“ယေဟောဝါကို ဝမ်းမြောက်စွာ ဝတ်ပြု” ဖို့ “တိုင်းတစ်ပါးသားတွေကို” ကူညီပေးခြင်း
“ယေဟောဝါက တိုင်းတစ်ပါးသားတွေကို ကာကွယ်တယ်။”— ဆာ. ၁၄၆:၉။
၁၊ ၂။ (က) ညီအစ်ကို/မတချို့ ဘာအခက်အခဲတွေ ကြုံတွေ့နေရသလဲ။ (ခ) ဘယ်မေးခွန်းတွေ ပေါ်လာသလဲ။
“ဘူရွန်ဒီမှာ ပြည်တွင်းစစ် စဖြစ်တဲ့အခါ ကျွန်တော်တို့ မိသားစု တိုက်နယ်အစည်းအဝေး တက်နေတယ်။ လူတွေ ပြေးလွှားနေတာ၊ ပစ်ခတ်နေတာတွေ မြင်နေရတယ်။ မိဘနဲ့ ကျွန်တော်တို့မောင်နှမ ၁၁ ယောက်ဟာ အသက်ဘေးလွတ်ဖို့ အဝတ်တစ်ထည်ကိုယ်တစ်ခုနဲ့ ထွက်ပြေးခဲ့ကြတယ်။ မိသားစုဝင်တချို့က မိုင် ၁,၀၀၀ (ကီလိုမီတာ ၁,၆၀၀) ကျော် ဝေးတဲ့ မာလာဝီနိုင်ငံက ဒုက္ခသည်စခန်းကို ရောက်သွားတယ်။ ကျန်တဲ့သူတွေကတော့ တကွဲတပြား ဖြစ်ကုန်တယ်” လို့ ညီအစ်ကို လီဂျာ ပြောပြတယ်။
၂ ကမ္ဘာတစ်ဝန်းမှာ စစ်၊ နှိပ်စက်ညှဉ်းပန်းမှုကြောင့် အိုးအိမ် စွန့်တဲ့ ဒုက္ခသည် ၆၅ သန်းကျော် ရှိတယ်။ ဒါ အများဆုံး မှတ်တမ်းပဲ။ * ဒီထဲမှာ ယေဟောဝါသက်သေတွေ ထောင်နဲ့ချီရှိတယ်။ အများစုဟာ ချစ်ရသူတွေနဲ့ ပိုင်ဆိုင်ရာအားလုံးနီးပါး ဆုံးၡုံးခဲ့ရတယ်။ တခြားဘာအခက်အခဲတွေ ကြုံကြသေးသလဲ။ အခက်အခဲကြားမှာ “ယေဟောဝါကို ဝမ်းမြောက်စွာ ဝတ်ပြု” ဖို့ ညီအစ်ကို/မတွေကို ဘယ်လို ကူညီပေးနိုင်သလဲ။ (ဆာ. ) ယေဟောဝါကို မသိသေးတဲ့ ဒုက္ခသည်တွေကို ဘယ်လိုနည်းနဲ့ ထိထိရောက်ရောက် သတင်းကောင်း ဟောပြောနိုင်မလဲ။ ၁၀၀:၂
ဒုက္ခသည်ဘဝ
၃။ ယေရှုနဲ့ တပည့်များစွာ ဘာကြောင့် ဒုက္ခသည်တွေ ဖြစ်သွားကြသလဲ။
၃ ဘုရင်ဟေရုဒ်က ယေရှုကို သတ်ချင်နေကြောင်း ယောသပ်ကို ယေဟောဝါရဲ့ ကောင်းကင်တမန် သတိပေးပြီးနောက်မှာ ယေရှုနဲ့ မိဘတွေ အီဂျစ်ပြည်မှာ ဒုက္ခသည်အဖြစ် နေခဲ့ရတယ်။ ဟေရုဒ် ကွယ်လွန်တဲ့အထိ အဲဒီမှာ နေခဲ့တယ်။ (မ. ၂:၁၃၊ ၁၄၊ ၁၉-၂၁) ဆယ်စုနှစ်တွေ ကြာပြီးနောက် ယေရှုရဲ့ အစောပိုင်းတပည့်တွေဟာ နှိပ်စက်ညှဉ်းပန်းမှုကြောင့် “ယုဒပြည်၊ ရှမာရိပြည်အနှံ့ ကွဲလွင့်သွား” ကြတယ်။ (တ. ၈:၁) နောက်လိုက်များစွာ အိမ်ကနေ မဖြစ်မနေ ထွက်ပြေးရမယ်လို့ ယေရှု ကြိုမြင်ခဲ့တယ်။ “ဒီမြို့မှာ ညှဉ်းဆဲရင် နောက်တစ်မြို့ကို ထွက်ပြေးပါ” လို့ပြောခဲ့တယ်။ (မ. ၁၀:၂၃) ဘာကြောင့်ပဲ ပြေးပြေး မလွယ်ပါဘူး။
