ယေဟောဝါရဲ့ ရည်ရွယ်ချက် ပြည့်စုံမယ်
“ငါသည် နှုတ်ထွက်အတိုင်း ပြုမည်။ ကြံသည်အတိုင်း စီရင်မည်။”—ဟေရှာ. ၄၆:၁၁။
၁၊ ၂။ (က) ကျွန်တော်တို့ကို ယေဟောဝါ ဘာဖော်ပြပေးထားသလဲ။ (ခ) ဟေရှာယ ၄၆:၁၀၊ ၁၁ နဲ့ ၅၅:၁၁ မှာ ဘယ်အာမခံချက် တွေ့ရသလဲ။
ကျမ်းစာရဲ့ အဖွင့်စကားမှာ “အစအဦး၌ ဘုရားသခင်သည် ကောင်းကင်နှင့် မြေကြီးကို ဖန်ဆင်းတော်မူ၏” လို့ ရိုးရိုးရှင်းရှင်း၊ ထိထိရောက်ရောက် ဖော်ပြထားတယ်။ (က. ၁:၁) အာကာသ၊ အလင်းရောင်၊ ဆွဲငင်အားစတဲ့ ယေဟောဝါ ဖန်ဆင်းထားတဲ့အရာ များစွာအကြောင်း ကျွန်တော်တို့ အနည်းငယ်ပဲ သိထားကြတယ်။ စကြဝဠာရဲ့ တစ်စိတ်တစ်ပိုင်းလေးကိုပဲ မြင်ကြရတယ်။ (ဒေ. ၃:၁၁) ဒါပေမဲ့ ယေဟောဝါက မြေကြီးနဲ့ လူသားတွေအတွက် မိမိရည်ရွယ်ချက်ကို ဖော်ပြပေးတယ်။ မြေကြီးဟာ ဘုရားပုံသဏ္ဌာန်နဲ့ ဖန်ဆင်းခံရတဲ့ လူသားတွေအတွက် အကောင်းဆုံး စံအိမ်ပါပဲ။ (က. ၁:၂၆) လူသားတွေဟာ ယေဟောဝါရဲ့ သားသမီးတွေ ဖြစ်လာမယ်။ ယေဟောဝါလည်း သူတို့ရဲ့ ဖခင် ဖြစ်လာပါလိမ့်မယ်။
၂ ကမ္ဘာဦး အခန်းကြီးသုံးမှာ ဖော်ပြထားတဲ့အတိုင်း ယေဟောဝါရဲ့ ရည်ရွယ်ချက် တားဆီးခံလိုက်ရတယ်။ (က. ၃:၁-၇) ဒါပေမဲ့ မကျော်လွှားနိုင်တာတော့ မဟုတ်ပါဘူး။ ယေဟောဝါကို ဘယ်သူမှ မတားဆီးနိုင်ဘူး။ (ဟေရှာ. ၄၆:၁၀၊ ၁၁။ ၅၅:၁၁) ဒါကြောင့် ယေဟောဝါရဲ့ မူလရည်ရွယ်ချက် အချိန်အတိအကျ ပြည့်စုံလာမယ်ဆိုတာ စိတ်ချနိုင်ပါတယ်။
၃။ (က) ဘယ်အခြေခံ အမှန်တရားတွေက ကျမ်းစာသတင်းစကာကို နားလည်စေသလဲ။ (ခ) အဲဒီအမှန်တရားတွေကို ဘာကြောင့် ပြန်သုံးသပ်မလဲ။ (ဂ) ဘယ်မေးခွန်းတွေကို သုံးသပ်ကြမလဲ။
၃ မြေကြီးနဲ့ လူသားတွေအတွက် ဘုရားသခင့် ရည်ရွယ်ချက်၊ ဘုရားရဲ့ ရည်ရွယ်ချက် လု. ၂၂:၁၉၊ ၂၀) တက်ရောက်သူတွေဟာ ဘုရားသခင့် ရည်ရွယ်ချက်အကြောင်း များစွာ သိရှိလာကြပါလိမ့်မယ်။ ဒါကြောင့် အောက်မေ့ရာပွဲ မတိုင်ခင် ဒီရက်ပိုင်းအတွင်း ကျမ်းစာသင်သားတွေနဲ့ တခြားစိတ်ရင်းမှန်တဲ့သူတွေကို ဒီအရေးကြီးဖြစ်ရပ်အကြောင်း စိတ်ဝင်စားလာစေမယ့် မေးခွန်းတချို့ကို သုံးသပ်ကြည့်ကြစို့။ မေးခွန်းသုံးခုကို ဆွေးနွေးကြပါမယ်– မြေကြီးနဲ့ လူသားတွေအတွက် ဘုရားသခင့် မူလရည်ရွယ်ချက်က ဘာလဲ။ အဲဒီရည်ရွယ်ချက် ဘာဖြစ်သွားခဲ့သလဲ။ ဘုရားသခင့် ရည်ရွယ်ချက် ပြည့်စုံရေးမှာ ယေရှုရဲ့ ပူဇော်သက္ကာ ဘာကြောင့် အဓိကကျသလဲ။
