ပင်လယ်သေကျမ်းလိပ်များ ၎င်းတို့ကိုသင်အဘယ်ကြောင့်စိတ်ဝင်စားသင့်သနည်း
ပင်လယ်သေကျမ်းလိပ်များ ၎င်းတို့ကိုသင်အဘယ်ကြောင့်စိတ်ဝင်စားသင့်သနည်း
ပင်လယ်သေကျမ်းလိပ်များကို မတွေ့ ရှိမီ ဟေဗြဲကျမ်းစောင်များမှ ရှေးအကျဆုံးစာမူများမှာ စီ.အီး. ကိုးရာစုနှင့် ဆယ်ရာစုခန့်ကဖြစ်သည်။ ဟေဗြဲကျမ်းစောင်များကို အစောပိုင်းနှစ်ပေါင်းတစ်ထောင်ကျော်ကတည်းက ရေးသားခဲ့ပြီးဖြစ်ရာ ဤစာမူများသည် ဘုရားသခင့်နှုတ်မြွက်စကားတော်ကို တိကျမှန်ကန်စွာ အဆင့်ဆင့်ကူးရေးလာခြင်းဖြစ်ကြောင်း အမှန်တကယ်စိတ်ချနိုင်မည်လော။ ပင်လယ်သေကျမ်းလိပ်များဆိုင်ရာ နိုင်ငံတကာအယ်ဒီတာများအသင်း၏ အဖွဲ့ဝင်တစ်ဦးဖြစ်သူ ပါမောက္ခ ဟူလီအို ထရီဘိုလ် ဘယ်ရာရာက ဤသို့ပြောပြသည်– “အနှစ်တစ်ထောင်ကျော်ကာလတစ်လျှောက် ဂျူးမိတ္တူကူးသူများ အဆင့်ဆင့်ကူးယူခဲ့သော သမ္မာကျမ်းဆိုင်ရာစာသားသည် အလွန်ပင်တိကျမှန်ကန် စေ့စပ်သေချာကြောင်း [ကွမ္မရန်မှ] ဟေရှာယကျမ်းလိပ်က မငြင်းသာနိုင်သောသက်သေကို ဖြစ်ပေါ်စေသည်။”
ဘယ်ရာရာရည်ညွှန်းသောကျမ်းလိပ်မှာ ဟေရှာယကျမ်းစောင်အစအဆုံးပါဝင်၏။ ယနေ့အထိတွင်ကွမ္မရန်၌တွေ့ရှိခဲ့သော သမ္မာကျမ်းဆိုင်ရာစာမူ ၂၀၀ ကျော်တို့တွင် ဧသတာကျမ်းစောင်မှလွဲ၍ ဟေဗြဲကျမ်းစောင်တိုင်းမှ အစိတ်အပိုင်းများကို ဖော်ထုတ်နိုင်ခဲ့သည်။ ဟေရှာယကျမ်းလိပ်နှင့်မတူဘဲ အများစုသည် အပိုင်းအစများသာဖြစ်ပြီး ကျမ်းစောင်တစ်စောင်၏ ဆယ်ပုံပုံတစ်ပုံမျှပင်မပါဝင်ပါ။ ကွမ္မရန်တွင် အများဆုံးတွေ့ရှိသောသမ္မာကျမ်းစာစောင်များမှာ ဆာလံကျမ်း (စာမူ ၃၆ စောင်)၊ တရားဟောရာ (စာမူ ၂၉ စောင်) နှင့် ဟေရှာယ (စာမူ ၂၁ စောင်) တို့ဖြစ်သည်။ ခရစ်ယာန်ဂရိကျမ်းတွင် အများဆုံးရည်ညွှန်းကိုးကားခဲ့သော စာစောင်များမှာလည်း ဤကျမ်းစောင်များပင်ဖြစ်သည်။
