ရှင်ပြန်ထမြောက်ခြင်းမျှော်လင့်ချက်၌ ဩဇာတန်ခိုးရှိ
ရှင်ပြန်ထမြောက်ခြင်းမျှော်လင့်ချက်၌ ဩဇာတန်ခိုးရှိ
‘ငါသည် . . . အရာခပ်သိမ်း အရှုံးခံ၍ . . . ကိုယ်တော် [ယေရှုခရစ်] ကိုလည်းကောင်း၊ ရှင်ပြန်ထမြောက်တော်မူခြင်း တန်ခိုးကိုလည်းကောင်း ကျွမ်းဝင်လေသည်။’—ဖိလိပ္ပိ ၃:၈-၁၁၊ သမ။
၁၊ ၂။ (က) လွန်ခဲ့သောနှစ်များက ထမြောက်ခြင်းကို တရားဟောဆရာတစ်ဦး မည်သို့ပုံဖော်ခဲ့သနည်း။ (ခ) ထမြောက်ခြင်းသည် မည်သို့ဖြစ်လာမည်နည်း။
၁၈၉၀ ပြည့်လွန်နှစ်များ၏ အစောပိုင်းတွင် အမေရိကန်ပြည်ထောင်စု၊ ဘရွတ်ကလင်၊ နယူးယောက်ရှိ တရားဟောဆရာတစ်ဦးဟောကြားသည့် ထူးခြားသောတရားဟောပြောချက်တစ်ခုကို သတင်းစာကဖော်ပြထား၏။ လူ့ခန္ဓာကိုယ်သည် မီးဖြင့် သို့မဟုတ် မတော်တဆမှုဖြင့် ပျက်စီးသွားပါစေ၊ သားရဲအစာ သို့မဟုတ် မြေသြဇာပင်ဖြစ်သွားပါစေ ရှင်ပြန်ထမြောက်ခြင်းတွင် ၎င်းကို ဖွဲ့စည်းခဲ့သော အရိုးများနှင့်အသားအားလုံးကို ပြန်လည်စုစည်းပေး၍ အသက်သွင်းပေးခြင်းပါဝင်သည်ဟု သူကပြောခဲ့သည်။ ထိုတရားဟောဆရာက တစ်စုံတစ်ရာသော ၂၄ နာရီရက်တစ်ရက်အတွင်း သန်းနှင့်ချီသောလူသေတို့၏ လက်များ၊ လက်မောင်းများ၊ ခြေထောက်၊ လက်ချောင်းများ၊ အရိုးများ၊ ကြွက်သားအကြောမျှင်များနှင့် အရေပြားတို့သည် လေထုတွင် မဲလာမည်ဟုဆိုသည်။ ဤအစိတ်အပိုင်းများက မူလကိုယ်ခန္ဓာ၏ အခြားအစိတ်အပိုင်းများကို ရှာဖွေလိမ့်မည်ဖြစ်သည်။ ထိုနောက် ထမြောက်လာသော ကိုယ်ခန္ဓာများထဲတွင်နေထိုင်ရန် ကောင်းကင်နှင့်ငရဲတို့မှ ဝိညာဉ်များရောက်လာလိမ့်မည်ဟုဆို၏။
၂ မူလအက်တမ်များ ပြန်လည်ဖွဲ့စည်းခြင်းဖြင့် ရှင်ပြန်ထမြောက်ခြင်းမှာ ယုတ္တိမရှိပါ၊ လူတို့တွင်လည်း မသေနိုင်သောစိုးလ်တစ်ခုမရှိချေ။ (ဒေ. ၉:၅၊ ၁၀; ယေဇကျေလ ၁၈:၄) ထမြောက်စေတော်မူသောဘုရားသခင်၊ ယေဟောဝါသည် မူလလူ့ခန္ဓာကိုယ်တစ်ခု၌ ဖွဲ့စည်းထားသည့်ဒြပ်စင်များကို ပြန်လည်စုစည်းရန် လိုမည်မဟုတ်ပေ။ ကိုယ်တော်သည် ထမြောက်လာသူတို့အတွက် လူ့ခန္ဓာကိုယ်အသစ်များကို ပြုလုပ်ပေးနိုင်တော်မူ၏။ ယေဟောဝါသည် ထာဝရအသက်ရစေနိုင်သောအခွင့်နှင့်အတူ လူသေများကို ပြန်ရှင်လာစေရန် မိမိ၏သားတော် ယေရှုခရစ်ကို တန်ခိုးအာဏာအပ်နှင်းပေးတော်မူသည်။ (ယောဟန် ၅:၂၆) သို့ဖြစ်၍ ယေရှုကဤသို့မိန့်တော်မူ၏– “ငါသည်ထမြောက်ခြင်းအကြောင်း၊ အသက်ရှင်ခြင်းအကြောင်းဖြစ်၏။ ငါ့ကိုယုံကြည်သောသူသည် သေလွန်သော်လည်း ရှင်လိမ့်မည်။” (ယောဟန် ၁၁:၂၅၊ ၂၆) စိတ်နှလုံးနွေးထွေးစရာ ကတိတော်ပါတကား! ယင်းက ယေဟောဝါ၏ သစ္စာရှိသက်သေများအဖြစ် စမ်းသပ်စုံစမ်းမှုများကိုခံရပ်ရန် သေခြင်းကိုပင်ရင်ဆိုင်ဖို့ ကျွန်ုပ်တို့ကို ခွန်အားဖြစ်စေသည်။
၃။ ပေါလုသည် ထမြောက်ခြင်းအကြောင်းကို ထုချေပေးရန် အဘယ်ကြောင့်လိုအပ်ခဲ့သနည်း။
တမန်တော် ၁၇:၂၉-၃၄) ရှင်ပြန်ထမြောက်ခဲ့ပြီးဖြစ်သောယေရှုခရစ်ကို တွေ့မြင်သူများစွာမှာ အသက်ရှင်ဆဲရှိကြပြီး ကိုယ်တော်သည် သေရာမှထမြောက်ခဲ့ကြောင်း ကဲ့ရဲ့မှုများကြားမှ သက်သေခံခဲ့သည်။ သို့သော် ကောရိန္သုအသင်းတော်နှင့် ပေါင်းသင်းနေကြသော မှောက်မှားသည့်သွန်သင်သူများသည် ထမြောက်ခြင်းကိုငြင်းပယ်ကြ၏။ သို့ဖြစ်၍ ပေါလုက ၁ ကောရိန္သု အခန်းကြီး ၁၅ တွင် ဤခရစ်ယာန်သွန်သင်ချက်ကို ပြင်းပြင်းထန်ထန်ခုခံကာကွယ်ပြောဆိုခဲ့သည်။ သူ၏အကြောင်းပြချက်များကို အသေအချာလေ့လာခြင်းက ထမြောက်ခြင်းမျှော်လင့်ချက်သည် သေချာကြောင်းနှင့် တန်ခိုးပါကြောင်းကို သံသယကင်းစေသည်။
