လေ့လာရန် ဆောင်းပါး ၁
“မစိုးရိမ်နဲ့။ ငါဟာ မင်းရဲ့ဘုရားသခင်ပါ”
“မကြောက်နဲ့။ မင်းနဲ့အတူ ငါရှိတယ်။ မစိုးရိမ်နဲ့။ ငါဟာ မင်းရဲ့ဘုရားသခင်ပါ။ မင်းကို ခိုင်ခံ့စေမယ်၊ ကူညီပေးမယ်။”—ဟေရှာ. ၄၁:၁၀။
သီချင်း ၇ ယေဟောဝါ၊ တို့ခွန်အား
အကြိုသုံးသပ်ချက် *
၁-၂။ (က) ဟေရှာယ ၄၁:၁၀ မှာ ပါတဲ့ ကျမ်းစကားက ယိုရှီကိုအပေါ် ဘယ်လို အကျိုးသက်ရောက်ခဲ့သလဲ။ (ခ) ဒီကျမ်းစကားကနေ ဘယ်သူတွေ အကျိုးရဖို့ ယေဟောဝါ ရည်ရွယ်သလဲ။
သစ္စာရှိ ညီအစ်မ ယိုရှီကိုဟာ သတင်းဆိုးတစ်ခု ကြားလိုက်ရတယ်။ လအနည်းငယ်ပဲ နေရတော့မယ်လို့ ဆရာဝန် ပြောတယ်။ ယိုရှီကို ဘယ်လို တုံ့ပြန်သလဲ။ သူအကြိုက်ဆုံး ကျမ်းချက်ဖြစ်တဲ့ ဟေရှာယ ၄၁:၁၀ ကို ပြန်သတိရမိတယ်။ (ဖတ်ပါ။) သူနဲ့အတူ ယေဟောဝါ ရှိနေလို့ မစိုးရိမ်တဲ့အကြောင်း ဆရာဝန်ကို တည်တည်ငြိမ်ငြိမ် ပြန်ပြောလိုက်တယ်။ * အဲဒီကျမ်းချက်က ယေဟောဝါကို အကြွင်းမဲ့ ယုံကြည်ကိုးစားဖို့ သူ့ကို ကူညီပေးတယ်။ ပြင်းထန်တဲ့ စမ်းသပ်မှုတွေ ကြုံရချိန်မှာ တည်တည်ငြိမ်ငြိမ် ရှိနိုင်ဖို့ ကျွန်တော်တို့ကိုလည်း ကူညီပေးနိုင်တယ်။ အဲဒီကျမ်းစကားကို ရေးဖို့ ဟေရှာယကို ဘုရား ဘာကြောင့် လမ်းညွှန်ခဲ့ကြောင်း ဦးဆုံး သုံးသပ်ကြည့်ကြစို့။
၂ ဗာဗုလုန် သုံ့ပန်းဘဝ ရောက်တော့မယ့် ဂျူးတွေကို နှစ်သိမ့်ပေးဖို့ အဲဒီကျမ်းစကားတွေကို ယေဟောဝါ ရေးခိုင်းတာဖြစ်တယ်။ ဒါပေမဲ့ ဂျူးသုံ့ပန်းတွေသာမက ဘုရားလူမျိုးအားလုံးရဲ့ အကျိုးအတွက် ရည်ရွယ်ပါတယ်။ (ဟေရှာ. ၄၀:၈။ ရော. ၁၅:၄) ဒီနေ့ “အလွန် ခက်ခဲကျပ်တည်း” တဲ့ အချိန်မှာ ကျွန်တော်တို့ အသက်ရှင်နေရလို့ ဟေရှာယကျမ်းမှာပါတဲ့ အားပေးမှုကို လိုအပ်တယ်။—၂ တိ. ၃:၁။
၃။ (က) ၂၀၁၉ နှစ်ချုပ်ကျမ်းချက် ဖြစ်တဲ့ ဟေရှာယ ၄၁:၁၀ မှာ ဘယ်ကတိတွေ ပါသလဲ။ (ခ) အဲဒီကတိတွေကို ဘာကြောင့် လိုအပ်သလဲ။
