“အမှန်တရားလမ်းမှာ လျှောက်ပါ့မယ်”
“အို ယေဟောဝါ၊ ကိုယ်တော့်လမ်းစဉ်အကြောင်း သွန်သင်ပေးပါ။ အမှန်တရားလမ်းမှာ လျှောက်ပါ့မယ်။”—ဆာ. ၈၆:၁၁။
၁-၃။ (က) ကျမ်းစာအမှန်တရားကို ဘယ်လို သဘောထားသင့်သလဲ။ (ဆောင်းပါးအစမှာပါတဲ့ ပုံကို ကြည့်ပါ။) (ခ) ဒီဆောင်းပါးမှာ ဘယ်မေးခွန်းတွေကို သုံးသပ်ကြမလဲ။
ဝယ်ပြီးသားပစ္စည်းကို ပြန်လဲတာ မဆန်းပါဘူး။ နိုင်ငံတချို့မှာ လူတွေဟာ ဝယ်ပြီးသားပစ္စည်း ၉ ရာခိုင်နှုန်းကို ပြန်လဲတတ်ကြတယ်။ အွန်လိုင်းကနေ မှာယူထားတဲ့ ပစ္စည်းတွေကို ပြန်လဲတဲ့နှုန်းက ၃၀ ရာခိုင်နှုန်းကျော်တယ်။ ပစ္စည်းက ထင်ထားသလို မဟုတ်တာ၊ ချို့ယွင်းချက်ရှိတာ၊ မကြိုက်တာတွေကြောင့် ပြန်လဲကြတယ်၊ ငွေပြန်အမ်းခိုင်းကြတယ်။
၂ ဝယ်ပြီးသားပစ္စည်းကို ပြန်လဲကြပေမဲ့ “ဝယ်” ပြီးသား “တိကျမှန်ကန်” တဲ့ ကျမ်းစာအသိပညာကိုတော့ ပြန်လဲချင်မှာ၊ “ရောင်း” ချင်မှာ မဟုတ်ပါဘူး။ (ပညာအလိမ္မာ ၂၃:၂၃ ကိုဖတ်ပါ။ ၁ တိ. ၂:၄) ရှေ့ဆောင်းပါးမှာ လေ့လာခဲ့တဲ့အတိုင်း အမှန်တရားရဖို့ အချိန်အများကြီး ပေးခဲ့ရတယ်။ ဝင်ငွေကောင်းတဲ့ အလုပ်အကိုင်၊ ကျမ်းစာနဲ့မညီတဲ့ ဓလေ့ထုံးစံတွေကို စွန့်ခဲ့ရနိုင်တယ်။ ပေါင်းသင်းဆက်ဆံရေး အပြောင်းအလဲတွေ ကြုံခဲ့ရနိုင်တယ်။ အတွေးအခေါ်၊ အပြုအမူတွေ ပြောင်းခဲ့ရနိုင်တယ်။ ဒါပေမဲ့ ရလာတဲ့ကောင်းချီးတွေနဲ့ ယှဉ်ရင် ပေးဆပ်လိုက်တာတွေဟာ ဘာမှ မဟုတ်ပါဘူး။
မ. ၁၃:၄၅၊ ၄၆) အဲဒီလိုပဲ ဘုရားသခင့် နိုင်ငံတော် အမှန်တရားနဲ့ တခြားအဖိုးတန် ကျမ်းစာအမှန်တရားတွေဟာ ကျွန်တော်တို့အတွက် တန်ဖိုးရှိလွန်းလို့ အဲဒါကို ရဖို့ ဘာကိုမဆို စွန့်လွှတ် အနစ်နာခံခဲ့ကြတယ်။ တန်ဖိုးထားလွန်းလို့ “ဘယ်တော့မှ မရောင်း” ချင်ကြဘူး။ ဝမ်းနည်းစရာကတော့ ဘုရားသခင့်ကျေးကျွန်တချို့ဟာ အမှန်တရားကို တန်ဖိုးမထားတော့ဘဲ ရောင်းခဲ့ကြတယ်။ အမှန်တရားကို တန်ဖိုးထားကြောင်း၊ ဘယ်တော့မှ မရောင်းလိုကြောင်း ပြဖို့ “အမှန်တရားလမ်းစဉ်မှာ အမြဲ လျှောက်လှမ်း” ရမယ်။ (၃ ယောဟန် ၂-၄ ကိုဖတ်ပါ။) အမှန်တရားလမ်းစဉ်မှာ လျှောက်လှမ်းခြင်းဆိုတာ အမှန်တရားကို ဦးစားထားပြီး အဲဒီအတိုင်း နေထိုင်ခြင်းကို ဆိုလိုတယ်။ အမှန်တရားကို တချို့ ဘာကြောင့်၊ ဘယ်လို “ရောင်း” မိနိုင်သလဲ။ အဲဒီလိုအမှားမျိုး မလုပ်မိအောင် ဘယ်လို ရှောင်နိုင်သလဲ။ “အမှန်တရားလမ်းစဉ်မှာ အမြဲ လျှောက်လှမ်း” မယ်ဆိုတဲ့ စိတ်ပိုင်းဖြတ်ချက်ကို ဘယ်လို ခိုင်မာစေနိုင်သလဲ။ အဲဒီမေးခွန်းသုံးခုကို သုံးသပ်ကြည့်ကြစို့။
၃ ကျွန်တော်တို့ဟာ ကျမ်းစာအမှန်တရားနဲ့ပတ်သက်ရင် ယေရှုပြောခဲ့တဲ့ ပုံဥပမာထဲကလူလို ခံစားကြရတယ်။ ဘုရားသခင့် နိုင်ငံတော်နဲ့ပတ်သက်တဲ့ အမှန်တရားရဲ့ အဖိုးတန်ပုံကို ဖော်ပြဖို့ ပုလဲရှာတွေ့တဲ့ နယ်လှည့်ကုန်သည်အကြောင်း ယေရှု ပြောတယ်။ ပုလဲဟာ တန်ဖိုးကြီးလွန်းလို့ ပိုင်ဆိုင်သမျှကို ‘ချက်ချင်း ရောင်းပြီး’ ဝယ်ခဲ့တယ်။ (အမှန်တရားကို တချို့ ဘာကြောင့်၊ ဘယ်လို “ရောင်း” ကြ
၄။ ပထမရာစုမှာ လူတချို့ အမှန်တရားကို ဘာကြောင့် “ရောင်း” ခဲ့ကြသလဲ။
၄ ပထမရာစုမှာ လူတချို့က ယေရှုရဲ့ သွန်သင်ချက်တွေကို အစပိုင်းမှာ လက်ခံပေမဲ့ အမှန်တရားလမ်းအတိုင်း ဆက်မလျှောက်ကြဘူး။ ဥပမာ၊ လူအုပ်တစ်အုပ်ကို ယေရှု အံ့ဖွယ်နည်းနဲ့ ကျွေးပြီးနောက် ဂါလိလဲအိုင် တစ်ဖက်ကမ်းအထိ လူအုပ် လိုက်လာကြတယ်။ အဲဒီမှာ ယေရှုက “လူသားရဲ့အသားကို မစားဘူး၊ လူသားရဲ့သွေးကို မသောက်ဘူးဆိုရင် ခင်ဗျားတို့ အသက်ရမှာ မဟုတ်ဘူး” လို့ ပြောလိုက်တဲ့အတွက် သူတို့ ထိတ်လန့်သွားကြတယ်။ ရှင်းပြပေးဖို့ တောင်းဆိုမယ့်အစား “သူပြောနေတာတွေက လန့်စရာကြီးပါလား။ ဘယ်သူနားခံနိုင်မှာလဲ” လို့ပြောကြတယ်။ ရလဒ်အနေနဲ့ “တပည့်အတော်များများက ယေရှုနောက်လိုက် မလုပ်တော့ဘဲ စွန့်လွှတ်ခဲ့ရာတွေဆီ ပြန်လှည့်သွားကြတယ်။”—ယော. ၆:၅၃-၆၆။
