စွမ်းအားတော် လမ်းပြမှုနောက် လိုက်တဲ့သူအဖြစ် ဆက်တိုးတက်နေပါ
“စွမ်းအားတော်ရဲ့ လမ်းပြမှုအတိုင်း အမြဲလျှောက်လှမ်းကြပါ။”—ဂလ. ၅:၁၆။
၁၊ ၂။ ညီအစ်ကိုတစ်ယောက် ဘာနားလည်လာသလဲ။ ဘာလုပ်ခဲ့သလဲ။
ရောဘတ်ဟာ ဆယ်ကျော်သက်အရွယ်မှာ နှစ်ခြင်းခံခဲ့ပေမဲ့ အမှန်တရားကို အလေးအနက် မထားခဲ့ဘူး။ “အမှားတစ်ခုမှ မလုပ်ပေမဲ့ ဘုရားရေးရာမှာတော့ အပေါ်ယံလောက်ပဲ။ ဘုရားရေးရာဘက်မှာကောင်းနေတယ်လို့ ထင်ရတယ်။ အစည်းအဝေးအားလုံး တက်တယ်။ နှစ်တိုင်း အရန်ရှေ့ဆောင်လည်း လုပ်တယ်။ ဒါပေမဲ့ တစ်ခုခု လစ်ဟာနေတယ်” လို့ ရောဘတ် ပြောတယ်။
၂ အိမ်ထောင်ကျပြီးမှပဲ ဘာမှားနေသလဲဆိုတာ ရောဘတ် သိတော့တယ်။ ဇနီးမောင်နှံနှစ်ယောက် ကျမ်းစာပဟေဠိမေးခွန်းတွေ အပြန်အလှန် မေးတတ်ကြတယ်။ ဘုရားရေးရာစိတ်ဓာတ်ရှိတဲ့ ဇနီးက မေးခွန်းတွေကို ရှောရှောရှူရှူ ဖြေနိုင်ပေမဲ့ ရောဘတ်ကတော့ ဘာပြောရမှန်း မသိလို့ အမြဲ စိတ်ကသိကအောက် ဖြစ်ရတယ်။ “ကျွန်တော် ဘာမှ မသိသလိုပဲ။ ‘ဘုရားရေးရာမှာ ဇနီးကို ဦးဆောင်နိုင်ဖို့ တစ်ခုခု လုပ်မှ ဖြစ်မယ်’ လို့ စဉ်းစားမိတယ်” လို့ပြောတယ်။ အဲဒီအတိုင်း ရောဘတ် လုပ်ခဲ့တယ်။ “ကျမ်းစာကို အပတ်တကုတ် လေ့လာလို့ တဖြည်းဖြည်း ရုပ်လုံးပေါ်လာတယ်။ အသိပညာ တိုးလာတယ်။ အရေးကြီးဆုံးကတော့ ယေဟောဝါနဲ့ ရင်းနှီးလာတယ်” လို့ပြောတယ်။
၃။ (က) ရောဘတ်ရဲ့ အတွေ့အကြုံကနေ ဘာသိနိုင်သလဲ။ (ခ) အခု အရေးကြီးတဲ့ ဘယ်အချက်တွေကို ဆွေးနွေးသုံးသပ်ကြမလဲ။
၃ ရောဘတ်ရဲ့ အတွေ့အကြုံကနေ ဘာသင်ယူနိုင်သလဲ။ ကျွန်တော်တို့မှာ ကျမ်းစာအသိပညာ နည်းနည်း ရှိကောင်းရှိမယ်။ အသင်းတော်နဲ့ ပုံမှန် ပေါင်းသင်းနေမယ်။ ဖိ. ၃:၁၆) ဆက်တိုးတက်ရာမှာ အကူအညီဖြစ်စေဖို့ ဒီဆောင်းပါးမှာ အရေးကြီးတဲ့မေးခွန်း သုံးခုကို အဖြေပေးသွားပါမယ်။ (၁) ကိုယ့်ဘုရားရေးရာ အခြေအနေမှန်ကို ဆန်းစစ်ဖို့ ဘာက ကူညီပေးမလဲ။ (၂) ဘုရားတရားစိတ်ဓာတ် ဘယ်လို ပျိုးထောင်ပြီး စွမ်းအားတော် လမ်းပြမှုနောက် လိုက်သူအဖြစ် ဘယ်လို ဆက်တိုးတက်နိုင်သလဲ။ (၃) ဘုရားတရားစိတ်ဓာတ် ခိုင်မာခြင်းက နေ့စဉ် အသက်တာမှာ ဘယ်လို ကူညီပေးနိုင်သလဲ။
