လေ့လာရန် ဆောင်းပါး ၅၂
မိဘတို့၊ ယေဟောဝါကို ချစ်လာအောင် သားသမီးတွေကို လေ့ကျင့်ပေးပါ
“သားသမီးတွေဟာ ယေဟောဝါပေးတဲ့ အမွေပဲ။”—ဆာ. ၁၂၇:၃။
သီချင်း ၁၃၄ ဘုရားပေး သားသမီးများ
အကြိုသုံးသပ်ချက် *
၁။ မိဘတွေကို ယေဟောဝါ ဘာအပ်ထားသလဲ။
ယေဟောဝါက ကနဦးမောင်နှံကို သားသမီး ရယူလိုစိတ် ထည့်သွင်းဖန်ဆင်းခဲ့တယ်။ “သားသမီးတွေဟာ ယေဟောဝါ ပေးတဲ့ အမွေပဲ” လို့ ကျမ်းစာ ပြောတယ်။ (ဆာ. ၁၂၇:၃) ဘာကို ဆိုလိုသလဲ။ မိတ်ဆွေတစ်ယောက်က သင့်ကို ငွေအမြောက်အမြား လာအပ်ထားတယ် ဆိုပါစို့။ သင် ဘယ်လို ခံစားရမလဲ။ ကိုယ့်ကို ယုံကြည်စိတ်ချလို့ ဆိုပြီး ဂုဏ်ယူနေမှာပဲ။ ဒါပေမဲ့ ငွေကို လုံခြုံအောင်ထားဖို့ စိုးရိမ်မိနိုင်တယ်။ ကျွန်တော်တို့ရဲ့ အရင်းနှီးဆုံး မိတ်ဆွေ ယေဟောဝါက ငွေထက် ပိုတန်ဖိုးရှိတဲ့အရာကို မိဘတွေဆီ အပ်ထားတယ်။ အဲဒါကတော့ သားသမီးတွေကို ကောင်းကောင်း စောင့်ရှောက်ဖို့၊ ပျော်ရွှင်အောင် ထားဖို့ဆိုတဲ့ တာဝန် ဖြစ်တယ်။
၂။ ဘယ်မေးခွန်းတွေကို သုံးသပ်ကြမလဲ။
၂ သားသမီး ယူမလား၊ ဘယ်အချိန်မှာ ယူမလဲဆိုတာ ဘယ်သူ ဆုံးဖြတ်သင့်သလဲ။ သားသမီးတွေရဲ့ ဘဝ ပျော်ရွှင်အောင် မိဘတွေ ဘယ်လို ကူညီပေးနိုင်သလဲ။ ပညာရှိ ဆုံးဖြတ်ချက်တွေ ချနိုင်ဖို့ ခရစ်ယာန် ဇနီးမောင်နှံတွေကို ကူညီပေးနိုင်တဲ့ ကျမ်းစာမူတချို့ကို သုံးသပ်ကြည့်ရအောင်။
ဇနီးမောင်နှံရဲ့ ဆုံးဖြတ်ချက်ကို လေးစားပါ
၃။ (က) သားသမီး ယူမယူ ဘယ်သူ ဆုံးဖြတ်ရမလဲ။ (ခ) မိတ်ဆွေ၊ မိသားစုတွေက ဘယ်ကျမ်းစာမူကို လိုက်နာသင့်သလဲ။
၃ ယဉ်ကျေးမှုတချို့မှာ ကြင်စဦးမောင်နှံတွေကို အမြန်ဆုံး သားသမီး ယူစေချင်ကြတယ်။ အဲဒီလို ယူဖို့ မိသားစုဝင်တွေနဲ့ တခြားသူတွေ ဖိအားပေးလေ့ရှိတယ်။ အာရှမှာနေတဲ့ ညီအစ်ကို ဂျက်သရိုက “အသင်းတော်မှာ သားသမီးရှိသူတချို့က ဂလ. ၆:၅) မိတ်ဆွေတွေ၊ မိသားစုဝင်တွေက ကြင်စဦးမောင်နှံကို ပျော်စေချင်တာ မှန်ပေမဲ့ သားသမီး ယူမယူ ဆုံးဖြတ်ရမှာက ဇနီးမောင်နှံရဲ့ တာဝန် ဖြစ်ကြောင်း အသိအမှတ်ပြုရမယ်။—၁ သက်. ၄:၁၁။
