လေ့လာရန် ဆောင်းပါး ၂၄
“နာမတော်ကို ကြောက်ရွံ့တတ်ဖို့ စိတ်ကို စုစည်းပေးပါ”
“နာမတော်ကို ကြောက်ရွံ့တတ်ဖို့ စိတ်ကို စုစည်းပေးပါ။ ယေဟောဝါဘုရား၊ ကိုယ်တော့်ကို လှိုက်လှိုက်လှဲလှဲ ချီးမွမ်းပါ့မယ်။”—ဆာ. ၈၆:၁၁၊ ၁၂။
သီချင်း ၇ ယေဟောဝါ၊ တို့ခွန်အား
အကြိုသုံးသပ်ချက် *
၁။ ဘုရားကို ကြောက်ရွံ့တယ်ဆိုတာ ဘာလဲ။ ယေဟောဝါကို ချစ်မြတ်နိုးသူတွေဟာ ဘုရားကို ကြောက်ရွံ့ဖို့ ဘာကြောင့် လိုသလဲ။
ခရစ်ယာန်တွေဟာ ဘုရားကို ချစ်တယ်၊ ကြောက်ရွံ့တယ်။ တချို့အတွက်တော့ ချစ်တာနဲ့ ကြောက်တာ ဆန့်ကျင်နေပုံရတယ်။ ဒါပေမဲ့ ကျွန်တော်တို့ ဆွေးနွေးမယ့် ကြောက်ရွံ့ခြင်းဆိုတာ ဖိမ့်ဖိမ့်တုန်အောင် ကြောက်တဲ့ ကြောက်ရွံ့ခြင်းမျိုး မဟုတ်ဘူး။ အထူးကြောက်ရွံ့ခြင်းမျိုး ဖြစ်တယ်။ အဲဒီလို ကြောက်ရွံ့ခြင်းမျိုး ရှိတဲ့သူဟာ ဘုရားကို ရိုသေခန့်ညားပြီး လေးစားတယ်။ ဘုရားနဲ့ ဆက်ဆံရေးကို မထိခိုက်စေချင်တဲ့အတွက် ဘုရား မနှစ်သက်တာကို မလုပ်ချင်ဘူး။—ဆာ. ၁၁၁:၁၀။ ပညာ. ၈:၁၃။
၂။ ဆာလံ ၈၆:၁၁ မှာပါတဲ့ ဘုရင်ဒါဝိဒ်ရဲ့ စကားတွေကို အခြေခံပြီး ဘယ်အကြောင်းအရာ နှစ်ခုကို ဆွေးနွေးကြမလဲ။
၂ ဆာလံ ၈၆:၁၁ ကိုဖတ်ပါ။ အဲဒီစကားတွေကို ဖတ်တဲ့အခါ ဘုရားကို ကြောက်ရွံ့ဖို့ ဘယ်လောက် အရေးကြီးတယ်ဆိုတာ သစ္စာရှိ ဘုရင်ဒါဝိဒ် နားလည်ကြောင်း သိရတယ်။ ဒါဝိဒ်ရဲ့ စကားကို ဘယ်လို ကျင့်သုံးနိုင်ကြောင်း ဆွေးနွေးကြည့်ကြစို့။ ပထမ၊ ဘုရားနာမတော်ကို ကြောက်ရွံ့ရိုသေသင့်တဲ့ အကြောင်းရင်းတချို့ကို ဆွေးနွေးပါမယ်။ ဒုတိယ၊ ဘုရားနာမတော်ကို ကြောက်ရွံ့ရိုသေမှန်း နေ့စဉ်အသက်တာမှာ ဘယ်လို ပြနိုင်ကြောင်း ဆွေးနွေးပါမယ်။
ယေဟောဝါရဲ့ နာမတော်ကို ဘာကြောင့် ကြောက်ရွံ့ရိုသေသင့်
၃။ ဘုရားရဲ့ နာမတော်ကို ကြောက်ရွံ့ရိုသေဖို့ ဘယ်အဖြစ်အပျက်က မောရှေကို ကူညီပေးသလဲ။
၃ ကျောက်ဂူထဲမှာ ပုန်းနေရင်း ယေဟောဝါရဲ့ ဘုန်းအသရေ ဖြတ်သွားတာကို မြင်တဲ့အခါ မောရှေ ဘယ်လို ခံစားရမယ်ဆိုတာ စဉ်းစားကြည့်ပါ။ လူသားထွ. ၃၃:၁၇-၂၃။ ၃၄:၅-၇) ယေဟောဝါရဲ့ နာမတော်ကို သုံးတဲ့အခါ အဲဒီအဖြစ်အပျက်ကို မောရှေ အမှတ်ရနေမှာပဲ။ ဒါကြောင့် ‘ဘုရားရဲ့ ဂုဏ်ကျက်သရေရှိတဲ့၊ ရိုသေခန့်ညားဖွယ်ကောင်းတဲ့ နာမည်ကို ကြောက်ရွံ့’ ဖို့ အစ္စရေးလူမျိုးကို နောက်ပိုင်းမှာ မောရှေ သတိပေးခဲ့တာ မဆန်းပါဘူး။—တရား. ၂၈:၅၈။