၄၊ ၅။ (က) ဒုက္ခသည်တွေ ထွက်ပြေးတဲ့အခါ ဘာအန္တရာယ်တွေ ရှိသလဲ။ (ခ) ဒုက္ခသည်စခန်းမှာ နေထိုင်တဲ့အခါ ဘာအန္တရာယ်တွေ ရှိသလဲ။
၄ ဒုက္ခသည်တွေ ထွက်ပြေးတဲ့အခါ၊ ဒုက္ခသည်စခန်းမှာ နေထိုင်တဲ့အခါ အန္တရာယ်တွေ ကြုံတွေ့ရနိုင်တယ်။ “လူသေအလောင်းရာနဲ့ချီကို ဖြတ်ကျော်ပြီး သီတင်းပတ်နဲ့ချီ လမ်းလျှောက်ခဲ့ရတယ်။ ကျွန်တော် ၁၂ နှစ်ပဲ ရှိသေးတယ်။ ခြေထောက်တွေ ရောင်ကိုင်းလာလို့ ကျွန်တော့်ကို ထားခဲ့ဖို့ ပြောတယ်။ အဖေက သူပုန်တွေကြားမှာ ကျွန်တော့်ကို မထားခဲ့ဘဲ ပိုးသွားတယ်။ တစ်ရက်ပြီး တစ်ရက် ကျော်ဖြတ်ခဲ့တယ်။ ယေဟောဝါကို အားကိုးပြီး ဆုတောင်းတယ်။ တစ်ခါတလေ လမ်းတစ်လျှောက်မှာ ပေါက်နေတဲ့ သရက်သီးတွေပဲ စားရတယ်” လို့ လီဂျာရဲ့ ညီ ဂတ် ပြောတယ်။—ဖိ. ၄:၁၂၊ ၁၃။
၅ လီဂျာရဲ့ မိသားစုဝင်အများစုဟာ ကုလသမဂ္ဂ ဒုက္ခသည်စခန်းတွေမှာ နှစ်ပေါင်းများစွာ နေထိုင်ခဲ့ရတယ်။ အဲဒီမှာလည်း မလုံခြုံဘူး။ အခု တိုက်နယ်ကြီးကြပ်မှူး ဖြစ်နေတဲ့ လီဂျာက ပြောတယ်– “လူအများစုမှာ အလုပ်မရှိဘူး။ အတင်းပြောတယ်။ သောက်စားတယ်။ လောင်းကစား လုပ်တယ်။ ခိုးတယ်။ အကျင့်ပျက်ကြတယ်။” မကောင်းတဲ့ ဩဇာတွေကို တွန်းလှန်ဖို့ စခန်းမှာ နေတဲ့ သက်သေခံတွေက အသင်းတော် လုပ်ငန်းဆောင်တာတွေမှာ အပြည့်အဝ ပါဝင်နေဖို့ လိုတယ်။ (ဟီ. ၆:၁၁၊ ၁၂။ ၁၀:၂၄၊ ၂၅) ဘုရားနဲ့ဆက်ဆံရေး ကောင်းနေဖို့ အချိန်ကို အကျိုးရှိရှိ သုံးကြတယ်။ ရှေ့ဆောင် လုပ်ကြတယ်။ တောကန္တာရမှာ အစ္စရေးတွေ ခရီးကြမ်းနှင်တဲ့အချိန် ကုန်ဆုံးသလို ဒုက္ခသည်စခန်းမှာ နေရတဲ့အချိန်တွေလည်း ကုန်ဆုံးသွားမယ်ဆိုတဲ့ အကောင်းမြင် သဘောထားကို ထိန်းသိမ်းခဲ့ကြတယ်။— ၂ ကော. ၄:၁၈။
ဒုက္ခသည်များကို မေတ္တာပြခြင်း
၆၊ ၇။ (က) “ဘုရားသခင်ကို ချစ်တဲ့” မေတ္တာက လိုအပ်နေတဲ့ ညီအစ်ကိုတွေကို ကူညီဖို့ ဘယ်လို လှုံ့ဆော်ပေးသလဲ။ (ခ) ဥပမာတစ်ခု ပြောပြပါ။