မရှိတဲ့ မောင်နှံတွေကို သားသမီး ယူဖို့ ဖိအားပေးလေ့ရှိတယ်” လို့ ပြောတယ်။ “သားသမီး မရှိရင် အသက်ကြီးလာတဲ့အခါ ပြုစုမယ့်သူ ရှိမှာ မဟုတ်ဘူးလို့ တချို့ပြောကြတယ်” ဆိုပြီး အာရှမှာနေတဲ့ ညီအစ်ကို ဂျက်ဖရီ ပြောတယ်။ ဒါပေမဲ့ ဇနီးမောင်နှံတွေအနေနဲ့ သားသမီး ယူမယူ ကိုယ်တိုင် ဆုံးဖြတ်ရမယ်။ အဲဒါ သူတို့တာဝန် ဖြစ်တယ်။ (၄-၅။ ဘယ်မေးခွန်း နှစ်ခုကို မောင်နှံတွေ ဆွေးနွေးသင့်သလဲ။ ဘယ်အချိန်မှာ ဆွေးနွေးတာ အကောင်းဆုံးလဲ။ ရှင်းပြပါ။
၄ သားသမီး ယူဖို့ ဆုံးဖြတ်တဲ့ မောင်နှံတွေဟာ အရေးကြီးတဲ့ မေးခွန်း နှစ်ခုကို ဆွေးနွေးထားသင့်တယ်။ ပထမ၊ ဘယ်အချိန်မှာ ကလေးယူမလဲ။ ဒုတိယ၊ ဘယ်နှယောက် ယူမလဲ။ အဲဒီမေးခွန်းတွေကို ဘယ်အချိန်မှာ ဆွေးနွေးတာ အကောင်းဆုံးလဲ။ အဲဒီလိုဆွေးနွေးဖို့ ဘာကြောင့် သိပ်အရေးကြီးသလဲ။
၅ အများအားဖြင့် အိမ်ထောင်မပြုခင် ဆွေးနွေးသင့်တယ်။ ဘာကြောင့်လဲ။ ဒီကိစ္စမှာ စိတ်တူကိုယ်တူ ဖြစ်ဖို့ အရေးကြီးလို့ပဲ။ ဒီတာဝန်အတွက် အသင့်ဖြစ်မဖြစ် သိဖို့လည်း လိုတယ်။ မောင်နှံတချို့ဟာ လက်ထပ်ပြီး တစ်နှစ် နှစ်နှစ်လောက်မှ ကလေးယူဖို့ ဆုံးဖြတ်ကြတယ်။ အိမ်ထောင်သည်ဘဝမှာ နေသားကျအောင် ညှိဖို့ အချိန်ပေးချင်လို့ပဲ။ ကလေး ရလာရင် ကလေးအတွက် အချိန်နဲ့ ခွန်အားကို ပေးရတော့မှာ။—ဧ. ၅:၃၃။
၆။ ကျွန်တော်တို့ အသက်ရှင်နေတဲ့ ခေတ်ကာလကြောင့် ဇနီးမောင်နှံတချို့ ဘယ်လို ဆုံးဖြတ်ကြသလဲ။
၆ ခရစ်ယာန်တချို့ဟာ သားသမီး ချက်ချင်း မယူတဲ့ နောဧသားသုံးယောက်နဲ့ ချွေးမတွေကို တုပဖို့ ဆုံးဖြတ်ကြတယ်။ (က. ၆:၁၈။ ၉:၁၈၊ ၁၉။ ၁၀:၁။ ၂ ပေ. ၂:၅) ယေရှုက ကျွန်တော်တို့ခေတ်ကို “နောဧလက်ထက်” နဲ့ နှိုင်းယှဉ်ခဲ့တယ်။ ‘အလွန် ခက်ခဲကျပ်တည်းတဲ့ ကာလ’ မှာ ကျွန်တော်တို့ အသက်ရှင်နေရတယ်။ (မ. ၂၄:၃၇။ ၂ တိ. ၃:၁) ဒါကြောင့် မောင်နှံတချို့က အမှုဆောင်လုပ်ငန်းမှာ ပိုအချိန်ပေးနိုင်ဖို့ သားသမီး မယူကြသေးဘူး။