ဒါပေမဲ့ ဒီလောက်နဲ့ စွမ်းအားတော် လမ်းပြမှုနောက် လိုက်သူ ဖြစ်မလာဘူး။ တိုးတက်နေပေမဲ့ ကိုယ့်ကိုယ်ကိုယ် ထပ်ဆန်းစစ်တဲ့အခါ တိုးတက်စရာတွေ ရှိသေးတာ သိလာနိုင်တယ်။ (ကိုယ့်ကိုယ်ကိုယ် ဆန်းစစ်ခြင်း
၄။ ဧဖက် ၄:၂၃၊ ၂၄ မှာပါတဲ့ အကြံဉာဏ်က ဘယ်သူတွေနဲ့ သက်ဆိုင်သလဲ။
၄ ဘုရားသခင့် ကျေးကျွန်တွေ ဖြစ်လာတဲ့အခါ ကျွန်တော်တို့ ပြုပြင်ပြောင်းလဲခဲ့ကြတယ်။ အဲဒီပြောင်းလဲမှုက ဘဝကဏ္ဍတိုင်းအပေါ် အကျိုးသက်ရောက်ခဲ့တယ်။ ဒါပေမဲ့ နှစ်ခြင်းခံရုံနဲ့ မပြီးသေးဘူး။ “စိတ်သဘောကို အသစ်ဖြစ်အောင် အမြဲပြုပြင်နေရမယ်။” (ဧ. ၄:၂၃၊ ၂၄) မစုံလင်တဲ့အတွက် အမြဲပြုပြင်ပြောင်းလဲနေရမယ်။ ယေဟောဝါရဲ့ ဝါရင့်ကျေးကျွန်တွေတောင် ဘုရားတရားစိတ်ဓာတ် ထိန်းသိမ်းထားရမယ်။—ဖိ. ၃:၁၂၊ ၁၃။
၅။ ကိုယ့်ကိုယ်ကိုယ် ဆန်းစစ်ဖို့ ဘယ်မေးခွန်းတွေ မေးနိုင်သလဲ။
၅ ဘုရားတရားစိတ်ဓာတ် တိုးပွားနေဖို့၊ ထိန်းသိမ်းထားဖို့ ကိုယ့်ကိုယ်ကိုယ် ရိုးရိုးသားသား ဆန်းစစ်ရမယ်။ အသက်ကြီးသည်ဖြစ်စေ၊ ငယ်သည်ဖြစ်စေ ဒီမေးခွန်းတွေ မေးနိုင်တယ်– ‘စွမ်းအားတော် လမ်းပြမှုနောက် လိုက်သူအဖြစ် တိုးတက်နေကြောင်း ဖော်ပြတဲ့ အပြောင်းအလဲတွေကို ငါသတိထားမိသလား။ ငါ့ကိုယ်ရည်ကိုယ်သွေးဟာ ခရစ်တော်နဲ့ တူလာသလား။ ခရစ်ယာန် အစည်းအဝေးတွေမှာ ငါ့သဘောထားနဲ့ အပြုအမူက ဘုရားတရားစိတ်ဓာတ်အကြောင်း ဘာဖော်ပြသလဲ။ ငါ့အပြောအဆိုတွေက ငါ့အလိုဆန္ဒတွေအကြောင်း ဘာဖော်ပြနေသလဲ။ လေ့လာမှု အလေ့အထ၊ ဝတ်စားဖြီးလိမ်းပုံ၊ အကြံပေးချက်ကို တုံ့ပြန်ပုံက ငါ့အကြောင်း ဘာဖော်ပြသလဲ။ သွေးဆောင်မှုတွေ ကြုံရတဲ့အခါ ဘယ်လို တုံ့ပြန်သလဲ။ ငါဟာ ရင့်ကျက်တဲ့ခရစ်ယာန် ဖြစ်နေပြီလား။’ (ဧ. ၄:၁၃) အဲဒီမေးခွန်းတွေရဲ့ အဖြေကို စဉ်းစားခြင်းက ကိုယ့်တိုးတက်မှုကို သိရှိအောင် ကူညီပေးနိုင်တယ်။
၆။ ကိုယ့်ဘုရားရေးရာ အခြေအနေကို ဆန်းစစ်ဖို့ ဘာလိုအပ်သေးသလဲ။