၆ “ဘုရားသခင်ကို ချစ်တဲ့” မေတ္တာက အချင်းချင်း ချစ်ဖို့၊ အထူးသဖြင့် အခက်အခဲတွေ ကြုံတဲ့အခါ မေတ္တာပြဖို့ လှုံ့ဆော်ပေးတယ်။ (၁ ယောဟန် ၃:၁၇၊ ၁၈ ကိုဖတ်ပါ။) ပထမရာစုမှာ ယုဒပြည်က ခရစ်ယာန်တွေ အငတ်ဘေး ကြုံတဲ့အခါ ကူညီပေးဖို့ အသင်းတော်က စီစဉ်ခဲ့တယ်။ (တ. ၁၁:၂၈၊ ၂၉) အချင်းချင်း ဧည့်ဝတ်ပြုဖို့ ခရစ်ယာန်တွေကို တမန်တော်ပေါလုနဲ့ ပေတရုတို့ တိုက်တွန်းခဲ့တယ်။ (ရော. ၁၂:၁၃။ ၁ ပေ. ၄:၉) အလည်လာတဲ့ ညီအစ်ကိုတွေကိုတောင် လက်ခံကြိုဆိုရမယ်ဆိုရင် အသက်အန္တရာယ် ကြုံနေရတဲ့၊ ယုံကြည်ခြင်းကြောင့် နှိပ်စက်ညှဉ်းပန်းခံရတဲ့ ခရစ်ယာန်ချင်းတွေကို ပိုပြီးကြိုဆိုသင့်ပါတယ်။—ပညာအလိမ္မာ ၃:၂၇ ကိုဖတ်ပါ။ *
၇ မကြာသေးခင်က ယောက်ျား၊ မိန်းမ၊ ကလေး အပါအဝင် ယေဟောဝါသက်သေ ထောင်နဲ့ချီဟာ ယူကရိန်းအရှေ့ပိုင်းမှာ ဖြစ်ပွားတဲ့ ပဋိပက္ခ၊ နှိပ်စက်ညှဉ်းပန်းမှုကြောင့် ထွက်ပြေးခဲ့ရတယ်။ ဝမ်းနည်းစရာက တချို့ အသတ်ခံရတယ်။ ဒါပေမဲ့ အများစုကို ယူကရိန်းနိုင်ငံ တခြားနေရာမှာရှိတဲ့ ညီအစ်ကိုတွေက ခေါ်ထားကြတယ်။ တချို့ကို ရုရှားနိုင်ငံက သက်သေခံတွေက နေရာပေးကြတယ်။ နှစ်နိုင်ငံစလုံးမှာရှိတဲ့ သူတို့ဟာ ‘ဒီလောကနဲ့ မပတ်သက်’ ကြလို့ နိုင်ငံရေးမှာ ယော. ၁၅:၁၉။ တ. ၈:၄။
ကြားနေကြတယ်။ “တရားစကားတော်မှာပါတဲ့ သတင်းကောင်းကို” ထက်ထက်သန်သန် ဆက် “ဟောပြော” ကြတယ်။—ယုံကြည်ခြင်း ခိုင်ခံ့လာစေဖို့ ဒုက္ခသည်များကို ကူညီပေးခြင်း
၈၊ ၉။ (က) တိုင်းပြည်သစ်မှာ ဒုက္ခသည်တွေ ဘာအခက်အခဲတွေ ကြုံရနိုင်သလဲ။ (ခ) ဘာကြောင့် စိတ်ရှည်ရှည် ကူညီပေးရမလဲ။
၈ တချို့က ကိုယ့်နိုင်ငံထဲမှာပဲ နေကြရပေမဲ့ တချို့ကျတော့ အကျွမ်းမဝင်တဲ့ နယ်မြေသစ်ကို ပြောင်းရွှေ့ရတယ်။ အစိုးရက စားဝတ်နေရေး စီစဉ်ပေးပေမဲ့ စားနေကျ အစားအစာတော့ မရနိုင်ဘူး။ အပူပိုင်းနိုင်ငံတွေက ဒုက္ခသည်တွေဟာ အေးခဲတဲ့ ရာသီဥတုကို ဦးဆုံးကြုံရချိန်မှာ နွေးနွေးထွေးထွေး မဝတ်ဆင်တတ်ကြဘူး။ ကျေးလက်ဒေသက လူတွေဟာ ခေတ်မီ အိမ်သုံးပစ္စည်းတွေကို မသုံးတတ်ကြဘူး။
