လေ့လာရန် ဆောင်းပါး ၄၁
“ကြီးစွာသောဒုက္ခ” တစ်လျှောက် သစ္စာရှိနေပါ
“သစ္စာစောင့်သိသူအပေါင်းတို့၊ ယေဟောဝါကို ချစ်ကြပါ။ ယေဟောဝါက သစ္စာရှိသူတွေကို ကာကွယ်ပေးတယ်။”—ဆာ. ၃၁:၂၃။
သီချင်း ၁၂၉ ခံရပ်နေမယ်
အကြိုသုံးသပ်ချက် *
၁-၂။ (က) မကြာခင် တိုင်းနိုင်ငံတွေ ဘာကို ကြေညာကြမလဲ။ (ခ) ဘယ်မေးခွန်းတွေကို သုံးသပ်ကြမလဲ။
ကြိုဟောထားတဲ့အတိုင်း “ငြိမ်းချမ်းပြီ၊ လုံခြုံပြီ” ဆိုပြီး တိုင်းနိုင်ငံတွေ ကြေညာလိုက်တယ်လို့ မြင်ယောင်ကြည့်လိုက်ပါ။ ကမ္ဘာကြီးဟာ တစ်ခါမှ ဒီလောက် မငြိမ်းချမ်းဖူးဘူးဆိုပြီး သူတို့ ပြောကြမယ်။ ကမ္ဘာ့ပြဿနာတွေကို ဖြေရှင်းနိုင်ပြီလို့ တိုင်းနိုင်ငံတွေက ကျွန်တော်တို့ကို ထင်စေချင်တယ်။ ဒါပေမဲ့ ဆက်ဖြစ်လာမယ့်အရာကို သူတို့ လုံးဝ ထိန်းချုပ်နိုင်မှာ မဟုတ်ဘူး။ ဘာကြောင့်လဲ။ ‘မျှော်လင့်မထားတဲ့ ပျက်စီးခြင်းဘေးက သူတို့အပေါ် ရုတ်တရက် ရောက်လာလိမ့်မယ်။ ဘယ်နည်းနဲ့မှ လွတ်မြောက်မှာ မဟုတ်ဘူး’ လို့ ကျမ်းစာ ကြိုဟောထားလို့ပဲ။—၁ သက်. ၅:၃။
၂ အရေးကြီးတဲ့ ဒီမေးခွန်းတွေရဲ့ အဖြေရဖို့ လိုတယ်– “ကြီးစွာသောဒုက္ခ” အတွင်း ဘာတွေ ဖြစ်မလဲ။ အဲဒီအချိန်အတွင်း ကျွန်တော်တို့ ဘာလုပ်ဖို့ ယေဟောဝါ မျှော်လင့်သလဲ။ ကြီးစွာသောဒုက္ခမှာ ဆက်သစ္စာရှိနိုင်ဖို့ အခုကတည်းက ဘယ်လို ပြင်ဆင်ထားရမလဲ။—မ. ၂၄:၂၁။
“ကြီးစွာသောဒုက္ခ” အတွင်း ဘာတွေ ဖြစ်မလဲ
၃။ ဗျာဒိတ် ၁၇:၅၊ ၁၅-၁၈ အရ “မဟာဗာဗုလုန်” ကို ဘုရား ဘယ်လို ဖျက်ဆီးမလဲ။
၃ ဗျာဒိတ် ၁၇:၅၊ ၁၅-၁၈ ကိုဖတ်ပါ။ “မဟာဗာဗုလုန်” ဖျက်ဆီးခံရမယ်။ အစောပိုင်းမှာ ဖော်ပြခဲ့တဲ့အတိုင်း အဲဒီအချိန်မှာ ဖြစ်ပျက်လာမယ့်အရာတွေကို တိုင်းနိုင်ငံတွေ ထိန်းချုပ်နိုင်မှာ မဟုတ်ဘူး။ ဘာကြောင့်လဲ။ “ဘုရားသခင်က မိမိရဲ့အကြံကို သူတို့ရဲ့ စိတ်ထဲထည့်ပေးပြီး အကောင်အထည်ဖော်” မှာ ဖြစ်လို့ပဲ။ ဘယ် အကြံလဲ။ အမည်ခံခရစ်ယာန် * အပါအဝင် မှားယွင်းတဲ့ ကမ္ဘာ့ဘာသာရေး အင်ပါယာကို ဖျက်ဆီးမယ့် အကြံပဲ။ ဘုရားသခင်က မိမိရဲ့အကြံကို “ချိုဆယ်ချောင်း” ရှိတဲ့ “နီမြန်းတဲ့ သားရဲ” ရဲ့ စိတ်ထဲ ထည့်ပေးမယ်။ ချိုဆယ်ချောင်းက “သားရဲ” ဖြစ်တဲ့ ကုလသမဂ္ဂကို ထောက်ခံတဲ့ အစိုးရအားလုံးကို ဆိုလိုတယ်။ (ဗျာ. ၁၇:၃၊ ၁၁-၁၃။ ၁၈:၈) မှားယွင်းတဲ့ ဘာသာကို အဲဒီအစိုးရတွေ တိုက်ခိုက်ချိန်မှာ ကြီးစွာသောဒုက္ခ စတင်ပါလိမ့်မယ်။ ဒါဟာ တကယ့် ကြောက်စရာ ဖြစ်ရပ်ဆိုးကြီး ဖြစ်ပါလိမ့်မယ်။
