မုန်းတီးမှုကို အမြစ်မှနုတ်ပစ်ရန် တစ်ခုတည်းသောနည်းလမ်း
မုန်းတီးမှုကို အမြစ်မှနုတ်ပစ်ရန် တစ်ခုတည်းသောနည်းလမ်း
“စိုးရိမ်ကြောက်ရွံ့မှုမရှိက မုန်းတီးမှုမရှိချေ။ . . . ကျွန်ုပ်တို့ကြောက်သောအရာကို မုန်းတတ်ကြသဖြင့် မုန်းတီးမှု ရှိပါက ကြောက်ရွံ့ ခြင်းကိန်းအောင်းလျက်ရှိ၏။” —စာပေဝေဖန်ရေးသမားနှင့် အယ်ဒီတာ စီရယ်လ် ကွန်နိုလီ။
မုန်းတီးမှုသည် လူတို့၏မသိစိတ်တွင် နက်ရှိုင်းစွာအမြစ်တွယ်နေသည်ဟု လူမှုရေးပညာရှင်အများကယုံကြည်ကြ၏။ လူတို့၏ပင်ကိုသဘောထားအတွင်း “၎င်းစိတ်ထား အတော်များများ စွဲမြဲနေပေမည်” ဟုနိုင်ငံရေးသိပ္ပံပညာရှင်တစ်ဦးကဆိုသည်။
လူ့သဘောထားကို သုတေသနပြုသူများ ထိုသို့ကောက်ချက်ချကြခြင်းမှာ နားလည်နိုင်ပါသည်။ သူတို့လေ့လာစရာ တစ်ခုတည်းသောအကြောင်းမှာ မှုတ်သွင်းခံသမ္မာကျမ်းစာမှတ်တမ်းအရ ယောက်ျားနှင့်မိန်းမတို့သည် “အပြစ်ပါလျက်”၊ “အပြစ်စွဲ” လျက်မွေးလာကြခြင်းဖြစ်သည်။ (ဆာလံ ၅၁:၅) ဖန်ဆင်းရှင်ကိုယ်တော်တိုင်ပင် လွန်ခဲ့သောနှစ်ပေါင်းထောင်ချီအချိန်က မစုံလင်သောလူသားတို့ကို တန်ဖိုးဖြတ်ခဲ့ရာ “မြေကြီးပေါ်မှာ လူအပြစ်ကြီး၍ သူ၏စိတ်နှလုံးအကြံအစည်ရှိသမျှတို့သည် အစဉ်မပြတ်ဆိုးညစ်ခြင်းသက်သက်ရှိကြောင်း . . . သိမြင်တော်မူ” ခဲ့သည်။—ကမ္ဘာဦး ၆:၅။
စိတ်စွန်းကွက်မှု၊ ခွဲခြားမှုနှင့် ၎င်းကြောင့်ဖြစ်ပေါ်လာသည့် မုန်းတီးမှုမှာ လူတို့၏မွေးရာပါမစုံလင်မှုနှင့် တစ်ကိုယ်ကောင်းဆန်မှုတို့ကြောင့်ဖြစ်၏။ (တရားဟောရာ ၃၂:၅) ဝမ်းနည်းစရာကား အဘယ်ပေါ်လစီပင်ရှိပါစေ မည်သည့်လူ့အဖွဲ့ သို့မဟုတ် အစိုးရကမျှ ထိုကိစ္စများနှင့်ပတ်သက်၍ လူ့စိတ်နှလုံးကိုပြောင်းလဲပေးရန် တတ်စွမ်းနိုင်ခြင်းမရှိခဲ့ပေ။ “မည်မျှပင်အစွမ်းအစရှိနေပါစေ အဘယ်ကမ္ဘာ့ပုလိပ်ကမျှ ဘော့စနီးယား၊ ဆိုမားလီးယား၊ လိုင်ဘေးရီးယား၊ ကက်ရှ်မီးယား၊ ကော့ကေးဆပ်၌ သွေးချောင်းစီးခြင်းကို ဖြစ်ပေါ်စေခဲ့သည့် မုန်းတီးမှုများကို ဖယ်ရှားမပေးနိုင်ပါ” ဟု နိုင်ငံခြားသတင်းထောက် ဂျိုဟန်နာမက်ဂီအာရီက ကောက်ချက်ချခဲ့သည်။