၃ ဟေရှာယ ၄၁:၁၀ မှာပါတဲ့ ယေဟောဝါရဲ့ ကတိသုံးခုကို ဒီဆောင်းပါးမှာ ဆွေးနွေးပါမယ်။ (၁) ယေဟောဝါဟာ ကျွန်တော်တို့နဲ့အတူ ရှိတယ်။ (၂) ယေဟောဝါဟာ ကျွန်တော်တို့ရဲ့ ဘုရားသခင်ဖြစ်တယ်။ (၃) ယေဟောဝါဟာ ကျွန်တော်တို့ကို ကူညီပေးမယ်။ ယိုရှီကိုလိုပဲ ကျွန်တော်တို့လည်း စမ်းသပ်မှုတွေ ရင်ဆိုင်နေရလို့ ဒီလို ကတိတွေ * လိုအပ်တယ်။ ကမ္ဘာ့အခြေအနေတွေကြောင့်လည်း အခက်အခဲတွေ ရင်ဆိုင်နေရတယ်။ တချို့ဆိုရင် အစိုးရတွေရဲ့ နှိပ်စက်ညှဉ်းပန်းမှုကိုတောင် ခံနေကြရတယ်။ ဒါကြောင့် အဲဒီကတိ တစ်ခုစီကို သုံးသပ်ကြည့်ရအောင်။
“မင်းနဲ့အတူ ငါရှိတယ်”
၄။ (က) ဘယ်ကတိအကြောင်း ဦးဆုံး သုံးသပ်ကြမလဲ။ (အောက်ခြေမှတ်ချက်ကိုလည်း ကြည့်ပါ။) (ခ) ယေဟောဝါက ကျွန်တော်တို့နဲ့ပတ်သက်ပြီး မိမိခံစားချက်ကို ဘယ်လို ဖော်ပြသလဲ။ (ဂ) ဘုရားသခင့်စကားကြောင့် သင် ဘယ်လို ခံစားရသလဲ။
၄ “မကြောက်နဲ့။ မင်းနဲ့အတူ ငါရှိတယ်” * ဆိုတာ ယေဟောဝါရဲ့ ဦးဆုံးကတိ ဖြစ်တယ်။ ယေဟောဝါက ကျွန်တော်တို့ကို အပြည့်အဝ အာရုံစိုက်ခြင်း၊ မေတ္တာပြခြင်းအားဖြင့် ကျွန်တော်တို့နဲ့ အတူရှိနေတယ်။ “မင်းဟာ ငါ့အတွက် တန်ဖိုးရှိတယ်။ ဒါကြောင့် မင်းကို ဂုဏ်တင်ခဲ့တယ်၊ ချစ်ခဲ့တယ်” ဆိုပြီး ကျွန်တော်တို့အပေါ်ထားတဲ့ ခံစားချက်ကို ယေဟောဝါ ပြောတယ်။ (ဟေရှာ. ၄၃:၄) ဘယ်အရာကမှ ကျွန်တော်တို့အပေါ်ထားတဲ့ ယေဟောဝါရဲ့ ခိုင်မြဲတဲ့မေတ္တာကို မတားဆီးနိုင်ဘူး။ (ဟေရှာ. ၅၄:၁၀) ဘုရားရဲ့ မေတ္တာနဲ့ မိတ်ဆွေနှောင်ကြိုးက ကျွန်တော်တို့ကို သတ္တိရှိစေတယ်။ မိတ်ဆွေ အာဗြံ (အာဗြဟံ) ကို ဘုရား ကာကွယ်ခဲ့သလို ကျွန်တော်တို့ကိုလည်း ကာကွယ်ပေးမယ်။ ယေဟောဝါက “အာဗြံ၊ မကြောက်နဲ့။ ငါဟာ မင်းအတွက် ဒိုင်းလွှားပဲ” လို့ ပြောခဲ့တယ်။—က. ၁၅:၁။
ယေဟောဝါရဲ့ အကူအညီနဲ့ မြစ်ရေလို၊ မီးလို ပြဿနာတွေကို ကျော်ဖြတ်နိုင် (အပိုဒ် ၅-၆ ကိုကြည့်ပါ) *
၅-၆။ (က) ကျွန်တော်တို့ ပြဿနာတွေ ကြုံရတဲ့အခါ ယေဟောဝါ ကူညီပေးချင်ကြောင်း ဘယ်လို သိရသလဲ။ (ခ) ယိုရှီကိုရဲ့ အတွေ့အကြုံကနေ ဘာသင်ယူနိုင်သလဲ။
၅ ကျွန်တော်တို့ တစ်ဦးစီ ပြဿနာတွေ ကြုံရတဲ့အခါ ယေဟောဝါ ကူညီပေးချင်တယ်။ ဒါကြောင့် “မင်း ရေထဲ ဖြတ်လျှောက်တဲ့အခါ မင်းနဲ့အတူ ငါရှိမယ်။ မြစ်ကို ဖြတ်ကူးတဲ့အခါ မင်းကို ရေလွှမ်းမှာ မဟုတ်ဘူး။ မီးထဲ ဖြတ်လျှောက်တဲ့အခါ မင်းကို မီးလောင်မှာ မဟုတ်ဘူး။ မီးဟပ်မှာ မဟုတ်ဘူး” လို့ ကတိပေးတယ်။ (ဟေရှာ. ၄၃:၂) ဘာကို ဆိုလိုသလဲ။
