ကျမ်းစာ ဖတ်တဲ့အခါ ဖတ်တာကို ပိုနားလည်ဖို့ လေ့လာမှု ကိရိယာ အမျိုးမျိုး သုံးပြီး ထပ်ဆင့် ရှာဖွေနိုင်တယ်။ ဒါပေမဲ့ ကျမ်းစာ အသိပညာ တိုးဖို့သက်သက် မဟုတ်ဘူး။ ဘုရားအပေါ် ထားတဲ့ မေတ္တာ တိုးလာဖို့ပါ။ မေတ္တာ တိုးလာဖို့ ဘုရားရဲ့ အရည်အသွေးတွေအကြောင်း လေ့လာတာက ကူညီပေးတယ်။ ဒါကြောင့် ကျမ်းစာ ဖတ်တဲ့အခါ ‘ဒီကျမ်းမှတ်တမ်းက ယေဟောဝါအကြောင်း ငါ့ကို ဘာသင်ပေးနေသလဲ’ ဆိုပြီး ကိုယ့်ကိုယ်ကိုယ် မေးပါ။

ဥပမာ၊ မေတ္တာ၊ ဉာဏ်ပညာ၊ တရားမျှတမှု၊ တန်ခိုးစတဲ့ အရည်အသွေးတွေကို ယေဟောဝါ ဘယ်လို ပြသလဲဆိုတဲ့ အထောက်အထားတွေ ရှာနိုင်တယ်။ ဒါပေမဲ့ ဘုရားမှာ ဒီအရည်အသွေးတွေပဲ ရှိတာ မဟုတ်ဘူး။ ကျွန်တော်တို့ သင်ယူနိုင်စရာ တခြား အံ့ဖွယ် အရည်အသွေး အများကြီး ရှိသေးတယ်။ ဘယ်မှာ ထပ်ဆင့် ရှာဖွေနိုင်မလဲ။

ယေဟောဝါသက်သေတွေအတွက် ကျမ်းစာလေ့လာမှု လမ်းညွှန် စာအုပ်၊ “ယေဟောဝါ ဘုရားသခင်” ဆိုတဲ့ ခေါင်းစဉ်အောက်က “ယေဟောဝါရဲ့ အရည်အသွေးများ” ဆိုတဲ့ ခေါင်းစဉ်ခွဲမှာ အရည်အသွေး အများကြီး ဖော်ပြထားတယ်။ သင် ကျမ်းစာ ဖတ်တဲ့အခါ သတိထားမိတဲ့ ယေဟောဝါရဲ့ အရည်အသွေး တစ်ခုအကြောင်း အဲဒီခေါင်းစဉ်အောက်မှာ ထပ်ဆင့် ရှာဖွေကြည့်ပါ။