သေးငယ်သောကိုယ်ခန္ဓာများ၊ ကြီးမားသောနှလုံးများ
သေးငယ်သောကိုယ်ခန္ဓာများ၊ ကြီးမားသောနှလုံးများ
သင်သည် အရပ် ၂ ပေခွဲသာရှိမည်ဆိုလျှင် သူစိမ်းများကို ဘုရားသခင့်နိုင်ငံတော်အကြောင်းပြောပြရန် မည်သို့နေမည်နည်း။ သင့်ကို လော်ရာပြောပြနိုင်သည်။ အသက် ၃၃ နှစ်တွင် သူ့အရပ်သည် ၂ ပေခွဲသာရှိသည်။ သူနှင့် အသက် ၂၄ နှစ်ရှိပြီးအရပ် ၂ ပေ ၁၀ လက်မရှိသော သူ့ညီမမာရီးအာတို့သည် အီကွေဒေါနိုင်ငံ၊ ကွီတိုမြို့တွင် နေထိုင်ကြသည်။ ခရစ်ယာန်ဓမ္မအမှုတွင် သူတို့ကြုံတွေ့ရသော အခက်အခဲများကို ရှင်းပြပါလေစေ။
“ဟောပြောရမယ့်ရပ်ကွက်ရောက်ဖို့နဲ့ ခရစ်ယာန်စည်းဝေးတွေတက်ဖို့ သုံးဖာလုံနီးပါးလမ်းလျှောက်ပြီးမှ ကျွန်မတို့ဘတ်စကားစီးရတယ်။ အဲဒီကားပေါ်ကဆင်းပြီး ဒုတိယကားကို တစ်ဆင့်စီးဖို့ နောက်ထပ်သုံးဖာလုံနီးပါး လမ်းလျှောက်ရပြန်တယ်။ ဖြစ်ပုံက အဲဒီလမ်းတောက်လျှောက်မှာ ရန်လိုတဲ့ခွေးငါးကောင်ရှိတယ်။ ကျွန်မတို့အတွက် အဲဒီခွေးတွေက မြင်းတွေလောက်ကြီးပုံရတဲ့အတွက် အရမ်းကြောက်စရာကောင်းတယ်။ ဘတ်စကားမစီးခင် အိမ်ကိုလမ်းလျှောက်ပြန်တဲ့အခါ လိုအပ်မယ်ဆိုရင်အသုံးပြုဖို့ တုတ်တစ်ချောင်းကို တစ်နေရာရာမှာ ကျွန်မတို့ဝှက်ထားတတ်တယ်။
“ဘတ်စကားပေါ်တက်ဖို့ဆိုတာ ကျွန်မတို့အတွက် တကယ်ခက်ခက်ခဲခဲပဲ။ ဘတ်စကားပေါ် လွယ်လွယ်ကူကူတက်နိုင်ဖို့ ကားမှတ်တိုင်က မြေကမူပေါ်မှာ ရပ်ပြီးတက်ကြရတယ်။ ဒရိုင်ဘာအချို့က ကမူနားကပ်မောင်းပေးကြပေမဲ့ တခြားဒရိုင်ဘာတွေကတော့ အဲဒီလိုမမောင်းပေးကြပါဘူး။ အဲဒီအခါမျိုးမှာ ဘတ်စကားပေါ်တက်ဖို့ အရပ်ပိုရှည်တဲ့သူက ပုတဲ့သူကိုကူညီပေးရပါတယ်။ ဒုတိယဘတ်စကားစီးဖို့ အဝေးပြေးကားလမ်းမကြီးကို ဖြတ်ကူးရတယ်—အဲဒါက ခြေတိုတဲ့ကျွန်မတို့အတွက် တကယ့်ကိုကြိုးစားအားထုတ်မှုတစ်ခုပဲ။ ကျွန်မတို့က အရပ်ပုတဲ့အတွက် လွယ်အိတ်အလေးကြီးသယ်ရတာကလည်း နောက်ထပ်စိန်ခေါ်မှုတစ်ခုဖြစ်တယ်။ လွယ်အိတ်ပေါ့ပေါ့ပါးပါးဖြစ်ဖို့ အိတ်ဆောင်ကျမ်းစာကိုသုံးပြီး ကျွန်မတို့သယ်ယူသွားတဲ့စာအုပ်ကိုလည်း ကန့်သတ်ထားကြရတယ်။
“ကျွန်မတို့နှစ်ယောက်စလုံးဟာ ကလေးဘဝကတည်းက ဘာသိဘာသာနေခဲ့ကြတာ။ သူစိမ်းတွေနဲ့စကားပြောဖို့ ကျွန်မတို့ကြောက်တယ်ဆိုတာကို အိမ်နီးချင်းတွေသိကြတယ်။ ဒါကြောင့် သူတို့တံခါးကို ကျွန်မတို့သွားခေါက်တာကို သူတို့အံ့သြပြီး သဘောကျကြတယ်၊ အဲဒါကြောင့်လည်း ကျွန်မတို့ပြောတာတွေကို နားထောင်ပေးတတ်ကြတယ်။ ဒါပေမဲ့ ကျွန်မတို့ကိုမသိတဲ့သူတွေက ကျွန်မတို့ဟာ သက်ကြီးပုတွေဆိုတာကိုပဲ မြင်ကြတယ်; ဒါကြောင့်လည်း သူတို့နားထောင်သင့်တဲ့သတင်းတရားကို အလေးအနက်နားမထောင်ကြဘူး။ ဘာပဲဖြစ်ဖြစ်၊ ယေဟောဝါရဲ့မေတ္တာကိုခံစားရလို့ ဧဝံဂေလိလုပ်ငန်းကို ဆက်လုပ်ဆောင်စိတ် ကျွန်မတို့မှာရှိတာ။ နယပုံပြင် ၃:၅၊ ၆ ကိုတွေးတောဆင်ခြင်တာကလည်း ကျွန်မတို့ကိုအားရှိစေပါတယ်။”