၇။ လုကာ ၁၄:၂၈၊ ၂၉ နဲ့ ပညာအလိမ္မာ ၂၁:၅ မှာပါတဲ့ မူတွေက ဘယ်လို ကူညီပေးနိုင်သလဲ။
၇ သားသမီး ယူမလား၊ ဘယ်နှယောက် ယူမလဲ ဆုံးဖြတ်တဲ့အခါ ပညာရှိ ဇနီးမောင်နှံတွေဟာ “ကုန်ကျစရိတ်ကို တွက်ချက်” ကြတယ်။ (လုကာ ၁၄:၂၈၊ ၂၉ ကိုဖတ်ပါ။) သားသမီး ကျွေးမွေးစောင့်ရှောက်ရတာဟာ ငွေကုန်ကြေး ကျများပြီး အချိန်နဲ့ ခွန်အား ကုန်တယ်ဆိုတာ သားသမီးရှိတဲ့ မိဘတိုင်း သိတယ်။ ဒါကြောင့် ‘မိသားစုရဲ့ အခြေခံလိုအပ်ရာတွေ ရဖို့ နှစ်ယောက်စလုံး အလုပ် လုပ်မလား။ ဘာတွေကို “အခြေခံ လိုအပ်ရာ” အဖြစ် သတ်မှတ်မယ်ဆိုပြီး သဘောတူထားသလား။ နှစ်ယောက်စလုံး အလုပ်လုပ်ရင် သားသမီးတွေကို ဘယ်သူ ထိန်းမလဲ။ သူတို့ရဲ့ စဉ်းစားပုံ၊ လုပ်ရပ်တွေကို ဘယ်သူတွေ ဩဇာလွှမ်းမိုးမလဲ’ စတဲ့ မေးခွန်းတွေကို ဆွေးနွေးဖို့ အရေးကြီးတယ်။ အဲဒီမေးခွန်းတွေကို ဆွေးနွေးထားတဲ့ မောင်နှံတွေဟာ ပညာအလိမ္မာ ၂၁:၅ (ဖတ်ပါ) မှာပါတဲ့ စကားတွေကို ကျင့်သုံးရာရောက်တယ်။
၈။ ဘယ်အခက်အခဲတွေကို ဇနီးမောင်နှံတွေ မျှော်လင့်ထားသင့်သလဲ။ မေတ္တာရှိတဲ့ ခင်ပွန်းဟာ ဘာလုပ်ပေးမလဲ။
၈ ကလေးတစ်ယောက်ဟာ မိဘနှစ်ဦးစလုံးရဲ့ အချိန်နဲ့ ခွန်အား လိုအပ်တယ်။ ရလည်း ရထိုက်တယ်။ ကလေးတွေ အသက်သိပ်မကွာရင် တစ်ယောက်စီကို ဂရုစိုက်ဖို့ ခက်နိုင်တယ်။ ကလေးငယ် များတဲ့ မိဘတွေဟာ စိတ်ဖိစီးမှု ပိုခံရတယ်လို့ ဝန်ခံကြတယ်။ မိခင်ဖြစ်သူလည်း အမြဲ စိတ်ပန်း လူပန်း ဖြစ်နေနိုင်တယ်။ ဒီလိုနဲ့ ပုံမှန် လေ့လာဖို့၊ ဆုတောင်းဖို့၊ အမှုဆောင်မှာ ပါဝင်ဖို့ အားမရှိတော့ဘူး။ ခရစ်ယာန် အစည်းအဝေးတွေမှာလည်း အာရုံမစိုက်နိုင်တဲ့အတွက် အကျိုးအပြည့်အဝ ရဖို့ ခက်တယ်။ မေတ္တာရှိတဲ့ ခင်ပွန်းဟာ အစည်းအဝေးမှာရော အိမ်မှာပါ သားသမီးတွေကို ကြည့်ပေးဖို့ လိုတဲ့အခါ ဇနီးကို အတတ်နိုင်ဆုံး ကူညီပေးတယ်။ ဥပမာ၊ အိမ်အလုပ်တွေ ဝိုင်းလုပ်ပေးတယ်။ ပုံမှန် မိသားစု ဝတ်ပြုမှုကနေ အားလုံး အကျိုးရအောင် စီစဉ်ပေးတယ်။ အမှုဆောင်လုပ်ငန်းမှာ မိသားစုနဲ့အတူ ပုံမှန် ပါဝင်တယ်။
