ယေဟောဝါ * ဘုရားသခင်​က ကျွန်တော်​တို့​ရဲ့ နိုင်ငံသား၊ လူမျိုး၊ အသားအရောင်၊ ယဉ်ကျေးမှု​ပေါ် အခြေခံ​ပြီး မစီရင်​ဘူး။ ကျွန်တော်​တို့​ရဲ့ အတွေးအခေါ်၊ လိုအင်ဆန္ဒ​တွေ​ ဖြစ်​တဲ့ အတွင်း​သဘောကို​ပဲ အာရုံစိုက်​တယ်။ “လူတွေက အပြင်ပန်း​ကိုပဲ ကြည့်​တတ်တယ်။ ယေဟောဝါ​ကတော့ နှလုံးသားကို ကြည့်​တယ်။”—၁ ရှမွေလ ၁၆:၇။

ကျွန်တော်​တို့​က လူတွေရဲ့ စိတ်​နှလုံးကို မမြင်နိုင်​ပေမဲ့ ဘုရားသခင်​ကို အတုယူဖို့၊ မျက်နှာ​မလိုက်ဖို့ ကြိုးစား​နိုင်တယ်။ လူတွေကို အုပ်စု​လိုက် မမြင်​ဘဲ တစ်ဦးချင်း​စီ​ကို မြင်​ဖို့ ကြိုးစား​ပါ။ တခြား​လူမျိုး၊ နိုင်ငံသား​အပေါ် အပျက်သဘောထား ရှိတယ်ဆိုရင် အဲဒါကို အမြစ်​ကနေ ဖယ်ထုတ်​နိုင်​ဖို့ ကူညီ​ပေး​ပါ​လို့ ဘုရားသခင်​ဆီ ဆုတောင်း​ပါ။ (ဆာလံ ၁၃၉:၂၃၊ ၂၄) မျက်နှာမလိုက်​အောင် ကူညီ​ပေး​ပါ​လို့ စိတ်ရင်းမှန်​နဲ့ ယေဟောဝါ​ဆီ အကူအညီ တောင်း​မယ်​ဆိုရင် ကိုယ့်ရဲ့ ဆုတောင်းချက်​ကို ဘုရား​နားထောင်ပြီး ကူညီ​ပေး​မယ်​ဆိုတာ စိတ်ချပါ။—၁ ပေတရု ၃:၁၂။