ချင်းတချို့က ပြဿနာကို သူ နားလည်အောင် ကူညီပေးကြတဲ့အတွက် လိုအပ်သလို ပြုပြင်ပြောင်းလဲပြီး အခုဆို သိပ်တော်တဲ့ အကြီးအကဲ ဖြစ်နေပြီ။ ကျွန်တော်တို့လည်း သင့်မြတ်အောင် လုပ်ချင်စိတ်ထက် ပြိုင်ဆိုင်ချင်စိတ် ပိုများနေတာ သတိထားမိရင် ချက်ချင်း ပြုပြင်ပြောင်းလဲရမယ်။
အတ္တစိတ်၊ မနာလိုစိတ် မဝင်ပါစေနဲ့
၆။ ဂလာတိ ၅:၂၆ အရ ဘယ်လို စိတ်တွေကြောင့် အပြိုင်အဆိုင်စိတ် ဝင်လာနိုင်သလဲ။
၆ ဂလာတိ ၅:၂၆ ကို ဖတ်ပါ။ ဘယ်လို စိတ်တွေကြောင့် အပြိုင်အဆိုင်စိတ် ဝင်လာနိုင်သလဲ။ တစ်ခုကတော့ အတ္တစိတ်ပါ။ အတ္တကြီးသူဟာ မာနကြီးတယ်။ တစ်ကိုယ်ကောင်းဆန်တယ်။ နောက်တစ်ခုကတော့ မနာလိုစိတ်ပါ။ မနာလိုစိတ် ရှိသူဟာ တခြားသူမှာ ရှိတာကို လိုချင်ရုံသာမက ရှိထားတာတွေကိုလည်း ဆုံးရှုံးသွားစေချင်တယ်။ မနာလိုစိတ်ဟာ မုန်းတီးစိတ် တစ်မျိုးပါပဲ။ အဲဒီစိတ်တွေကို ကူးစက်ရောဂါ တစ်ခုလို ဝေးဝေး ရှောင်ရမယ်။
၇။ အတ္တစိတ်၊ မနာလိုစိတ်က ဘယ်လို ထိခိုက်စေနိုင်ကြောင်း ဥပမာပေးပါ။
၇ အတ္တစိတ်၊ မနာလိုစိတ်ဟာ လေယာဉ် လောင်စာဆီထဲမှာ ပါလာတဲ့ အမှိုက်စလေးတွေနဲ့ တူတယ်။ အစမှာတော့ လေယာဉ် ပျံတက်သွားနိုင်တယ်။ ဒါပေမဲ့ အမှိုက်စလေးတွေက ဆီလမ်းကြောင်းမှာ ပိတ်ဆို့လာတဲ့အတွက် အင်ဂျင်မှာ ဆီပြတ်ပြီး လေယာဉ် ပျက်ကျနိုင်တယ်။ အဲဒီလိုပဲ လူတစ်ယောက်ဟာ ယေဟောဝါကို ဝတ်ပြုနေပေမဲ့ မာနစိတ်၊ မနာလိုစိတ် ဝင်လာရင် ထိခိုက်ပျက်စီးနိုင်တယ်။ (ပညာ. ၁၆:၁၈) ယေဟောဝါကို ဆက်ဝတ်မပြုတော့ဘဲ ကိုယ်တိုင်နဲ့ တခြားသူတွေကို ထိခိုက်နာကျင်စေမယ်။ အတ္တစိတ်၊ မနာလိုစိတ် မဝင်လာအောင် ဘယ်လို ရှောင်မလဲ။
၈။ အတ္တစိတ်ကို ဘယ်လို တိုက်ထုတ်နိုင်သလဲ။
ဖိ. ၂:၃) တခြားသူတွေကို ကိုယ့်ထက် သာတယ်လို့ သဘောထားရင် ကိုယ့်ထက် ပင်ကိုစွမ်းရည်၊ အရည်အချင်း ပိုရှိသူနဲ့ လိုက်ပြိုင်မှာ မဟုတ်ဘူး။ အဲဒီအစား သူတို့အတွက် ဝမ်းသာပေးမယ်။ အထူးသဖြင့် သူတို့ရဲ့ အရည်အချင်းတွေကို ယေဟောဝါရဲ့ အမှုတော်မှာ အသုံးပြုနေတဲ့အခါမျိုးမှာ ဖြစ်တယ်။ ပင်ကိုစွမ်းရည် ရှိတဲ့ ညီအစ်ကို/မတွေကလည်း ပေါလုရဲ့ အကြံဉာဏ်ကို လိုက်နာမယ်ဆိုရင် ကျွန်တော်တို့ရဲ့ အရည်အသွေးကောင်းတွေကို အာရုံစိုက်ပြီး တန်ဖိုးထားမယ်။ ဒါဆိုရင် အသင်းတော်မှာ ငြိမ်သက်စည်းလုံးမှု တိုးပွားလာပါလိမ့်မယ်။
