ခေတ်ဆိုးခေတ်ကျပ်ကြီးထဲမှာ သောကဖြစ်စရာတွေ များလာတာနဲ့အမျှ ချစ်ခင်ရသူတွေနဲ့ ခပ်စိမ်းစိမ်း၊ ခပ်တန်းတန်း ဖြစ်လာတတ်တယ်။

• မိတ်ဆွေတွေနဲ့ ဆက်ဆံရေး ကျဲလာကြတယ်။

• အိမ်ထောင်သည်တွေ တကျက်ကျက်နဲ့ ရန်စောင်ကြတယ်။

• မိဘတွေက ကလေးတွေကို လျစ်လျူရှုထားကြတယ်။ ပစ်ထားကြတယ်။

• အခက်ကြုံချိန်မှာ မိတ်ဆွေတွေ ရှိတာက ကျန်းမာရေးအတွက်၊ စိတ်ပိုင်းဆိုင်ရာအတွက် အကျိုးပြုတယ်။

• ခေတ်ဆိုးခေတ်ကျပ်ကြီးထဲ ဖိစီးမှုတွေက မိသားစုမှာ မထင်မှတ်တဲ့ ပြဿနာတွေ တစ်ပူပေါ် နှစ်ပူဆင့် ဖြစ်စေတယ်။

• စိတ်ဆင်းရဲစရာ သတင်းဆိုးတွေက ကလေးတွေအပေါ် ထင်တာထက်တောင် ဆိုးကျိုး သက်ရောက်စေတယ်။

ကျမ်းစာအဆို။ “မိတ်ဆွေစစ်ဆိုတာ အချိန်အခါမရွေး မေတ္တာပြတတ်တယ်။ သူဟာ ဒုက္ခရောက်ချိန်မှာ အားကိုးရတဲ့ ညီအစ်ကိုပဲ။”—ပညာအလိမ္မာ ၁၇:၁၇။

ကူညီပေးနိုင်သူ၊ အကြံဉာဏ်ကောင်း ပေးနိုင်သူ ဘယ်သူတွေ ရှိမလဲ စဉ်းစားပါ။ ဖေးမကူညီတတ်တဲ့ မိတ်ဆွေတွေက ကိုယ်ဒုက္ခရောက်ချိန်မှာ ခံနိုင်ရည် ရှိစေပါလိမ့်မယ်။