သို့သော် ဖြေရှင်းချက်များကို ကျွန်ုပ်တို့စတင်၍မရှာဖွေမီ မုန်းတီးမှုပေါ်လာခဲ့ခြင်း၏ နောက်ဝယ်အကြောင်းကို အခြေခံနားလည်မှုရှိဖို့လိုအပ်သည်။
ကြောက်ရွံ့ခြင်းကြောင့် မုန်းတီးလာခြင်း
မုန်းတီးမှုတွင် ပုံစံအမျိုးမျိုး၊ အတိုင်းအတာအမျိုးမျိုးရှိ၏။ ကလောင်ရှင် အန်ဒရူး စလဗန်က အဆိုပါကိစ္စကို ဤသို့သင့်လျော်စွာအကျဉ်းချုပ်ဖော်ပြသည်– “စိုးရိမ်ကြောက်ရွံ့၍ မုန်းတီးခြင်း၊ စက်ဆုပ်၍သာ မုန်းတီးခြင်း; အာဏာပြသောမုန်းတီးခြင်း၊ တန်ခိုးအာဏာမရှိ၍ မုန်းတီးခြင်း; ကလဲ့စားချေလိုခြင်းနှင့် မနာလိုဝန်တိုခြင်းကြောင့် မုန်းတီးခြင်းတို့ရှိသည်။ . . . ဖိနှိပ်သူ၏မုန်းတီးမှုနှင့် နစ်နာသူ၏မုန်းတီးမှုတို့လည်းရှိသည်။ တမြည့်မြည့်တောက်လောင်နေသော မုန်းတီးမှုနှင့် ပျက်ပြယ်သွားသောမုန်းတီးမှုလည်းရှိ၏။ ပေါက်ကွဲသောမုန်းတီးမှုရှိသကဲ့သို့ ဘယ်သောအခါမျှ မီးမလောင်သည့် မုန်းတီးမှုတို့ရှိပါသည်။”
ကျွန်ုပ်တို့အချိန်၌ မုန်းတီးစွာဆိုင်ပြိုင်တိုက်လှန်မှုကိုဖြစ်ပွားစေသည့် အဓိကအချက်အချို့ကား လူမှုရေး၊ စီးပွားရေးနှင့် အမှန်တကယ်ပင် ပတ်သက်နေသည်။ လူနည်းစုသာ စီးပွားရေးအခြေအနေပိုကောင်းသော နယ်မြေဒေသများတွင် စိတ်စွန်းကွက်မှုပြင်းထန်ပြီး မုန်းတီးခြင်း
ပေါက်ကွဲစရာအကြောင်းများ ဖြစ်ပေါ်လေ့ရှိသည်။ ထို့ပြင် ရပ်ကွက်တစ်ခုအတွင်း နိုင်ငံခြားသားများ မြောက်မြားစွာဝင်လာသဖြင့် ၎င်း၏လူနေမှုအဆင့်အတန်း ထိခိုက်လာစရာအကြောင်းရှိသည့်အခါ မုန်းတီးမှုဖြစ်ပေါ်လေ့ရှိသည်။ဤလူသစ်တို့သည် လစာနည်းနည်းနှင့်အလုပ်လုပ်ကြရာ အလုပ်အကိုင်များကို လုယူကြလိမ့်မည်၊ သို့မဟုတ် ပစ္စည်းဥစ္စာများ၏တန်ဖိုးကို ကျဆင်းစေလိမ့်မည်ဟု အချို့ယူဆကြပေမည်။ ထိုသို့စိုးရိမ်စရာအကြောင်းများ ရှိထိုက်မရှိထိုက်သည်မှာ သီးခြားကိစ္စတစ်ခုဖြစ်သည်။ စီးပွားရေးကျမည်ကို စိုးရိမ်ခြင်းနှင့် ရပ်ကွက်တစ်ခု၏အဆင့်အတန်း သို့မဟုတ် ဘဝပုံစံထိခိုက်မည်ကိုစိုးရိမ်ခြင်းတို့ကား စိတ်စွန်းကွက်မှုနှင့် မုန်းတီးမှုကိုလှုံ့ဆော်ပေးသည့် ဩဇာအရှိန်ကြီးမားသောအချက်များဖြစ်သည်။