ပြည့်စုံရေးမှာ ယေရှုရဲ့ အခန်းကဏ္ဍတွေနဲ့ပတ်သက်တဲ့ ကျမ်းစာအမှန်တရားတွေကို ကျွန်တော်တို့ သိထားကြတယ်။ အဲဒါတွေက အခြေခံအမှန်တရားတွေ ဖြစ်ပြီး ကျမ်းစာလေ့လာခါစမှာ ဦးဆုံး သိခဲ့တဲ့ကြောင်းအရာတွေ ဖြစ်နိုင်တယ်။ အဲဒီအရေးကြီးတဲ့ သွန်သင်ချက်တွေအကြောင်း စိတ်ရင်းမှန်တဲ့သူတွေကို ကျွန်တော်တို့ ပြန်ဝေမျှနေကြတယ်။ အသင်းတော်မှာ ဒီဆောင်းပါးကို လေ့လာသွားရင်းနဲ့ ခရစ်တော်ရဲ့ သေခြင်းအောက်မေ့ရာပွဲကို တက်ရောက်ဖို့ လူများနိုင်သမျှများများကို ကြိုးစားဖိတ်ခေါ်သွားကြမယ်။ (ဖန်ဆင်းရှင်ရဲ့ မူလရည်ရွယ်ချက်က ဘာလဲ
၄။ ဖန်ဆင်းခြင်းက ယေဟောဝါရဲ့ ဘုန်းတော်ကို ဘယ်လို ကြေညာနေသလဲ။
၄ ယေဟောဝါဟာ အံ့ဖွယ်ဖန်ဆင်းရှင် ဖြစ်တယ်။ ဖန်ဆင်းသမျှ စံချိန်စံနှုန်း မြင့်မားတယ်။ (က. ၁:၃၁။ ယေ. ၁၀:၁၂) ဖန်ဆင်းခြင်းမှာ ပေါ်လွင်နေတဲ့ အလှတရားနဲ့ စနစ်ကျမှုကနေ ဘာသင်ယူနိုင်သလဲ။ အသေးဆုံးကနေ အကြီးဆုံးအထိ ယေဟောဝါ ဖန်ဆင်းထားသမျှ အကျိုးပြုမှန်း သိရှိရတယ်။ လူ့ဆဲလ်ရဲ့ ဆန်းကြယ်ရှုပ်ထွေးမှု၊ မွေးကင်းစကလေးရဲ့ နုနယ်မှု၊ နေဝင်ဆည်းဆာရဲ့ အံ့မခန်းလှပမှုတို့ကို ဘယ်သူ မအံ့ဩဘဲ နေမလဲ။ စစ်မှန်တဲ့ အလှတရားကို သိရှိခံစားနိုင်စွမ်း ထည့်သွင်းဖန်ဆင်းခံရတဲ့အတွက် ဒီဖန်ဆင်းခြင်းလက်ရာတွေကို ကျွန်တော်တို့ သဘောကျကြတယ်။—ဆာလံ ၁၉:၁ နဲ့ ၁၀၄:၂၄ တို့ကို ဖတ်ပါ။
၅။ ဖန်ဆင်းရာအားလုံး လိုက်ဖက်ညီညွတ်စွာ လုပ်ဆောင်နိုင်ဖို့ ယေဟောဝါ ဘယ်လို စီစဉ်ထားသလဲ။
