လူငယ်များအတွက် အကူအညီနှင့် အကာအကွယ်
လူငယ်များအတွက် အကူအညီနှင့် အကာအကွယ်
ကလေးသာသာရှိသေးသည့် မိန်းကလေးတစ်ဦး လက်မထပ်ဘဲ ကိုယ်ဝန်ရလာခြင်းသည် နှလုံးကြေကွဲစရာပင်။ သို့တိုင်၊ ဆယ်ကျော်သက်ကိုယ်ဝန်ဆောင်မှုသည် အနှံ့အပြားဖြစ်နေပြီး လူတိုင်းကို တစ်နည်းနည်းဖြင့် ထိခိုက်စေ၏။ ဆယ်ကျော်သက်ကိုယ်ဝန်ဆောင်မှု၏ ကြေကွဲဖွယ်ဖြစ်ရပ်ဆိုးသည် “မတရားသောမေထုန်ကို ကြဉ်ရှောင်ကြလော့” ဟူသော ဘုရားသခင့်မိန့်မှာချက်၏ ဖြောင့်မှန်မှု သက်သေတစ်ရပ်သာဖြစ်သည်။—၁ ကောရိန္သု ၆:၁၈။
သို့ဖြစ်သည့်တိုင်၊ ဘုရားသခင့်နည်းလမ်းတော်များနှင့်အညီ သွန်သင်ခံခဲ့ရသည့် မိန်းမငယ်လေးတစ်ဦးသည် ရံဖန်ရံခါ မိမိသိရှိထားရာကို လျစ်လျူရှုလို၊ ငြင်းဆန်လိုပေမည်။ သူသည် လိင်ဆိုင်ရာ အကျင့်ယိုယွင်းခဲ့ပြီး ကိုယ်ဝန်ရသွားမည်။ စစ်မှန်သောခရစ်ယာန်များ မည်သို့တုံ့ပြန်ကြမည်နည်း။ ဤသို့လမ်းလွဲသွားသည့် လူငယ်တစ်ဦးသည် နောင်တရကြောင်း ထင်ရှားပြသောအခါ သူ၏မိဘများနှင့် အခြားသော ခရစ်ယာန်အသင်းတော်သားများက မေတ္တာပါပါ ကူညီထောက်မပေးသင့်သည်။
နီကိုးလ်ကို ပြန်သုံးသပ်ကြည့်ပါ။ သူ၏မိဘများသည် သူ့အား ယေဟောဝါသက်သေတစ်ဦးအဖြစ် ပြုစုပျိုးထောင်ပေးခဲ့ကြ၏။ ထို့ကြောင့် သူသည် လက်မထပ်ဘဲ ကိုယ်ဝန်ရသွားသည့်အခါ အထူးသဖြင့် ဝမ်းနည်းကြေကွဲစရာဖြစ်ခဲ့သည်။ သို့တိုင်၊ “ကျွန်မရဲ့အိမ်ကို ခရစ်ယာန်ချင်းတွေ ရောက်လာတတ်ပြီး ကျမ်းစာလေ့လာဖို့၊ ယေဟောဝါနဲ့ နီးနီးကပ်ကပ်နေဖို့ အားပေးတတ်ကြတယ်” ဟု နီကိုးလ်က ပြန်ပြောပြသည်။
ယေဟောဝါသက်သေများသည် လိင်ဆိုင်ရာအကျင့်ပျက်ပြားမှုကို လုံးဝမထောက်ခံကြပါ။ သို့သော် ကျမ်းစာမူများကိုကျင့်သုံးခြင်းအားဖြင့် အမှားပြုသူများ “ပြောင်းလဲ” နိုင်ကြောင်း သူတို့သိထားကြသည်။ (ရောမ ၁၂:၂) ဘုရားသခင်သည် နောင်တရသည့် အမှားပြုသူများကို ခွင့်လွှတ်တော်မူကြောင်း သူတို့ မယိမ်းမယိုင်ယုံကြည်ထားကြသည်။ (ဧဖက် ၁:၇) ထို့အပြင် လက်မထပ်ဘဲ ကလေးရသွားသည့်တိုင် ထိုကလေး၌ အပြစ်မရှိကြောင်းကိုလည်း သူတို့အသိအမှတ်ပြုကြသည်။ ထို့ကြောင့် ထိုကလေးအား ကဲ့ရဲ့ရှုတ်ချမည့်အစား ခရစ်ယာန်အသင်းသားများသည် မိမိတို့အလယ်တွင်ရှိနေကြသည့် အခြားမည်သည့်ကလေးနှင့်မဆို ထပ်တူ ချစ်ခင်တွယ်တာမှု၊ စာနာမှုနှင့် သနားကြင်နာမှုပြကြပါသည်။—ကောလောသဲ ၃:၁၂။