ဟေရှာ. ၄၁:၁၃) အစပိုင်းမှာ ဖော်ပြတဲ့ ယိုရှီကို အဲဒီလိုကြုံခဲ့ရတယ်။ သမီးဖြစ်သူ ဒီလိုပြောတယ်– “အမေရဲ့ တည်ငြိမ်မှုကို သိပ်လေးစားမိတယ်။ အမေ့ကို ယေဟောဝါ စိတ်ငြိမ်သက်မှု ပေးခဲ့တယ်။ သေဆုံးတဲ့နေ့အထိ သူနာပြုတွေ၊ လူနာတွေကို ယေဟောဝါနဲ့ ကတိတော်တွေအကြောင်း ပြောပြတယ်။” ယိုရှီကိုရဲ့ အတွေ့အကြုံကနေ ဘာသင်ယူနိုင်သလဲ။ “မင်းနဲ့အတူ ငါရှိမယ်” ဆိုတဲ့ ဘုရားကတိကို ယုံကြည်ကိုးစားရင် စမ်းသပ်မှုတွေကို သတ္တိရှိရှိ ရင်ဆိုင်နိုင်မှာ ဖြစ်တယ်။
၆ အခက်အခဲတွေကို ဖယ်ရှားပေးမယ်လို့ ယေဟောဝါ ကတိပေးနေတာ မဟုတ်ပါဘူး။ ဒါပေမဲ့ “မြစ်” လို ပြဿနာတွေအောက် နစ်မြုပ်သွားစေမှာ မဟုတ်သလို “မီး” လို စမ်းသပ်မှုတွေကြောင့်လည်း ထာဝစဉ် ပျက်စီးသွားစေမှာ မဟုတ်ဘူး။ ယေဟောဝါက ကျွန်တော်တို့နဲ့ အတူရှိပြီး အဲဒီအခက်အခဲတွေကြား “ဖြတ်လျှောက်” နိုင်အောင် ကူညီမယ်လို့ ကတိပေးတယ်။ ဘယ်လို ကူညီပေးမလဲ။ သေခြင်းနဲ့ ရင်ဆိုင်ရချိန်မှာတောင် မကြောက်ဘဲ တည်တည်ငြိမ်ငြိမ် သမာဓိစောင့်ထိန်းနိုင်အောင် ကူညီပေးမယ်။ (“ငါဟာ မင်းရဲ့ဘုရားသခင်ပါ”
၇-၈။ (က) ဒုတိယ ကတိက ဘာလဲ။ ဘာကို ဆိုလိုသလဲ။ (ခ) ဂျူးသုံ့ပန်းတွေကို “မစိုးရိမ်နဲ့” လို့ ယေဟောဝါ ဘာကြောင့် ပြောသလဲ။ (ဂ) ဟေရှာယ ၄၆:၃၊ ၄ မှာ ပါတဲ့ ဘယ်စကားတွေက ဘုရားလူမျိုးကို စိတ်ငြိမ်သက်စေသလဲ။
၇ “မစိုးရိမ်နဲ့။ ငါဟာ မင်းရဲ့ဘုရားသခင်ပါ” ဆိုတာ ဟေရှာယကတစ်ဆင့် ယေဟောဝါ ပေးတဲ့ ဒုတိယကတိ ဖြစ်တယ်။ ဘာကိုဆိုလိုသလဲ။ “စိုးရိမ်” လို့ ပြန်ဆိုထားတဲ့ မူရင်းစကားလုံးက “မဖြစ်လာသေးတဲ့ အန္တရာယ်ကို တွေးကြောက်တာ၊ အန္တရာယ် ကြုံနေရသလို တုန်လှုပ်နေတာ” ကို ဆိုလိုတယ်။