လော်ရာနှင့်မာရီးအာတို့ ဖော်ပြသည့်အတိုင်း ကာယရေးချို့ယွင်းမှုများကြားမှ ဇွဲရှိခြင်းဖြင့် ဘုရားသခင့်ဘုန်းတော်ကို ချီးမွမ်းနိုင်ပါသည်။ ကာယဒုက္ခဖြစ်နိုင်ဖွယ်ရှိသည့် တမန်တော်ပေါလု၏ “ကိုယ်၌စူးသောဆူး” ကိုဖယ်ရှားပေးပါရန် သူဆုတောင်းခဲ့သည်။ သို့သော် ဘုရားသခင်က “ငါ့ကျေးဇူး [“မခံစားထိုက်သောကရုဏာ၊” ကဘ] သည်သင့်အဖို့လောက်ပေ၏။ ငါ့တန်ခိုးသည် အားနည်းခြင်းအဖြစ်၌ စုံလင်တတ်သည်” ဟုသူကိုမိန့်တော်မူ၏။ မှန်ပါသည်၊ ဘုရားသခင့်အမှုတော်ထမ်းဆောင်နိုင်ရန် ကာယရေးချို့ယွင်းမှုကို ဖယ်၂ ကောရိန္သု ၁၂:၇၊ ၉၊ ၁၀) နှစ်အနည်းငယ်ကြာသော် ပေါလုကဤသို့ရေးခဲ့သည်– “ငါ့ကို ခွန်အားနှင့်ပြည့်စုံစေတော်မူသော ခရစ်တော်အားဖြင့် ခပ်သိမ်းသောအမှုတို့ကို ငါတတ်စွမ်းနိုင်၏။”—ဖိလိပ္ပိ ၄:၁၃။
ရှားပေးဖို့မလိုပေ။ ဘုရားသခင်ကို လုံးဝမှီခိုအားထားခြင်းသည် ကျွန်ုပ်တို့၏အခြေအနေကို အကောင်းဆုံးဖြစ်စေရန် ထောက်ကူပေးနိုင်၏။ ပေါလုသည် သူ၏ “ကိုယ်၌စူးသောဆူး” ကိုဤနည်းအတိုင်း မှတ်ယူခဲ့သောကြောင့် “ငါသည် အားနည်းသောအခါ တန်ခိုးနှင့်ပြည့်စုံလျက်ရှိ၏” ဟုပြောနိုင်ခဲ့သည်။ (မျက်မှောက်ခေတ်တွင် ဘုရားသခင်သည် မိမိကိုအကြွင်းမဲ့အပ်နှံထားသော အမျိုးသားများ၊ အမျိုးသမီးများနှင့် ကလေးများအားဖြင့် လုပ်ငန်းကြီးတစ်ခုကို ဆောင်ရွက်လျက်ရှိ၏။ သူတို့မှအချို့သည် ချို့ယွင်းမှုတစ်ခုခုရှိကြသည်။ သူတို့အားလုံးသည် ဘုရားသခင့်နိုင်ငံအောက်တွင် သူတို့၏ချို့ယွင်းမှုများကို ကိုယ်တော်ကုသပေးမည်ဟု မျှော်လင့်စောင့်စားနေကြသည်မှန်သော်လည်း ကိုယ်တော်၏လုပ်ငန်းတော်တွင် တစ်နည်းနည်းဖြင့်ကြိုးစားပါဝင်နိုင်ရန် မိမိတို့အခက်အခဲများကို ကိုယ်တော်ဖြေရှင်းပေးမည့်အချိန်တိုင်အောင် မစောင့်မျှော်ကြချေ။
သင်သည် ကာယရေးအားနည်းမှုတစ်ခုခုရှိသလော။ အားယူပါ! သင်၏ယုံကြည်ခြင်းအားဖြင့် ပေါလု၊ လော်ရာနှင့် မာရီးအာတို့ကဲ့သို့သော သူများတွင် တစ်ဦးပါဝင်နိုင်သည်။ သူတို့နှင့်ပတ်သက်၍ ရှေးအချိန်က သစ္စာရှိအမျိုးသား၊ အမျိုးသမီးများနည်းတူ သူတို့သည် “အနာမှထမြောက်၍ကျန်းမာ” ကြသည်ဟု ပြောဆိုနိုင်ပါသည်။—ဟေဗြဲ ၁၁:၃၄။
[စာမျက်နှာ ၈ ပါ ရုပ်ပုံ]
မာရီးအာ
လော်ရာ
[စာမျက်နှာ ၉ ပါ ရုပ်ပုံ]
မာရီးအာသည် လော်ရာကို ဘတ်စကားပေါ်တက်ဖို့ ကူညီပေး
[စာမျက်နှာ ၉ ပါ ရုပ်ပုံ]
“ကျွန်မတို့အတွက် အဲဒီခွေးတွေက မြင်းတွေလောက်ကြီးပုံရတဲ့အတွက် အရမ်းကြောက်စရာကောင်းတယ်”
အောက်– လော်ရာ၊ မာရီးအာနှင့် သူတို့နှင့်ကျမ်းစာလေ့လာသူများ