တစ်ယောက်အတွက် တကယ့်ကို ထူးခြားအံ့ဩဖွယ် အဖြစ်အပျက်ပါပဲ။ ‘ယေဟောဝါဟာ ကရုဏာရှိပြီး သနားစာနာတတ်တဲ့ဘုရား၊ ယေဟောဝါဟာ အမျက်ထွက်နှေးပြီး ခိုင်မြဲတဲ့မေတ္တာနဲ့ သစ္စာတရား ကြီးမားတဲ့ဘုရား၊ လူထောင်ပေါင်းများစွာကို ခိုင်မြဲတဲ့ မေတ္တာပြတဲ့ဘုရား၊ အမှားတွေ၊ ကျူးလွန်မှုတွေ၊ အပြစ်တွေကို ခွင့်လွှတ်တဲ့ ဘုရားပဲ’ လို့ ကောင်းကင်တမန် ပြောတာကိုလည်း မောရှေ ကြားရတယ်။ (၄။ ယေဟောဝါကို ကြောက်ရွံ့ရိုသေဖို့ ဘာက ကူညီပေးနိုင်သလဲ။
၄ ယေဟောဝါဆိုတဲ့ နာမည်ကို စဉ်းစားတိုင်း ယေဟောဝါဟာ ဘယ်လို ဘုရားမျိုး ဖြစ်ကြောင်းကိုလည်း စဉ်းစားသင့်တယ်။ တန်ခိုး၊ ဉာဏ်ပညာ၊ တရားမျှတမှု၊ မေတ္တာ စတဲ့ အရည်အသွေးတွေကိုလည်း သတိရသင့်တယ်။ အဲဒီအရည်အသွေးတွေနဲ့ တခြားအရည်အသွေးတွေကို စဉ်းစားခြင်းက ဘုရားကို ကြောက်ရွံ့ရိုသေလာဖို့ ကူညီပေးနိုင်တယ်။—ဆာ. ၇၇:၁၁-၁၅။
၅-၆။ (က) ဘုရားနာမတော်ရဲ့ အဓိပ္ပာယ်က ဘာလဲ။ (ခ) ထွက်မြောက်ရာ ၃:၁၃၊ ၁၄ နဲ့ ဟေရှာယ ၆၄:၈ အရ ဘယ်နည်းတွေအားဖြင့် ယေဟောဝါက ဘာမဆို ဖြစ်လာစေသလဲ။
၅ ဘုရားနာမတော်ရဲ့ အဓိပ္ပာယ်နဲ့ပတ်သက်ပြီး ကျွန်တော်တို့ ဘာသိထားသလဲ။ ယေဟောဝါဆိုတဲ့ နာမည်ဟာ “ကိုယ်တော် ဖြစ်လာစေတယ်” လို့ အဓိပ္ပာယ် ရှိကြောင်း ကျမ်းပညာရှင်များစွာ သဘောတူတယ်။ အလိုတော်ကို ဘာကမှ မတားဆီးနိုင်ကြောင်း၊ ဘာကိုမဆို ယေဟောဝါ ဖြစ်စေနိုင်ကြောင်း အဲဒီအဓိပ္ပာယ်က အမှတ်ရစေတယ်။ ဘယ်လိုနည်းနဲ့လဲ။
၆ ယေဟောဝါဟာ မိမိရည်ရွယ်ချက် ပြည့်စုံစေဖို့ လိုအပ်သလို ဘာမဆို ဖြစ်လာတယ်။ (ထွက်မြောက်ရာ ၃:၁၃၊ ၁၄ ကိုဖတ်ပါ။) ဒါဟာ ဘုရားရဲ့ အရည်အသွေးတစ်ခု ဖြစ်တယ်။ ထူးခြားတဲ့ အဲဒီအချက်ကို တွေးတောဆင်ခြင်ဖို့ ကျွန်တော်တို့ မကြာခဏ အားပေးခံရတယ်။ ယေဟောဝါဟာ အလိုတော် ပြည့်စုံစေဖို့ မစုံလင်တဲ့ လူသားတွေကိုလည်း ဘာမဆို ဖြစ်လာစေနိုင်တယ်။ (ဟေရှာယ ၆၄:၈ ကိုဖတ်ပါ။) ဒီနည်းတွေအားဖြင့် အလိုတော်ကို ယေဟောဝါ အကောင်အထည် ဖော်တယ်။ ရည်ရွယ်ချက် မပြည့်စုံအောင် ဘာကမှ ဘုရားကို မတားဆီးနိုင်ဘူး။—ဟေရှာ. ၄၆:၁၀၊ ၁၁။