မုန်းတီးမှုကိုအမြစ်မှနုတ်ပစ်ခြင်း၏ ပထမခြေလှမ်းကား အဘယ်အရာဖြစ်သင့်သနည်း။ စိတ်သဘောထား ပြောင်းလဲခြင်းဖြစ်သည်။
စိတ်သဘောထားပြောင်းလဲခြင်း
“ပတ်သက်နေသူတို့ကိုယ်တိုင် ဆုံးဖြတ်ပြုလုပ်မှသာလျှင် စစ်မှန်သောပြောင်းလဲမှုရှိနိုင်၏” ဟုမက်ဂီအာရီကပြောဆိုခဲ့သည်။ လူတို့၏ကိုယ်ပိုင်ဆုံးဖြတ်မှုကို မည်သို့ပြောင်းလဲနိုင်မည်နည်း။ မုန်းတီးမှုမဖြစ်ပွားစေရန် တန်ခိုးအပါဆုံး၊ လှုံ့ဆော်မှုအဖြစ်ဆုံးနှင့် တည်မြဲသည့်သြဇာလွှမ်းမိုးမှုအရှိဆုံးအရာမှာ ဘုရားသခင့်စကားတော်၊ သမ္မာကျမ်းစာမှလာကြောင်း အတွေ့အကြုံက ပြသခဲ့ပြီးဖြစ်သည်။ ထိုသို့ဖြစ်ရခြင်းမှာ “ဘုရားသခင်၏နှုတ် [မြွက်] တရားတော်သည် အသက်ရှင်ခြင်း၊ တန်ခိုးနှင့်ပြုပြင်ခြင်း၊ သန်လျက်တကာတို့ထက် ထက်ခြင်းနှင့်ပြည့်စုံသည်ဖြစ်၍၊ အသက်နှင့် စိတ်ဝိညာဉ်ကိုလည်းကောင်း၊ အရိုးဆစ်နှင့် ခြင်ဆီကိုလည်းကောင်း ပိုင်းခြား၍ ထုတ်ချင်းခွင်းတတ်၏။ စိတ်နှလုံးအကြံအစည်များကိုလည်း သိမြင်တတ်” သောကြောင့်ဖြစ်သည်။—ဟေဗြဲ ၄:၁၂။
ဝန်ခံရမည်မှာ စိတ်စွန်းကွက်မှုနှင့် မုန်းတီးမှုကို အမြစ်မှဆွဲနုတ်ပစ်ခြင်းသည် အလိုအလျောက် သို့မဟုတ် ညတွင်းချင်း မဖြစ်နိုင်ပေ။ သို့သော် ယင်းကို ဖြစ်စေနိုင်ပါသည်။ စိတ်နှလုံးများကို စေ့ဆော်၍ ကိုယ်ကိုကိုယ်သိသောစိတ်များကို အကဲဆတ်စေခြင်း၌စွမ်းပကားကြီးသူ ယေရှုခရစ်သည် လူတို့ကို ပြောင်းလဲစေနိုင်ခဲ့သည်။ ယေရှုခရစ်၏ ဤပညာရှိဆုံးမစကားကို အောင်မြင်စွာလိုက်လျှောက်နိုင်ခဲ့သူ သန်းပေါင်းများစွာရှိနေပေပြီ– “သင်တို့၏ရန်သူတို့ကိုချစ်ကြလော့။ သင်တို့ကိုကျိန်ဆဲသောသူတို့အား မေတ္တာပို့ ကြလော့။”—မဿဲ ၅:၄၄။
မဿဲ ၉:၉; ၁၁:၁၉) ထိုထက်မက ယေရှုသည် ယခင်က ဝိုင်းပယ်ထား၍ မုန်းတီးခံရသည့် ထောင်နှင့်ချီသော တစ်ပါးအမျိုးသားမြောက်မြားစွာပါဝင်လာမည့် စင်ကြယ်သောဝတ်ပြုရေး နည်းလမ်းတစ်ရပ်ကိုတည်ထောင်ခဲ့သည်။ (ဂလာတိ ၃:၂၈) ထိုစဉ်က လူတို့သိထားကြသည့် ကမ္ဘာတစ်ဝန်းမှသူတို့သည် ယေရှုခရစ်၏နောက်လိုက်များ ဖြစ်လာကြ၏။ (တမန်တော် ၁၀:၃၄၊ ၃၅) ထိုသူတို့သည် သူတို့၏ထူးကဲသောမေတ္တာကြောင့် ကျော်ကြားလာခဲ့ကြသည်။ (ယောဟန် ၁၃:၃၅) မုန်းတီးစိတ်ပြင်းထန်သူတို့သည် ယေရှု၏တပည့်ဖြစ်သူ သတေဖန်ကို ကျောက်ခဲဖြင့်ပေါက်သတ်သောအခါ သူ၏နောက်ဆုံးစကားမှာ ဤသို့ဖြစ်သည်– ‘[“ယေဟောဝါ၊” ကဘ] ဤသူတို့ပြုသောအပြစ်ကို မှတ်တော်မမူပါနှင့်။’ သတေဖန်သည် မိမိကို မုန်းတီးသူတို့အတွက် အကောင်းဆုံးအရာဖြစ်စေလိုခဲ့သည်။—တမန်တော် ၆:၈-၁၄; ၇:၅၄-၆၀။
ယေရှုသည် သူ၏သွန်သင်ချက်များနှင့်အညီ မိမိယုံကြည်စိတ်ချရဆုံး မိတ်ဆွေများတွင် ယခင်က အခွန်ခံတစ်ဦးဖြစ်၍ ဂျူးအသိုင်းအဝိုင်းမှ စွန့်ပစ်ထားခံခဲ့ရ၍ အမုန်းခံရသူ မဿဲကိုပါဝင်စေခဲ့သည်။ (မျက်မှောက်ခေတ် စစ်မှန်သောခရစ်ယာန်များလည်း သူတို့၏ခရစ်ယာန်ညီအစ်ကိုများကိုသာမက သူတို့အား မုန်းတီးသူတို့ကိုပင် ကောင်းမှုပြုရန် ယေရှု၏ဆုံးမစကားကို အလားတူနာခံပြုမူခဲ့ကြသည်။ (ဂလာတိ ၆:၁၀) သူတို့သည် မိမိတို့၏ဘဝအသက်တာမှ မုန်းတီးမှုရန်ငြိုး မရှိစေရန် ကြိုးစားလျက်ရှိကြသည်။ သူတို့ထဲတွင် မုန်းတီးမှုဖြစ်ပေါ်စေနိုင်သည့် ဩဇာသက်ရောက်မှုများကို အသိအမှတ်ပြုကြကာ အပြုသဘောပါပါ ပြုမူဆောင်ရွက်လျက် မုန်းတီးခြင်းကို ချစ်ခြင်းဖြင့်အစားထိုးကြသည်။ မှန်ပါသည်၊ ရှေးခေတ်ပညာရှိတစ်ဦး ပြောခဲ့သကဲ့သို့ပင် “မုန်းသောစိတ်သည် ရန်တွေ့ရာသို့တိုက်တွန်းတတ်၏။ ချစ်သောစိတ်မူကား ခပ်သိမ်းသောအပြစ်တို့ကို ဖုံးအုပ်တတ်၏။”—သု. ၁၀:၁၂။
တမန်တော်ယောဟန်က ဤသို့ဖော်ပြခဲ့သည်– “မိမိညီအစ်ကိုကိုမုန်းသောသူမည်သည်ကား၊ လူအသက်ကိုသတ်သောသူဖြစ်၏။ လူအသက်ကိုသတ်သောသူတစ်စုံတစ်ယောက်၌မျှ ထာဝရအသက်မတည်သည်ကို သင်တို့သိကြ၏။” (၁ ယောဟန် ၃:၁၅) ၎င်းကို ယေဟောဝါသက်သေများ ယုံကြည်လက်ခံထားကြသည်။ ရလဒ်အဖြစ် သူတို့သည် လူမျိုးစု၊ ယဉ်ကျေးမှု၊ ဘာသာရေးနှင့် နိုင်ငံရေးနောက်ခံမျိုးမျိုးမှ စုဝေးလာကြရာ တစ်စုတစ်စည်းတည်းရှိ၊ မုန်းတီးမှုမရှိသော စစ်မှန်သည့် ကမ္ဘာချီညီအစ်ကိုများအသင်းအပင်းတစ်ခုဖြစ်နေကြပြီ။—ပူးတွဲပါလေးထောင့်ကွက်များရှု။
မုန်းတီးမှု အမြစ်မှနုတ်ပစ်ခံရလိမ့်မည်!
