လေ့လာရန် ဆောင်းပါး ၁၀
ကျမ်းစာသင်သား နှစ်ခြင်းခံတဲ့အထိ တိုးတက်လာအောင် အသင်းတော်မှာ ရှိသူတိုင်း ကူညီပေးနိုင်ပုံ
‘ကိုယ်အင်္ဂါအသီးသီးက ဆိုင်ရာတာဝန်ကို လုပ်ဆောင်တဲ့အခါ ခန္ဓာကိုယ်တစ်ခုလုံး ကြီးထွားလာတယ်။’—ဧ. ၄:၁၆။
သီချင်း ၈၅ အချင်းချင်းကို ကြိုဆိုလက်ခံကြ
အကြိုသုံးသပ်ချက် *
၁-၂။ ကျမ်းစာသင်သား နှစ်ခြင်းခံတဲ့အထိ တိုးတက်လာဖို့ ဘယ်သူတွေ ကူညီပေးနိုင်သလဲ။
“ကျမ်းစာသင်အံမှုကနေ သိလာတာတွေကို ကျွန်မ တကယ် နှစ်သက်တယ်။ အမှန်တရားပဲ ဆိုတာလည်း သိတယ်။ ဒါပေမဲ့ ညီအစ်ကို/မတွေနဲ့ ပေါင်းသင်းပြီးနောက်မှ လိုအပ်တဲ့ ပြုပြင်ပြောင်းလဲမှုတွေ လုပ်နိုင်ပြီး နှစ်ခြင်းခံတဲ့အထိ ကျွန်မ တိုးတက်လာတာ” လို့ ဖီဂျီမှာ နေတဲ့ အေမီ ပြောတယ်။ ကျမ်းစာသင်သားအနေနဲ့ အသင်းတော်မှာ ရှိတဲ့ ညီအစ်ကို/မတွေဆီက အကူအညီ ရတဲ့အခါ နှစ်ခြင်းခံတဲ့အထိ တိုးတက်ဖို့ ပိုလွယ်တယ်ဆိုတဲ့ အရေးကြီး အချက်ကို အေမီရဲ့ တွေ့ကြုံမှုက ပေါ်လွင်စေတယ်။
၂ လူသစ်တွေကို ကူညီပေးရာမှာ ကြေညာသူတိုင်း ပါဝင်နိုင်တယ်။ (ဧ. ၄:၁၆) “‘ပြိုင်တူတွန်းလျှင် ရွေ့နိုင်ပါသည်’ ဆိုတဲ့ စကားအတိုင်းပဲ တပည့်ဖြစ်စေခြင်း လုပ်ငန်းမှာလည်း အသင်းတော်တစ်ခုလုံးရဲ့ ပူးပေါင်းလုပ်ဆောင်မှု လိုအပ်တယ်” လို့ ဗန်ဝါတူးမှာ နေတဲ့ ရှေ့ဆောင် ညီအစ်မ လာလာနီ ပြောတယ်။ ကလေးတစ်ယောက်ကို အားပေးခြင်း၊ သွန်သင်ဆုံးမခြင်းအားဖြင့် မိသားစု၊ မိတ်ဆွေ၊ ဆရာ/ဆရာမတွေအားလုံး ဝိုင်းပျိုးထောင်ပေးကြတယ်။ အဲဒီလိုပဲ ကြေညာသူတွေဟာ ကျမ်းစာသင်သားတွေကို အကြံပေး၊ အားပေးခြင်း၊ ပုံသက်သေ ပြခြင်းအားဖြင့် နှစ်ခြင်းခံတဲ့အထိ တိုးတက်လာဖို့ ကူညီပေးနိုင်တယ်။—ပညာ. ၁၅:၂၂။
၃။ အန်နာ၊ ဒိုရင်း၊ လာလာနီတို့ရဲ့ စကားကနေ ဘာသိရသလဲ။
၃ ကျမ်းစာသင်အံမှု ကျင်းပတဲ့ ကြေညာသူဟာ တခြားကြေညာသူတွေရဲ့ အကူအညီကို ဘာကြောင့် လက်ခံသင့်သလဲ။ “သင်သား စတိုးတက်လာတဲ့အခါ သူ့လိုအပ်ရာအားလုံးကို တစ်ယောက်တည်း အားနဲ့ မကူညီပေးနိုင်တော့ဘူး” လို့ မော်လ်ဒိုဗာမှာ နေတဲ့ အထူးရှေ့ဆောင် ညီအစ်မ အန်နာ ပြောတယ်။ မော်လ်ဒိုဗာက နောက်အထူးရှေ့ဆောင် ညီအစ်ကို ဒိုရင်းကလည်း “တစ်ခါတလေ တခြားကြေညာသူယော. ၁၃:၃၅။