၅ ယေဟောဝါက ဖန်ဆင်းရာအားလုံးကို နယ်နိမိတ် သတ်မှတ်ထားတယ်။ အရာအားလုံး လိုက်ဖက်ညီညွတ်စွာ လုပ်ဆောင်နိုင်ဖို့ သဘာဝနိယာမတရားနဲ့ ကျင့်ဝတ်တရားတွေ ပြဋ္ဌာန်းထားတယ်။ (ဆာ. ၁၉:၇-၉) ဒါကြောင့် စကြဝဠာမှာရှိတဲ့အရာ မှန်သမျှဟာ ဘုရားသခင့် ရည်ရွယ်ချက်မှာ နေရာနဲ့ အလုပ်တာဝန် ကိုယ်စီရှိကြတယ်။ ဖန်ဆင်းရာတွေ တွဲဖက်လုပ်ဆောင်နိုင်ပုံကိုလည်း စံနှုန်းချမှတ်ထားတယ်။ ဥပမာ၊ ဆွဲငင်အား နိယာမတရားက လေထုကို ကမ္ဘာမြေနဲ့ အနီးကပ် ဆွဲငင်ထားတယ်။ ဒီရေနဲ့ ပင်လယ်ကို ထိန်းညှိပေးတယ်။ သက်ရှိတွေအတွက် မရှိမဖြစ်တဲ့ ရူပစနစ်ကို ဖြစ်ပေါ်စေတယ်။ လူသားတွေ အပါအဝင် ဖန်ဆင်းရာအားလုံး အဲဒီနယ်နိမိတ်အတွင်း လှုပ်ရှားဆောင်ရွက်ရတယ်။ ဖန်ဆင်းရာတွေရဲ့ စနစ်ကျမှုက မြေကြီးနဲ့ လူသားတွေအတွက် ဘုရားသခင်မှာ ရည်ရွယ်ချက်ရှိကြောင်း ပေါ်လွင်စေတယ်။ ဒီအံ့ဖွယ်စနစ်ကျမှုရဲ့ အကြောင်းရင်းကို အမှုဆောင်လုပ်ငန်းမှာ ဖော်ပြပေးနိုင်မလား။—ဗျာ. ၄:၁၁။
၆၊ ၇။ အာဒံနဲ့ ဧဝကို ယေဟောဝါ ပေးတဲ့ လက်ဆောင်တချို့က ဘာတွေလဲ။
၆ လူသားတွေအတွက် ယေဟောဝါရဲ့ မူလရည်ရွယ်ချက်က မြေကြီးပေါ်မှာ ထာဝစဉ် အသက်ရှင်စေဖို့ ဖြစ်တယ်။ (က. ၁:၂၈။ ဆာ. ၃၇:၂၉) အာဒံနဲ့ ဧဝကို အသက်တာမှာ ပျော်မွေ့စေမယ့် အဖိုးတန်လက်ဆောင်အမျိုးမျိုး ရက်ရက်ရောရော ပေးခဲ့တယ်။ (ယာကုပ် ၁:၁၇ ကိုဖတ်ပါ။) လွတ်လပ်စွာ ရွေးချယ်ပိုင်ခွင့်၊ စဉ်းစားဆင်ခြင်နိုင်စွမ်း၊ မေတ္တာပြနိုင်စွမ်း၊ မိတ်ဖွဲ့ပေါင်းသင်းနိုင်စွမ်းတို့ကိုလည်း ပေးခဲ့တယ်။ အာဒံနဲ့ စကားပြောဆက်သွယ်ပြီး နာခံမှု ဘယ်လို ပြရမလဲဆိုတာ ညွှန်ကြားခဲ့တယ်။ အာဒံဟာ မိမိလိုအပ်ရာ၊ တိရစ္ဆာန်တွေနဲ့ ကမ္ဘာမြေကို ပြုစုစောင့်ရှောက်ဖို့လည်း သင်ယူခဲ့ရတယ်။ (က. ၂:၁၅-၁၇၊ ၁၉၊ ၂၀) ယေဟောဝါက အာဒံနဲ့ ဧဝကို အကြား၊ အမြင်၊ အထိအတွေ့၊ အနံ့၊ အရသာဆိုတဲ့ အာရုံတွေကိုလည်း ထည့်သွင်းဖန်ဆင်းပေးခဲ့တယ်။ ဒါကြောင့် ပရဒိသုစံအိမ် ရဲ့ လှပမှုနဲ့ ကြွယ်ဝမှုကို အပြည့်အဝ ခံစားနိုင်ခဲ့ကြတယ်။ ပထမလူသားမောင်နှံအတွက် ကျေနပ်စရာ အလုပ်အကိုင်၊ ပြီးမြောက်အောင်မြင်မှု၊ ရှာဖွေတွေ့ရှိမှုတွေ အဆုံးမရှိပါပဲ။