၃ ထမြောက်ခြင်းသည် ဂရိအတွေးအခေါ်ပညာရှင် ပလေတို၏ခံယူချက်ဖြစ်သည့် လူတို့တွင် မသေနိုင်သောဝိညာဉ်ရှိသည်ဟူသော အယူအဆနှင့် မကိုက်ညီချေ။ သို့ဖြစ်၍ အေသင်မြို့ရှိ အာရေတောင်ပေါ်၌ ယေရှုအားရည်စောင်၍ ဘုရားသခင်သည် ကိုယ်တော်အားထမြောက်စေခဲ့ပြီဟု အထင်ကရဂရိများကို တမန်တော်ပေါလု သက်သေခံခဲ့သောအခါ မည်သို့ဖြစ်ပျက်ခဲ့သနည်း။ “သေသောသူတို့၏ထမြောက်ခြင်းအကြောင်းကို ကြားရလျှင်၊ အချို့တို့သည်ကဲ့ရဲ့ကြ၏” ဟု မှတ်တမ်းကဖော်ပြသည်။ (ယေရှုထမြောက်ခြင်း၏ ခိုင်လုံသောသာဓက
၄။ ယေရှု၏ရှင်ပြန်ထမြောက်ခြင်းနှင့်ပတ်သက်၍ အဘယ်မျက်မြင်သက်သေကို ပေါလုဖော်ပြခဲ့သနည်း။
၄ ပေါလုသည် သူ၏ထုချေချက်ကို မည်သို့နိဒါန်းပျိုးခဲ့ကြောင်း သတိပြုပါ။ (၁ ကောရိန္သု ၁၅:၁-၁၁) ကောရိန္သုမြို့သားများသည် ရည်ရွယ်ချက်ရှိရှိဖြင့် ယုံကြည်သူများဖြစ်လာကြရိုးမှန်လျှင် ကယ်တင်ခြင်းသတင်းကောင်းကို စွဲကိုင်ထားကြမည်သာ။ ခရစ်တော်သည် ကျွန်ုပ်တို့အပြစ်အတွက် အသေခံတော်မူ၍ သင်္ဂြိုဟ်ခံရပြီးမှ ထမြောက်တော်မူခဲ့၏။ အမှန်မှာ၊ ထမြောက်တော်ခဲ့သောယေရှုကို ကေဖ (ပေတရု) မြင်ပြီးမှ “တစ်ကျိပ်နှစ်ပါးသောသူတို့သည်” မြင်ခဲ့ကြရ၏။ (ယောဟန် ၂၀:၁၉-၂၃) နောက်ထပ် ၅၀၀ ခန့်သည်လည်း ကိုယ်တော်အားမြင်ခဲ့ချိန်တွင် ကိုယ်တော်က “ငါ့တပည့်ဖြစ်စေ” ကြဟုမိန့်တော်မူခဲ့ခြင်းဖြစ်ပေမည်။ (မဿဲ ၂၈:၁၉၊ ၂၀) အခြားသစ္စာရှိတမန်တော်များနည်းတူ ယာကုပ်လည်း ကိုယ်တော့်ကိုတွေ့မြင်ခဲ့သည်။ (တမန်တော် ၁:၆-၁၁) ဒမာသက်မြို့အနီးတွင် ရှောလုသည် “အချိန်မတော်မတန်ဖွားသောသူကဲ့သို့”—နာမ်ဝိညာဉ်အဖြစ်သို့ ထမြောက်ခြင်းခံရဘိသကဲ့သို့—ယေရှုကိုတွေ့မြင်ခဲ့၏။ (တမန်တော် ၉:၁-၉) ကောရိန္သုမြို့သားများကို ပေါလုဟောပြောခဲ့၍ သူတို့သည် သတင်းကောင်းကိုလက်ခံခဲ့ကြရာ ယုံကြည်သူများဖြစ်လာခဲ့ကြသည်။
၅။ ၁ ကောရိန္သု ၁၅:၁၂-၁၉ တွင်မှတ်တမ်းတင်ထားသော ပေါလု၏စဉ်းစားဆင်ခြင်မှုကား အဘယ်နည်း။
၅ ပေါလု၏စဉ်းစားဆင်ခြင်ပုံကို သတိပြုပါ။ (၁ ကောရိန္သု ၁၅:၁၂-၁၉) ယေရှု ထမြောက်ပြီဟု မျက်မြင်သက်သေများက ဟောပြောနေကြရာ ထမြောက်ခြင်းမရှိဟု မည်သို့ဆိုနိုင်မည်နည်း။ ယေရှုသည် သေရာမှ မထမြောက်ခဲ့လျှင် ကျွန်ုပ်တို့၏ ဟောပြောခြင်းနှင့် ကျွန်ုပ်တို့ယုံကြည်ခြင်းသည် အကျိုးမရှိ၊ ဘုရားသခင်သည် ခရစ်တော်ကို ထမြောက်စေခဲ့ပြီဟုဆိုခြင်းဖြင့် ကျွန်ုပ်တို့သည် ဘုရားသခင်အားဆန့်ကျင်ကာ မမှန်သောသက်သေဖြစ်ကြမည်။ လူသေတို့သည် ထမြောက်ခြင်းမခံရလျှင် ‘ကျွန်ုပ်တို့သည် အပြစ်အောက်၌ရှိနေကြသေးရာ’ ခရစ်တော်၌သေလွန်သူတို့မှာ ဆုံးရှုံးကြပေပြီ။ ထိုထက်ကား “ငါတို့သည် ခရစ်တော်ကိုအမှီပြု၍ ယခုဘဝ၌သာ မျှော်လင့်စရာရှိလျှင်၊ အခြားသောသူအပေါင်းတို့ထက် သာ၍ဆင်းရဲသောသူဖြစ်ကြ၏။”
၆။ (က) ပေါလုသည် ယေရှု၏ရှင်ပြန်ထမြောက်ခြင်းကို အခိုင်အမာထောက်ခံ၍ မည်သို့ပြောဆိုခဲ့သနည်း။ (ခ) “နောက်ဆုံးသောရန်သူ” ကားအဘယ်နည်း၊ မည်သို့ပယ်ရှားခြင်းခံရမည်နည်း။