တွေ ပြောလိုက်တာ တစ်ခုခုက သင်သားရဲ့ စိတ်ကို ထိမိသွားစေတယ်။ အဲဒီလို ပြောဖို့ ကျွန်တော်ဆို တစ်ခါမှ မတွေးဖူးဘူး” လို့ ပြောတယ်။ တခြားကြေညာသူတွေရဲ့ အကူအညီကို လက်ခံသင့်တဲ့ နောက်အကြောင်းရင်း တစ်ခုကို လာလာနီ ဒီလို ပြောတယ်– “ညီအစ်ကို/မတွေရဲ့ မေတ္တာ၊ ဂရုစိုက်မှုကို ခံစားရတဲ့အခါ ဘုရားလူမျိုး ဘယ်သူတွေလဲဆိုတာ သင်သား ခွဲခြားသိမြင်ဖို့ ပိုလွယ်ကူလာနိုင်တယ်။”—၄။ ဒီဆောင်းပါးမှာ ဘာအကြောင်း ဆွေးနွေးမလဲ။
၄ ‘ငါက ကျမ်းစာသင်ပေးတဲ့သူမှ မဟုတ်တာ။ သင်သား တိုးတက်ဖို့ ဘာလုပ်ပေးနိုင်မှာမို့လို့လဲ’ လို့ သင် တွေးမိနိုင်တယ်။ ကျမ်းစာသင်အံမှု လိုက်ဖို့ ဖိတ်ခေါ်ခံရတဲ့အခါ၊ သင်သား အစည်းအဝေးတွေ စတက်လာတဲ့အခါ ဘာလုပ်နိုင်ကြောင်း ဆွေးနွေးကြစို့။ သင်သား နှစ်ခြင်းခံတဲ့အထိ တိုးတက်လာဖို့ အကြီးအကဲတွေ ဘယ်လို ကူညီပေးနိုင်ကြောင်းလည်း ဆွေးနွေးပါမယ်။
ကျမ်းစာသင်အံမှု လိုက်ဖို့ ဖိတ်ခေါ်ခံရတဲ့အခါ
ကျမ်းစာသင်အံမှု လိုက်ဖို့ ဖိတ်ခေါ်ခံရတဲ့အခါ ဆွေးနွေးမယ့် အကြောင်းအရာကို ကြိုတင်ပြင်ဆင်ပါ (စာပိုဒ် ၅-၇ ကိုကြည့်ပါ)
၅။ ကျမ်းစာသင်အံမှု လိုက်ဖို့ ဖိတ်ခေါ်ခံရတဲ့အခါ သင့်တာဝန်က ဘာလဲ။
၅ ကျမ်းစာသင်အံမှုမှာ သင်သား ကျမ်းစာ နားလည်အောင် ကူညီပေးဖို့ အဓိက တာဝန် ရှိသူဟာ သင်ပေးသူ ဖြစ်တယ်။ တကယ်လို့ သင်အံမှု လိုက်ဖို့ သင် ဖိတ်ခေါ်ခံရတယ်ဆိုရင် ကိုယ့်ကိုယ်ကိုယ် တွဲဖက်အဖြစ် ရှုမြင်ပါ။ သင့်တာဝန်ဟာ ကျမ်းစာသင်ပေးသူကို ထောက်မဖို့ ဖြစ်တယ်။ (ဒေ. ၄:၉၊ ၁၀) ဒါဆိုရင် တွဲဖက်ကောင်း ဖြစ်ဖို့ သင် ဘာလုပ်နိုင်သလဲ။
၆။ သင်အံမှု လိုက်ဖို့ ဖိတ်ခေါ်ခံရတဲ့အခါ ပညာအလိမ္မာ ၂၀:၁၈ မှာပါတဲ့ ကျမ်းစာမူကို ဘယ်လို လက်တွေ့ကျင့်သုံးနိုင်မလဲ။
၆ ကျမ်းစာသင်အံမှုအတွက် ကြိုတင်ပြင်ဆင်ပါ။ ဦးဆုံး၊ သင်သားအကြောင်း နည်းနည်းပါးပါး မေးမြန်းထားပါ။ (ပညာအလိမ္မာ ၂၀:၁၈ ကိုဖတ်ပါ။) “သင်သားရဲ့ နောက်ခံက ဘာလဲ။ ဘာအကြောင်း ဆွေးနွေးကြမလဲ။ ဒီတစ်ခေါက် သင်အံမှုမှာ ဘယ်အချက်ကို ပေါ်လွင်စေချင်သလဲ။ ပြောသင့်၊ မပြောသင့်၊ လုပ်သင့်၊ မလုပ်သင့်တာတွေများ ရှိသလား။ သင်သား တိုးတက်ဖို့ ဘယ်လို အားပေးရမလဲ” စတာတွေ မေးထားပါ။ ကျမ်းစာသင်ပေးသူက သင်သားရဲ့ အတွင်းရေးတွေကို ပြောပြမှာ မဟုတ်ပေမဲ့ သူ ပြောပြသလောက်နဲ့တင် အကူအညီ ဖြစ်နိုင်ပါတယ်။ ဂျွိုင်းလို့ ခေါ်တဲ့ သာသနာပြု ညီအစ်မက သင်အံမှု လိုက်မယ့်သူနဲ့ အဲဒီလို ကြိုဆွေးနွေးလေ့ရှိတယ်။ “ဒါက တွဲဖက်အနေနဲ့ သင်သားကို စိတ်ဝင်တစား ရှိဖို့၊ ဘာပြောရမလဲ သိဖို့ ကူညီပေးတယ်” လို့ ညီအစ်မ ဂျွိုင်း ပြောတယ်။
၇။ သင်အံမှု လိုက်တဲ့အခါ ဘာကြောင့် ကြိုတင်ပြင်ဆင်သင့်သလဲ။
၇ သင်အံမှု လိုက်ဖို့ ဖိတ်ခေါ်ခံရတဲ့အခါ ဆွေးနွေးမယ့် အကြောင်းအရာကို ကြိုတင်ပြင်ဆင်ပါ။ (ဧဇ. ၇:၁၀) “ကိုယ့်တွဲဖက်က သင်အံမှုအတွက် ကြိုတင်ပြင်ဆင်လာပြီး အကူအညီ ဖြစ်စေတဲ့ အချက်တွေ ဝင်ပြောတဲ့အခါ ကျွန်တော် သိပ်ကျေးဇူးတင်တယ်” လို့ အစောပိုင်းမှာ ဖော်ပြခဲ့တဲ့ ဒိုရင်း ပြောတယ်။ ဒါ့အပြင် နှစ်ယောက်စလုံး ကောင်းကောင်း ပြင်ဆင်လာတာဟာ သင်သားအတွက် ပုံသက်သေကောင်းလည်း ဖြစ်တယ်။ အကြောင်းအရာကို အသေးစိတ် မပြင်ဆင် နိုင်ရင်တောင် အဓိက အချက်တွေလောက်တော့ သိအောင် လုပ်ထားသင့်တယ်။
၈။ သင်အံမှုမှာ ဆုတောင်းပေးတဲ့အခါ ထိရောက်မှု ရှိဖို့ ဘာလုပ်နိုင်သလဲ။
၈ ဆုတောင်းခြင်းဟာ ကျမ်းစာသင်အံမှုရဲ့ အရေးကြီး အပိုင်းတစ်ပိုင်း ဖြစ်တယ်။ ဒါကြောင့် ဆုတောင်းပေးဖို့ တောင်းဆိုခံရရင် ဘာတွေ ထည့်တောင်းမယ်ဆိုတာ ကြိုစဉ်းစားထားပါ။ ဒါဆိုရင် ထိထိရောက်ရောက် ဆုတောင်းပေးနိုင်ပါလိမ့်မယ်။ (ဆာ. ၁၄၁:၂) ဂျပန်နိုင်ငံမှာ နေတဲ့ ဟာနာ့အဲက သူ့ကို ကျမ်းစာသင်ပေးသူနဲ့ လိုက်လာတဲ့ ညီအစ်မတစ်ယောက်ရဲ့ ဆုတောင်းချက်ကို အခုထိ မှတ်မိနေတယ်။ “အဲဒီညီအစ်မ ယေဟောဝါနဲ့ ဆက်ဆံရေးကောင်း ရှိမှန်း သတိထားမိပြီး ကျွန်မလည်း သူ့လို ဖြစ်ချင်လာတယ်။ ဆုတောင်းချက်မှာ ကျွန်မနာမည် ထည့်တောင်းပေးလို့ ကျွန်မကို ချစ်တယ်လို့ ခံစားရတယ်” ဆိုပြီး ဟာနာ့အဲ ပြောတယ်။
၉။ ယာကုပ် ၁:၁၉ အရ ကျမ်းစာသင်အံမှုမှာ တွဲဖက်ကောင်း ဖြစ်ဖို့ ဘာလုပ်နိုင်သလဲ။
၉ သင်အံမှုမှာ ကျမ်းစာသင်ပေးသူကို ထောက်မပါ။ “တွဲဖက်ကောင်းဟာ သင်အံမှုတစ်လျှောက် ကောင်းကောင်း နားထောင်တယ်။ မှတ်ချက်ကောင်းတွေ ဝင်ပြောပေမဲ့ စကားအများကြီး မပြောဘူး။ သင်အံမှုကို အဓိက ဦးဆောင်ကျင်းပနေသူဟာ ကျမ်းစာသင်ပေးသူ ဖြစ်မှန်း အသိအမှတ်ပြုတယ်” လို့ နိုင်ဂျီးရီးယားနိုင်ငံက အထူးရှေ့ဆောင် ညီအစ်မ အိုမာမူယိုဗီ ပြောတယ်။ ဒါဆိုရင် ဘယ်အချိန်၊ ဘာပြောရမယ်ဆိုတာ ဘယ်လို