ကျွန်တော်တို့အားလုံး ကိုယ်ပိုင် လေ့လာမှု လုပ်ဖို့ အချိန် အကန့်အသတ်ပဲ ရကြတယ်။ အချိန် နည်းနည်းလေးနဲ့ အကျိုးများများ ရအောင် ဘာလုပ်နိုင်သလဲ။ အချိန်ပေး ဖတ်ပါ။ အကြောင်းအရာ အများကြီးကို အပေါ်ယံ လျှပ်ဖတ်သွားမယ့်အစား နည်းနည်းလောက်ကိုပဲ သေသေချာချာ လေ့လာတာ ပိုအကျိုးရှိတယ်။

ဘာကို ဦးစားပေး ဖတ်မလဲ ဆုံးဖြတ်ပါ။ (ဧ. ၅:၁၅၊ ၁၆) ဒီအကြံပြုချက်တွေကို သုံးသပ်ကြည့်ပါ–

• နေ့တိုင်း ကျမ်းစာ ဖတ်ပါ။ (ဆာ. ၁:၂) အပတ်တိုင်း ကြားရက် အစည်းအဝေးမှာ လေ့လာမယ့် ကျမ်းစာ အခန်းကြီးတွေကနေ စဖတ်တာ အကျိုးရှိနိုင်တယ်။

• ကင်းမျှော်စင် သင်တန်းနဲ့ ကြားရက် အစည်းအဝေးအတွက် ပြင်ဆင်ပါ။ မှတ်ချက် ပေးနိုင်အောင် ပြင်ပါ။—ဆာ. ၂၂:၂၂။

• အချိန်ရရင် ရသလို လူထု မဂ္ဂဇင်းတွေ၊ ဗီဒီယိုတွေ၊ jw.org မှာ တင်ထားတာတွေကို အချိန်နဲ့ တစ်ပြေးညီ လိုက်ဖတ်၊ လိုက်ကြည့်ပါ။

• အကြောင်းအရာတစ်ခုခုကို ရှာဖွေလေ့လာပါ။ ကြုံနေရတဲ့ အခက်အခဲ၊ သိချင်နေတဲ့ မေးခွန်း၊ ပိုနားလည်ချင်တဲ့ ကျမ်းစာ အကြောင်းအရာကို ရှာဖွေလို့ ရတယ်။ ဘာတွေ ရှာဖွေလေ့လာလို့ ရတယ်ဆိုတာ နမူနာ သိချင်ရင် jw.org မှာ ရှိတဲ့ “ကျမ်းစာလေ့လာမှု ကဏ္ဍ” မှာ ကြည့်ပါ။