၆ ပေါလုသည် ယေရှု၏ထမြောက်ခြင်းကို အခိုင်အမာထောက်ခံခဲ့၏။ (၁ ကောရိန္သု ၁၅:၂၀-၂၈) ခရစ်တော်သည် သေခြင်း၌အိပ်ပျော်သူတို့တွင် “အဦးသီးသောအသီး” ဖြစ်သည်အားလျော်စွာ အခြားသူတို့သည်လည်း ထမြောက်ကြရလိမ့်မည်။ သေခြင်းသည် လူအာဒံ၏မနာခံမှုရလဒ်ဖြစ်သည်အတိုင်း ထမြောက်ခြင်းသည် လူသားယေရှုအားဖြင့်ဖြစ်သည်။ ကိုယ်တော်ရောက်ရှိသောအခါ ကိုယ်တော်နှင့်သက်ဆိုင်သူတို့သည် ထမြောက်ခံကြရဖို့ဖြစ်သည်။ ယေဟောဝါသည် မိမိ၏ရန်သူအားလုံးကို ခြေအောက်၌ချမထားမီတိုင်အောင် ဘုရားသခင့်အုပ်စိုးပိုင်သမှုကို ဆန့်ကျင်၍ ဘုရင်အဖြစ်အုပ်ချုပ်လျက်ရှိသော “အထွတ်အမြတ်အာဏာတန်ခိုးအမျိုးမျိုးကို” ခရစ်တော်သည် ပယ်ရှင်းပစ်ပေမည်။ အာဒံမှအမွေရခဲ့သည့် “နောက်ဆုံးသောရန်သူ” သေခြင်းပင်လျှင် ယေရှု၏ယဇ်သကာအကျိုးအားဖြင့် ပယ်ရှားပစ်ခြင်းခံရမည်။ ထိုအခါ ခရစ်တော်သည် မိမိ၏ဘုရားသခင်တည်းဟူသော ခမည်းတော်၌ ဘုရားသခင့်နိုင်ငံတော်ကိုအပ်ပေး၍ “ခပ်သိမ်းသောအရာတို့ကို သူ့အောက်၌ချထားတော်မူသောသူ၏ အုပ်စိုးတော်မူခြင်းကို” ကိုယ်တိုင်ဝန်ခံလျက် “ဘုရားသခင်သည် အလုံးစုံဖြစ်တော်မူမည်။”
သေလွန်သူတို့အတွက် နှစ်ခြင်းကားအဘယ်နည်း
၇။ “သေလွန်သောသူတို့၏ကိုယ်စား [နှစ်ခြင်း]ကိုခံသောသူတို့” ကား မည်သူများနည်း၊ ယင်းက သူတို့အတွက် အဘယ်အဓိပ္ပာယ်ရှိသနည်း။
၇ ထမြောက်ခြင်းကို ဆန့်ကျင်သူတို့သည် ဤသို့မေးမြန်းခံကြရသည်– “သေလွန်သောသူတို့၏ကိုယ်စား [နှစ်ခြင်း]ကိုခံသောသူတို့သည် အဘယ်သို့ပြုရမည်နည်း။” (၁ ကောရိန္သု ၁၅:၂၉) ယေရှု၏တပည့်တော်များသည် ကိုယ်တိုင်ကိုယ်ကျ လေ့လာယုံကြည်၍ နှစ်ခြင်းယူကြရမည်ဖြစ်ရာ အသက်ရှင်သူတို့သည် သေလွန်သူတို့ကိုယ်စား နှစ်ခြင်းယူကြရမည်ဟူ၍ ပေါလုဆိုလိုခဲ့ခြင်းမဟုတ်ချေ။ (မဿဲ ၂၈:၁၉၊ ၂၀; တမန်တော် ၂:၄၁) ဘိသိက်ခံခရစ်ယာန်များသည် သေခြင်းနှင့် ထမြောက်ခြင်းသို့ဦးတည်သည့် အသက်တာဘဝတွင် ကိုယ်ကိုကိုယ်နှစ်မြှုပ်ထားခြင်းဖြင့် “သေလွန်သောသူတို့၏ကိုယ်စား [နှစ်ခြင်း]ကိုခံ” ကြ၏။ ဤနှစ်ခြင်းအမျိုးအစားမှာ ဘုရားသခင့်ဝိညာဉ်တော်သည် သူတို့တွင် ကောင်းကင်ဆိုင်ရာမျှော်လင့်ချက် ဦးဆုံးရှိစေသည့်အချိန်မှစ၍ ကောင်းကင်သို့ မသေနိုင်သောနာမ်ဝိညာဉ်အသက်တာရရှိစေရန် သေရာမှထမြောက်စေသည့်အချိန်၌ ပြီးဆုံးလေသည်။—ရောမ ၆:၃-၅; ၈:၁၆၊ ၁၇; ၁ ကောရိန္သု ၆:၁၄။
၈။ စာတန်နှင့် သူ့ကျေးကျွန်များက ခရစ်ယာန်များကိုသတ်ပစ်လျှင်ပင် သူတို့သည် အဘယ်အရာကို စိတ်ချနိုင်သနည်း။
၁ ကောရိန္သု ၁၅:၃၀၊ ၃၁) စာတန်နှင့် သူ့ကျေးကျွန်တို့သည် သူတို့ကို အသေသတ်စေရန် ယေဟောဝါခွင့်ပြုခဲ့မည်ဆိုလျှင် မိမိတို့အား ကိုယ်တော်ထမြောက်စေနိုင်ကြောင်း သူတို့သိထားကြ၏။ ယေဟောဝါတစ်ပါးတည်းသာလျှင် ထာဝရပျက်စီးခြင်းကို ပုံဆောင်သော ဂေဟင်္နာ၌ သူတို့၏စိုးလ် သို့မဟုတ် အသက်ကို လုံးလုံးဖျက်ဆီးပစ်နိုင်သည်။—လုကာ ၁၂:၅။
၈ ပေါလု၏စကားများ ဖော်ပြသကဲ့သို့ပင် ဘုရားသခင့်နိုင်ငံတော်သတင်း ဟောပြောခြင်းကြောင့် ခရစ်ယာန်များ အမြဲရင်ဆိုင်ကြရသော ဘေးအန္တရာယ်နှင့် သေခြင်းကို ထမြောက်ခြင်းမျှော်လင့်ချက်က ခံရပ်စေသည်။ (နိုးနိုးကြားကြားရှိရန်လိုအပ်
၉။ ထမြောက်ခြင်းမျှော်လင့်ချက်သည် ကျွန်ုပ်တို့ဘဝတွင် ထောက်မသောသြဇာတန်ခိုးဖြစ်လိုလျှင် အဘယ်အရာကို ကျွန်ုပ်တို့ရှောင်ရှားကြရမည်နည်း။