သမ္မာကျမ်းစာသည် အခြေခံသဘောအရ ပြောင်းလဲမှုမရှိကြောင်း ထိုကျမ်းလိပ်များက ဖော်ပြသော်လည်း ဒုတိယဝတ်ပြုရာအိမ်တော် ရှိချိန်ကာလတွင် ဂျူးတို့အသုံးပြုခဲ့ကြသော ဟေဗြဲကျမ်းစောင်များမှာ တစ်ခုနှင့်တစ်ခု အနည်းအကျဉ်းခြားနားကြောင်း ၎င်းတို့ကဖော်ပြသေးသည်။ ကျမ်းလိပ်အားလုံးသည် မက်စိုရက်တစ်ကျမ်းနှင့် စာလုံးပေါင်းချင်းသော်လည်းကောင်း၊ စကားလုံးအသုံးအနှုန်းသော်လည်းကောင်း တစ်ထပ်တည်းမဟုတ်ပေ။ အချို့သည် ဂရိစက်ပ်တွားဂျင့်ကျမ်းနှင့် သာ၍တူညီသည်။ ကျမ်းပညာရှင်များသည် စက်ပ်တွားဂျင့်ကျမ်းခြားနားနေရခြင်းမှာ မှား၍ သို့မဟုတ် ဘာသာပြန်က တမင်ထွင်ခြင်းသက်သက်ပင် ဖြစ်လိမ့်မည်ဟု ယခင်ကယူဆခဲ့ကြ၏။ ယခုမူ ဤသို့ခြားနားမှုများစွာဖြစ်ရခြင်းမှာ အမှန်တကယ်အားဖြင့် ဟေဗြဲစာသားတွင် ကွာခြားချက်တို့ရှိခြင်းကြောင့်ဖြစ်ကြောင်း အဆိုပါကျမ်းလိပ်များက ဖော်ပြသည်။ ယင်းက အချို့ကိစ္စများတွင် အစောပိုင်းခရစ်ယာန်များသည် ဟေဗြဲကျမ်းစောင်များကိုကိုးကားရာ၌ မက်စိုရက်တစ်ကျမ်းနှင့်ခြားနားသော စကားလုံးအသုံးအနှုန်းကို အဘယ်ကြောင့်အသုံးပြုခဲ့ကြောင်း ရှင်းလင်းစေပေမည်။—ထွက်မြောက်ရာ ၁:၅; တမန်တော် ၇:၁၄။
သို့ဖြစ်၍ သမ္မာကျမ်းဆိုင်ရာကျမ်းလိပ်များနှင့် အပိုင်းအစများ၏ ဤတန်ဖိုးရှိ ရှာဖွေတွေ့ရှိချက်က ဟေဗြဲကျမ်းစာစောင်များမှ အဆင့်ဆင့်ကူးရေးလာခြင်းကို လေ့လာမှုပြုရန်အတွက် အလွန်ကောင်းမွန်သောအခြေခံတစ်ရပ်ဖြစ်စေသည်။ ပင်လယ်သေကျမ်းလိပ်များက စာသားကိုနှိုင်းယှဉ်ရန်အတွက် စက်ပ်တွားဂျင့်ကျမ်းနှင့် ရှမာရိတို့၏ပင်တကျွတ်ကျမ်း နှစ်ခုစလုံးတန်ဖိုးရှိကြောင်း စိတ်ချစေသည်။ ၎င်းတို့သည် မက်စိုရက်တစ်ကျမ်းကို သမ္မာကျမ်းစာသာသာပြန်ဆိုသူများ ပိုမိုတိုးတက်ပြုပြင်နိုင်ရန်အတွက် နောက်ထပ်အထောက်အကူဖြစ်စေသောရင်းမြစ်ဖြစ်၏။ ဖြစ်ရပ်အတော်များများတွင် မက်စိုရက်တစ်ကျမ်းမှ ယေဟောဝါ၏နာမတော် ထုတ်ပယ်ခဲ့ကြသောနေရာများ၌ နဂိုအတိုင်းပြန်လည်ထည့်သွင်းပေးရန် ကမ္ဘာသစ်ဘာသာပြန်ကျမ်း ကော်မတီ၏ဆုံးဖြတ်ချက်များကို ယင်းတို့က အတည်ပြုစေခဲ့သည်။