သိနိုင်မလဲ။ (ပညာ. ၂၅:၁၁) ကျမ်းစာသင်ပေးသူနဲ့ သင်သား ဆွေးနွေးနေချိန်မှာ အာရုံစိုက် နားထောင်ပါ။ (ယာကုပ် ၁:၁၉ ကိုဖတ်ပါ။) ဒါမှ သင့်တော်တဲ့အခါ ဝင်ပြောဖို့ အဆင်သင့် ဖြစ်နေမှာ။ မပြောခင် စဉ်းစားဖို့တော့ လိုတယ်။ ဥပမာ၊ ကိုယ် အများကြီး ဝင်ပြောမိလိုက်လို့ ကျမ်းစာသင်ပေးသူ ရှင်းပြနေတဲ့ အကြောင်းအရာ အဆက်ပြတ်သွားတာမျိုး၊ နောက်အကြောင်းအရာတစ်ခုကို စပြောမိတာမျိုး မဖြစ်အောင် သတိထားရမယ်။ ဒါပေမဲ့ တိုတုတ်တဲ့ မှတ်ချက်၊ ဥပမာ၊ မေးခွန်းတွေအားဖြင့် သင်နေတဲ့ အချက်ကို ပိုနားလည်အောင် ကူညီပေးနိုင်တယ်။ တစ်ခါတလေ ဘာမှ ထပ်ဖြည့်စွက်ဖို့ မလိုတဲ့အချိန်တွေ ရှိနိုင်တယ်။ ဒါဆိုရင် သင်သားကို ချီးမွမ်းစကား ပြောနိုင်တယ်။ စိတ်ဝင်စားမှု ပြနိုင်တယ်။ ဒါက သင်သား တိုးတက်လာဖို့ အကူအညီ ဖြစ်စေပါလိမ့်မယ်။
၁၀။ သင့်တွေ့ကြုံမှုက သင်သားကို ဘယ်လို ကူညီပေးနိုင်သလဲ။
၁၀ ကိုယ့်တွေ့ကြုံမှုကို ပြောပြပါ။ အမှန်တရား ဘယ်လို သိလာတယ်၊ အခက်အခဲတစ်ခုကို ဘယ်လို အောင်မြင်ကျော်လွှားနိုင်ခဲ့တယ်၊ ယေဟောဝါ ဘယ်လို ကူညီပေးခဲ့တယ်ဆိုတာ အခါအခွင့် သင့်တဲ့အခါ သင်သားကို အတိုချုပ် ပြောပြနိုင်တယ်။ (ဆာ. ၇၈:၄၊ ၇) သင့်တွေ့ကြုံမှုဟာ သင်သား ကြားဖို့ လိုအပ်နေတာနဲ့ ကွက်တိ ဖြစ်နိုင်တယ်။ သင်သားရဲ့ ယုံကြည်ခြင်းကို ခိုင်ခံ့စေနိုင်တယ်။ နှစ်ခြင်းခံတဲ့အထိ ဆက်တိုးတက်ဖို့ အားပေးမှု ဖြစ်စေနိုင်တယ်။ သူ ကြုံနေရတဲ့ အခက်အခဲကို ဘယ်လို အောင်မြင်ကျော်လွှားနိုင်တယ်ဆိုတာ သိသွားနိုင်တယ်။ (၁ ပေ. ၅:၉) ဘရာဇီးနိုင်ငံမှာ နေတဲ့ ရှေ့ဆောင် ညီအစ်ကို ဂါဘရီယယ်က ကျမ်းစာသင်သားဘဝတုန်းက သူ့အတွက် အကူအညီ ဖြစ်စေတဲ့အရာကို မှတ်မိ နေတုန်းပဲ။ “ညီအစ်ကိုတွေရဲ့ တွေ့ကြုံမှုတွေ ကြားတဲ့အခါ ကိုယ်ကြုံနေရတဲ့ အခက်အခဲတွေကို ယေဟောဝါ မြင်တယ်၊ တခြားသူတွေ ကျော်လွှားနိုင်ရင် ကိုယ်လည်း ကျော်လွှားနိုင်တယ်ဆိုတာ သိလာတယ်” လို့ ဂါဘရီယယ် ပြောတယ်။
ကျမ်းစာသင်သား အစည်းအဝေးတွေ စတက်တဲ့အခါ
သင်သား အစည်းအဝေးတွေ ဆက်တက်ဖို့ ကျွန်တော်တို့အားလုံး အားပေးနိုင် (စာပိုဒ် ၁၁ ကိုကြည့်ပါ)
၁၁-၁၂။ အစည်းအဝေး လာတက်တဲ့ ကျမ်းစာသင်သားကို ဘာကြောင့် လှိုက်လှိုက်လှဲလှဲ ကြိုဆိုသင့်သလဲ။
