သင့်ကလေး အင်တာနက် အသုံးပြုနေသလော

သန်းပေါင်းများစွာသော လူငယ်များသည် အိမ်တွင်ဖြစ်စေ၊ ကျောင်းတွင်ဖြစ်စေ၊ သူငယ်ချင်းအိမ်တွင်ဖြစ်စေ သို့မဟုတ် ၎င်းတို့လက်ထဲတွင် အင်တာနက်နှင့်ချိတ်ဆက်နိုင်သော လက်ကိုင်ပစ္စည်းငယ်၊ ဆဲလ်ဖုန်းတို့ရှိပါက အင်တာနက်ကို နေရာတိုင်းလိုလိုတွင် အသုံးပြုနေကြသည်။ သင်သည် မိဘတစ်ဦးဖြစ်သည်ဆိုလျှင် သင့်ကလေးသည် အင်တာနက်အသုံးပြုရာတွင် သင့်ထက် ပို၍ လွယ်ကူကောင်းလွယ်ကူမည်ဖြစ်ပြီး ၎င်းတို့ အင်တာနက်သုံးနေစဉ်အတွင်း သူတို့ဘာလုပ်နေသည်ကို သင်မသိအောင် မည်သို့လုပ်ရမည်ကိုပင် သိနေပေမည်။

ယင်းသည် စိုးရိမ်စရာအကြောင်းလော။ အမှန်စိုးရိမ်စရာပင်။ အခြေအနေမှာ မျှော်လင့်ချက်မဲ့နေပါသလော။ လုံးဝမဟုတ်ပါ။ အင်တာနက်နှင့်ပတ်သက်လာလျှင် သင့်ကလေးသည် ဒေသခံဖြစ်ပြီး သင်မှာမူ တိုင်းတစ်ပါးခရီးသည် ဖြစ်နေပုံပေါက်သည်။ သို့တိုင်၊ သင်သည် နယ်မြေအနေအထားကို လေ့လာနိုင်ပါသည်။ သင့်ကလေး၏ဘေးကင်းလုံခြုံမှုအတွက် သင်သည် အီလက်ထရောနစ်ပစ္စည်းအသုံးပြုရာတွင် အထူးကျွမ်းကျင်သူတစ်ဦး ဖြစ်စရာမလိုပါ။

ဤအခန်းဆက်ဆောင်းပါးသည် သင့်အားအထောက်အကူပြုသော အချက်အလက်အချို့ပေးပါလိမ့်မည်။ ဦးစွာ၊ သင့်ကလေး အွန်လိုင်းပေါ်တွင် တွေ့ကြုံရနိုင်သော အန္တရာယ်အချို့ကို သုံးသပ်ကြည့်ကြစို့။

[စာမျက်နှာ ၃ ပါ အကျဉ်းဖော်ပြချက်]

ဂျပန်နိုင်ငံတွင် ဆဲလ်ဖုန်း ၉၀ ရာခိုင်နှုန်း ခန့်သည် အင်တာနက် ချိတ်ဆက်နိုင်၏