၉ အစိုးရတချို့က ဒုက္ခသည်တွေကို အခြေအနေသစ်နဲ့အညီ နေသားကျအောင် အစီအစဉ်တွေ လုပ်ပေးတယ်။ ဒါပေမဲ့ လပိုင်းအတွင်း ကိုယ့်ဘာသာကိုယ် ရပ်တည်စေချင်တယ်။ အပြောင်းအလဲက စိတ်ဖိစီးစေနိုင်တယ်။ စဉ်းစားကြည့်ပါ၊ ဘာသာစကားအသစ် သင်ယူရမယ်။ အမူအကျင့်၊ အချိန်တိကျမှု၊ အခွန်ဆောင်ခြင်း၊ ငွေပေးချေခြင်း၊ ကျောင်းတက်ခြင်း၊ သားသမီးဆုံးမခြင်းစတဲ့ ဥပဒေအသစ်နဲ့အညီ နေသားကျအောင် လုပ်ကြရတယ်။ ဒီလိုအခက်အခဲ ကြုံနေရတဲ့ ညီအစ်ကို/မတွေကို စိတ်ရှည်ရှည်၊ လေးလေးစားစား ကူညီပေးနိုင်မလား။—ဖိ. ၂:၃၊ ၄။
၁၀။ ရောက်လာတဲ့ ဒုက္ခသည်တွေရဲ့ ယုံကြည်ခြင်းကို ဘယ်လို ခိုင်ခံ့စေနိုင်သလဲ။ (ဆောင်းပါးအစမှာပါတဲ့ ရုပ်ပုံကို ကြည့်ပါ။)
၁၀ အသင်းတော်နဲ့ ဆက်သွယ်တဲ့ ညီအစ်ကိုတွေဟာ တစ်ခါတလေ အာဏာပိုင်တွေကြောင့် အခက်အခဲ ကြုံရတယ်။ အစည်းအဝေး ပျက်မယ့် အလုပ်တွေ လက်မခံဘူးဆိုရင် အထောက်အပံ့ ဖြတ်မယ်၊ ခိုလှုံခွင့် မပေးဘူးလို့ ညီအစ်ကိုတွေကို အကျိုးဆောင်တချို့က ခြိမ်းခြောက်တယ်။ ကြောက်လန့်လို့၊ အကူအညီ မရမှာစိုးလို့ ဖိအားတွေကို ညီအစ်ကိုတချို့ အလျှော့ပေးလိုက်ကြတယ်။ ဒါကြောင့် ရောက်လာတဲ့ ဒုက္ခသည် ညီအစ်ကိုတွေကို ချက်ချင်းဆက်သွယ်ဖို့ အရေးကြီးတယ်။ သူတို့ကို ဂရုစိုက်ကြောင်း သိစေရမယ်။ ကျွန်တော်တို့ရဲ့ ထောက်ထားစာနာမှု၊ လက်တွေ့ကျ အကူအညီတွေက သူတို့ရဲ့ ယုံကြည်ခြင်းကို ခိုင်ခံ့စေနိုင်တယ်။—ပညာ. ၁၂:၂၅။ ၁၇:၁၇။
ဒုက္ခသည်များကို လက်တွေ့ကျကျ ကူညီခြင်း
၁၁။ (က) အရင်ဆုံး ဒုက္ခသည်တွေ ဘာလိုအပ်သလဲ။ (ခ) ဒုက္ခသည်တွေ ကျေးဇူးတင်ကြောင်း ဘယ်လို ပြနိုင်သလဲ။
၁၁ အရင်ဆုံး အစားအစာ၊ အဝတ်အထည်၊ တခြား အခြေခံ လိုအပ်ရာတွေ ထောက်ပံ့ပေးရမယ်။ * လည်စည်းတစ်ခု ပေးတာလေးတောင် အကျိုးအများကြီး ရှိနိုင်တယ်။ ဒုက္ခသည်တွေ ဘာမှ မတောင်းဆိုဘဲ ကျေးဇူးတင်ကြောင်း ပြတဲ့အခါ အိမ်ရှင်တွေ ပေးကမ်းရတာ ပျော်ရွှင်တယ်။ တခြားသူတွေရဲ့ ရက်ရောမှုအပေါ် မှီခိုနေမယ်ဆိုရင် ဒုက္ခသည်တွေ ကိုယ့်ကိုယ်ကိုယ် လေးစားမှု ပျောက်ဆုံးသွားနိုင်တယ်။ တခြားညီအစ်ကိုတွေနဲ့ ဆက်ဆံရေး ထိခိုက်သွားနိုင်တယ်။ (၂ သက်. ၃:၇-၁၀) ဒါပေမဲ့ လက်တွေ့ကျ အကူအညီ လိုအပ်ကြတယ်။
ဒုက္ခသည် ညီအစ်ကို/မတွေကို ဘယ်လို ကူညီပေးနိုင်သလဲ (အပိုဒ် ၁၁-၁၃ ကိုကြည့်ပါ)
၁၂၊ ၁၃။ (က) ဒုက္ခသည်တွေကို လက်တွေ့ကျ အကူအညီ ဘယ်လို ပေးနိုင်သလဲ။ (ခ) ဥပမာတစ်ခု ပြောပြပါ။