၁၁ ကျမ်းစာသင်သားတစ်ယောက် နှစ်ခြင်းခံတဲ့အထိ တိုးတက်ဖို့ဆိုရင် အသင်းတော် အစည်းအဝေးတွေ မှန်မှန် တက်ပြီး အကျိုးရယူနေဖို့ လိုတယ်။ (ဟီ. ၁၀:၂၄၊ ၂၅) ဦးဆုံးအကြိမ် အစည်းအဝေး လာတက်ဖို့ သင်သားကို ဖိတ်တာ ကျမ်းစာသင်ပေးသူ ဖြစ်နိုင်တယ်။ ဒါပေမဲ့ ဆက်တက်ဖို့ကိုတော့ ကျွန်တော်တို့အားလုံး ဝိုင်းအားပေးနိုင်တယ်။ ဘယ်လို အားပေးနိုင်သလဲ။
၁၂ သင်သားကို လှိုက်လှိုက်လှဲလှဲ ကြိုဆိုပါ။ (ရော. ၁၅:၇) ကြိုဆိုခံရတယ်လို့ သင်သား ခံစားရရင် အစည်းအဝေး ဆက်တက်ချင်စိတ် ပေါ်လာနိုင်တယ်။ သင်သားကို အနေရမခက်စေမယ့်နည်းနဲ့ လှိုက်လှိုက်လှဲလှဲ ကြိုဆိုပါ။ တခြားသူတွေနဲ့ မိတ်ဆက်ပေးပါ။ ဂရုစိုက်ပေးမယ့်သူ တစ်ယောက်ယောက် ရှိမှာပါလို့ မတွေးပါနဲ့။ ကျမ်းစာသင်ပေးသူ မရောက်သေးတာ ဒါမှမဟုတ် တခြားတာဝန်တွေနဲ့ အလုပ်ရှုပ်နေတာ ဖြစ်နိုင်လို့ သင်သားကို အဖော်လုပ်ပေးပါ။ သင်သား ပြောတာကို အာရုံစိုက် နားထောင်ပါ။ စိတ်ဝင်တစား ရှိပါ။ သင့်ရဲ့ လှိုက်လှဲတဲ့ ကြိုဆိုမှုက သင်သားအတွက် ဘယ်လို အကူအညီ ဖြစ်စေနိုင်သလဲ။ လွန်ခဲ့တဲ့ နှစ်အနည်းငယ်က နှစ်ခြင်းခံပြီး အခု အသင်းတော် အမှုထမ်းအဖြစ် အမှုဆောင်နေတဲ့ ညီအစ်ကို ဒီမီထရီအကြောင်း သုံးသပ်ကြည့်ပါ။ “နိုင်ငံတော်ခန်းမ အပြင်ဘက်မှာ ကျွန်တော် ယောင်လည်လည် ဖြစ်နေတာကို ညီအစ်ကိုတစ်ယောက် တွေ့ပြီး ခန်းမထဲ ခေါ်သွားပေးတယ်။ ညီအစ်ကို/မ အများကြီး လာနှုတ်ဆက်လို့ သိပ်အံ့ဩသွားတယ်။ သဘောကျလွန်းလို့ ဒီလို အစည်းအဝေးမျိုး နေ့တိုင်း ရှိရင် ကောင်းမှာပဲလို့ တွေးမိတဲ့အထိပဲ။ ဒီလို ခံစားချက်မျိုး တခြားဘယ်နေရာမှာမှ မရဖူးဘူး” လို့ ဦးဆုံးအကြိမ် အစည်းအဝေး တက်တုန်းကအကြောင်း ဒီမီထရီ ပြောပြတယ်။
၁၃။ သင့်ပုံသက်သေကောင်းက ကျမ်းစာသင်သားကို ဘယ်လို ကူညီပေးနိုင်သလဲ။
၁၃ ပုံသက်သေကောင်း ပြပါ။ ယေဟောဝါသက်သေတွေဟာ ခရစ်ယာန်စစ်တွေ ဖြစ်ကြောင်း သင်သား ယုံကြည်စိတ်ချစေဖို့ သင့်ပုံသက်သေက များစွာ ကူညီပေးနိုင်တယ်။ (မ. ၅:၁၆) အခု မော်လ်ဒိုဗာမှာ ရှေ့ဆောင်အဖြစ် အမှုဆောင်နေတဲ့ ညီအစ်ကို ဗီတာလီက “အသင်းတော်မှာ ရှိသူတွေ ဘယ်လို နေထိုင်၊ တွေးခေါ်၊ ပြုမူတယ်ဆိုတာ ကျွန်တော် သတိထားမိတယ်။ ဒါက ယေဟောဝါသက်သေတွေဟာ ခရစ်ယာန်စစ်တွေ ဖြစ်ကြောင်း ကျွန်တော့်ကို ယုံကြည်စိတ်ချစေတယ်” လို့ ပြောတယ်။