၆ ကိုယ့်ဘုရားရေးရာ အခြေအနေကို ဆန်းစစ်ဖို့ တခြားသူတွေဆီက အကူအညီ လိုအပ်တဲ့အခါတွေ ရှိနိုင်တယ်။ စိတ်အလိုလိုက်သူဟာ ဘုရားသခင်ရှေ့ ကိုယ့်အခြေအနေ မှားနေတာကို မသိမြင်နိုင်ဘူးလို့ တမန်တော် ပေါလု ထောက်ပြတယ်။ စွမ်းအားတော် လမ်းပြမှုနောက် လိုက်သူကတော့ ဘုရားသခင့် ရှုမြင်ပုံ၊ စိတ်အလိုလိုက်သူရဲ့ မှားယွင်းတဲ့လမ်းစဉ်ကို သိနားလည်တယ်။ (၁ ကော. ၂:၁၄-၁၆။ ၃:၁-၃) ခရစ်တော်ရဲ့ စိတ်သဘောထား ရှိတဲ့ အကြီးအကဲတွေဟာ စိတ်အလိုလိုက်တဲ့ အတွေးအခေါ်ရဲ့ ကနဦး လက္ခဏာတွေကို သိမြင်လေ့ရှိတယ်။ အဲဒီအကြောင်း ကျွန်တော်တို့ကို သတိပေးလာတဲ့အခါ လက်ခံကျင့်သုံးသလား။ လက်ခံကျင့်သုံးခြင်းအားဖြင့် ဘုရားရေးရာဘက် တိုးတက်လိုကြောင်း ဖော်ပြကြတယ်။—ဒေ. ၇:၅၊ ၉။
ဘုရားတရားစိတ်ဓာတ် ပျိုးထောင်ခြင်း
၇။ ဘုရားတရားစိတ်ဓာတ်ရှိသူ ဖြစ်ဖို့ ကျမ်းစာအသိပညာ ရှိရုံနဲ့ ဘာကြောင့် မလုံလောက်သလဲ။
၇ ဘုရားတရားစိတ်ဓာတ်ရှိသူ ဖြစ်ဖို့ ကျမ်းစာ အသိပညာ ရှိရုံနဲ့ မလုံလောက်ကြောင်း သတိရပါ။ ရှေးခေတ် ဘုရင်ရှောလမုန်ဟာ ယေဟောဝါရဲ့ နည်းလမ်းတွေအကြောင်း အများကြီး သိတယ်။ သူ့စကားတွေဟာ နောက်ပိုင်းမှာ ကျမ်းစာရဲ့ အစိတ်အပိုင်း ဖြစ်လာတယ်။ နောက်ဆုံးမှာတော့ ယေဟောဝါအပေါ် သစ္စာမရှိခဲ့ဘူး၊ စွမ်းအားတော် လမ်းပြမှုနောက် ဆက်မလိုက်ခဲ့ဘူး။ (၁ ဘု. ၄:၂၉၊ ၃၀။ ၁၁:၄-၆) ဒါဆိုရင် ကျမ်းစာအသိပညာအပြင် ဘာလိုသေးသလဲ။ ယုံကြည်ခြင်းမှာ ဆက်တိုးတက်နေသူ ဖြစ်ရမယ်။ (ကော. ၂:၆၊ ၇) ဘယ်လိုနည်းနဲ့ တိုးတက်နိုင်မလဲ။
၈၊ ၉။ (က) ယုံကြည်ခြင်း တိုးတက်နေဖို့ ဘာက ကူညီပေးမလဲ။ (ခ) လေ့လာတာ၊ တွေးတောဆင်ခြင်တာက ဘာပန်းတိုင်အတွက်လဲ။ (ဆောင်းပါးအစမှာပါတဲ့ ပုံကို ကြည့်ပါ။)
၈ ပထမရာစု ခရစ်ယာန်တွေကို “ရင့်ကျက်တဲ့အဖြစ်ဟီ. ၆:၁) ပေါလုရဲ့ အကြံပေးချက်ကို လိုက်နာဖို့ ဘာလုပ်နိုင်သလဲ။ အရေးကြီးတဲ့အချက်ကတော့ “ဘုရားသခင့်မေတ္တာ ခံစားရစေမယ့်အရာကို အမြဲလုပ်ဆောင်ပါ” စာအုပ်ကို လေ့လာခြင်းပါပဲ။ အဲဒီစာအုပ်ကို အပြီးလေ့လာမယ်ဆိုရင် အသက်တာမှာ ကျမ်းစာအခြေခံမူတွေ ကျင့်သုံးနိုင်ပုံကို သိမြင်လာပါလိမ့်မယ်။ အဲဒီစာအုပ်ကို လေ့လာပြီးပြီဆိုရင် ယုံကြည်ခြင်း တိုးတက်စေနိုင်တဲ့ တခြားစာပေတွေ ဆက်လေ့လာနိုင်မလား။ (ကော. ၁:၂၃) လေ့လာတဲ့အရာကို ဘယ်လို ကျင့်သုံးနိုင်သလဲဆိုတာ ဆုတောင်းပြီး ဆင်ခြင်သလား။