၅၊ ၆။ (က) ဒီနေ့ခေတ်မှာ အမှန်တရားကို တချို့ ဘာကြောင့် ကျောခိုင်းခဲ့ကြသလဲ။ (ခ) ဘယ်လိုနည်းနဲ့ အမှန်တရားကနေ တဖြည်းဖြည်း ဝေးသွားနိုင်သလဲ။
၅ ဒီနေ့လည်း တချို့က အမှန်တရားကို မစွဲကိုင်ထားကြဘူး။ ကျမ်းချက်တစ်ချက် နားလည်မှု ပြောင်းသွားတဲ့အတွက်ကြောင့်၊ ထင်ပေါ်တဲ့ ညီအစ်ကိုတစ်ယောက်ရဲ့ စကား ဒါမှမဟုတ် လုပ်ရပ်ကြောင့် တိုက်မိလဲသွားကြတယ်။ တချို့ကတော့ ဆုံးမခံရလို့၊ ညီအစ်ကို/မတစ်ယောက်ယောက်နဲ့ အဆင်မပြေလို့ အမှန်တရားကို စွန့်သွားကြတယ်။ တချို့က အယူဖောက်ပြန်သူတွေ၊ ဆန့်ကျင်သူတွေနဲ့ ပူးပေါင်းသွားကြတယ်။ ရလဒ်အနေနဲ့ ယေဟောဝါနဲ့ အသင်းတော်ကို တမင်တကာ “ကျောခိုင်း” ခဲ့ကြတယ်။ (ဟီ. ၃:၁၂-၁၄) တကယ်တော့ တမန်တော် ပေတရုရဲ့ ပုံသက်သေကို သူတို့ တုပသင့်တယ်။ ယေရှုက မိမိရဲ့စကားကြောင့် တချို့ ထိတ်လန့်သွားတဲ့အခါ “ခင်ဗျားတို့ကော ထွက်သွားချင်သလား” လို့ တမန်တော်တွေကို မေးတယ်။ အဲဒီအခါ ပေတရုက “သခင်၊ ဘယ်သူ့ဆီ သွားရမှာလဲ။ ထာဝရအသက်ရစေတဲ့ စကားတွေဟာ သခင့်ဆီမှာပဲ ရှိတာပါ” လို့ ချက်ချင်း ပြန်ဖြေတယ်။—ယော. ၆:၆၇-၆၉။
၆ တချို့ကျတော့ အမှန်တရားကနေ ဝေးမှန်းမသိ တဖြည်းဖြည်း ဝေးသွားကြတယ်။ ကမ်းစပ်ကနေ ဟီ. ၂:၁) အမှန်တရားကို တမင်တကာ ကျောခိုင်းသူလို မဟုတ်ဘဲ တဖြည်းဖြည်း မျောပါသွားတာဖြစ်တယ်။ အဲဒီလိုလူဟာ ယေဟောဝါနဲ့ ဆက်ဆံရေး ထိခိုက်လာပြီး ပြတ်တောက်သွားနိုင်တယ်။ အဲဒီအန္တရာယ်ကို ဘယ်လို ရှောင်နိုင်မလဲ။
မျောသွားတဲ့ လှေလိုပဲ “တရွေ့ရွေ့ မျောပါ” သွားကြတယ်။ (အမှန်တရားကို မရောင်းမိအောင် ဘယ်လိုရှောင်မလဲ
၇။ အမှန်တရားကို ရောင်းမိတာမျိုး မဖြစ်အောင် ဦးဆုံး ဘာလုပ်ဖို့ လိုသလဲ။
၇ အမှန်တရားလမ်းမှာ လျှောက်နိုင်ဖို့ ယေဟောဝါရဲ့စကား အားလုံးကို လိုက်နာရမယ်။ ဘဝမှာ အမှန်တရားကို ဦးစားထားပြီး ကျမ်းစာမူတွေနဲ့အညီ နေထိုင်ရမယ်။ “အမှန်တရားလမ်းမှာ လျှောက်ပါ့မယ်” လို့ ဘုရင်ဒါဝိဒ် ဆုတောင်းတယ်။ (ဆာ. ၈၆:၁၁) ဒါဝိဒ်လိုပဲ ကျွန်တော်တို့လည်း အမှန်တရားလမ်းမှာ လျှောက်ဖို့ အခိုင်အမာ စိတ်ပိုင်းဖြတ်ထားရမယ်။ အဲဒီလိုမှ မဟုတ်ရင် အမှန်တရားအတွက် စွန့်လွှတ်ခဲ့တာတွေကို ပြန်တွေးပြီး ပြန်လိုချင်မိနိုင်တယ်။ အမှန်တရားမှာ ဘာကို လက်ခံမယ်၊ ဘာကို လက်မခံဘူးဆိုပြီး ရွေးလို့မရဘူး။ အမှန်တရား အားလုံးကို “အပြည့်အဝ” လက်ခံရမယ်။ (ယော. ၁၆:၁၃) အမှန်တရားအတွက် စွန့်လွှတ်ရနိုင်တဲ့အရာငါးခုကို ဆွေးနွေးကြည့်ကြစို့။ ဒါက စွန့်လွှတ်ခဲ့တာတွေကို ပြန်မယူဘူးဆိုတဲ့ စိတ်ပိုင်းဖြတ်ချက်ကို ခိုင်မာစေပါလိမ့်မယ်။—မ. ၆:၁၉။
၈။ အချိန်ကို အကျိုးရှိရှိ မသုံးရင် အမှန်တရားကနေ ဘယ်လို မျောပါသွားနိုင်သလဲ။ ဥပမာပေးပါ။
၈ အချိန်။ အမှန်တရားကနေ တဖြည်းဖြည်း မျောပါသွားတာမျိုး မဖြစ်အောင် အချိန်ကို အကျိုးရှိရှိသုံးဖို့ လိုတယ်။ သတိမထားဘူးဆိုရင် ဖျော်ဖြေရေး၊ ဝါသနာပါရာ၊ အင်တာနက်၊ တီဗီကြည့်တာတွေမှာ အချိန်အများကြီး သုံးမိနိုင်တယ်။ အဲဒါတွေက မမှားဘူးဆိုပေမဲ့ ကိုယ်ပိုင်လေ့လာမှုနဲ့ ဘုရားရေးရာ လုပ်ဆောင်မှုတွေအတွက် အချိန်မပေးနိုင်ဘဲ ဖြစ်သွားမယ်။ ညီအစ်မ အမ်မာရဲ့ * အဖြစ်ကို စဉ်းစားကြည့်ပါ။ ငယ်ငယ်လေးကတည်းက မြင်းစီးတာ သိပ်ကြိုက်တယ်။ အချိန်ရတိုင်း မြင်းစီးလေ့ရှိတယ်။ နောက်ပိုင်း ဝါသနာအတွက်ပဲ အချိန်ကုန်နေတာကို မကြိုက်တော့လို့ ပြောင်းလဲဖို့ ကြိုးစားပြီး ဝါသနာကို သူ့နေရာနဲ့သူ ထားနိုင်ခဲ့တယ်။ မြင်းစီးသမားဖြစ်ခဲ့တဲ့ ညီအစ်မ ကိုရီဝဲလ်ရဲ့ တွေ့ကြုံမှုကနေ အားပေးမှု ရခဲ့တယ်။ * အခု ညီအစ်မအမ်မာဟာ ဘုရားရေးရာ လုပ်ဆောင်မှုတွေ၊ မိသားစု၊ မိတ်ဆွေတွေအတွက် အချိန်ပိုပေးလာနိုင်ပြီ။ အချိန်ကို အကျိုးရှိရှိသုံးတဲ့အတွက် ယေဟောဝါနဲ့ ပိုရင်းနှီးလာတယ်လို့ ခံစားနေရပြီ။
၉။ ပစ္စည်းဥစ္စာပိုင်ဆိုင်ဖို့ ကြိုးစားရင် ဘုရားရေးရာကို ဘယ်လို ဘေးချိတ်မိနိုင်သလဲ။