၉ ထမြောက်ခြင်းမျှော်လင့်ချက်က ပေါလုကို ထောက်မပေးခဲ့၏။ ဧဖက်မြို့၌ရှိစဉ် သူ၏ရန်သူများက အရီနာကွင်းထဲသို့ သားရဲများနှင့်တိုက်ခိုက်ရန် သူ့ကိုပစ်ချခဲ့ကြပေမည်။ (၁ ကောရိန္သု ၁၅:၃၂) ထိုသို့ဖြစ်ခဲ့လျှင် ခြင်္သေ့များရန်မှ ဒံယေလလွတ်မြောက်လာသကဲ့သို့ပင် သူလည်း ကယ်လွှတ်ခြင်းခံခဲ့ရ၏။ (ဒံယေလ ၆:၁၆-၂၂; ဟေဗြဲ ၁၁:၃၂၊ ၃၃) ပေါလု၌ ထမြောက်ခြင်းမျှော်လင့်ချက်ရှိခဲ့သောကြောင့် ဟေရှာယခေတ်က အယူဖောက်ပြန်သူ ယုဒတို့၏သဘောထားမျိုး သူ၌မရှိခဲ့ချေ။ သူတို့က “ငါတို့သည် စားကြကုန်အံ့၊ သောက်ကြကုန်အံ့၊ နက်ဖြန်သေရကြမည်” ဟုပြောခဲ့ကြသည်။ (ဟေရှာယ ၂၂:၁၃) ပေါလု၌ကဲ့သို့ ထမြောက်ခြင်းမျှော်လင့်ချက်ကို ကျွန်ုပ်တို့၏အသက်တာတွင် ထောက်မပေးသောသြဇာတန်ခိုးဖြစ်စေဖို့ဆိုလျှင် ယင်းသို့သော ကျန်းခံ့မှုမရှိသည့်သဘောထားမျိုးရှိသူများကို ကျွန်ုပ်တို့ရှောင်ရှားကြရမည်ဖြစ်သည်။ “အလွဲမယူကြနှင့်” ဟုပေါလုသတိပေးခဲ့သည်။ “မကောင်းသောသူတို့နှင့် ပေါင်းဖော်ခြင်းအားဖြင့် ကောင်းသောအကျင့်ဓလေ့ ယိုယွင်းတတ်၏။” (၁ ကောရိန္သု ၁၅:၃၃) မှန်သည်၊ ဤမူကား ဘဝ၏ကဏ္ဍအသီးသီးနှင့် သက်ဆိုင်ပေသည်။
၁၀။ ကျွန်ုပ်တို့၏ထမြောက်ခြင်းမျှော်လင့်ချက်ကို မည်သို့ရှင်သန်စေနိုင်သနည်း။
၁၀ ထမြောက်ခြင်းကို သံသယဝင်သူတို့အား ပေါလုက ဤသို့ပြောခဲ့သည်– “တရားသဖြင့်နိုးကြလော့။ [မကောင်းမှု]ကိုမပြုကြနှင့်။ အချို့သောသူတို့သည် ဘုရားသခင်ကိုမသိကြ။ ထိုသို့ဆိုသော် သင်တို့ကို ရှက်ကြောက်စေခြင်းငှာ ငါဆို၏။” (၁ ကောရိန္သု ၁၅:၃၄) ‘အမှုကုန်ရသည့် ဤကာလ’ တွင် ကျွန်ုပ်တို့သည် ဘုရားသခင်နှင့် ခရစ်တော်အား သိကျွမ်းခြင်းပညာနှင့်အညီ ပြုမူလုပ်ဆောင်ရန်လိုအပ်ပေသည်။ (ဒံယေလ ၁၂:၄; ယောဟန် ၁၇:၃) ယင်းက ကျွန်ုပ်တို့၏ရှင်ပြန်ထမြောက်ခြင်းမျှော်လင့်ချက်ကို ရှင်သန်နေစေလိမ့်မည်။
အဘယ်ခန္ဓာကိုယ်ဖြင့် ထမြောက်သနည်း
၁၁။ ပေါလုသည် ဘိသိက်ခံခရစ်ယာန်များ၏ ထမြောက်ခြင်းကို မည်သို့ပုံဖော်သနည်း။
၁၁ ထို့နောက် ပေါလုက မေးခွန်းအချို့ကို ဖြေကြားခဲ့၏။ (၁ ကောရိန္သု ၁၅:၃၅-၄၁) ရှင်ပြန်ထမြောက်ခြင်းကို သံသယဝင်စေလို၍ တစ်ဦးတစ်ယောက်က ဤသို့မေးမြန်းပေမည်– “သေလွန်သောသူတို့သည် အဘယ်သို့ထမြောက်ကြမည်နည်း။ အဘယ်သို့သောကိုယ်နှင့် ပေါ်လာကြမည်နည်း။” ပေါလုဖော်ပြသကဲ့သို့ပင် မြေ၌မျိုးစေ့စိုက်သောအခါ မျိုးစေ့ပျက်၍ အညှောက်ထွက်လေသည်။ အလားတူ ဝိညာဉ်တော်ဖွား လူသားတစ်ဦးသည် သေရမည်ဖြစ်သည်။ အပင်သည် မျိုးစေ့မှ အထည်ကိုယ်အသစ်ဖြင့် ထွက်လာသကဲ့သို့ပင် ဘိသိက်ခံခရစ်ယာန်တစ်ဦး၏ ထမြောက်လာသောခန္ဓာကိုယ်သည် လူကိုယ်ခန္ဓာနှင့် မတူပေ။ ထိုသူမသေမီက ဘဝပုံစံမျိုး သူ၌ရှိစေကာမူ ဤသူသည် ကောင်းကင်၌နေထိုင်နိုင်သော နာမ်ဝိညာဉ်ခန္ဓာကိုယ်ဖြင့် အသစ်သောသူတစ်ဦးအဖြစ် ထမြောက်လာလေသည်။ မြေကြီးပေါ်သို့ ထမြောက်လာကြသူတို့မှာမူ လူ့ကိုယ်ခန္ဓာဖြင့် ဓမ္မတာအတိုင်း ထမြောက်လာကြလိမ့်မည်။
၁၂။ ‘ကောင်းကင်ကိုယ်များ’ နှင့် ‘မြေကြီးကိုယ်များ’ ဟူသောအခေါ်အဝေါ်ကား အဘယ်အရာကိုဆိုလိုသနည်း။
၁၂ ပေါလုပြောသကဲ့သို့ပင် လူ့အသားသည် တိရစ္ဆာန်အသားနှင့် ကွာခြားပေသည်။ တိရစ္ဆာန်များ၏အသားပင်လျှင် မတူကြချေ။ (ကမ္ဘာဦး ၁:၂၀-၂၅) နာမ်ဝိညာဉ်သတ္တဝါများ၏ ‘ကောင်းကင်ကိုယ်များ’ နှင့် သွေးသား ‘မြေကြီးကိုယ်များ’ ၏ ဂုဏ်အသရေမှာမတူပါ။ နေ၊ လ၊ ကြယ်တို့၏ဂုဏ်အသရေတို့သည်လည်း ကွဲပြားခြားနားကြသည်။ သို့သော် ထမြောက်သော ဘိသိက်ခံတို့မှာမူ ဂုဏ်အသရေသာ၍များစွာရှိကြ၏။