၁၂ ဒုက္ခသည်တွေကို လက်တွေ့ကျကျ ကူညီပေးဖို့ ငွေအများကြီး မလိုပါဘူး။ အချိန်နဲ့ ဂရုစိုက်မှုပဲ အဓိက လိုတယ်။ အများသုံးယာဉ် အသုံးပြုပုံ၊ ကျန်းမာရေးနဲ့ ညီညွတ်ပြီး ဈေးသက်သာတဲ့ အစားအစာ ဝယ်နိုင်ပုံ၊ အပ်ချုပ်စက်၊ မြက်ရိတ်စက်စတဲ့ စက်ကိရိယာတွေ ရယူနိုင်ပုံ၊ ဝင်ငွေ ရှာပုံတို့ကို ပြပေးနိုင်ပါတယ်။ ပိုအရေးကြီးတာကတော့ အသင်းတော်သစ်မှာ အပြည့်အဝ ပါဝင်လာဖို့ ကူညီပေးနိုင်တယ်။ ဖြစ်နိုင်မယ်ဆိုရင် အစည်းအဝေးတွေ တက်ဖို့ ကြိုပို့ပေးနိုင်တယ်။ ရပ်ကွက်မှာ သတင်းကောင်း ဟောပြောဖို့ လူတွေဆီ ချဉ်းကပ်ပုံအကြောင်း ရှင်းပြပါ။ ဒုက္ခသည် ညီအစ်ကို/မတွေကို အမှုဆောင်ဖို့ ခေါ်သွားပါ။
ဂလ. ၆:၁၀) မကြာခင်မှာပဲ လေးယောက်စလုံး ရှေ့ဆောင်တွေ ဖြစ်လာတယ်။ ဘုရားရေးရာပန်းတိုင်တွေ ပြည့်မီဖို့ ကိုယ်တိုင်ကြိုးစားမှုနဲ့ လမ်းညွှန်ချက်တွေက တက်ကြွလှုပ်ရှားနေဖို့၊ စာတန့်စနစ်ရဲ့ ဝါးမျိုးမခံရဖို့ ကူညီပေးတယ်။
၁၃ အသင်းတော်တစ်ခုကို လူပျိုပေါက် ဒုက္ခသည်လေးဦး ရောက်လာတဲ့အခါ ကားမောင်းနည်း၊ စာရိုက်နည်း၊ အလုပ်လျှောက်နည်း၊ ယေဟောဝါကို အပြည့်အဝ အမှုဆောင်ဖို့ ဇယားဆွဲနည်းတို့ကို အကြီးအကဲတွေ သင်ပေးကြတယ်။ (၁၄။ (က) ဒုက္ခသည်တွေ ဘယ်သွေးဆောင်မှုကို တိုက်လှန်ရသလဲ။ (ခ) ဥပမာတစ်ခု ပြောပြပါ။
၁၄ တခြားခရစ်ယာန်တွေလိုပဲ ဒုက္ခသည်တွေလည်း ယေဟောဝါနဲ့ ဆက်ဆံရေး အထိခိုက်ခံပြီး ရုပ်ဝတ္ထုပစ္စည်းတွေ ရယူဖို့ သွေးဆောင်မှု၊ ဖိအားတွေကို တွန်းလှန်ရမယ်။ * အစပိုင်းမှာ ဖော်ပြခဲ့တဲ့ လီဂျာနဲ့ မောင်နှမတွေလည်း ထွက်ပြေးချိန်မှာ ဖခင် သင်ပေးတဲ့ ယုံကြည်ခြင်းဆိုင်ရာ သင်ခန်းစာတွေကို အမှတ်ရနေကြတယ်။ “သယ်လာတဲ့ မရှိမဖြစ် မဟုတ်တဲ့ ပိုင်ဆိုင်ရာတွေကို တစ်ခုပြီး တစ်ခု ဖယ်ထုတ်ခဲ့တယ်။ နောက်ဆုံး အိတ်အလွတ်ကို ကိုင်ပြီး ‘တွေ့လား၊ ငါတို့လိုတာ ဒါပဲ’ လို့ ပြုံးပြီး ပြောခဲ့တယ်။”—၁ တိမောသေ ၆:၈ ကိုဖတ်ပါ။
ဒုက္ခသည်တွေ အလိုအပ်ဆုံးအရာကို ဂရုစိုက်ပေးခြင်း
၁၅၊ ၁၆။ (က) ဒုက္ခသည်တွေကို ဘုရားရေးရာမှာ ဘယ်လို ကူညီပေးနိုင်သလဲ။ (ခ) ဒုက္ခသည်တွေကို စိတ်ပိုင်းဆိုင်ရာမှာ ဘယ်လို ကူညီပေးနိုင်သလဲ။