၄။ (က) တိုင်းနိုင်ငံတွေ မဟာဗာဗုလုန်ကို တိုက်ခိုက်တဲ့အခါ ဘယ်လို အကြောင်းပြချက်တွေ ပေးကြမလဲ။ (ခ) အဲဒီဘာသာရေးအသင်းသားတွေ ဘယ်လို တုံ့ပြန်ကြမလဲ။
၄ မဟာဗာဗုလုန်ကို တိုင်းနိုင်ငံတွေ တိုက်ခိုက်တဲ့အခါ ဘယ်လို အကြောင်းပြချက်တွေ ပေးမယ်ဆိုတာ ကျွန်တော်တို့ မသိဘူး။ ကမ္ဘာ့ဘာသာရေးတွေက ငြိမ်းချမ်းရေးအတွက် ဆူးငြောင့်ခလုတ်ဖြစ်လို့၊ နိုင်ငံရေးမှာ ဝင်စွက်ဖက်နေလို့ ဆိုပြီး သူတို့ ပြောနိုင်တယ်။ ဘာသာရေး အဖွဲ့တွေ အလွန်ချမ်းသာကြွယ်ဝလို့၊ မြေယာပိုင်ဆိုင်မှုတွေ များလွန်းလို့လည်း ဖြစ်နိုင်တယ်။ (ဗျာ. ၁၈:၃၊ ၇) ဘာသာရေးကို တိုင်းနိုင်ငံတွေ တိုက်ခိုက်တဲ့အခါ အသင်းသားအားလုံး ဖျက်ဆီးခံရမှာ မဟုတ်ဘူးလို့ ကောက်ချက်ချနိုင်တယ်။ တိုင်းနိုင်ငံတွေက ဘာသာရေး အဖွဲ့အစည်းတွေကိုပဲ ဖျက်ဆီးမှာဖြစ်တယ်။ အဲဒီအဖွဲ့အစည်းတွေ ဖျက်ဆီးခံရတဲ့အခါ အသင်းသားတွေက ဘာသာရေးခေါင်းဆောင်တွေရဲ့ ပျက်ကွက်မှုတွေကို သိမြင်လာပြီး အဲဒီဘာသာနဲ့ ပတ်သက်ကြတော့မှာ မဟုတ်ဘူး။
၅။ ကြီးစွာသောဒုက္ခနဲ့ပတ်သက်ပြီး ယေဟောဝါ ဘာကတိပေးသလဲ။ ဘာကြောင့်လဲ။
၅ မဟာဗာဗုလုန်ကို ဖျက်ဆီးတဲ့အချိန် ဘယ်လောက်ကြာမယ်ဆိုတာ ကျမ်းစာ မဖော်ပြပေမဲ့ အချိန်တိုအတွင်း ဖြစ်မယ်ဆိုတာတော့ ကျွန်တော်တို့ သိထားတယ်။ (ဗျာ. ၁၈:၁၀၊ ၂၁) “ရွေးချယ်ခံရသူတွေ” နဲ့ စစ်မှန်တဲ့ဘာသာ လွတ်မြောက်ဖို့ ဒုက္ခကာလကို “တိုတောင်း” စေမယ်လို့ ယေဟောဝါ ကတိပေးတယ်။ (မာ. ၁၃:၁၉၊ ၂၀) ဒါပေမဲ့ ကြီးစွာသောဒုက္ခ စတင်ချိန်နဲ့ အာမဂေဒုန်စစ်ပွဲကြားမှာ ကျွန်တော်တို့ ဘာလုပ်ဖို့ ယေဟောဝါ မျှော်လင့်သလဲ။
ယေဟောဝါရဲ့ စစ်မှန်တဲ့ ဝတ်ပြုရေးဘက် ဆက်ရပ်တည်ပါ
၆။ မှားယွင်းတဲ့ဘာသာနဲ့ အဆက်ဖြတ်ရုံသာမက ဘာလုပ်ဖို့ လိုအပ်သလဲ။
၆ ရှေ့ဆောင်းပါးမှာ လေ့လာခဲ့တဲ့အတိုင်း မဟာဗာဗုလုန်နဲ့ သီးခြားနေဖို့ ဝတ်ပြုသူတွေဆီကနေ ယေဟောဝါ မျှော်လင့်တယ်။ ဒါကြောင့် မှားယွင်းတဲ့ဘာသာနဲ့ အဆက်ဖြတ်ရုံသာမက ယေဟောဝါရဲ့ စစ်မှန်တဲ့ ဝတ်ပြုရေးဘက် ရပ်တည်ဖို့ စိတ်ပိုင်းဖြတ်ထားရမယ်။ အဲဒီလို လုပ်နိုင်တဲ့ နည်းနှစ်နည်းကို လေ့လာကြည့်ပါ။
ခက်ခဲချိန်တွေမှာတောင် အတူတကွ စည်းဝေးခြင်းကို ဘယ်တော့မှ မစွန့်ပါနဲ့ (အပိုဒ် ၇ ကိုကြည့်ပါ) *