‘အဲ့ဒါက ပတ်သက်နေသူတွေအတွက်တော့ ဟုတ်ပါတယ်၊ ဒါပေမဲ့ အဲ့ဒါက ကျွန်ုပ်တို့ကမ္ဘာပေါ်ကနေ မုန်းတီးမှုပျောက်သွားစေမှာမဟုတ်ဘူး’ ဟုသင်ဆိုပေလိမ့်မည်။ မှန်ပါသည်၊ သင့်နှလုံးထဲ မုန်းတီးမှုမရှိလင့်ကစား သင်သည် ယင်း၏သားကောင်ဖြစ်နိုင်၏။ ထို့ကြောင့် ဤကမ္ဘာချီပြဿနာအတွက် စစ်မှန်သောဖြေရှင်းချက်ရရှိရန် ဘုရားသခင်ကိုကျွန်ုပ်တို့မျှော်ကိုးအားထားကြရမည်။
များမကြာမီ ဤကမ္ဘာမြေကြီးပေါ်မှ မုန်းတီးမှုရှိရှိသမျှ ပယ်ရှားပစ်ဖို့ ဘုရားသခင်ရည်ရွယ်ထားတော်မူ၏။ ကျွန်ုပ်တို့အား တောင်းလျှောက်ရန် ယေရှုသင်ကြားပေးခဲ့သော ကောင်းကင်အစိုးရ၏ အုပ်မဿဲ ၆:၉၊ ၁၀။
ချုပ်မှုအောက်တွင် ထိုသို့ဖြစ်ပျက်လာလိမ့်မည်– “ကောင်းကင်ဘုံ၌ရှိတော်မူသော အကျွန်ုပ်တို့အဘ၊ ကိုယ်တော်၏နာမတော်အား ရိုသေလေးမြတ်ခြင်းရှိပါစေသော။ နိုင်ငံတော်တည်ထောင်ပါစေသော။ အလိုတော်သည် ကောင်းကင်ဘုံ၌ပြည့်စုံသကဲ့သို့ မြေကြီးပေါ်မှာပြည့်စုံပါစေသော။”—ထိုဆုတောင်းချက်သည် အပြည့်အဝဖြေကြားခံရသောအခါ မုန်းတီးမှုဖြစ်ပွားစေသည့်အခြေအနေများ လုံးဝရှိတော့မည်မဟုတ်။ ယင်းကိုအခွင့်ကောင်းယူသည့်အခြေအနေများ ပယ်ရှင်းခံရလိမ့်မည်။ ဝါဒဖြန့်မှု၊ လျစ်လျူရှုမှုနှင့် စိတ်စွန်းကွက်မှုများအစား ထွန်းလင်းမှု၊ အမှန်တရားနှင့် ဖြောင့်မတ်ခြင်းရှိပေလိမ့်မည်။ ထိုအခါ ဘုရားသခင်သည် အမှန်တကယ်ပင် “မျက်စိ၌မျက်ရည်ရှိသမျှတို့ကို သုတ်တော်မူမည်။ နောက်တစ်ဖန် သေဘေးမရှိရ။ စိတ်မသာညည်းတွားခြင်း၊ အော်ဟစ်ခြင်း၊ ပင်ပန်းခြင်းလည်းမရှိရ။”—ဗျာဒိတ် ၂၁:၁-၄။
ယခု သာ၍ကောင်းသောသတင်းရှိသေးသည်တကား! ကျွန်ုပ်တို့သည် ‘နောက်ဆုံးကာလ’ တွင် အသက်ရှင်နေကြရကြောင်း ငြင်း၍မရနိုင်သည့်သာဓကများ ရှိလေသည်။ သို့ဖြစ်၍ များမကြာမီ ဘုရားသခင်ရေးရာမဆန်သောမုန်းတီးမှုသည် ဤကမ္ဘာမြေပေါ်မှ ပျောက်ကွယ်သွားမည်ဖြစ်ကြောင်း ကျွန်ုပ်တို့ ယုံကြည်စိတ်ချနိုင်ကြသည်။ (၂ တိမောသေ ၃:၁-၅; မဿဲ ၂၄:၃-၁၄) ဘုရားသခင် ကတိထားတော်မူသောကမ္ဘာသစ်၌ လူသားထုသည် စုံလင်ခြင်းသို့ ပြန်ရောက်ကြမည်ဖြစ်သောကြောင့် စစ်မှန်သောညီအစ်ကိုအသင်းအပင်းစိတ်ဓာတ်ရှိလိမ့်မည်။—လုကာ ၂၃:၄၃; ၂ ပေတရု ၃:၁၃။
သို့သော် သင်သည် စစ်မှန်သောညီအစ်ကိုအသင်းအပင်းတွင်မွေ့လျော်ရန် ထိုအချိန်အထိ စောင့်နေစရာမလိုချေ။ အမှန်မှာ၊ ပူးတွဲပါမှတ်တမ်းများတွင် ဖော်ပြထားသည်အတိုင်း မုန်းတီးမှုပြည့်နှက်နေနိုင်သည့် သန်းပေါင်းများစွာသောသူတို့၏နှလုံးထဲတွင် ခရစ်ယာန်မေတ္တာ အစားထိုးရှိနေသည်ကို တွေ့ခဲ့ကြရပြီ။ ထိုမေတ္တာရှိသောညီအစ်ကိုအသင်းအပင်းတွင် သင်လည်း တစ်ဦးအပါအဝင်ဖြစ်လာရန် သင့်အားဖိတ်ခေါ်ပါသည်!
[စာမျက်နှာ ၇ လေးထောင့်ကွက်]
“ယေရှု ဘာလုပ်ခဲ့မည်နည်း”
၁၉၉၈ ခုနှစ်၊ ဇွန်လတွင် အမေရိကန်ပြည်ထောင်စု၊ တက္ကဆက်ပြည်နယ်ကျေးလက်ဒေသ၌ လူဖြူသုံးဦးသည် လူမည်းဖြစ်သော ဂျိန်းမ်စ် ဘာ့ဒ် ဂျူနီယာကိုတိုက်ခိုက်ခဲ့ကြ၏။ သူတို့သည် ဂျိန်းမ်စ်ကို ဝေးခေါင်၍ လူမနေသောနေရာတစ်ခုသို့ ခေါ်ဆောင်သွားကာ ရိုက်နှက်ပြီး ခြေထောက်ကိုသံကြိုးဖြင့် ပူးချည်ခဲ့ကြသည်။ ထိုနောက် ထရပ်ကားတွင်ချိတ်ဆွဲကာ သူ၏ကိုယ်ခန္ဓာမှာ ရေမြောင်းဖြင့်ရိုက်မိသည့်အထိ လမ်းတစ်လျှောက်သုံးမိုင် တရွတ်တိုက်ဆွဲခေါ်သွားသည်။ ယင်းသည် ထိုဆယ်စုနှစ်အတွင်း (၁၉၉၀ ပြည့်လွန်နှစ်များ) မုန်းတီးခြင်းကြောင့်ဖြစ်ပွားသော ကြောက်စရာအကောင်းဆုံး ရာဇဝတ်မှုဟု ခေါ်ဆိုခဲ့၏။
ဂျိန်းမ်စ် ဘာ့ဒ်၏ညီအစ်မသုံးယောက်မှာ ယေဟောဝါသက်သေများဖြစ်ကြသည်။ ဤကြောက်မက်ဖွယ် ပြစ်မှုကျူးလွန်သူများအပေါ် သူတို့ အဘယ်သဘောထားရှိကြသနည်း။ တစ်လေသံတည်းဖြင့် သူတို့ ဤသို့ပြောဆိုခဲ့ကြသည်– “ကိုယ်ချစ်မြတ်နိုးရသူတစ်ဦး နှိပ်စက်ညှဉ်းပန်း၊ မင်းမဲ့စရိုက်ပြုမူခံခဲ့ရတယ်ဆိုတာဟာ စဉ်းစားလို့မရနိုင်လောက်အောင် ဆုံးရှုံးမှုနဲ့ နာကျင်မှုတစ်ခုဖြစ်ပါတယ်။ ဒီလိုရက်စက်ကြမ်းကြုတ်တဲ့လုပ်ရပ်ကို ဘယ်လိုတုံ့ပြန်မလဲ။ လက်စားချေမယ်၊ ခါးခါးသီးသီးပြောဆိုမယ်၊ ဒါမှမဟုတ် မုန်းတီးမှုအပြည့်နဲ့ဝါဒဖြန့်မယ်လို့ ကျွန်မတို့တစ်ခါမှမစဉ်းစားမိဘူး။ ‘ယေရှု ဘာလုပ်လိမ့်မလဲ။ ကိုယ်တော် ဘယ်လိုတုံ့ပြန်မလဲ’ လို့ပဲ ကျွန်မတို့စဉ်းစားခဲ့ကြတယ်။ အဖြေကတော့ ရှင်းရှင်းလေးပါပဲ။ ကိုယ်တော့်ရဲ့သတင်းတရားဟာ ငြိမ်းချမ်းမှုနဲ့ မျှော်လင့်ချက်ပဲဖြစ်ပါလိမ့်မယ်။”
သူတို့၏စိတ်နှလုံးထဲတွင် အမုန်းပွားခြင်းကိုတားဆီးသည့် အကူအညီပေးသော ကျမ်းစာကိုးကားချက်များမှတစ်ခုမှာ ရောမ ၁၂:၁၇-၁၉ ဖြစ်သည်။ တမန်တော်ပေါလုက ဤသို့ရေးသားခဲ့၏– “အဘယ်သူကိုမျှ ရန်တုံ့မမူကြနှင့်။ . . . သင်တို့သည် တတ်နိုင်သမျှအတိုင်း လူအပေါင်းတို့နှင့် အသင့်အတင့်နေကြလော့။ ချစ်သူတို့၊ သူတစ်ပါးသည် သင်တို့ကိုပြစ်မှားလျှင်၊ ကိုယ်တိုင်အပြစ်ပြန်၍မတုံ့ကြနှင့်။ အမျက်တော်ကိုအခွင့်ပေးကြလော့။ ကျမ်းစာလာသည်ကား၊ ‘ငါသည် အပြစ်တရားကိုစီရင်ပိုင်၏။ အပြစ်နှင့်အလျောက် ငါဆပ်ပေးမည်’ ဟုထာဝရဘုရားမိန့်တော်မူ၏။”
သူတို့ကဤသို့ဆက်ပြောသည်– “မတရားမှုအချို့၊ ဒါမှမဟုတ် ရာဇဝတ်မှုအချို့ဟာ အတော့်ကိုဆိုးရွားလွန်းလို့ ‘သင့်ကိုခွင့်လွှတ်ပါတယ်’ လို့ဆိုပြီး မေ့ပစ်လိုက်ဖို့ခက်မယ်ဆိုတာကို ကျွန်မတို့ရဲ့စာပေတွေထဲမှာ ရေးသားထားတဲ့ လက်တွေ့ကျဖော်ပြချက်တွေကို ပြန်မှတ်မိခဲ့ကြတယ်။ ဒီလိုကိစ္စမျိုးမှာ ခွင့်လွှတ်မှုဆိုတာဟာ ကိုယ့်ဘဝဆက်လျှောက်နိုင်ဖို့ နာကြည်းမှုကို စိတ်ထဲကနေဖျောက်ပစ်လိုက်ပြီး ရန်ငြိုးသိုတဲ့အတွက် ခန္ဓာပိုင်းဖြစ်စေ၊ စိတ်ပိုင်းဆိုင်ရာဖြစ်စေ ရောဂါမရဖို့ပဲဖြစ်တယ်။” မုန်းတီးမှုကို အမြစ်တွယ်မသွားစေဖို့ကာကွယ်ရာ၌ သမ္မာကျမ်းစာ၏တန်ခိုးပါသော ထူးချွန်သည့်သက်သေခံချက်တစ်ရပ်ပါတကား!
