ကျွန်တော်တို့လုပ်ဆောင်ရာ

မိသားစုဝင်အချင်းချင်း လေးလေးစားစား ဆက်ဆံဖို့ ယေဟောဝါသက်သေတွေ အားပေးတိုက်တွန်းကြတယ်။ အဲဒီအကြောင်းအရာတွေနဲ့ပတ်သက်တဲ့ ဆောင်းပါးတွေ၊ စာအုပ်တွေ၊ စာစောင်တွေ၊ ဗီဒီယိုတွေကိုလည်း အခမဲ့ထုတ်ဝေတယ်။

အိမ်ထောင်သည်မောင်နှံတွေအတွက်– မိသားစု အတွက် အကူအညီ ဆောင်းပါးတွဲတွေက ဇနီးမောင်နှံတွေကို . . .

• ကောင်းကောင်း နားထောင်ပေးတတ်ဖို့

• စကားမပြောဘဲ ဆန္ဒပြတာမျိုး မလုပ်ဖို့

• စကားများရန်ဖြစ်တာကို ရှောင်နိုင်ဖို့ ကူညီပေးတယ်။

(jw.org/my ထဲက “မိသားစုအတွက် အကူအညီ” ဆိုတဲ့ ခေါင်းစဉ်အောက်မှာ ရှာကြည့်ပါ။)

မိဘများအတွက်– မိသားစုအတွက် အကူအညီ ဆောင်းပါးတွဲက . . .

• မိဘစကား နားထောင်လာအောင်

• အိမ်မှုကိစ္စတွေ ဝိုင်းကူလုပ်အောင်

• “ကျေးဇူးပြု၍၊” “ကျေးဇူးတင်ပါတယ်” စသဖြင့် ပြောတတ်လာအောင် သားသမီးတွေကို လေ့ကျင့်သင်ကြားရာမှာ မိဘတွေကို ထောက်ကူပေးတယ်။

(jw.org/my မှာ “သားသမီး ပြုစုပျိုးထောင်ခြင်း၊” “ဆယ်ကျော်သက်များကို ပြုစုပျိုးထောင်ခြင်း” ဆိုတဲ့အကြောင်းအရာတွေကို ရှာကြည့်ပါ။)

လူငယ်များအမေး တာသွားသည့်အဖြေ စာအုပ်၊ အတွဲ ၁ ထဲက “မိဘများအမေး” ဆိုတဲ့ နောက်ဆက်တွဲဆောင်းပါးကိုလည်း ကြည့်ပါ။ (jw.org/my မှာ “မိဘများအမေး” ဆိုတဲ့အကြောင်းအရာကို ရှာကြည့်ပါ။)

လူငယ်များအတွက်– jw.org/my ရဲ့ ဆယ်ကျော်သက်များ၊ လူငယ်များ အပိုင်းမှာတင်ထားတဲ့ ဆောင်းပါးတွေ၊ ဗီဒီယိုတွေ၊ လေ့ကျင့်ခန်းစာရွက်တွေက လူငယ်တွေကို . . .

• မိဘတွေ၊ မောင်နှမတွေနဲ့ တည့်အောင်

• မိဘတွေ ချမှတ်ထားတဲ့ စည်းမျဉ်းတွေနဲ့ပတ်သက်ပြီး တလေးတစား ပြောဆိုတတ်အောင်

• မိဘတွေရဲ့ ယုံကြည်မှုရအောင် ကူညီပေးတယ်။

(jw.org/my မှာ “ဆယ်ကျော်သက်များ၊ လူငယ်များ” ဆိုတဲ့အကြောင်းအရာကို ရှာကြည့်ပါ။)

jw.org ဝက်ဘ်ဆိုက်ကို အခမဲ့ ဝင်ရောက်ကြည့်ရှုနိုင်ပါတယ်။ ကိုယ်ရေးအချက်အလက် ဖော်ပြဖို့၊ ပိုက်ဆံသွင်းဖို့၊ အဖွဲ့ဝင်ဖြစ်ဖို့ မလိုပါဘူး။