၁၃။ ၁ ကောရိန္သု ၁၅:၄၂-၄၄ အရ အဘယ်အရာသည် စိုက်ခြင်း၊ အဘယ်အရာသည် ထမြောက်ခြင်းခံရသနည်း။
၁၃ ကွဲပြားမှုများကို ဖော်ပြခဲ့ပြီဖြစ်ရာ ပေါလုက ဤသို့ထပ်ဆင့်သည်– “ထိုနည်းတူ သေသောသူတို့၏ ထမြောက်ခြင်းအကြောင်းအရာဖြစ်၏။” (၁ ကောရိန္သု ၁၅:၄၂-၄၄) သူဤသို့ပြောခဲ့သည်– “ကိုယ်သည် စိုက်သောအခါ၊ ပုပ်တတ်သောသဘောရှိ၏။ ထမြောက်သောအခါ မပုပ်နိုင်သောအဖြစ်၌တည်၏။” ဤတွင် အုပ်စုလိုက်အနေဖြင့် ဘိသိက်ခံတို့ကို ပေါလုဆိုလိုနေခြင်းဖြစ်ပေမည်။ သေဆုံးချိန်၌ ပုပ်ပျက်ခြင်းဖြင့်စိုက်ရာ၊ ထမြောက်သောအခါ အပြစ်မှလွတ်ခြင်းဖြစ်သည့် မပုပ်နိုင်သောအဖြစ်၌တည်ရှိ၏။ လောကက ဂုဏ်မတင်ကြသော်လည်း ကောင်းကင်အသက်တာသို့ ထမြောက်ခဲ့ကြကာ ခရစ်တော်နှင့်အတူ ဘုန်းတန်ခိုးထင်ရှားကြရ၏။ (တမန်တော် ၅:၄၁; ကောလောသဲ ၃:၄) သေဆုံး၍စိုက်ခံရသောအခါ “ဇာတိပကတိကိုယ်”၊ ထမြောက်သောအခါ “ဝိညာဏကိုယ်” ဖြစ်၏။ ဝိညာဉ်တော်ဖွားခရစ်ယာန်များကိစ္စတွင် ထိုသို့ဖြစ်နိုင်ခြင်းကြောင့် အခြားသူတို့သည် မြေကြီးပေါ်သို့ အသက်ပြန်ရှင်လာနိုင်ကြောင်း ကျွန်ုပ်တို့ယုံကြည်စိတ်ချနိုင်ပါသည်။
၁၄။ ခရစ်တော်နှင့် အာဒံကို ပေါလု မည်သို့နှိုင်းယှဉ်ပြခဲ့သနည်း။
၁ ကောရိန္သု ၁၅:၄၅-၄၉) ပထမလူအာဒံသည် “အသက်ရှင်သောသတ္တဝါဖြစ်၏။” (ကမ္ဘာဦး ၂:၇) “နောက်ဆုံးဖြစ်သောလူအာဒံ”—ယေရှု—သည် “အသက်ရှင်စေတတ်သောဝိညာဉ်ဖြစ်၏။” ကိုယ်တော်သည် ဦးဆုံးအနေနှင့် ဘိသိက်ခံနောက်လိုက်များအတွက် မိမိ၏အသက်ကို ရွေးနုတ်ဖိုးပူဇော်သကာအဖြစ် ပေးဆက်ခဲ့သည်။ (မာကု ၁၀:၄၅) လူသားအနေဖြင့် သူတို့သည် ‘မြေကြီးသားတို့၏ပုံသဏ္ဌာန်ကို ဆောင်’ ကြသော်လည်း သူတို့ထမြောက်လာကြသောအခါ နောက်ဆုံးအာဒံနှင့် တူသွားကြမည်။ မှန်ပါသည်၊ ယေရှု၏ပူဇော်သကာသည် မြေကြီးပေါ် ရှင်ပြန်ထမြောက်လာကြမည့်သူတို့အပါအဝင် နာခံမှုရှိသူအပေါင်းတို့ကို အကျိုးခံစားစေမည်ဖြစ်သည်။—၁ ယောဟန် ၂:၁၊ ၂။
၁၄ ထို့နောက် ခရစ်တော်နှင့် အာဒံကို ပေါလုနှိုင်းယှဉ်ပြခဲ့၏။ (၁၅။ ဘိသိက်ခံခရစ်ယာန်များသည် အဘယ်ကြောင့် အသွေးအသားဖြင့် မထမြောက်ကြသနည်း၊ ယေရှုရောက်ရှိချိန်အတွင်း သူတို့မည်သို့ထမြောက်ခဲ့ကြသနည်း။
၁၅ ဘိသိက်ခံခရစ်ယာန်များ သေဆုံးသွားသောအခါ သူတို့သည် လူ့အသွေးအသားဖြင့် မထမြောက်လာကြပါ။ (၁ ကောရိန္သု ၁၅:၅၀-၅၃) ပုပ်ပျက်နိုင်သော အသွေးအသားကိုယ်ခန္ဓာသည် မပုပ်ပျက်ခြင်းနှင့် ကောင်းကင်နိုင်ငံတော်ကို အမွေမခံနိုင်ပေ။ ဘိသိက်ခံအချို့သည် သေခြင်း၌ ကြာမြင့်စွာအိပ်ပျော်နေစရာမလိုချေ။ ယေရှုရောက်ရှိချိန်အတွင်း သူတို့၏မြေကြီးအသက်တာကို သစ္စာရှိရှိပြီးစီးသွားခြင်းဖြင့် သူတို့သည် “တစ်ခဏခြင်းတွင် မျက်စိတစ်မှိတ်၌ . . . ပြောင်းလဲခြင်းသို့ရောက်ရကြမည်။” သူတို့သည် မပုပ်မပျက်၊ ဂုဏ်အသရေဖြင့် နာမ်ဝိညာဉ်အသက်တာသို့ ချက်ချင်းထမြောက်ကြလိမ့်မည်။ နောက်ဆုံးတွင် ခရစ်တော်၏ကောင်းကင် “သတို့သမီး” အရေအတွက်မှာ ၁၄၄,၀၀၀ ရှိလိမ့်မည်။—ဗျာဒိတ် ၁၄:၁; ၁၉:၇-၉; ၂၁:၉; ၁ သက်သာလောနိတ် ၄:၁၅-၁၇။
သေခြင်းကို အောင်ခြင်း!