ယေဟောဝါကို ချစ်လာအောင် သားသမီးတွေကို သင်ပေးပါ
၉-၁၀။ သားသမီးတွေကို ကူညီပေးဖို့ မိဘတွေ ဘာလုပ်ရမလဲ။
၉ ယေဟောဝါကို ချစ်လာအောင် သားသမီးတွေကို ကူညီပေးနိုင်တဲ့ နည်းတချို့က ဘာတွေလဲ။ အကျင့်ပျက်တဲ့ လောကမှာ သားသမီးတွေကို ဘယ်လို ကာကွယ်ပေးနိုင်သလဲ။ မိဘတွေ လုပ်ဆောင်နိုင်တဲ့ အချက်တချို့ကို သုံးသပ်ကြည့်ပါ။
၁၀ ယေဟောဝါရဲ့ အကူအညီ ရဖို့ ဆုတောင်းပါ။ ရှံဆုန်ရဲ့ မိဘ ဖြစ်လာမယ့် မာနော်နဲ့ ဇနီးရဲ့ ပုံသက်သေကို သုံးသပ်ကြည့်ပါ။ ကလေး ရတော့မယ်ဆိုတာ မာနော် သိတဲ့အခါ ကလေးကို ဘယ်လို ပြုစုပျိုးထောင်ရမယ်ဆိုတာ သင်ပေးဖို့ ယေဟောဝါဆီ အသနားခံတယ်။
၁၁။ တရားသူကြီး ၁၃:၈ မှာပါတဲ့ မာနော်ရဲ့ ပုံသက်သေကို မိဘတွေ ဘယ်လို တုပနိုင်သလဲ။
၁၁ ဘော့စနီးယားနဲ့ ဟာဇီဂိုဗီးနားမှာနေတဲ့ နီဟတ်နဲ့ အယ်မာတို့ဟာ မာနော်ရဲ့ ပုံသက်သေကို တုပခဲ့တယ်။ “မိဘတရားသူကြီး ၁၃:၈ ကိုဖတ်ပါ။
ကောင်းတွေ ဖြစ်နိုင်အောင် သင်ပေးပါလို့ မာနော်လိုပဲ ယေဟောဝါဆီ အသနားခံတယ်။ ကျွန်တော်တို့ရဲ့ ဆုတောင်းချက်ကို ကျမ်းစာ၊ ကျမ်းစာစာပေ၊ အသင်းတော် အစည်းအဝေး၊ အစည်းအဝေးကြီး စတဲ့ နည်းအမျိုးမျိုးနဲ့ ယေဟောဝါ အဖြေပေးတယ်” လို့ ပြောတယ်။—၁၂။ ယောသပ်နဲ့ မာရိဟာ သားသမီးတွေအတွက် ဘယ်လို ပုံသက်သေပြခဲ့သလဲ။
၁၂ ပုံသက်သေနဲ့ သင်ပေးပါ။ အပြောက အရေးကြီးပေမဲ့ လုပ်ရပ်က သားသမီးတွေအပေါ် ပိုအကျိုးသက်ရောက်နိုင်တယ်။ ယောသပ်နဲ့ မာရိဟာ ယေရှု အပါအဝင် ကလေးတွေအတွက် ပုံသက်သေကောင်း ပြခဲ့တယ်။ ယောသပ်က မိသားစုကို ထောက်ပံ့ဖို့ အလုပ်ကြိုးစားတယ်။ ဘုရားရေးရာကို တန်ဖိုးထားတတ်အောင်လည်း သင်ပေးတယ်။ (တရား. ၄:၉၊ ၁၀) ပညတ်တရားမှာ မတောင်းဆိုထားပေမဲ့ မိသားစုကို “နှစ်တိုင်း” ပသခါပွဲအတွက် ဂျေရုဆလင်မြို့ကို ခေါ်သွားတယ်။ (လု. ၂:၄၁၊ ၄၂) ယောသပ်ခေတ်က ဖခင်တချို့ကတော့ အဲဒီလို မိသားစုလိုက် သွားဖို့ ခက်လွန်းတယ်၊ အချိန်နဲ့ ငွေကုန်တယ်လို့ ယူဆခဲ့ကြမှာပဲ။ ဒါပေမဲ့ ယောသပ်က ဘုရားရေးရာကို တန်ဖိုးထားပြီး သားသမီးတွေကိုလည်း တန်ဖိုးထားတတ်အောင် သင်ပေးတယ်။ မာရိလည်း ကျမ်းစာနဲ့ အကျွမ်းတဝင် ရှိတယ်။ သားသမီးတွေ ကျမ်းစာကို ချစ်မြတ်နိုးလာအောင် အပြောနဲ့ရော အလုပ်နဲ့ပါ သင်ပေးတယ်။
၁၃။ ယောသပ်နဲ့ မာရိရဲ့ ပုံသက်သေကို မောင်နှံတစ်စုံ ဘယ်လို တုပသလဲ။
၁၃ အစောပိုင်းမှာ ဖော်ပြခဲ့တဲ့ နီဟတ်နဲ့ အယ်မာဟာ ယောသပ်နဲ့ မာရိရဲ့ ပုံသက်သေကိုလည်း တုပတယ်။ အဲဒါက သူတို့ရဲ့ သားလေး ဘုရားကို ချစ်ပြီး ဝတ်ပြုလာအောင် ဘယ်လို ကူညီပေးသလဲ။ “ယေဟောဝါရဲ့ မူတွေအတိုင်း အသက်ရှင်တာ ဘယ်လောက် အကျိုးရှိမှန်း ကျွန်တော်တို့ရဲ့ အသက်ရှင်နေထိုင်ပုံနဲ့ ပြဖို့ ကြိုးစားတယ်” လို့ သူတို့ ပြောတယ်။ “သားသမီးတွေကို ဖြစ်စေချင်တဲ့ လူစားမျိုး ကိုယ်တိုင် ဖြစ်ရမယ်” လို့ နီဟတ် ပြောတယ်။
၁၄။ သားသမီးတွေ ဘယ်သူနဲ့ ပေါင်းနေသလဲဆိုတာ မိဘတွေ ဘာကြောင့် သိဖို့ လိုသလဲ။
၁၄ အပေါင်းအသင်းကောင်းတွေ ရွေးချယ်တတ်အောင် သားသမီးတွေကို ကူညီပေးပါ။ သားသမီးတွေ ဘယ်သူနဲ့ ပေါင်းနေသလဲ၊ ဘာတွေ လုပ်နေသလဲ ဆိုတာ မိဘနှစ်ယောက်စလုံး သိထားရမယ်။ လူမှုမီဒီယာမှာ၊ သူတို့ရဲ့ ဖုန်းမှာ ဘယ်သူတွေနဲ့ ဆက်သွယ်နေသလဲဆိုတာ သိရမယ်။ အဲဒီအပေါင်းအသင်းတွေက သားသမီးတွေရဲ့ အတွေးအခေါ်နဲ့ လုပ်ရပ်အပေါ် ဩဇာသက်ရောက်နိုင်တယ်။—၁ ကော. ၁၅:၃၃။
၁၅။ ဂျက်စီရဲ့ ပုံသက်သေကနေ မိဘတွေ ဘာသင်ယူနိုင်သလဲ။
၁၅ မိဘတွေက ကွန်ပျူတာတွေ၊ ဖုန်းတွေ သိပ်မသုံးတတ်ရင်ကော။ ဖိလစ်ပိုင်က ဖခင်တစ်ယောက် ဖြစ်တဲ့ ဂျက်စီက “နည်းပညာအကြောင်း ကျွန်တော်တို့ သိပ်မသိဘူး။ ဒါပေမဲ့ နည်းပညာတွေရဲ့ အန္တရာယ်အကြောင်း သားသမီးတွေကို သတိပေးတယ်” လို့ ပြောတယ်။ ကိုယ်တိုင် မသုံးတတ်တာနဲ့ပဲ သားသမီးတွေ မသုံးရဘူးလို့ မတားဘူး။ “အီလက်ထရောနစ် ပစ္စည်းတွေ သုံးပြီး ဘာသာစကားအသစ် သင်ယူဖို့၊ အစည်းအဝေးတွေအတွက် လေ့လာဖို့၊ ကျမ်းစာ နေ့တိုင်း ဖတ်ဖို့ ကျွန်တော် အားပေးတယ်” လို့ သူပြောတယ်။ သင်ဟာ မိဘ ဖြစ်မယ်ဆိုရင် jw.org® ထဲက “ဆယ်ကျော်သက်များ” ကဏ္ဍမှာပါတဲ့ စာပို့ခြင်း၊ အွန်လိုင်း ဓာတ်ပုံပို့ခြင်းအကြောင်း အကြံပြုချက်တွေကို သားသမီးတွေနဲ့ ဆွေးနွေးပြီးပြီလား။ ဘယ်သူက ထိန်းချုပ်နေတာလဲ—သင်လား၊ သင့်ရဲ့ ဖုန်း၊ တက်ဘလက်လား၊ လူမှုဆက်သွယ်ရေး ကွန်ရက်ကို ပညာရှိရှိ အသုံးပြုပါ ဗီဒီယိုတွေကို * သားသမီးတွေနဲ့ အတူ ကြည့်ပြီး ဆွေးနွေးပြီးပြီလား။ အဲဒီအကြောင်းအရာတွေက အီလက်ထရောနစ်ပစ္စည်းတွေကို ဘယ်လို ပညာရှိရှိ အသုံးပြုရမယ်ဆိုတာ သင်ပေးရာမှာ အထောက်အကူပြုနိုင်တယ်။—ပညာ. ၁၃:၂၀။
၁၆။ မိဘများစွာဟာ သားသမီးတွေအတွက် ဘာစီစဉ်ပေးကြသလဲ။ ဘာအကျိုးရသလဲ။
၁၆ မိဘများစွာဟာ ပုံသက်သေကောင်းတဲ့ ဘုရားအမှုဆောင်သူတွေနဲ့ သားသမီးတွေ ပေါင်းသင်းနိုင်ဖို့ အခွင့်အလမ်းတွေ ကြိုးစားဖန်တီးပေးကြတယ်။ ဥပမာ၊ ကို့ဒီဗွားမှာနေတဲ့ နာဒါနီနဲ့ ဘိုမန်တို့ဟာ တိုက်နယ်ကြီးကြပ်မှူးကို အိမ်မှာ တည်းဖို့ ဖိတ်ခေါ်လေ့ရှိတယ်။ “ဒါက သားအပေါ် အတော်ဩဇာသက်ရောက်တယ်။ သူရှေ့ဆောင် စလုပ်ပြီး အခု အရန်တိုက်နယ် လုပ်နေပြီ” လို့ ညီအစ်ကို နာဒါနီ ပြောတယ်။ သင်ကော သားသမီးတွေအတွက် အလားတူ ပေါင်းသင်းမှုတွေ စီစဉ်ပေးနိုင်မလား။
၁၇-၁၈။ သားသမီးတွေကို ဘယ်အချိန်မှာ စလေ့ကျင့်ပေးသင့်သလဲ။
၁၇ ကလေးတွေကို စောနိုင်သမျှ စောစော လေ့ကျင့်ပေးပါ။ စောစော လေ့ကျင့်ပေးလေ ပိုကောင်းလေပဲ။ (ပညာ. ၂၂:၆) တမန်တော် ပေါလုရဲ့ ခရီးသွားဖော် ဖြစ်လာတဲ့ တိမောသေအကြောင်း စဉ်းစားကြည့်ပါ။ မိခင် ဥနိတ်နဲ့ အဘွား လောအိဟာ တိမောသေကို “နို့စို့အရွယ်ကတည်းက” လေ့ကျင့်ပေးခဲ့တယ်။—၂ တိ. ၁:၅။ ၃:၁၅။
