ဘုရားသခင့်နာမတော်ကို ကျွန်ုပ်တို့ အသုံးပြုသင့်ပါသလော
ဘုရားသခင့်နာမတော်ကို ကျွန်ုပ်တို့ အသုံးပြုသင့်ပါသလော
ဆယ့်ခုနစ်ရာစုထုတ် ဂျိမ်းစ်ဘုရင်ဘာသာပြန်ကျမ်းကို ပြန်လည်တည်းဖြတ်ထားသည့် ၁၉၀၁ ခုနှစ်ထုတ် အမေရိကန်စံတင်ဘာသာပြန်ကျမ်း ထုတ်ဝေမှုနှင့်ပတ်သက်၍ ၁၉၀၂ ခုနှစ်တွင် သည်ပရက်စ်ဘီတီးရီးယန်းနှင့် ရီဖောမ်းရီဗျူးက အစီရင်ခံဖော်ပြခဲ့သည်။ ဂျာနယ်ပါ ယင်းဆောင်းပါးတွင် အင်္ဂလိပ်ကျမ်းစာတွင် ပါရှိသည့် ဘုရားသခင့်နာမတော်ယေဟောဝါကို တစ်သမတ်တည်း အသုံးပြုသင့်မသင့် ဖော်ပြခဲ့သည်။
“ဤခြေလှမ်းမှန်ကန်ရေးအတွက် အဘယ်အကြောင်းကြောင့် သဘောထားကွဲလွဲမှုတစ်စုံတစ်ရာရှိရကြောင်းကို ကျွန်ုပ်တို့နားမလည်နိုင်ကြပါ။ ယင်းသည် သခင့်ကိုယ်ပိုင်နာမဖြစ်၏၊ မိမိလူမျိုး၏သိမှတ်ခြင်းကိုခံရရန် ယင်းအမည်ကို ကိုယ်တော်ရွေးချယ်ခဲ့သည်– ယင်းအမည်ကို သရုပ်ဖော်ဘွဲ့အဖြစ် အသွင်ပြောင်းလိုက်ခြင်းကြောင့် ကြုံတွေ့ရသည့်နစ်နာဆုံးရှုံးမှုကား ကျွန်ုပ်တို့အတွက် များလွန်းဟန်တူသည်။ ထိုနာမတော်၏ပုံစံအစစ်အမှန်နှင့်ပတ်သက်၍ အငြင်းပွားမှုများရှိနေပြီး ယင်းနာမပုံစံအစစ်အမှန်မှာ ‘ယေဟောဝါ’ ဖြစ်သည်ဟူ၍ မည်သူမျှမယူဆကြသည်မှာ မှန်ပါသည်။ သို့သော် ယင်းတွင် အင်္ဂလိပ်စာရှုသူများအတွက် ပုံစံအစစ်အမှန်၏တန်ဖိုး ပါရှိနေသည်၊ ထို့ပြင် ယင်းအစား ယာဝေး သို့မဟုတ် ယခုအခါ ကျမ်းပညာရှင်များက အမျိုးမျိုးဖော်ပြသည့် အခြားပုံစံတစ်မျိုးမျိုးကို အစားထိုးအသုံးပြုခြင်းသည် ရေးကြီးခွင့်ကျယ်လုပ်လွန်းရာသာ ရောက်ပါလိမ့်မည်။ ဓမ္မဟောင်းကျမ်းကို အင်္ဂလိပ်လိုဖတ်ရှုသူအတွက် လူကြိုက်များသောဘာသာပြန်ကျမ်းတွင် ‘ယေဟောဝါ’ ဟုအတိအလင်းဖော်ပြထားသည်ကို ဦးဆုံးတွေ့လိုက်ရပြီး မိမိလူမျိုးအတွက် ‘ယေဟောဝါ’ သည် မည်သို့အဓိပ္ပာယ်ရှိကြောင်းနှင့် ပြုလုပ်ပေးခဲ့ရာအားလုံးကို သိရှိရခြင်းသည် အကျိုးရှိသည်ဟု ကျွန်ုပ်တို့ယူမှတ်သည်။”
အခြားသောအင်္ဂလိပ်ဘာသာပြန်ကျမ်းစာများစွာတွင် ‘ယေဟောဝါ’ သို့မဟုတ် ဘုရားသခင့်နာမပုံစံတစ်မျိုးကို အသုံးပြုကြသည်။ ထိုနည်းတူစွာ ဘုရားသခင့်ကိုယ်ပိုင်နာမကို အင်္ဂလိပ်ကျမ်းစာမဟုတ်သော ဘာသာပြန်ကျမ်းအများအပြားတွင်လည်း တွေ့ရှိရပြီး နမူနာများကို ဤစာမျက်နှာတွင် တွေ့နိုင်သည်။ မိမိ၏နာမဖြစ်သော ယေဟောဝါနှင့်ပတ်သက်၍ ဘုရားသခင်က မောရှေအား ဤသို့ပြောဆိုခဲ့သည်– “ထိုအမည်သည် အစဉ်ငါ့အမည်ဖြစ်၏။ လူမျိုးအစဉ်အဆက်မပြတ် ငါ့ဘွဲ့နာမဖြစ်၏။” ထို့ကြောင့် ယနေ့ ဘုရားသခင့်နာမကို အသုံးပြုခြင်းသည် သင့်လျော်ကြောင်း သံသယရှိစရာမလိုသည်မှာ ရှင်းနေပါသည်။—ထွက်မြောက်ရာ ၃:၁၃-၁၅။
[စာမျက်နှာ ၂၁ ပါ ရုပ်ပုံ]
ဆာလံ ၈၃:၁၈ တွင် ယင်းနာမကို ဘာသာစကားအမျိုးမျိုးဖြင့် တွေ့ရသည်
စွန်ဂါ
ရှိုနာပြည်ထောင်စု
ဗီယက်နမ်
စပိန်
ဟင်ဒီ
တဂါလော့ဂ်
အင်္ဂလိပ်