၇။ (က) ယေဟောဝါရဲ့ ဖြောင့်မတ်တဲ့ ကိုယ်ကျင့်တရား စံနှုန်းတွေကို ဘယ်လို တိတိကျကျ နာခံနိုင်သလဲ။ (ခ) အထူးသဖြင့် အခုအချိန်မှာ အတူတကွ စည်းဝေးခြင်းရဲ့ အရေးကြီးမှုကို ဟီဘရူး ၁၀:၂၄၊ ၂၅ က ဘယ်လို အလေးပေးထားသလဲ။
၇ ပထမ၊ ယေဟောဝါရဲ့ ဖြောင့်မတ်တဲ့ ကိုယ်ကျင့်တရား စံနှုန်းတွေကို တိတိကျကျ နာခံပါ။ လောကရဲ့ စံနှုန်းတွေကို ကျွန်တော်တို့ လက်မခံရဘူး။ ဥပမာ၊ လိင်တူ လက်ထပ်ခြင်း၊ တခြား လိင်တူဘဝပုံစံ အပါအဝင် လိင်အကျင့်ယိုယွင်းမှု ပုံစံအားလုံးကို လက်မခံရဘူး။ (မ. ၁၉:၄၊ ၅။ ရော. ၁:၂၆၊ ၂၇) ဒုတိယ၊ ခရစ်ယာန်ချင်းတွေနဲ့အတူ ဆက်ဝတ်ပြုနေရမယ်။ နိုင်ငံတော်ခန်းမမှာ ဖြစ်စေ၊ အိမ်တွေမှာ ဖြစ်စေ၊ လျှို့ဝှက်ပြီးတော့ဖြစ်စေ ဘယ်နေရာမှာမဆို ဝတ်ပြုနေရမယ်။ ဘာပဲဖြစ်ဖြစ် အစည်းအဝေးတွေကို ဘယ်တော့မှ မပျက်သင့်ဘူး။ “ဘုရားသခင်ရဲ့နေ့ရက် နီးလာတာကို သိနေတဲ့အတွက်” အစည်းအဝေးတက်ဖို့ “ပိုကြိုးစားအားထုတ်” ရမယ်။—ဟီဘရူး ၁၀:၂၄၊ ၂၅ ကိုဖတ်ပါ။
၈။ အနာဂတ်မှာ ကျွန်တော်တို့ ကြေညာတဲ့သတင်း ဘယ်လို ပြောင်းလဲသွားနိုင်သလဲ။
၈ ကြီးစွာသောဒုက္ခအတွင်း ကျွန်တော်တို့ ကြေညာရတဲ့ သတင်း ပြောင်းလဲသွားနိုင်တယ်။ အခုအချိန်မှာ နိုင်ငံတော် သတင်းကောင်း ဟောပြောပြီး တပည့်ဖြစ်စေဖို့ ကြိုးစားနေပေမဲ့ အဲဒီအချိန်မှာတော့ မိုးသီးတွေလို အထိနာစေတဲ့ သတင်းကို ကြေညာရနိုင်တယ်။ (ဗျာ. ၁၆:၂၁) စာတန့်လောက လုံးဝ ဖျက်ဆီးခံရတော့မယ် ဆိုတာကို ကြေညာရမှာ ဖြစ်နိုင်တယ်။ ဘာသတင်း ကြေညာရမယ်၊ ဘယ်လို ကြေညာရမယ်ဆိုတာ အချိန်တန်တဲ့အခါ အတိအကျ သိလာပါလိမ့်မယ်။ အမှုဆောင်လုပ်ငန်းမှာ နှစ်ပေါင်း တစ်ရာကျော် သုံးခဲ့တဲ့ နည်းတွေကို ပြန်သုံးမလား၊ တခြားနည်းတွေ သုံးမလားဆိုတာကိုတော့ စောင့်ကြည့်ရမယ်။ ဘာပဲဖြစ်ဖြစ် ယေဟောဝါရဲ့ တရားစီရင်ခြင်းသတင်းကို ရဲရင့်စွာ ကြေညာဖို့ ကျွန်တော်တို့ အခွင့်အရေး ရကြပါလိမ့်မယ်။—ယေဇ. ၂:၃-၅။
၉။ ကျွန်တော်တို့ရဲ့ သတင်းကို အစိုးရတွေ ဘယ်လို တုံ့ပြန်မလဲ။ ဘာကို စိတ်ချနိုင်သလဲ။
၉ ကျွန်တော်တို့ ကြေညာတဲ့သတင်းကြောင့် အစိုးရတွေက ဟောပြောခြင်းလုပ်ငန်း ရပ်တန့်သွားအောင် ကြိုးစားကြလိမ့်မယ်။ အခုအချိန် အမှုဆောင်လုပ်ငန်းမှာ ယေဟောဝါရဲ့ ထောက်မမှုကို အားကိုးသလို အဲဒီအချိန်မှာလည်း ဆက်အားကိုးဖို့ လိုပါလိမ့်မယ်။ အလိုတော် ပြီးမြောက်အောင် ထမ်းဆောင်ဖို့ ဘုရား ခွန်အားပေးမယ်ဆိုတာ စိတ်ချနိုင်တယ်။—မိ. ၃:၈။