၉ ပစ္စည်းဥစ္စာ။ အမှန်တရားလမ်းမှာ ဆက်လျှောက်ဖို့ ပစ္စည်းဥစ္စာကို သူ့နေရာနဲ့သူ ထားရမယ်။ ကျွန်တော်တို့ဟာ အမှန်တရား သိစတုန်းက ဘုရားရေးရာကို ဦးစားထားပြီး ပစ္စည်းဥစ္စာရမယ့် အခွင့်အလမ်းတွေကို လိုလိုလားလား စွန့်လွှတ်ခဲ့ကြတယ်။ ဒါပေမဲ့ အချိန်ကြာလာတဲ့အခါ တခြားသူတွေ နောက်ဆုံးပေါ် အီလက်ထရောနစ်ပစ္စည်းတွေ သုံးနေတာ၊ ကြီးပွားနေတာကို တွေ့ပြီး ကိုယ်ဆုံးရှုံးနေတယ်လို့ ခံစားလာနိုင်တယ်။ ရှိတာနဲ့ မရောင့်ရဲနိုင်တော့ဘဲ ပစ္စည်းဥစ္စာတွေရဖို့ ဘုရားရေးရာကို ဘေးချိတ်မိနိုင်တယ်။ ဒေမ အဲဒီလို ဖြစ်ခဲ့တယ်။ သူဟာ “လက်ရှိ လောကစနစ်” ကို စွဲလမ်းတဲ့အတွက် တမန်တော် ပေါလုနဲ့အတူ အမှုဆောင်ခွင့်ကို စွန့်လွှတ်ခဲ့တယ်။ (၂ တိ. ၄:၁၀) ပေါလုကို ဒေမ ဘာကြောင့် စွန့်ခဲ့တာလဲ။ ဘုရားအမှုဆောင်တာထက် ပစ္စည်းဥစ္စာကို ပိုမက်လို့လား။ ပေါလုနဲ့ အမှုဆောင်ဖို့ ကိုယ်ကျိုးမစွန့်ချင်တော့လို့လား။ ကျမ်းစာမှာ မပြောထားဘူး။ ကျွန်တော်တို့ကတော့ ပစ္စည်းဥစ္စာ လိုချင်တဲ့စိတ် ပြန်ပေါ်လာပြီး အမှန်တရားချစ်စိတ်ကို ဖုံးလွှမ်းသွားတာမျိုး မဖြစ်လိုကြဘူး။
၁၀။ အမှန်တရားလမ်းမှာ ဆက်လျှောက်နိုင်ဖို့ ဘယ်ဖိအားတွေကို တွန်းလှန်ရမလဲ။
၁၀ ပေါင်းသင်းဆက်ဆံရေး။ အမှန်တရားလမ်းမှာ ဆက်လျှောက်နိုင်ဖို့ တခြားသူတွေရဲ့ ဖိအားကို အလျှော့မပေးသင့်ဘူး။ အမှန်တရားလမ်းမှာ စလျှောက်လှမ်းတဲ့အခါ သက်သေခံ မဟုတ်တဲ့ အပေါင်းအသင်းတွေ၊ မိသားစုဝင်တွေနဲ့ ဆက်ဆံရေး ပြောင်းလဲသွားတယ်။ တချို့က ဘာမှမပြောပေမဲ့ တချို့ကတော့ ဆန့်ကျင်ကြတယ်။ (၁ ပေ. ၄:၄) မိသားစုဝင်တွေနဲ့ သင့်မြတ်ဖို့၊ ကြင်ကြင်နာနာ ဆက်ဆံဖို့ ကျွန်တော်တို့ ကြိုးစားပေမဲ့ သူတို့စိတ်ကျေနပ်အောင် အမှန်တရားကို အလျှော့ပေးတာမျိုး မလုပ်သင့်ဘူး။ ၁ ကောရိန္သု ၁၅:၃၃ မှာပါတဲ့အတိုင်း ယေဟောဝါကို ချစ်တဲ့သူတွေနဲ့ပဲ ပေါင်းသင်းမှာ ဖြစ်တယ်။
၁၁။ ဘုရား မကြိုက်တဲ့ အတွေးအခေါ်၊ အပြုအမူတွေကို ဘယ်လို ရှောင်နိုင်မလဲ။
