ကျွန်ုပ်တို့၏စာရှုသူများထံမှ

ရက်စက်ယုတ်မာမှုများရာစု ဒီနေ့ပဲ ၁၉၉၈၊ ဩဂုတ်လ ၈ ရက်ထုတ် [လိပ်] နိုးလော့! ကို စာတိုက်ကနေရရှိပါတယ်။ ရှေ့မျက်နှာဖုံးကိုတွေ့လိုက်တာနဲ့ “ရက်စက်ယုတ်မာမှုများရာစု—⁠မေ့ပျောက်ရမည့်အချိန်လော” အကြောင်းကို ထိုင်ပြီး ဖတ်လိုက်တယ်။ လူတွေပြုလုပ်တဲ့ မကောင်းမှုတွေကို သိလိုက်ရတော့ အရမ်းဝမ်းနည်းမိတယ်။ လူသားအားလုံး တကယ့်ကိုငြိမ်းငြိမ်းချမ်းချမ်း နေနိုင်မယ့်အချိန်ကို ကျွန်တော်အရမ်းတမ်းတမိတယ်!

တီ. ဒီ.၊ အမေရိကန်ပြည်ထောင်စု

ကျွန်မရင်ထဲ အတန်ကြာရှိခဲ့တဲ့မေးခွန်းတွေကို ဒီလထုတ်မဂ္ဂဇင်းက အဖြေပေးလိုက်ပြီ။ ဘုရားသခင်ဟာ သင်တို့ရဲ့စာပေတွေနဲ့ ကျွန်မလိုလူတွေကို အကူအညီပေးဖို့ လုပ်ဆောင်နေတယ်လို့ ခံစားမိတယ်။

တီ. စီ.၊ အမေရိကန်ပြည်ထောင်စု

လက်တင်တေးဂီတ “ကမ္ဘာ့အကြိုက် လက်တင်တေးဂီတ” ဆောင်းပါးအတွက် အရမ်းကိုကျေးဇူးတင်ပါတယ်။ (၁၉၉၈၊ ဩဂုတ် ၈ [လိပ်]) အကနဲ့တေးဂီတကို ကျွန်မမြတ်နိုးတယ်။ နော်ကို ကော်ရစ်ဒို လို့ခေါ်တဲ့ အန္တရာယ်ဖြစ်နိုင်တဲ့တေးဂီတအချို့ကို ထောက်ပြပေးတဲ့အတွက် ကျေးဇူးတင်ပါတယ်။ တခြားဘယ်မှာမှ တွေ့မှာမဟုတ်တဲ့ သတင်းအချက်အလက်ပဲ။ အရမ်းကျေးဇူးတင်ပါတယ်။

ဂျေ. ဘီ.၊ အမေရိကန်ပြည်ထောင်စု

ရှိတ်စပီးယား၏လျှို့ဝှက်ချက် “ဝီလျံရှိတ်စပီးယား၏ လျှို့ဝှက်ချက်” ဆောင်းပါးကို “လက်ဖျားခါလောက်တယ်” လို့ပဲ ကျွန်မဖော်ကျူးရတော့မယ်။ (၁၉၉၈၊ ဩဂုတ် ၈ [လိပ်]) မူလတန်းနဲ့အလယ်တန်း ကျောင်းသားတွေကို ကျွန်မ ပေါ်တူဂီဘာသာစကားနဲ့စာပေ သင်ကြားပို့ချပေးတဲ့အခါ အတန်းထဲမှာ ရှင်တို့ရဲ့ဆောင်းပါးတွေကို အသုံးပြုလေ့ရှိတယ်။

ဂျေ. အက်စ်. ဂျီ.၊ ဘရာဇီး

ရှိတ်စပီးယားပြဇာတ်များရဲ့ အာဘော်ရှင်အကြောင်း သင်တို့ရဲ့ဆောင်းပါးအတွက် သင်တို့ကိုချီးကျူးပါရစေ။ အဲ့ဒီပြဇာတ်တွေကို ရှိတ်စပီးယားရေးသားခဲ့တယ်ဆိုတဲ့ အများလက်ခံတဲ့အယူအဆကို လူအများဘာကြောင့် မယုံကြည်နိုင်ကြတာကို အဲ့ဒီဆောင်းပါးကရှင်းပြထားတယ်။

