လေးစားမှုပြတာ ကြုံလေ့ကြုံထမရှိတော့ တလေးတစား ဆက်ဆံခံရတဲ့အခါ အထူးအဆန်း ဖြစ်လာတယ်။ လေးစားမှုဟာ မျိုးတုံးမယ့်အန္တရာယ်ကြုံနေရတဲ့ မျိုးစိတ်တစ်ခုလို ဖြစ်နေပြီ။

ဥပမာ၊ လူအများစုက မိဘ၊ သက်ကြီးရွယ်အို၊ ရဲ၊ အလုပ်ရှင်နဲ့ ဆရာ၊ ဆရာမတွေကိုမလေးစားကြတော့ဘူး။ လူမှုမီဒီယာမှာ ရိုင်းစိုင်းတဲ့မှတ်ချက်တွေ မှိုလိုပေါက်နေတယ်။ “လေးစားမှုမရှိသူတွေ များလာတဲ့အကြောင်း လူပြောများနေတာတောင် တော်တော်ကြာခဲ့ပြီ” လို့ ဟားဗတ်စီးပွားရေးသုံးသပ်ချက် စာစောင်ရဲ့ ဆောင်းပါးတစ်ခုမှာ ဖော်ပြထားတယ်။