ဘုရားလူမျိုး တိုက်ခိုက်ခံရမယ့် အချိန်အတွက် အသင့်ပြင်ထားပါ
၁၀။ လုကာ ၂၁:၂၅-၂၈ မှာ ကြိုဟောထားတဲ့အတိုင်း ကြီးစွာသောဒုက္ခအတွင်း ဖြစ်မယ့်အရာတွေကို လူအများစု ဘယ်လို တုံ့ပြန်ကြမလဲ။
၁၀ လုကာ ၂၁:၂၅-၂၈ ကိုဖတ်ပါ။ လောကမှာ တည်မြဲမယ်လို့ ထင်ခဲ့တာအားလုံး ကြီးစွာသောဒုက္ခအတွင်း ပြိုလဲပျက်စီးတာကို မြင်ရတဲ့အတွက် လူတွေ အံ့ဩသွားလိမ့်မယ်။ လူ့သမိုင်းတစ်လျှောက် အဆိုးရွားဆုံး အချိန်ဖြစ်လို့ သူတို့ သေမှာကြောက်ပြီး “ဝေဒနာ ခံစားရ” လိမ့်မယ်။ (ဇေ. ၁:၁၄၊ ၁၅) အဲဒီအချိန်မှာ ယေဟောဝါရဲ့ လူမျိုးအတွက်လည်း ပိုခက်လာလိမ့်မယ်။ လောကနဲ့ မပတ်သက်တဲ့အတွက် အခက်အခဲတွေ ကြုံရနိုင်တယ်။ လိုအပ်ရာတချို့ မရှိဘဲ ဖြစ်နိုင်တယ်။
၁၁။ (က) ယေဟောဝါသက်သေတွေ ဘာကြောင့် ပစ်မှတ် ဖြစ်လာမလဲ။ (ခ) ကြီးစွာသောဒုက္ခကို ကျွန်တော်တို့ ဘာကြောင့် ကြောက်ဖို့ မလိုသလဲ။
၁၁ လူတွေဟာ သူတို့ကိုးကွယ်တဲ့ဘာသာ ဖျက်ဆီးခံလိုက်ရပေမဲ့ ယေဟောဝါသက်သေတွေရဲ့ ဘာသာ ဖျက်ဆီးမခံရ * ဆိုတဲ့ အနေအထားကို ရောက်လာမယ်။ ယေဟောဝါရဲ့ လူမျိုးကို အစွမ်းကုန် ရက်ရက်စက်စက် ပူးပေါင်း တိုက်ခိုက်ကြလိမ့်မယ်။ (ယေဇ. ၃၈:၂၊ ၁၄-၁၆) အသေးစိတ် အချက်တွေကို အတိအကျ မသိလို့ ကျွန်တော်တို့ စိုးရိမ်မိနိုင်ပေမဲ့ သေချာတာ တစ်ခုကတော့ ကြီးစွာသောဒုက္ခကို ကြောက်ဖို့ မလိုပါဘူး။ ကယ်တင်ခြင်းရစေတဲ့ ညွှန်ကြားချက်တွေကို ယေဟောဝါ ပေးပါလိမ့်မယ်။ (ဆာ. ၃၄:၁၉) ကျွန်တော်တို့ကို “ကယ်တင်မယ့်အချိန် ရောက်ခါနီးပြီ” ဆိုတာ သိလို့ “မတ်မတ်ရပ်ပြီး ခေါင်းမော့ထား” နိုင်ပါလိမ့်မယ်။ *
ဘဲ ကျန်နေသေးတာကို မြင်တဲ့အခါ ဒေါသထွက်လာကြလိမ့်မယ်။ လူမှုမီဒီယာနဲ့ တခြားနေရာတွေမှာ သူတို့ရဲ့ မုန်းတီးမှုတွေ ဘယ်လောက် ပျံ့နှံ့သွားမယ်ဆိုတာ မြင်ယောင်ကြည့်ပါ။ ဘာသာတရား တစ်ခုပဲ ကျန်နေတဲ့အတွက် ကျွန်တော်တို့ကို တိုင်းနိုင်ငံတွေနဲ့ သူတို့ရဲ့ အုပ်စိုးရှင် စာတန် သိပ်မုန်းနေမယ်။ ကမ္ဘာပေါ်ကနေ ဘာသာတရား အားလုံးကို ဖျက်ဆီးမယ်ဆိုတဲ့ သူတို့ရဲ့ ရည်မှန်းချက် မအောင်မြင်သေးဘူး။ ဒါကြောင့် ကျွန်တော်တို့ဟာ သူတို့ရဲ့ ပစ်မှတ် ဖြစ်လာလိမ့်မယ်။ အဲဒီအချိန်မှာ တိုင်းနိုင်ငံတွေဟာ မာဂေါဂပြည်က ဂေါဂမင်း၁၂။ “သစ္စာနဲ့ သတိပညာရှိတဲ့ ကျွန်” က အနာဂတ်အတွက် ကျွန်တော်တို့ကို ဘယ်လို ပြင်ဆင်ပေးနေသလဲ။