၇ ဘုရားရည်ရွယ်ချက်မှာ ဘာတွေ ပါသေးသလဲ။ ယေဟောဝါဟာ အာဒံနဲ့ ဧဝကို စုံလင်တဲ့သားသမီးတွေ မွေးဖွားနိုင်စွမ်း ပေးထားတယ်။ ကမ္ဘာမြေတစ်ခုလုံး လူ့မိသားစုနဲ့ ပြည့်တဲ့အထိ တစ်ဆက်ပြီးတစ်ဆက် သားသမီးတွေ မွေးဖွားဖို့ ဘုရားသခင် အလိုရှိတယ်။ မိမိရဲ့ စုံလင်တဲ့ ပထမ လူ့သားသမီးတွေကို ယေဟောဝါ ချစ်သလို အာဒံ၊ ဧဝနဲ့ မိဘအားလုံးကိုလည်း သားသမီးတွေကို ချစ်စေချင်တယ်။ ကမ္ဘာမြေနဲ့ သယံဇာတအားလုံး လူသားတို့ရဲ့ ထာဝရစံအိမ် ဖြစ်လာမယ်။—ဆာ. ၁၁၅:၁၆။
ဘာဖြစ်သွားခဲ့သလဲ
၈။ ကမ္ဘာဦး ၂:၁၆၊ ၁၇ မှာ ပါတဲ့ပညတ်ကို ဘုရားသခင် ဘာကြောင့် ပေးခဲ့သလဲ။
၈ ယေဟောဝါ ရည်ရွယ်ထားတဲ့အတိုင်း ချက်ချင်း ဖြစ်မလာခဲ့ဘူး။ ဘာကြောင့်လဲ။ မိမိတို့ရဲ့ လွတ်လပ်မှုဘောင်ကို အသိအမှတ် ပြုမပြု စမ်းသပ်တဲ့ ပညတ်ရိုးရိုးလေးတစ်ခုကို အာဒံနဲ့ ဧဝအတွက် ယေဟောဝါ ချမှတ်ခဲ့တယ်။ “ကောင်းမကောင်းကို သိကျွမ်းရာအပင်မှတစ်ပါး ထိုဥယျာဉ်၌ ရှိသမျှသောအပင်တို့၏ အသီးကို သင်သည် စားရသောအခွင့် ရှိ၏။ ထိုအပင်၏အသီးကိုကား မစားရ။ စားသောနေ့တွင် ဧကန်အမှန် သေရမည်” လို့ ဘုရား ပြောတယ်။ (က. ၂:၁၆၊ ၁၇) ဒီပညတ်ကို အာဒံနဲ့ ဧဝ နားလည်ဖို့၊ နာခံဖို့ မခက်ပါဘူး။ တကယ်တော့ စားစရာ လိုတာထက် ပိုလျှံနေပါတယ်။
၉၊ ၁၀။ (က) ယေဟောဝါကို စာတန် ဘယ်လို စွပ်စွဲခဲ့သလဲ။ (ခ) အာဒံနဲ့ ဧဝ ဘာဆုံးဖြတ်ခဲ့ကြသလဲ။ (ဆောင်းပါးအစမှာပါတဲ့ ရုပ်ပုံကို ကြည့်ပါ။)
၉ စာတန်မာရ်နတ်ဟာ မြွေတစ်ကောင်ကို သုံးပြီး ဖခင် ယေဟောဝါကို မနာခံဖို့ ဧဝကို လှည့်ဖြားသွေးဆောင်ခဲ့တယ်။ (ကမ္ဘာဦး ၃:၁-၅ ကိုဖတ်ပါ။ ဗျာ. ၁၂:၉) “ဥယျာဉ်၌ ရှိသမျှသောအပင်တို့၏အသီး” ကို လူ့သားသမီးတွေ စားခွင့်မရှိတာကို စာတန် ရေးကြီးခွင်ကျယ် လုပ်ခဲ့တယ်။ ‘ကိုယ်လုပ်ချင်တာကို လုပ်ခွင့်မရှိဘူးပေါ့’ လို့ ပြောနေသလိုပါပဲ။ အဲဒီနောက် “သင်တို့သည် ဧကန်အမှန် သေရမည် မဟုတ်” လို့ ဗြောင်ဗြောင်တင်းတင်း လိမ်ညာခဲ့တယ်။ “ထိုအသီးကို စားသောနေ့၌ သင်တို့သည် မျက်စိပွင့်လင်း . . . [မည်] ကို ဘုရားသခင် သိတော်မူသည်” လို့ပြောပြီး ဘုရားသခင်ကို နာခံဖို့ မလိုကြောင်း ဧဝ ယုံကြည်လာအောင် လှည့်ဖြားခဲ့တယ်။ ဉာဏ်အလင်း ပွင့်လာမှာမို့ အသီးကို ယေဟောဝါ မစားစေချင်သယောင် စာတန် ပြောခဲ့တယ်။ “ကောင်းမကောင်းကို သိ၍ ဘုရားသခင်ကဲ့သို့ ဖြစ်” မယ်လို့လည်း လိမ်ပြောခဲ့တယ်။