၇။ ဘုရားကို ကျေးဇူးတင်လေးမြတ်စိတ် ဘယ်လို တိုးများလာနိုင်သလဲ။
၇ ဘုရား ဘာတွေ လုပ်ဆောင်ခဲ့တယ်၊ ကျွန်တော်တို့ ဘာတွေ လုပ်ဆောင်နိုင်အောင် ဘုရား ကူညီပေးခဲ့တယ် ဆိုတာတွေကို တွေးတောဆင်ခြင်ခြင်းအားဖြင့် ကျေးဇူးတင်လေးမြတ်စိတ် တိုးများလာနိုင်တယ်။ ဥပမာ၊ ဖန်ဆင်းခြင်းလက်ရာတွေအကြောင်း တွေးတောဆင်ခြင်တဲ့အခါ ဘုရား လုပ်ဆောင်ခဲ့တာတွေကို မအံ့ဩဘဲ မနေနိုင်အောင် ဖြစ်ရတယ်။ (ဆာ. ၈:၃၊ ၄) အလိုတော်ဆောင်နိုင်ဖို့ ကျွန်တော်တို့ကို ဘုရား ကူညီပေးခဲ့တာတွေအကြောင်း တွေးလိုက်တိုင်း ဘုရားကို ပိုရိုသေလေးစားလာတယ်။ ယေဟောဝါရဲ့ နာမည်ဟာ တကယ်ပဲ ကြောက်ရွံ့ရိုသေဖွယ် ဖြစ်တယ်။ အဲဒီနာမည်ထဲမှာ ဘုရားဟာ ဘယ်လို ဘုရားမျိုး ဖြစ်တယ်၊ ဘာတွေ လုပ်ဆောင်ခဲ့တယ်၊ ဘာတွေ လုပ်ဆောင်ဦးမယ်ဆိုတာတွေ ပါဝင်တယ်။—ဆာ. ၈၉:၇၊ ၈။
“ယေဟောဝါရဲ့ နာမည်ကို ငါကြေညာမယ်”
မောရှေရဲ့ သွန်သင်ချက်က လန်းဆန်းမှု ဖြစ်စေပြီး ယေဟောဝါရဲ့ နာမည်၊ ဘုရားဟာ ဘယ်လို ပုဂ္ဂိုလ်မျိုး ဖြစ်ကြောင်း ပေါ်လွင်စေ (စာပိုဒ် ၈ ကိုကြည့်ပါ) *
၈။ နာမတော်နဲ့ပတ်သက်ပြီး ယေဟောဝါရဲ့ ရှုမြင်ပုံကို တရားဟောရာ ၃၂:၂၊ ၃ က ဘယ်လို ဖော်ပြသလဲ။
၈ အစ္စရေးတွေ ကတိထားရာပြည်ထဲ မဝင်ခင်လေးမှာ မောရှေကို ယေဟောဝါ သီချင်းတစ်ပုဒ် သင်ပေးတယ်။ (တရား. ၃၁:၁၉) မောရှေက အစ္စရေးတွေကို အဲဒီသီချင်း ပြန်သင်ပေးရမယ်။ (တရားဟောရာ ၃၂:၂၊ ၃ ကိုဖတ်ပါ။) အခန်းငယ် ၂၊ ၃ ကို ဖတ်တဲ့အခါ ယေဟောဝါက မိမိနာမည်ကို ဖုံးကွယ်မထားချင်ကြောင်း၊ မိမိနာမည်ကို လူတွေ အသံထွက်ခေါ်ရမှာ ကြောက်နေတာမျိုး မဖြစ်စေချင်ကြောင်း ထင်ရှားတယ်။ လူတိုင်းကို မိမိနာမည် သိစေချင်တယ်။ ယေဟောဝါအကြောင်း၊ ဘုန်းကြီးတဲ့ နာမတော်အကြောင်း မောရှေ သင်ပေးတာကို အစ္စရေးတွေ ကြားရတာ တကယ့်အခွင့်ထူးပါပဲ။ မောရှေ သွန်သင်ပေးတာတွေက အပင်တွေပေါ် ရွာသွန်းတဲ့ မိုးစက်မိုးပေါက်တွေလိုပဲ အစ္စရေးတွေကို လန်းဆန်းအားရှိစေတယ်။ ကျွန်တော်တို့လည်း လူတွေကို လန်းဆန်းအားရှိစေတဲ့နည်းနဲ့ ဘယ်လို သွန်သင်နိုင်သလဲ။