၈ “ငြင်းခုံရန်တွေ့ချင်တဲ့စိတ်၊ အတ္တစိတ်နဲ့ ဘာမှ မလုပ်ကြပါနဲ့။ စိတ်နှိမ့်ချကြပါ၊ သူတစ်ပါးကို ကိုယ့်ထက် သာတယ်လို့ သဘောထားပါ” ဆိုပြီး ဖိလိပ္ပိ အသင်းတော်ကို ပြောခဲ့တဲ့ တမန်တော် ပေါလုရဲ့ စကားကို လိုက်နာမယ်ဆိုရင် အတ္တစိတ်ကို တိုက်လှန်နိုင်ပါတယ်။ (၉။ မနာလိုစိတ် မဝင်လာအောင် ဘယ်လို ထိန်းမလဲ။
၉ ကိုယ့်ကန့်သတ်ချက်တွေကို အသိအမှတ်ပြုခြင်း၊ တစ်နည်းအားဖြင့် ကျိုးနွံစိတ် ရှိခြင်းအားဖြင့် မနာလိုစိတ်ကို တားဆီးနိုင်တယ်။ ကျိုးနွံမယ်ဆိုရင် တခြားသူထက် ကိုယ် ပိုတော်၊ ပိုတတ်ကြောင်း ပြဖို့ ကြိုးစားမှာ မဟုတ်ဘူး။ အဲဒီအစား ကိုယ့်ထက် ပိုတော်သူတွေဆီကနေ သင်ယူပါလိမ့်မယ်။ ဥပမာ၊ အသင်းတော်မှာ ညီအစ်ကိုတစ်ယောက်က လူထုဟောပြောချက် ပေးတာ သိပ်တော်တယ် ဆိုပါစို့။ ဟောပြောချက် ဘယ်လို ပြင်ဆင်သလဲဆိုပြီး မေးနိုင်တယ်။ ညီအစ်မ တစ်ယောက်က အချက်အပြုတ် တော်တယ်ဆိုရင် သူ့ဆီကနေ အကြံဉာဏ် တောင်းနိုင်တယ်။ လူငယ် ညီအစ်ကိုတစ်ယောက် မိတ်ဆွေဖွဲ့ဖို့ ခက်နေတယ်ဆိုရင် မိတ်ဆွေပေါတဲ့သူဆီကနေ မိတ်ဖွဲ့နည်း တောင်းနိုင်တယ်။ အဲဒီလို လုပ်မယ်ဆိုရင် မနာလိုစိတ်ကို ရှောင်နိုင်မယ်။ ကိုယ့်အရည်အချင်းလည်း တိုးတက်လာမယ်။
ကျမ်းစာပုံနမူနာတွေကနေ သင်ယူပါ
ဂိဒေါင် နှိမ့်ချတဲ့အတွက် ဧဖရိမ် အမျိုးသားတွေနဲ့ ပြန်သင့်မြတ် (စာပိုဒ် ၁၀-၁၂ ကို ကြည့်ပါ)
၁၀။ ဂိဒေါင် ဘယ်အခက်အခဲ ကြုံခဲ့ရသလဲ။
၁၀ မနာရှေအမျိုး ဂိဒေါင်နဲ့ ဧဖရိမ် အမျိုးသားတွေအကြောင်း စဉ်းစားကြည့်ပါ။ ဂိဒေါင်နဲ့ လူ ၃၀၀ ဟာ ယေဟောဝါရဲ့ အကူအညီကြောင့် ထူးခြားတဲ့ အောင်ပွဲ ရခဲ့တယ်။ မာနတက်မယ်ဆို တက်နိုင်တယ်။ ဒါပေမဲ့ ဘုရားရန်သူတွေကို သွားတိုက်ခိုက်ချိန် အစပိုင်းမှာ ဧဖရိမ်အမျိုးသားတွေကို မခေါ်မိဘူး။ မာနထိပါးခံရတယ်လို့ ယူဆပုံရတဲ့သူကြီး. ၈:၁။
