အစည်းအဝေးအတွက် ပြင်ဆင်ဖို့ JW Library^® ကို ကြေညာသူများစွာ သုံးကြတယ်။ “အစည်းအဝေးများ” အပိုင်းမှာ တစ်ပတ် တစ်ပတ် လေ့လာမယ့် ကင်းမျှော်စင် လေ့လာရန် ဆောင်းပါးတွေ တန်းပေါ်လို့ သဘောကျကြတယ်။ ဒါပေမဲ့ ကင်းမျှော်စင် လေ့လာရန် စာစောင်မှာ အရန်ဆောင်းပါးတွေ ပါတတ်တယ်။ အဲဒီဆောင်းပါးတွေကလည်း ယုံကြည်ခြင်း ခိုင်ခံ့စေတယ်။ JW Library သုံးပြီး အဲဒီဆောင်းပါးတွေကို ဘယ်လို ရှာနိုင်သလဲ။ ဘယ်လို အကျိုး ရနိုင်သလဲ။

• ကင်းမျှော်စင် လေ့လာရန် ဆောင်းပါးတိုင်းရဲ့ အဆုံးမှာ “ထပ်ဆင့် ဖတ်ရှုစရာ” ဆိုတဲ့ ခေါင်းစဉ်ခွဲ ရှိတယ်။ အဲဒီခေါင်းစဉ်ခွဲအောက်မှာ ရှိတဲ့ “ဒီစာစောင်ထဲက ကျန်ဆောင်းပါးများ” ဆိုတဲ့ လင့်ခ်ကို နှိပ်ပါ။ မာတိကာမှာ လေ့လာရန် ဆောင်းပါးတွေကို နံပါတ် တပ်ထားလို့ ဘယ်ဟာက လေ့လာရန် ဆောင်းပါးဆိုတာ ရှင်းရှင်းလင်းလင်း သိနိုင်တယ်။ နံပါတ် တပ်မထားတာက အရန်ဆောင်းပါး ဖြစ်တယ်။ ကိုယ်ဖတ်ချင်တဲ့ အရန်ဆောင်းပါး ခေါင်းစဉ်ကို နှိပ်ပါ။

• JW Library ပင်မ စာမျက်နှာ “အသစ် တင်ထားရာများ” အပိုင်းမှာ ကင်းမျှော်စင် စာစောင် အသစ် တက်လာတိုင်း ကူးထားပါ။ ဆောင်းပါးတိုင်းကနေ အကျိုးရဖို့ ကူးထားတဲ့ မဂ္ဂဇင်း ဖွင့်ပြီး မာတိကာကို စစ်ပါ။