၁၆။ ပေါလုနှင့် အစောပိုင်းပရောဖက်များအရ အပြစ်သားအာဒံမှ အမွေရခဲ့သော သေခြင်း မည်သို့ဖြစ်သွားမည်နည်း။
၁၆ သေခြင်းသည် ထာဝစဉ်ဝါးမျိုခံရမည်ဟု ပေါလုက အောင်မြင်စွာကြွေးကြော်ခဲ့၏။ (၁ ကောရိန္သု ၁၅:၅၄-၅၇) ပုပ်တတ်၍ သေတတ်သောအရာသည် မပုပ်နိုင်သော၊ မသေနိုင်သောအဖြစ်သို့ ဝင်ရောက်သောအခါ “သေခြင်းသည် အောင်ခြင်း၌နစ်မြုပ်ပြီ” ဟူသောစကားများ ပြည့်စုံပေလိမ့်မည်။ “အိုသေမင်း၊ သင်၏လက်နက်သည် အဘယ်မှာရှိသနည်း။ အိုမရဏာနိုင်ငံ၊ သင်၏အောင်ခြင်းသည် အဘယ်မှာရှိသနည်း။” (ဟေရှာယ ၂၅:၈; ဟောရှေ ၁၃:၁၄) သေခြင်းကိုဖြစ်စေသော လက်နက်မှာ အပြစ်ဖြစ်ပြီး အပြစ်၏အမှီသဟဲမှာ အပြစ်ပြုသူတို့ကို သေဒဏ်ချမှတ်သည့် ပညတ်တရားဖြစ်၏။ သို့သော် ယေရှု၏ပူဇော်သကာနှင့် ရှင်ပြန်ထမြောက်ခြင်းကြောင့် အပြစ်သားအာဒံမှအမွေရခဲ့သော သေခြင်းသည် အောင်နိုင်သူဖြစ်တော့မည်မဟုတ်ချေ။—ရောမ ၅:၁၂; ၆:၂၃။
၁၇။ ၁ ကောရိန္သု ၁၅:၅၈ ပါစကားများသည် ယနေ့ မည်သို့သက်ဆိုင်သနည်း။
၁၇ ပေါလုက “ထိုကြောင့် ငါချစ်သောညီအစ်ကိုတို့၊ သင်တို့သည် သခင်ဘုရား၏အမှုတော်ကိုဆောင်ရွက်၍ အကျိုးကြီးသည်ကိုသိမှတ်သဖြင့် တည်ကြည်သောစိတ်နှင့်ပြည့်စုံ၍၊ မရွေ့လျော့ မတိမ်းယိမ်းဘဲလျက်၊ သခင်ဘုရား၏အမှုတော်ကို ကြိုးစားအားထုတ်ကြလော့” ဟုပြောခဲ့သည်။ (၁ ကောရိန္သု ၁၅:၅၈) ထိုစကားများသည် ယနေ့ ဘိသိက်ခံအကြွင်းအကျန်နှင့် ယေရှု၏ “အခြားသိုး” တို့သည် ဤနောက်ဆုံးကာလတွင် သေဆုံးသွားကြလင့်ကစား သူတို့နှင့်သက်ဆိုင်၏။ (ယောဟန် ၁၀:၁၆) သူတို့ကို ရှင်ပြန်ထမြောက်ခြင်းက စောင့်ကြိုလျက်ရှိရာ ဘုရားသခင့်နိုင်ငံတော်ကြေညာသူများအဖြစ် သူတို့၏ဆောင်ရွက်မှုမှာ အချည်းနှီးမဖြစ်ချေ။ သို့ဖြစ်၍ ယေဟောဝါ၏ကျေးကျွန်များအနေနှင့် ကျွန်ုပ်တို့သည် “အိုမရဏာနိုင်ငံ၊ သင်၏အောင်မြင်ခြင်းသည် အဘယ်မှာရှိသနည်း” ဟုဝမ်းမြောက်စွာ ကြွေးကြော်နိုင်သည့်နေ့ရက်ကို စောင့်မျှော်နေစဉ် သခင်ဘုရား၏လုပ်ငန်း၌ ဆက်လက်အလုပ်များနေကြပါစို့။
ထမြောက်ခြင်းမျှော်လင့်ချက် ပြည့်စုံ!