၁၁ ဘုရား မကြိုက်တဲ့ အတွေးအခေါ်၊ အပြုအမူ။ အမှန်တရားလမ်းမှာ လျှောက်လှမ်းသူအားလုံး သန့်ရှင်းရမယ်။ (ဟေရှာ. ၃၅:၈။ ၁ ပေတရု ၁:၁၄-၁၆ ကိုဖတ်ပါ။) အမှန်တရားသိလာတဲ့အခါ ဖြောင့်မတ်တဲ့ ကျမ်းစာစံနှုန်းတွေနဲ့ ကိုက်ညီအောင် ပြုပြင်ပြောင်းလဲမှုတွေ လုပ်ခဲ့ကြတယ်။ တချို့ဆို အကြီးအကျယ် ပြောင်းလဲခဲ့ရတယ်။ ဘာပဲဖြစ်ဖြစ် ကိုယ့်ရဲ့ စင်ကြယ်သန့်ရှင်းမှုကို လောကရဲ့ အကျင့်ပျက်မှုနဲ့ မလဲပါနဲ့။ အကျင့်ပျက်စေတဲ့ သွေးဆောင်မှုတွေကို ဘယ်လို ရှောင်နိုင်မလဲ။ ကျွန်တော်တို့ သန့်ရှင်းဖို့ ယေဟောဝါပေးခဲ့တဲ့ အဖိုးအခအကြောင်း စဉ်းစားကြည့်ပါ။ သားတော်ယေရှုခရစ်ရဲ့ တန်ဖိုးကြီးတဲ့ သွေးကို ပေးခဲ့တယ်။ (၁ ပေ. ၁:၁၈၊ ၁၉) ယေဟောဝါရှေ့ သန့်ရှင်းတဲ့ အနေအထား ဆက်ရှိနိုင်ဖို့ ယေရှုရဲ့ ရွေးဖိုးကို အမြဲ တန်ဖိုးထားရမယ်။
၁၂၊ ၁၃။ (က) ပွဲနေ့တွေနဲ့ပတ်သက်တဲ့ ယေဟောဝါရဲ့ အမြင်ကို ဘာကြောင့် စိတ်စွဲမှတ်သင့်သလဲ။ (ခ) ဘာအကြောင်း ဆက်ဆွေးနွေးကြမလဲ။
၁၂ ကျမ်းစာနဲ့မညီတဲ့ ဓလေ့ထုံးစံများ။ မိသားစု၊ အလုပ်ဖော်၊ ကျောင်းနေဖက်တွေက ပွဲနေ့တွေမှာ ကျွန်တော်တို့ကို ပါဝင်စေချင်မှာပဲ။ ယေဟောဝါကို ဂုဏ်မတင်တဲ့ ဓလေ့ထုံးစံတွေ၊ ပွဲနေ့တွေမှာ ပါဝင်ဖို့ ဖိအားပေးလာရင် ဘယ်လို တွန်းလှန်နိုင်မလဲ။ အဲဒါတွေကို ယေဟောဝါ ဘယ်လို ရှုမြင်ကြောင်း စိတ်စွဲမှတ်ထားရမယ်။ ပွဲနေ့တွေရဲ့ ဇာစ်မြစ်အကြောင်း ဖော်ပြထားတဲ့ ကျမ်းစာစာပေတွေကို ပြန်သုံးသပ်နိုင်တယ်။ ပွဲနေ့တွေ မကျင်းပရတဲ့ ကျမ်းစာအကြောင်းရင်းကို အမှတ်ရနေမယ်ဆိုရင် “ဘုရားသခင် လက်ခံတဲ့” လမ်းစဉ်အတိုင်း လျှောက်လှမ်းနိုင်မှာ ဖြစ်တယ်။ (ဧ. ၅:၁၀) ယေဟောဝါနဲ့ ကျမ်းစာကို ယုံကြည်ကိုးစားခြင်းက “လူကိုကြောက်တဲ့စိတ်” မရှိဖို့ ကာကွယ်ပေးပါလိမ့်မယ်။—ပညာ. ၂၉:၂၅။
၁၃ ကျွန်တော်တို့ဟာ အမှန်တရားလမ်းမှာ ထာဝရ လျှောက်လှမ်းကြရမယ်။ အဲဒီလိုလျှောက်လှမ်းနိုင်ဖို့ ဘာက ကူညီပေးမလဲ။ ကူညီပေးနိုင်မယ့် နည်းသုံးနည်းကို ဆွေးနွေးကြည့်ကြစို့။