၁၅ ဒုက္ခသည်တွေဟာ ရုပ်ပစ္စည်းထက် ဘုရားရေးရာနဲ့ စိတ်ပိုင်းဆိုင်ရာ အကူအညီ ပိုလိုအပ်တယ်။ (မ. ၄:၄) ဒုက္ခသည်တွေရဲ့ မိခင်ဘာသာစကားနဲ့ စာပေတွေ ရရှိနိုင်အောင်၊ စကားတူတဲ့ ညီအစ်ကိုတွေနဲ့ အဆက်အသွယ်ရအောင် အကြီးအကဲတွေ ကူညီပေးနိုင်တယ်။ ဒုက္ခသည်များစွာဟာ မိသားစု၊ အသိုင်းအဝိုင်း၊ အသင်းတော်တွေနဲ့ ဝေးကွာနေကြတယ်။ ခရစ်ယာန်ချင်းတွေအလယ်မှာ ယေဟောဝါရဲ့ မေတ္တာနဲ့ ထောက်ထားစာနာမှု ခံစားရဖို့ လိုတယ်။ မဟုတ်ရင် မယုံကြည်သူ ဆွေမျိုးတွေ၊ ယဉ်ကျေးမှုနောက်ခံတူတဲ့ တစ်နယ်တည်းသားတွေဆီ ရောက်သွားနိုင်တယ်။ (၁ ကော. ၁၅:၃၃) အသင်းတော်မှာ အပြည့်အဝ လက်ခံကြိုဆိုတယ်လို့ ခံစားစေခြင်းအားဖြင့် “တိုင်းတစ်ပါးသားတွေကို ကာကွယ်” ပေးတဲ့ ယေဟောဝါနဲ့အတူ လုပ်ဆောင်ရတဲ့ အခွင့်ထူး ရရှိထားပါတယ်။—ဆာ. ၁၄၆:၉။
၁၆ ဒုက္ခသည် သူငယ် ယေရှုနဲ့ မိသားစုဟာ ဖိနှိပ်သူတွေ ရှိနေသေးသရွေ့ နေရင်းပြည်ကို မပြန်နိုင်ခဲ့ကြဘူး။ “မိသားစုဝင်တွေ မုဒိမ်းကျင့် ခံရတာ၊ အသတ်ခံရတာကို မြင်ခဲ့၁ ပေ. ၃:၈) နှိပ်စက်ညှဉ်းပန်းမှုတွေကြောင့် ဒုက္ခသည်တချို့ဟာ လူတွေနဲ့ ခပ်ခွာခွာ နေကြတယ်။ အထူးသဖြင့် သားသမီးတွေရှေ့မှာ သူတို့ရဲ့ ဒုက္ခအကြောင်း မပြောချင်ကြဘူး။ ‘ငါသာ သူတို့နေရာမှာဆိုရင် ဘယ်လို ဆက်ဆံတာမျိုး လိုချင်သလဲ’ လို့ ကိုယ့်ကိုယ်ကိုယ် မေးပါ။—မ. ၇:၁၂။
ရတဲ့ မိဘတွေဟာ အဖြစ်ဆိုးတွေ ကြုံတွေ့ရတဲ့နေရာတွေဆီ သားသမီးတွေကို ပြန်မခေါ်သွားချင်ကြဘူး” လို့ လီဂျာ ပြောတယ်။ အဲဒီလို စိတ်ဒဏ်ရာ ရသွားတဲ့သူတွေကို ကူညီပေးဖို့ ဒုက္ခသည်တွေကို လက်ခံထားတဲ့ တိုင်းပြည်က ညီအစ်ကိုတွေမှာ ‘ကိုယ်ချင်းစာမှု၊ ညီရင်းအစ်ကိုမေတ္တာ၊ ချစ်ခင်စာနာမှု၊ နှိမ့်ချမှု’ ရှိရမယ်။ (သက်သေခံ မဟုတ်တဲ့ ဒုက္ခသည်များကို ဟောပြောခြင်း
၁၇။ ဟောပြောခြင်းက ဒုက္ခသည်တွေကို ဘယ်လို သက်သာရာရစေသလဲ။