အတွက် ဧဖရိမ် အမျိုးသားတွေ ဂိဒေါင်ကို တွေ့တဲ့အခါ ချီးမွမ်းမယ့်အစား ရန်တွေ့ကြတယ်။ အမျိုးဂုဏ် ထိန်းသိမ်းဖို့ပဲ အာရုံစိုက်နေလို့ ယေဟောဝါရဲ့ နာမတော်ကို ဂုဏ်တင်ဖို့၊ လူမျိုးတော်ကို ကာကွယ်ဖို့ ဂိဒေါင် ကူညီပေးခဲ့တယ်ဆိုတဲ့ ပိုကြီးမားတဲ့ အရေးကိစ္စကို မမြင်ကြတော့ဘူး။—၁၁။ ဧဖရိမ် အမျိုးသားတွေကို ဂိဒေါင် ဘယ်လို တုံ့ပြန်ခဲ့သလဲ။
၁၁ ဂိဒေါင်က ဧဖရိမ် အမျိုးသားတွေကို “ခင်ဗျားတို့နဲ့ နှိုင်းရင် ကျွန်တော် လုပ်ခဲ့တာတွေဟာ ဘာမှ မပြောပလောက်ပါဘူး” လို့ နှိမ့်ချစွာ ပြောတယ်။ ပြီးတော့ သူတို့ကို ယေဟောဝါ ကောင်းချီးပေးခဲ့တဲ့ သတ်သတ်မှတ်မှတ် ဖြစ်ရပ်တစ်ခုကို ထောက်ပြတဲ့အခါ “စိတ်ပြေသွား” ကြတယ်။ (သူကြီး. ၈:၂၊ ၃) ဂိဒေါင်ဟာ ဘုရားလူမျိုး ငြိမ်သက်မှု ဆက်ရှိနေဖို့ မာနစိတ်ကို ဘေးချိတ်ထားခဲ့တယ်။
၁၂။ ဧဖရိမ် အမျိုးသားတွေနဲ့ ဂိဒေါင်ဆီကနေ ဘာသင်ယူရသလဲ။
၁၂ ဒီမှတ်တမ်းကနေ ဘာသင်ယူနိုင်သလဲ။ ကိုယ့်ဂုဏ်သိက္ခာ မထိခိုက်ဖို့ထက် ယေဟောဝါကို ဂုဏ်တင်ဖို့ ပိုအာရုံစိုက်သင့်ကြောင်း ဧဖရိမ် အမျိုးသားတွေဆီကနေ သင်ယူရတယ်။ အိမ်ထောင်ဦးစီးနဲ့ အကြီးအကဲတွေ ဂိဒေါင်ဆီကနေ သင်ယူနိုင်တယ်။ ကိုယ့်လုပ်ရပ်ကြောင့် တစ်ယောက်ယောက် စိတ်ဆိုးသွားရင် ကိစ္စရပ်ကို သူ့ဘက်ကနေ မြင်ဖို့ ကြိုးစားသင့်တယ်။ သူ့လုပ်ရပ်ကောင်းတွေအတွက် ချီးမွမ်းပေးနိုင်တယ်။ အထူးသဖြင့် တစ်ဖက်လူက မှားနေတာ သေချာနေတဲ့အခါမျိုးမှာ အဲဒီလို ချီးမွမ်းဖို့ဆိုရင် နှိမ့်ချမှု လိုတယ်။ ဒါပေမဲ့ ကိုယ့်မာနထက် ငြိမ်သက်မှု ရှိဖို့ ပိုအရေးကြီးတယ်။
ယေဟောဝါ ကူညီဖြေရှင်းပေးမယ်ဆိုတာ ယုံကြည်စိတ်ချတဲ့အတွက် ဟန္န စိတ်ငြိမ်သက်မှု ပြန်ရ (စာပိုဒ် ၁၃-၁၄ ကို ကြည့်ပါ)
၁၃။ ဘယ်အခက်အခဲကို ဟန္န ရင်ဆိုင်ခဲ့ရသလဲ။ ဘယ်လို ကျော်လွှားခဲ့သလဲ။