အက်. စီ.၊ အင်္ဂလန်

စွဲမှတ်စရာ ဖန်တီးမှုလက်ရာ နှစ်အနည်းငယ်က ဒီဇိုင်းဆွဲပညာကို ကျွန်တော်လေ့လာခဲ့တယ်၊ ၁၉၉၈၊ ဩဂုတ် ၈ [လိပ်] ထုတ်နိုးလော့! ဟာ လက်ရာပြောင်မြောက်တဲ့မဂ္ဂဇင်းလို့ ကျွန်တော်ထင်တယ်။ သံဆူးကြိုးအနားသတ်ကနေ နှင်းဆီအနားသတ်သို့ပြောင်းသွားတဲ့ပုံအပြင် “အာဖရိကန်ကောင်းကင်ယံ၏ရတနာများ” ရဲ့ရောင်စုံရုပ်ပုံတွေနဲ့ ကျောဖုံး၏အတွင်းဘက်ရှိ အံ့ဩစရာကောင်းတဲ့ ဓာတ်ပုံတွေဟာ တကယ်ပြောင်မြောက်ပါတယ်။

အက်စ်. ကေ. စီ.၊ အင်္ဂလန်

ကြော်ငြာ ကျွန်မရဲ့သမီးဟာ ယေဟောဝါသက်သေတစ်ယောက်မဟုတ်ပါဘူး။ သူဟာ ကြော်ငြာလုပ်ငန်းမှာအလုပ်လုပ်နေတဲ့အတွက် “ကြော်ငြာ—⁠သင့်အပေါ် မည်သို့အကျိုးသက်ရောက်သနည်း” အခန်းဆက်ဆောင်းပါးတွေပါတဲ့ ၁၉၉၉၊ ဩဂုတ် ၈ ထုတ်ကို စာတိုက်နဲ့ပို့ပေးလိုက်ပါတယ်။ သူက အရမ်းချီးမွမ်းလိုက်ပြီး ရေးသားသူတွေဟာ သွေးဆောင်မှုအတတ်ပညာရဲ့အနှစ်သာရကို အမိအရရေးသားနိုင်တယ်လို့ဆိုပါတယ်။

အာရ်. အက်စ်.၊ အမေရိကန်ပြည်ထောင်စု

အရသာ ၁၃ နှစ်အရွယ် ကျွန်မရဲ့သမီးလေးဟာ ငယ်ငယ်လေးကတည်းက အစားအစာအသစ်ဆို စားကိုမစားဘူး။ ဒါကြောင့် “အရသာ—⁠မေတ္တာရှိသောဖန်ဆင်းရှင်ထံမှလက်ဆောင်မွန်” (၁၉၉၈၊ ဩဂုတ် ၂၂ [လိပ်]) ဆောင်းပါးအတွက် အရမ်းကျေးဇူးတင်ပါတယ်။ အစားအစာအသစ်တွေကို အရသာခံတတ်ရန် သားသမီးတွေကိုကူညီပေးဖို့ သင်တို့ရဲ့အကြံပြုချက်တွေကို ကျွန်မအထူးကျေးဇူးတင်ပါတယ်။ နဂိုက သူမကြိုက်တဲ့အစားအစာတချို့ကို ဟင်းခတ်အမွှေးအကြိုင်ကူထည့်ပေးဖို့ သူ့ကို တောင်းဆိုတယ်။ သင်တို့ရဲ့အကြံပြုချက်ဟာ တကယ်အောင်မြင်တယ်! အရင်က သူမကြိုက်တတ်တဲ့အာဟာရရှိအစားအစာတွေကို ခုသူ စားနေပြီ။

ဘီ. အမ်.၊ ပိုလန်

စာတန်ကို အပြစ်ပုံချရမည်လော ကျွန်တော်အသက် ၁၇ ရှိပါပြီ၊ မကြာသေးခင်ကပဲ နိုးလော့! ကိုဦးဆုံးဖတ်မိတယ်။ ခုတော့ စွဲသွားပြီ! “ကျမ်းစာရှုထောင့်– ကျွန်ုပ်တို့၏အပြစ်တရားအတွက် စာတန်ကိုအပြစ်ပုံချသင့်သလော” ဆိုတဲ့ အဖိုးတန်အကြောင်းတွေပါတယ်။ (၁၉၉၈၊ စက်တင်ဘာ ၈) အဲ့ဒါကိုမဖတ်ခင်က ကျွန်တော်အပြစ်ပြုမိတိုင်း သူ့ကိုချည်း အပြစ်ပုံချနိုင်တယ်လို့ ထင်ခဲ့တယ်။ ဘာပဲဖြစ်ဖြစ် သင်တို့ရဲ့မဂ္ဂဇင်းဟာ ပထမတန်းစားပဲ၊ လူတိုင်းကို ကျွန်တော်ထောက်ခံပေးမယ်။ ကျေးဇူးပြု၍ သင်တို့ရဲ့ စာတိုက်ကပေးပို့ရသူ နာမည်စာရင်းမှာ ကျွန်တော့်နာမည်ကို ထည့်ပေးထားပါ!

အမ်. အမ်.၊ အမေရိကန်ပြည်ထောင်စု