၁၂ “သစ္စာနဲ့ သတိပညာရှိတဲ့ ကျွန်” ဟာ ကြီးစွာသောဒုက္ခအတွင်း ကျွန်တော်တို့ ဆက်သစ္စာရှိနိုင်အောင် အခုကတည်းက နည်းလမ်းများစွာနဲ့ ပြင်ဆင်ပေးနေတယ်။ (မ. ၂၄:၄၅) ဥပမာတစ်ခုအနေနဲ့ ၂၀၁၆ ကနေ ၂၀၁၈ အတွင်း ပြုလုပ်ခဲ့တဲ့ ခရိုင်အစည်းအဝေး အစီအစဉ်တွေကို သုံးသပ်ကြည့်ပါ။ ယေဟောဝါရဲ့ နေ့ နီးလာတာနဲ့အမျှ ကျွန်တော်တို့ လိုအပ်တဲ့ အရည်အသွေးတွေ တိုးများလာဖို့ အားပေးခံရတယ်။ အဲဒီအရည်အသွေးတွေအကြောင်း အတိုချုပ် သုံးသပ်ကြည့်ကြစို့။
သစ္စာစောင့်သိမှု၊ ခံနိုင်ရည်၊ ရဲစွမ်းသတ္တိ တိုးများအောင် လုပ်နေပါ
“ကြီးစွာသောဒုက္ခ” ကနေ အသက်ရှင်လွတ်မြောက်ဖို့ အခုကတည်းက ပြင်ဆင်ပါ (အပိုဒ် ၁၃-၁၆ ကိုကြည့်ပါ) *
၁၃။ ယေဟောဝါအပေါ် သစ္စာစောင့်သိမှု ခိုင်မာအောင် ဘယ်လို လုပ်နိုင်သလဲ။ အခုကတည်းက ဘာကြောင့် အဲဒီလို လုပ်ရမလဲ။
၁၃ သစ္စာစောင့်သိမှု။ ၂၀၁၆ ခရိုင်အစည်းအဝေး ခေါင်းစဉ်က “ယေဟောဝါဘုရားကို ဆက်သစ္စာစောင့်သိပါ” ဖြစ်တယ်။ ယေဟောဝါနဲ့ ရင်းနှီးတဲ့ ဆက်ဆံရေး ရှိနေမယ်ဆိုရင် သစ္စာစောင့်သိနိုင်ကြောင်း သိခဲ့ရတယ်။ အဓိပ္ပာယ်ရှိရှိ ဆုတောင်းခြင်း၊ ဝီရိယရှိရှိ ကျမ်းစာလေ့လာခြင်းအားဖြင့် ယေဟောဝါနဲ့ ရင်းနှီးလာနိုင်ကြောင်း အားပေးခံခဲ့ရတယ်။ အဲဒါက အခက်ခဲဆုံး အတားအဆီးတွေကိုတောင် ကျော်လွှားဖို့ ခွန်အား ရှိစေတယ်။ စာတန့်စနစ်ရဲ့ အဆုံး နီးလာတာနဲ့အမျှ ဘုရားနဲ့ နိုင်ငံတော်အပေါ် ကျွန်တော်တို့ရဲ့ သစ္စာစောင့်သိမှု ပိုစမ်းသပ်ခံရမယ်၊ ပိုလှောင်ပြောင်ခံရမယ်လို့ မျှော်လင့်ထားသင့်တယ်။ (၂ ပေ. ၃:၃၊ ၄) အထူးသဖြင့် ကျွန်တော်တို့ရဲ့ ကြားနေမှုကြောင့် ဖြစ်နိုင်တယ်။ ကြီးစွာသောဒုက္ခအတွင်း ဆက်သစ္စာစောင့်သိနိုင်ဖို့ အခုကတည်းက သစ္စာစောင့်သိမှု ခိုင်မာအောင် လုပ်ထားရမယ်။
၁၄။ (က) မြေကြီးပေါ်မှာ ဦးဆောင်နေတဲ့ ညီအစ်ကိုတွေ ဘာအပြောင်းအလဲ ဖြစ်မလဲ။ (ခ) အဲဒီအချိန်မှာ ဆက်သစ္စာစောင့်သိဖို့ ဘာကြောင့် လိုသလဲ။
၁၄ ကြီးစွာသောဒုက္ခအတွင်း မြေကြီးပေါ်မှာ ဦးဆောင်နေတဲ့ ညီအစ်ကိုတွေ အပြောင်းအလဲ ဖြစ်လိမ့်မယ်။ တစ်ချိန်ချိန်မှာ မြေကြီးပေါ် ရှိနေသေးတဲ့ ဘိသိက်ခံအားလုံးဟာ အာမဂေဒုန်စစ်ပွဲမှာ ပါဝင်တိုက်ခိုက်ဖို့ ကောင်းကင်ကို စုသိမ်းခံရလိမ့်မယ်။ (မ. ၂၄:၃၁။ ဗျာ. ၂:၂၆၊ ၂၇) ဒါကြောင့် မြေကြီးပေါ်မှာ ကျွန်တော်တို့နဲ့အတူ အုပ်ချုပ်ရေးအဖွဲ့ ရှိတော့မှာ မဟုတ်ဘူး။ ဒါပေမဲ့ လူအုပ်ကြီးကတော့ စနစ်တကျ ဆက်ရှိ နေမှာဖြစ်တယ်။ တခြားသိုးထဲက အရည်အချင်းရှိ ညီအစ်ကိုတွေ ဦးဆောင်ပါလိမ့်မယ်။ အဲဒီညီအစ်ကိုတွေကို ထောက်မခြင်း၊ ဘုရားပေး လမ်းညွှန်ချက်တွေကို လိုက်နာခြင်းအားဖြင့် သစ္စာစောင့်သိမှု ပြရမယ်။ ကျွန်တော်တို့ရဲ့ အသက်ရှင်လွတ်မြောက်မှုက အဲဒီအပေါ် မူတည်ပါလိမ့်မယ်။
၁၅။ ခံနိုင်ရည် တိုးများအောင် ဘယ်လို လုပ်ရမလဲ။ အခုကတည်းက အဲဒီလိုလုပ်ဖို့ ဘာကြောင့် အရေးကြီးသလဲ။
၁၅ ခံနိုင်ရည်။ ၂၀၁၇ ခရိုင်အစည်းအဝေး ခေါင်းစဉ်က “လက်မလျှော့နဲ့” ဖြစ်တယ်။ စမ်းသပ်မှုတွေကို ခံရပ်နိုင်အောင် အဲဒီအစီအစဉ်က ကူညီပေးတယ်။ ကျွန်တော်တို့ရဲ့ ခံနိုင်ရည်ဟာ အခြေအနေ အကောင်းအဆိုးအပေါ် မမူတည်ဘဲ ယေဟောဝါကို အားကိုးခြင်းပေါ် မူတည်ကြောင်း သိခဲ့ရတယ်။ (ရော. ၁၂:၁၂) “အဆုံးထိ ခံနိုင်ရည်ရှိသူဟာ ကယ်တင်ခံရလိမ့်မယ်” ဆိုတဲ့ ယေရှုရဲ့ ကတိကို ဘယ်တော့မှ မမေ့ပါနဲ့။ (မ. ၂၄:၁၃) ဒါက ဘယ်လိုအခက်အခဲပဲ ကြုံရပါစေ ဆက်သစ္စာရှိရမယ်လို့ ဆိုလိုတယ်။ အခုကတည်းက စမ်းသပ်မှု ကြုံရတဲ့အခါတိုင်း ခံနိုင်ရည်ရှိခြင်းအားဖြင့် ကြီးစွာသောဒုက္ခမှာ ယုံကြည်ခြင်း ခိုင်မာနေပါလိမ့်မယ်။
၁၆။ ရဲစွမ်းသတ္တိရှိခြင်းက ဘယ်အပေါ် မူတည်သလဲ။ အခုကတည်းက သတ္တိတိုးများအောင် ဘယ်လို လုပ်နိုင်သလဲ။
၁၆ ရဲစွမ်းသတ္တိ။ ၂၀၁၈ ခရိုင်အစည်းအဝေး ခေါင်းစဉ်က “ရဲစွမ်းသတ္တိရှိပါ” ဖြစ်တယ်။ ရဲစွမ်းသတ္တိ ရှိခြင်းဟာ ကိုယ့်အစွမ်းအစအပေါ် မမူတည်ကြောင်း သိခဲ့ရတယ်။ ခံနိုင်ရည်လိုပဲ စစ်မှန်တဲ့ ရဲစွမ်းသတ္တိဟာ ယေဟောဝါကို အားကိုးခြင်းအပေါ် မူတည်တယ်။ ယေဟောဝါကို ဘယ်လို ပိုအားကိုးနိုင်မလဲ။ ကျမ်းစာ နေ့တိုင်း ဖတ်ရှုခြင်း၊ အရင်က လူမျိုးတော်ကို ယေဟောဝါ ဘယ်လို ကယ်တင်ခဲ့ကြောင်း တွေးတောဆင်ခြင်ခြင်းအားဖြင့်ပါပဲ။ (ဆာ. ၆၈:၂၀။ ၂ ပေ. ၂:၉) ကြီးစွာသောဒုက္ခအတွင်း ကျွန်တော်တို့ကို တိုင်းနိုင်ငံတွေ တိုက်ခိုက်တဲ့အခါ အရင်ကထက် ပိုပြီး ရဲစွမ်းသတ္တိ ရှိဖို့၊ ယေဟောဝါကို ယုံကြည်ကိုးစားဖို့ လိုလာလိမ့်မယ်။ (ဆာ. ၁၁၂:၇၊ ၈။ ဟီ. ၁၃:၆) အခုကတည်းက ယေဟောဝါကို အားကိုးမယ်ဆိုရင် ဂေါဂရဲ့ တိုက်ခိုက်မှုကို ရင်ဆိုင်ဖို့ ရဲစွမ်းသတ္တိ ရှိလာပါလိမ့်မယ်။ *
သင်ကယ်တင်ခံရမယ့်အချိန်ကို ထက်သန်စွာ စောင့်မျှော်ပါ