၉။ ယေဟောဝါရဲ့ နာမတော် သန့်ရှင်းမြင့်မြတ်စေရေးမှာ ကျွန်တော်တို့ ဘယ်လို ကူညီပေးနိုင်သလဲ။
၉ တစ်အိမ်တက်ဆင်း လုပ်ငန်းမှာ ဖြစ်စေ၊ အများရှေ့ သက်သေခံခြင်းမှာ ဖြစ်စေ ဘုရားရဲ့ နာမည် ယေဟောဝါဆိုတာကို ကျမ်းစာထဲကနေ ဖတ်ပြသင့်တယ်။ ယေဟောဝါကို ဂုဏ်တင်တဲ့ စာပေ၊ ဗီဒီယို၊ ဝက်ဘ်ဆိုက်ပေါ်က အကြောင်းအရာတွေကို ပြနိုင်တယ်။ အလုပ်မှာ၊ ကျောင်းမှာ၊ ခရီးသွားတဲ့အခါ ကျွန်တော်တို့ ချစ်ရတဲ့ ဘုရားသခင်အကြောင်း၊ ဘယ်လို ဘုရားမျိုး ဖြစ်ကြောင်း အခွင့်အရေးရှာ ဟောပြောသင့်တယ်။ လူနဲ့ ကမ္ဘာမြေအတွက် ယေဟောဝါရဲ့ မေတ္တာပါ ရည်ရွယ်ချက်အကြောင်း တခြားသူတွေကို ပြောပြတဲ့အခါ သူတို့အတွက် အသစ်အဆန်း ဖြစ်နေပုံရမယ်။ ကျွန်တော်တို့ကို ယေဟောဝါ ဘယ်လောက် ချစ်မှန်း ဦးဆုံးအကြိမ် ကြားဖူးတာ ဖြစ်နိုင်တယ်။ ဘုရားနဲ့ပတ်သက်တဲ့ အမှန်တရားအကြောင်း တခြားသူတွေကို ပြောပြတာက နာမတော် သန့်ရှင်းမြင့်မြတ်စေရေးမှာ ကူညီပေးရာ ရောက်သလို ယေဟောဝါနဲ့ပတ်သက်ပြီး သွန်သင်ခံထားရတဲ့ အလိမ်အညာတွေကို ဖော်ထုတ်ရှင်းလင်းပေးရာလည်း ရောက်တယ်။ ကျမ်းစာသွန်သင်ချက်တွေက လူတွေကို လန်းဆန်းအားရှိစေနိုင်တယ်။—ဟေရှာ. ၆၅:၁၃၊ ၁၄။
၁၀။ ကျမ်းစာသင်သားတွေကို ဘုရားရဲ့ တောင်းဆိုချက်တွေ၊ စံနှုန်းတွေအကြောင်း သင်ပေးရုံထက်မက ဘာကြောင့် လုပ်ဆောင်ရမလဲ။
၁၀ ယေဟောဝါရဲ့ နာမည်ကို ကျမ်းစာသင်သားတွေ သိပြီး အသုံးပြုတတ်လာဖို့၊ ယေဟောဝါအကြောင်း ပိုသိလာဖို့ ကျွန်တော်တို့ ကူညီပေးချင်တယ်။ ဒါပေမဲ့ ဘုရားရဲ့ စံနှုန်းတွေ၊ စာရိတ္တ စည်းမျဉ်းတွေအကြောင်း သင်ပေးရုံနဲ့ အဲဒီလို ဖြစ်လာနိုင်မလား။ ဘုရားရဲ့ ပညတ်တွေကို သိပြီး အထင်ကြီးလေးစားလာနိုင်ပေမဲ့ ယေဟောဝါကို ချစ်တဲ့စိတ်ကြောင့် နာခံတာမျိုး ဖြစ်လာပါ့မလား။ ဧဝရော အာဒံပါ ဘုရားရဲ့ ပညတ်တွေကို သိပေမဲ့ ပညတ်ပေးရှင် ဘုရားကို တကယ် က. ၃:၁-၆) ဒါကြောင့် ဘုရားရဲ့ ဖြောင့်မတ်တဲ့ တောင်းဆိုချက်တွေ၊ စံနှုန်းတွေအကြောင်း သင်ပေးရုံထက်မက လုပ်ဆောင်ရမယ်။
