ယင်းတို့သည် ဝမ်းနည်းပူဆွေးနေသူများကို နှစ်သိမ့်မှုပေးနိုင်
ယင်းတို့သည် ဝမ်းနည်းပူဆွေးနေသူများကို နှစ်သိမ့်မှုပေးနိုင်
မက္ကဆီကိုနိုင်ငံ၊ ဂျလစ္စကိုပြည်နယ်ရှိ အမျိုးသမီးတစ်ဦးသည် မက္ကဆီကိုနိုင်ငံရှိ ယေဟောဝါသက်သေများ၏ ဌာနခွဲရုံးသို့ စာတစ်စောင်ရေးခဲ့သည်။ သူက ဤသို့တောင်းဆိုခဲ့သည်– “သင်ချစ်ရသူတစ်ဦး ကွယ်လွန်သည့်အခါ” ဆိုတဲ့ ဘရိုရှာအတော်များများကို ကျေးဇူးပြု၍ ကျွန်မဆီ ပို့ပေးပါ။ ကျွန်မဟာ ယေဟောဝါသက်သေတစ်ယောက်မဟုတ်ပေမဲ့ သင်တို့ရဲ့ခံယူချက်အများစုကို ယုံကြည်လက်ခံပါတယ်။”
စာရေးသည့်အမျိုးသမီးက သူတောင်းဆိုရသည့် အကြောင်းရင်းကို ဤသို့ရှင်းပြသည်– “ကျွန်မတို့ရဲ့ပန်းဆိုင်မှာ ပန်းလာဝယ်တဲ့သူတချို့ကို အဲဒီဘရိုရှာတွေပေးရင်ကောင်းမယ်ထင်လို့ ကျွန်မတောင်းဆိုရတာပါ။ လွမ်းသူ့ပန်းခွေတွေ လာဝယ်တဲ့သူတွေကို ကျွန်မပြောတာပါ၊ တစ်ခါတလေ သူတို့ဟာ ဇနီး၊ သားသမီး ဒါမှမဟုတ် ခင်ပွန်း ဆုံးရှုံးထားကြတဲ့သူတွေဖြစ်ကြတယ်။ အဲဒီဘရိုရှာတွေက သူတို့ကို အများကြီးကူညီပေးနိုင်လိမ့်မယ်လို့ ကျွန်မထင်ပါတယ်။”
သင် သို့မဟုတ် သင့်အသိတစ်ဦးတစ်ယောက်သည်လည်း ၃၂ မျက်နှာရှိ ဤဘရိုရှာကို ဖတ်ပြီး နှစ်သိမ့်မှုရရှိလိုပေမည်။ ပူဆွေးသောကနှင့် ကျွန်ုပ်မည်သို့ စခန်းသွားရမည်နည်း။ အခြားသူများ မည်သို့အကူအညီပေးနိုင်သနည်း။ သေလွန်သူများအတွက် အဘယ်မျှော်လင့်ချက်ရှိသနည်း အစရှိသည့်မေးခွန်းများကို ဤစာအုပ်က အဖြေပေးထားသည်။
ပူးတွဲပါကူပွန်ကို ဖြည့်ကာ ကူပွန်တွင် ဖော်ပြထားသောလိပ်စာ သို့မဟုတ် ဤမဂ္ဂဇင်း၏စာမျက်နှာ ၅ တွင်ဖော်ပြထားသော သင့်လျော်ရာလိပ်စာတစ်ခုသို့ စာတိုက်မှပို့ခြင်းဖြင့် ဘရိုရှာ တစ်စောင်ကို မှာယူနိုင်ပါသည်။
□ သင်ချစ်ရသူတစ်ဦး ကွယ်လွန်သည့် အခါ ဘရိုရှာတစ်စောင်ကို ကျွန်ုပ် မေတ္တာလက်ဆောင်ရယူလိုပါသည်။
□ အခမဲ့အိမ်တွင်းကျမ်းစာသင်အံမှုပြုလုပ်လိုပါသဖြင့် ကျေးဇူးပြု၍ ကျွန်ုပ်နှင့်ဆက်သွယ်ပါ။