၁၈ ကို့ဒီဗွားမှာနေတဲ့ ဂျိမ်းကလော့နဲ့ ပိစ်တို့ဟာ သားသမီးခြောက်ယောက်စလုံး ယေဟောဝါကို ချစ်ပြီး ဝတ်ပြုလာအောင် ပြုစုပျိုးထောင်နိုင်ခဲ့တယ်။ ဘာက သူတို့ကို ကူညီပေးသလဲ။ ဥနိတ်နဲ့ လောအိရဲ့ ပုံသက်သေကို သူတို့ တုပကြတယ်။ “သားသမီးတွေကို မွေးကင်းစ အရွယ်ကတည်းက ဘုရားသခင့်စကားတွေကို စိတ်စွဲမှတ်သွားအောင် သွန်သင်ပေးတယ်” လို့ သူတို့ ပြောတယ်။—တရား. ၆:၆၊ ၇။
၁၉။ ဘုရားစကားတွေကို သားသမီးတွေ စိတ်စွဲမှတ်သွားအောင် သွန်သင်ပေးခြင်းမှာ ဘာပါဝင်သလဲ။
၁၉ ယေဟောဝါရဲ့ စကားတွေကို သားသမီးတွေ “စိတ်စွဲမှတ်သွားအောင် သွန်သင်” တယ်ဆိုတာ ဘာကို ဆိုလိုသလဲ။ “အကြိမ်ကြိမ် ပြောပြပြီး သင်ပေးတာ” ကို ဆိုလိုတယ်။ အဲဒီလိုလုပ်နိုင်ဖို့ ပုံမှန် အချိန်ပေးရမယ်။ အထပ်ထပ် ပြောရတာ တစ်ခါတလေ စိတ်ပျက်စရာ ဖြစ်နိုင်တယ်။ ဒါပေမဲ့ ဘုရားသခင့်စကားတွေကို သားသမီးတွေ နားလည်လိုက်နာဖို့ ကူညီပေးနိုင်တဲ့ နည်းတစ်နည်းအဖြစ် မိဘတွေ ရှုမြင်ရမယ်။
၂၀။ ဆာလံ ၁၂၇:၄ က သားသမီးပျိုးထောင်ခြင်းနဲ့ ဘယ်လို သက်ဆိုင်သလဲ။ ရှင်းပြပါ။
ဆာလံ ၁၂၇ မှာ သားသမီးတွေကို မြားတွေနဲ့ ခိုင်းနှိုင်းထားတယ်။ (ဆာလံ ၁၂၇:၄ ကိုဖတ်ပါ။) မြားလုပ်တဲ့ ပစ္စည်းတွေ မတူသလို အရွယ်အစားလည်း မတူကြဘူး။ အဲဒီလိုပဲ ဘယ်ကလေးမှ တစ်ထပ်တည်း မတူနိုင်ဘူး။ ဒါကြောင့် သားသမီးတစ်ယောက်စီကို ဘယ်လို လေ့ကျင့်မယ်ဆိုတာ မိဘတွေ ဆုံးဖြတ်ရမယ်။ “ကလေးတစ်ယောက်စီနဲ့ သပ်သပ်စီ ကျမ်းစာ လေ့လာတယ်” လို့ ယေဟောဝါကို ဝတ်ပြုလာအောင် သားသမီးနှစ်ယောက်ကို အောင်မြင်စွာ ပြုစုပျိုးထောင်ခဲ့တဲ့ အစ္စရေးနိုင်ငံက ဇနီးမောင်နှံ ပြောတယ်။ အဲဒီလိုလေ့လာဖို့ လိုသလား၊ ဖြစ်နိုင်သလားဆိုတာ အိမ်ထောင်ဦးစီးတိုင်းက ဆုံးဖြတ်ရမယ်။
၂၀ ကိုယ့်သားသမီးအကြောင်း အသေအချာ သိပါ။ယေဟောဝါ ကူညီပေးမယ်
၂၁။ ယေဟောဝါဆီကနေ မိဘတွေ ဘာမျှော်လင့်နိုင်သလဲ။