မချစ်ဘူးဆိုတာ သတိရပါ။ (၁၁။ ဘုရားရဲ့ ပညတ်တွေ၊ စံနှုန်းတွေအကြောင်း သင်ပေးရင်း ပညတ်ပေးရှင်ကို ချစ်တတ်လာအောင် သင်သားတွေကို ဘယ်လို ကူညီပေးနိုင်သလဲ။
၁၁ ယေဟောဝါရဲ့ တောင်းဆိုချက်တွေ၊ စံနှုန်းတွေဟာ နှစ်သက်ဖွယ် ကောင်းတယ်။ (ဆာ. ၁၁၉:၉၇၊ ၁၁၁၊ ၁၁၂) ဒါပေမဲ့ ပညတ်နောက်ကွယ်က ယေဟောဝါရဲ့ မေတ္တာကို မမြင်မချင်း သင်သားတွေ အဲဒီလို ခံစားရမှာ မဟုတ်ဘူး။ ဒါကြောင့် “ဒီအချက်ကို လုပ်ဖို့ ဒါမှမဟုတ် မလုပ်ဖို့ ကျေးကျွန်တွေဆီကနေ ဘုရား ဘာကြောင့် တောင်းဆိုတယ်လို့ ထင်သလဲ။ ဒီကနေ ဘုရားအကြောင်း ဘာသိရသလဲ” လို့ သင်သားတွေကို မေးနိုင်တယ်။ ယေဟောဝါအကြောင်း တွေးတောဖို့၊ ဘုန်းကြီးတဲ့ နာမတော်ကို မြတ်နိုးလာဖို့ ကူညီပေးတဲ့အခါ သင်သားတွေ ပိုစိတ်ထိမိမယ်။ ပညတ်တွေကိုသာမက ပညတ်ပေးရှင်ကိုပါ ချစ်မြတ်နိုးတတ်လာမယ်။ (ဆာ. ၁၁၉:၆၈) ယုံကြည်ခြင်း ခိုင်ခံ့လာပြီး ခက်ခဲတဲ့ စမ်းသပ်မှုတွေကို ခံရပ်နိုင်ကြပါလိမ့်မယ်။—၁ ကော. ၃:၁၂-၁၅။
‘ယေဟောဝါရဲ့ နာမည်ကို ခံယူပြီး အသက်ရှင်ကြမယ်’
တစ်ချိန်မှာ ဒါဝိဒ် စိတ်နှစ်ခွ ဖြစ်ခဲ့ (စာပိုဒ် ၁၂ ကိုကြည့်ပါ)
၁၂။ တစ်ခါမှာ ဒါဝိဒ် ဘယ်လိုနည်းနဲ့ စိတ်ကို မစုစည်းနိုင်ခဲ့သလဲ။ ဘယ်လို အကျိုးဆက် ရသလဲ။
၁၂ ဆာလံ ၈၆:၁၁ မှာပါတဲ့ အဓိကအချက်က “စိတ်ကို စုစည်းပေးပါ” ဖြစ်တယ်။ အဲဒီစကားတွေကို ရေးဖို့ စွမ်းအားတော်က ဘုရင်ဒါဝိဒ်ကို လမ်းညွှန်ပေးတယ်။ စိတ်နှစ်ခွ ဖြစ်ဖို့ ဘယ်လောက် လွယ်ကူမှန်း ဒါဝိဒ် ကိုယ်တွေ့ ကြုံခဲ့တယ်။ တစ်ခါတုန်းက အိမ်မိုးပေါ်မှာ ရှိနေတုန်း အိမ်ထောင်သည် အမျိုးသမီးတစ်ယောက် ရေချိုးနေတာကို မြင်တယ်။ အဲဒီအချိန်မှာ ဒါဝိဒ်ရဲ့ စိတ် စုစည်းနေသလား ဒါမှမဟုတ် နှစ်ခွ ဖြစ်နေသလား။ ‘တခြားသူရဲ့ မိန်းမကို မတပ်မက်နဲ့’ ဆိုတဲ့ ယေဟောဝါရဲ့ ပညတ်ကို ဒါဝိဒ် သိတယ်။ (ထွ. ၂၀:၁၇) ဒါပေမဲ့ အဲဒီအမျိုးသမီးကို ဆက်ကြည့်နေခဲ့တယ်။ ဒါဝိဒ်ရဲ့စိတ် နှစ်ခွ ဖြစ်နေတယ်။ တစ်ဖက်မှာ ဗာသရှေဘကို တပ်မက်တဲ့စိတ်၊ တစ်ဖက်မှာ ယေဟောဝါရဲ့ နှစ်သက်မှု ရချင်တဲ့စိတ်။ ယေဟောဝါကို ဒါဝိဒ် ချစ်ပြီး ကြောက်ရွံ့ရိုသေလာတာ နှစ်ပေါင်းများစွာ ရှိပြီ ဖြစ်ပေမဲ့ မကောင်းတာကို လုပ်ခဲ့တယ်။ ယေဟောဝါရဲ့ နာမည်ကို ရှုတ်ချစရာ ဖြစ်စေခဲ့တယ်။ ကိုယ့်မိသားစု အပါအဝင် အပြစ်မဲ့သူတွေကိုလည်း ဒုက္ခရောက်စေခဲ့တယ်။—၂ ရှ. ၁၁:၁-၅၊ ၁၄-၁၇။ ၁၂:၇-၁၂။