၁၃ ဟန္နရဲ့ ပုံသက်သေကိုလည်း စဉ်းစားကြည့်ပါ။ မိမိကို သိပ်ချစ်မြတ်နိုးတဲ့ လေဝိအမျိုးသား ဧလကာနနဲ့ အိမ်ထောင်ပြုထားတယ်။ ဒါပေမဲ့ ဧလကာနမှာ ပေနိန္နဆိုတဲ့ ဇနီး နောက်တစ်ယောက် ရှိတယ်။ ပေနိန္နထက် ဟန္နကို ဧလကာန ပိုချစ်တယ်။ “ပေနိန္နမှာ သားသမီး ရှိပေမဲ့ ဟန္နမှာတော့ သားသမီး မရှိဘူး။” ဒါကြောင့် ပေနိန္နက ဟန္န “စိတ်ဆင်းရဲအောင်၊ မခံချိမခံသာ ဖြစ်အောင် အမြဲ ပြောလေ့ရှိတယ်။” ဟန္န ဘယ်လို ခံစားရသလဲ။ စိတ်ဆင်းရဲလွန်းလို့ “မစားနိုင် မသောက်နိုင်ဘဲ ငိုနေရရှာတယ်။” (၁ ရှ. ၁:၂၊ ၆၊ ၇) ဒါပေမဲ့ ပေနိန္နကို ဟန္န တစ်နည်းနည်းနဲ့ လက်စားချေဖို့ ကြိုးစားတယ်ဆိုတဲ့ မှတ်တမ်း ကျမ်းစာမှာ မတွေ့ရဘူး။ အဲဒီအစား ယေဟောဝါ ကူညီဖြေရှင်းပေးမယ်ဆိုတာ ယုံကြည်စိတ်ချပြီး ရင်ဖွင့်ဆုတောင်းတယ်။ ဟန္နအပေါ် ပေနိန္န သဘောထား ပြောင်းသွားသလား။ ကျမ်းစာမှာ မဖော်ပြထားဘူး။ ဒါပေမဲ့ ဟန္န “မျက်နှာညှိုးငယ် မနေတော့ဘူး” လို့ ဖော်ပြထားတဲ့အတွက် စိတ်ငြိမ်သက်မှု ပြန်ရခဲ့တာတော့ ကျွန်တော်တို့ သိတယ်။—၁ ရှ. ၁:၁၀၊ ၁၈။
၁၄။ ဟန္နရဲ့ ပုံသက်သေကနေ ဘာသင်ယူနိုင်သလဲ။
၁၄ ဟန္နရဲ့ ပုံသက်သေကနေ ဘာသင်ယူနိုင်သလဲ။ ကိုယ့်ကို တစ်ယောက်ယောက်က တစ်နည်းနည်းနဲ့ ယှဉ်ဖို့ ကြိုးစားနေတယ်ဆိုရင် အခြေအနေကို သင် ထိန်းချုပ်ရော. ၁၂:၁၇-၂၁) သူ့ဘက်က မတုံ့ပြန်ရင်တောင် ကိုယ့်မှာ စိတ်ငြိမ်သက်မှု ရှိနေပါလိမ့်မယ်။
နိုင်ကြောင်း သတိရပါ။ သူ့ကို လိုက်မပြိုင်ပါနဲ့။ အဆိုးကို အဆိုးနဲ့ တုံ့ပြန်မယ့်အစား သူနဲ့ သင့်မြတ်ဖို့ ကြိုးစားပါ။ (လုပ်ငန်းကို ကောင်းချီးပေးသူဟာ ယေဟောဝါ ဖြစ်မှန်း အာပေါလုနဲ့ ပေါလု အသိအမှတ်ပြုတဲ့အတွက် အချင်းချင်း မပြိုင်ဆိုင်ကြ (စာပိုဒ် ၁၅-၁၈ ကို ကြည့်ပါ)
၁၅။ အာပေါလုနဲ့ ပေါလုမှာ ဘယ်ဆင်တူချက်တွေ ရှိသလဲ။
၁၅ အာပေါလုနဲ့ တမန်တော် ပေါလုဆီကနေ ဘာသင်ယူနိုင်ကြောင်း သုံးသပ်ကြည့်ပါ။ နှစ်ယောက်စလုံး ကျမ်းစာအသိပညာ ကြွယ်ဝတယ်။ လူသိများပြီး သိပ်တော်တဲ့ သွန်သင်သူတွေ ဖြစ်တယ်။ လူအများကြီးကို တပည့် ဖြစ်အောင် ကူညီပေးခဲ့တယ်။ ဒါပေမဲ့ တစ်ယောက်ကို တစ်ယောက် ပြိုင်ဖက်တွေအဖြစ် သဘောမထားကြဘူး။