၁၈။ ပေါလု၏ ထမြောက်ခြင်းမျှော်လင့်ချက်သည် မည်မျှခိုင်မြဲသနည်း။
၁၈ ၁ ကောရိန္သု အခန်းကြီး ၁၅ တွင်မှတ်တမ်းတင်ထားသော ပေါလု၏စကားများက ထမြောက်ခြင်းမျှော်လင့်ချက်သည် သူ၏ဘဝအသက်တာ၌ ဩဇာတန်ခိုးရှိကြောင်း ထင်ရှားသည်။ ယေရှုသည် သေခြင်းမှထမြောက်ခဲ့ကြောင်းနှင့် အခြားသူတို့သည်လည်း လူသားတို့သွားရာ သင်္ချိုင်းမှလွတ်မြောက်လာကြလိမ့်မည်ဖြစ်ကြောင်းကို ခြွင်းချက်မရှိ သူယုံကြည်စိတ်ချခဲ့၏။ ယင်းသို့သော ခိုင်မာသည့်ယုံကြည်စိတ်ချမှု သင်၌ရှိပါသလော။ ပေါလုသည် ကိုယ်ကျိုးစီးပွားကို “အမှိုက်သရိုက် [သတင်းကောင်း]” ထင်မှတ်ကာ ‘ခရစ်တော်နှင့် ထမြောက်တော်မူခြင်း၏တန်ခိုး’ ကိုသိကျွမ်းနိုင်မည်အကြောင်း ‘ခပ်သိမ်းသောအရာတို့ကို အရှုံးခံ’ ခဲ့သည်။ တမန်တော်သည် ‘သေခြင်းမှ စောစောထမြောက်ခွင့်’ ကိုရရန်မျှော်လင့်ချက်ဖြင့် ခရစ်တော်ကဲ့သို့ပင် အသေခံဖို့တလိုတလားရှိခဲ့၏။ ယင်းကို “ပထမထမြောက်ခြင်း” ဟုလည်းခေါ်ဆိုကာ ယေရှု၏ ၁၄၄,၀၀၀ ဘိသိက်ခံနောက်လိုက်များ တွေ့ကြုံကြရသည်။ သူတို့သည် ကောင်းကင်၌ နာမ်ဝိညာဉ်အသက်တာသို့ ထမြောက်ကြပြီး “ကြွင်းသောလူသေတို့” သည် စင်စစ်အားဖြင့် မြေကြီးပေါ်သို့ ထမြောက်လာကြလိမ့်မည်။—ဖိလိပ္ပိ ၃:၈-၁၁; ဗျာဒိတ် ၇:၄; ၂၀:၅၊ ၆။
၁၉၊ ၂၀။ (က) သမ္မာကျမ်းစာမှတ်တမ်းမှ အဘယ်သူတို့သည် မြေကြီးအသက်တာသို့ ထမြောက်လာကြမည်နည်း။ (ခ) မည်သူထမြောက်လာမည်ကို သင်စောင့်မျှော်နေပါသနည်း။
၁၉ သေသည့်အထိ သစ္စာစောင့်သိခဲ့ကြသော ဘိသိက်ခံများအတွက် ထမြောက်ခြင်းမျှော်လင့်ချက်သည် အမှန်တကယ်ဂုဏ်အသရေရှိ အဖြစ်မှန်တစ်ခုဖြစ်လာသည်။ (ရောမ ၈:၁၈; ၁ သက်သာလောနိတ် ၄:၁၅-၁၈; ဗျာဒိတ် ၂:၁၀) “ကြီးစွာသောဆင်းရဲ” ကိုကပ်ကျော်သူတို့သည် ‘သမုဒ္ဒရာက မိမိ၌ရှိသောလူသေတို့ကို အပ်ပေး၍ မရဏာနှင့်မရဏာနိုင်ငံသည်လည်း မိမိတို့၌ရှိသောလူသေတို့ကို အပ်ပေးကြ’ ခြင်းကိုတွေ့မြင်သည့်အခါ ကမ္ဘာပေါ် ရှင်ပြန်ထမြောက်ခြင်းမျှော်လင့်ချက် အကောင်အထည်ပေါ်လာခြင်းကို တွေ့ကြရလိမ့်မည်။ (ဗျာဒိတ် ၇:၉၊ ၁၃၊ ၁၄; ၂၀:၁၃) မြေကြီးပေါ် အသက်ရှင်ရာသို့ ထမြောက်လာကြသူတို့တွင် သားခုနစ်ယောက်နှင့် သမီးသုံးယောက်ဆုံးရှုံးခဲ့ရသော ယောဘပါဝင်ပေလိမ့်မည်။ သူတို့ကို ကြိုဆိုရခြင်းအတွက် သူ၏ပျော်ရွှင်မှုကိုစဉ်းစားကြည့်ပါ—သူတို့သည်လည်း နောက်ထပ် ညီအစ်ကိုခုနစ်ယောက်နှင့် ချောမောလှပသော ညီအစ်မသုံးယောက်ရှိကြောင်း သိရခြင်းအတွက် မည်မျှဝမ်းသာလိုက်ကြမည်ဖြစ်ခြင်း!—ယောဘ ၁:၁၊ ၂၊ ၁၈၊ ၁၉; ၄၂:၁၂-၁၅။
၂၀ အာဗြဟံနှင့်စာရာ၊ ဣဇာက်နှင့်ရေဗက္ကာ၊ “ပရောဖက်အပေါင်းတို့” အပါအဝင် အခြားများစွာသောသူတို့သည် မြေကြီးပေါ်သို့ ထမြောက်လာကြခြင်းမှာ တကယ့်ကောင်းချီးပါတကား! (လုကာ ၁၃:၂၈) ထိုပရောဖက်များတွင် တစ်ဦးမှာ မေရှိယအုပ်ချုပ်သည့်အခါ ထမြောက်လိမ့်မည်ဟု ကတိတော်ရရှိခဲ့သည့် ဒံယေလဖြစ်သည်။ လွန်ခဲ့သောနှစ်ပေါင်း ၂,၅၀၀ ခန့်က ဒံယေလသည် သင်္ချိုင်း၌ အနားယူခဲ့ပြီဖြစ်သော်လည်း ထမြောက်ခြင်းအစွမ်းတန်ခိုးဖြင့် သူသည် မကြာမီ “မြေကြီးတစ်ပြင်လုံးတွင် မင်းအရာ၌ခန့်” ထားခြင်းခံရသူတစ်ဦးအဖြစ် ‘သူ၏အရိပ်အရာကိုခံ၍ ပေါ်ရလိမ့်မည်။’ (ဒံယေလ ၁၂:၁၃; ဆာလံ ၄၅:၁၆) ရှေးခေတ်ကသစ္စာရှိသူများကိုသာမက သင့်ထံမှ ရန်သူသေမင်း ခေါ်ဆောင်သွားခဲ့သည့် သင်၏အဖေ၊ အမေ၊ သားသမီး သို့မဟုတ် ချစ်မြတ်နိုးရသော အခြားသူများကိုကြိုဆိုရခြင်းမှာ မည်မျှစိတ်လှုပ်ရှားဖွယ်ကောင်းပါမည်တကား!