၈ ဗာဗုလုန်သုံ့ပန်းဘဝ ရောက်တော့မယ့် ဂျူးတွေကို “မစိုးရိမ်” ဖို့ ယေဟောဝါ ဘာကြောင့် ပြောသလဲ။ ပြည်သားတွေ ကြောက်ရွံ့တဲ့အချိန် ရောက်လာမယ်ဆိုတာ သိထားလို့ပဲ။ ဘာလို့ ကြောက်ကြမှာလဲ။ ဂျူးတွေ သုံ့ပန်းဘဝရောက်ပြီး နှစ် ၇၀ ပြည့်ခါနီးမှာ ဗာဗုလုန်ကို မီးဒီးယား-ပါးရှား စစ်တပ်ကြီး လာတိုက်လိမ့်မယ်။ အဲဒီစစ်တပ်ကို သုံးပြီး မိမိလူမျိုးကို ဗာဗုလုန်သုံ့ပန်းဘဝကနေ ယေဟောဝါ လွှတ်ပေးလိမ့်မယ်။ (ဟေရှာ. ၄၁:၂-၄) အဲဒီခေတ်မှာရှိတဲ့ ဗာဗုလုန်နဲ့ တခြားလူမျိုးတွေဟာ ရန်သူတွေ လာနေပြီဆိုတာ သိတဲ့အခါ “အားတင်းစမ်းပါကွာ” လို့ အချင်းချင်း အားပေးကြတယ်။ အကာအကွယ်ရဖို့ ရုပ်တုတွေ လုပ်ကြတယ်။ (ဟေရှာ. ၄၁:၅-၇) အဲဒီအချိန်မှာ ယေဟောဝါကတော့ ‘အစ္စရေး၊ မင်းက ငါ့ရဲ့ကျွန်ပါ။ မစိုးရိမ်နဲ့။ ငါဟာ မင်းရဲ့ဘုရားသခင်ပါ’ လို့ ဂျူးသုံ့ပန်းတွေကို ပြောပြီး စိတ်ငြိမ်သက်စေတယ်။ (ဟေရှာ. ၄၁:၈-၁၀) “ငါဟာ မင်းရဲ့ဘုရားသခင်ပါ” လို့ ယေဟောဝါ ပြောတာ သတိပြုပါ။ သစ္စာရှိရှိ ဝတ်ပြုသူတွေကို ယေဟောဝါ မမေ့ဘူး၊ သူတို့ရဲ့ဘုရား ဖြစ်နေဆဲပဲ၊ သူတို့လည်း ဘုရားရဲ့ လူမျိုး ဖြစ်နေဆဲပဲ ဆိုတာကို အဲဒီစကားတွေကတစ်ဆင့် အာမခံနေတာ။ ‘မင်းတို့ကို ငါချီပိုက်ပြီး ကယ်တင်မယ်’ လို့ ဘုရား ပြောတယ်။ ဂျူးသုံ့ပန်းတွေ သိပ်အားရှိသွားမှာပဲ။—ဟေရှာယ ၄၆:၃၊ ၄ ကိုဖတ်ပါ။
၉-၁၀။ ကျွန်တော်တို့ ဘာကြောင့် ကြောက်ဖို့ မလိုတာလဲ။ ဥပမာပေးပါ။
၉ ကမ္ဘာ့အခြေအနေတွေ ပိုဆိုးလာတဲ့အတွက် လူတွေ ပိုစိုးရိမ်လာကြတယ်။ ကျွန်တော်တို့လည်း အဲဒီပြဿနာတွေ ကြုံနေရတယ်။ ဒါပေမဲ့ ကြောက်ဖို့ မလိုဘူး။ “ငါဟာ မင်းရဲ့ဘုရားသခင်ပါ” လို့ ယေဟောဝါ ပြောတယ်။ အဲဒီစကားက ဘာကြောင့် စိတ်တည်ငြိမ်စေသလဲ။
၁၀ ဒီဥပမာကို စဉ်းစားကြည့်ပါ– ထွန်းထွန်းနဲ့ ကျော်ကျော်ဟာ လေယာဉ်နဲ့ ခရီးသွားနေတုန်း လေပြင်းဒဏ်ကြောင့် လေယာဉ် တုန်ခါလာတယ်။ အဲဒီအချိန်မှာ “ရာသီဥတု မကောင်းလို့ ခါးပတ် ပတ်ထားကြပါ” ဆိုတဲ့အသံ ကြားလိုက်ရတယ်။ ထွန်းထွန်း တအားစိုးရိမ်သွားတယ်။ “ခင်ဗျားတို့ရဲ့ လေယာဉ်မှူး ပြောနေပါတယ်။ မစိုးရိမ်ကြပါနဲ့။ အဆင်ပြေသွားမှာပါ” လို့ လေယာဉ်မှူး ထပ်ပြောတယ်။ အဲဒီအခါ “သူက ဘာမို့လို့ ဒီလိုပြောတာလဲ” ဆိုပြီး ထွန်းထွန်း ခေါင်းခါလိုက်တယ်။ ကျော်ကျော်ကတော့ လုံးဝ စိုးရိမ်ပုံမရဘူး။