ကို တက်လှမ်းကြ” ဖို့ ပေါလု တိုက်တွန်းခဲ့တယ်။ (၉ ကျွန်တော်တို့ လေ့လာဆင်ခြင်တဲ့အခါ ယေဟောဝါရဲ့ နှစ်သက်မှု ရရှိချင်တဲ့စိတ်၊ ပညတ်တွေ နာခံချင်တဲ့စိတ် ပျိုးထောင်ဖို့ ဆိုတဲ့ ပန်းတိုင်နဲ့ ဖြစ်သင့်တယ်။ (ဆာ. ၄၀:၈။ ၁၁၉:၉၇) တစ်ချိန်တည်းမှာ တိုးတက်မှုကို ဟန့်တားမယ့်အရာတွေကို ရှောင်ရမယ်။—တိ. ၂:၁၁၊ ၁၂။
၁၀။ ဘုရားတရားစိတ်ဓာတ် ပျိုးထောင်ဖို့ လူငယ်တွေ ဘာလုပ်နိုင်သလဲ။
၁၀ သင်ဟာ လူငယ်တစ်ယောက် ဖြစ်မယ်ဆိုရင် သတ်သတ်မှတ်မှတ် ဘုရားရေးရာ ပန်းတိုင်တွေ ရှိသလား။ ဗေသလ ညီအစ်ကိုတစ်ယောက်က တိုက်နယ်အစည်းအဝေးတွေ တက်တဲ့အခါ အစီအစဉ် မစခင် နှစ်ခြင်းခံမယ့်သူတွေနဲ့ စကားပြောလေ့ရှိတယ်။ သူတို့အများစုက လူငယ်တွေ။ ဘာဘုရားရေးရာ ပန်းတိုင်တွေ ရှိသလဲလို့ သူတို့ကို မေးတဲ့အခါ အချိန်ပြည့်လုပ်ငန်းတစ်မျိုးမျိုးမှာ ပါဝင်ဖို့၊ သတင်းကောင်း ကြေညာသူ ပိုလိုအပ်တဲ့နေရာမှာ အမှုဆောင်ဖို့စတဲ့ သတ်သတ်မှတ်မှတ် ပန်းတိုင်တွေ အများစုမှာ ရှိကြတယ်။ ဒါပေမဲ့ အဖြေမရှိတဲ့ လူငယ်တွေလည်း ရှိတယ်။ အဲဒါက သတ်သတ်မှတ်မှတ် ပန်းတိုင်တွေချဖို့ မဆုံးဖြတ်ထားတာကို ဖော်ပြနေသလား။ လူငယ်တစ်ယောက်အနေနဲ့ ကိုယ့်ကိုယ်ကိုယ် ဒီလိုမေးပါ– ‘မိဘတွေကြောင့်ပဲ ခရစ်ယာန်လုပ်ငန်းဆောင်တာတွေမှာ ပါဝင်နေသလား။ ဘုရားသခင်နဲ့ ရင်းနှီးတဲ့ဆက်ဆံရေးရှိအောင် လုပ်ဆောင်နေသလား။’ ဘုရားရေးရာပန်းတိုင်တွေ ချမှတ်ဖို့ အကြံပြုချက်က လူငယ်တွေနဲ့ပဲ သက်ဆိုင်တာ မဟုတ်ပါဘူး။ ပန်းတိုင်တွေ ချမှတ်ခြင်းအားဖြင့် ယေဟောဝါရဲ့ ကျေးကျွန်အားလုံး ဘုရားတရားစိတ်ဓာတ် ခိုင်မာလာပါလိမ့်မယ်။—ဒေ. ၁၂:၁၊ ၁၃။
၁၁။ (က) ဘုရားရေးရာဘက်မှာ အမှန်တကယ် တိုးတက်နေဖို့ ဘာလုပ်ရမလဲ။ (ခ) ဘယ်ကျမ်းစာပုံနမူနာကို တုပနိုင်သလဲ။