၁၀ အာဒံနဲ့ ဧဝ ဆုံးဖြတ်ရတော့မယ်။ ယေဟောဝါကို နာခံမလား။ မြွေရဲ့ စကားကို နားထောင်မလား။ ဘုရားကို မနာခံဖို့ ဆုံးဖြတ်လိုက်ကြတယ်။ ဒီလိုနဲ့ စာတန့် ပုန်ကန်မှုမှာ ပူးပေါင်းခဲ့ကြတယ်။ ယေဟောဝါကို မိမိတို့ရဲ့ ဖခင်အဖြစ် ငြင်းပယ်ခဲ့ကြတယ်။ လုံခြုံတဲ့ ဘုရားသခင် အုပ်ချုပ်မှုကနေ မိမိတို့ဘာသာ ဝေးကွာစေခဲ့ကြတယ်။—က. ၃:၆-၁၃။
၁၁။ ပုန်ကန်မှုကို ယေဟောဝါ ဘာကြောင့် သည်းမခံခဲ့သလဲ။
၁၁ ယေဟောဝါကို အာဒံနဲ့ ဧဝ ပုန်ကန်တဲ့အတွက် စုံလင်မှု ဆုံးၡုံးသွားခဲ့ကြတယ်။ ‘ဆိုးညစ်တဲ့အရာကို ကြည့်မနေနိုင်တဲ့၊ မကောင်းမှုကို သည်းမခံနိုင်တဲ့’ ယေဟောဝါနဲ့လည်း ဝေးကွာသွားကြတယ်။ (ဟဗ. ၁:၁၃၊ ကဘ) ယေဟောဝါသာ ပုန်ကန်တဲ့ပြစ်မှုကို သည်းခံခဲ့ရင် ကောင်းကင်နဲ့ မြေကြီးမှာရှိတဲ့ သက်ရှိဖန်ဆင်းရာအားလုံးရဲ့ ကောင်းကျိုး ထိပါးခံရလိမ့်မယ်။ ကိုယ်တိုင်ရဲ့ ယုံကြည်ကိုးစားနိုင်မှုလည်း သံသယဝင်စရာ ဖြစ်လာမယ်။ ယေဟောဝါဟာ မိမိစံနှုန်းတွေအပေါ် သစ္စာရှိတာမို့ ဘယ်တော့မှ မချိုးဖောက်ဘူး။ (ဆာ. ၁၁၉:၁၄၂) အာဒံနဲ့ ဧဝတို့မှာ လွတ်လပ်စွာ ရွေးချယ်ပိုင်ခွင့် ရှိလို့ ဘုရားပညတ်ကို ချိုးဖောက်ပိုင်ခွင့် ရှိတယ်ဆိုတဲ့သဘောမျိုး မသက်ရောက်ဘူး။ ယေဟောဝါကို ပုန်ကန်တဲ့အကျိုးဆက်အနေနဲ့ သူတို့တစ်တွေ သေဆုံးပြီး မြေမှုန့်ဘဝ ပြန်ရောက်သွားကြတယ်။—က. ၃:၁၉။
၁၂။ အာဒံရဲ့ သားသမီးတွေ ဘာဖြစ်ခဲ့သလဲ။
က. ၃:၂၃၊ ၂၄) ဒီလိုနဲ့ ကိုယ့်ဆုံးဖြတ်ချက်ရဲ့ ဆိုးကျိုးတွေကို ယေဟောဝါ တရားသဖြင့် ရင်ဆိုင်စေခဲ့တယ်။ (တရားဟောရာ ၃၂:၄၊ ၅ ကိုဖတ်ပါ။) မစုံလင်တော့တဲ့အတွက် ဘုရားသခင့် အရည်အသွေးတွေကို ပြည့်ဝစုံလင်စွာ မတင်ပြနိုင်ကြတော့ဘူး။ အာဒံဟာ ကိုယ်တိုင်ရဲ့ အံ့ဖွယ်အနာဂတ် ဆုံးၡုံးသွားရုံသာမက သားသမီးတွေကိုလည်း မစုံလင်မှု၊ အပြစ်၊ သေခြင်း လက်ဆင့်ကမ်းပေးခဲ့တယ်။ (ရော. ၅:၁၂) သားသမီးတွေ အဆုံးမဲ့အသက်တာ ရရှိနိုင်မယ့် အလားအလာ ဆုံးၡုံးစေခဲ့တယ်။ အာဒံနဲ့ ဧဝသာမက သူတို့ရဲ့ သားသမီးတွေလည်း စုံလင်တဲ့ သားသမီးတွေ မမွေးဖွားနိုင်တော့ဘူး။ ဘုရားသခင်ကို အာဒံနဲ့ ဧဝတို့ ကျောခိုင်းပြီးတဲ့နောက် ဒီနေ့အထိ လူသားတွေကို စာတန် ဆက်လှည့်ဖြားနေခဲ့တယ်။—ယော. ၈:၄၄။