“မင်းကော မကြောက်ဘူးလား” လို့ မေးတော့ ကျော်ကျော်က ပြုံးပြီး “လေယာဉ်မှူးက ငါ့အဖေလေ။ လေယာဉ်မောင်း သိပ်ကျွမ်းတာ။ ငါ့အဖေအကြောင်း သိရင်တော့ မင်းလည်း စိုးရိမ်မှာ မဟုတ်ဘူး” လို့ ပြောတယ်။၁၁။ ခရီးသည်နှစ်ယောက် ဥပမာကနေ ဘာသင်ယူနိုင်သလဲ။
၁၁ ဒီဥပမာကနေ ဘာသင်ယူနိုင်သလဲ။ ကျော်ကျော်လိုပဲ ကျွန်တော်တို့လည်း ကောင်းကင်ဖခင် ယေဟောဝါအကြောင်း ကောင်းကောင်း သိလို့ တည်ငြိမ်နေကြတယ်။ ဒီနောက်ဆုံးကာလရဲ့ ပြဿနာမုန်တိုင်းတွေကြားကနေ ကျွန်တော်တို့ကို ဘေးကင်းလုံခြုံစွာ ကယ်ထုတ်မယ်ဆိုတာ သိထားကြတယ်။ (ဟေရှာ. ၃၅:၄) တစ်လောကလုံး ကြောက်ရွံ့တုန်လှုပ်နေချိန်မှာ ကျွန်တော်တို့ကတော့ ယေဟောဝါကို ယုံကြည်ကိုးစားတဲ့အတွက် တည်တည်ငြိမ်ငြိမ်ပါပဲ။ (ဟေရှာ. ၃၀:၁၅) ဘုရားကို ယုံကြည်ရတဲ့ အကြောင်းရင်းတွေကို ကျော်ကျော်လိုပဲ တခြားသူတွေကို ပြောပြကြတယ်။ အဲဒီအခါ သူတို့လည်း ယေဟောဝါ ကူညီထောက်မမယ်ဆိုတာ ယုံကြည်လာကြပါလိမ့်မယ်။
“မင်းကို ခိုင်ခံ့စေမယ်၊ ကူညီပေးမယ်”
၁၂။ (က) တတိယ ကတိက ဘာလဲ။ (ခ) ယေဟောဝါရဲ့ “လက်ရုံး” က ဘာကို သတိရစေသလဲ။
၁၂ “မင်းကို ခိုင်ခံ့စေမယ်၊ ကူညီပေးမယ်” ဆိုတဲ့ တတိယ ကတိအကြောင်း စဉ်းစားကြည့်ပါ။ ယေဟောဝါ ဘယ်လို ခိုင်ခံ့စေမယ်ဆိုတာ ဟေရှာယ ပြောပြီးသားပဲ။ “ယေဟောဝါက တန်ခိုးနဲ့ ကြွလာလိမ့်မယ်။ လက်ရုံးတော်က ဘုရားအတွက် အုပ်စိုးလိမ့်မယ်” လို့ ပြောတယ်။ (ဟေရှာ. ၄၀:၁၀) ကျမ်းစာမှာ “လက်ရုံး” ဆိုတဲ့ စကားလုံးက တန်ခိုးအာဏာကို ရည်ညွှန်းလေ့ရှိတယ်။ ဒါကြောင့် ယေဟောဝါရဲ့ ‘လက်ရုံးတော် အုပ်စိုးလိမ့်မယ်’ ဆိုတဲ့ အချက်က ယေဟောဝါဟာ တန်ခိုးကြီးဘုရင်ဖြစ်ကြောင်း သတိရစေတယ်။ ရှေးခေတ်ကျေးကျွန်တွေကို ကာကွယ်ထောက်မဖို့ မိမိအစွမ်းခွန်အားကို သုံးခဲ့သလို ဒီနေ့ခေတ်မှာလည်း မိမိအပေါ် ယုံကြည်ကိုးစားသူတွေကို ခိုင်ခံ့စေပြီး ကာကွယ်ပေးပါလိမ့်မယ်။—တရား. ၁:၃၀၊ ၃၁။ ဟေရှာ. ၄၃:၁၀။
ယေဟောဝါရဲ့ ကာကွယ်မှု လက်ရုံးကို ဘယ်လက်နက်မှ အောင်မြင်မှာ မဟုတ် (အပိုဒ် ၁၂-၁၆ ကိုကြည့်ပါ) *