ကြင်ဖော်မဲ့မိခင်တစ်ဦးသည် ယေဟောဝါသက်သေများနှင့် ကျမ်းစာစလေ့လာခဲ့သည်။ ကျမ်းစာသတင်းတရားကို သူချက်ချင်းလက်ခံတုံ့ပြန်ပြီး သူ၏ဘဝတွင် အကြီးအကျယ်ပြောင်းလဲလာခဲ့သည်။ သက်သေခံများအကြောင်း သူဤသို့ပြောပြခဲ့၏– “သူတို့အားလုံး ကျွန်မနဲ့ ကလေးတွေအပေါ် စစ်မှန်တဲ့ စိတ်ဝင်စားမှုပြခဲ့ကြတယ်။ အစားအသောက်တွေ၊ အဝတ်အစားတွေ ပေးကမ်းတဲ့အပြင် လိုအပ်တဲ့အခါ ငွေကြေးအရလည်း ထောက်ပံ့ပေးကြတယ်။ ယေဟောဝါသက်သေတွေနဲ့ လယ်ကွင်းဓမ္မအမှုမှာ ပါဝင်ဖို့ ကျွန်မအရည်အချင်းပြည့်မီလာတော့ သူတို့ ကလေးဝိုင်းထိန်းပေးကြတယ်။ ယေဟောဝါအပေါ် စစ်မှန်တဲ့မေတ္တာတိုးပွားလာစေဖို့ ကျွန်မကို တတ်နိုင်သလောက် ကူညီပေးခဲ့ကြတယ်။”
ကာကွယ်တားဆီးခြင်း
သို့တိုင်၊ အစကတည်းက ယင်းသို့သောပြဿနာများကို ရှောင်ကြဉ်ဖို့ လူငယ်လူရွယ်များအား ကူညီပေးခြင်းက သာ၍ကောင်းပေသည်။ ထို့ကြောင့် မိမိတို့၏သားသမီးများအတွက် နွေးထွေးလှိုက်လှဲမှုရှိ၍ မေတ္တာပြည့်ဝသည့်မိသားစုဖြစ်ရန် ယေဟောဝါသက်သေများ ကြိုးစားကြသည်။ အေ့ဒ်စ်ရောဂါ၏အန္တရာယ် သို့မဟုတ် ကိုယ်ဝန်ဆောင်ခြင်း၏ဆိုးကျိုးများကို ဖိပြောခြင်းဖြင့် သားသမီးများ ကြောက်လန့်သွားအောင် ကြိုးစားမည့်အစား သက်သေခံများသည် လူငယ်လူရွယ်များအား ယေဟောဝါနှင့် ကိုယ်တော်၏ပညတ်တော်များကို အမှန်တကယ်မြတ်နိုးစေရန် ကြိုးစားသွတ်သွင်းပေးကြသည်။ (ဆာလံ ၁၁၉:၉၇) သားသမီးများအား လိင်နှင့်ပတ်သက်၍ တိတိကျကျ ပြောပြပေးဖို့လိုသည်ဟု သူတို့ယုံကြည်ကြသည်။ ပို၍အရေးကြီးသည်မှာ သားသမီးများကို မွေးစအရွယ်မှစ၍ သမ္မာကျမ်းစာပါ ကျင့်ဝတ်မူများကို သွန်သင်ပေးဖို့လိုသည်ဟု သူတို့ယုံကြည်ကြသည်။ (၂ တိမောသေ ၃:၁၅) ယေဟောဝါသက်သေများ၏ ဒေသခံ ဘုရားသခင့်နိုင်ငံတော်ခန်းမတွင် စနစ်တကျ သွန်သင်ပေးကြသည်။ သို့ရာတွင်၊ သက်သေခံမိဘများသည် မိမိတို့၏သားသမီးများနှင့်အတူ ကိုယ်တိုင်ကိုယ်ကျ ကျမ်းစာလေ့လာရန်လည်း အားပေးခံရကြသည်။ သားသမီးများအား ကိုယ်ကျင့်တရားလမ်းညွှန်မှုပေးရန် မိဘများကိုအထောက်အကူပြုသည့် လူငယ်များအမေး—တာသွားသည့်အဖြေစာအုပ်ကဲ့သို့သော စာပေကို ထုတ်ဝေထားပြီးဖြစ်သည်။ *
သမ္မာကျမ်းစာ၏ တင်းကျပ်သည့် ကျင့်ဝတ်စံနှုန်းများကို လိုက်လျှောက်ခြင်းဖြင့် ဤလောကကို လွှမ်းမိုးနေသည့် အကျင့်ပျက်မှုဒီရေကို ဆန့်ကျင်ပါလေ။ ယင်းသည် မိန်းမငယ် သန်းပေါင်းများစွာတို့အား ဆယ်ကျော်သက်ကိုယ်ဝန်ဆောင်မှု၏ ကြေကွဲဖွယ်ဖြစ်ရပ်ဆိုးမှ လွတ်ကင်းစေနိုင်သည့် အသက်လမ်းစဉ်ဖြစ်ပေသည်။
[အောက်ခြေမှတ်ချက်]
^ အပိုဒ်၊ 8 ယေဟောဝါသက်သေများ ထုတ်ဝေသည်။
[စာမျက်နှာ ၁၂ ပါ ရုပ်ပုံ]
စစ်မှန်သောခရစ်ယာန်များသည် လက်မထပ် ထားသည့် မိခင်များကို သနားကြင်နာမှုနှင့် ထောက်ထားစာနာမှုတို့ဖြင့် ဆက်ဆံကြ