၁၄။ သင့်ပုံသက်သေက ကျမ်းစာသင်သား ဆက်တိုးတက်ဖို့ ဘယ်လို အကူအညီ ဖြစ်စေနိုင်သလဲ။
၁၄ နှစ်ခြင်းခံတဲ့အထိ တိုးတက်ဖို့ဆိုရင် သင်သားဟာ သိလာတာတွေကို လက်တွေ့ကျင့်ဖို့ လိုတယ်။ လွယ်တော့ မလွယ်ဘူး။ ဒါပေမဲ့ ကျမ်းစာမူတွေအတိုင်း နေထိုင်လို့ ၁ ကော. ၁၁:၁) အစောပိုင်းမှာ ဖော်ပြခဲ့တဲ့ ဟာနာ့အဲရဲ့ တွေ့ကြုံမှုကို စဉ်းစားကြည့်ပါ။ “ညီအစ်ကို/မတွေက ကျွန်မ လေ့လာနေတဲ့အရာတွေကို လက်တွေ့ကျင့်နေကြတယ်။ တခြားသူတွေကို ဘယ်လို အားပေးရမယ်၊ ခွင့်လွှတ်ရမယ်၊ မေတ္တာပြရမယ်ဆိုတာ ကျွန်မ သိလာတယ်။ ညီအစ်ကို/မတွေက တခြားသူတွေအကြောင်း အမြဲ အကောင်းပဲ ပြောတယ်။ သူတို့ကို ကျွန်မ တုပချင်တယ်” လို့ ဟာနာ့အဲ ပြောတယ်။
သင် ဘယ်လို အကျိုး ရနေမှန်း သင်သား မြင်တဲ့အခါ သင့်ကို တုပချင်စိတ် ပေါ်လာနိုင်တယ်။ (၁၅။ ကျမ်းစာသင်သားနဲ့ပတ်သက်ပြီး ပညာအလိမ္မာ ၂၇:၁၇ ကို ဘယ်လို လက်တွေ့ကျင့်သုံးနိုင်သလဲ။
၁၅ သင်သားနဲ့ မိတ်ဖွဲ့ပါ။ သင်သား အစည်းအဝေးတွေ ဆက်တက်တဲ့အခါ သူ့ကို စိတ်ဝင်တစား ရှိပါ။ (ဖိ. ၂:၄) သူ့အကြောင်း ပိုသိအောင် လုပ်ပါ။ အတွင်းရေးတွေ မမေးဘဲ ကျမ်းစာသင်အံမှုအကြောင်း၊ မိသားစုအကြောင်း၊ အလုပ်အကြောင်း မေးမြန်းပါ။ တိုးတက်လာတာတွေအတွက် ချီးမွမ်းပေးပါ။ ဒါဆိုရင် သူနဲ့ ပိုရင်းနှီးလာနိုင်တယ်။ နှစ်ခြင်းခံတဲ့အထိ သူ တိုးတက်ဖို့ အကူအညီ ဖြစ်နိုင်တယ်။ (ပညာအလိမ္မာ ၂၇:၁၇ ကိုဖတ်ပါ။) အခုဆိုရင် ဟာနာ့အဲဟာ မှန်မှန်ရှေ့ဆောင် ဖြစ်နေပြီ။ အစည်းအဝေး စတက်ခါစအချိန်အကြောင်း သူ ဒီလိုပြောပြတယ်– “အသင်းတော်မှာ ရှိတဲ့ ညီအစ်ကို/မတွေနဲ့ ခင်လာတဲ့အခါ အစည်းအဝေး တက်ဖို့ မျှော်နေတတ်တယ်။ ပင်ပန်းနေရင်တောင် ကြိုးစားတက်တယ်။ မိတ်ဆွေသစ်တွေ ရလာလို့ သိပ်ပျော်တယ်။ ယုံကြည်ခြင်း မတူတဲ့ အပေါင်းအသင်းတွေနဲ့ အဆက်ဖြတ်ဖို့ ပိုလွယ်လာတယ်။ ယေဟောဝါနဲ့ကော ညီအစ်ကို/မတွေနဲ့ပါ ပိုရင်းနှီးချင်လာတယ်။ ဒါကြောင့် နှစ်ခြင်းခံဖို့ ဆုံးဖြတ်လိုက်တယ်။”
၁၆။ ကျမ်းစာသင်သားကို အသင်းတော်ဝင် ဖြစ်တယ်လို့ ခံစားရစေဖို့ ဘာလုပ်နိုင်သေးသလဲ။