၂၁။ ကျွန်ုပ်တို့သည် အခြားသူတို့အတွက် ကောင်းမှုပြုခြင်း၌ အဘယ်ကြောင့်မနှောင့်နှေးသင့်သနည်း။
၂၁ ကျွန်ုပ်တို့၏မိတ်ဆွေများနှင့် ချစ်မြတ်နိုးရသူအချို့သည် ဆယ်စုနှစ်ပေါင်းများစွာ ဘုရားသခင့်အမှုတော်ထမ်းခဲ့ကြကာ အသက်ကြီးရင့်နေကြပြီ။ အိုမင်းခြင်းကြောင့် ဘဝ၏စိန်ခေါ်ချက်များကို သူတို့ရင်ဆိုင်ရခက်ခဲပေလိမ့်မည်။ ယခုအချိန်တွင် ဤသူတို့ကို ကျွန်ုပ်တို့တတ်နိုင်သမျှကူညီပေးခြင်းက တကယ်မေတ္တာပါတကား! သို့ပြုလျှင် သူတို့သည် သေခြင်း၏သားကောင်ဖြစ်ကောင်းဖြစ်ရလျှင် တစ်နည်းနည်းဖြင့် သူတို့အပေါ် တာဝန်မကျေပွန်ခဲ့ဟူ၍ ကျွန်ုပ်တို့နောင်တရစရာအကြောင်း ရှိကြလိမ့်မည်မဟုတ်ချေ။ (ဒေ. ၉:၁၁; ၁၂:၁-၇; ၁ တိမောသေ ၅:၃၊ ၈) သူတို့၏အသက်အရွယ် သို့မဟုတ် အခြေအနေများမည်သို့ပင်ရှိပါစေ အခြားသူတို့အတွက် ကျွန်ုပ်တို့ပြုလုပ်ပေးခဲ့သောကောင်းမှုများကို ယေဟောဝါ ဘယ်သောအခါမျှ မေ့တော်မူမည်မဟုတ်ကြောင်း ကျွန်ုပ်တို့စိတ်ချနိုင်ပါသည်။ ပေါလုက “ငါတို့သည် အဆင်သင့်သည်အတိုင်း ယုံကြည်ခြင်း၏အိမ်သူအိမ်သားတို့၌ အထူးသဖြင့်ကျေးဇူးပြုလျက်၊ ခပ်သိမ်းသောသူတို့အား ကျေးဇူးပြုကြကုန်အံ့။”—ဂလာတိ ၆:၁၀; ဟေဗြဲ ၆:၁၀။
၂၂။ ထမြောက်ခြင်းမျှော်လင့်ချက် မပြည့်စုံမချင်း အဘယ်အရာကိုပြုလုပ်ဖို့ ကျွန်ုပ်တို့စိတ်ပိုင်းဖြတ်ထားသင့်သနည်း။
၂၂ ယေဟောဝါသည် “သနားခြင်းကရုဏာ၏အဘ၊ သက်သာခြင်းအမျိုးမျိုးတို့၏အရှင်” ဖြစ်တော်မူ၏။ (၂ ကောရိန္သု ၁:၃၊ ၄) ကိုယ်တော်၏စကားတော်သည် ကျွန်ုပ်တို့အတွက်နှစ်သိမ့်မှုဖြစ်စေပြီး ဩဇာတန်ခိုးရှိသော ရှင်ပြန်ထမြောက်ခြင်းမျှော်လင့်ချက်နှင့် အခြားသူတို့ကိုနှစ်သိမ့်ပေးရန် ကူညီပေးသည်။ လူသေများ ကမ္ဘာပေါ်သို့ ထမြောက်လာခြင်းဖြင့် ထိုမျှော်လင့်ချက်ပြည့်စုံသည်ကို မျက်မြင်ကိုယ်တွေ့ တွေ့မြင်ရသည့်အထိ ကျွန်ုပ်တို့သည် ရှင်ပြန်ထမြောက်ခြင်း၌ ယုံကြည်ခြင်းရှိခဲ့သော ပေါလုကဲ့သို့ဖြစ်ကြစို့လေ။ ကိုယ်တော်အား ထမြောက်ပေးရန် ဘုရားသခင့်တန်ခိုးတော်ကို မျှော်လင့်သည်အတိုင်း အကျိုးခံစားခဲ့ရသောယေရှုကို အထူးသဖြင့်အတုယူကြပါစို့။ အောက်မေ့ရာ သင်္ချိုင်းဂူများ၌ရှိသူတို့သည် မကြာမီ ခရစ်တော်၏အသံကိုကြား၍ ထွက်လာကြရလိမ့်မည်။ ယင်းက ကျွန်ုပ်တို့ကို နှစ်သိမ့်မှုနှင့် ပျော်ရွှင်မှုဖြစ်ပါလေစေ။ ထိုထက်ကား ကျွန်ုပ်တို့၏သခင် ယေရှုခရစ်အားဖြင့် သေခြင်းကိုအောင်စေခဲ့သော ယေဟောဝါအား ကျွန်ုပ်တို့ ကျေးဇူးတင်ကြပါစို့!
သင့်အဖြေကားအဘယ်နည်း
• ယေရှု၏ထမြောက်ခြင်းနှင့်ပတ်သက်၍ အဘယ်မျက်မြင်သက်သေကို ပေါလုဖော်ပြခဲ့သနည်း။
• “နောက်ဆုံးရန်သူ” ကားမည်သူနည်း၊ မည်သို့ပယ်ရှားခြင်းခံရမည်နည်း။
• ဘိသိက်ခံခရစ်ယာန်များကိစ္စတွင် အဘယ်အရာကိုစိုက်ပြီး အဘယ်အရာထမြောက်သနည်း။
• သမ္မာကျမ်းစာ၌ မှတ်တမ်းတင်ခံရသူတို့ မြေကြီးပေါ်သို့ထမြောက်လာကြသောအခါ သင် မည်သူတို့ကိုတွေ့ဆုံလိုသနည်း။
[လေ့လာရန်မေးခွန်းများ]
[စာမျက်နှာ ၁၆ ပါ ရုပ်ပုံ]
တမန်တော်ပေါလုသည် ရှင်ပြန်ထမြောက်ခြင်းအကြောင်းကို ပိုင်နိုင်စွာထုချေပေးခဲ့
[စာမျက်နှာ ၂၀ ပါ ရုပ်ပုံ]
ယောဘနှင့် သူ၏မိသားစုအပြင် အခြားသူမြောက်မြားစွာတို့၏ ရှင်ပြန်ထမြောက်ခြင်းသည် အတိုင်းမသိများစွာသော ဝမ်းမြောက်မှုကို ဖြစ်စေလိမ့်မည်