၁၇ ဒီနေ့ ဒုက္ခသည်များစွာဟာ ဟောပြောခြင်းလုပ်ငန်းကို ပိတ်ပင်ထားတဲ့ နိုင်ငံတွေက လာကြတယ်။ ဒုက္ခသည်တွေကို လက်ခံတဲ့ နိုင်ငံတွေက ထက်သန်တဲ့ သက်သေခံတွေကြောင့် ထောင်နဲ့ချီတဲ့ ဒုက္ခသည်တွေဟာ “နိုင်ငံတော်သတင်း” ကို ပထမဆုံးအကြိမ် ကြားရကြတယ်။ (မ. ၁၃:၁၉၊ ၂၃) “ဝန်ပိ” နေသူများစွာဟာ အစည်းအဝေးတွေမှာ လန်းဆန်းမှု ရှာတွေ့ကြလို့ “ခင်ဗျားတို့နဲ့အတူ ဘုရားသခင် တကယ်ရှိတာပဲ” လို့ ချက်ချင်း အသိအမှတ် ပြုကြတယ်။—မ. ၁၁:၂၈-၃၀။ ၁ ကော. ၁၄:၂၅။
၁၈၊ ၁၉။ ဒုက္ခသည်တွေကို ဟောပြောချိန်မှာ ဉာဏ်ပညာရှိကြောင်း ဘယ်လို ပြနိုင်သလဲ။
၁၈ ဒုက္ခသည်တွေကို ဟောပြောသူတွေဟာ “သတိကြီး” ရမယ်။ “အမြော်အမြင် ရှိ” ရမယ်။ (မ. ၁၀:၁၆။ ပညာ. ၂၂:၃) သူတို့ရဲ့ အရေးကိစ္စတွေကို စိတ်ရှည်ရှည် နားထောင်ပေးပါ။ နိုင်ငံရေးအကြောင်းတော့ မဆွေးနွေးပါနဲ့။ ဌာနခွဲရုံးနဲ့ ဒေသခံ အာဏာပိုင်တွေရဲ့ လမ်းညွှန်ချက်ကို လိုက်နာပါ။ ကိုယ်တိုင်နဲ့ တခြားသူတွေအပေါ် အန္တရာယ် မဖြစ်စေပါနဲ့။ ဒုက္ခသည်တွေရဲ့ ဘာသာနဲ့ ယဉ်ကျေးမှုကို လေ့လာပါ၊ လေးစားပါ။ ဥပမာ၊ တချို့နိုင်ငံက လူတွေဟာ အမျိုးသမီး အဝတ်အစားနဲ့ပတ်သက်ပြီး အလွန်အကဲဆတ်ကြတယ်။ ဒါကြောင့် ဒုက္ခသည်တွေကို ဟောပြောတဲ့အခါ စိတ်အနှောင့်အယှက် ဖြစ်စေနိုင်တဲ့ အဝတ်အစားတွေ မဝတ်ဆင်ပါနဲ့။
၁၉ ယေရှုရဲ့ ပုံဥပမာထဲက ရှမာရိလူလိုပဲ သက်သေခံ မဟုတ်သူတွေ အပါအဝင် ဒုက္ခရောက်နေသူအားလုံးကို ကူညီပေးချင်ကြပါတယ်။ (လု. ၁၀:၃၃-၃၇) အကောင်းဆုံး ကူညီပေးနိုင်တဲ့နည်းကတော့ သူတို့ကို သတင်းကောင်း ဟောပြောခြင်းပါပဲ။ “ကျွန်တော်တို့ သက်သေခံတွေဖြစ်ကြောင်း၊ ကျွန်တော်တို့ရဲ့ အဓိကတာဝန်က ရုပ်ပစ္စည်း ထောက်ပံ့ပေးဖို့ မဟုတ်ဘဲ ဘုရားရေးရာမှာ ကူညီပေးဖို့ဖြစ်ကြောင်း ချက်ချင်း အသိပေးဖို့ အရေးကြီးတယ်။ မဟုတ်ရင် အခွင့်အရေးရဖို့ပဲ ကျွန်တော်တို့နဲ့ ပေါင်းသင်းတာမျိုး ဖြစ်နိုင်တယ်” လို့ ဒုက္ခသည်များစွာကို ကူညီပေးခဲ့တဲ့ အကြီးအကဲတစ်ယောက် ပြောတယ်။
ဝမ်းသာစရာ ရလဒ်များ
၂၀၊ ၂၁။ (က) ဒုက္ခသည်တွေကို ခရစ်ယာန်မေတ္တာ ပြတာကြောင့် ဘာရလဒ်ကောင်းတွေ ရရှိသလဲ။ (ခ) နောက်ဆောင်းပါးမှာ ဘာအကြောင်း သုံးသပ်ကြမလဲ။