၁၂ အသီးကို အာဒံနဲ့ဧဝ စားလိုက်တဲ့အတွက် ဘုရားသခင့် စကြဝဠာ မိသားစုဝင်အဖြစ် ဘယ်တော့မှ လက်မခံနိုင်တော့တဲ့ အနေအထား ရောက်သွားတယ်။ သူတို့ကို ဧဒင်ကနေ ဘုရားသခင် မောင်းထုတ်လိုက်တယ်။ ပြန်လမ်း လုံးဝ မရှိတော့ဘူး။ (ရွေးနုတ်ဖိုးက ရင်ကြားစေ့ပေး
၁၃။ လူသားတွေအတွက် ယေဟောဝါ ဘာအလိုရှိသလဲ။
၁၃ လူသားတွေကို ဘုရားသခင် ချစ်နေတုန်းပါပဲ။ အာဒံနဲ့ ဧဝ ပုန်ကန်သွားပေမဲ့ ယေဟောဝါက လူသားတွေကို မိမိနဲ့ ကောင်းတဲ့ဆက်ဆံရေး ရှိစေချင်တယ်။ ဘယ်သူ့ကိုမှ မသေစေချင်ဘူး။ (၂ ပေ. ၃:၉) ဒါကြောင့် ပုန်ကန်မှုပြီးပြီးချင်း လူသားတွေ မိမိနဲ့ မိတ်ဆွေ ပြန်ဖြစ်စေနိုင်အောင်၊ တစ်ချိန်တည်းမှာ မိမိရဲ့ ဖြောင့်မတ်တဲ့ စံနှုန်းတွေကို စောင့်ထိန်းရာရောက်အောင် စီစဉ်ခဲ့တယ်။ ယေဟောဝါ ဘယ်လို စီစဉ်ခဲ့သလဲ။
၁၄။ (က) ယောဟန် ၃:၁၆ အရ လူသားတွေကို ကယ်တင်ဖို့ ဘုရားသခင် ဘာပြင်ဆင်ပေးထားသလဲ။ (ခ) ဘယ်မေးခွန်းကို စိတ်ဝင်စားသူတွေနဲ့ သုံးသပ်နိုင်သလဲ။
၁၄ ယောဟန် ၃:၁၆ ကိုဖတ်ပါ။ ဒီကျမ်းချက်ကို အောက်မေ့ရာပွဲ ဖိတ်ခေါ်ချိန်မှာ ဖတ်ပြလေ့ရှိတယ်။ မေးစရာက ယေရှုရဲ့ ပူဇော်သက္ကာက ဘယ်လိုနည်းနဲ့ ထာဝရအသက် ရရှိစေသလဲ။ အောက်မေ့ရာပွဲကင်ပိန်း၊ အောက်မေ့ရာပွဲ၊ တက်ရောက်သူတွေဆီ ပြန်လည်ပတ်ခြင်းက အဲဒီအရေးကြီးတဲ့ မေးခွန်းရဲ့ အဖြေကို အမှန်တရား ရှာဖွေနေသူတွေ၊ စိတ်ရင်းမှန်သူတွေ နားလည်လာအောင် ကူညီပေးပါလိမ့်မယ်။ ရွေးနုတ်ဖိုးမှာ ပေါ်လွင်နေတဲ့ ယေဟောဝါရဲ့ မေတ္တာနဲ့ ဉာဏ်ပညာ အတိမ်အနက်ကို သူတို့ စတင်သဘောပေါက်လာတဲ့အခါ အထင်ကြီးလေးစားလာနိုင်တယ်။ ရွေးနုတ်ဖိုးရဲ့ ဘယ်အချက်တွေကို ကျွန်တော်တို့ အလေးပေးဖော်ပြနိုင်သလဲ။
၁၅။ လူသားယေရှုဟာ လူသားအာဒံနဲ့ ဘယ်လို ကွာခြားသလဲ။
၁၅ ရွေးနုတ်ဖိုး ပေးနိုင်မယ့် စုံလင်သူကို ယေဟောဝါ ပေးခဲ့တယ်။ အဲဒီစုံလင်သူဟာ ယေဟောဝါအပေါ် သစ္စာစောင့်သိဖို့၊ မျှော်လင့်ချက် မဲ့နေတဲ့ လူသားတွေအတွက် အသက်ကို လိုလိုလားလား ပေးဆက်ဖို့ လိုပါလိမ့်မယ်။ (ရော. ၅:၁၇-၁၉) ယေဟောဝါဟာ ဦးဆုံး ဖန်ဆင်းရာဖြစ်တဲ့ ယေရှုရဲ့အသက်ကို ကောင်းကင်ကနေ မြေကြီးပေါ် ပြောင်းရွှေ့ပေးခဲ့တယ်။ (ယော. ၁:၁၄) ဒီလိုနဲ့ ယေရှုဟာ အာဒံလိုပဲ စုံလင်တဲ့လူသား ဖြစ်လာတယ်။ အာဒံနဲ့ မတူတာကတော့ စုံလင်တဲ့လူဆီကနေ ယေဟောဝါ မျှော်လင့်တဲ့ စံနှုန်းအတိုင်း ယေရှု အသက်ရှင်ခဲ့တယ်။ အဆိုးရွားဆုံး စမ်းသပ်မှုတွေ ကြုံရချိန်မှာတောင် ယေရှု အပြစ်မလုပ်ခဲ့ဘူး။ ဘုရားသခင့် ပညတ်တစ်ခုကိုမှ မချိုးဖောက်ခဲ့ဘူး။
၁၆။ ရွေးနုတ်ဖိုးဟာ ဘာကြောင့် အဖိုးတန်လက်ဆောင် ဖြစ်သလဲ။
၁၆ ယေရှုဟာ စုံလင်သူအဖြစ် သေဆုံးခြင်းအားဖြင့် လူသားတွေကို အပြစ်နဲ့ သေခြင်းကနေ ကယ်တင်နိုင်ခဲ့တယ်။ အာဒံ ဖြစ်သင့်သမျှအတိုင်း စုံလင်သူ၊ ဘုရားသခင်ကို အပြည့်အဝ နာခံသစ္စာစောင့်သိသူ ဖြစ်ခဲ့တယ်။ (၁ တိ. ၂:၆) ယေရှုဟာ ယောက်ျား၊ မိန်းမ၊ ကလေးစတဲ့ “လူများအတွက်” ထာဝရအသက်လမ်းကို ဖွင့်ပေးမယ့် ရွေးနုတ်ဖိုး ပူဇော်သက္ကာ ဖြစ်လာတယ်။ (မ. ၂၀:၂၈) ဘုရားသခင့် မူလရည်ရွယ်ချက် ပြည့်စုံရေးမှာ ရွေးနုတ်ဖိုးဟာ အဓိကကျတယ်။ (၂ ကော. ၁:၁၉၊ ၂၀) ရွေးနုတ်ဖိုးဟာ သစ္စာရှိသူ လူသားအားလုံးကို ထာဝရအသက် အလားအလာ ရရှိစေတယ်။
ကျွန်တော်တို့အတွက် ယေဟောဝါ လမ်းဖွင့်ပေး
၁၇။ ရွေးနုတ်ဖိုးက ဘာကို ဖြစ်မြောက်စေသလဲ။
၁၇ ယေဟောဝါဟာ ကိုယ်တိုင်အကြီးအကျယ် အနစ်နာခံပြီး ရွေးနုတ်ဖိုး ပြင်ဆင်ပေးခဲ့တယ်။ (၁ ပေ. ၁:၁၉) တစ်ပါးတည်းသောသားကို အသေခံစေတဲ့အထိ လူသားတွေကို အလွန်တန်ဖိုးထားတယ်။ (၁ ယော. ၄:၉၊ ၁၀) ယေရှုဟာ ကျွန်တော်တို့ရဲ့ မူလဖခင် အာဒံ့နေရာကို အစားဝင်လိုက်တဲ့ သဘောပါပဲ။ (၁ ကော. ၁၅:၄၅) ဒီနည်းအားဖြင့် ယေရှုက ကျွန်တော်တို့ကို အသက်ပြန်ရစေရုံသာမက ဘုရားသခင့် မိသားစုဝင် ပြန်ဖြစ်ခွင့်ပါ ပေးခဲ့တယ်။ ယေရှုရဲ့ ပူဇော်သက္ကာကို အခြေခံပြီး မိမိရဲ့ဖြောင့်မတ်တဲ့စံနှုန်းကိုလည်း