၁၆ သင်သား ဆက်တိုးတက်နေပြီး အပြောင်းအလဲတွေ လုပ်လာတာနဲ့အမျှ အသင်းတော်ဝင် ဖြစ်တယ်လို့ ခံစားရစေပါ။ ဧည့်ဝတ်ပြုခြင်းက အဲဒီလို ခံစားရအောင် ကူညီပေးနိုင်တယ်။ (ဟီ. ၁၃:၂) အခု မော်လ်ဒိုဗာမှာ အမှုဆောင်နေတဲ့ ဒန်းနစ်က သင်သားဘဝတုန်းကအကြောင်း အခုလို ပြန်ပြောပြတယ်– “ညီအစ်ကို/မတွေက ကျွန်တော်တို့ ဇနီးမောင်နှံကို ပေါင်းသင်းမှုတွေမှာ ပါဝင်ဖို့ မကြာခဏ ဖိတ်တယ်။ သူတို့ကို ယေဟောဝါ ဘယ်လို ကူညီပေးခဲ့တယ်ဆိုတာ ပြောပြကြတယ်။ အဲဒါက အားပေးမှု ဖြစ်စေတယ်။ ယေဟောဝါကို ဝတ်ပြုချင်စိတ် ပိုခိုင်မာစေတယ်။ ပျော်ရွှင်ဖွယ် အသက်တာ ရမယ်ဆိုတာ ပိုယုံကြည်စိတ်ချလာစေတယ်။” ကျမ်းစာသင်သား ကြေညာသူ ဖြစ်လာပြီဆိုရင် ကိုယ်နဲ့ တွဲအမှုဆောင်ဖို့ ဖိတ်နိုင်တယ်။ ဘရာဇီးနိုင်ငံက ကြေညာသူ ဒီယေဂိုက “အမှုဆောင်မှာ တွဲဖို့ ကျွန်တော့်ကို ညီအစ်ကိုတွေ ဖိတ်တယ်။ ဒါက သူတို့အကြောင်း ပိုသိဖို့ အကောင်းဆုံးနည်းပဲ။ အတူ တွဲအမှုဆောင်တဲ့အခါ အများကြီး သင်ယူရတယ်။ ယေဟောဝါနဲ့ကော ယေရှုနဲ့ပါ ပိုရင်းနှီးလာတယ်” လို့ ပြောတယ်။
အကြီးအကဲတွေ ဘယ်လို ကူညီနိုင်သလဲ
အကြီးအကဲတို့၊ သင်တို့ရဲ့ မေတ္တာပါ ဂရုစိုက်မှုက သင်သား ဆက်တိုးတက်ဖို့ အကူအညီ ဖြစ်စေနိုင် (စာပိုဒ် ၁၇ ကိုကြည့်ပါ)
၁၇။ ကျမ်းစာသင်သားတွေကို အကြီးအကဲတွေ ဘယ်လို ကူညီပေးနိုင်သလဲ။
၁၇ ကျမ်းစာသင်သားတွေကို အချိန်ပေးပါ။ အကြီးအကဲ
တို့၊ သင်တို့ရဲ့ မေတ္တာပါ ဂရုစိုက်မှုက သင်သား နှစ်ခြင်းခံတဲ့အထိ တိုးတက်ဖို့ အကူအညီ ဖြစ်စေနိုင်တယ်။ အစည်းအဝေးမှာ သင်သားတွေနဲ့ မှန်မှန် စကားပြောဖို့ အချိန်ပေးနိုင်မလား။ အထူးသဖြင့် မှတ်ချက် စပေးချိန်မှာ နာမည် မှတ်မိနေရင် ဂရုစိုက်ခံရတယ်လို့ သင်သား ခံစားရမယ်။ ကြေညာသူတွေနဲ့ သင်အံမှု လိုက်ဖို့ စီစဉ်နိုင်မလား။ သင် ထင်ထားတာထက် သင်သားအတွက် များစွာ အထောက်အကူ ဖြစ်နိုင်တယ်။ နိုင်ဂျီးရီးယားနိုင်ငံမှာ နေတဲ့ ရှေ့ဆောင် ညီအစ်မ ဂျက်ကီ ဒီလိုပြောတယ်– “သင်အံမှု အတူလိုက်လာတဲ့ ညီအစ်ကိုဟာ အကြီးအကဲ ဖြစ်မှန်း သင်သားတွေ သိတဲ့အခါ သိပ်အံ့ဩကြတယ်။ ‘ကျွန်တော့် ပါစတာဆိုရင် ဘယ်တော့မှ အဲဒီလို လုပ်မှာ မဟုတ်ဘူး။ ချမ်းသာတဲ့သူ၊ အလှူငွေ ပေးတဲ့သူဆီပဲ သွားတာ’ လို့ မိသားစုလိုက် ကျမ်းစာသင်နေတဲ့ သင်သားတစ်ယောက် ပြောတယ်။” အခု သူတို့ အစည်းအဝေးတွေ တက်နေပြီ။၁၈။ တမန်တော် ၂၀:၂၈ ကို အကြီးအကဲတွေ ဘယ်လို လက်တွေ့ကျင့်နိုင်သလဲ။