၁၆။ အာပေါလုဟာ ဘယ်လို လူစားမျိုး ဖြစ်သလဲ။
၁၆ အာပေါလုဟာ ပထမရာစု ပညာရေး အချက်အချာ ကျတဲ့ ‘အလက်ဇန္ဒြီးယားမြို့က’ ဖြစ်တယ်။ အဟောအပြော ကောင်းသူ၊ “ကျမ်းစာကို နှံ့နှံ့စပ်စပ် သိတဲ့သူ” ဖြစ်တယ်။ (တ. ၁၈:၂၄) ကောရိန္သုမြို့မှာ ရှိနေတုန်း အသင်းတော်သား တချို့က ပေါလု အပါအဝင် တခြား ညီအစ်ကိုတွေထက် အာပေါလုကို ပိုကြိုက်ကြပုံရတယ်။ (၁ ကော. ၁:၁၂၊ ၁၃) အဲဒီလို သွေးကွဲအောင် လုပ်တာကို အာပေါလု လက်ခံသလား။ လက်မခံဘူး။ ကောရိန္သုမြို့ကနေ အာပေါလု ထွက်သွားပြီးနောက်ပိုင်း အဲဒီကို ပြန်သွားဖို့ ပေါလု အားပေးခဲ့တယ်။ (၁ ကော. ၁၆:၁၂) အသင်းတော် ပြိုကွဲအောင် အာပေါလု လုပ်တယ်လို့သာ ပေါလု ထင်ရင် အဲဒီလို ပြန်သွားဖို့ အားပေးမှာ မဟုတ်ဘူး။ သတင်းကောင်း ကြေညာဖို့၊ ညီအစ်ကိုတွေကို အားပေးဖို့ ကိုယ့်အစွမ်းအစကို အကောင်းဘက်ကနေ အာပေါလု သုံးခဲ့တာ သေချာတယ်။ အာပေါလုဟာ နှိမ့်ချသူလည်း ဖြစ်တယ်။ အာကုလနဲ့ ပြစ်ကိလက “ဘုရားသခင်ရဲ့ လမ်းစဉ်အကြောင်း ပိုပြီး မှန်မှန်ကန်ကန် သိလာအောင် ရှင်းပြပေး” တဲ့အခါ အာပေါလု စိတ်ဆိုးခဲ့တယ်ဆိုတဲ့ ကျမ်းစာ မှတ်တမ်း မရှိဘူး။—တ. ၁၈:၂၄-၂၈။
၁၇။ ငြိမ်သက်မှု တိုးများအောင် ပေါလု ဘယ်လို လုပ်ခဲ့သလဲ။
၁၇ အာပေါလု သိပ်တော်မှန်း တမန်တော် ပေါလု သိတယ်။ ဒါပေမဲ့ ကိုယ့်ထက် ပိုသာသွားမှာကို စိုးရိမ်တာမျိုး မဖြစ်ခဲ့ဘူး။ ကောရိန္သု အသင်းတော်ဆီ ရေးတဲ့ စာမှာ ပေါလုရဲ့ နှိမ့်ချမှု၊ ကျိုးနွံမှု၊ အကျိုးသင့်အကြောင်းသင့် ရှိမှုတွေကို တွေ့နိုင်တယ်။ “ငါဟာ ပေါလုရဲ့ တပည့်” လို့ ပြောတဲ့သူတွေကြောင့် စိတ်ကြီးဝင်မယ့်အစား ယေရှုနဲ့ ယေဟောဝါကိုပဲ အာရုံစိုက်စေခဲ့တယ်။—၁၈။ ၁ ကောရိန္သု ၄:၆၊ ၇ အရ အာပေါလုနဲ့ ပေါလုဆီကနေ ဘာသင်ယူရသလဲ။