၁၃။ ဒါဝိဒ် စိတ်ပြန်စုစည်းနိုင်ခဲ့ကြောင်း ဘယ်လို သိရသလဲ။
၁၃ ဆုံးမမှုကို ဒါဝိဒ် လက်ခံတဲ့အတွက် ယေဟောဝါနဲ့ ဆက်ဆံရေး ပြန်ကောင်းလာတယ်။ (၂ ရှ. ၁၂:၁၃။ ဆာ. ၅၁:၂-၄၊ ၁၇) စိတ်နှစ်ခွ ဖြစ်တဲ့အခါ ဒုက္ခတွေ၊ ဆိုးကျိုးတွေ ရကြောင်း ဒါဝိဒ် အမြဲ အမှတ်ရနေတယ်။ ဒါဝိဒ် စိတ်စုစည်းနိုင်ဖို့ ယေဟောဝါ ကူညီပေးသလား။ ကူညီပေးပါတယ်။ ‘ယေဟောဝါဘုရားကို စိတ်နှလုံးအကြွင်းမဲ့ ဝတ်ပြု’ သူအဖြစ် နောက်ပိုင်းမှာ ဒါဝိဒ်ကို ကျမ်းစာ ဖော်ပြတယ်။—၁ ဘု. ၁၁:၄။ ၁၅:၃။
၁၄။ ကိုယ့်ကိုယ်ကိုယ် ဘာမေးသင့်သလဲ။ ဘာကြောင့်လဲ။
၁၄ ဒါဝိဒ်ရဲ့ ပုံနမူနာက အားရှိစရာ ကောင်းသလို အလေးအနက် စဉ်းစားစရာလည်း ဖြစ်တယ်။ ဒါဝိဒ် ကြီးလေးတဲ့ အပြစ် ပြုမိတာက ဒီနေ့ခေတ် ယေဟောဝါရဲ့ ကျေးကျွန်တွေအတွက် သတိပေးချက် ဖြစ်တယ်။ ကျွန်တော်တို့ ယေဟောဝါကို ဝတ်ပြုလာတာ နှစ်ပေါင်းများစွာ ကြာနေပြီ ဖြစ်စေ၊ မကြာသေးခင်ကမှ စဝတ်ပြုတာ ဖြစ်စေ ‘စိတ်နှစ်ခွ ဖြစ်ဖို့ စာတန် သွေးဆောင်တာကို ငါ တိုက်လှန်နေရဲ့လား’ လို့ ကိုယ့်ကိုယ်ကိုယ် မေးသင့်တယ်။
ကျွန်တော်တို့ စိတ်နှစ်ခွ ဖြစ်ဖို့ စာတန် နည်းအမျိုးမျိုး သုံးလိမ့်မယ်။ သူ့ကို အခွင့်မပေးပါနဲ့ (စာပိုဒ် ၁၅-၁၆ ကိုကြည့်ပါ) *
၁၅။ လိင်စိတ်ကြွစေတဲ့ ရုပ်ပုံတွေ တွေ့တဲ့အခါ ဘုရားကို ကြောက်ရွံ့တဲ့စိတ်က ဘယ်လို ကာကွယ်ပေးနိုင်သလဲ။
၁၅ ဥပမာ၊ တီဗီမှာ၊ အင်တာနက်မှာ လိင်စိတ်ကြွစေတဲ့ ရုပ်ပုံတစ်ခု မြင်လိုက်တဲ့အခါ သင် ဘယ်လို တုံ့ပြန်သလဲ။ ဒီပုံ ဒါမှမဟုတ် ရုပ်ရှင်က အပြာရုပ်ပုံ၊ ရုပ်ရှင်မှ မဟုတ်တာလို့ တွေးမိဖို့ သိပ်လွယ်တယ်။ ဒါပေမဲ့ သင့်ကို စိတ်နှစ်ခွ ဖြစ်စေဖို့ စာတန် သုံးနေတဲ့ လက်နက် မဖြစ်နိုင်ဘူးလား။ (၂ ကော. ၂:၁၁) အဲဒီရုပ်ပုံက သစ်တုံးကြီးကို ခြမ်းဖို့ လူတစ်ယောက် သုံးတဲ့ သပ်ပြား သေးသေးလေးနဲ့ တူနိုင်တယ်။ အစပိုင်းမှာတော့ သပ်ကို သစ်တုံးထဲ နည်းနည်းပဲ ရိုက်ထည့်တယ်။ ဒါပေမဲ့ သပ်ရိုက်ဖန် များလာတဲ့အခါ သစ်တုံးကြီး နှစ်ခြမ်း ကွဲသွားတယ်။ လိင်စိတ်ကြွစေတဲ့ ရုပ်ပုံတွေဟာ သပ်ပြား သေးသေးလေးနဲ့ ဘယ်လို တူသလဲ။ အစပိုင်းမှာ အန္တရာယ် မရှိပုံရတဲ့ ဘာမဟုတ်တဲ့ ပုံလေးက လူတစ်ယောက်ရဲ့ စိတ်ကို နှစ်ခွ ဖြစ်စေနိုင်ပြီး အပြစ်ပြုမိစေနိုင်တယ်၊ သမာဓိ ချိုးဖျက်မိစေနိုင်တယ်။ ဒါကြောင့် စိတ်နှလုံးထဲ မသင့်တော်တဲ့ ဘယ်အရာမှ မဝင်လာအောင် ငြင်းပယ်ပါ။ ယေဟောဝါရဲ့ နာမတော်ကို ကြောက်ရွံ့တတ်ဖို့ စိတ်ကို စုစည်းထားပါ။
၁၆။ သွေးဆောင်မှု ကြုံရတဲ့အခါ ကိုယ့်ကိုယ်ကိုယ် ဘယ်မေးခွန်းတွေ မေးသင့်သလဲ။
၁၆ လိင်စိတ်ကြွစေတဲ့ ရုပ်ပုံတွေအပြင် တခြား သွေးဆောင်မှုတွေကိုလည်း စာတန် သုံးနေတယ်။ ကျွန်တော်တို့ ဘယ်လို ယာ. ၁:၅) အဲဒါ တကယ့် အကာအကွယ်ပါပဲ။ “စာတန်၊ ထွက်သွားစမ်း” လို့ ပြောခဲ့တဲ့ ယေရှုလိုပဲ သွေးဆောင်မှုကို အခိုင်အမာ တွန်းလှန်နိုင်ပါလိမ့်မယ်။—မ. ၄:၁၀။
တုံ့ပြန်ကြသလဲ။ ဆင်ခြေပေးမိဖို့ သိပ်လွယ်တယ်။ ဥပမာ၊ ‘ဒါလုပ်ရင် နှင်ထုတ်ခံရမှာ မဟုတ်ဘူးဆိုတော့ အပြစ် သိပ်မကြီးလောက်ပါဘူး’ လို့ တွေးမိနိုင်တယ်။ အဲဒီလို တွေးတာ သိပ်မှားတယ်။ အဲဒီလို တွေးမယ့်အစား ‘ငါ စိတ်နှစ်ခွ ဖြစ်ဖို့ ဒီသွေးဆောင်မှုကို စာတန် သုံးနေတာများလား။ ငါ အလျှော့ပေးလိုက်ရင် ယေဟောဝါရဲ့ နာမည် ထိခိုက်မလား။ ဒီလုပ်ရပ်က ငါ့ကို ဘုရားနဲ့ ပိုရင်းနှီးစေမလား၊ ဝေးကွာသွားစေမလား’ လို့ မေးသင့်တယ်။ အဲဒီနောက် ကိုယ့်ကိုယ်ကိုယ် မလှည့်စားဘဲ ရိုးရိုးသားသား ဖြေနိုင်အောင် ဉာဏ်ပညာ ပေးဖို့ ဆုတောင်းပါ။ (၁၇။ စိတ်နှစ်ခွ ဖြစ်တာ ဘာကြောင့် အကျိုးမရှိသလဲ။ ရှင်းပြပါ။
၁၇ စိတ်နှစ်ခွ ဖြစ်နေရင် အကျိုးမရှိဘူး။ အားကစား အသင်းတစ်ခုမှာ အသင်းသားတွေ အချင်းချင်း မသင့်မြတ်ဘူး ဆိုပါစို့။ တချို့က ကိုယ်တစ်ယောက်တည်း ထင်ပေါ်ချင်တယ်။ တချို့က စည်းမျဉ်းစည်းကမ်းအတိုင်း မကစားချင်ဘူး။ တချို့ကျတော့ နည်းပြကို မလေးစားဘူး။ အဲဒီလိုအသင်းဟာ ပြိုင်ပွဲမှာ အနိုင်ရမှာ မဟုတ်ဘူး။ အဲဒီလို မဟုတ်ဘဲ စည်းလုံးမယ်ဆိုရင်တော့ အနိုင်ရနိုင်ချေ ပိုများပါလိမ့်မယ်။ သင့်အတွေး၊ ဆန္ဒ၊ စိတ်ခံစားချက်တွေကို ယေဟောဝါ အမှုဆောင်ခြင်းမှာပဲ စုစည်းထားမယ်ဆိုရင် သင့်စိတ်နှလုံးဟာ အနိုင်ရတဲ့ အသင်းလို ဖြစ်နိုင်ပါတယ်။ သင့်ကို စာတန် စိတ်နှစ်ခွ ဖြစ်စေချင်တယ်ဆိုတာ သတိရပါ။ သင့်အတွေး၊ ဆန္ဒ၊ စိတ်ခံစားချက်တွေကို ယေဟောဝါရဲ့ စံနှုန်းတွေနဲ့ ဆန့်ကျင်ဘက် ဖြစ်စေချင်တယ်။ ဒါပေမဲ့ ယေဟောဝါရဲ့ အမှုဆောင်နိုင်ဖို့ သင့်စိတ်နှလုံး အကြွင်းမဲ့ ဖြစ်နေရမယ်။ (မ. ၂၂:၃၆-၃၈) ဒါကြောင့် သင့်ကို စိတ်နှစ်ခွ ဖြစ်အောင် လုပ်ဖို့ စာတန်ကို ဘယ်တော့မှ အခွင့်မပေးပါနဲ့။
၁၈။ မိက္ခာ ၄:၅ မှာပါတဲ့ စကားတွေနဲ့အညီ သင် ဘယ်လို စိတ်ပိုင်းဖြတ်ထားသလဲ။
၁၈ “နာမတော်ကို ကြောက်ရွံ့တတ်ဖို့ စိတ်ကို စုစည်းပေးပါ” လို့ ဒါဝိဒ်လို ဆုတောင်းပါ။ ဆုတောင်းချက်နဲ့အညီ အသက်ရှင်ဖို့ ကြိုးစားပါ။ နေ့တိုင်း ဆုံးဖြတ်ချက် ကြီးငယ်မရွေး ချတဲ့အခါ ယေဟောဝါရဲ့ သန့်ရှင်းတဲ့ နာမတော်ကို ကြောက်ရွံ့ရိုသေကြောင်း ပြဖို့ စိတ်ပိုင်းဖြတ်ထားပါ။ ဒီနည်းအားဖြင့် ယေဟောဝါသက်သေ တစ်ယောက်အနေနဲ့ ဘုရားရဲ့ နာမတော်ကို ဂုဏ်တင်နိုင်ပါလိမ့်မယ်။ (ပညာ. ၂၇:၁၁) “ကျွန်တော်တို့ကတော့ ကျွန်တော်တို့ဘုရား ယေဟောဝါရဲ့ နာမည်ကို ခံယူပြီး အစဉ်ထာဝရ အသက်ရှင်ကြမယ်” ဆိုပြီး ပရောဖက် မိက္ခာနဲ့အတူ ပြောနိုင်ကြပါလိမ့်မယ်။—မိ. ၄:၅။
သီချင်း ၄၁ ဆုတောင်းသံကို နားထောင်ပေးပါ
^ အပိုဒ်၊ 5 ဆာလံ ၈၆:၁၁၊ ၁၂ မှာ မှတ်တမ်းတင်ထားတဲ့ ဘုရင်ဒါဝိဒ်ရဲ့ ဆုတောင်းချက်ကို ဒီဆောင်းပါးမှာ ဆွေးနွေးပါမယ်။ ယေဟောဝါရဲ့ နာမတော်ကို ကြောက်ရွံ့တယ်ဆိုတာ ဘာကို ဆိုလိုသလဲ။ နာမတော်ကို ဘာကြောင့် ကြောက်ရွံ့သင့်သလဲ။ ဘုရားကို ကြောက်ရွံ့ခြင်းက အမှားမလုပ်မိအောင် ဘယ်လို ကာကွယ်ပေးသလဲ။
^ အပိုဒ်၊ 53 ပုံအညွှန်း– ယေဟောဝါကို ဂုဏ်တင်တဲ့ သီချင်းတစ်ပုဒ် အစ္စရေးတွေကို မောရှေ သင်ပေးနေ။
^ အပိုဒ်၊ 57 ပုံအညွှန်း– မကောင်းတဲ့ ဆန္ဒတွေကို ဧဝ မငြင်းပယ်ခဲ့။ ကျွန်တော်တို့ကတော့ မကောင်းတဲ့ ဆန္ဒတွေ ဖြစ်ပေါ်စေနိုင်တဲ့၊ ဘုရားနာမည် ရှုတ်ချစရာ ဖြစ်စေနိုင်တဲ့ ရုပ်ပုံတွေ၊ စာတွေကို ငြင်းပယ်ကြ။