၂၀ “တိုင်းတစ်ပါးသားတွေကို” ခရစ်ယာန်မေတ္တာ ပြတာကြောင့် ရလဒ်ကောင်းတွေ ရရှိတယ်။ အီရီထရီယားနိုင်ငံမှာ နှိပ်စက်ညှဉ်းပန်း ခံရလို့ မိသားစုနဲ့ ထွက်ပြေးခဲ့ရတဲ့အကြောင်း ညီအစ်မတစ်ယောက် ပြောပြတယ်။ သားသမီးလေးယောက်နဲ့အတူ သဲကန္တာရကို ရှစ်ရက်ကြာ ပင်ပင်ပန်းပန်း ဖြတ်ပြီးတော့ ဆူဒန်နိုင်ငံကို ရောက်လာကြတယ်။ သူ ဒီလိုပြောတယ်– “အဲဒီမှာရှိတဲ့ ညီအစ်ကိုတွေက ဆွေမျိုးရင်းချာတွေလိုပဲ ဆက်ဆံကြတယ်။ စားဝတ်နေရေး၊ သွားလာရေးအတွက် စီစဉ်ပေးကြတယ်။ ဘုရားတစ်ပါးတည်းကို အတူကိုးကွယ်ရုံနဲ့ သူစိမ်းတွေကို အိမ်မှာ ဘယ်သူတွေ ကြိုဆိုမလဲ။ ယေဟောဝါသက်သေတွေပဲပေါ့။”—ယောဟန် ၁၃:၃၅ ကိုဖတ်ပါ။
၂၁ ဒုက္ခသည်တွေ၊ ပြောင်းရွှေ့လာသူ မိဘတွေနဲ့အတူ ပါလာတဲ့ သားသမီးတွေကော။ ယေဟောဝါကို ဝမ်းမြောက်စွာ ဝတ်ပြုဖို့ ဘယ်လို ကူညီပေးနိုင်မလဲဆိုတာ နောက်ဆောင်းပါးမှာ သုံးသပ်ကြပါမယ်။
^ စာပိုဒ်၊ 2 ဒီဆောင်းပါးမှာ “ဒုက္ခသည်” ဆိုတဲ့ စကားလုံးက စစ်၊ နှိပ်စက်ညှဉ်းပန်းမှု၊ သဘာဝဘေးတို့ကြောင့် နယ်စပ်ဒေသ၊ ပြည်တွင်းတစ်နေရာရာကို ပြောင်းရွှေ့ရသူတွေကို ရည်ညွှန်းတယ်။ UNHCR (ကုလသမဂ္ဂ ဒုက္ခသည်များဆိုင်ရာ မဟာမင်းကြီးများရုံး) ရဲ့ မှတ်တမ်းအရ “၁၁၃ ယောက်မှာ ၁ ယောက်ဟာ မဖြစ်မနေ အိမ်ရာတွေကို စွန့်ခွာထွက်ပြေးရတယ်။”
^ စာပိုဒ်၊ 6 ၂၀၁၆၊ အောက်တိုဘာလထုတ် ကင်းမျှော်စင်၊ စာမျက်နှာ ၈-၁၂ မှာပါတဲ့ “သူစိမ်းတွေကို ကြင်နာမှုပြဖို့ မမေ့ပါနဲ့” ဆောင်းပါးကို ကြည့်ပါ။
^ စာပိုဒ်၊ 11 ဒုက္ခသည်တွေ ရောက်တာနဲ့ အကြီးအကဲတွေက “ယေဟောဝါရဲ့ အလိုတော်ဆောင်ဖို့ ဖွဲ့စည်းထားခြင်း” စာအုပ် အခန်း ၈၊ အပိုဒ် ၃၀ မှာပါတဲ့ ညွှန်ကြားချက်ကို လိုက်လျှောက်သင့်တယ်။ jw.org ကို သုံးပြီး ဒုက္ခသည်တွေရဲ့ အရင် ဌာနခွဲကို အကြီးအကဲတွေ ဆက်သွယ်နိုင်တယ်။ အဲဒီအချိန်မှာ ဒုက္ခသည်ရဲ့ ယုံကြည်ခြင်း အခြေအနေကို သိနိုင်ဖို့ သူ့အသင်းတော်နဲ့ အမှုဆောင်လုပ်ငန်းကြောင်း သတိရှိရှိ မေးနိုင်ပါတယ်။
^ စာပိုဒ်၊ 14 ၂၀၁၄၊ ဧပြီ ၁၅ ရက်ထုတ် ကင်းမျှော်စင်၊ စာမျက်နှာ ၁၅-၂၆ မှာပါတဲ့ “မည်သူမျှ သခင်နှစ်ဦးအစေကို မခံနိုင်၊” “ရဲစွမ်းသတ္တိရှိပါ—ယေဟောဝါဟာ သင့်ကို ကူညီမစတဲ့အရှင် ဖြစ်တယ်” ဆောင်းပါးတွေကို ကြည့်ပါ။