၁၁ တိုးတက်ရမယ့်ကဏ္ဍတွေကို သိပြီဆိုရင် တိုးတက်ဖို့ တစ်ဆင့်ပြီး တစ်ဆင့် လုပ်ဆောင်ပါ။ စွမ်းအားတော် လမ်းပြမှုနောက် လိုက်သူဖြစ်ဖို့ အလွန်အရေးကြီးတယ်။ သေရေးရှင်ရေးကိစ္စ ဖြစ်တယ်။ (ရော. ၈:၆-၈) ဒါပေမဲ့ ဘုရားရေးရာမှာ ရင့်ကျက်သူဖြစ်ဖို့ စုံလင်ရမယ်လို့ မဆိုလိုဘူး။ လိုအပ်သလို တိုးတက်နိုင်ဖို့ ယေဟောဝါရဲ့ စွမ်းအားတော် ကူညီပေးနိုင်ပါတယ်။ ကြိုးစားအားထုတ်ဖို့တော့ လိုတယ်။ အုပ်ချုပ်ရေးအဖွဲ့ဝင် ဂျွန်ဘားက လွန်ခဲ့တဲ့နှစ် အနည်းငယ်တုန်းက လုကာ ၁၃:၂၄ ကို မှတ်ချက် ပေးပြီး “တိုးတက်ဖို့ အားသွန်ခွန်စိုက် မကြိုးစားတဲ့အတွက် လူများစွာဟာ မဝင်နိုင်ကြဘူး” လို့ ပြောခဲ့တယ်။ ကောင်းချီးရတဲ့အထိ ကောင်းကင်တမန်နဲ့ နပန်းလုံးခဲ့တဲ့ ယာကုပ်လို ဖြစ်ဖို့ လိုတယ်။ (က. ၃၂:၂၆-၂၈) ကျမ်းစာလေ့လာရတာ ပျော်စရာကောင်းပေမဲ့ အပျော်တမ်း ဝတ္ထုဖတ်သလို မဖတ်သင့်ဘူး။ ကျွန်တော်တို့ကို ကူညီပေးမယ့် ဘုရားရေးရာ ရတနာတွေ ရှာဖို့ ကြိုးစားရမယ်။
၁၂၊ ၁၃။ (က) ရောမ ၁၅:၅ ကို ကျင့်သုံးဖို့ ဘာက ကူညီပေးမလဲ။ (ခ) ပေတရုရဲ့ စံနမူနာနဲ့ အကြံပြုချက်က ကျွန်တော်တို့ကို ဘယ်လို ကူညီပေးနိုင်သလဲ။ (ဂ) ဘုရားတရားစိတ်ဓာတ် ပျိုးထောင်ဖို့ ဘာလုပ်နိုင်သလဲ။ (“ ဘုရားရေးရာဘက် တိုးတက်အောင် လုပ်ဆောင်နိုင်ပုံ” လေးထောင့်ကွက်ကို ကြည့်ပါ။)
၁၂ ဘုရားတရားစိတ်ဓာတ် ပျိုးထောင်ဖို့ ကြိုးစားတဲ့အခါ ကျွန်တော်တို့ရဲ့ စိတ်ကို ပြောင်းလဲနိုင်ဖို့ သန့်ရှင်းသော စွမ်းအားတော် ကူညီပေးပါလိမ့်မယ်။ စွမ်းအားတော် အကူအညီအားဖြင့် ခရစ်တော်လို ပိုစဉ်းစားလာနိုင်မယ်။ (ရော. ၁၅:၅) သွေးသားဆန္ဒတွေကို ဆွဲနုတ်ဖို့၊ ဘုရားသခင် နှစ်သက်တဲ့ အရည်အသွေးတွေ မွေးမြူနိုင်ဖို့လည်း ကူညီပေးပါလိမ့်မယ်။ (ဂလ. ၅:၁၆၊ ၂၂၊ ၂၃) ကျွန်တော်တို့ရဲ့ စိတ်က ပစ္စည်းဥစ္စာဘက်၊ သွေးသားဆန္ဒဘက် တိမ်းယိမ်းလာတဲ့အခါ အလျှော့မပေးသင့်ဘူး။ စွမ်းအားတော် ရဖို့ အမြဲဆုတောင်းပါ။ တော်မှန်ရာတွေကို ပြန်အာရုံစိုက်နိုင်အောင် ယေဟောဝါ ကူညီပေးပါလိမ့်မယ်။ (လု. ၁၁:၁၃) တမန်တော် ပေတရုကို