ယေရှုနဲ့ ကောင်းကင်စစ်တပ်က မကြာခင် အာမဂေဒုန် စစ်ပွဲမှာ ဘုရားသခင့် ရန်သူတွေကို ဖျက်ဆီးမယ် (အပိုဒ် ၁၇ ကိုကြည့်ပါ)
၁၇။ အာမဂေဒုန်ကို ကျွန်တော်တို့ ဘာကြောင့် ကြောက်ဖို့ မလိုသလဲ။ (မျက်နှာဖုံးပုံကို ကြည့်ပါ။)
၁၇ ရှေ့ဆောင်းပါးမှာ ဖော်ပြခဲ့တဲ့အတိုင်း ကျွန်တော်တို့ ပညာ. ၁:၃၃။ ယေဇ. ၃၈:၁၈-၂၀။ ဇာ. ၁၄:၃) ယေဟောဝါ အချက်ပြတဲ့အခါ ယေရှုခရစ် ဦးဆောင်ပြီး တိုက်ခိုက်ပါလိမ့်မယ်။ ယေရှုနဲ့အတူ ရှင်ပြန်ထမြောက်ပြီးဖြစ်တဲ့ ဘိသိက်ခံတွေ၊ ကောင်းကင်တမန်တွေဟာ စာတန်၊ နတ်ဆိုးတွေနဲ့ သူတို့ရဲ့ မြေကြီးအင်အားစုတွေကို တိုက်ခိုက်ကြလိမ့်မယ်။—ဒံ. ၁၂:၁။ ဗျာ. ၆:၂။ ၁၇:၁၄။
အများစုဟာ ဘဝတစ်လျှောက်လုံး နောက်ဆုံးကာလအတွင်း အသက်ရှင်နေရတယ်။ ဒါပေမဲ့ ကြီးစွာသောဒုက္ခကနေ အသက်ရှင်လွတ်မြောက်ဖို့လည်း အလားအလာ ရှိတယ်။ အာမဂေဒုန်စစ်ပွဲဟာ ဒီစနစ်နိဂုံးရဲ့ အထွတ်အထိပ် ဖြစ်ပါလိမ့်မယ်။ ဒါပေမဲ့ ကျွန်တော်တို့ ကြောက်ဖို့ မလိုပါဘူး။ ဘာကြောင့်လဲ။ ဘုရားသခင် တိုက်မယ့်စစ်ပွဲ ဖြစ်လို့ပဲ။ (၁၈။ (က) ယေဟောဝါ ဘာကတိပေးထားသလဲ။ (ခ) ဗျာဒိတ် ၇:၉၊ ၁၃-၁၇ က အနာဂတ်နဲ့ပတ်သက်ပြီး ဘာကို စိတ်ချစေသလဲ။
၁၈ “မင်းကို တိုက်ခိုက်ဖို့ လုပ်တဲ့ လက်နက်တစ်ခုမှ အောင်မြင်မှာ မဟုတ်ဘူး” လို့ ယေဟောဝါ ကတိပေးထားတယ်။ (ဟေရှာ. ၅၄:၁၇) ယေဟောဝါကို သစ္စာရှိရှိ ဝတ်ပြုနေတဲ့ “လူအုပ်ကြီး” ဟာ “ကြီးစွာသောဒုက္ခကနေ” အသက်ရှင် လွတ်မြောက်လိမ့်မယ်။ ပြီးနောက် ဘုရားသခင်အတွက် ဆက်အမှုဆောင်ကြလိမ့်မယ်။ (ဗျာဒိတ် ၇:၉၊ ၁၃-၁၇ ကိုဖတ်ပါ။) အနာဂတ်မှာ ကယ်တင်ခံရမယ်ဆိုတာ ယုံကြည်စိတ်ချစေတဲ့ အကြောင်းရင်းများစွာကို ကျမ်းစာမှာ ဖော်ပြထားတယ်။ “ယေဟောဝါက သစ္စာရှိသူတွေကို ကာကွယ်ပေး” မှန်း ကျွန်တော်တို့ သိတယ်။ (ဆာ. ၃၁:၂၃) ယေဟောဝါကို ချစ်ပြီး ချီးမွမ်းတဲ့သူအားလုံးဟာ မြင့်မြတ်တဲ့ နာမတော် သံသယကင်းရှင်းလာတာကို မြင်ရလို့ ဝမ်းသာကြပါလိမ့်မယ်။—ယေဇ. ၃၈:၂၃။
၁၉။ မဝေးတော့တဲ့ အနာဂတ်မှာ ဘယ်အလားအလာ စောင့်ကြိုနေသလဲ။
၁၉ ၂ တိမောသေ ၃:၂-၅ ကိုသာ စာတန့် လွှမ်းမိုးမှု မရှိတဲ့ ကမ္ဘာသစ်မှာ နေမယ့် လူတွေအကြောင်း ရေးမယ်ဆိုရင် ဘယ်လို ရေးမလဲဆိုတာ စဉ်းစားကြည့်ပါ။ (“ ကမ္ဘာသစ်မှာ လူတွေရဲ့ စရိုက်” လေးထောင့်ကွက်ကို ကြည့်ပါ။) အုပ်ချုပ်ရေးအဖွဲ့ဝင်အဖြစ် အမှုဆောင်ခဲ့တဲ့ ညီအစ်ကို ဂျော့ဂ်ျ ဂဲင်းဂက်စ်က * “လူတိုင်း ညီအစ်ကို/မတွေသာဆိုရင် ဘယ်လို ကမ္ဘာမျိုးဖြစ်မယ်ဆိုတာ စဉ်းစားကြည့်ပါ။ မကြာခင် သင်တို့ဟာ စနစ်သစ်မှာ အသက်ရှင်ခွင့်ရမယ်။ ယေဟောဝါ အသက်ရှင်သလောက် အသက်ရှင်ခွင့်၊ ထာဝစဉ် အသက်ရှင်ခွင့် ရကြမယ်” လို့ ပြောတယ်။ သိပ်ကောင်းတဲ့ အလားအလာပါပဲ။