၂၁ တစ်ခါတလေ မိဘတွေဟာ အခက်အခဲတွေကြောင့် စိတ်ရှုပ်မိနိုင်ပေမဲ့ သားသမီးတွေဟာ ယေဟောဝါ ပေးတဲ့ ဆုလက်ဆောင် ဖြစ်တယ်။ မိဘတွေကို ကူညီပေးဖို့ ယေဟောဝါ အမြဲ အသင့်ရှိတယ်။ မိဘတွေရဲ့ ဆုတောင်းချက်တွေကို အမြဲ နားထောင်ပေးတယ်။ ကျမ်းစာ၊ ကျမ်းစာစာပေ၊ အသင်းတော်မှာရှိတဲ့ ရင့်ကျက်တဲ့ မိဘတွေရဲ့ ပုံသက်သေနဲ့ အကြံဉာဏ်တွေကတစ်ဆင့် ဆုတောင်းချက်တွေကို အဖြေပေးတယ်။
၂၂။ မိဘတွေ ပေးနိုင်တဲ့ အကောင်းဆုံးအရာဟာ ဘာလဲ။
၂၂ သားသမီး မွေးမြူတာဟာ နှစ် ၂၀ စီမံကိန်းလို့ ပြောကြပေမဲ့ မိဘကတော့ အမြဲ မိဘပါပဲ။ သားသမီးတွေကို ပေးနိုင်တဲ့ အကောင်းဆုံးအရာဟာ မေတ္တာ၊ အချိန်၊ ကျမ်းစာအခြေပြု လေ့ကျင့်မှုပါပဲ။ လေ့ကျင့်မှုကို သားသမီးတွေ တစ်ယောက်တစ်မျိုးစီ တုံ့ပြန်နိုင်တယ်။ ဒါပေမဲ့ ယေဟောဝါကို ချစ်တဲ့ မိဘတွေရဲ့ ပြုစုပျိုးထောင်မှုကို ခံခဲ့ရသူ များစွာဟာ အာရှမှာနေတဲ့ ဂျိုအဲန်နာမေလို ခံစားရတယ်– “မိဘဆီက ရခဲ့တဲ့ လေ့ကျင့်မှု၊ ယေဟောဝါကို ချစ်တတ်လာအောင် ဆုံးမသွန်သင်မှုအတွက် သိပ်ကျေးဇူးတင်တယ်။ သူတို့ဟာ ကျွန်မကို အသက်ပေးရုံသာမက အဓိပ္ပာယ်ရှိတဲ့ ဘဝကိုပါ ပေးခဲ့တယ်။” (ပညာ. ၂၃:၂၄၊ ၂၅) ခရစ်ယာန် သန်းပေါင်းများစွာလည်း အလားတူ ခံစားရပါတယ်။
သီချင်း ၅၉ ယေဟောဝါကို အတူ ချီးမွမ်းကြ
^ အပိုဒ်၊ 5 အိမ်ထောင်သည်တွေ သားသမီး ယူသင့်သလား။ ဘယ်နှယောက် ယူသင့်သလဲ။ သားသမီးတွေ ယေဟောဝါကို ချစ်ပြီး ဝတ်ပြု လာအောင် ဘယ်လို လေ့ကျင့်ပေးနိုင်သလဲ။ ဒီဆောင်းပါးမှာ အဲဒီမေးခွန်းတွေကို ဖြေဆိုပေးနိုင်တဲ့ ကျမ်းစာမူတွေကို ဆွေးနွေးပါမယ်။ ခေတ်သစ် ပုံနမူနာတွေကိုလည်း လေ့လာကြပါမယ်။
^ အပိုဒ်၊ 15 လူငယ်များအမေး—တာသွားသည့်အဖြေ အတွဲ ၁၊ အခန်း ၃၆ ကိုလည်း ကြည့်ပါ။
^ အပိုဒ်၊ 60 ပုံအညွှန်း– ခရစ်ယာန် မောင်နှံတစ်စုံဟာ သားသမီး ယူမယူ၊ သားသမီးရှိခြင်းရဲ့ ပျော်ရွှင်မှုနဲ့ တာဝန်တွေအကြောင်း ဆွေးနွေးနေတယ်။
^ အပိုဒ်၊ 64 ပုံအညွှန်း– မောင်နှံတစ်စုံဟာ သားသမီးတွေရဲ့ အသက်နဲ့ စွမ်းရည်အလိုက် တစ်ယောက်စီနဲ့ လေ့လာနေတယ်။