သတိရပါ။ စွမ်းအားတော် လမ်းပြမှုနောက် လိုက်တဲ့သူလို မပြုမူခဲ့တာ အကြိမ်ကြိမ်ပဲ။ (မ. ၁၆:၂၂၊ ၂၃။ လု. ၂၂:၃၄၊ ၅၄-၆၂။ ဂလ. ၂:၁၁-၁၄) ဒါပေမဲ့ လက်မလျှော့ခဲ့ဘူး။ ယေဟောဝါရဲ့ အကူအညီကြောင့် ခရစ်တော်လို စဉ်းစားတတ်လာတယ်။ ကျွန်တော်တို့လည်း အလားတူ ဖြစ်နိုင်ပါတယ်။
၁၃ ကျွန်တော်တို့ လုပ်ဆောင်နိုင်တဲ့ သတ်သတ်မှတ်မှတ်အရာတွေကိုလည်း နောက်ပိုင်းမှာ ပေတရု ထောက်ပြခဲ့တယ်။ (၂ ပေတရု ၁:၅-၈ ကိုဖတ်ပါ။) ချုပ်တည်းခြင်း၊ ခံနိုင်ရည်၊ ညီရင်းအစ်ကို ချစ်ခြင်းစတဲ့ အရည်အသွေးတွေ မွေးမြူဖို့ “အစွမ်းကုန် ကြိုးစားအားထုတ်” မယ်ဆိုရင် စွမ်းအားတော် လမ်းပြမှုနောက် လိုက်သူအဖြစ် ဆက်တိုးတက်နေအောင် ထောက်ကူပေးပါလိမ့်မယ်။ ဒါကြောင့် ‘ဘုရားရေးရာဘက် တိုးတက်အောင် ဒီနေ့ ငါဘာလုပ်နိုင်သလဲ’ လို့ နေ့တိုင်း ကိုယ့်ကိုယ်ကိုယ် မေးပါ။
ကျမ်းစာအခြေခံမူတွေကို နေ့စဉ်အသက်တာမှာ ကျင့်သုံးပါ
၁၄။ စွမ်းအားတော် လမ်းပြမှုနောက် လိုက်ခြင်းက အသက်တာအပေါ် ဘယ်လို အကျိုးသက်ရောက်မလဲ။
၁၄ ခရစ်တော်လို စဉ်းစားတာက အလုပ်မှာ၊ ကျောင်းမှာ၊ စကားပြောဆိုတဲ့အခါ၊ နေ့စဉ် ဆုံးဖြတ်ချက် ချတဲ့အခါ အကျိုးသက်ရောက်ပါလိမ့်မယ်။ အဲဒီဆုံးဖြတ်ချက်တွေက ခရစ်တော်ရဲ့ နောက်လိုက်ဖြစ်ဖို့ ကြိုးစားနေကြောင်း ဖော်ပြပါလိမ့်မယ်။ စွမ်းအားတော် လမ်းပြမှုနောက် လိုက်သူအနေနဲ့ ကောင်းကင်ဘုံစံ ဖခင်နဲ့ ဆက်ဆံရေး မပြတ်ချင်ဘူး။ သွေးဆောင်မှုတွေ ကြုံရတဲ့အခါ တွန်းလှန်ဖို့ ကျွန်တော်တို့မှာရှိတဲ့ ခရစ်တော်ရဲ့ စိတ်သဘောထားက လှုံ့ဆော်ပေးပါလိမ့်မယ်။ ဆုံးဖြတ်ချက်တွေ ချတဲ့အခါ ဒီမေးခွန်းတွေကို ထည့်စဉ်းစားပါ– ‘ဆုံးဖြတ်ဖို့ ဘယ်ကျမ်းစာအခြေခံမူတွေက ကူညီပေးမလဲ။ ဒီအခြေအနေမှာ ခရစ်တော်သာဆိုရင် ဘာလုပ်မလဲ။ ဘယ်ဆုံးဖြတ်ချက်ကို ယေဟောဝါ နှစ်သက်မလဲ။’ အဲဒီလို စဉ်းစားတတ်အောင် လေ့ကျင့်ဖို့ အခြေအနေတချို့ကို သုံးသပ်ကြည့်ကြစို့။ ကိစ္စတစ်ခုစီမှာ မှန်ကန်တဲ့ ဆုံးဖြတ်ချက် ချနိုင်အောင် ကူညီပေးမယ့် ကျမ်းစာအခြေခံမူတစ်ခုကို ရှာဖွေကြပါမယ်။