၁၃။ (က) ကျွန်တော်တို့ကို ခိုင်ခံ့စေမယ်ဆိုတဲ့ ကတိအတိုင်း အထူးသဖြင့် ဘယ်အချိန်မှာ လုပ်ပေးမှာလဲ။ (ခ) ဘယ်အာမခံချက်က ကျွန်တော်တို့ကို ခိုင်ခံ့စေသလဲ။
ဟေရှာ. ၅၄:၁၇) အဲဒါက အရေးကြီးတဲ့ အချက်သုံးချက်ကို သတိရစေတယ်။
၁၃ အထူးသဖြင့် ရန်သူတွေ နှိပ်စက်တဲ့အခါ “မင်းကို ခိုင်ခံ့စေမယ်” ဆိုတဲ့ ကတိအတိုင်း ယေဟောဝါ လုပ်ဆောင်ပါလိမ့်မယ်။ ကမ္ဘာ့ဒေသတချို့မှာ ရန်သူတွေက ဟောပြောခြင်းလုပ်ငန်းကို တားဆီးဖို့၊ အဖွဲ့အစည်းကို ပိတ်ပင်ဖို့ ကြိုးစားနေကြတယ်။ ဒါပေမဲ့ အလွန်အမင်း စိုးရိမ်စရာ မလိုပါဘူး။ ကျွန်တော်တို့ကို ခိုင်ခံ့စေမယ်၊ ယုံကြည်စိတ်ချမှု ရှိစေမယ်လို့ ယေဟောဝါ အာမခံတယ်။ “မင်းကို တိုက်ခိုက်ဖို့လုပ်တဲ့ လက်နက်တစ်ခုမှ အောင်မြင်မှာ မဟုတ်ဘူး” လို့ ကတိပေးတယ်။ (၁၄။ ဘုရားရဲ့ ရန်သူတွေ ကျွန်တော်တို့ကို တိုက်ခိုက်တဲ့အခါ ဘာကြောင့် မအံ့ဩကြသလဲ။
၁၄ ပထမ၊ ခရစ်တော်ရဲ့ နောက်လိုက်တွေအနေနဲ့ အမုန်းခံရမယ်လို့ ကျွန်တော်တို့ မျှော်လင့်ထားကြတယ်။ (မ. ၁၀:၂၂) နောက်ဆုံးကာလမှာ တပည့်တွေ အပြင်းအထန် နှိပ်စက်ညှဉ်းပန်းခံရမယ်လို့ ယေရှု ကြိုပြောတယ်။ (မ. ၂၄:၉။ ယော. ၁၅:၂၀) ဒုတိယ၊ ရန်သူတွေဟာ မုန်းရုံသာမက လက်နက်အမျိုးမျိုး သုံးလိမ့်မယ်လို့ ဟေရှာယ ပရောဖက်ပြုချက်မှာ ကြိုသတိပေးတယ်။ အဲဒီလက်နက်တွေထဲမှာ လှည့်စားတာ၊ လိမ်လည်တာ၊ ရက်ရက်စက်စက် နှိပ်စက်တာတွေ ပါဝင်တယ်။ (မ. ၅:၁၁) အဲဒီလက်နက်တွေ မသုံးဖို့ ရန်သူတွေကို ယေဟောဝါ တားဆီးမှာ မဟုတ်ဘူး။ (ဧ. ၆:၁၂။ ဗျာ. ၁၂:၁၇) ဒါပေမဲ့ ကျွန်တော်တို့ ကြောက်စရာ မလိုပါဘူး။ ဘာကြောင့်လဲ။
၁၅-၁၆။ (က) ဘယ်တတိယအချက်ကို သတိရဖို့ လိုသလဲ။ ဟေရှာယ ၂၅:၄၊ ၅ က ဒီအချက်ကို ဘယ်လို ထောက်ခံသလဲ။ (ခ) ကျွန်တော်တို့ကို တိုက်ခိုက်သူတွေရဲ့ ဇာတ်သိမ်းအကြောင်း ဟေရှာယ ၄၁:၁၁၊ ၁၂ က ဘယ်လို ဖော်ပြသလဲ။