အမှန်တရားလမ်းမှာ လျှောက်ဖို့ စိတ်ပိုင်းဖြတ်ချက်ကို ခိုင်မာစေပါ
၁၄။ (က) အမှန်တရားကို ဆက်ဝယ်နေတာက မရောင်းဖို့ စိတ်ပိုင်းဖြတ်ချက်ကို ဘယ်လို ခိုင်မာစေသလဲ။ (ခ) ဉာဏ်ပညာ၊ ဆုံးမမှု၊ သိနားလည်မှုဟာ ဘာကြောင့် အရေးကြီးသလဲ။
၁၄ ဦးဆုံး၊ ကျမ်းစာပါ အဖိုးတန်အမှန်တရားတွေကို ပုံမှန် လေ့လာပြီး တွေးတောဆင်ခြင်ဖို့ အချိန်ဖယ်ထားပါ။ ဒါဆိုရင် အမှန်တရားကို လေးမြတ်လာပြီး ပညာအလိမ္မာ ၂၃:၂၃ မှာ ပြောထားတယ်။ အသိပညာရှိရုံနဲ့ မလုံလောက်ဘူး။ သိတာတွေကို ဘဝမှာ ကျင့်သုံးရမယ်။ ဉာဏ်ပညာက သိတဲ့အတိုင်း လုပ်ဆောင်ဖို့ လှုံ့ဆော်ပေးတယ်။ သိနားလည်မှုက ယေဟောဝါရဲ့ မိန့်မှာချက်အားလုံး ရှေ့နောက်ညီညွတ်ကြောင်း ပိုင်းခြားသိမြင်စေတယ်။ ကျမ်းစာဆုံးမစကားက ကိုယ်ပြုပြင်ဖို့လိုတဲ့ ကဏ္ဍတွေကို သိလာစေတယ်။ ငွေထက် ပိုတန်ဖိုးရှိတဲ့ အဲဒီဆုံးမစကားတွေကို ချက်ချင်း လိုက်နာဖို့ လိုတယ်။—ပညာ. ၈:၁၀။
မရောင်းဘူးဆိုတဲ့ စိတ်ပိုင်းဖြတ်ချက် ခိုင်မာလာမယ်။ “ဉာဏ်ပညာ၊ ဆုံးမမှု၊ သိနားလည်မှုကိုလည်း ဝယ်” ဖို့၁၅။ အမှန်တရားခါးပန်းက ဘယ်လို ကာကွယ်ပေးသလဲ။
၁၅ ဒုတိယ၊ အမှန်တရားနဲ့အညီ နေ့တိုင်း အသက်ရှင်ဖို့ စိတ်ပိုင်းဖြတ်ထားပါ။ အမှန်တရားခါးပန်းကို စည်းထားပါ။ (ဧ. ၆:၁၄) ကျမ်းစာခေတ်က စစ်သားတစ်ယောက်ရဲ့ ခါးပတ်ဟာ ခါးနဲ့ ကိုယ်တွင်းအင်္ဂါတွေကို ကာကွယ်ပေးတယ်။ ဒါပေမဲ့ ကာကွယ်မှုရဖို့ ခါးပတ်ကို တင်းတင်း ပတ်ထားရမယ်။ ချောင်နေရင် အကာအကွယ် ကောင်းကောင်းရမှာ မဟုတ်ဘူး။ အမှန်တရားခါးပန်းက ကျွန်တော်တို့ကို ဘယ်လို ကာကွယ်ပေးသလဲ။ တင်းတင်း စည်းထားမယ်ဆိုရင် မှားယွင်းတဲ့ အတွေးအခေါ်တွေ မဝင်အောင်၊ ပညာရှိ ဆုံးဖြတ်ချက်တွေ ချနိုင်အောင် ကူညီပေးပါလိမ့်မယ်။ သွေးဆောင်မှု၊ စမ်းသပ်မှုတွေ ကြုံရတဲ့အခါ ကျမ်းစာအမှန်တရားက မှန်ရာလုပ်မယ်ဆိုတဲ့ စိတ်ပိုင်းဖြတ်ချက်ကို ခိုင်မာစေပါလိမ့်မယ်။ ခါးပတ်မပါဘဲ တိုက်ပွဲဝင်မှာ မဟုတ်တဲ့ စစ်သားလိုပဲ အမှန်တရားခါးပန်းကို တင်းတင်းစည်းထားဖို့၊ ဘယ်တော့မှ မချွတ်ဖို့ စိတ်ပိုင်းဖြတ်ထားရမယ်။ ခါးပတ်မှာ ဓားချိတ်ဖို့ နေရာလည်း ရှိတယ်။ အဲဒါက အမှန်တရားနဲ့အညီ အသက်ရှင်မယ်ဆိုတဲ့ စိတ်ပိုင်းဖြတ်ချက်ကို ခိုင်မာစေမယ့် နောက်တစ်နည်းပါပဲ။
၁၆။ တခြားသူတွေကို အမှန်တရား ဝေမျှခြင်းက အမှန်တရားလမ်းမှာ ဆက်လျှောက်မယ်ဆိုတဲ့ စိတ်ပိုင်းဖြတ်ချက်ကို ဘယ်လို ခိုင်မာစေသလဲ။
၁၆ တတိယ၊ တခြားသူတွေကို ကျမ်းစာအမှန်တရား သွန်သင်ပေးခြင်းမှာ အပြည့်အဝ ပါဝင်ပါ။ ဒါဆိုရင် “ဘုရားသခင့် တရားစကား” ဖြစ်တဲ့ ဓားကို မြဲမြဲဆွဲကိုင်ပါလိမ့်မယ်။ (ဧ. ၆:၁၇) “အမှန်တရားနဲ့ဆိုင်တဲ့ တရားစကားကို ပိုင်ပိုင်နိုင်နိုင် သွန်သင်ရှင်းပြနိုင်” သူတွေအဖြစ် ကျွန်တော်တို့အားလုံး တိုးတက်နိုင်ပါတယ်။ (၂ တိ. ၂:၁၅) အမှန်တရားကို ဝယ်ဖို့၊ အမှားတွေကို ငြင်းပယ်ဖို့ တခြားသူတွေကို ကျမ်းစာသုံးပြီး ကူညီတဲ့အခါ ကျမ်းစာအမှန်တရားကို ကျွန်တော်တို့ ပိုချစ်မြတ်နိုးလာမယ်။ ဒီနည်းအားဖြင့် အမှန်တရားလမ်းမှာ ဆက်လျှောက်မယ်ဆိုတဲ့ စိတ်ပိုင်းဖြတ်ချက် ခိုင်မာလာမယ်။
၁၇။ အမှန်တရားက သင့်အတွက် ဘာကြောင့် တန်ဖိုးရှိသလဲ။
၁၇ အမှန်တရားဟာ ယေဟောဝါဆီက အဖိုးတန်လက်ဆောင်ပါ။ ဒီလက်ဆောင်ကြောင့် ဘုရားနဲ့ ရင်းနှီးတဲ့ ဆက်ဆံရေး ရှိလာတယ်။ အခုချိန်မှာ ယေဟောဝါ သွန်သင်ပေးတာတွေဟာ အစပဲ ရှိသေးတယ်။ ထာဝရသွန်သင်ပေးမယ်လို့ ကတိပေးထားတယ်။ ဒါကြောင့် အမှန်တရားကို တန်ဖိုးထားပါ။ “အမှန်တရားကို ဝယ်ပါ။ ဘယ်တော့မှ မရောင်းနဲ့။” ဒါဆို ဒါဝိဒ်လို “အမှန်တရားလမ်းမှာ လျှောက်ပါ့မယ်” ဆိုပြီး ယေဟောဝါကို ပေးခဲ့တဲ့ ကတိအတိုင်း အသက်ရှင်နိုင်ပါလိမ့်မယ်။—ဆာ. ၈၆:၁၁။
^ အပိုဒ်၊ 8 နာမည်တွေကို ပြောင်းထားပါတယ်။
^ အပိုဒ်၊ 8 JW ရုပ်သံ လူတွေ့မေးမြန်းမှုများ၊ တွေ့ကြုံမှုများ > အမှန်တရားက ဘဝပုံစံကို ပြောင်းလဲပေး မှာ ကြည့်ပါ။