သီချင်း ၁၂၂ မယိမ်းမယိုင် ကြံ့ကြံ့ခံရပ်တည်နေကြ
^ အပိုဒ်၊ 5 မကြာခင် “ကြီးစွာသောဒုက္ခ” ရောက်လာတော့မယ်ဆိုတာ ကျွန်တော်တို့ သိတယ်။ အဲဒီအချိန်မှာ ကျွန်တော်တို့ ဘာတွေ ကြုံတွေ့ရမလဲ။ ကျွန်တော်တို့ ဘာလုပ်ဖို့ ယေဟောဝါ မျှော်လင့်သလဲ။ ဆက်သစ္စာရှိနိုင်အောင် အခုကတည်းက ဘယ်အရည်အသွေးတွေကို မွေးမြူဖို့ လိုသလဲ။ ဒီဆောင်းပါးမှာ သိရပါလိမ့်မယ်။
^ အပိုဒ်၊ 3 စကားလုံး ရှင်းလင်းချက်– အမည်ခံခရစ်ယာန် ဆိုတာ ခရစ်ယာန်လို့ ပြောပေမဲ့ ယေဟောဝါရဲ့ စံနှုန်းအတိုင်း ဝတ်ပြုဖို့ လူတွေကို မသင်ပေးတဲ့ ဘာသာတွေကို ဆိုလိုတယ်။
^ အပိုဒ်၊ 11 စကားလုံး ရှင်းလင်းချက်– မာဂေါဂပြည်က ဂေါဂမင်း (အတိုတောက် ဂေါဂမင်း) ဆိုတဲ့ အသုံးအနှုန်းဟာ ကြီးစွာသောဒုက္ခအတွင်း စင်ကြယ်တဲ့ဝတ်ပြုရေးကို တိုက်ခိုက်မယ့် နိုင်ငံပေါင်းစုံ ဖွဲ့စည်းထားတဲ့ မဟာမိတ်အုပ်စုကို ဆိုလိုတယ်။
^ အပိုဒ်၊ 11 အာမဂေဒုန်စစ်ပွဲကို ဦးတည်စေမယ့် ဖြစ်ရပ်တွေအကြောင်း အသေးစိတ် ဆွေးနွေးမှုကို ဘုရားသခင့်နိုင်ငံတော် စိုးစံပြီ စာအုပ်၊ အခန်း ၂၁ မှာ ကြည့်ပါ။ မာဂေါဂပြည်က ဂေါဂမင်းရဲ့ တိုက်ခိုက်မှုနဲ့ အာမဂေဒုန်အတွင်း မိမိလူမျိုးကို ယေဟောဝါ ကာကွယ်ပုံအကြောင်း အသေးစိတ်အချက်တွေကို ယေဟောဝါရဲ့ စင်ကြယ်တဲ့ ဝတ်ပြုကိုးကွယ်မှု ပြန်လည်တည်ထောင်ပြီ စာအုပ်၊ အခန်း ၁၇၊ ၁၈ မှာ ကြည့်ပါ။
^ အပိုဒ်၊ 16 “မေတ္တာဟာ အစဉ်တည်တယ်” ဆိုတဲ့ ၂၀၁၉ ခရိုင်အစည်းအဝေးက ယေဟောဝါရဲ့ မေတ္တာပါ ကာကွယ်မှုအောက်မှာ ဘေးကင်းလုံခြုံနိုင်ကြောင်း ကျွန်တော်တို့ကို စိတ်ချစေတယ်။—၁ ကော. ၁၃:၈။
^ အပိုဒ်၊ 19 ၁၉၉၄၊ ဒီဇင်ဘာ ၁ ရက်ထုတ် ကင်းမျှော်စင် ‘သူ၏အပြုအမူတို့သည် သူနှင့်အတူ လိုက်၏’ ဆောင်းပါးကို ကြည့်ပါ။
^ အပိုဒ်၊ 65 ပုံအညွှန်း– ကြီးစွာသောဒုက္ခအတွင်း သက်သေခံအုပ်စုလေး တောထဲမှာ သတ္တိရှိရှိ အစည်းအဝေးလုပ်နေ။
^ အပိုဒ်၊ 67 ပုံအညွှန်း– ယေဟောဝါကို သစ္စာရှိရှိ ဝတ်ပြုတဲ့ လူအုပ်ကြီးဟာ ကြီးစွာသောဒုက္ခကနေ အသက်ရှင်လွတ်မြောက်ပြီး ပျော်ရွှင်နေကြ။