၁၈ အာပေါလုနဲ့ ပေါလုရဲ့ ပုံသက်သေကနေ ဘာသင်ယူနိုင်သလဲ။ ယေဟောဝါအတွက် ကျွန်တော်တို့ ကြိုးစားအမှုဆောင်ခဲ့တာ၊ လူများစွာကို နှစ်ခြင်းခံတဲ့အထိ တိုးတက်လာအောင် ကူညီပေးခဲ့တာ ဖြစ်နိုင်တယ်။ ဒါပေမဲ့ ဘယ်အောင်မြင်မှုမဆို ယေဟောဝါရဲ့ ကောင်းချီးကြောင့်သာ ဖြစ်ကြောင်း အသိအမှတ်ပြုရမယ်။ အာပေါလုနဲ့ ပေါလုဆီကနေ သင်ယူရတဲ့ သင်ခန်းစာ နောက်တစ်ခုကတော့ အသင်းတော်မှာ ပိုထင်ပေါ်လာလေ ငြိမ်သက်မှု တိုးများအောင် လုပ်ဖို့ ပိုအခွင့်အရေး ရလာလေ ဖြစ်တယ် ဆိုတာပဲ။ ခန့်အပ်ခံ အမျိုးသားတွေဟာ ကျမ်းစာကို အခြေခံပြီး သွန်သင်ခြင်း၊ ကိုယ်အာရုံစိုက်ခံရဖို့ထက် စံနမူနာရှင် ခရစ်တော် ယေရှုကို အာရုံစိုက်စေခြင်းအားဖြင့် ငြိမ်သက်စည်းလုံးမှု တိုးများအောင် လုပ်နေကြလို့ သိပ်ကျေးဇူးတင်စရာပါပဲ။—၁ ကောရိန္သု ၄:၆၊ ၇ ကို ဖတ်ပါ။
၁၉။ ကျွန်တော်တို့ ယောက်တိုင်း ဘာလုပ်နိုင်သလဲ။ (“ အပြိုင်အဆိုင်စိတ် ဝင်လာအောင် မဆွပါနဲ့” လေးထောင့်ကွက်ကိုလည်း ကြည့်ပါ။)
၁၉ ကျွန်တော်တို့ ယောက်တိုင်းမှာ ဘုရားပေး အစွမ်းအစတွေ ရှိတယ်။ အဲဒါတွေကို “အချင်းချင်းအတွက် အကျိုးဆောင်ဖို့ အသုံးပြု” နိုင်တယ်။ (၁ ပေ. ၄:၁၀) ကိုယ်လုပ်နိုင်တာ အသေးအမွှားပါပဲလို့ ခံစားရနိုင်တယ်။ ဒါပေမဲ့ ချုပ်ရိုးလေးတွေဟာ အင်္ကျီတစ်ထည် ဖြစ်ဖို့ ဆက်ပေးသလို လုပ်ရပ် အသေးအမွှားလေးတွေဟာ အသင်းတော်တစ်ခုလုံးကို ငြိမ်သက်စည်းလုံးစေတယ်။ ဒါကြောင့် အပြိုင်အဆိုင်စိတ်ဓာတ် လုံးဝ ဝင်မလာအောင် ကြိုးစားအားထုတ်ကြပါစို့။ အသင်းတော်မှာ ငြိမ်သက်စည်းလုံးမှု တိုးများအောင် အတတ်နိုင်ဆုံး လုပ်ဆောင်ဖို့ စိတ်ပိုင်းဖြတ်ထားကြပါစို့။—ဧ. ၄:၃။
သီချင်း ၈၀ ‘ယေဟောဝါ ကောင်းမြတ်ကြောင်း မြည်းစမ်းကြည့်ပါ’
^ အပိုဒ်၊ 5 အက်ကြောင်း သေးသေးလေးတွေက မြေအိုးကို ကွဲစေနိုင်သလို အပြိုင်အဆိုင်စိတ်ဓာတ်က အသင်းတော်ကို စိတ်ဝမ်းကွဲစေနိုင်တယ်။ အသင်းတော်မှာ စည်းလုံးမှု မရှိတော့ဘူးဆိုရင် ဘုရားကို ငြိမ်သက်စွာ ဝတ်ပြုနိုင်တော့မှာ မဟုတ်ဘူး။ အပြိုင်အဆိုင်စိတ်ဓာတ်ကို ဘာကြောင့် ရှောင်သင့်ကြောင်း၊ အသင်းတော်မှာ ငြိမ်သက်မှု တိုးများအောင် ဘာလုပ်နိုင်ကြောင်း ဒီဆောင်းပါးမှာ ဆွေးနွေးပါမယ်။
^ အပိုဒ်၊ 4 အမည်လွှဲများ။