မချိုးဖောက်ဘဲ လူသားတွေကို မိမိရဲ့မိသားစုဝင်အဖြစ် ဘုရားသခင် ပြန်လက်ခံနိုင်ပြီ။ သစ္စာရှိလူသားအားလုံး စုံလင်လာမယ့်အချိန်အကြောင်း စဉ်းစားခြင်းက ကြည်နူးစရာပဲ မဟုတ်လား။ ကောင်းကင်နဲ့ မြေကြီးမှာရှိတဲ့ မိသားစုဝင်အားလုံး အပြည့်အဝ စည်းလုံးလာမယ်။ ကျွန်တော်တို့အားလုံး အပြည့်ဝဆုံးသဘောနဲ့ ဘုရားသခင့် သားသမီးတွေ ဖြစ်လာကြမယ်။—ရော. ၈:၂၁။
၁၈။ ဘယ်အချိန်မှာ ယေဟောဝါဟာ “လူခပ်သိမ်း၌ အရာခပ်သိမ်း” ဖြစ်လာမလဲ။
၁၈ စာတန့်ပုန်ကန်မှုက လူသားတွေအပေါ် ယေဟောဝါရဲ့ မေတ္တာကို မရပ်တန့်စေနိုင်ခဲ့ဘူး။ မစုံလင်တဲ့လူသားတွေကိုလည်း ယေဟောဝါအပေါ် သစ္စာမဲ့အောင် မလုပ်နိုင်ခဲ့ဘူး။ ရွေးနုတ်ဖိုးအားဖြင့် သားသမီးအားလုံး အပြည့်အဝ ဖြောင့်မတ်လာအောင် ယေဟောဝါ ကူညီပေးပါလိမ့်မယ်။ “သားတော်ကို . . . ယုံကြည်ကြောင်း တင်ပြသောသူတိုင်း” ထာဝရအသက် ရတဲ့အခါ ဘယ်လိုအသက်တာမျိုး ဖြစ်မလဲဆိုတာ စဉ်းစားကြည့်ပါ။ (ယော. ၆:၄၀) မေတ္တာနဲ့ ဉာဏ်ပညာ ကြီးမားတဲ့ ယေဟောဝါဟာ မူလရည်ရွယ်ချက်အတိုင်း လူ့မိသားစုကို စုံလင်အောင် လုပ်ပေးပါလိမ့်မယ်။ အဲဒီအခါ ယေဟောဝါဟာ “လူခပ်သိမ်း၌ အရာခပ်သိမ်း” ဖြစ်လာပါလိမ့်မယ်။—၁ ကော. ၁၅:၂၈။
၁၉။ (က) ရွေးနုတ်ဖိုးကို ကျေးဇူးတင်ခြင်းက ဘာလုပ်ဖို့ လှုံ့ဆော်ပေးသင့်သလဲ။ (“ ထိုက်တန်သူတွေကို ဆက်ရှာဖွေကြပါစို့” လေးထောင့်ကွက်ကို ကြည့်ပါ။) (ခ) ရွေးနုတ်ဖိုးရဲ့ ဘယ်ကဏ္ဍကို နောက်ဆောင်းပါးမှာ ဆွေးနွေးကြမလဲ။
၁၉ ရွေးနုတ်ဖိုးကို ကျေးဇူးတင်ခြင်းက ဒီအဖိုးတန်လက်ဆောင်ကနေ တခြားသူတွေ အကျိုးရအောင် အတတ်နိုင်ဆုံး ကူညီဖို့ ကျွန်တော်တို့ကို လှုံ့ဆော်ပေးသင့်တယ်။ လူအားလုံး ထာဝရအသက် အလားအလာရအောင် ရွေးနုတ်ဖိုးအားဖြင့် ယေဟောဝါ မေတ္တာပါစွာ ပြင်ဆင်ပေးထားကြောင်း လူတွေ သိဖို့လိုတယ်။ ရွေးနုတ်ဖိုးက ဒီထက်မက ပြီးမြောက်ပါသေးတယ်။ ဧဒင်ဥယျာဉ်မှာ စာတန်ပေါ်ပေါက်စေခဲ့တဲ့ ကျင့်ဝတ်အရေးကိစ္စတွေကို ယေရှုရဲ့ ပူဇော်သက္ကာက ဘယ်လို ဖြေရှင်းပေးသလဲဆိုတာ နောက်ဆောင်းပါးမှာ ဆွေးနွေးကြပါမယ်။