ဟေရှာယ ၄၀:၃ ပါ ယေဟောဝါ၏လမ်းခရီးတော်ကို ဖြောင့်စေသော တော၌ဟစ်ကြော်သံမှာ မိမိတို့၌ပြည့်စုံ၏ဟု မှားယွင်းစွာသဘောပေါက်ခဲ့ကြသည်။ ရောက်ရှိလာတော့မည်ဟု ကလောင်ရှင်များယူမှတ်သည့် မေရှိယကို ကျမ်းလိပ်အပိုင်းအစအတော်များများက ရည်ညွှန်းထားသည်။ မေရှိယ၏ရောက်ရှိခြင်းကို “လူများတို့သည်မျှော်လင့်” ကြကြောင်း လုကာ၏အစီရင်ခံချက်ကြောင့် ယင်းသည် အထူးစိတ်ဝင်စားစရာကောင်း၏။—လုကာ ၃:၁၅။
ကွမ္မရန်ဂိုဏ်း၏ စည်းမျဉ်းများနှင့် ယုံကြည်ချက်များကိုဖော်ပြသော ထိုကျမ်းလိပ်များက ယေရှုအချိန်၌ ဂျူးဘာသာရေးစနစ်တစ်ခုတည်းသာရှိခြင်းမဟုတ်ကြောင်း အလွန်ထင်ရှားစေသည်။ ကွမ္မရန်ဂိုဏ်း၏ ထုံးစံဓလေ့များသည် ဖာရိရှဲနှင့် ဇဒ္ဒုကဲတို့၏ ဓလေ့ထုံးစံများနှင့် ခြားနားသည်။ ဤခြားနားချက်များကြောင့် အဆိုပါဂိုဏ်းသည် တောကန္တာရထဲသို့ ရှောင်ထွက်ခဲ့ကြရခြင်း ဖြစ်နိုင်ဖွယ်ရှိ၏။ သူတို့သည်ပင်လယ်သေကျမ်းလိပ်များက ယေရှုဟောပြောခဲ့ချိန်အတွင်း ဂျူးတို့၏ဘဝနောက်ခံဝန်းကျင်ကို အတော်အတန်နားလည်သဘောပေါက်စေရန် ကူညီပေးသည်။ ယင်းတို့သည် ရှေးဟေဗြဲနှင့် သမ္မာကျမ်းစာသားကို လေ့လာရန်အတွက် နှိုင်းယှဉ်နိုင်သောသတင်းအချက်အလက်များကိုပေးသည်။ သို့သော် ပင်လယ်သေကျမ်းလိပ်များစွာ၏ စာသားကို ပိုမိုခွဲခြမ်းစိတ်ဖြာလေ့လာရန် လိုအပ်နေသေးသည်။ သို့ဖြစ်၍ အသစ်သောထိုးထွင်းသိမြင်မှုများ နောက်ထပ်ရရှိပေဦးမည်။ ၂၁ ရာစုထဲ ကျွန်ုပ်တို့ဆက်ဝင်စဉ် ၂၀ ရာစု၌ အထူးခြားဆုံး ရှေးဟောင်းသုတေသနတွေ့ရှိချက်သည် ကျမ်းပညာရှင်များနှင့် သမ္မာကျမ်းစာကျောင်းသားများ နှစ်ဖွဲ့စလုံးကို ဆက်၍စိတ်လှုပ်ရှားမှုဖြစ်စေသည်။
[Picture Credit Lines on page 7]
ကွမ္မရန်တူးဖော်တွေ့ရှိချက်များ– Pictorial Archive (Near Eastern History) Est.; စာမူ– Courtesy of Shrine of the Book, Israel Museum, Jerusalem