၁၅၊ ၁၆။ ခရစ်တော်လို စဉ်းစားခြင်းက (က) အိမ်ထောင်ဖက် ရွေးချယ်ခြင်း၊ (ခ) အပေါင်းအသင်း ရွေးချယ်ခြင်းနဲ့ပတ်သက်ပြီး ပညာရှိရှိ ဆုံးဖြတ်နိုင်ဖို့ ဘယ်လို ကူညီပေးနိုင်သလဲ။
၁၅ အိမ်ထောင်ဖက် ရွေးချယ်ခြင်း။ ကျမ်းစာမူကို ၂ ကောရိန္သု ၆:၁၄၊ ၁၅ (ဖတ်ပါ) မှာ တွေ့ရတယ်။ စွမ်းအားတော် လမ်းပြမှုနောက် လိုက်သူဟာ စိတ်အလိုလိုက်သူနဲ့ အပြည့်အဝ တွဲဖက်မညီနိုင်ဘူးလို့ ပေါလုရဲ့ စကားတွေက အတိအလင်း ဖော်ပြတယ်။ အိမ်ထောင်ဖက် ရွေးချယ်တဲ့အခါ ဒီအချက်ကို ဘယ်လို ကျင့်သုံးနိုင်သလဲ။
၁၆ အပေါင်းအသင်း။ ကောရိန္သု ပထမစောင် ၁၅:၃၃ (ဖတ်ပါ) မှာပါတဲ့ ကျမ်းစာအခြေခံမူကို သတိပြုကြည့်ပါ။ ဘုရားတရားစိတ်ဓာတ်ရှိသူဟာ ဘုရားသခင်နဲ့ ဆက်ဆံရေးကို ထိပါးစေနိုင်သူတွေနဲ့ မပေါင်းသင်းဘူး။ လက်တွေ့ကျင့်သုံးနိုင်ဖို့ ဘယ်မေးခွန်းတွေက ကူညီပေးနိုင်သလဲ။ ဥပမာ၊ ဒီအချက်က လူမှုကွန်ရက်နဲ့ ဘယ်လို သက်ဆိုင်သလဲ။ သူစိမ်းတွေနဲ့ အွန်လိုင်းဂိမ်း ဆော့ဖို့ ဖိတ်ခေါ်ခံရတဲ့အခါ ဘာလုပ်မလဲ။
ငါ့ဆုံးဖြတ်ချက်တွေက ဘုရားရေးရာဘက် တိုးတက်ဖို့ ကူညီပေးသလား (အပိုဒ် ၁၇ ကိုကြည့်ပါ)
၁၇-၁၉။ ဘုရားရေးရာအမြင် ရှိခြင်းက (က) အကျိုးမဲ့တဲ့ လုပ်ဆောင်မှုတွေကို ရှောင်ဖို့၊ (ခ) ဘဝမှာ ပန်းတိုင်တွေ ချမှတ်ဖို့၊ (ဂ) အငြင်းပွားမှုတွေ ဖြေရှင်းဖို့ ဘယ်လို ကူညီပေးမလဲ။
၁၇ ဘုရားရေးရာ တိုးတက်မှုကို ဟန့်တားတဲ့ လုပ်ဆောင်မှုများ။ ခရစ်ယာန်ချင်းတွေဆီ ရေးတဲ့ ပေါလုရဲ့ စကားတွေမှာ သတိပေးချက် ပါဝင်တယ်။ (ဟီဘရူး ၆:၁ ကိုဖတ်ပါ။) ကျွန်တော်တို့ ရှောင်သင့်တဲ့ “သေခြင်း နဲ့ဆိုင်တဲ့ အကျင့်တွေ” က ဘာတွေလဲ။ ဘုရားရေးရာဘက် အကျိုးမရှိတဲ့၊ အချည်းနှီးသော လုပ်ဆောင်မှု မှန်သမျှ ဖြစ်တယ်။ ဒီအခြေခံမူက ဘဝမှာ ပေါ်လာနိုင်တဲ့ ဒီမေးခွန်းတွေကို ဖြေဆိုပေးနိုင်တယ်– ‘ဒီလုပ်ဆောင်မှုက သွေးသားနဲ့ဆိုင်တဲ့ အကျင့်တွေမှာ ပါဝင်သလား။ ငွေရမယ့် ဒီလုပ်ငန်းမှာ ပါဝင်သင့်သလား။ လောကရဲ့ ပြုပြင်ပြောင်းလဲရေး လှုပ်ရှားမှုတွေမှာ ဘာကြောင့် မပါဝင်သင့်သလဲ။’