၁၅ တတိယအချက်ကို သုံးသပ်ကြည့်ပါ။ “လက်နက်တစ်ခုမှ အောင်မြင်မှာ မဟုတ်ဘူး” လို့ ယေဟောဝါ ပြောတယ်။ ရဲတိုက်နံရံက မုန်တိုင်းဒဏ်ကနေ ကာကွယ်ပေးသလို ယေဟောဝါက “ဖိနှိပ်ညှဉ်းပန်းသူတွေ ဒေါသူပုန်ထတဲ့အခါ” ကျွန်တော်တို့ကို ကာကွယ်ပေးတယ်။ (ဟေရှာယ ၂၅: ကိုဖတ်ပါ။) ရန်သူတွေ ဘယ်တော့မှ အောင်မြင်မှာ မဟုတ်ဘူး။— ၄၊ ၅ဟေရှာ. ၆၅:၁၇။
၁၆ ယေဟောဝါက “ဒေါသထွက်တဲ့သူတွေ” ရဲ့ ဇာတ်သိမ်းအကြောင်း အသေးစိတ် ဖော်ပြပေးခြင်းအားဖြင့်လည်း ကျွန်တော်တို့ရဲ့ ယုံကြည်ကိုးစားမှုကို ပိုခိုင်ခံ့စေတယ်။ (ဟေရှာယ ၄၁:၁၁၊ ၁၂ ကိုဖတ်ပါ။) ရန်သူတွေ ဘယ်လောက် တိုက်ခိုက်ပါစေ၊ စစ်ပွဲ ဘယ်လောက် ပြင်းထန်ပါစေ ဘုရားလူမျိုးရဲ့ ရန်သူအားလုံး “အချည်းနှီးဖြစ်ပြီး ပျက်စီးရလိမ့်မယ်။”
ယေဟောဝါအပေါ် ယုံကြည်ကိုးစားမှု ခိုင်မြဲစေနိုင်ပုံ
ကျမ်းစာ ပုံမှန် ဖတ်ရှုခြင်းအားဖြင့် ယေဟောဝါအပေါ် ယုံကြည်ကိုးစားမှု ခိုင်မြဲစေနိုင် (အပိုဒ် ၁၇-၁၈ ကိုကြည့်ပါ) *
၁၇-၁၈။ (က) ကျမ်းစာဖတ်ရှုခြင်းက ဘုရားကို ယုံကြည်ကိုးစားမှု ဘယ်လို ခိုင်မြဲစေနိုင်သလဲ။ ဥပမာပေးပါ။ (ခ) ၂၀၁၉ အတွက် ရွေးထားတဲ့ နှစ်ချုပ်ကျမ်းချက်ကို တွေးတောဆင်ခြင်တာက ဘယ်လို ကူညီပေးနိုင်သလဲ။
၁၇ ယေဟောဝါအကြောင်း ကောင်းကောင်း သိအောင် လုပ်ခြင်းအားဖြင့် ကျွန်တော်တို့ရဲ့ ယုံကြည်ကိုးစားမှု ခိုင်မြဲစေနိုင်တယ်။ ဘုရားအကြောင်း ပိုသိလာနိုင်တဲ့ တစ်ခုတည်းသောနည်းကတော့ ကျမ်းစာကို အသေအချာ ဖတ်ရှုပြီး တွေးတောဆင်ခြင်ခြင်းပါပဲ။ ရှေးခေတ်လူမျိုးတော်ကို ယေဟောဝါ ကာကွယ်ပေးတဲ့ ကျမ်းစာမှတ်တမ်းတွေ ရှိတယ်။ အဲဒါတွေက ဘုရား စောင့်ရှောက်မယ်ဆိုတာ ယုံကြည်စိတ်ချစေတယ်။
၁၈ ဥပမာ၊ ကျွန်တော်တို့ကို ယေဟောဝါ ကာကွယ်ပုံအကြောင်း ဟေရှာယရဲ့ သရုပ်ဖော်ချက်ကို စဉ်းစားကြည့်ပါ။ ယေဟောဝါကို သိုးထိန်း၊ ကျေးကျွန်တွေကို သိုးတွေအဖြစ် ခိုင်းနှိုင်းခဲ့တယ်။ ယေဟောဝါက “သိုးကလေးတွေကို ပွေ့ပိုက်ပြီး ရင်ခွင်ထဲ ချီပိုက်ထားလိမ့်မယ်” လို့ ဟေရှာယ ပြောတယ်။ (ဟေရှာ. ၄၀:၁၁) ယေဟောဝါရဲ့ ပွေ့ပိုက်မှုကို ခံရတဲ့အခါ လုံခြုံတယ်လို့ ခံစားရပြီး စိတ်တည်ငြိမ်နေပါလိမ့်မယ်။ အခက်အခဲတွေ ကြုံရတဲ့အခါ စိတ်တည်ငြိမ်မှု ဆက်ရှိအောင် ကူညီပေးဖို့ သစ္စာနဲ့ သတိပညာရှိကျွန်က “မစိုးရိမ်နဲ့။ ငါဟာ မင်းရဲ့ဘုရားသခင်ပါ” ဆိုတဲ့ ဟေရှာယ ၄၁:၁၀ ကို ၂၀၁၉ နှစ်ချုပ်ကျမ်းချက်အဖြစ် ရွေးထားတယ်။ အဲဒီစကားတွေကို တွေးတောဆင်ခြင်ပါ။ အခက်အခဲတွေ ကြုံရတဲ့အခါ ခွန်အားရှိနေပါလိမ့်မယ်။
သီချင်း ၃၈ ကိုယ်တော် သင်တို့ကို ခွန်အားရှိစေမယ်
^ အပိုဒ်၊ 5 ၂၀၁၉ နှစ်ချုပ်ကျမ်းချက်က ကမ္ဘာပေါ်မှာဖြစ်စေ၊ ကိုယ့်ဘဝမှာဖြစ်စေ အဖြစ်ဆိုးတွေ ဖြစ်လာတဲ့အခါမှာတောင် တည်တည်ငြိမ်ငြိမ် ရှိနိုင်တဲ့ အကြောင်းရင်း ၃ ခုကို ဖော်ပြပေးတယ်။ ဒီဆောင်းပါးမှာ အဲဒီအကြောင်းရင်းတွေကို သုံးသပ်ပါမယ်။ ဒါက စိုးရိမ်ပူပန်မှု လျော့နည်းအောင်၊ ယေဟောဝါကို ယုံကြည်ကိုးစားလာအောင် ကူညီပေးပါလိမ့်မယ်။ နှစ်ချုပ်ကျမ်းချက်ကို တွေးတောဆင်ခြင်ပါ။ ဖြစ်နိုင်ရင် အလွတ်ကျက်မှတ်ထားပါ။ အနာဂတ်မှာ ကြုံရနိုင်တဲ့ အခက်အခဲတွေကို ရင်ဆိုင်ဖို့ ခွန်အားရှိစေပါလိမ့်မယ်။
^ အပိုဒ်၊ 1 ၂၀၁၆၊ ဇူလိုင်လထုတ် ကင်းမျှော်စင် စာ. ၁၈ ကိုကြည့်ပါ။
^ အပိုဒ်၊ 3 စကားလုံး ရှင်းလင်းချက်– ကတိဆိုတာ ပြောတဲ့အတိုင်း လုပ်မယ်ဆိုတဲ့ အာမခံချက်ဖြစ်တယ်။ ယေဟောဝါရဲ့ ကတိတွေက ကျွန်တော်တို့ ကြုံရနိုင်တဲ့ ပြဿနာတွေအတွက် စိုးရိမ်စိတ်ကို လျော့နည်းစေနိုင်တယ်။
^ အပိုဒ်၊ 4 ဟေရှာယ ၄၁:၁၀၊ ၁၃၊ ၁၄ မှာ “မကြောက်နဲ့” ဆိုတဲ့စကားကို သုံးကြိမ် ဖော်ပြထားတယ်။ အဲဒီအခန်းငယ်တွေမှာ “ငါ” ဆိုပြီး အကြိမ်ကြိမ် သုံးထားတယ်။ ယေဟောဝါက “ငါ” ဆိုတဲ့စကားလုံးကို ဘာကြောင့် အကြိမ်ကြိမ် ရေးခိုင်းတာလဲ။ ယေဟောဝါကို ယုံကြည်ကိုးစားမှသာ စိတ်တည်ငြိမ်နိုင်မယ်ဆိုတာ ပေါ်လွင်စေဖို့ပါပဲ။
^ အပိုဒ်၊ 52 ပုံအညွှန်း– မိသားစုဝင်တွေ အလုပ်၊ ကျန်းမာရေး၊ အမှုဆောင်လုပ်ငန်း၊ ကျောင်းမှာ အခက်အခဲတွေ ကြုံရ။
^ အပိုဒ်၊ 54 ပုံအညွှန်း– အိမ်မှာ အစည်းအဝေးလုပ်နေစဉ် ရဲတွေ ရောက်လာပေမဲ့ ညီအစ်ကို/မတွေ ထိတ်ထိတ်ပျာပျာ မဖြစ်။
^ အပိုဒ်၊ 56 ပုံအညွှန်း– မိသားစုဝတ်ပြုမှု ပုံမှန် လုပ်ခြင်းက ခံရပ်ဖို့ ကူညီပေး။