[စာမျက်နှာ ၆ လေးထောင့်ကွက်]
ရန်လိုမုန်းတီးမှုမှ ခင်မင်ရင်းနှီးမှုသို့
မကြာသေးမီနှစ်များအတွင်း ဂရိနိုင်ငံတွင် အလုပ်အကိုင်ရှာသူများ ထောင်နှင့်ချီ ပြောင်းရွှေ့လာခဲ့ကြသည်။ သို့သော် ကျပ်တည်းလာသောစီးပွားရေးအခြေအနေက အလုပ်ရဖို့အခွင့်အလမ်းများကို လျော့နည်းသွားစေရာ ယင်းကြောင့် အလုပ်ရရန် အပြင်းအထန်ကြိုးစားအားထုတ်ကြရ၏။ ၎င်း၏ရလဒ်မှာ လူမျိုးနွယ်စုအသီးသီးအတွင်း အကြီးအကျယ်ရန်လိုမုန်းတီးမှုဖြစ်ပွားရလေသည်။ စံနမူနာတစ်ခုမှာ အယ်လ်ဘေးနီးယားနှင့် ဘူလ်ဂေးရီးယားနိုင်ငံများမှ ပြောင်းရွှေ့လာသူတို့စပ်ကြား ပြိုင်ဆိုင်မှုရှိခြင်းဖြစ်သည်။ ဂရိနိုင်ငံ၏နယ်မြေဒေသများစွာ၌ ဤအုပ်စုနှစ်ခုအကြား ပြိုင်ဆိုင်မှုအပြင်းအထန်ဖြစ်လာခဲ့၏။
ပဲလိုပေါ်နီးစော့စ်အရှေ့တောင်ပိုင်း ကီဧတိုမြို့ငယ်လေးတွင် ဘူလ်ဂေးရီးယားလူမျိုးမိသားစုတစ်စုနှင့် အယ်လ်ဘေးနီးယားအမျိုးသားတစ်ဦးသည် ယေဟောဝါသက်သေများနှင့် သမ္မာကျမ်းစာကို စတင်လေ့လာခဲ့ကြရာ တစ်ဦးနှင့်တစ်ဦးရင်းနှီးသိကျွမ်းသွားကြသည်။ သမ္မာကျမ်းစာမူများကို လက်တွေ့လိုက်နာခြင်းက ဤအုပ်စုနှစ်စုရှိ လူအများတွင်ရှိကြသည့် ရန်လိုမုန်းတီးမှုကို အရည်ပျော်စေခဲ့သည်။ ဤသူများအတွင်း ညီအစ်ကိုရင်းပမာ စစ်မှန်သောခင်မင်ရင်းနှီးမှုလည်း ရှိလာခဲ့ကြသည်။ ဘူလ်ဂေးရီးယားလူမျိုးဖြစ်သော အီဗန်သည် အယ်လ်ဘေးနီးယားလူမျိုးဖြစ်သော လူလစ္စကိုကူညီပေးကာ အီဗန်၏အိမ်နားတွင် နေထိုင်စရာအိမ်ရှာဖွေပေးခဲ့၏။ ထိုမိသားစုနှစ်စုသည် အစားအသောက်ကိုသာမက သူတို့၏ပိုင်ဆိုင်ရာပစ္စည်းအနည်းငယ်ကိုပင် မျှဝေသုံးစွဲလေ့ရှိကြ၏။ ယခု ထိုအမျိုးသားနှစ်ဦးစလုံး နှစ်ခြင်းခံပြီးသော ယေဟောဝါသက်သေများဖြစ်ကြပြီး သတင်းကောင်းဟောပြောခြင်း၌ အတူတကွပါဝင်ဆောင်ရွက်နေကြသည်။ ဤခရစ်ယာန်ခင်မင်ရင်းနှီးမှုကို အိမ်နီးချင်းများ သတိမပြုမိဘဲနေမည်မဟုတ်သည်မှာ ပြောစရာမလိုချေ။
[စာမျက်နှာ ၇ ပါ ရုပ်ပုံ]
ဘုရားသခင့်နိုင်ငံတော်အောက်တွင် မုန်းတီးမှုရှိရှိသမျှ ကမ္ဘာမြေကြီးပေါ်မှ ဖယ်ရှားခံရလိမ့်မည်