၁၈ ကျမ်းစာသင်ပေးသူကို လေ့ကျင့်ပေးပါ၊ အားပေးပါ။ အကြီးအကဲတို့၊ အမှုဆောင်နဲ့ ကျမ်းစာသင်အံမှုမှာ ထိရောက်မှု ရှိဖို့ ကြေညာသူတွေကို ကူညီပေးရမယ့် အရေးကြီးတာဝန် သင်တို့မှာ ရှိတယ်။ (တမန်တော် ၂၀:၂၈ ကိုဖတ်ပါ။) သင့်ရှေ့မှာ ကျမ်းစာသင်အံမှု လုပ်ဖို့ ကြေညာသူ မဝံ့မရဲ ဖြစ်နေတယ်ဆိုရင် သင်အံမှု ကိုင်ပေးပါ။ “အကြီးအကဲတွေက သင်သားတွေအကြောင်း ပုံမှန် သတင်းမေးတယ်။ သင်အံမှု ကျင်းပရာမှာ အခက်အခဲ ကြုံနေရတယ်ဆိုရင် အထောက်အကူ ဖြစ်မယ့် အကြံဉာဏ်တွေ ပေးကြတယ်” လို့ အစောပိုင်းမှာ ဖော်ပြခဲ့တဲ့ ညီအစ်မ ဂျက်ကီ ပြောတယ်။ ကြေညာသူတွေကို အားပေးဖို့ အကြီးအကဲတွေ လုပ်နိုင်တာ အများကြီး ရှိပါတယ်။ (၁ သက်. ၅:၁၁) “ကျွန်မရဲ့ ကြိုးစားလုပ်ဆောင်မှုတွေအတွက် အကြီးအကဲတွေ ကျေးဇူးတင်စကား၊ အားပေးစကား ပြောတဲ့အခါ ကျွန်မ သိပ်ပျော်တယ်။ အဲဒီစကားတွေက နေပူပူမှာ သောက်လိုက်ရတဲ့ ရေအေးတစ်ခွက်လိုပဲ။ ကိုယ့်ကိုယ်ကိုယ် ယုံကြည်စိတ်ချမှု ပိုရှိလာစေတယ်။ ကျမ်းစာသင်အံမှု လုပ်ရတာ ပိုပျော်လာစေတယ်” လို့ ဂျက်ကီ ဆက်ပြောတယ်။—ပညာ. ၂၅:၂၅။
၁၉။ ကျွန်တော်တို့အားလုံး ဘယ်ပျော်ရွှင်မှု ရနိုင်သလဲ။
၁၉ လောလောဆယ် အခြေအနေအရ သင်အံမှု မလုပ်နိုင်ရင်တောင် သင်သားတစ်ယောက်ယောက် နှစ်ခြင်းခံတဲ့အထိ တိုးတက်လာအောင် ကျွန်တော်တို့ ကူညီပေးနိုင်ပါတယ်။ ကျမ်းစာသင်အံမှုမှာ စကားအများကြီး မပြောပါနဲ့။ ကောင်းစွာ ပြင်ဆင်ထားတဲ့ မှတ်ချက်တွေအားဖြင့် ကျမ်းစာသင်ပေးသူကို ထောက်မပါ။ သင်သားတွေ အစည်းအဝေး လာတက်တဲ့အခါ သူတို့နဲ့ မိတ်ဖွဲ့ပါ။ ပုံသက်သေကောင်း ပြပါ။ အကြီးအကဲတို့၊ သင်သားကို အချိန်ပေးခြင်း၊ သင်ပေးသူကို လေ့ကျင့်၊ ချီးမွမ်းခြင်းအားဖြင့် အားပေးပါ။ အဖယေဟောဝါကို ချစ်ပြီး ဝတ်ပြုလာဖို့ တစ်ယောက်ယောက်ကို ကူညီပေးရာမှာ တစ်ထောင့်တစ်နေရာကနေ ပါဝင်ခွင့် ရတယ်ဆိုတဲ့ အသိစိတ်လောက် ပျော်ရွှင်စေတာ မရှိတော့ဘူး။
သီချင်း ၇၉ ကြံ့ကြံ့ခံ ရပ်တည်နိုင်အောင် သင်ပေးပါ
^ အပိုဒ်၊ 5 လောလောဆယ် အခြေအနေအရ ကျမ်းစာသင်အံမှု မလုပ်နိုင်တဲ့ ညီအစ်ကို/မတချို့ ရှိတယ်။ ဒါပေမဲ့ သင်သားတစ်ယောက် နှစ်ခြင်းခံတဲ့အထိ တိုးတက်လာဖို့ အားလုံး ကူညီပေးနိုင်တယ်။ ဘယ်လို ကူညီနိုင်ကြောင်း ဒီဆောင်းပါးမှာ ဆွေးနွေးပါမယ်။