ငါ့ဆုံးဖြတ်ချက်တွေက ဘုရားရေးရာ ပန်းတိုင်တွေ ချဖို့ ကူညီပေးသလား (အပိုဒ် ၁၈ ကိုကြည့်ပါ)
၁၈ ဘုရားရေးရာပန်းတိုင်များ။ တောင်ပေါ်တရားတော်မှာ ယေရှု ပြောခဲ့တဲ့စကားတွေက ပန်းတိုင်ချမှတ်ခြင်းနဲ့ပတ်သက်ပြီး ရှင်းရှင်းလင်းလင်း လမ်းညွှန်ပေးတယ်။ (မ. ၆:၃၃) စွမ်းအားတော် လမ်းပြမှုနောက် လိုက်သူဟာ ဘုရားရေးရာပန်းတိုင်တွေ ချမှတ်တယ်။ အဲဒီအခြေခံမူကို စိတ်စွဲမှတ်ထားခြင်းက ဒီမေးခွန်းတွေ ဖြေဖို့ ကူညီပေးတယ်– ‘အဆင့်မြင့်ပညာရေးကို ငါလိုက်စားသင့်သလား။ ဒီအလုပ်ကို ငါလက်ခံသင့်သလား။’
ငါ့ဆုံးဖြတ်ချက်တွေက “သင့်မြတ်” စေဖို့ ကူညီပေးသလား (အပိုဒ် ၁၉ ကိုကြည့်ပါ)
၁၉ အငြင်းပွားမှုများ။ ရောမမြို့မှာရှိတဲ့ အသင်းတော်ကို ပေါလုပေးတဲ့ အကြံပြုချက်က အငြင်းပွားမှုတွေကို ဖြေရှင်းရာမှာ ဘယ်လို ကူညီပေးသလဲ။ (ရော. ၁၂:၁၈) ခရစ်တော်ရဲ့ နောက်လိုက်တွေအနေနဲ့ “လူအားလုံးနဲ့ သင့်မြတ်အောင်” ကျွန်တော်တို့ ကြိုးစားကြတယ်။ အငြင်းပွားစရာတွေ ပေါ်လာတဲ့အခါ ဘယ်လို တုံ့ပြန်သလဲ။ အလျှော့ပေးဖို့ ခက်သလား။ “သင့်မြတ်စေသူ” အဖြစ် လူသိများသလား။—ယာ. ၃:၁၈။
၂၀။ စွမ်းအားတော် လမ်းပြမှုနောက် လိုက်သူအဖြစ် ဘာကြောင့် တိုးတက်ချင်သလဲ။
၂၀ စွမ်းအားတော် လမ်းပြမှုနောက် လိုက်ကြောင်း ဖော်ပြတဲ့ ဆုံးဖြတ်ချက်တွေ ချဖို့ ကျမ်းစာအခြေခံမူတွေက ကူညီပေးနိုင်တယ်ဆိုတဲ့ နမူနာတချို့သာ ဖြစ်တယ်။ စွမ်းအားတော် လမ်းပြမှုနောက် လိုက်ခြင်းက နေ့စဉ် ဘဝကို ပိုပျော်ရွှင်ကျေနပ်စေတယ်။ ဆောင်းပါးအစမှာ ဖော်ပြခဲ့တဲ့ ရောဘတ် ဒီလိုပြောတယ်– “ယေဟောဝါနဲ့ ဆက်ဆံရေး ကောင်းလာတဲ့အခါ ပိုကောင်းတဲ့ ခင်ပွန်း၊ ဖခင် ဖြစ်လာတယ်။ ကျေနပ်ပျော်ရွှင်လာတယ်။” ကျွန်တော်တို့လည်း ဘုရားရေးရာဘက် တိုးတက်ဖို့ ဦးစားထားမယ်ဆိုရင် အလားတူ ကောင်းချီးတွေ ရရှိနိုင်ပါတယ်။ စွမ်းအားတော် လမ်းပြမှုနောက် လိုက်သူတွေအဖြစ် အခုအချိန်မှာ ပိုကျေနပ်စရာကောင်းတဲ့ဘဝ၊ အနာဂတ်မှာ “စစ်မှန်တဲ့အသက်” ရရှိပါလိမ့်မယ်။—၁ တိ. ၆:၁၉။